الأخبار
أخبار السودان المحلية
مجزرة ضد السودانيين في (بانتيو) علي يد قوات رياك مشار – طالع اسماء بعض القتلي السودانيين
مجزرة ضد السودانيين في (بانتيو) علي يد قوات رياك مشار – طالع اسماء بعض القتلي السودانيين


04-17-2014 05:51 PM
الراكوبة -
لقيت اعداد كبيرة من السودانيين مصرعها يومي (الاثنين) و (الثلاثاء) بمدينة بانتيو عاصمة ولاية الوحدة في جنوب السودان بعد اجتياحها بواسطة مليشيات المتمرد الجنوبي رياك مشار.

وتفيد الانباء الواردة من مدينة (بانتيو) ان القوات التابعة لمشار نفذت مجزرة راح ضحيتها العشرات من ابناء شمال السودان فيما لايزال مصير الكثيرين مجهولاً. وكان معظم القتلي قد احتموا بمسجد المدينة حيث القت قوات مشار قنابل عليهم داخله.

وافادت مصادر ان اعداداً كبيرة من السودانيين تحتمي بمباني البعثة الدولية بالمدينةً. وقدرتَّ المصادر عدد الضحايا السودانيين بما يفوق المائة شخص وتشير تقديرات اخري ان العدد اكبر من ذلك. واغلب القتلي من التجار والعاملين في سوق المدينة الذي تم نهبه.

وفيما يلي قائمة باسماء بعض الضحايا :

1 - بشير موسي ادريس - طالب بجامعة السودان كلية الهندسة قسم الكهرباء

2 - عبد الله دابو هاشم

3 - ابراهيم ادم صابون 4 - عبدالله دابو هاشم - امدرمان 21 امبدة

5 - شريف محمدين الطيب ، من ابناء الضعين

6 - مبارك حسين، من ابناء الضعين

7 - نورالدين ابراهيم اسحاق

8 - بشير أبكر رجال

9 - إسماعيل شريف رشيد

10 - اسماعيل ادريس اصيل

11 - ادريس جارالنبي حامد

12 - محمد بشارة صالح

13 - حسن ابراهيم خميس

14 - محمد اسحاق عيسى

15 - محمد عبدالكريم ادم اسحق - الفاشر

16 - مبارك عمر جمعة - من ابناء جنوب سكة منطقة سيل

17 - شريف عجب الدور

18 - عباس بشير محمد حماد

19 - شريف محمدين الطيب

20 - عبدالرحمن حسن خضر 21 - هارون محمد صالح

22 - محمد ادم عمر رشيد


تعليقات 45 | إهداء 0 | زيارات 44552

التعليقات
#1042659 [محمد بدوي]
0.00/5 (0 صوت)

06-23-2014 01:33 PM
السلام عليكم ورحمة الله انا محمد بدوي أبوه ابحث عن ابن عمتي محمد بدوي مقبول (المقبول) الرجاء من يعرف اي اخبار عنه الاتصال علي الارقام التالية 0117091619 أو 0928346997


#989737 [محمد]
1.00/5 (2 صوت)

04-30-2014 01:03 PM
السلام عليكم ورحمة الله تعالي وبركاته ..اللهم ارحم الشهداء الله يرحمهم جميعا..ي اخي عندي اخوي في بانتيو عاوزز اعرفو استشهد ولا حي ..ي اخي الرزيقي ..ومحمد النور ...ده الايمل بتعاعي [email protected]


#985225 [يوسف عبدالله الرفاعى]
1.00/5 (2 صوت)

04-26-2014 01:24 PM
بسم الله الرحمن الرحيم

رياك مشار هذا هو السبب الاساسى للحرب فى الجنوب لكن هذه الحرب تحولت من سياسيه الى قبليه والحروب القبليه المدى الذى تاخذه بعيد تستمر مابين 60عام_200عام رحم الله دوله جنوب السودان التى تحتل افقر دوله الاكثر تخلفاعقليا نسبه المتعلمين2% الاكثر جهلا الاكثرحربا لن تستقر لنتستقر هذه الدوله سوف تعيش فى الخيران كما كانت زمان يلا لالا كان ما انفصلتوا ما كان اخير هههههه تتمنو السودان دا منى منى منى منى وين تلقهوا تانى ما بنقبل بيكو تانى انتولالالالالال


#977577 [بشير تبن محمد عبدالبنات]
1.00/5 (3 صوت)

04-19-2014 10:33 AM
انا بشير تبن محمد لية اخي اسمة حمدي تبن محمد عبدالبنات من ٢٠١٢ ذهب الي الجنوب ولي الان لن نسمع اخباره نرجوع لمن يعرفة يتصل بهذا الارقام 011320090 او0925556778


ردود على بشير تبن محمد عبدالبنات
[سامي] 04-22-2014 10:33 AM
نسأل الله العظيم ان يرجع اليك اخيك سالما غانما


#977336 [Grapevine]
1.25/5 (3 صوت)

04-19-2014 01:21 AM
@SUDAN JIN

In this world no one was born racist however people adopt such a behaviour through their living environment. In your comments there is a deep hatred stored in your heard and mind and with such a mind set it is difficult no accept change or forceful change. You will leave with it and die with it.

South Sudanese are so proud and resilience for achieving what they had fought for, for 50 years. And are zealous and optimistic they will have a brighter future for whatever the cause might be, we will never and ever look back to gloomy and dark past years when Sudans were one country.


#977247 [idris idris]
0.00/5 (0 صوت)

04-18-2014 10:07 PM
ضع الضفدع على كرسى من ذهب ستجده يقفز للمستنقع هكذا بعض البشر مهما ترفع من شأنه سيعود للمكان الذى اتى منه

ٱفعل ما شئت ...لكن لاتظلم مأحدا
ٱفعل بما شئت... لكن لا تتكبر ابدا
خاصم من شئت... لكن لا تشتم ابدا
اغضب كما شئت ... لكن لا تجرح احد


ردود على idris idris
European Union [مراااااقب] 04-19-2014 07:35 AM
تبارك الله يعني انت هسة ما شتمت؟


#977183 [أبكي على وطني]
4.25/5 (5 صوت)

04-18-2014 08:46 PM
صورة الفتاتين أعلاه تلخص المشهد المأساوي الذي يرزح فيه شعب الجنوب صورة ترسم مدى التخلف الذي يعيشه انسان الجنوب وتجعله بدرجة أقرب للحيوان منه للانسان، فتاة في هذا العمر مفروض مكانها قاعات الجامعات تحتضن الكتاب في أنوثة جامحة، الك


ردود على أبكي على وطني
European Union [YAAK DAVID] 04-29-2014 11:33 AM
what you mean .you mean that we aer animal we are not human my quation is who did that to us not your goverment so please live us alone
thanks


#977157 [ود النعمان]
0.00/5 (0 صوت)

04-18-2014 08:13 PM
نسال ان تهدا الاوضاع عند اخواننا الجنوبين وان يجعلهم امنين , وربنا يتقبل اخوانناالتجار الشماليين وعلي من تبقي منهم العوده الي مناطقهم في الشمال حتي لا يروحوا ضحايا في الحرب الدئرة في الجنووب .


#977083 [ali]
5.00/5 (2 صوت)

04-18-2014 06:01 PM
الدافورى مستهدف اين ما كان.ارايتم المال وحده لا يحميكم. الحقوا الثوار و حاربوا عمر البشير قبل فوات الاوان.دفاع عن الشرف و الكرامة.


#977004 [علي دود كولمبي]
5.00/5 (1 صوت)

04-18-2014 04:17 PM
لهم الرحمه والمغفرة في الحقيقي بيدو هنالك مجموعه من ملشيات الجنجويد في هذا المجزره ومجموع مشار السبب منها كراهيه شعب دارفور لانهم يطالبو بابسط مقومات الحياه الكريمه وهنالك اجنده سياسيه لوحده السودان في حالت فشل النظام في الحكم لكن لماذا قتلو هولاء التجار بعلم تام وهم لم يكونو جزءمن المشكله


#976987 [المغترب والمشترق كمان]
0.00/5 (0 صوت)

04-18-2014 03:52 PM
ما رأي الحكومة السودانية في مقتل مواطنيها في بلد أجنبي. لماذا لايتدخل الجيش السوداني لإنقاذ الأحياء والجرحي ونقل رفات من قتلوا خصوصا وان بانتيو فركة كعب من الحدود؟


ردود على المغترب والمشترق كمان
European Union [YAAK DAVID] 04-29-2014 11:38 AM
you dont know any think let me tell you that your goverment is the one who did that coze is spuort the rables and he think that those treda in s sudan they suport darfor movement

United States [ود الحاج] 04-19-2014 06:14 PM
يا اخي الحكومة الله يرحم الحكومات اقول شي انا شاهد عيان اعرف بعض اخواننا السودانيين يتاذو في بلد اجنبي وعلي علم السفارة مافي داعي اكمل الباقي ونفس الشي حصل مع اخواننا من مورتانيا اتمنيت في اللحظة ان تكون جنستي مورتاني ارجو ان تكون المعلومة وصلتك

Hong Kong [المغترب والمشترق كمان] 04-18-2014 07:16 PM
شكرا أخي الحبيب (معلومة خارج الموضوع). ولكنك أنت ومعاك اخوك المغترب ومشترك كمان ( أكبر من اللغة". ولو سمحت ظروفك هات معلومة جوه الموضوع. وبارك الله فيك.

European Union [معلومة خارج الموضوع] 04-18-2014 05:27 PM
المغترب يا سيدي الكريم مشتقة من الغربة وليس من الاتجاه الجغرافي (غرب) حتى تقابلها بكلمة المشترق أما إذا أردت اشتقاق كلمة لدلالة على السفر شرقا يمكنك قول مشرق بضم الميم وتشديد الشين أو شرقيا كما ورد في سورة مريم "واذكر في الكتاب مريم إذ انتبذت من أهلها مكانا شرقيا "


#976954 [ود النيل تمساح]
0.00/5 (0 صوت)

04-18-2014 02:59 PM
نسال الله ان يرحمهم ويغفر لهم
وان يجعل الجنة مسواهم
وان يسلط على كل الانظمة الدكتاتوريه عزاب جحيم


#976864 [سعد البركلي]
1.00/5 (1 صوت)

04-18-2014 12:52 PM
الحرب كارثه كبري
دائما يختلط الحابل بالنابل
موضوع قتل التجار الشماليين في بانتيو قبل يوميين يمكن تفسيروا يطريقه اخري
قوات سلفاكير هي التي القت بالقنايل في المسجد قبل انسحابها
لكي تعكر صفو العلاقه بين مشار والخرطوم
خاصة و ان جنوب السودان يتهم القوات السودانيه بدعم مشار


ردود على سعد البركلي
European Union [YAAK DAVID] 04-29-2014 11:42 AM
why not you goverment becose he think that those treder suport darfor movement

European Union [Kur Jal] 04-18-2014 04:50 PM
تلقي زيادة هنا
http://www.alintibaha.net/portal/home1/%D8%A3%D9%87%D9%85-%D8%A7%D9%84%D8%A7%D8%AE%D8%A8%D8%A7%D8%B1/49979-%D9%85%D9%82%D8%AA%D9%84-%C2%AB214%C2%BB-%D9%88%D8%A3%D8%B3%D8%B1-%C2%AB350%C2%BB-%D9%85%D9%86-%D8%A7%D9%84%D8%AC%D8%A8%D9%87%D8%A9-%D8%A7%D9%84%D8%AB%D9%88%D8%B1%D9%8A%D8%A9-%D9%81%D9%8A-%D8%A8%D8%A7%D9%86%D8%AA%D9%8A%D9%88.html
شوف كيف احتفت الانتباهة وكيف كانت تمهد لمثل هذا الاعمال ...وكيف تتواصل الانتباهة مع فيتر قديت بالثراء
يا عمك ...قايل الناس ديل كلهم عندهم قنابير ولي شنو ؟؟
حرب شنو ووساخة شنو وحابل شنو ونابل شنو
هذه الجريمة جرية حرب تم التخطيط لها تماما حتي القذف الذي حدث الاسبوع الماضي كان لتغطية الاحمر وأجلاء الجيش الشعبي من النقاط الامامية ...كما ان جيش قديت كان معهم ناس استخبارت السودان معروفين في بانتيو ومن الناس الكانو بهربو البضايع للتجار ذاتهم ... كانو مع القوة التي نفذت الجريمة ...وشهود عيان ( عمر محمد ..من ابناء ود شلعي ) في النيل الابيض ... مجروح الان في ربكونا ...انهم كانو مختلفين( المتمردين والدللة الشماليين ) في القاء القنايل ...لانهم كانوا يرغبون باخراجهم واعتقالهم كما حدث للذين اخرجوا من دكاكينهم وجزء من الذين احتموا بالمستشفي ...والذين لا يعرف مصيرهم ...ولكن بعض الجنود من النوير اصروا بقتلهم هكذا
تقول لي حابل بنابل

European Union [Kur Jal] 04-18-2014 04:03 PM
بالله ؟؟؟
يعني علاقتكم وطيدة للدرجة ده ....ياخي ده تبرير فطير ...راجع متي دخلت قوات مشار بانتيو ..ومتي قتل المحتمين في المسجد والمستشفي
علي فكرة قتلي المسجد ليسوا كلهم سودانيين شماليين لعلمك يعني
بس فيتر قديت تم تعبئته مناستخبارات الخرطوم بقتل السودانيين في باتيو خاصة التجار لانهم الممولين للعدل المساوة وحركة مني
ده كل الحكاية
راجع زمن القتل والسهل ...وزمن خروج الجيش الحكومي


#976811 [ودالماحي]
5.00/5 (3 صوت)

04-18-2014 11:26 AM
انا لله وانا اليه راجعون نسال الله العزيز الغدير ان يدخلهم مدخل الصديقين والشهداء وبعد لقد اصبحنا لانعرف من لنا ومن علينا اللهم اصلح حالنا وردنا اليك ردا جميلا مشاكلنا تقتضى ان نرجع الى الله فما اضنانا الا البعد عن تعاليم ديننا السمحة والجرى وراء المصالح الشخصية والطمع فى حق الغير وتحليل الحرام وتحريم الحلال واصبحت ردودنا لا تخرج صادقة بل تكون على حسب ما يرضى نفوسنا تجاه من نتحدث معه حتى على المستوى الشخصى مواطنون وحكومة اللهم اصلح حالنا


#976783 [انصاري]
3.00/5 (4 صوت)

04-18-2014 10:46 AM
لهم الرحمة جميعاً .. والقبول الحسن عند مليك مقتدر ..

0 قدر الدارفوريين .. إن أقاموا قي ديارهم .. حصدهم السفاح البشير بطيرانه كغرابة.."إعترف بقتل عشرة ألف روح فقط لا غير" وإن رحلوا جنوباً .. لآحقهم الجنوبيين بالموت كشماليين .. لهم الله القادر علي كل شيء.

00 في المركز غرابة .. لا قيمة لهم أنظر كلام الترابي يتيوب .. فيه السفاح يتباهى بإغتصاب بنات الغرب من قبل أبناء إحدى قبائل نهر النيل .. في الشمال النيلي..
000 في الشمال يتباكون عليهم نهاراً .. ويقصفونهم في الظلام ..
0000 نعالج جذور المشكلة نعالج النتائج الكارثية..


ردود على انصاري
European Union [انصاري] 04-18-2014 04:05 PM
إلى [osmanaboali]

.... سلامـاً .. سلامــا ..!!؟؟

United States [osmanaboali] 04-18-2014 02:08 PM
السبب واضح من التعليقبوجود امثالك


#976776 ['طائر الفينيق]
5.00/5 (2 صوت)

04-18-2014 10:40 AM
+ ينبغي ادانة الحدث والتركيز عليه , باعتباره "جريمة حرب" , فجرائم الحرب تظل حرائم حرب.. بصرف النظر عن من ارتكبها, حتى ولو كان أخوك او ابوك او جارك أو صديقك أو زميلك في العمل أو الدراسة ..هي فقط جريمة حرب ويجب أن تعامل في هذا الاطار.

+ التعامل مع جريمة الحرب هذه , باعتبارها تعبر عن الجنوب كله .. أي الجنوب كشعب خطأ كبير .. فجرائم الحرب تركب يوميا بين الجنوبيين أنفسهم وبين الشمالين انفسهم وفي كل مكان ولايمكن تعميمها باعتباره شيئا اصيلاً في شعب ما او أرض ما (مبدأ لا تزر وازرة وزر أخرى.. مهم).. هذا على المستوى القانوني, أما على المستوى السياسي, فالجنوب والشمال, أيا كان شكل العلاقة السياسية(دولة واحدة-دولتان-كونفدرالية...ألخ), مرتبطان جغرافياً وتاريخا ومصالح.. وأية سياسات لا تدرك هذا الارتباط فهي فاشلة وقصيرة النظر ؟؟؟؟

+ أرتكب النظام الحالي جرائم حرب كبيرة في الجنوب وأعلن عليه حربا دينية وهم مواطنون سودانيون , فهل تعبر هذه الجرائم عن شعب الشمال كله أو تعني أننا حاقدون, بوصفنا شماليين, على الجنوبيين, من حيث هم جنوبيون؟؟؟؟؟؟؟

+ النخبة الجنوبية, حملت معها الى الدولة الجديدة , كل عيوب وأمراض نخبة الشمال المزمنة(والتى من نتائجها انفصال الجنوب نفسه!!!) .. فيما تفتقد نخبة الجنوب الى بعض المزايا القليلة التى تمتلكها النخبة الشمالية !!! رياك مشار تجسيد حي لكل أمراض وعيوب نخبة الشمال .. قصر نظرها.. عجلتها..نهمها الجامح للسلطة والمال.. ظمئها الذي لايرتوي للسلطة على حساب الوطن.. عدم التفريق بين الاستراتيجيات بعيدة المدى وبين التكتيك السياسي القصير .. وعدم الوضع في الاعتبار السياسي الوضع الدولي والاقليمي المعقد !!!!


ردود على 'طائر الفينيق
United States [سوداني وبس] 04-18-2014 12:47 PM
يا راجل ما تفلسف الموضوع ساكت، كره الجنوبيين للشمال واضحة واسأل أي تاجر عمل في جوبا أو واو أو أي مدينة، منذ انفصال الجنوب تعرض التجار الشماليين لابشع أنواع التنكيل في حين أن أقرانهم التجار اليوغنديين والكينيين كانوا مرحب بهم بشكل كبير
أما حرب الجيش السوداني في الجنوب بغض النظر عن الخطاب الاعلامي ذو الصبغة الدينية كانت حرب ضد حركة متمردة ومن واجبه القضاء عليها والحفاظ على وحدة البلد وقد نزح أكثر من 5 ملايين جنوبي إلى الشمال هربا من الحرب ولم يقم الجيش بتتبعهم وقتلهم كما يفعل الهمج في جنوب السودان ضد التجار الابرياء الذين لا ذنب لهم سوى أنهم شماليين.


#976732 [deng]
4.90/5 (17 صوت)

04-18-2014 09:45 AM
الحمدلله على نعمة الاسلام وكفى بها من نعمة..انا جنوبي ومتزوج شمالية من الجزيرة و يؤسفني جدا سماع ما حدث لاخوانا في بانتيو من الشماليين ..كما لا الوم كل من علق سلبا بالتعميم على الجنوبيين لان (الخير يخص والشر يعم حسب لغة العساكر) ولكن لديّ بعض الملاحظات ارجو وضعها في الاعتبار قبل الحكم المطلق :-
1-كل من ليس لديه وازع ديني او اخلاقي فلا يرجى منه سوي الشر المحض ايا كانت انتمائيته العرقية او الجنسية..
2-طريقة سرد الخبر كانت له رسالة يتضح من عنوانه اثارة النعرات (مجزرة ضد السودانيين)رغم ان المجزرة كانت عامة والضعف الاكبر منه من الجنوبيين من غير انتمائية رياك مشار مما يوضح الاسباب والدوافع ما هو ومن المقصود والحليف والعدو وكبش الفدا
3- من منطلق اننا مسلمين يحكمنا قوائد دينية لاينبغي ان نتجاوزها بدءا بالقول(لايلفظ من قولا الا لديه رقيب عتيد)...والعمل (ومن يعمل مثقال ذرة)والسلوك الاجتماعي العام(رحم الله رجلا سمحا)الحديث...بغة الوصول الى الله فيحكم بيننا فيما كنا فيه مختلفون ليس على اساس الجنسية او القبيلة او السياسة( انما هي اعمالكم احصيها عليكم فمن وجد خيرا فاليحمد الله ومن وجد شرا فلايلومن الا نفسه)... انها فتنة الحياة الدنيا ..لاندركها الا بالموت حينها نعلم اننا نخرج من الدنيا ليس من السودان ولا من امريكا ولا من اي مكان ..بل من (الدنيا)...لذا ارجو من اخوتي المنتمين للاسلام التقييد بالقواعد الاسلامية السمحة وان العاقبة للمتقين ..لا تتحسر على خير قدمته لوجه الله قط فانت لامحال مجزي به..وان الفتنة اشد من القتل..
انا لله وانا اليه راجعون...نسال الله لهم الرحمة والمغفرة..ونحسب يكونوا قد ختم لهم بخاتمة السعادة بالمسجد بذكر الله وشهادة الحق.


ردود على deng
Hong Kong [the same] 04-19-2014 06:01 PM
ما شاء الله عليك يا دينق!!!
أنت فخر لإبن الجنوب.
والله إني أحب المسلمين من إخواننا الجنوبيين أكثر من بني جلدتنا الشماليين.

[BABOURI] 04-19-2014 05:36 AM
زادك الله بسطة في العلم.

[شمام] 04-18-2014 09:10 PM
بارك الله فيك يا دينق فانت مسلم حقيقي والله يرحم اخواننا الذين قضوا غدرا ونسال الله ان يجعلهم من الشهداء ويصبر ذويهم

United States [ابو عمر] 04-18-2014 03:52 PM
صديقي واخي خالد لك العتبي ختي ترضي وانظر الي اصابع يدك ز


#976724 [taluba]
4.00/5 (1 صوت)

04-18-2014 09:33 AM
هاؤلاء هم النساء ،من المفترض ان يحكمن السودان،من الصوره يتبين لكم صراع السلطه في المناصب وتارك الشعب يتصرف كما يشاء بتطبيق المقوله البقاء للاقوي، ربنا يرحم الموتي.


#976720 [talib tia]
3.50/5 (2 صوت)

04-18-2014 09:29 AM
مشكلة الجنوب هي مشكلة الدينكا والنوير. فهذه المشكلة قديمة قدم الجنوب نفسها. لقد رايناها في الحاج يوسف ورايناها في القضارف ورايناها فى بورتسودان ورايناها فى التسعينيات عندما كانا في الغابة سويا. اذا المشكلة واضحة وضوح الشمس في كبد السماء. وانا اختلف تماما مع الذين يقولون ان هذه المشكلة مشكلة سياسية. فهذا ما هو الا دفن للرؤس في الرمال. لكي تحل المشكلة لا بد من الاعتراف بها اولا وبانها موجودة ومن ثم البحث عن جزورها والسعي الجاد لحلها. اما الذهاب الى اديس او الى القاهرة او الى الخرطوم او نيويورك او الى غيرها او الادعاء بان هذه المشكلة مشكلة سياسية سوف لن يحل المشكلة لاننا سنعالج اعراض المشكلة وليس جذور المشكلة ان اصرينا بان المشكلة هي مشكلة سياسية. على الساسة الجنوبيون ان يتعقلوا ويتناولوا جذور المشكلة بصراحة ووضوح وشفافية للوصول الى الحل النهائي لكي يرتاح الشعب الجنوبي لانه قد عانى كثيرا. هذا الحديث موجه للمتعلمين والعقلاء من السياسيين ورجال المال والاعمال من الجنوبيين للسعي لاصلاح ذات البين. مشكلتنا في افريقيا اننا نفتقر الى ابسط متطلبات القيادة لذا نعاني كثيرا في حل مشاكلنا.عليه لا بد من ان يكون هنالك قائد بيننا ليحل هذه المعضلة.


#976713 [على كوستى]
1.00/5 (1 صوت)

04-18-2014 09:15 AM
نسال الله ان يتغمدهم ولكن السؤال المهم لماذا الجرى والارتماء واللهث وراء الجنوبيين سواء حكومة ام جبهة ثوريةفى النهاية الجنوبيين حكومة ام تمرد لو لقو اى سودانين من اى مكان بقتلو بحجج كثيرة (اما تابع للجبش السودانى اما تابع للجبهه الثورية) اى انت سودانى ميت ميت نرجو مراجعة حساباتنا مع الجنوبيين


#976689 [ما مرتاح ....وما مرتاح]
4.44/5 (8 صوت)

04-18-2014 08:29 AM
لأول مرة ومن خلال تصفحي للراكوبة ولسنين أجد كمية من الجداد الالكتروني يسرحون ويمرحون لبث فكرة معينة تجاه موقف معين..تدخل الانقاذ في الشأن الجنوبي لا يحتاج الى دليل ...والتنصل من تبعات الانفصال والترويج لفكرة "انفصال الجنوب عن الشمال أحسن للجنوبيين بدليل حقدهم للشماليين" بالضبط هذا مادعى كل الجداد يتداعى لبت هذه الفكرة....لن ننس قط يا الكيزان تسببكم في انفصال الجنوب دون استشارة الشعب السوداني او ابسط حاجة كان تعملوا استفتاء لمعرفة رأي الشعب الابي ..ولكن ركوعا لاسيادكم وتثبيتا لاواصر حكمكم الفاشل وافقتم على انفصال الجنوب والان ترمون باللائمة على الجنوبيين...تبا لكم .


ردود على ما مرتاح ....وما مرتاح
[ما مرتاح ....وما مرتاح] 04-18-2014 04:53 PM
عزيزي كتاحة...
كده وبرواقة كده قول لي ات شايت وين؟
ماعرفتك بترد لي ولا لمأمون؟
والمنبطح منو ولي منو؟

[ما مرتاح ....وما مرتاح] 04-18-2014 04:49 PM
مامون ادريس ...ما تستحي على دمك !!!! وكمان كاتب لي اسمك بالكامل التقول عايز تستخرج جنسية!!!
لاتهمني عمالتك او ارتزاقك والحقيقة مادايرة ليها درس عصر اجرمتم في حق السودان بتبنيكم انفصال جنوب السودان ولن ننس لكم هذه الشنيعة الى ابد الدهر ...كاااااك ...حتى لو طرت السمء ياك دجاجة دجاجة وتستاهل المعط.

United States [ادريس مامون عبدالجليل] 04-18-2014 01:03 PM
أنت عارف إنك ما مرتاح ليه؟ أنت في كل حدث تقوم بتحديد الموقف الذي يدعم تجريم النظام و تتبناه بغض النظر عن الحقيقة والمشكلة الاكبر إنك تتهم أي واحد ضد موقفك بأنه جداد إلكتروني والكلام الفارغ البتقول فيه بهدف الارهاب الاعلامي.
معظم الكتبوا تعليقات ضد الجنوبيين ومذابحهم المروعة كتبوا بمنطق لك أن تفند كلاهم بدلا من الارهاب الاعلامي

European Union [كتاحة] 04-18-2014 10:20 AM
كم كنت اتمنى ان يكون من بين القتلى ابوك او اخوك او ابنك لنرى تعليقك حينئذ

لعنة الله على الكيزان الذين اخرجوهم من بلدهم بالفقر
لعنة الله على كل من يدافع عن القتلة امثالك

حريقة فيك و في الجنوب كلو و ان شاء الله ما ترتاح لي يوم الدين يا منبطح


#976684 [Abouzid Musa]
0.00/5 (0 صوت)

04-18-2014 08:24 AM
( إنها الحرب وهذا هو الثمن ؟ ام رباك مشار فهو ( زراعه )
سودانيه فى ارض قاحله تنعدم فيها كل مقومات الطبيعه
بأنواعها فلا حصاد اوثمار فى زمن الجدب الإنساني !!!


#976675 [ود النقرة]
0.00/5 (0 صوت)

04-18-2014 08:14 AM
ربنا يغفر لهم و يرحمهم ، قُتلوا غدراً و غيلةً ، نحسبهم و الله حسيبهم شهداء بإذن الله ، وداعاً جارنا العزيز و طيب الذكر كمال موسي حسين ،، نسأل الله ان يٌرينا في قوات المرتزق ريك مشار الويل و الثبور ربنا يدمرهم و يهلكهم .


#976656 [كلاشنكوف]
4.00/5 (4 صوت)

04-18-2014 07:42 AM
كنت متردد هل الجنوبيين يحبون الشمال كما نحبهم ولكن السياسة هي التي فصلتهم من الوطن؟ لكن الان تأكدت أن حبنا لهم كان من طرف واحد، نعم تابعت كتابات الاخت استيلا (وهي أكثرهم احتراما للشمال)ولم أجد سطر واحد تتكلم فيه عن الوحدة مع الشمال بل تتكلم عن الاستقلال وتعني يوم الانفصال.
الجنوبيين يكرهون كل الشمال ولكن بدرجة أقل يكرهون البشير وعصابته لأنه أعطاهم ما يتمنون.


#976646 [المنجلك]
2.00/5 (3 صوت)

04-18-2014 07:20 AM
ليست القضية عنصرية في المقام الأول أنما انهيار دولة وحلول الغوغائية والفوضى. فرجاء التعايش ألسلمى بين الجنوب والشمال ممكناً وليس مستحيل.


#976624 [عبد الشكور]
1.00/5 (1 صوت)

04-18-2014 05:01 AM
انا لله وانا اليه راجعون صدق الله العظيم لقد قتلوا بدم بارد لقد كانوا تجارا لا علاقة لهم بالسياسة


#976569 [nagatabuzaid]
2.50/5 (2 صوت)

04-18-2014 12:03 AM
تعليقى يتناول ثلاث نقاط اولاهما ان تلك المنطقة تغطيها المنظمات الدولية والمتعارف عليه ان المنظمات الاممية فى حالة التوترات الامنية تعطى كل الناس تحذيرات بدرجات لونية احمر برتقالى اصفر والناس عادة من بداية اللون الاصفر يجهزون انفسهم وقبل ان يزداد الاصفر اصفرارا يبدون فى الرحيل او الاحتماء بالجهات الامنة ولولا ان القدر اعمى بصر اولئك الضحايا لخارجوا انفسهم ولكنه الاجل وانا لله وانا اليه راجعون ولهم الرحمة ولكننا لا تعفى المنظمات الاممية من اهمالها وتقصيرها
النقطة الثانية من اين اتى مشار بالمعدات والمال والعتاد مما يجعله يكتسح ويعفص ويخرمج فى تلك المناطق الهامة

النقطة الثالثة اليست هذه المنطقة المجتاحة بشراسة من قبل مشار هى عمق استراتيجى لدولة السودان مبتورة الارجل اذن اين جيش السودان ومصداته الدفاعية ودفاعه بالنظر والخشم والل سان اللغلاغ


ردود على nagatabuzaid
European Union [أبو محمود] 04-18-2014 01:02 PM
بصراحة الكلام في بدايتو جميل وإستحق الإشاده ولكن النقطة الثانية دى يعرفها مشار وهمجه والدفعوا ليهو وأما الثانية فمنطقية منك في ظاهرها وباطنها نوايا شريرة بتوجيه إتهام و أما الثالثة فهذه تحتاج لقليل من التركيز عليها هل نحن في السودان قاعدين نعمل مناطق عمق إستراتيجي بدول الجوار؟ عزيزتي والله ارواح أبناء هذا البلد عزيزه وما ممكن ندفع بيها لمعارك لا ناقة ولا جمل لنا فيها والفينا كافينا نكسح ونمسح التمرد الداخلي بعدين نشوف حكاية العمق الإستراتيجي دى ونتفاكر فيها معاك !!! والرحمة والمغفرة لكل مواطن سودانى برئ قتل في الجنوب وسبحانه وتعالي قادر علي ردع كل متجبر


#976563 [نكس]
3.00/5 (4 صوت)

04-17-2014 11:46 PM
نسال الله لهم القبول - بس دولة الجنوب دولة حديثة الانفصال وما زالت دولة غياب قانون حتي لو ما كان بها ضغائن وحروب خطيرة علي الشماليين - و العندو قريب ليهو يقنعو بالعودة واخير نار الكيزان دي من غدر الجنوبيين - زمان ما قلنا الجنوب دا مفصول من زمان بس الانقاذ خلتم مشو ولو خيرونا علي الوحدة من جديد حنصوت للانفصال


ردود على نكس
European Union [آدم القوي] 04-18-2014 02:01 AM
كلامك نجيّض


#976558 [تينا]
2.63/5 (6 صوت)

04-17-2014 11:38 PM
لا حول ولا قوة الا بالله العلى العظيم ... رحمهم الله رحمة واسعة واسكنهم فسيح جناته مع الصديقين والشهداء ... صراحة شيىء فظيع ... يا جماعة أنا من بدرى بقول ليكم الجنوبيين ما بحبوا الشماليين وبكرهوهم كراهية التحريم والحكاية دى حكوها لينا جدودنا الحاضرين احداث توريت وما ارتكبوه من فظايع فى حق الشماليين ليس لشيىء سوى انهم شماليين وبنفس الطريقة كانوا تجار وبودوا ليهم الطعام ... كذلك احداث الاثنين الأسود الشماليين ماليهم ايى دخل فى مقتل قرنق لكن الجنوبيين عملوا فيهم عمايل وداخل الخرطوم ورغم ذلك الشماليين لم يعاملوهم بالمثل بل شالوهم فى راسهم ... هو الجنوبيين فى نفسهم قبايلهم ما متفقة فى بعضها بس الحكاية ما كانت ظاهرة لما كانوا معانا لأنو عدوهم اللدود كان الشماليين دا الشيىء الكان مخليهم يتحدوا وبعد انفصلوا لقوا نفسهم فى مواجهة بعض وقبلوا على بعض ... بس المساكين ديل غلطوا فى قعدتهم بعد الحالة وصلت المرحلة دى واهل البلد فارقوها وجونا تانى راجعين ...لما غدروا بيهم لاحول ولا قوة الا بالله ... ودايما لما كنت بقول كلامى دا ما لأنى بكره لجنوبيين ولا عندى معاهم مشكلة لكن من الأحقاد القديمة عرفت انهم ما بحبونا نهائى مهما اتعاملنا معهم ... وكنت بقول كدا بس ليكون الناس واعين ويسيبوا طيبتهم الفايته الحد دى ... لكن الردود كانت بتجينى بالاساءات والشتائم وفاكرنى بكرههم وفى واحدين فاكرنى كوزة ... المهم لازم بعد كده الناس تكون واعية وتعرف عدوها من صليحا ...


ردود على تينا
European Union [المغتربة] 04-18-2014 06:00 AM
كلامك صاح مليون فى المية


#976557 [nagatabuzaid]
4.00/5 (3 صوت)

04-17-2014 11:37 PM
اللهم ارحمهم واغفر لهم لكم الله يا اهل دارفو نيران الحكومة نيران الحركات نيران موسى هلال نيران مشار اى معاناة هذه وايى ابتلاء اللهم اجعل كل ذلك فى ميزان حسناتهم اللهم تقبلهم عندك واجعلهم فى عليين اللهم لا نزكيهم عليك وانت اعلم بهم اهل تقوى وورع وحفظة كتابك واحفاد اهل كسوة بيتك الحرام احفاد حافر ابار على اللهم ابتليتهم فصبروا اللهم صبر اهلهم وبنيهم وامهاتهم واجعل الفردوس الاعلى نزلهم
الى المعلقين مثلما ان من يعتدون علينا فى النيل الازرق وكردفان ودارفور والشرق وكل بقاع السودان لا دخل لقبائلهم ولاهل مناطقهم فى هذه المجاذر والجرائم ايضا ليس للجنوبيين ذنب فيما ارتكبه المجرمون هم مغلوبين على امرهم فلا نحرض عليهم ولا نظلمهم واقول للمحرضين ابقوا رجال امرقوا على حكومتكم واقدروا عليها بس فالحين على التحريض واللغلغة فى النت هسع قولة تيت من اى جهة انتم اول من يفك البيرق وين كنتم يوم ميدان شمبات سيبوا الجنوبيين فى حالهم ومشار سيجنى نتيجة اعماله ان شاء الله ومفروض يسيطر على جنوده ولا مصايبوا التابعين ليه لا ادخل نفسى فى نب ولكن والله اعلم ان تمت تحريات سنجد ان حكومة السجم والرماد والموت والدمار والقهر والاستبداد ستكون داعمة لرياك مشار والله يكضب الشينة


ردود على nagatabuzaid
[nagatabuzaid] 04-18-2014 08:15 PM
لكما التحية الكريمان AburishA وKing of Sands

European Union [King of Sands] 04-18-2014 04:04 PM
دائمآ ما تنسينا العواطف عن التفكير بواقعية وعقلانية...نتفق معك أختي نجاة في كل ما كتبتيه...

European Union [AburishA] 04-18-2014 09:11 AM
لك التحية بت ابزيد.. اتفق معك تماما..رؤية سليمة في كل النقاط التي اشرتي اليها.ووضعتي لينت النقاط في الحروف في (ميدان شمبات) لك المودة..


#976542 [abusafarouq]
2.50/5 (4 صوت)

04-17-2014 11:09 PM
المتوفين عليهم من الله الرحمة والغفران
لكن حكومة السجم وبشير الخايب وينو لا بيان بالتنديد ولا شجب لا كلام لمقتل المواطنين فى دولة الجنوب لو كان عندنا جيش قومى ودفاع لأستنجدنا الاهل فى الجنوب ولن نتركهم لوحدهم حتى شكوى ضد تجار الحرب مافى بقتل المواطنين بدم بارد حكومة وسخة والجنوبين يمرحو فى الشمال هل من العدل لمشار يقتل الشمالين وكيف الحكومة تساعدو نحن شعب كريم لانفعل مثلكم لكن نقول للبشير صالح المواطنين وأحمى حدود الوطن بجيش دفاع قومى بدل قتل المساكين فى بيوت القش وسكان جحور الكراكير فى الجبال.
أخخخخخخخخخخخ تفو عليك يا البشير السجم وحكومتك الرمدان..


#976505 [جدودنا زمان]
5.00/5 (1 صوت)

04-17-2014 10:04 PM
هذا الرياك سيكتبه التاريخ سفاحا سافك دماء أهله وجيرانه الذين كانو اهله في يوم ما
فلتذهب الى مزبلة التاريخ بقتلك الابرياء وا لمدنيين
لعمري ارى انك قاتل ومدمر وانت تحاول تحقيق اهدافك الدنيئة المريضة على جثث الابرياء
والمدنيين انت وجيشك الاسود نسأل الله العلي القدير ان تلقى نفس المصير قريبا


#976496 [Malek Chol Malek]
3.00/5 (2 صوت)

04-17-2014 09:43 PM
Those rebels were trained in Sudan and everybody knows this so what is all this cry about . But Iam so sorry for those who lost their lives may their souls rest in peace


ردود على Malek Chol Malek
[محمد] 04-18-2014 08:05 AM
مالك شول .. قول كلام غير دا ... من الذي تدرب في السودان ؟ رياك مشار ؟ ولا العفن المعاهو ؟ انت لو جنوبي ... خليني اقول ليك انك تحمل في داخلك حقدا تجاه اي شمالي حتى هذا الشمالي كان من مناطق اكثر تهميشا من جنوبك ....
دافور فقط من منطقة الضعين وما حولها فقدنا 43 شخص هؤلاء الذين اعرفهم ... قد يكون هنالك اشخاص كثر من مناطق اخرى من الشمال ....
قلت لي متأسف ؟!!! بالله كدا خلاص وننسى ....
سننتقم لكل اهلنا ان شاء الله

United States [SUDAN-JIN] 04-18-2014 03:34 AM
Malek, don't resort to the blame game. After years and years of self-rule under the umbrella of the United Sudan and two-years of full independence, South Sudan has proven to be a model for an African failed state. Machar was a former vice President of your country and those with him have defected from the South Sudanese Armed Forces. Khartoum has nothing whatsoever to do with your inter-tribal massacres and heinous atrocities against your own innocent civilians and nationals of other countries. Blame no one but yourself when your despotic tribal chiefs - who claim to be statesmen- clash over power and oil money and spill your peoples blood and squander their limited financial means and valuable resources in futile and absurd warmongering games like a dinosaur with an I.Q of a chicken. Trained by Khartoum? Do you think there is any Southerner over the age of seven who needs training to murder a human after being exposed to bloodshed and misery since he was born? I doubt that Mr. Malek. We all feel sorry for the loss of life on all sides but the future of the South is unpredictably bleak and gloomy at best, and even the most optimistic regional and international observers were shocked and disappointed in any thing called the future of South Sudan as a respectable nation among the nations of this planet.


#976467 [من البداوة إلى الحضور]
1.00/5 (1 صوت)

04-17-2014 08:54 PM
01- قتل السودانيّين التجّار ... جريمة لا تُغتفر ... يا أيّها العنصريّ الإنفصالي الحاقد ... الدكتور رياك مشار ... ؟؟؟

02- من الآن فصاعداً ... ليست هنالك دولة إسمها جنوب السودان ... وليس هنالك دولة إسمها شمال السودان ... هنالك دولة واحدة فقط ... إسمها دولة اجيال السودان ... ؟؟؟

03- من الآن فصاعداً ... يا أيّها المجرم الخطير ... العنصري الإستفزازي الحقير ... القذر النتن نتانة الجاهليّة ... ليس هنالك بترول إسمه بترول النوير ... إنّما هنالك بترول ... إسمه بترول دولة أجيال السودان ... بكلّ قبائلها ... البالغة أكثر من 500 قبيلة سودانيّة ... ؟؟؟

04- مادام ولّعْتَ النّار ... يا دكتور مشار ... لازم تأكل نار ... لا محالة ولا مناص من ذلك ... لقد إنتهى وقت الهظار ... الله ... الله ... علي الجد ... أرواح أهلنا ليست رخيصة ... وأموال أهلنا ليست غنيمة ... و الخائن ... الله يخونو ... والبادئ أظلم ... ؟؟؟

05- التحيّة للجميع ... مع إحترامنا للجميع ... ؟؟؟


#976442 [سنبل]
3.00/5 (10 صوت)

04-17-2014 08:15 PM
الخبر مهدى لعمنا شوقي بدري

يا عم شوقي انا دايرك تتحلى بالشجاعة و تعلق هنا برأيك

طوالي مصورنا اننا شياطين و الجنوبيين ملائكة تمشي على الارض و كل من عرضت عليهم مقالاتك اندهش و قال الزول دا مخرف ولا شنو

الجنوبيين ديل اصلهم كدا عشنا معاهم و احسنا اليهم و لم نجد غير الغدر فرجاء يا عم شوقي احترم عقولنا و ما تقدنا تاني بي حنية الجنوبيين و الحنك الما جايب حقو دا

محل الرجالة معروف و محل الغدر و العربدة و النهب معروف


ردود على سنبل
European Union [كتاحة] 04-19-2014 12:45 PM
الاخت نجاة ابو زيد السلام عليكم

انا اتفق مع سنبل و محمد ليس هناك اي مبرر لتدافعي عن هؤلاء القتلة الكلام دا فيهو عدم احترام لأهالي القتلى .. هل سيكون تعليقك هكذا لو كان احد اقرباءك من بين القتلى ؟

مذابح توريت و الاثنين الاسود و مذابح التجار الشماليين بالجنوب المتكررة سدت جميع ابواب التعاطف مع هؤلاء الوحوش

[محمد] 04-18-2014 08:14 AM
انت يا nagatabuzaid قلت الجنوبي العادي ؟!!! بالله عليك المقتولين ديل مش شمالييين عاديين .. القامو بالاتنين الاسود مش جنوبيين عاديين ؟؟!!!!
ما عاوزين تنظير اهلنا بيموتو في الشمال من طائرات الحكومة ومن الجنوب من الجنوبيين ...
لك الله يا اهلي الدارفوريين

United States [nagatabuzaid] 04-17-2014 11:47 PM
بتهضرب مالك عمك شوقى يتحدث عن المواطن الجنوبى العادى وليس عن مشار المتمرد طالب السلطة


#976433 [أبو كلام]
5.00/5 (1 صوت)

04-17-2014 08:00 PM
اللهم أرحمهم جميعاً ونزلهم منازل الشهداء والصديقين وألهم أهلهم وزيهم الصبر الجميل وإنا لله وإنا إليه راجعون


#976432 [قاسم محمد احمد الغالي]
3.00/5 (4 صوت)

04-17-2014 07:59 PM
ربنا يرحمهم و يدخلهم جناته

اللهم ان عبادك هؤلاء قد اتوا اليك من بيت بيوتك فأشملهم برحمتك يا ارحم الراحمين
استغفر الله لم اكن اتوقع ان اقول هذا لكن كان من الافضل لنا ان يحدث هذا الانفصال منذاول مجزرة عرقية في توريت عام 1955

لقد كانت اشارة كبيرة لما سيحدث لاحقا لكن سامح الله اجدادنا
والله ان العبرة تخنقني عندما اتخيل مشهد اسر القتلى
كيف لمن سافر تاجرا لا يتوقع الا بيعا و شراء ليطعم ابناءه ان ينتهي به الامر قتيلا في حرب لا دخل له بها من قريب ولا بعيد و بين قبيلتين لا يعرف حتى ان يفرق بين افرادها

ايها الشماليون عودوا لدياركم و لا تجبروا انفسكم على العيش وسط اناس يكرهونكم لمجرد كونكم شماليين .. عودوا فالرازق هو الله و سيصحوا الجنوبيين ليجدوا متاجركم مغلقة لكن بارات الاخرين مفتوحة

عودوا
عودوا


#976420 [عدلان]
2.75/5 (4 صوت)

04-17-2014 07:46 PM
كل شمالي يمشي يقعد في الجنوب يستاهل الذي يحصل له . في ناس الظاهر عليها ما بتتعظ من التاريخ . ودي ما أول مرة يتعرض فيها الشمالي للقتل والاغتصاب في بلاد الجنوب . لكن وكما يقولون فإن الطمع ودر ما جمع.


ردود على عدلان
[نهبوك يا وطن] 04-17-2014 11:52 PM
كلامك عين العقل يا عدلان.. و البادي اظلم

[Adil] 04-17-2014 08:48 PM
قلبك حجر ياعدلان. ألانه الله لك كي تترحم علي الناس

[خاطره] 04-17-2014 08:27 PM
اما ان تترحم عليهم او تصمت.


#976417 [كتاحة]
5.00/5 (5 صوت)

04-17-2014 07:40 PM
ياخي والله محل ما نقول نتعاطف مع الجنوبيين ديل نلقى نفسنا بعدنا منهم اكتر

التجار المساكين ديل ياهم البجيبوا ليكم السكر و الملح و الزيت و العيش يا طير

بينما التجار اليوغنديون بجيبوا ليكم الويسكي و المخدرات ياتو ناس المفروض تكتلوهم

والله فعلا مرمي الله ما بترفع .. اها اكلوا نيم


ردود على كتاحة
[أرسطو] 04-18-2014 12:21 PM
يا كتاجة و هل الجنوبى عنده عقل ليفهم كلامك هذا ؟؟ ياخى هو والتور أبوقرون مخهم واحد - تخيل واحد همجى بدائى متخلف متربى فى الغابة أعطيته كلاش - ماذا تتوقع منه أن يفعل ؟؟ يا أخى هؤلاء البدائيين قد أرتكبوا المذابح ضد بعضهم البعض فماذا تتوقع منهم أن يفعلوا بالشماليين ؟؟؟


#976402 [سودانى أصيل]
4.00/5 (4 صوت)

04-17-2014 07:27 PM
أكيد الذين قتلو أبناء الفور فى المدينة هم المندسين مع رياك مشار من جنجويد الحكومة قصدا قتل تجار الفور والزغاوة الهربو بأموالهم من سوق ليبيا ماداير درس عصر لأن رياك مشار مدعوم من حكومة الانقاذ وبالتالى يمكنهم قتل تجار الفور بإعتبار أنهم يدعمو المتمردين..


ردود على سودانى أصيل
European Union [ابكراي] 04-18-2014 02:44 PM
قال سوداني اصيل اتقي الله في الموتي لو لو كان عندك عمك او اخوك او صديقك لما قلت كدا بعدين المتوتي ما شمالين هم دارفوريين ولنا المذيد فسوف نوافيكم

United States [Abdu] 04-18-2014 07:44 AM
شكلك من الجنحويد

United States [hajoj] 04-17-2014 11:56 PM
سوداني اصيل روح اكل تبن و اشرب وراه عصير برسيم

[قلام] 04-17-2014 08:22 PM
ياخ عليك الله اسكت
لمتين بنفعد نغش في نفسنا كدا . الانقاذ السجمانة دي ما قادرة تدعم نفسها خليك من مشار
الحصل دا سببو وااااحد و انت عارفو و بتراوغ

الناس ديل لا بدورونا لا بندورهم بس دا ياهو السبب الحاولتا تدسوا بي تعليقك الفطير دا


#976397 [AburishA]
5.00/5 (2 صوت)

04-17-2014 07:24 PM
نسأل الله الرحمة والمغفرة للقتلى..ونحتسبهم في سبيل الله...وعاجل الشفاء للمصابين والجرحى.. وربنا يحفظ الناجين ويردهم الى اهلهم سالمين ويلم شمل المفقودين...

** انها حقا لمأساة أصابت مدنيين أبرياء..وهكذا الحروب لها ضحايا...وبحسب مصادر مظلعة ان عدد القتلى من السودانيين الان يفوق المائة هذا غير المفقودين.. وهناك تعذر في عملية الحصر.. كما ان هناك كثير من الجثث المتناثرة في الطرقات.. وقالت المصادر ان عملية القتل ليست انتقالية لعرق او ضد اهل جهة معينة.. انما كانت تبدو انتقامية لكل من هو (سوداني).. وقد تم قتل البعض (ذبحا).. علما بأن الكثير من أبناء دارفور يعملون في التجارة والاسواق وفي مختلف المهن الاخرى في مدينة بانتيو..قد بشكلوا اغلبية,, مما يجعل الخسائر في الارواح تبدو مرتفعة..

** في هكذا وضع.. لا أدري سببا واحدا يجعل السودانيين يتواجدون في الجنوب منذ بدء المشكلة.. كان عليهم المغادرة.. لانك لا تستطيع تأمين نفسك او مالك..

** قد يقول لي احدهم ان دارفور أسوأ..وأقول نعم..الا أن ارض السودان واسعة.. والله المستعان,,


ردود على AburishA
United States [nagatabuzaid] 04-17-2014 11:45 PM
فعلا ان القدر يعمى البصر والا كانوا خرجوا انفسهم ولكن قدر الله وما شاء فعل لهم الرحمة

ولك التحية


#976388 [المتغرب الأبدي]
2.75/5 (3 صوت)

04-17-2014 07:06 PM
بدأت احداث الجنوب في منتصف ديسمبر الماضي اي منذ أربعة أشهر وكان واضحاً منذ البداية انها ستكون دموية وعرقية وتصفية أحقاد وضغائن .. لذلك أي شمالي كان يقيم في الجنوب ولم يبادر بالخروج او باللجوء الى معسكرات الامم المتحدة حتى ولو تخلى عن كل ما يملك يستحق كل ما يحدث له ولا يلوم الا نفسه ..


#976351 [جنوبي]
1.00/5 (1 صوت)

04-17-2014 06:06 PM
.


ردود على جنوبي
European Union [ودالباشا] 04-18-2014 11:24 PM
كلام الراكوباب الذين يبينون كره الجنوبين لاهل الشمال معناه صاح وميه فى الميه ودليل اخر كل الاحداث التاريخية الماضيه فى الجنوب راحوا ضحيتها التجار الشماليين وهذه المجزرة ليس الاولى
وتخيل يا جنوبى ياتور لو اهل الشمال قتلوا الابرياء الجنوبين الاجئين بسبب احداث الجنوب ولم بفعلوا بالطبع كيف تكون درجتك ياترى وماذا يكون احساسك الان ارجو ان تكون عرفت انك توووور

رحم الله الموتى الصبر لذويهم واهل الشمال وعاجل الشفاء للجرحى والامن والامان للمفقودين من وهؤلاء
البقر والتيران البائسه

United States [جركان فاضى] 04-17-2014 07:39 PM
يا جنوبى ...الى هذه الدرجة عندك دماء الشماليين رخيصة؟ ولاتسوى الا صفرا؟...ما ذنب هؤلاء الذين قتلوا بيد المجرم رياك مشار؟... ماذنب الابرياء فى قضايا لاتخصهم؟...انما فعله المجرم مشار لن يزيد سكان شمال السودان الا حقدا عليه...ويجب ان يدفع هذا المجرم الثمن وكل من يعتقد ان دماء اخواننا رخيصة


#976350 [السفير]
2.63/5 (4 صوت)

04-17-2014 06:06 PM
مبروك ريك مشار والجيش الابيض وارموا قدام لجوبا.


ردود على السفير
European Union [الوزير] 04-17-2014 07:28 PM
يخسي عليك يا سفير السجم / مبسوط لقتل المدنيين


#976340 [محمد ادم]
4.50/5 (2 صوت)

04-17-2014 05:56 PM
اسماء بعض التجار من أبناء دارفور الذين اغتالتهم قوات مشار بدم بارد في ولاية الوحدة منطقة بانتيو يوم الاثنين 14 ابريل
سائلين الله عز وجل لهم الرحمة والمغفرة وان يلهم أهلهم وذويهم جميل الصبر والسلوان إنا لله وإنا إلية راجعون
1/ عبدالرحمن مستور زكريا
2/ رمزي ابراهيم
3/ جمال عبدالله محمد وادي
4/ شريف عجب الدور
5/ موسى ادريس ادم
6/ محمد أبكر جمعة
7/ عباس بشير حماد
8/ محمد ادم
9/ بشير أبكر رجال
10/ سليمان ادريس
11/ هارون محمد صالح
12/ بشير موسى ادريس
13/ حسن ابراهيم خميس
14/ ادم حمودة
15/ محمد احمد
16/ عبدالله دابو هاشم
17/ اسماعيل ادريس أصيل
18/ ادريس جار النبي حامد
19/ محمد بشارة صالح
20/ ابراهيم ادم صابون
21/ شريف محمدين الطيب
22/ مبارك حسن
23/ محمد عبدالكريم اسحق
24/ عبدالرحمن حسن خضر
25/ محمد اسحق عيسى
26/ عبدالرحمن علي ادم
27/ فيصل هارون موسى
28/ حيدر محمدين
29- محمد ابراهيم ضحاوي
30/ اسماعيل شريف
31/ حسن ابراهيم
32/ الخير خاطر
33/ ادريس جارالنبي
34/ جمال محمد خضر
35/ موسى ادريس


ردود على محمد ادم
European Union [فخر الدين] 04-19-2014 05:23 PM
بس بصراحة يا محمد ادم انت متاكد من الأسماء الإتنشرت دي و كنت حاضر اثناء الحدث في نفس المكان و لا جبت الاسماء عن طريق قالو و قلناه غالباً ما نجد اشياء من مصادر غير موثوقة و ننشرها و انت عارف بذلك كم من واحد يمكن ان يدفع ثمن دا يمكن ان يكون فقد زيادة من الأرواح و ذلك بسبب الفجيئة!!!!!! اضف إلي ذلك ان فيهم من هم أعزاء إلينا من أرواحنا و اصدقاء دربنا و كل العمر العامر و بس اذا كنت صادق نتمنى منك ترسل لي صورة من جسمان الشهيد المغفور له عند ربه محمد ابراهيم ضحاوي في بريد [email protected]

[الرزيقي] 04-18-2014 10:09 PM
اضف الى هؤلاء يا محمد ادم
36- التاجر التاج عثمان صالح
37- التاجر النور جمعة
38- التاجر عوضالله ود الجنيد
39- التاجر منزل
والقائمة تطول
الله يرحمهم

United States [عثمان حمد] 04-17-2014 07:40 PM
تجار ولا كانوا مع العدل والمساواة او الجبهة الثورية الله يرحمهم جميعا كانوا
فى المكان الخطأ فى الزمن الخطأ



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
3.25/10 (3 صوت)




الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة