الأخبار
اخبار افريقيا والوطن العربي
سعر الدولار يتجاوز 9000 جنيه مواصلاً الإرتفاع
سعر الدولار يتجاوز 9000 جنيه مواصلاً الإرتفاع
سعر الدولار يتجاوز 9000 جنيه مواصلاً الإرتفاع


04-22-2014 10:19 AM
في جولة للراكوبة صباح اليوم بالخرطوم وسط تجار العملة ، قال أحد التجار أن هنالك شحاً في السوق وأن كثير من التجار لا يبيعون الا في حدود ضيقة جداً ، وقال إنهم يشترون الدولار اليوم بمبلغ 9000 جنيه ويبيعون بسعر يتراوح بين 9100 و9200 جنيه وذلك وفقاً للكمية والتاجر .






تعليقات 32 | إهداء 0 | زيارات 12910

التعليقات
#982000 [كتمت]
5.00/5 (1 صوت)

04-23-2014 09:50 AM
اول ما الحكومة تمشي شوف الدولار ما يعمل خسمة جنية مرة واحدة


#981951 [لا نريد وطنا بلا مواطن]
5.00/5 (1 صوت)

04-23-2014 09:26 AM
هــــذا هــو رأي ولا افرضها على احد ..
بقول .. ما في طريقة ليك با بنك السودان ويا جنيه السودان إلا تفتحوا للمغتربين نظام حرية إستيراد السيارات ( تحديد موديل مثلا من 2005 فما فوق ) وكمان عفش البيت والمواد التموينية اللازمة من سكر وحليب ورز وزيت ووو.. الخ بدون جمارك او بجمارك إسمي في حدود 4% من قيمة البضاعة .. شريطة ان يحول صاحب البضاعة ما يعادل قيمة السيارة بالكامل او البضاعة إلى بنك السودان ويستلم ما يعادلها بالجنيه السوداني ....
كده يا بنك شعب السودان لا عايزين مليار دولار قطر ولا غير قطر .. وكمان رجع للمغتربين التحويل الإجباري عبر القنوات الرسمية ادنى شىء مثلاً 300 دولار حسب الفئة الوظيفية .. واي مغترب ملتزم بالتحويل سنويا بالمبلغ المفروط عليه شريطة ان يكون لديه .. إعفاء من إدخال بعض السلعة الضرورية او الملتزمات الضرورية او الشخصية في حالة تحويله مبلغ كحد اعلى وهكذا ستجد المليارات من الدولارات والريالات الخليجية تتدفق على السودان .. تلقائياً ..
والاهم والأهم التقيد والتقليل من التحويل المعاكس الممنوح للطلاب والدبلوماسيين والمرضى اثناء سفرهم من السودان لأن هنالك من يدبرون حيل للتحويل بإستقلال اساليب ملفقة للغرض .. وشكرا
وفي الختام ارجو من أي مغترب ان يفكر في وطنه الذي يحتاج دمه قبل ماله .. ويجب علينا تحمل جزء من اعباء الوطن وذلك من اجل الفقراء والمحتاجين .. وليس دعمَا لإستقرار النظام !!!


ردود على لا نريد وطنا بلا مواطن
[Tatto] 04-23-2014 11:15 AM
تاني عايز المغتربين يحلوا ليكم مشكلتكم .. يا خي أنتوا حاتقعدوا وتشتغلوا وتنتجوا بتين.
وبعدين الفقراء والمساكين ديل لو ما المغتربين كان حايكونوا مجرد ذكريات .

شكلك علي صلة قرابه مع ماجد حاج سوار .. لعنة الله عليه وعلي النظام الجابو.


#981918 [كيمو]
5.00/5 (1 صوت)

04-23-2014 09:06 AM
لو ماجينا كان الدولار حصل 25 جنيه الحمد لله انكم جيتو يا حرامية يا بدون ذمم ياخنازير


#981510 [الدفاع بالنظر]
4.63/5 (5 صوت)

04-22-2014 10:19 PM
اخاف إن يأتي يوم نسأل فيهو عن سعر الدولار يكون الرد (عفوا هذا الرقم لايمكن الوصول اليه حاليا)


#981379 [جركان فاضى]
5.00/5 (1 صوت)

04-22-2014 05:01 PM
الوديعة القطرية مقابل شراء الجزء الغربى من احياء الجريف شرق...يعنى من شارع الجريف الحلة ولى وراء على البحر...وتقول قطر يا حكومة البشير كسروا هذه الاحياء وسلمونا ليها ارض فاضية...وكدا تاخدوا الوديعة...وحنقيم عمارات وابراج عليها ونسميها المنشية شرق...بس ناس الجريف هاجوا وماجوا وقاموا بمظاهرات اعتقل النظام فيها 40 شخصا...وبكرة اولاد الحرام من الجريف ببيعوا احياء الجريف لقطر...والدنيين للقروش ما شوية...وبكرة نستلم الارض فاضية...والوديعة تملا الصرافات...والجنيه يشم الهواء...والسودان بخير


#981354 [جركان فاضى]
4.50/5 (3 صوت)

04-22-2014 04:33 PM
يا انقاذ ...الفينا كملت...حاوروا الدولار...وبكرة سوف تختفى جميع العملة المعدنية السودانية...عارفين السبب؟...قيمة المعدن الفى العملة اغلى من قيمتها النقدية...يعنى كيلو العملة الفيه 100 جنيه ممكن تبيعه معدن بى 200 جنيه...الحقوا حاوروا الدولار الشفقان دا...نحن ماشفقانين على الحوار


#981327 [الجريح]
5.00/5 (3 صوت)

04-22-2014 03:55 PM
نعاين نحن للتاريخ وما عارفين.. وحاتكم إنتو ماشين وين..؟
( 1)
أحب النيل
أحب ناساً (تجقلب) فوق ظهور الخيل
تشيل الخوف
تمسح دمعة الملهوف
من الولد.. الوجيهو حزين
نعاين نحن للتاريخ
وما عارفين.. وحاتكم إنتو
ماشين وين..؟
.....
( 2)
نعاين في قطار الهم
يسوقو رجال
ملوهو سجم
نشفوا حتى موية النيل
لا شجر يضل الناس
ولا يرتاحو تحتو مقيل
......
( 3)
منو القال يوم
تعال يا وليدي سد الدين
برانا بنمشي في الشارع
نقيف كم يوم
ونرقد في التراب.. كم يوم
وما بنخاف من الساساقا
ولا بنخاف نعيق البوم
وحاتكم إنتو ما بنخاف
ولا في يوم نشيل الهم
من الوسخ.. الملأ الخرتوم
.....
( 4)
منو اليحرمنا موية النيل
منو اليقدر يداري الشمس باليدين
منو البمنع ولادنا
ينططوا في المطر .. والطين
وحاتكم إنتو يا أولاد
بيجي اليوم
ونعرف نحن ماشين وين
ودايرين مين..
....
( 5)
يا الخرتوم
حليلك إنتي يا الخرتوم
حليل زمن النضارة الزين
زمن ناساً حنان حلوين
زمن ضحكة بتجلجل شاقة نص الليل
وما خايفين.. وديمة علينا فرحانين
وكل الناس
بتستنى العديل والزين
ودرب الشمس عارفنو
نشقو عديل
وما خايفين زماناً شين
....
( 6)
يا الخرتوم
حليل الحق
تعرفي زمانو.. روح وين؟
نفتش ليهو
في وسط الخبوب.. والطين
نساكك في كلاب الحر
شمال ويمين
لا بنخاف من (الجلاد)
ولا ناس الزمان الشين
....
( 7)
عشان كده
نحن يا الخرتوم
نحب النيل
ونحب ناساً تجقلب فوق ظهور الخيل


#981253 [ابوبكر]
5.00/5 (1 صوت)

04-22-2014 02:13 PM
الجنيه الاسترليني حصل كم يا خوانا ؟


ردود على ابوبكر
European Union [بنت الجبال] 04-23-2014 09:43 AM
1416ج عايز تتاجر فيهولا شنو هاهاهاهاهاهاهاها

European Union [ابوبكر] 04-22-2014 09:47 PM
هههههههههه .. اخر وثبة طيب عمل كم ؟

United States [جركان فاضى] 04-22-2014 04:42 PM
لايوجد سعر ثابت...كل ساعة فيها سعر جديد...بس الاسترلينى دا واثب للاعلى


#981222 [Tarig Amman]
4.00/5 (1 صوت)

04-22-2014 01:34 PM
و الترابى ده جاى تانى ليه .. ماله نفسه مفتوحة للحكم كده ... الزول ده مش عدى ال90 سنة ...


ردود على Tarig Amman
United States [AL MAHDI] 04-22-2014 02:21 PM
الدخل الترابي في الموضوع شنو.. ده الدولار المريكي واجرك على الله


#981219 [usama]
4.00/5 (1 صوت)

04-22-2014 01:33 PM
ههههههههههههه اذكرت كلام الكوز لمن بعض الناس قالو الدولار حيصل 10 جنية قال دا كلام عملاء ومحرضين وقال انتم كاذبين ,,ههه الان خلاص أسبوع ويصل 10 جنية .. والشعب المسكين ملهي بالحرية .. حرية شنو واقتصادك منتهي ومسروق من الكيزان .....معقولة الدولارات بقي 9 جنية وعمر البشير قال جينا عشان الدولار مايصل 3 جنية هههههه المفروض والله يكون شجاع ويقول بتنازل عن الحكم وتعالو اصلحو الباقي قبل الدمار والخراب يحل كل السودان لانو لو حصل مجاعة الحرب حتكون ضد الاخوان المسلمين الحرامية الكذابين المنافقين


ردود على usama
[انسان حزين] 04-22-2014 02:55 PM
بالمناسب البشير لامن جاء قال جينا عشان الدولار ما يبقي يصل 10 جنيه بالقدييييييييييييييم ، الان بساوي 9000 القت داك واحد دولار بعادل 7 جنيه سوداني


#981212 [أرسطو]
5.00/5 (7 صوت)

04-22-2014 01:27 PM
يا جماعة من زمان قلنا بأن كل أحزاب المعارضة ليست بقادرة على أسقاط الحكومة و كل الحركات المسلحة الثورية لن تستطيع أسقاط الحكومة - و لكن من سيسقط الحكومة هو الجنرال دولار - وهذا أكيد و حتمى ...
و فوق فوق دولارنا فووووووق .


ردود على أرسطو
United States [جركان فاضى] 04-22-2014 04:21 PM
كلامك صحيح...ودا البخلى قلب البشير يدق شدييييييد


#981198 [رانيا]
5.00/5 (1 صوت)

04-22-2014 01:14 PM
ما عارفة متى ستكون نهايتهم بعد كل البيحصل ده ؟؟


ردود على رانيا
United States [Aboahmed] 04-22-2014 02:02 PM
قرييييييييب ان شاء الله ......صبراً آل ياسر....
الظالم يظن ان الله لن يقدر عليه ...
ولكن خاب وخسر فسياخذه اخذ عزيز مقتدر...
وعندها سيعض الظالم على يديه ويقول : ليتني اتخذت مع الرسول سبيلا....


#981167 [أهل العوض]
5.00/5 (1 صوت)

04-22-2014 12:52 PM
تأكدوا أيها الأحباب أن حكومة الكيزان لم ولن تستلم دولارا واحدا من الوديعة القطرية المزعومة بعد أن وقعت قطر اتفاقا في الرياض مع دول التعاون الخليجي تعهدت من خلاله على وقف أي دعم كانت تقدمه للإخوان الشياطين في كل مكان.إذن الوديعة راحت شمار في مرقة بعد الاتفاق المذكور أعلاه...ونقاطة بترول الجنوب توقفت مع استمرار الحرب بين مشار وسلفا كير.يعني الكيزان محاصرين من القبل الأربعة برا وجوا وبحرا.


#981152 [أهل العوض]
5.00/5 (3 صوت)

04-22-2014 12:39 PM
فوووووووق فوووووووووق دولارنا فووووووووووووووووق أكيد وثبة الدولار ح تطيح بوثبة البشير وحكومته


#981115 [Wad Darfur]
5.00/5 (1 صوت)

04-22-2014 12:12 PM
Idiot kizans


#981096 [لقمان]
4.00/5 (1 صوت)

04-22-2014 12:02 PM
هههههههه وانت قايل الوثبة وجر الناس والاحزاب والشعب والمعارضة للحوار الوهمي وحكومة انتقالية ولا قوميةدة كلو عشان شنوا ههههههههه عشان تنسوا الوضع الحاصل والدليل الوثبة والعوة للحوار شع
ب وهم فى وهم


#981087 [الرد قادم]
5.00/5 (2 صوت)

04-22-2014 11:54 AM
لا شعب قد عملنا نحن للمنصب فِداء..أو تُرق من الشعب دماء..أو تُرق كل الدماء .. الحكومة لم تأتي للشعب بل أتت لمصالحهم الشخصية ,,, والآن يتحدون الشعب (الشعب إن شاء يموت = أهم شيء نكون موجودين = 25 سنة تانية)
يجب أن نحرك الشعب ,,, أي شخص يحرك أهله و جيرانه وكل من يقابله يجب اقناع الناس أنه لا حل مع وجود الانقاذيين.


#981083 [البدرابى]
4.00/5 (1 صوت)

04-22-2014 11:52 AM
لا حول ولا قوة إلا بالله العلى العظيم كان الله فى عون أهلنا الطيبين الذين عانوا ما عانوا ومازالوا يعانون وسوف تستمر المأساة ما لم نغير ما بأنفسنا حتى يغير الله ما بناوتتنزل علينا رحماته فوالله ثم والله ما هذه سوى إشارات لغضب من الله وأعلموا أن الخير يخص والشر يعم وما نحن فيه إلا بما كسبت أيادى أشرارنا. عودوا عودوا إلى الله ليرحمنا وإياكم وردوا المظالم إلى أهلها وأعلموا أن الأرض لن يرثها إلا عباد الله الصالحين وهذا وعد الله سبحانه وتعالى .


#981081 [المشتهي الكمونية]
4.50/5 (4 صوت)

04-22-2014 11:49 AM
يعني الوديعة القطرية راحت شمار في مرقة ، ولا ممكن يكون أدوها لوداد لزوم مصاريف الشهر وكدا


ردود على المشتهي الكمونية
[رانيا] 04-22-2014 06:46 PM
الوديعة طلعت كمونية يالمشتهي الكمونية .

United States [Aboahmed] 04-22-2014 02:08 PM
هي اصلا ما حتكون وصلت .. ولا حتكون دخلت البلد ....ليه؟؟؟؟
لانهم قسموها بره بره وخلاص مولد وانتهى ...وكل وديعه والشعب السوداني بخير..!!!!!
آل وديعه آآآآل ... سلم لي ع الوديعه ...

[مهاجر] 04-22-2014 01:03 PM
اكيد اخذت نصيبها دي سيدة السودان الاولي .

[hassan] 04-22-2014 12:43 PM
الوديعة دي ما تجيب ليهم صابون يغسلو بيه ================؟


#981075 [المغترب والمشترق كمان]
5.00/5 (6 صوت)

04-22-2014 11:46 AM
الإتجاه التصاعدي لسعر الدولار يصح إستخدامه كمؤشر للإتجاه الإنحداري للحكومة الحالية. إنها ستسقط لامحالة. لامعني للتلكوء والكسل السوداني الشهير . عجلوا بالحكومة الإنتقالية (ولكن القومية ايضا). لا حل آخر لوقف هذا النزيف وإستباق المجاعة القادمة ليس في الأطراف فقط ولكن في الحلة الجديدة وبانت والمزاد كذلك. الا هل بلغت. اللهم فاشهد............


#981066 [غلابه]
0.00/5 (0 صوت)

04-22-2014 11:41 AM
الي اين ياكيزان


#981064 [الدارفوري الدغري]
0.00/5 (0 صوت)

04-22-2014 11:38 AM
.


#981053 [سير سير]
0.00/5 (0 صوت)

04-22-2014 11:33 AM
ماشين كويس عقبال يعمل 20000 جنيه


#981052 [abuamin]
3.00/5 (2 صوت)

04-22-2014 11:33 AM
عييييييك


ردود على abuamin
[محمود] 04-22-2014 12:50 PM
ههههههههههههه اكثر تعليق ضحكني في حياتي اضحك الله سنك


#981048 [ركابي]
5.00/5 (2 صوت)

04-22-2014 11:32 AM
فضل شنو بعد كدة ؟؟خلاص واصل لعشرة جنيه واكتر .......لعنة الله علي الانقاذ والكيزان والشعب السلبي الجبان


ردود على ركابي
United States [ركابي] 04-22-2014 06:25 PM
الواحد طلع من طوره فعلا ياخي الطير المهاجر ...لك الود

[الطير المهاجر] 04-22-2014 12:08 PM
الأخ الركابي لا تسب وتلعن الشعب سواء كان سلبي أو إيجابي فالقهر والطحن الذي لازم الشعب السوداني ل25 عام أفقده كل شئ .. فلا بقدر أن يتحمل فوق ذلك اللعنات والشتائم


#981045 [غلابه]
0.00/5 (0 صوت)

04-22-2014 11:28 AM
الي اين ياكيزان


#981018 [انس عثمان]
4.25/5 (3 صوت)

04-22-2014 11:09 AM
ياجماعة الحاصل شنوه في البلد دي . يحلوها من تخرب من هنا البلد بقت فيه سخانه في الجو والليلة الدولار مسخن والله يلطف بشعب السودان الصبور العظيم ...


#981005 [jangy]
1.00/5 (1 صوت)

04-22-2014 10:58 AM
مغترب من زمن الجنية القديم الكان بساوى ثلاثة دولارات وما قايل حاعيش لحدى ما جنيهنا يبقى مجان وناس حكومة ما عندهم دم قاعدين فى كراسيهم فادا لم تستح افعل ما شئت والعبارة الاخيرة دى وردت فى حديث للرسول محمد صلى اللة علية وسلم ويقولوا ليك هي للة ومشروع حضارى اسلامى والاستحو ماتو فى زمن الخلفاء الراشدين


ردود على jangy
United States [جركان فاضى] 04-22-2014 04:37 PM
طيب الجنيه السودانى دا غلط عليك بى شنو عشان تقول فيه الكلام الكعب دا؟...ما انت طول عمرك تتعامل بالدولار والريال والدرهم...والزمن دا كلو ما شفت الجنيه وتسمع بيه سمع


#980998 [المتغرب الأبدي]
3.50/5 (2 صوت)

04-22-2014 10:52 AM
لو ما كان جينا كان لحق 20 جنيه ..


ردود على المتغرب الأبدي
[انسان حزين] 04-22-2014 03:10 PM
البشير وقت سرق الحكم واحد دولار كان بساوي 7 جنيه وقال انحنا جينا عشان عشان ما يبقي 10 جنيه ، الان اصبح 9000 يعني اضعاف اكثر من الف مرة ويستمر الحريق


#980995 [بشة الكضاب]
3.50/5 (4 صوت)

04-22-2014 10:50 AM
ياخ ان شاء الله احصل 100 الف مدام السودانيين قاعدين في بيوتم زي النسوان


ردود على بشة الكضاب
[بنت الجبال] 04-23-2014 09:47 AM
وانت شنو


#980994 [محمد]
3.50/5 (2 صوت)

04-22-2014 10:49 AM
طار بالبشير فوق وعلى البشير الوثب الان جاء دور الوثبة اذا لم تموت بها تكسر كراعك
وبعدين تاحس كوعك الجماعة قالواا عوووك خلاص مؤشر بورصة الدولار مدور إرتفاع


#980974 [sanmka]
5.00/5 (2 صوت)

04-22-2014 10:32 AM
وإنتهت رحلة الصمود بعد أن إستمرت لثلاثة أيام كاملة وبلياليها، ألا لعنة الله تغشي المؤتمر الوطني وكل أعضائة وكل قادته


ردود على sanmka
[adams] 04-22-2014 11:52 AM
طول مالكيزان على راس الامر والقتل والتشريد والكذب والنفاق مستمر فهناك مزيد من الضيق ونسال الله الفرج بذهابهم الي مزبلة التاريخ



خدمات المحتوى


مساحة اعلانية





الرئيسة |المقالات |الأخبار |الصور |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة