الأخبار
أخبار إقليمية
الحكومة تفتتح لافتة مرورية - شاهد الصورة
الحكومة تفتتح لافتة مرورية - شاهد الصورة


قف تأمل..!!
05-01-2014 03:52 PM
الراكوبة تداول ناشطون في مواقع التواصل الاجتماعي صورة لعدد من المسئولين يُعتقد انهم معتمد بربر وآخرون وهم يفتتحون لافتة مرورية !.

وأثارت اللقطة موجة من السخرية وسط المعلقين عليها واستدلوا بها كمؤشر علي حجم التدهور الذي اصاب مؤسسات الدولة. ويظهر مع المعتمد ضابط شرطة وعدد من المواطنين والاطفال وبعضهم يبتسم.

ويبدو ان إفتتاح اليافطة المرورية وإقامة الاحتفال بالمناسبة يجئ كإستجابة لنداء كان قد وجهه والي الخرطوم عبدالرحمن الخضر نهاية العام قبل الماضي حين دعا عضوية حزب المؤتمر الوطني بضرب الطار للمشاريع التي تفتتحها الحكومة "ليرى الناس ما فعلتم لهم".

وبرر الخضر المتهم باختلاس ارقام فلكية دعوته وقتها: "نريد أن نخرج الناس من أجواء الإحباط وصغائر الأمور وأن الدولار نازل واللاّ طالع، والمحاولة الانقلابية ومرض الرئيس، وتسجيل هيثم مصطفى".

وطالب الخضر العضوية "بدق الطار حتى ولو على افتتاح غرفة بسط أمن شامل". ومن الراجح ان معتمد بربر قرر منافسته فيما هو اقل شأناً وضرب الطار لافتتاح يافطة مرورية في مدينة لايشكل موضوع الإزدحام والمخالفات المرورية احد همومها وهواجسها!.

من الضروري ان نشير ان اليابان احتفلت قبل سنوات بإلغاء اليافطات والتحذيرات المرورية علي شاكلة STOP لان شعبها وصل مرحلة من الرقي واحترام القوانين لم يعد معها في حوجة لمثل هذه اليافطات التحذيرية.


تعليقات 59 | إهداء 3 | زيارات 13351

التعليقات
#992087 [ود عشمانة]
0.00/5 (0 صوت)

05-03-2014 11:41 AM
رد على كمبارس
لانهم مندهشين ومصدوميين وما مصدقين انو كبراء القوم يدفن في يافطة .


#992084 [messi]
5.00/5 (1 صوت)

05-03-2014 11:38 AM
من غير اللافته نحن واقفين 25 سنه .. الله يعين بس .. لله درك ياوطن


#992058 [ودبربر]
0.00/5 (0 صوت)

05-03-2014 10:50 AM
يا اخى خلاص يعنى ما باقى الا اللوحه االارشاديه يعنى والمعتمد
نفسو المشرف على تركيبها يا اخى عسكرى مرور ممكن يقوم بالمهمه والله فعلا الاختشوا ماتوا وعدم الشغله تعمل اكتر من ذلك الله لاوفقكم يا انقاذ السجم والرمناد


#991968 [دياب]
0.00/5 (0 صوت)

05-03-2014 08:48 AM
واحد من ناس بربر ربط فيها حماره وراح السوق والحمار قلع اليافطة وفات بيها بيتهم وشالتها زوجة الراجل وتكلتها جمب زريبة الغنم ولكن الشىء الغريب فعلا جات غنمايه شافتها فامتنعت عن دخول الزريبه .


#991936 [كتاحة امريكا]
3.00/5 (1 صوت)

05-03-2014 07:07 AM
انجاز واعجاز في عهد الانقاذ


#991770 [ابومحمد]
0.00/5 (0 صوت)

05-02-2014 08:17 PM
احسن من غيره معتمد محلية السوكي الجديد ا
اول ما استلم جاب كم رد قلابات في
الردمية بين السوكي وسنجة من اجل التخدير
وبعد كم سنة حيكون الحال كما هو


#991631 [ود الشمال]
0.00/5 (0 صوت)

05-02-2014 03:38 PM
يا له من انجاز عظييييييييم


#991531 [عاطف كمال]
5.00/5 (2 صوت)

05-02-2014 12:00 PM
حَقّاً شر البُلِيّة مايُضحِك !
بقلم/ عاطف كمال حاج الخضر
فى يوم الخميس الموافق ١ مايو ٢٠١٣
***********************************
كمان شوف المُتمَلِّقين والمنافقين عاملين فيها مركِّزين بِشِدِّه,
وكم واحد مكنكِش فى اليافطه بى جيهه,
والعسكرى الورا داك رافع أصبعوا تكبيراً وتهليلا,
المعنى يعنى لعظمة الإنجاز والإعجاز !
يالعجَبى وإستِعجابى !!!
غايتو الناس ديل عليهم جنس "بششششتنه"
أصلو ماحصلت فى السابقين وماأظن تحصل فى اللاحقين !
عجائب وغرائب,
ياخى ماكُنه هذه الكائنات ؟
والله عِشنا وشُفنا !!!
هَسَّ دا ماالمقطع الفى مسرحية عادل إمام ديك بى ذاتو:
"النسوان تزغرد والرِّجّاله تقول الله أكبر"
والله فعلاً شر البُلِيّة مايُضحِك !
العياذبالله من تخلفهم, وخبشم وخبائشم,
ياربى لاتعولقنا لاتخوزقنا !

السفاحين المتأسلمين ديل من ماجو قلبوها جُوَّه البلد
نَكَد, فقر, حروب, تنكيل وإغتيالات
وبَرّه البلد فضائح وإهانات
شَرَّطو لينا العوينات...
بإختصار رُبع قرن من الوَيْلات !

اللَّهُمَّ ياألَدَّ أعداء الظالمين
وناصر المظلومين
تاخذ هؤلاء المُتأسلمين,
المنافقين السفاحين
أخذ عزيز مُقتَدِر وتضعهم
فى أسفَلَ سافِلين
بأسرع مايكون
حتى نكون
حاضِرون.

ملحوظه:
ياخ بالله دِسُّو الصوره دى من الأجانب !


#991512 [طارق الباز]
0.00/5 (0 صوت)

05-02-2014 11:33 AM
اذكر انو لما كاس العالم كان فى اليابان, اليابانيين عملوا مطار اضافى المهبط فوق الماء ولم الشغل خلص جابو خبرو فى التلفزيون لمدة نصف دقيقة فقط. بالمقارنة لافتة القف دى تمنها كم وموكب المعتمد والمرور كلف كم غايتو جنس تخلف.


#991496 [البركان]
0.00/5 (0 صوت)

05-02-2014 11:15 AM
تفتكر الفاقد التربوي والأخلاقي من جهلة الانقاذ حيفتتحوا مشروع ولا مؤسسة ناجحة ولا صرح وطني عظيم فاقد الشيء لا يعطيهوالغريب في الأمر أنهم ماضون في غيهم وطغيانهم ولا زالوا يتشبثون بالسلطة حتى أرزل العمر


#991488 [رطانى من الشرق]
5.00/5 (3 صوت)

05-02-2014 11:06 AM
يا أمة قد ضحكت من جهلها الأمم


#991433 [مندهش]
5.00/5 (7 صوت)

05-02-2014 09:33 AM
3متر ماسورة 2 بوصة = 200 ج
صاجة 60سمء60سم = 50 ج
مصنعية لحام = 100 ج
مصنعية بوهية = 50 ج
مصنعية تركيب = 100 ج
المنصرفات الدارية = 1500
حافز مشروغ = 5000 ج
الدعاية والاعلان = 10000 ج
----------------------------
الجملة = 17000
القيمة المضافة 17% = 2890
----------------------------
الجملة 19890 جنيه سودانى تصديق اول
-----------------------------------------------
الجملة 198900 جنيه سودانى تصديق ثانى
-----------------------------------------------
(انا عرضنا الامانة على السموات والارض والجبال فابين ان يحملنها واشفقن منها وحملها الانسان انه كان ظلوما جهولا) صدق الله العظيم اتقو الله فيما كلفتم به ومكنتم عليه وبعد فقد صودق لكم بصرف ما يعادل 19890$ دولار فقطا- 10 جنيه سودانى سعر صرفه سودانى
صدر تحت ختمى وتوقيعى - معتمد محلي مقابر بلاع - ملحوظة أعطوا الاجير حقه قبل ان يجف عرقه
-----------------------------------------------


ردود على مندهش
[بيكانتو] 05-03-2014 06:52 AM
مصاريف إجتماعات اللجنه الفنية
مصاريف لجنة الاشغال العامة
مصاريف لجنة شرطة المرور
هدايا الوزير المكلف بالإفتتاح
حافز للسواقين من المرور و الشرطة و سواقين المسؤولين
حوافز للكتبة و المراسلات لموضوع اليافطة المرورية
حوافز لإذاعة و تلفزيون الولاية


#991399 [barracuda]
4.00/5 (1 صوت)

05-02-2014 08:40 AM
ممكن تتعمل مزار ، وبعد خمسين سنة تبقي الفكي stop صاحب الكرامات التي توقف الأذي . شعب جاهل وحكومة اجهل وكارثة كبرى.


#991379 [Amer yosif]
0.00/5 (0 صوت)

05-02-2014 08:04 AM
صحيح والله الاختشو ماتو


#991355 [sudani]
0.00/5 (0 صوت)

05-02-2014 07:18 AM
ده في حلفا الجديده وليست بربر


#991346 [ابو روان]
0.00/5 (0 صوت)

05-02-2014 06:23 AM
بس انا فى الصورة شايف حاجه تانيه
البيوت فى الصورة تشطيبا من الخارج جميل
توجد اضاءة جميله
فى الغالب الرجل جاء ليشاهد متظومه كامله لطريق وتوقف عند تركيب اللوحه والخبيث لم يصور الا هذه اللوحه
يكفى ان بربر تتمتع بكهرباء دائمه بعد ان تحولت التلاجات الى دواليب


ردود على ابو روان
European Union [barracuda] 05-02-2014 01:19 PM
تقصد ان الجماعة ديل اتكلوا على اليافطة بعد ما تعبوا من افتتاح المشاريع . دول كثيرة تقام فيها مدن ولا يتم افتتاحه بالطريقة السودانية .من ايام نميري نسمع بمشاريع التنمية وبعدين حنفوق ولا حنفوت العالم اجمع ، فعلاً فقنا وفتنا العالم اجمع بالجوعوالجهل والمرق والتخلف . السودان اغنى دولة بإفريقيا هل يعقل ان بهذه الدرجة من التخلف. وبعدين كل واحد رافع صباعة ( توحيد ) التوحيد ان الانسان يخلص العمل لمن يوحد وهو الله وبالتالي ينفع بلده وامته.


#991340 [ali]
5.00/5 (1 صوت)

05-02-2014 05:42 AM
لافتة الوالي


#991301 [قطع شك البشير حماااااار]
5.00/5 (5 صوت)

05-02-2014 01:53 AM
مافي واحد قلبو حار
او انشا الله مكشكش
يقلع الماسوره دي ويلم فيهم


#991285 [عاطف كمال]
5.00/5 (2 صوت)

05-02-2014 01:11 AM
كمان شوف المُتمَلِّقين والمنافقين عاملين فيها مركِّزين بِشِدِّه,
وكم واحد مكنكِش فى اليافطه بى جيهه,
والعسكرى الورا داك رافع أصبعوا تكبيراً وتهليلا,
المعنى لعظمة الإنجاز والإعجاز !
هَسَّ دى مامسرحية عادل إمام بى ذاتا
"النسوان تزغرد والرِّجّاله تقول الله أكبر"
والله فعلاً شر البليّة مايُضحِك !
العياذبالله من تخلفهم, وخبثهم وخبائثهم,
ياربى لاتعولقنا لاتخوزقنا !


#991261 [صبري فخري]
0.00/5 (0 صوت)

05-01-2014 11:59 PM
استغرب الممتحن الخارجي وهو بريطاني عندما حضر البشير لتوزيع شهادات التخصص وقال انتوا محظوظين هو فاكر رئيسنا ده عندو مشاكل ذي توني بلير مشغول


#991258 [صابون الكيزان]
5.00/5 (3 صوت)

05-01-2014 11:47 PM
هههههههههههههه والله صراحة كدا الواحد ما عارف نفسو يبكي ولا يضحك ياخي دي امة دي اسي عليكم الله الزول دا ما بخجل من نفسو امر غريب فعلا اذا كان الريس بركب طيارة وبمشي للابيض عشان يفتتح ليهو مركز صحي من 7 غرف ومدرسة اساس واحده ويجي يكورك في الناس اووووو اووووو اووووووووووو الخونه والمرتزقه والعملا ووو اوووووووووووو هي لله هي لله لا للصلطه ولا للجاه لا لدينا قد عملنا نحنو للدين فداع وووو....الخ وبعد شويه ركب طيارتو وطاااااار يعني لو جينا نحسبا كدا تلقي تكلفة الزيارة اعلي باضعاف مضعفه للحاجه الجا افتتحها بلد فوضي وحكومة متخلفة وجاهله جهل مركب سبحان الله الله يلزمنا الصبر ياخي نقول شنو ولا شنو ..


#991254 [شكلوتة]
0.00/5 (0 صوت)

05-01-2014 11:33 PM
ياناس ناس فضية وما عندها شغلانة


#991251 [ابوشوك]
0.00/5 (0 صوت)

05-01-2014 11:26 PM
ستدخل موسوعة جينيس للأرقام القياسية


#991246 [عوووووووووووووك]
5.00/5 (3 صوت)

05-01-2014 11:17 PM
اتمني ان لا ياتي يوم نحتفل فيه بمناسبة تناول وجبة


#991243 [TBSHIA]
0.00/5 (0 صوت)

05-01-2014 11:15 PM
BERBER HAAHHAHAAHAHAHAHAHAHHAHAHAHAHAHAAHAHHHHHHHHHHHH Gal berber gal haahhhhhhhhhhhhhhhhhhhhhhhhhahahahah


#991239 [Abdulla Eed]
5.00/5 (1 صوت)

05-01-2014 11:03 PM
الف مبروك عقبال الباقيين...
ألف مبرووووووووووووووووووووك عقبال الشاطر والحمار وباقى زريبة الخرفان الاخوانية'''''
ده احلى خبر على الصبح .....

أمة ضحكت من جهلها الامم
تفووووووووووووووووووووووه


#991204 [Husham Hussain]
0.00/5 (0 صوت)

05-01-2014 09:50 PM
مافى حاجة تانى يفتتحوها... تم افتتاح اكثر من 20 مستشفى فى بربر منها 5 مستشفيات تخصصية وتم افتتاح استاد بربر الدولى على احدث طراز يضاهى الاستادات فى اوربا .. تم افتتاح 20 مركز شباب تحتوى على كل المناشط الاجتماعية والثقافية .... مجانأ
تم تاهيل وافتتاح 70 مدرسة وتجهيزها باحدث انواع الاثاثات ويتم تقديم وجبة الفطور فيها زائدأ كوب حليب يوميأ .. مجانأللتلاميذ وبالمناسبة المقاول الذى قام بتشييد المدارس وتجهيزها .. ما حرامى ..

عشان كده لازم بعملو حاجة يحللو بيها الامتيازات والمرتبات دى ...


#991200 [أبو لاكومة]
0.00/5 (0 صوت)

05-01-2014 09:49 PM
Look + if they let go the sign post will fall down


#991173 [ابومروه]
0.00/5 (0 صوت)

05-01-2014 08:56 PM
الله اكبر هي لله stop عاليه خفاقه تعجب الناظريين


#991154 [الدنقلاوي]
5.00/5 (2 صوت)

05-01-2014 08:18 PM
منذ أكثر من ثمانين عاماً كان لدينا ترام يجوب العاصمة المثلثة، وفي الستينات كانت في عطبرة التي تجاور بربر "المحظوظة هذه" تلفونات في الشوارع، وأرقام لعربات التاكس ويمكنك طلبها بالتلفون أي وقت خلال الليل أو النهار، وها نحن في يوم الإنقاذ هذا نحتفل بتدشين يافطة مرور مايلة!!
كنا أمة ضحكت من جهلها الأمم
ومع الإنقاذ صرنا:
أمة ضحكت من جهلها الغنم


ردود على الدنقلاوي
European Union [نهبوك يا وطن] 05-01-2014 11:44 PM
شن نقول يا ضنقلاوي


#991146 [الحريه قبل الخبز احيانا]
5.00/5 (1 صوت)

05-01-2014 08:06 PM
والله اني في قمة الخجل اهؤلاء يحكموننا 25 سنه يا لسخرية القدر


#991145 [محمد حسن]
5.00/5 (2 صوت)

05-01-2014 08:01 PM
الله اكبرررررررررررررر
الرد الرد
شرطو عينا زمان البشير عندما افتتح عفراء واحد قريبى فى دولة خليجية قال لى فضحتونا الرئيس بفتتح مول تجارى!! قال لى انا الحلة الساكن فيها براها فيها 3 عفراء


#991139 [كومبارس]
4.50/5 (2 صوت)

05-01-2014 07:52 PM
المشكلة ما في الوالى ولا المنافقين الواقفين يهللوا ويكبروا وراءه !!المشكلة في اهل البلد ليه ماطلعوا رجموهم بالحجارة!!


#991138 [إنقاذي سادر في فساده]
0.00/5 (0 صوت)

05-01-2014 07:50 PM
إنجاز إنجاز إياب والجاز


#991134 [عصمتووف]
0.00/5 (0 صوت)

05-01-2014 07:45 PM
عقبال ما نحتفل معهم باخراج فضلاتهم البشرية ي تري متي حين دورها


#991098 [moiez]
5.00/5 (2 صوت)

05-01-2014 06:56 PM
وبكبرو كمان


ردود على moiez
United States [سيف اليماني] 05-03-2014 07:04 PM
والله ضحكتني وفطعت مصاريني ي جلقم

European Union [julgam] 05-02-2014 05:35 PM
مره إفتتحوا دورة مياه فى الأبيض وهاك ياتكبير وبعبصه بأصابعهم فى إتجاه السماء!!!


#991097 [ابومحمد]
4.75/5 (3 صوت)

05-01-2014 06:56 PM
المشكله انو اللافته مايله زى حالهم ,


#991093 [kalifa ahmed]
2.75/5 (5 صوت)

05-01-2014 06:50 PM
أم المصائب جامعة الخرطوم خرجت بلاوي وخوازيق البلد أمثال هذا الجرذ المعتمد !!!!!!! بعدين اليافطة المحتفى بها مايلة مت أول يوم !!!!! أمك المقاول لعب في أسمنت صبة التثبيت !!! خلاص حللو !!!!!


ردود على kalifa ahmed
United States [الباشا] 05-03-2014 10:04 AM
يا (كليفا أهمد) جامعة الخرطوم الدخلها شنو في الموضوع دا إنت عندك عقدة عشان ما دخلتها ولا شنو يا أمك (عمك )!!!!هذا غيض من فيض وإن تعد نعد قال صبة التثبيت قال قوم فز....


#991064 [حداثة صالح]
0.00/5 (0 صوت)

05-01-2014 06:17 PM
سبحان الله !!!!!


#991060 [السودان جميل]
5.00/5 (1 صوت)

05-01-2014 06:13 PM
هذا هو النجاز في زمن النقاذ ولا اتو عشمانين في اكتر منكدا


#991053 [دنقل]
4.50/5 (2 صوت)

05-01-2014 06:06 PM
المعتمد دا كوز معفن خريج اداب جامعه الخرطوم اسمو عبد العال كوز بتاع خلط ويحب الشرشحه ناس اداب درس جغرافيا النهار كلو قاعد يتصيد فى البرلومات عامل الود سنير كبير بعرفوهو كلهم وعندو صاحبو اسمو حاتم من اولاد جبال النوبه


ردود على دنقل
European Union [تحياتي] 05-02-2014 07:18 AM
هسع جاب سيره النوبة وقوات الدعم السريع شنو خلينا في موضوع عالم وهم

European Union [رشاد] 05-01-2014 07:34 PM
مالك علينا يا دنقل ،، حسع البحشر جبال النوبة فى الموضوع ده شنوا ؟؟؟


#991044 [Kamal Mustafa]
5.00/5 (2 صوت)

05-01-2014 05:58 PM
يا جماعه لا تستهينوا بهذه اللافته المروريه فبالتأكيد ملايين الجنيهات صرفت لتدشين اللوخه وبدلات لا حصر لها ، هي لله لا لسلطه أو جاه وتقولا خائفين البلد يحصل فيها ما حصل بمصر وسوريا واليمن وغيرها علي الاقل الناس سوف يكونوا متساوين في الحياة والموت بالرغم من انني أجزم بان شعبنا لن يصل لذلك


#991018 [الفحل]
4.75/5 (3 صوت)

05-01-2014 05:25 PM
بصراحة يعتبر حدث مهم جدا طبعا حسب التكلفة مادام الافتتاح بحضور الوالي نفسة معناة اكيد التكلفة عالية وصرفو مبلغ مقدرلانجاز هزا المشروع الكبير وبالتاكيد حيكون حدث مهم بالنسبة لمدينة عريقة مثل مدينة بربر وسيكون معلم بارز يميز المدينة لدرجة قف تامل


#991015 [Yousif]
5.00/5 (3 صوت)

05-01-2014 05:24 PM
أكيد مستو رده في واحد بيعرف يكتب كلمه stop من البجم امه ضحكت من جهلها الامم


#991001 [جركان فاضى]
5.00/5 (1 صوت)

05-01-2014 05:15 PM
يا اخى هى لافتة هينة...دى تكاليفها عشرين مليون جنيه


#990999 [مسطول]
4.94/5 (6 صوت)

05-01-2014 05:13 PM
عملنا (( ادبخانه )) في بيتنا جديده إنشاءالله بعزم الوالي حقنا يجي يفتتحها لينا ؟ جكومه السجم


ردود على مسطول
[بتول الحلوة] 05-02-2014 06:56 AM
بس افتتاح الادبخانة بحتاج الرئيس وليس الوالى.
المشكلة حينجسوها ليك.

United States [المطوفش] 05-01-2014 08:37 PM
بتفتتحوها بي شنو ؟ المقص ولي الابريق ؟


#990992 [محمد الفاتح]
4.00/5 (3 صوت)

05-01-2014 05:06 PM
كبارى طائره ومعلفه وارضيه ومطارات جديده ومستشفيات وفنادق خمسه نجوم واستادات على المستوى العالمى وشوارع بالمواصفات العالميه لا تسمع عن كلمة افتتاحها الا على صفحات الجرايد والدوريات وباعتباره موضوع روتينى هنا في الخليج دعك من العالم المتحضر !!! يا عالم احترموا انفسكم وشعبكم وبطلوا استعباط وخبل !!! خلاص زى ما بيقول المثل عدم الشغلة بيعلم المشاط !وأمر السودان لم يعد به من منغصات ومشاكل الا بانتصاب ووقوف هذه اللافته الرساليه الحضاريه الاسلاميه بدليل هتاف العسكرى الذى يقف خلف المعتمد الهمام رافعا سبابته دليل الوحدانبه والعباده لله الواحد الاحد واليوم هذا يوم انجاز تاريخى للمحليه المذكوره سوف يذكره التاريخ ويدرس في مدارس بربر بانه وفى مثل هذااليوم عرفت بربر النظام المرورى واقيمت اول لافته او اشاره مروريه مكتوب عليها قف بربر دخلت التاريخ على يد المعتمد الفاتح قاهر الظلام والمستحيل بطل الانجازات الخارقه وبالمناسبه اتا اتوقع في امتحان الاساس القادم ان ياتى سؤال يتعلق بامر هذه الاشاره !! لذا على اولياء الامور الاستعداد لمثل هذه المباغتات ويكونوا حذرين ان يعرفوا متى كان الوقت ليلا ام نهارا؟ ما اسم المعتمد ومن الضايط الذى كان بمعيه المعتمد ؟والساعه كم؟ خمن ماذا يقول العسكرى الذى يقف خلف المعتمد وهو يرفع سبابته نحو السماء؟؟ وما هو سر ابتسامة الاطفال ؟صف ما انجزه هذا البطل الهمام الرسالى في ثلاث اسطر ؟؟ هذه بعض الاسئله المتوقعه في امتحان الاساس في السنه القادمه!!
لماذالا يقوم بعض الناشطين وهذه مجرد فكره خياليه ان يدونوا بلاغ في هذا المعتمد وهو ياخذ معاش من خزينه الشعب ونراه يضيع وقت الشعب في الفارغات بدون انجاز يذكر ؟ بالاضافه الى عدم احترام عقول شعبه واستعباطه على من اوكل اليه من امرهم ويمكن ان يضاف الى هذه النقاط الكثير من اصحاب الخبره والقانونيون !!!!


#990989 [ساب البلد]
4.97/5 (8 صوت)

05-01-2014 05:03 PM
********** اذا كان البشير يفتتح دورات مياه WC بالتكبير و التهليل ******** ناس قريعتي راحت اكيد ما ح يلقوا حاجة يفتتحوها ******** من اين اتي هولاء ؟؟؟ ***************


ردود على ساب البلد
United States [ddddd] 05-01-2014 09:41 PM
تخيل دورات المياه استثمار..... استثمار فى فضلات بني البشر .....لا حول ولا قوة الا بالله


#990988 [فارس عبدالرحمن]
3.00/5 (2 صوت)

05-01-2014 05:02 PM
اكيد ما عندهم حاجه يفتتحوها غير هذه اللافتة
ناس فارغه وخاوية عقولهم


#990977 [عبد الله]
4.50/5 (4 صوت)

05-01-2014 04:53 PM
لقد راينا احد الولاه فى زمن غير بعيد افتتح دورات مياه ...هم هكذا اذا ردموا حفره احتفلوا واذا حفروا مجرى احتفلوا ...يعن كم تكلفه افتتاح هذه اللافته ؟؟؟؟قف تأمل


#990975 [ALI]
4.50/5 (4 صوت)

05-01-2014 04:51 PM
البنزين الاتصرف علي اللافته المقدسه ما اظنو اتصرف علي زياره لي مركز ايتام في المايقوما



الحكومة تفتتح لافتة مرورية
ما خجلانين بالله عليكم


#990961 [بابا حلفا]
4.99/5 (9 صوت)

05-01-2014 04:39 PM
هههههههه عاين العسكري بوراء بيهلل ويكبر
لقيت ليك ماكله جديده يا معفن ان شاء الله ما ينفعكم


#990956 [الدهمشي]
3.50/5 (3 صوت)

05-01-2014 04:35 PM
المعتمد وحاشيته لم ياتو بجديد فهم على دين رئيسهم ونائبه, فقد شاهدت قبل يومين بالفضائية السودانية نائب رئيس الجمهورية حسبو عبدالرحمن وهويهز ويكبر لكي يفتتح فعاليات البرنامج الصيفي لبعض الطلاب بغرب دارفور. اصلو الجماعة ديل مفتكرين السودان دا زي اتحاد طلاب جامعة الخرطوم. رحمك الله يا سودان


#990950 [خاطره]
4.91/5 (7 صوت)

05-01-2014 04:31 PM
والله الامر مضحك بالجد. في البلد الذي انا اسكن فيه الان او المدينة. قاموا بتشييد كبري طويل جدا عدة كيلومترات والمضحك انهم قبل يوم من افتتاح هذا الكبري لم يجدوا اي مسئول لياتي ويقوم بقص الشريط. لانهم جميعا كانت لهم التزامات ومواعيد من قبل. وطبعا هذا الافتتاح يخص الوالي ووزراء الولايات. يعني كونه يحي الرئيس شخصيا عشان يفتتح كبري دي من المستحيلات .المهم قبل الافتتاح بسويعات تبرع احد وزراء الولاية بقص الشريط. نحن اذكر في السودان عند بداية الصراف الالي (ATM) كان افتتاح اول صراف الي علي يد رئيس الجمهورية.


#990945 [أب أحمد الجسور]
4.50/5 (3 صوت)

05-01-2014 04:27 PM
قف تأمل!!


#990940 [عبد الرحيم سعيد بابكر]
4.50/5 (4 صوت)

05-01-2014 04:20 PM
مساكين والله..مناصب دستورية..!!


#990932 [خاطره]
4.75/5 (5 صوت)

05-01-2014 04:09 PM
الله اكبر. وهذا انجاز اخر لثورة الانقاذ. عشان الناس ما يقولوا ربع قرن مضي بدون انجازات. يعني اكتر من كده يعملوا شنو الناس ديل. يتقطعوا ليكم بعد ده.


#990930 [ابوالدقيق]
4.50/5 (4 صوت)

05-01-2014 04:06 PM
تلحقنا وتنجدنا يا شيخ قف وزيح عننا البلاء



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
10.00/10 (1 صوت)




الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة