الأخبار
أخبار السودان
رحلة «نيلية» ترفيهية لنجوم الفن المصري
رحلة «نيلية» ترفيهية لنجوم الفن المصري
رحلة «نيلية» ترفيهية لنجوم الفن المصري


04-20-2014 02:43 PM

الخرطوم: إنصاف عبد الله

لأن النيل شريان الحياة ورمز لعلاقات أزلية بين شعبي وادي النيل مصر والسودان، فقد حرص الاتحاد الوطني للشباب السوداني قبيل تدشين مبادرة شباب مصر والسودان للتواصل الاجتماعي على تنظيم رحلة نيلية لنجوم الفن المصري الأستاذة فردوس عبد الحميد والنجم لطفي لبيب ومحمد رياض والأديب الروائي إبراهيم عبد المجيد، وكان في مقدمة المستقبلين السفير والقائم بالأعمال المصري بالسودان وائل بركات وعدد من نجوم الفن والمجتمع السوداني دكتور راشد دياب والفنانة هند راشد ودكتور طارق علي محمد وممثل شركة سوداني محمد الأمين مصطفى.

وكان البرنامج حافلاً قدمت فرقة أعواد بقيادة النجم أحمودي ومنى عدداً من الأغاني الوطنية التي انداح معها النجوم وبين الفينة والأخرى التعليقات والتكبير «الله الله» على الغناء السوداني الجميل.وكشف أمين العلاقات الخارجية بالاتحاد عوض حسن أن المبادرة تهدف إلى دعم الدبلوماسية الرسمية وتوطيد العلاقات في كافة المجالات، وقال بثلاث مراحل للمبادرة، الأولى ثقافية فنية، والثانية قوافل طبية بين البلدين تشجيعاً لثقافة العمل الطوعي والثالثة في المجال الرياضي، وأكد أن المبادرة متواصلة وستقام سنوياً بالتبادل من الجانبين.

آخر لحظة






تعليقات 13 | إهداء 0 | زيارات 5008

التعليقات
#980151 [لابسى جلابية الرجالة ملحوقة]
5.00/5 (1 صوت)

04-21-2014 02:35 PM
ياسلام عليك يادكتور راشد دياب قمة التواضع وقد مثلتنا نحن لابسى جلابية الرجالة ملحوقة خير تمثيل
عاشت الاخوة المثلية بين اشقاء وادى النيل وبنهدى الفنان اغنية:
"ياملاية الدبلان مفروشة فى الديوان....."


#980022 [سعيد]
0.00/5 (0 صوت)

04-21-2014 12:27 PM
اولاد بمبة والاجر علي الله


#980012 [ترزى راشد دياب]
5.00/5 (1 صوت)

04-21-2014 12:19 PM
نعلن لكل محبى لبس جلابية الرجالة ملحوقة عن وصول تشكيلة جديدة غاية فى الروعة"احى انا" من الاقمشة
ونجدد شعارنا:
"الحياة قصيرة لتلبس لبس حزين وتعيس"


#979486 [أبو لاكومة]
5.00/5 (1 صوت)

04-21-2014 03:44 AM
ياربي ... ياتا فيهم فردوس عبد الحميد؟؟ ما تقولوا لي الأولى من اليمين !!
وين المجذوب علي مهدي ؟؟ ما شايف زول لابس أخدر!!


#979403 [haitham]
5.00/5 (3 صوت)

04-20-2014 10:49 PM
الله الله على الغنى السودانى الجميل من متين الكلام ده. آه يامستهبلين ياحارقين البخور . ياكساريييين الثلج .ده كله عشان سد النهضة. رجعو حلايب بعدين نتفاهم .


#979255 [بت قضيم]
1.00/5 (1 صوت)

04-20-2014 07:12 PM
الكلام ده قلناهو طلعتونا استخبارات مصرية دعوا الحكومات والاعلام والسياسيين يتصارعون فهؤلاء زائلون ولكن علاقة الشعوب لن ولن تزول مهما تشعلون من نيران وفتن وحقد فلن تزول يا كتاكيت


ردود على بت قضيم
European Union [بت قضيم] 04-21-2014 06:49 AM
مهما تغير اسمك فانت كتكوت مجند انتم من يدمرون علاقات الشعوب الانسان العاقل السوي لا يتلفظبالكراهية كالنساء الثكلات التي فقدت بعلها يا كتكوت يا حنكوش

[سودانى طافش] 04-20-2014 09:17 PM
فعلا ( إستخبارات مصرية ) أسأل أى سودانى وقول ليهو ( هل بتحب المصريين ) ؟ قال أيه قال علاقة شعوب !


#979215 [أبو أهل الكيزان]
3.94/5 (7 صوت)

04-20-2014 06:03 PM
إنتو يا جماعة راشد دياب ده بيفصل الفساتين بتاعتو دي عند ياتو خياطة في الخرطرم؟؟


ردود على أبو أهل الكيزان
United States [عدو الكيزان النازي] 04-21-2014 03:48 PM
والله اسمك رائع وتعليقك اروع


#979156 [خالد عثمان]
5.00/5 (3 صوت)

04-20-2014 04:55 PM
كلاب عمركم كاتتعلمو من تلايام الصحفى فى جريده الاهرام الذى دعى الى زياره عمكم البشير للشماليه هل نسيتم ماكتبه عن تلك الرحله وتمثيله للسودان بجهنم ووصفه لشمال تلسودان بالمقبره


ردود على خالد عثمان
European Union [بت قضيم] 04-21-2014 08:23 AM
اقعد لي طول اللسان ذي العوين مرات تكتب اسمك باللاتيني ومرات بالعربي يا كتكوت


#979106 [مالكوم-اكس]
5.00/5 (3 صوت)

04-20-2014 04:11 PM
ايه الهبل الواقعين فيه ده نحن حادين علي حلايب تقول لي استقبال مصاريا وترفيه وكلام فاضي


ردود على مالكوم-اكس
European Union [بت قضيم] 04-21-2014 08:20 AM
اهو ده كلام الحريم اللي ما ينفعش ( حادين علي حلايب) يعني فراش للبكاء والعويل وطول اللسان اجند وشيل سلاحك ذي الرجال وحارب وحرك جيوشك البتحارب فى داخل السودان ومعاهم جنجويدك الى حلايب لتحريرها قال حادين طيب اقعد حادي لقايت ما تجيك حلايب مغلفة بورق هدية


#979095 [ضدالحلب]
4.75/5 (5 صوت)

04-20-2014 03:52 PM
قال محمود محمد طه رحمه الله
الشعب السودانى شعب عملاق تقوده اقزام
فردوس مين يا عم ومصر مين انتو بتلعبوا عبوا الشباب لتحرير حلايب يا غجر


ردود على ضدالحلب
United States [ابو حمدي] 04-20-2014 06:46 PM
مبروك


#979075 [انوار]
5.00/5 (4 صوت)

04-20-2014 03:38 PM
والله نحن شعب طيب هل نسيتو الفنانة فردوس عبد الحميد قالت شنو بعد المباراة الشهيرة الجزائر ومصر كمان تجيبوها وتفسحوها في النيل وتعملوا معاها لقاء في قناة الشروق وتقول مصر والسودان شعب واحد منتهى الاستخفاف بعقول الناس بلا مصر بلا زفت اصحو ياناس


ردود على انوار
[رانيا] 04-20-2014 06:43 PM
فعلا إتكمت وقالت انا لما اعوز اسافر اروح السودان !! بحقارة وأنا من يومها إحتقرتها لكن من وقتها هي ماشية وجاية على الخرطوم وبالتأكيد عملت ليها مصلحة هناك .


#979071 [الكوز الفى الزير التحت الراكوبه]
3.50/5 (4 صوت)

04-20-2014 03:36 PM
مرحبا" بأى ضيف يزور السودان وحبابكم عشره .


#979043 [إعلامنا يمارس التلميع وإعلامهم يمارس التغبيش]
5.00/5 (2 صوت)

04-20-2014 03:11 PM
آخر لحظه طبال مقولة مصر يا أخت بلادي ياشقيقه فهذه الشقيقه نحسبها نوع من أنواع الصداع
ولا مرحباً بديفيد كوهين السفير الإسرائيلي .



خدمات المحتوى


مساحة اعلانية





الرئيسة |المقالات |الأخبار |الصور |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة