في


الأخبار
أخبار السودان
الوالي المقال الزبير مازال يمارس مهامه
الوالي المقال الزبير مازال يمارس مهامه
الوالي المقال الزبير مازال يمارس مهامه


04-26-2014 03:19 PM
مدني - محمد عبد الرحمن العمدة

أكدت مصادر مطلعة جدآ بأن الوالي المقال الزبير بشير طه حتي اﻵن ساكن بالقصر وما زال يواصل مهامه بشكل طبيعي وسافر للغاية . وكان لديه أمس الجمعة إجتماع ( بقصره العاجي ) مع مهندسي إدارة الطرق بوزارة التخطيط العمراني و وزيرهم . وذلك لمناقشة خطة ترتبط بتنفيذ عمل بالطرق. مع العلم بأن هناك وال آخر ( نائب الوالي ) يمارس مهامه بالعربة ( أم بيرق ) وأمامه عربة السارينة أيضآ كوال و لوحظ لأنه نشط جداً من يوم أمس الاول في التبرعات للأندية الرياضية ( وحاجات تانية ) تبديدآ للمال العام لكي يجعل الخزنة خاوية علي عروشها .كما قال ( إستلمناها فاضية وحا نسلمها فاضية )
مع العلم بأن المادة 179 من الدستور تنص علي أن يكلف الرئيس أي شخص للقيام بمهام الوالي علي أن يدعو لأنتخابات سريعة خلال 60 يومآ .
ونسبة للظروف التي تمر بها البلاد بصورة عامة والوضع الراهن الحرج دستوريآ لايمكن عمل إنتخابات خلال 60 يوم . عليه نرجو من السيد الرئيس تكليف أي وال آخر للقيام بمنصب الوالي إلي حين الإنتخابات العامة .

ملحوظة ..
واليين غرقو المركب .



تعليقات 18 | إهداء 0 | زيارات 8270

التعليقات
#986615 [Trbas]
0.00/5 (0 صوت)

04-27-2014 08:49 PM
المادة 46/2 بتقول نايب الوالي يمسك الولاية شهرين ، انت بتتضلل في الراى العام بمعومات خطا ارجع لدستور الولاية ، ثم ثانيا زول قالب حارب الفساد وقدم مدير المطبعة للمحاكمة وحاكموه في المحكمة سجن ويرجع القروش ورجعا ، طيب ما تخلوهو العشرين ملف ديل يقدمن ، الزول ده ما حرامي لكن. ممكن تقول المعاهو حرامية


#986399 [ابو الصديق]
0.00/5 (0 صوت)

04-27-2014 04:01 PM
الرئس عمر البشير نحن وقفنا معاك ضد قرار المحكمة الجنائية

عشان مابنرضى الحقارة وانت كمان ماترضى لينا الحقارة شوف لينا

والى من لحمن اودمناتربالى ودتربالى ومعتمدين يرضى عنهم الله

ونرضى عنهم نحنا الغبش عشان الزرع يقوم والضرع اتملى بس فى سؤال

وين تقرير د.تاج السر عن مشروع الجزيرة والله لسع الحاقدين على

الجزيرة ليهم سلطة


#986288 [Rebel]
0.00/5 (0 صوت)

04-27-2014 02:28 PM
* الرجل بحاول ان يبقى مؤقتا ليخفى مستندات فساده، لا غير!!


#986253 [عادل دقنة / ودمدنى]
0.00/5 (0 صوت)

04-27-2014 02:04 PM
أهل مدنى أصبحوا لا حولة ولا قوة لهـــــــــــــــم ... معليش !!!


#985654 [أبوداؤود]
0.00/5 (0 صوت)

04-26-2014 11:58 PM
الزبير بشير طه كاوبوى الحركة الاسلامية رجل دموى مثل اخوه فى الله ابراهيم شمس الدين أوعى تعمل زى كمال عبد اللطيف .....


#985634 [ابو شرا]
0.00/5 (0 صوت)

04-26-2014 11:29 PM
يا جماعة انتو عارفين انا امس بالليل حلمته لي حلمه اللهم اجعله خير في خير ... حلمته بانو ناس الحكومة كلهم اجرو ليهم طائرة ماليزية ماشين الصين لمؤتمر ... بس لكن قبل اتم الحلمه صحيت ... زعلته من نفسي شديد عشان ما تميت باقي الحلمه وعرفته الماليزية وصلته وﻻ مشت مكان عمك بله الغائب .....بس انتو قولوا آمييييييين


#985628 [الصادق]
0.00/5 (0 صوت)

04-26-2014 11:18 PM
ليس علي المريض حرج ونايبه حاقد الله اكون في عون الجزيرة مافيها رجال


#985557 [ركابي]
5.00/5 (1 صوت)

04-26-2014 08:33 PM
بالله سقف طوح الناس بقي في ذهاب والي الجزيرة او والي الخرطوم!!!!!!!!!!!! نظام فاسد من راسو لكرعينو وغارق في الفساد ...اي زول من الناس الاشتغلوا مع الانقاذ من يوم 30يونيو الي الان مابكفينا يرجعوا القروش النهبوها بل يجب ان يتم تصفيتهم جميعا


#985548 [خطاب]
0.00/5 (0 صوت)

04-26-2014 08:19 PM
الله يصبرنا عليهم


#985519 [سوداني وافتخر]
0.00/5 (0 صوت)

04-26-2014 07:20 PM
ياجماعة خلوه يتم الشهر عشان يستلم راتبه كامل غير منقوص وثانيا الراجل احتمال اخوانه اتصلوا عليه من الخرطوم باليل وطيبوا خاطره وقالوا ليه الإقالة دى مسرحية بس عشان ناس مدنى مايزعلوا وطلبوا منه يستمر ماتنسوا كمان ولد نافع متزوج بنته واحتمال حتى الان لم يجدوا القوى الأمين للولايهاصبروا اصبر وماصبرك الا بالله يا اخوانا دى كلها ابتلاءت في ابتلاءت


#985514 [المهاجر]
0.00/5 (0 صوت)

04-26-2014 07:12 PM
وماذا عن الخضر يجب الكنس عام


#985450 [جمال]
0.00/5 (0 صوت)

04-26-2014 05:41 PM
انزال قيم السماء علي الارض


#985447 [الكنزي]
0.00/5 (0 صوت)

04-26-2014 05:38 PM
دي جبانه وهايصه,,,,,,,,,عجبي


#985441 [اب غزالة]
5.00/5 (1 صوت)

04-26-2014 05:28 PM
والله يا سيادة الرئيس عمر البشر حيرتنا
ما عارفين الناس دى بضحكوا عليك ولا شنو
اى قرار منك لا ينفذ
انت بقيت زينا ولا الحكايه شنو
لحقته الشعب السودانى ولا شنو
الله اكون فى عونك


#985432 [عبدالاله]
5.00/5 (1 صوت)

04-26-2014 05:14 PM
ده حمار ده


#985429 [خالد]
5.00/5 (1 صوت)

04-26-2014 05:10 PM
قلة ادب وقوة عين ما يستحون المطاريد دائما هاكذا كما فعل نافع وعلى عثمان عندما ذهب يدعو المعارضة للحوار


#985412 [ameeen]
5.00/5 (2 صوت)

04-26-2014 04:45 PM
شي طبيعي ياخ ،، لانه لسة ما سلم الجديد
رغم اننا فرحنا لاقالة الوالي
الا انك شكلك شامي الزول ساااااااااااي
الراجل ياخ لسة ما سلم خلي يودع الكرسي والفارهات ديل
والله لكن حاقد بشكل
هههههههههه
يعني انت حارقك التفضي بتاع الخزنة دي ؟
ما السودان كله فضو بقت على الجزيرة دي
والله لكن عافي منك آ الزبير ملاح ويكة بس


#985401 [ابو اليسر]
5.00/5 (3 صوت)

04-26-2014 04:27 PM
ده قاعد فى بيت جامعة الخرطوم من 2002 الله يطلعو من القصر .خارجوه سريع ديل مابحسو


ردود على ابو اليسر
[سوداني] 04-26-2014 07:02 PM
اهل الجزيرة اخرجوه من ارضكم هذا البلاء



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
10.00/10 (1 صوت)




الرئيسة |المقالات |الأخبار |الصور |الفيديو |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة