الأخبار
أخبار السودان
مديرالتعليم بالخرطوم : العام الدراسى للأساس والثانوى فى موعده وتغيير الزي المدرسي
مديرالتعليم بالخرطوم : العام الدراسى للأساس والثانوى فى موعده وتغيير الزي المدرسي



شاهد صور للزي المدرسي الجديد
04-24-2014 04:15 PM

الخرطوم (سونا) - أكد د. فتح الرحمن فضل المولى مدير عام وزارة التربية والتعليم بالخرطوم أن العام الدراسي الجديد لمرحلتي الأساس والثانوى فى موعده المحدد فى الثالث والعشرين من يونيو المقبل.
وقال سيادته - أن تغيير الزي المدرسي لمرحلتي الأساس والثانوى سيتم تطبيقه تدريجياً على ثلاث مراحل ابتداءا من العام الدراسي 2014-2015 كمرحله اولى و العام الدراسى 2015- 2016 كمرحلة ثانية ثم العام الدراسى 2016-2017 كمرحلة ثالثة .وأضاف ان هذا الاجراء من شأنه تخفيف العبء على أولياء الأمور مشيراً الى ان سعر الزي لمرحلة الأساس يبلغ حوالي 65 جنيها ، وللمرحلة الثانوية 75 جنيهاً.
وأشار د. فتح الرحمن إلى إنتهاء تصحيح عدد من المواد الدراسية لشهادة الأساس عدا مواد الرياضيات ، اللغة العربية واللغة الانجليزية التى سيتم إكتمال تصحيحها الأحد المقبل كما أشار الى أن عمليات الكنترول (الرصد) تنتهى الخميس المقبل متوقعا إعلان النتيجة خلال الاسبوع الأول من مايو المقبل.


image

image






تعليقات 60 | إهداء 0 | زيارات 26234

التعليقات
#985463 [kaaaak]
0.00/5 (0 صوت)

04-26-2014 04:56 PM
إلا ان يظهر رجل حقيقي غير جبان ولا مدجن عيثوا في البلد كما تشأؤون ،،،، كان التعليم 12 سنة ثم غيرتوها غير مبالين باي معايير عالمية و لا مصلحة ابناء الناس الهمّل ديل،،، ثم رجعتوا تاني ،،،، غيرتو الزى المدرسي و اصبح مثل العساكر ثم رجعتو تاني،،، هذا غير تغيير العملة جنية ثم دينار ثم جنيه جديد و قديم ،،، هذه البلاد و هذا الشعب السايب مسكين كان بكرة قلصتوا او زيدتو الاسبوع يوم بسكت و بنوم ساكت،،،خسارة فيه الاكسجين الذي يشارك فيه الاحرار و الكرام من شعوب هذا الكوكب


#985330 [كاهل ابوعرب]
0.00/5 (0 صوت)

04-26-2014 02:07 PM
قالوا دايرين يغيرو تاكسي الخرطوم من الاصفر الى اللون البنفسج ( ممكن وداد جابت البوهيه وطلعت مسرطنه دايره تتفك منها بسرعة )


#985325 [ام كرتبو]
0.00/5 (0 صوت)

04-26-2014 02:00 PM
لو في عدالة ومنطق في البلد دي كان من المفترض يعطو الطلاب زمن اضافي حتي يستهلكوا ما بحوزتهم من زي مدرسي قديم ومن ثم يتم طرح الزي المدرسي الجديد ...والا فان الطالب يكون هو المتضرر الاكبر من هذه العملية ومن الممكن يكون للطالب اكثر من لبسة للزي المدرسي وبعضها جديدة وبحالة ممتازة وكان من المأمل انها تكفيه لعامين دراسيين مقبلين علي الاقل ..لكن الجماعة يبدو ان الفلسة بدأت تدخل في اللحم الحي ...بدأوا مبكرا في مرحلة الابتكارات والتوليفات الذكية والماكرة في شفط ما تبقي من حتاحيت جيب المواطن الغلبان...والشخص الذي يعرض الزي في الصورة هو كوز كامل الدسم والعملية اكيد وراها تمساح كبيييير ...يا الشعب السوداني انتفض والله لو صبرت تاني اكتر من كده حا تشوف حاجات لم تخطر ببال ابليس وسيتم تطبيقها عليك شئت أم أبيت


#985038 [المهاجر]
0.00/5 (0 صوت)

04-26-2014 10:28 AM
لان المستورد من الصين كوز زيتهم فىفى دقيقهم لا يمكن عمل لوجه الله كلهم شفاطين بلاعين تماسيح


#984983 [الهميم]
0.00/5 (0 صوت)

04-26-2014 09:54 AM
السلام عليكم ورحمة الله وبركاته
إخواني الأعزاء :
اولا : عليكم الله بطلوا شتم(نبذ) في بعض لأنوا في مقوله( فرق تسد) وفي النيذ والشتم الفرقه ، لذا علينا التوحد ضد الغاشم وانا وانت مسؤولون عن التغيير . فوجب علينا ان نحترم آراء الآخر (نصف رأيك عند أخيك ) . ولنتوحد وجب علينا الآتي : ذكر الرأي من أي كان ثم نوافق عليه أو نعدله وألا نتعصب لقرارنا .
ثم تنفيذ القرارات بدون خوف وبدون إنتظار الآخر حتي ينفذ و يكون خروجنا كانه خروج عشوائي وعند التجمع يجب ان نرأس أحدنا ليكون القائد ( إذا كنتم ثلاثه فأمروا احدكم )

وهكذا سنخرج الكيزان والمتأسلمين والانتهازيينن (الإنقاذيين).كما خرج القذافي من جحره .
وكما خرج زين العابدين من قبل .
وأخيرا وليس آخرا يجب عمل دائرة أو مجموعه رأي لنجمع آراء الناس وإنضمامهم إلينا .

والله الموفق ،،


#984961 [أب قرن]
3.00/5 (1 صوت)

04-26-2014 09:36 AM
البنطلون بي لستك مطاط يعني سروال طويل ملون


#984541 [ودكترينا]
5.00/5 (1 صوت)

04-25-2014 09:02 PM
*** أهم حاجة يعملها والى الخرطوم (فك الله أسره!)وحكومته انو يورو اللبس ده ويحفظو لناس قوات الدعم السريع!!عشان المظاهرات الجاية لمن الوالى يصدر أوامرو ليهم: أمسح...أكسح...قش...يعرفو ينشنو وين...فى سبتمبر 2913 استهدفوا بالقتل مع سبق الاصرار والترصد طلاب وطالبات الثانوى وميزوهم بالزى المدرسى...الصورة التى تحكى جرم المؤتمر الوطنى والحركة الاسلامية ووالى الخرطوم هى صورة الطفل طالب الثانوى صالح صديق عثمان صديق...سقط مضرجا بالدماء التى غطت زيه المدرسى المميز بعد اصابة بالرصاص الانشطارى أصابت رأسه فسال دمه وتناثر دماغع على الأسفلت ...وتم تداول الصورة بصورة واسعة على مواقع التواصل الاجتماعى


#984532 [ود الشرق]
5.00/5 (2 صوت)

04-25-2014 08:34 PM
المفروض تعرض عينات وخيارات على الطلاب الحيلبسوا الزى هذا لاان يفرض عليهم فرضا انتهى زمن التجنيد اللأزامى والزى اللأزامى فليشركوا الطالب الى متى سنظل نفرض على صغارنا انت عارفين ان نوعية اللبس لها اثرفى نفسية الأطفال وهى ذوق على الأقل نحدد بيوت خبرة نزيهة تراعى مشاعر اطفالنا وجماليات والوان تناسب الجميع وتراعى منظر اطفالنا وهم يتدفقون صباحا يملئون السودان جمالا وتفائلا هذا الزى لايمت بصلة الى الذوق العام نتمنى تغييره والبنات ذوقهم حساس جدا


#984435 [ود تلودي]
5.00/5 (1 صوت)

04-25-2014 05:42 PM
ما تخلو الوضع زي السعودية هنا حيث الطلاب يرتدون الجلابية ومن فوائدها اعتقد رخيصة الثمن


#984385 [بره الشبكة]
5.00/5 (1 صوت)

04-25-2014 03:58 PM
نوع القرارات دي تفضح ما يسميهو حكام اليوم (ومعهم شلة المردوفين غدا) بال"حوار": نحاورهم اليوم ونطلع قرارات الشهور الجايات بالنفس الديكتاتوري بتاع (1989-2014) ذاتو ضامنين انو مافي حاجة حتتغير من هنا لسنوات!. ولمان مواطنو الدرجة التانية يقولو ده حوار اصطفاف الراسمالية الطفيلية وتجار الدين تقولو ليهم انتو عملاء!


#984368 [حالم بوطن أحلى]
5.00/5 (3 صوت)

04-25-2014 03:27 PM
مطلوب تغيير السلم والمنهج وليس الزي وحده الجوهر أسوا من المظهر لترحمنا هذا تتوطن ولو مرة واحدة قد يرحمكم من السماء.


#984364 [حلم الاماسي]
5.00/5 (1 صوت)

04-25-2014 03:23 PM
في واحد من الحراميه اتورط في كميه قماش وقال احسن اتصرف فيهو القديم مالو ولا المشكله بقت في الزي ياجماعه انسوناكرهتونا


#984337 [خالد عثمان]
0.00/5 (0 صوت)

04-25-2014 02:53 PM
asفى السعوديه الذى المدرسى لطالبات الابتدائى من الصف الاول حتى الرابع لا تفرض الطرحه هنا مع حكومه المهوسين البنت من اولى ابتدائي تفرض الخمار وايضا تظليل السيارات يستخدم للحمايه من حراره الشمس المهوسين منعوه مع انو فى جميع دول العالم مسموح


#984226 [زي البنات عورة ولا شنو؟]
3.00/5 (2 صوت)

04-25-2014 11:47 AM
ما شايف صورة لزي التلميذات والطالبات...؟؟؟

يا ربي يكون اعتبروهو جزء من... العورة.. ولا يجوز عرضه!!!


كلو عندهم جايز...


ردود على زي البنات عورة ولا شنو؟
United States [مواطن] 04-25-2014 01:56 PM
أعتقد زي البنات الموجود في المنضدة بلون أزرق ( قميص بأكمام طويلة وبنطلون ).


#984222 [قصة اختيار هذا الزي....]
5.00/5 (1 صوت)

04-25-2014 11:38 AM
قبل القصة....

معلوم إنو الحكاية كلها..... تحويل عطاء توفير الزي.... من تمساح...إلى تمساح آخر..أو تمساحة..!!

أها أحدهما - قصدي التمساح والتمساحة - لما عرف بحكاية تغيير الزي دي - ويقال إن هو من حركها -

قام بمسح السوق بحثاُ عن أكثر الأقمشة كساداً - البايرة يعني - أها لقى ليك الألوان المعروضة أعلاه هي

التي ينطبق عليها شرط البحث.... طبعاً بايرة يعني أصحابها حا يبيعوها ليهو بأقل سعر

خاصة وهو حا يشتري كل الكمية...

أها قام التمساح - أو التمساحة - قش ليك السوق كلو....

بعدها فكر في كيفية توفير القماش للسنوات القادمة - حسب أحلامو طبعاً - أها عمل تأهيل لمصانع

النسيج في منطقة معروفة.... والخبر ده تجدونه في أرشيف الراكوبة...

واضح إنو التصميم المعروض أعلاه يخلو من أي لمسة جمالية.... أو حتى اعتبار لوظيفة الزي...

السبب لأنو أي زيادات... أو تذويقات.... حا تزيد التكلفة.... وده ما كويس معاهم....

نجي للسعر الموضح أعلاه.... الزي بشكله المعروض أعلاه.... لايمكن يتعدى سعر انتاجه 25 و 35 ...

يعني ممكن يكون سعر البيع - بعد الضريبة و الحاجات التانية - 40 و 50.... وده من غير أي دعم

حكومي.... لو في حكومة شغالة للمواطن كانت حا تدعمو.... ويباع بي 20 و 30 - شيل الضريبة

حقت الحكومة والحاجات التانية حقت الموزعين والتجار - وممكن أصلاً تخصص مصانع حكومية لانتاجه وما أكثر

خبرات النسيج بالبلد من عامل ومهندس وحتى رؤوس أموال... لكن لأنو هؤلاء العمال والمهندسين دائماً

من غير المنتمين للكيزان.... فما حا يحصل دا....

سؤال: وين صورة زي البنات؟... الظاهر حاتكون عباية سوداء...

السؤال المهم: من هو التمساح - أو التمساحة - المستفيد؟

علمي علمكم....


ردود على قصة اختيار هذا الزي....
European Union [مؤثمر وطني قال] 04-25-2014 03:53 PM
يا [قصة اختيار هذا الزي... إمشو وين من رب العباد و ما بتعظوا أصلا و قد بدأ عذاب الله بهم و لن يتعظوا قال لي طبيب أن هناك من المتنفذين يولد لهم أطفال بلا أطراف و آخرون بلا أذان و جنون من مخدرات للكبار و غيرو كثير و هم جزء كبير منهم أصصصصصصصصصصصصصصصصصصصبح مدمنو مخدرات أو سنة و في النهاية إقولوا ليك ما لدنيا قد عملنا نحن للدين فدا و هي لله هي لله لا للسلطة و لا للجاه اللهم أشفي قلوبنا فيهم و في أينائهم فأنت عالم بظلمهم لعبيدك في أرضك الطيبة السودان.

United States [جنرال زمان] 04-25-2014 02:11 PM
يا عبد الله بشة يا وداد شمس الدين، ويمكن يمكن فاتيما بشة وفي الآخر حرامي وحرامية من الكيزان العفنين لا محالة. عليهم لعنة الله

United States [مواطن] 04-25-2014 01:58 PM
أعتقد زي البنات الموجود في المنضدة بلون أزرق ( قميص بأكمام طويلة وبنطلون ).


#984213 [ابوريدة]
1.00/5 (1 صوت)

04-25-2014 10:58 AM
اولادنا وبناتنا بقوا زي الحربويات كل سنة بي لون ........


#984205 [معلم]
0.00/5 (0 صوت)

04-25-2014 10:47 AM
جميل أخيراً غيرتو اللبس المبرقع بتاع الجيش


#984201 [العنطـــــــــــج]
0.00/5 (0 صوت)

04-25-2014 10:46 AM
اكيد القماش ده باير في مخازن واحد جبهجي, من دقنو و افتللو


#984193 [Amin]
0.00/5 (0 صوت)

04-25-2014 10:40 AM
يا ريت لو رجعتوا للشورت ( الردا) في مرحلة الأساس

هو مهم جدا ًلتخفيض حرارة الجسم للأطفال في المناطق الحارة
ومهم يضاً للنظافة


#984189 [عمر]
0.00/5 (0 صوت)

04-25-2014 10:32 AM
لون الزي دا عما تو ليهو لجنة ولجان منبثقة مليارية ولا شختك بختك ساكت..
ما تقومو السنة الجاية تغيروهو بتوجيه من خبيركم خبير البكور
والله أنتم لا تؤتمنو علي مزيرة(ضل تحته أزيار) قدام مدرسة خلي مصير أمة وتربية ناشئة.. الله يحلنا منكم


#984147 [كاكا]
5.00/5 (2 صوت)

04-25-2014 09:42 AM
ده زي صيفي في الشتاء الطالب والماعنده كوت حياكل نيم


#984126 [ثعلب الصحراء]
5.00/5 (1 صوت)

04-25-2014 09:12 AM
شعب السوداني اصبح حقل لتجارب مرة سلم التعليمي مرة زي المدرسي مرة مناهج مرة بكور و حطط حمسية و عشرية فعلاا شعب ليس له وجيع و لكن تستهلوا


#984105 [ود شمين]
0.00/5 (0 صوت)

04-25-2014 08:34 AM
خش ياخ جلاكس


#984086 [fonjan gahwa]
5.00/5 (1 صوت)

04-25-2014 08:14 AM
أعرضوا لينا شكل الأساتذة وألوانهم ذى عرضكم للزى


#984041 [المشروع]
0.00/5 (0 صوت)

04-25-2014 06:42 AM
طبعا
ا تغيير السلم التعليمي نافع
لا تغيير المنهج التعليم نافع
لا تغيير الزي المدرسي نافع

كيف يشعر الطالب ان للتعليم فائدة وهو يعلم تماما العلم انه في النهاية ان الامور في ا لسودان تقوم على التمكين والظلم وعدم العدل ؟ زمان كان الواحد يقرأ واهله يشجعوه على القراية بأن يصبح ضابط او قاضي او وكيل نيابة او سفير او ضابط اداري او دكتور او مهندس ودي كلها اصبحت وظائف محرمة على غير بنى كوز ما عدا الدكتور - دي مفتوحة للعامة.. اما بقية المهن فهي حكراً على الحركة الاسلامية

كيف ينصلح حال السودان والتعليم؟ كيف ينصلح حالنا؟ على الكيزان ان يتقوا الله خلاص هم اكلوا ما فيه الكفاية كمان عايزين يأكلوااولادهم واولاد اولادهم كله باسم الاسلام ... مع العلم ان الرسول صلى الله عليه وسلم اولاد شهداء غزوة بدر واحد والخندق وجميع المشاهد لم يترك لهم شيئا .. لم يميزهم على غيرهم.. بل لم يعمل لهم منظمة شهيد ... .. بل العكس ان في غزوة حنين لم يعطى الانصار وقدامى المهاجرين شيئا من لعاعة الدنيا وقال ان وكلهم لإيمانهم..
تعالوا قارنوا تربية الرسول صلى الله عليه وسلم وتربية الكيزان الذين هجموا على الدنيا وهجموا على المناصب وهجموا على المنازل الحكومية في الخرطوم شرق وهجموا على الميادين العامة والقطع النواصي


#983993 [Hopeless Sudanese man]
5.00/5 (2 صوت)

04-25-2014 01:48 AM
إنتو مش والي الخرطوم قال أنو التعليم في العام القادم "سيشهد العجب العجاب"
غايتو دا العجب، وإحنا راجين العجاب!!


#983975 [نادر]
5.00/5 (1 صوت)

04-25-2014 12:55 AM
هم السودانين لونهم ازرق يلبسوهم اخضر


ردود على نادر
European Union [عصمتووف] 04-25-2014 10:20 AM
ما قالو كل الشعب مؤتمر حتي الجنين داخل بطن امه مؤتمر قبل ان يتشكل انه شعار لونهم الاخضر ي رفيق الدرب الوعر


#983974 [جمال]
5.00/5 (1 صوت)

04-25-2014 12:54 AM
دا لون يا وسخ زوق منو دا الله لا يعافيكم


#983948 [الترزي]
5.00/5 (2 صوت)

04-24-2014 11:51 PM
مين الراجل اللواقف ورا الزي المدرسي دا


#983945 [sudani]
0.00/5 (0 صوت)

04-24-2014 11:41 PM
رجعتوا الزي الزمان
رجعوا المدارس الثانوية العامة
بشرط ان تقبل عدد اكثر من 90%
من طلاب الابتدائى
على ان تكون النسب العالية فى مدارس
تعزز بصرف الحكومة كما فى العالم
وخلونا من التلاعب بالطلاب


#983921 [ياسر عبد الوهاب]
0.00/5 (0 صوت)

04-24-2014 10:39 PM
غايتو انتو بتسبقوا الحوادث...
كل قيمة الزي المدرسي لكل تلامذة السودان بما فيها دارفور وجنوب كردفان والنيل الازرق.. تبرعت به سيدة السودان الاولي من ...حر ..حر مالها...ما هي برضك عندها معاش من جوزها المرحوم الرائد اركان حرب شمس الدين..


#983903 [فجغيس]
0.00/5 (0 صوت)

04-24-2014 10:10 PM
مرة تغير سلم التعليمي مرة تغير زي شنو هو
يعني فلستو خلاصف


#983889 [waleed]
5.00/5 (2 صوت)

04-24-2014 09:48 PM
كان الناس مخيرين يمشو السوق يشتروا حسب الامكانات المهم اللون ما يختلف وهذا يساعد تجار الاقمشة في خلق موسم يسمونه موسم المدارس وكذلك يستفيد الترزية والاهم انو كل زول بيفصل حسب المقاس المناسب معاه مع الالتزام باللون فقط ناس تفصل دبلان ناس تفصل تيل ناس بولي يستر ناس تيترون شوفوا المشكلة شنو يعني الحكاية ما عايزة منبر سونا ولا عطاء وبعد شوية فساد يزكم الانوف ولاتفرض سعر محدد ولا خامة محددة


#983888 [صديق حسين عوض]
0.00/5 (0 صوت)

04-24-2014 09:47 PM
الزي طلع رهييييييييييييييييييييييب دا من صنع وداد بوتيك؟ على وزن سلوى بوتيك؟


ردود على صديق حسين عوض
[ام بادر] 04-25-2014 09:57 AM
الله يرحم ايام سلوي بوتيك .تغييير ذي شنو والتعليم ضاع من يوم ظهر الاساس واتلغي المتوسط.زمان لمن خلصنا الابتدائ ونجحنا خيطنا ملابس المتوسط بفرح.وحسينا بنقله اننا كبرنا لا انسي حلاوة هذا الاحساس.وبعد دمج الابتدائ والمتوسط فيما يسمي بالاساس ضاع كل شي .ضاع الشعور بالمسؤليه واختلط الطفل بالمراهق.تحت مسمي الاساس مما افرز مشاكل سلوكيه واخلاقيه كثيره.ما كان يضيرهم لو تركو نظام السلم كما كان فهم ليس افضل من زمن بخت الرضا زمن المنهج المدروس الهادف.


#983867 [rami]
5.00/5 (2 صوت)

04-24-2014 09:12 PM
ههههههههههههه في كوز شفت فتح مصنع ملابس وقال يلقى طريقة يصرفها ببيها... والله انتو حيرتو ابليس زاتو.


#983842 [الفاتح]
3.00/5 (2 صوت)

04-24-2014 08:39 PM
سبصعب علي المواطن شراء الزي.

إفترح أن يلبس التلميذ مريلة (قطعة قماش تنمزل من الرأس ولها جانبان أمامي وخلفي) فوق لبسه العادي. وهي فكرة مقتبسة من تونس. قليلية التكاليف وتتيح للتلميذ لبس ملابسه العادية


#983840 [نكس]
3.63/5 (4 صوت)

04-24-2014 08:37 PM
زي شييييييين عديل كدا - بعدين لسة بيديرالعملية التعليمية عقول مقلوبة يااخي المشكلة في الزي المشكلة في
- المناهج
-طرق التدريس
-الوسائل
- البنيات التحتية
- المخرجات
التعليم محتاج لمؤتمرات جادة لبحث سبل تطوير التعليم - الاهتمام بالمعلم وتحسين وضعه الاقتصادي بما يضمن تفرقه التام للعملية التعليمية - درسوهم عريانيين بس اديني علما


#983830 [nagatabuzaid]
5.00/5 (3 صوت)

04-24-2014 08:03 PM
زى مدرسى جديد الله يزين رسينهم بموس حلاقة مرمية فى الشارع كدى شوفوا لينا البيئة المدرسية واجلاس الطلاب والكتب وكمان حاجة مهمة من ايجارات الدكاكين البنيتوها فى المدارس على حساب ساحات الرياضة وانشطة الطلاب من الايجارات دى اعملوا وجبات للطلاب الفقراء وجبات جيدة مش كشامشا


ردود على nagatabuzaid
United States [nagatabuzaid] 04-26-2014 05:13 PM
لك التحية يا ناجى شرفتنى بمرورك هو القماش براه دى المشاغل حتشتغل والمكنات حتدور والمنظمات الرئاسية حتستولى على الغلانة ديل نشوف فيهم يوم قريب ما بعيد

[nagi] 04-26-2014 01:19 PM
ياست نجاة الناس ديل همهم الاول والاخير انو القماش دا يتوزع لانو استوردوا واحد منهم وما لقي ليه صرفة المواطن سواء مزارع ولا تلميذ ولا طالب مافي اهتمامات الحكومة ديل همهم اعمالهم تمشي وارباحا تكتر


#983819 [انصاري]
5.00/5 (7 صوت)

04-24-2014 07:40 PM
العطاء بتاع الزي المدرسي ,, وقعتوا لمنوا من التماسيح يل حرامية..!!؟؟


ردود على انصاري
United States [nagatabuzaid] 04-26-2014 05:16 PM
سلام عليك يا ابو ريشة انا قاصدة نسبة الى القصر الرئاسى ما قصدت ككا رغم انه القصر الرئاسى بوجودهم اصبح ككا الله يحلنا مع تحياتى

United States [AburishA] 04-24-2014 11:03 PM
[nagatabuzaid]
هع هع هااااع يا بت ابزيد قلتي لي ( منظمةالمدام القصرية) كلام قابل للتأويل.. الشغلانة فيها قصريات..

[waleed] 04-24-2014 09:37 PM
اضرب في المليان

United States [nagatabuzaid] 04-24-2014 07:48 PM
لواحد منهم اوزوجة واحد منهماويمكنبسرعةالبرق منظمةالمدام القصريةتفتح مشغل ويرسى عليها العطاء


#983806 [فكي دلوم]
4.32/5 (5 صوت)

04-24-2014 07:18 PM
اقسم بالله انا اكره الزي المدرسي القديم [ كاكي كيزاني]
نحن في دارفور ايضا نطالب بتغير الزي الي جلاليب التيتيرون او الاراقي عشان يتناسق مع عاداتنا وتقاليدينا الدارفورية


ردود على فكي دلوم
[معلم] 04-25-2014 11:04 AM
وأنا أؤيدك

مفترض الزي يختلف من ولاية لأخرى


#983804 [أبو مهند - دبي]
5.00/5 (3 صوت)

04-24-2014 07:15 PM
أكيد المصنع بتاع واحد من الحرامية الصغار لأن الحرامية الكبار ما بيغتنوا بحاجات تافهة مثل الزي المدرسي


#983789 [كوز كنافه]
5.00/5 (1 صوت)

04-24-2014 06:52 PM
تغيرو ساكت مرة لبس ومرة سلم تعليمي ومرة اسماء المدارس ومرة الموظفين ومرة الوزير ومرة تعملون تعليم ولاية الخرطوم ومرة وزير جديد ومرة تغيرون المناهج ومرة مواعيد المدارس والعطل ومرة الرسوم والغريب مافي مرة تتحدثون عن الدعم والذي يجري للتعليم في عهدكم لم يجري في عهد المغول والتتر وطبعاً اذا فشل التعليم وسلمه فهو الذي سوف يطلع كيزان المستقبل فمبروك لك ياجبهة اسلاميه هذا الانجاز وانتهي مراسم العزاء بعد قبر اخر نعش في مدرسي في عهد الكيزان والبركة في الشعب الفضل


#983785 [AburishA]
4.97/5 (6 صوت)

04-24-2014 06:45 PM
المشكلة مش في الهدوم... محتاجين لتغيير المقررات الهايفة....


#983780 [عصمتووف]
0.00/5 (0 صوت)

04-24-2014 06:41 PM
التغيير يتم تدريجي قمة الكسل والخمول من الخبوب التربوي ما الحكمة في ذلك التدريج


ردود على عصمتووف
European Union [عصمتووف] 04-25-2014 10:25 AM
احتجاج شديد اللهجة لبنت الخرطوم
جماعة من ي اختي بت الخرطوم انا يساري علي حد السكين مدينة لي (باعتذار رسمي ) وعلني لا اتشرف حتي بمعرفتهم ومخالطتهم وهم بالتالي لا يتشرفون بي انا استحي حين اشاهدهم يتحدثون او يمرون بجواري البعد بيني وبينهم بعد الثري من الثريا يديك العافية اسحبي كلمة جماعتك فيها اساءة لشخصي المتواضع

[بت الخرطوم] 04-24-2014 09:03 PM
جماعتك بنى كوز قلبهم على المواطن يعنى لوعندك الزى القديم بحالة جيدة او لبسة الكبيرة عايز تستفيد منها لاخوهو الاصغر ممكن فى فترة سماح لحدى العام الثلاث وبعد داك ما عندك اى عذر تشترى الزى الجديد شفت الحكومة قلبها علينا كيف


#983767 [Amin]
0.00/5 (0 صوت)

04-24-2014 06:27 PM
أعتقد ال collar أو كما نسميها الكولا أو اللياقة ما كان في داع ليها

هي أصلاً للمناطق الباردة لحماية العنق من برودة الرياح

أما عندنا فمجمع للأوساخ والعرق ...وتتهرد سريع




نحن (عموماً) تناسبنا اللبسة الكنقولي فهي واسعة ,مريحة ,واسعة الأكمام
وجميلة ... ومن غير لياقة


ردود على Amin
[معلم] 04-25-2014 11:07 AM
صحيح اللياقة مشكلة

والزي الأبيض معرض للإتساخ

ولا ينفع مع طلاب الاساس اللعبنجية

European Union [Magol] 04-25-2014 08:32 AM
و الله انت جدع يا Amin


#983761 [واحد]
0.00/5 (0 صوت)

04-24-2014 06:16 PM
حليمة رجعت لي قديما

ما قلتوا المان !!


#983752 [ساب البلد]
5.00/5 (1 صوت)

04-24-2014 06:04 PM
*********** اكيد في كوز كبير استورد الزي المدرسي ****** او لاقي عمولة كبيرة ****** بعدين العندو 4 او 5 اولاد يجيب قروش من وين عشان يلبسهم ؟؟؟ ****** مع العلم انه لبسة واحدة ما بتكفي عام الدراسي كامل ***** اكيد الخام (material) اي كلام *******


#983727 [زي إذاي]
5.00/5 (1 صوت)

04-24-2014 05:29 PM
زي جديد يعني القديم ده نخلي لي لعب البلي.. ولا نتبرع بيه لي " قوات الدعم السريع" اقصد دمغة الجريح


#983721 [إبن السودان البار ***]
1.50/5 (2 صوت)

04-24-2014 05:24 PM
المشكلة بعد ما تتاجروا فيهم وتلبسوهم بتصميم أزياء باريسي جميل وراقي مثل المعروض !!! ويتخرجوا حا يعملوا وين ؟؟؟ حتي وظيفة سواقين رقشات بها فائض ؟؟؟ حطمتوا كل المشاريع ونهيتوا السودان الذي بدل ما كان أسمه رجل أفريقيا المريض فقط بقي أسمه رجل أفريقيا المنهوب والمديون والمتسول والمرتشي والكسول والمتشرد والغارق في الحروب وهلم جرررررر ؟؟؟؟ تجوا في الهايفة وتتصدروا ؟؟؟ هل فكر مدير التعليم الهمام هذا في غذاء هؤلاء وهل يعلم أن بالخرطوم عاصمة السودان الذي نال أستقلاله قبل حوالي 60 سنة بها أكثر من 200 الف طالب لا يجدون وجبة الفطور يومياً ؟؟؟ الله لا بارك فيكم جميعاً انتم اللصوص الجدد وحلفائكم أسياد الطوائف الدينية اللصوص القدامي التقليديين شركائكم في نهب السودان المنكوب ؟؟؟ والثورة في الطريق إن شاء الله ؟؟؟


#983711 [Abdulsalam]
2.00/5 (1 صوت)

04-24-2014 05:15 PM
بعد خراب مالطا ... معقول طفل في الاساس يلبس زي عسكري .... ادخلتوا العنف في عقول اولادنا ... حكومة وعقول طالبانية .. لا ينصلح ما افسدتموه الا بعد عقود من الزمن


#983699 [الساكي كيس]
0.00/5 (0 صوت)

04-24-2014 05:07 PM
فكرة الزي المدرسي الجديد دي فكره خبيثة نابعة من احدئ مرتزقة النظام ومؤسساتة الفاشلة والتي اصبحت تستثمر في كل الامور ولعلها تشبه فكرة الزي الجامعي الذي كان مفروضاً علي البنات في الجامعات فهذا المستثمر الحقير يتعاقد مع الشركات الصينية لتوريد الملبوسات المدرسية والتي تحمل دباجة معينة حيث لا يقبل الا تلك الملابس في المدارس وهو في حقيقة الامر تعدي سافر علي حرية الاختيار واعني بذلك الخامات التي كل يريد ان يلبسها والطريقة التي تفصل بها الملابس فهذه هي الطريقة التي يتحصل بها مرتزقة النظام علي الاموال تتكون لديه فكرة وتساعده حكومة الاسلامي الاعرج علي تنفيزها لذلك لابد من التصدي لتلك الراسمالية التي تستثمر في التعليم


#983697 [الساكي كيس]
0.00/5 (0 صوت)

04-24-2014 05:05 PM
فكرة الزي المدرسي الجديد دي فكره خبيثة نابعة من احدئ مرتزقة النظام ومؤسساتة الفاشلة والتي اصبحت تستثمر في كل الامور ولعلها تشبه فكرة الزي الجامعي الذي كان مفروضاً علي البنات في الجامعات فهذا المستثمر الحقير يتعاقت مع الشركات الصينية لتوريد الملبوسات المدرسية والتي تحمل دباجة معينة حيث لا يقبل الا تلك الملابس في المدارس وهو في حقيقة الامر تعدي سافر علي حرية الاختيار واعني بذلك الخامات التي كل يريد ان يلبسها والطريقة التي تفصل بها الملابسفهذه هي الطريقة التي يتحصل بها مرتزقة النظام علي الاموال تتكون لديه فكرة وتساعده حكومة الاسلامي الاعرج علي تنفيزها لذلك لابد من التصدي لتلك الراسمالية التي تستثمر في التعليم


#983693 [همد]
0.00/5 (0 صوت)

04-24-2014 05:03 PM
يكون التجار اتغيروا ديك شبعوا


#983681 [هيثم الحلاوي]
0.00/5 (0 صوت)

04-24-2014 04:52 PM
و بي كم ؟؟؟؟؟؟؟؟؟؟


ردود على هيثم الحلاوي
United States [nagatabuzaid] 04-24-2014 07:55 PM
كتبوا ليك السعر وحددوه واغريب انهم مرحلوه جعلوهفى مراحل والسعر واحد وثابت كالعادة كلشىء بدون دراسة او اخذراى اولياء الامور


#983679 [حد بيعرف احسن م الحكومه!!]
0.00/5 (0 صوت)

04-24-2014 04:52 PM
ياتو فيهم زى الاساس وياتو بتاع الثانوى؟ اشمعنى الزيتى الفوقانى جايبنّو للعرض بدون مكوى ولآ الخطزط الفيهو دى اصليه بدل رسومات زى الصاقعه الزمان!! لازم تتأكدوا من الحكايه دى قبل ما تشتروا .. الزمن ما معروف وكل شى اصبح مشتبه فيه..وين الجزء التحتانى من اللبسه؟ هل هى أرديه..بنطلونات ولآ لباسات .ب "لستك مطاط" ولآ ب "تكّه قماش من نفس لون وخامة القماش" ..
سؤال اخير فى حالة الطوارىء اذا الطالب اضطر للبس قميص زيتى من لون المعروض الفوقانى ورداء او ينطلون او لباس من اللون التحتانى هل حينطرد من المدرسه ولآ بيعملو ليهو شتو؟
البنات خيلبسن نفس الزى المعروض دا ولا ليهن لبسات بتفصيله اقيف تناسب ازواقهنّ ونمو اجسادهن،ََ


#983671 [shedou]
0.00/5 (0 صوت)

04-24-2014 04:46 PM
ده شنو قميص بدون بنطلون


ردود على shedou
United States [AburishA] 04-24-2014 11:12 PM
قريت تعليقك اخوي شدو.. دققت في الصور.. البنطلون موجود.. لكن فيهو غباشة تجيب طشاش ., في الصورة الاولي البنظلون قريب للكرش بتاعة عارض الازياء دا..


#983670 [زول سوداني]
4.00/5 (2 صوت)

04-24-2014 04:45 PM
بس ما قلتوا لينا الصفقة دي لصالح مين ( إستيراد القماش والخياطة والتوزيع)؟


#983666 [كفاية]
5.00/5 (1 صوت)

04-24-2014 04:43 PM
دا تبع ياتو شركة من شركات الكيزان ؟ أكيد طبعا ان مورد هذه الاقمشة تاجر كوز 100%


#983654 [هبار شروك الليل]
5.00/5 (1 صوت)

04-24-2014 04:32 PM
ماتخلوها بالجلابيه وتريحو نفسكم وتريحو اولياء الامور مااهي في الخليج ماشه في امان الله انتو اشبع منهم


#983650 [اب غزالة]
3.00/5 (2 صوت)

04-24-2014 04:27 PM
المشكله ليست الالباس
ولكن المشكله المقررات التى وضعها المعتوه عبدالباسط
مشلعيب وعنقريب وكنش ومرقوت المارقوت الى اقطع لحمك



خدمات المحتوى


مساحة اعلانية





الرئيسة |المقالات |الأخبار |الصور |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة