الأخبار
أخبار السودان
التفاصيل الكاملة لاختطاف طفل الدامر
التفاصيل الكاملة لاختطاف طفل الدامر



04-21-2014 10:28 AM

تدور أحداث عملية اختطاف الطفل الواثق الزبير أحمد «سنتين» بين ولايتي نهر النيل والخرطوم، حيث تعرض الطفل إلى اختطاف استمر لمدة أسبوع ذاق فيه أهله ما ذاقوا من العذاب، وبذلت فيه السلطات الأمنية ما بذلت من جهد. وتعود التفاصيل إلى أن الطفل كان في حضن جدته ظهراً بينما كانت والدته مشغولة بأمر ترتيب منزلها بالدامر، والواثق يعتبر الطفل الأول لوالديه لذلك تمتع بكل هذا الحب والاحتفاء.

في ذلك الوقت من الهجير دخلت إمرأة لهذا المنزل لتسلم على أهله وكانت على معرفة قديمة بجدة الطفل حيث تجاورتا في فترة سابقة بإحدى ولايات السودان الشرقية، ولمدة ليست بالطويلة، فتمت استضافتها على الطريقة السودانية، فاستغلت الضيفة انشغال الأسرة بضيافتها فحملت الصغير وتوارت عن الأنظار، لتبدأ رحلة بحث محفوفة بالتحديات والصعاب.

وبإبلاغ الشرطة تم تشكيل فريق بحث ميداني تم اختيار عناصره بعناية فائقة، لم يذق منهم أحد طعماً للنوم إلا بعد العثور على الصغير في إحدى حواري وأزقة منطقة مايو بالخرطوم حي مانديلا مربع «5»، وتم القبض على المتهمة التي سجلت اعترافاً قضائياً وادعت أنها خطفت الطفل بعد موافقة جدته، وهي قصة طويلة تحكي عن روعة الشرطة وهمتها، وتؤكد على حكاية جيل فريد ونفر كريم من أبناء الشرطة السودانية.

إلى ذلك أعربت أسرة الطفل الواثق عن تقديرها للشرطة السودانية وقال أولياء أمر الطفل في حديث خاص لـ «الإنتباهة»: عبركم نحيي قوات الشرطة ووزارة الداخلية وكل الذين وقفوا معنا، ولنا أن نزجي الشكر الخاص للمساعد شرطة كمال عطا المنان فضل المولى، رقيب أول شرطة آدم صقر كوة، رقيب شرطة هيثم موسى إبراهيم كجو، عريف شرطة صلاح الدين آدم محمد، جندي شرطة الطاهر النور محمد، ونحيي فريق مباحث حي النصر«مايو» وإشادة خاصة بالملازم أول مازن حسن محمد صالح الذي تابع العمل بدقة متناهية.
الانتباهة






تعليقات 19 | إهداء 0 | زيارات 5996

التعليقات
#980650 [سالم السالم]
0.00/5 (0 صوت)

04-22-2014 05:42 AM
وين قدو قدو ؟


#980491 [نكس]
0.00/5 (0 صوت)

04-21-2014 10:18 PM
بقترح لاهمية الموضوع وحساسية خطف الاطفال وتجارة البشر من خلال ما نسمع بتجارة الاعضاء والخلايا الجزعية ولحالة السودان اليوميين دي مليان اجانب ومسؤوليين مدروشين وطريقة التربية السودانية ما بنضع قيود علي تجول الاطفال في الحي - ارجو شاكرا ان تحاول الاحاطة بتفاصيل الموضوع دا ونشرها حتي تستوعب الاسر الوضع الامني لاطفالها - يكفي انو الواحد لمن يسمع بكاء الطفل بيجري يشوف مالو فما بال الاسرة التي صبرت اسبوع اكيد كان اسبوع في وزنت سنيين للهم والقلق - التحية لرجال الشرطة الاشاوس وما نقصم حقهم زي ما القراء اتفاعلوا مع الحدث والاسرة المكلومة برضو هم سودانيين واباء - صحيح نحن فقدنا كتير من اخلاقنا بس ما للدرجة دي - لسة البلد بخيرها وما زلت بقول افضل شعب


#980366 [بعانخي]
5.00/5 (1 صوت)

04-21-2014 07:49 PM
نتمنى ان تصل الشرطة لسر اختفاء د عمر والطفلة بانة ...حتى تقول ان لدينا شرطة مشرفة وحقيقية


ردود على بعانخي
United States [معتصم] 04-22-2014 03:38 PM
صح النووووم يابعانخى الطفله بانه لقوها من زماااان وتم القبض على كل المشاركين فى الخطف وبقيادة عقيد فى الشرطة صحصح وبطل النون الكتير


#980257 [السفير]
5.00/5 (1 صوت)

04-21-2014 05:34 PM
والله يا اخوانا السودان دا متخلف بشكل عجيب امس كتبت وتساءلت اين هو الانجاز؟يسألوا الجدة اين تسكن هذه المرأة؟وترد الجدة:كانت تجاورنى فى احدى ولايات الشرق.وبالاتصال بشرطة ومباحث تلك الولاية يتوصلوا الى ان المتهمة بحى مانديلا.ويبلغوا شرطة مايو ويتم القبض على المتهمة...لكن السؤال مازال قائما لماذا زارت هذه المتهمة الدامر هل بدافع اختطاف الطفل؟ام لها اقارب هناك؟لا تكتبوا اخبار منقوصة يا ناس الراكوبة حرقتو اعصابنا ارحمنا من هذه السذاجة.


#980233 [كفاية]
5.00/5 (1 صوت)

04-21-2014 05:12 PM
الشرطة عملت شنو يعني ؟ المرأة التي قامت بخطف الطفل معروفة لدى الاسرة وبالتالي لا توجد جريمة غامضة تستحق بذل اي مجهود من الشرطة


#980203 [صلاح يوسف]
0.00/5 (0 صوت)

04-21-2014 04:28 PM
مااروع الشرطة السودانية في حفظ امن المواطن والوطن


#980201 [ابوشورة]
0.00/5 (0 صوت)

04-21-2014 04:27 PM
التحية لرجال الشرطة والعيون الساهرة


#980149 [تينا]
3.00/5 (1 صوت)

04-21-2014 03:34 PM
لما قريت العنوان فرحت قلت نعرف التفاصيل لكن بعد القراءة اصابنى احباط لأنه لا توجد تفاصيل جديدة نفس القرأناه بالأمس ... يبقى السؤال لم تجب عليه الخاطفة لماذا أصلا خطفته ؟؟؟


#980144 [بادي أبو شلوخ]
3.00/5 (1 صوت)

04-21-2014 03:28 PM
الحمدلله الما أكلتو؟؟
"التفاصيل الكاملة لاختطاف طفل الدامر"

طيب وين التفاصيل الكاملة؟؟؟ ولا بس كلام يا عبد السلام؟؟


#980084 [يا داب انا جيت]
5.00/5 (1 صوت)

04-21-2014 02:20 PM
والله فرحنا كلنا الحمدلله لاكن اسالو والد الطفل والله بكون دفع دم قلبو عشان الطفل ده يرجع هو قالوا ليكم برجع ساي كدا اول حاجة بتاع الشرطه يقول ليك كسرتنا بره ما عندنا بتاع مواصلات ولا بتاع فطور والاب يدفع يجوك بكره ما عندنا مصاريف ويدفع يجوك يقولو ليك سمعنا من مصادر انو الولد دا شافوه في الخرطوم طلع لينا بتاع التذاكر والمصاريف وانتا مطر تدفع وقلبك مكتوم غيظ الله وراكم ايام زي دي عشان تمشي لي ناس الشرطة يعملوك نقاطه زي ايراد الركشه شي فطور شي غدا وعشاء ومصاريف وبعد داك يقولو ليك حق التعب يعني بالميت خمسه مليون بالقديم ههههههه


#980043 [محمد الدول]
3.00/5 (1 صوت)

04-21-2014 01:43 PM
والله انها لمهزله .....يا اخوانا الجدة او الحبوبات بيحب احفادهم اكثر من والدينهم بشويه كمان زيادة كيف الحبوبة تسمح لك سرقة فلذة كبد بنتها او ولدها
اخخخخخخخخخخخخخخخخخخ


#980042 [مستغرب]
3.00/5 (1 صوت)

04-21-2014 01:42 PM
انتشرت فى الاونة الاخيرة مسألة اختطاف الاطفال وهى ظاهرة غريبة والسؤال ما ذا يفعل بهولاء الاطفال هل يباعو فى السوق ام يتبنو من قبل اسر تبحث عن الاطفال ام ماذا


#980027 [جدودنا زمان]
2.50/5 (2 صوت)

04-21-2014 01:31 PM
طيب دي ما نفس القصة الامس مافيها اي زيادة غير اسماء الفرقة الامنية

؟؟؟؟


#979958 [ركابي]
5.00/5 (2 صوت)

04-21-2014 12:39 PM
قصة مبهمة برضو!!!!!!!!! الدافع شنو؟؟؟ ورونا شرطتنا الفيها ناس دكتور جريسوم دي عملت خطوات اعجازية شنو ؟؟؟


#979924 [القيقر]
3.00/5 (2 صوت)

04-21-2014 12:10 PM
والله العظيم فرحتا لامن دموعي سالت وبقيت اكبر لكن ماتكبير كيزان..تكبير فرحة من القلب..تخيلت هذه الاسرة المكلومة الصابرة وطفلها يزف اليها عريسا علي علي ايدي صقور الشرطة السودانية ورجالها الاذكياء البواسل الذين لم يخذلونا في يوم من الايام رغم رهق السنين وعنت الظروف..وضيق ذات يد الكيزان..كم انا فخور بك ياوطني..وبشرطتك ..طفل اتخطف في الدامر واتلقي في جحور وازقة مايو..بالله ماذا يستاهل هؤلاء الأشاوس..لك الله ياوطني مازلت وبرغم ضعفك وجراحك تأبي إلا أن تمنحنا بطاقات الفرح بين الحين والآخر..تارة عبر راعي وحيد بين القفار في الفيافي...وتارة بشاب من مدني يستقبل خبر فوزه بمليون دولار بجلد وتحفظ يأبي أن يفقد أمام هول المفاجأة كرامة السوداني الاصيل..والان بهذا الخبر ..خبر عودة طفل ذو عامين..الي حضن والدته ..... كم أحبك ياسودان برغم..فأنت شامخ..سوف تظل شامخ..وسوف تلعق جراحك..وقف من كبوتك..دماؤنا أرخص مايمكن أن نقدمه لك..........
الليلة القيقر فرحااااااااااااااااااااااااان وملعون ابو الكفيل اكتر اقلل بشيلو بدقبيهو الواطا


ردود على القيقر
[ام كرتبو] 04-22-2014 01:21 PM
..طفل اتخطف في الدامر واتلقي في جحور وازقة مايو..هذه الجزئية من تعليقك تستحق التامل ...وللذين لا يعرفون أن مايو حي من احياء العاصمة والدامر تبعد مسافة 300 كلم عن العاصمة..اذن العاصمة ام جحار دي هي سبب البلاوي ...وابو جعران الكبير فيها عمر البشير اكبر حرامي عرفه التاريخ ..لذلك لابد من العدالة الاجتماعية ..حتي يكون حي مايو ...جميل ونضيف وشوارعه مشجرة وتفوح من اشجاره رائحة الازهار ..وشوارعه مسفلتة والارصفة مبنية انترلوك والشوارع مضاءة نيون ...عندها سوف لن تفكر امرأة بسرقة انسان واخفاءه في جحار العاصمة


#979919 [مسكين]
3.50/5 (2 صوت)

04-21-2014 12:06 PM
بموافقة الجدة دي شنو كمان ---- كمر عمر الجدة ؟


#979850 [القيقر]
0.00/5 (0 صوت)

04-21-2014 11:10 AM
والله العظيم فرحتا لامن دموعي سالت وبقيت اكبر لكن ماتكبير كيزان..تكبير فرحة من القلب..تخيلت هذه الاسرة المكلومة الصابرة وطفلها يزف اليها عريسا علي علي ايدي صقور الشرطة السودانية ورجالها الاذكياء البواسل الذين لم يخذلونا في يوم من الايام رغم رهق السنين وعنت الظروف..وضيق ذات يد الكيزان..كم انا فخور بك ياوطني..وبشرطتك ..طفل اتخطف في الدامر واتلقي في جحور وازقة مايو..بالله ماذا يستاهل هؤلاء الأشاوس..لك الله ياوطني مازلت وبرغم ضعفك وجراحك تأبي إلا أن تمنحنا بطاقات الفرح بين الحين والآخر..تارة عبر راعي وحيد بين القفار في الفيافي...وتارة بشاب من مدني يستقبل خبر فوزه بمليون دولار بجلد وتحفظ يأبي أن يفقد أمام هول المفاجأة كرامة السوداني الاصيل..والان بهذا الخبر ..خبر عودة طفل ذو عامين..الي حضن والدته ..... كم أحبك ياسودان برغم..فأنت شامخ..سوف تظل شامخ..وسوف تلعق جراحك..وقف من كبوتك..دماؤنا أرخص مايمكن أن نقدمه لك..........
الليلة القيقر فرحااااااااااااااااااااااااان وملعون ابو الكفيل اكتر اقلل بشيلو بدقبيهو الواطا


#979843 [osman]
5.00/5 (2 صوت)

04-21-2014 11:04 AM
برضو في حلقة مفقوده؟؟؟؟؟؟؟


ردود على osman
European Union [عامرى] 04-21-2014 10:54 PM
نهنئ ذوى الطفل ونحمدالله لعودته ولقد فرحنا لهم .ولكن يبقى جرح نازف فى شرقنا الحبيب وهويعانى ويلات الاتجار بالاعضاء ولا ننسى ان هنالك اسر فقدت اطفالها ولم يعرف حتى اللحظه اين هم ولم تحرك قضيتهم الرائ العام هل هم دون البشر ام لانهم مهمشين . اللهم يارب عليك بهذه العصابه فهم لا يعجزونك وافرح ذوي المفقودين بعوده ابناءهم سالمين



خدمات المحتوى


مساحة اعلانية





الرئيسة |المقالات |الأخبار |الصور |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة