الأخبار
منوعات سودانية
افراح وريماز خارج الاستديو..التشكيلة النهائية لبرنامج اغاني واغاني في شهر رمضان
افراح وريماز خارج الاستديو..التشكيلة النهائية لبرنامج اغاني واغاني في شهر رمضان


04-17-2014 08:33 PM

الخرطوم /صباح محمد الحسن
كشف مصدر موثوق داخل قناة النيل في حديث خاص الان عن تشكيلة البرنامج الرمضاني الشهير (اغاني وأغاني) والتي احتوت على تسعه فنانين من الشباب والشابات جاءت كما يلي
عودة الفنان الشاب عصام محمد نور وعاصم البنا وطه سليمان ومصطفى السني ونسرين الهندي وضم الفنان حسين الصادق وبقاء جمال فرفور واضافة كل من عمر جعفر انصاف فتحي
واستبعدت قناة النيل الازرق اغلب تشكيلة العام الماضي من فنانين وفنانات ونفى نفيا قاطعا عودة افراح عصام وريماز ميرغني وغيرهم من النجوم الذين كانوا ضمن طاقم البرنامج في العام قبل الماضي

واكد المصدر ان ادارة القناة سعت سعيا جادا في استقطاب اصوات قوية ومؤثرة وتوقع نجاح النسخة التاسعة هذا العام




تعليقات 18 | إهداء 0 | زيارات 8457

التعليقات
#977476 [abdalrahman]
0.00/5 (0 صوت)

04-19-2014 08:54 AM
نشكر القناة على الجهد المتواصل مع مراعاة متطلبات التغيير و السير بخطوات ثابتة نحو اﻻفضل . اثني على اختياركم الموفق و إبعاد انصاف المغنيين من هذا البرنامج حتى نعود للاستمتاع به في قادم المواعيد و لكم خالص الود


#977436 [عماد عثمان - جدة]
0.00/5 (0 صوت)

04-19-2014 08:19 AM
تشكيلة مثالية لو استبعد منها المدعو طه سليمان.
أحمد الله كثيرا أنه الورل الفحيل غير موجود.


#977412 [عثمان غبوش]
0.00/5 (0 صوت)

04-19-2014 07:44 AM
زي تشكيلة فريق الهلال بالزبط ما فيها اي جديد


#977250 [ماريو بحر]
0.00/5 (0 صوت)

04-18-2014 10:10 PM
عصام محمد نور وطه سليمان وبس مع إحترامي للبقية.


#977212 [Huyam Abdullah]
5.00/5 (1 صوت)

04-18-2014 09:21 PM
بس ده الفالحين فيه يارعاع ..شهر رمضان شهر مبارك للتوبة والغفران وياليت الكيزان يتوبوا ويرجعوا لبارئهم بإستعادة أموال الفقراء والمساكين والمرضى والجوعى يوم لاينفع مال ولابنون .. أنصح مقدم البرنامج الأعمش أن يكف عن إلهاء الناس عن ذكر الله وفروض يا ياشيب ياعايب أنت وحبشي مدني الذي يدعى بابكر صديق أن يتوقفوا فوراً من تقديم مثل هذه البرامج التي أصبحت مرتعاً للخلاعة والتغزل في صبايا السودان ... هل تريدون أن يصبح كل رعاع السودان فنانين وراقصين!!!! ماكفاية شاويشكم بهز الوسط ... إتقوا الله في خلقه يافاسقين!!!!!!!!!!!!!!!!!!!!!!!!!!!!!


#977072 [ود احمد]
2.00/5 (1 صوت)

04-18-2014 05:48 PM
مصطفى السني فنان رائع وله صوت ذهبي يكفيه انه يردد اغاني ملك التطريب والخنجرة الذهبية ابو داوود رحمه الله اما عصام محمد نور فهو مجموعة فنانين في فنان واحد ومحترم ومهذب


#976972 [سوداني الجوة وجداني]
0.00/5 (0 صوت)

04-18-2014 03:34 PM
الحمدلله الله مرقنا من معتز نباحي اقصد صباحي واحد وهم قال فنان قال ده حرف الفاء ما فبهو


#976913 [محمد الحسن]
5.00/5 (1 صوت)

04-18-2014 01:57 PM
نسرين هندي دي مطربة ؟
كنت اتمني اضافة اسرار بابكر

والحمدلله تخلصنا من الفحيل -الحمدلله


#976908 [فني لاسلكي بدرجة صحفي ومفكر]
0.00/5 (0 صوت)

04-18-2014 01:49 PM
انصاف فتحي.؟... ارحمونا يرحمكم الله،،هذه المغنية اخاف افتح باب بيتنا تطلع لي منو اوحتى من الحنفية،،،،مزعجة مزعجة تصرخ وتصرخ ولا تفرق بين الغناء والعويل


#976830 [عشم باكر]
4.50/5 (2 صوت)

04-18-2014 11:53 AM
عمر جعفر اضافة قوية للبرنامج عصام لا خلاف عليه فرفور اها تمومة جرتق


#976816 [kandimr]
5.00/5 (31 صوت)

04-18-2014 11:30 AM
هذا البرنامج ..ولرواجه بإجتراره ..تراث الأغانى..لجميع الطيف السودانى..يستوجب على القائمين عليه (الإعتذار) للمشاهدين لتقديمهم البرنامج من داخل منرل (خاص)..ولتحقيق أغراض مستهجنة من غالبية المشاهدين ومسئية للبرنامج ..ونكرر تعليق سابق :- *بعد تقديم البرنامج من داخل (منزل) مساعد (السفاح) عبد الرحمن الصادق..وأداء (المجبورتان) منار وصباح.. (مدحة) مكتوبة للصديق المهدى.. الذى قبره الزمن ونسله السندكالى .. إستوجب تغيير أسم البرنامج الى (أغانى ومدائح)..ومقدمه الخرف تجاوز مقدار (النفاق) لآل المهدى.. سافر مع إمام النرجسية سجم رماد المهدية..حامل (نيشان) السفاح.. الى القاهرة(موطن نسابته والبكش)لتقديم أحتفال سفير الإنقاذ سفاح معسكر العيلفون.. بنيل الإمام جائزة قوسى الوهمية للسلام..ولم يكتف الإمام بحفل الفلبين الذى أقيم بدون ركوب (الحصان).. ورافقة وفد (ثلاثينى) من الأمراء والأحبة..ونسوا التعريج لعزاء الغرقى فى يحر أستراليا من السودانين الباحثين عن الهجرة والرزق الحلال..فهذا يجلب (الأحزان) ويذيب بسمة الإمام..ألسر قدور الخرف أى زهد يدعية..و لم يصوم بعد عن (نفاق) الطائفين والهؤلاء!.. وتكسيرالثلج... عندما يطعن الأنسان سنا يلتزم (الصدق)..لأنه يفقد الذاكرة..وعدم الصدق يحتاج لذاكرة!..تعليقنا نقش لذاكرة المجتمع السودانى.. وطهرا من أحزان الطائفية والإنقاذ..نحن رفاق الشهداء..الصابرون نحن


#976797 [بدرنورالدائم]
0.00/5 (0 صوت)

04-18-2014 11:03 AM
البرنامج جميل ولكن الزمن بتاع غير مناسب بيتعارض مع اوقات الصلاه اما بالنسبه لاابعاد ريماز غير موفق اما افراح اصل تنفع للد عايه من شكلها ومن صوتها اما طه وحسين غير موهلين يكون مطربين اما اضافه انصاف وعمر والمشهورين باغنيه اصل ماتنكرت ليه اختار موفق اما البقيه معروفين اتمنى التوفيق


ردود على بدرنورالدائم
European Union [ود الركابي] 04-18-2014 01:17 PM
حسين معليش نقول ليهو مستقبل .. طه سليمان .. ياخي بالغت فيها شوية .. اما انصاف فتحي انا من ما كانت في برنامج نجوم الغد كان مفروض تاخذ المركز الاول لكن اهو انت عارف اننا سودنيين .. المهم انصاف فتحي رقم ماحايكون ساهل لقدام.. اكرر طه سليمان شوية تعب منه ممكن يكون فنان عالمي بكل سهولة الفنانين الجزائريين ما احسن مننا حتي عربيهم غير مفهوم .. بس فنانينا عندهم الخجل وعدم الاقدام .. عجبني حضور الفنان نايل في الام بي سي حضور قوي مشروع فنان دولي ... ودمت


#976731 [ammar ali]
0.00/5 (0 صوت)

04-18-2014 09:43 AM
كلهم فشنك اتحداهم يغنوا اغانيهم وشوف لو فى حد تانى حيحضر البرنامج ديل ناس مجترين بس وما عندهم اى شئ يقدموه لانهم ما فنانين فقط مرددين لاغانى الغير وده دلبل على انهم خاوين


#976726 [حاج ابكر]
0.00/5 (0 صوت)

04-18-2014 09:39 AM
يا اخونا التلفزيون دى صوت و صوره و لا كلامى غلط
طلما الحكايه 50% 50% يبقى الثنائى اساسى قبل الكراسى
لقيتى كيف يا فرحنا, يا اخونا خلونا نفرح هو الفرح فى البلد دى بقى حرام


ردود على حاج ابكر
European Union [ود الركابي] 04-18-2014 01:30 PM
ممكن الكيزان شاتوهم بفتوة . زي برنامج افراح افراح . جنهم وجن البنات الحلوات . لان الغالبيه منهم خريجين اسر م ف ك ..


#976690 [مبارك]
0.00/5 (0 صوت)

04-18-2014 08:29 AM
لبه كدة الظلم ده ؟!! هاتين نجمتان ﻻمعتان وذوات أصوات ندية وأداء رائع فلماذا القساوة ؟!


#976616 [التاج محمد احمد]
0.00/5 (0 صوت)

04-18-2014 03:12 AM
الحمدلله ارتحنا من معتز صباحي


#976603 [سوسو]
3.00/5 (1 صوت)

04-18-2014 01:56 AM
عصام محمد نور وطه سليمان ومصطفى السني و جمال فرفور و عمر جعفر اما البقية ارجوا ابعادهم


#976574 [مجنون ليلى]
5.00/5 (1 صوت)

04-18-2014 12:10 AM
مع احترامي للجميع لكن المجموعة دي طلع منها عصام محمد نور ومصطفى السني وانصاف فتحي والباقي فشوش ساكت ، نكرر احترامنا للجميع .


مجنون ليلى والهلال



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
2.50/10 (2 صوت)






الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة