الأخبار
أخبار السودان المحلية
الدولار يرتفع مجدداً..نوما هنيئا و أحلام سعيدة يا محافظ البنك المركزي.
الدولار يرتفع مجدداً..نوما هنيئا و أحلام سعيدة يا محافظ البنك المركزي.
الدولار يرتفع مجدداً..نوما هنيئا و أحلام سعيدة يا محافظ البنك المركزي.


05-04-2014 11:56 PM
الراكوبة - لم يهنأ السيد عبد الرحمن الحسن محافظ البنك المركزي بتصريحه المتفائل على هامش ختام المؤتمر الثامن لمديري فروع البنك بمدينة بورتسودان بأن الزيادة في أسعار صرف العملات الأجنبية خصوصا الدولار بالسوق الموازي مجرد زيادة وهمية ترجع لمضاربات وهمية تبرز و كأن هنالك طلبا كبيرا على العملات الأجنبية أدى لاقتراب سعر الدولار من العشرة جنيهات مشيرا إلى أن الواقع أكد انخفاض سعر الصرف الذي لم يستجب للأسعار الوهمية. و قد استند السيد المحافظ في فرحته التي لم تدم مجرد غمضة عين إلى الانخفاض الذي حدث في سعر الدولار بالأمس إلي أقل من التسعة جنيهات بمستوى طفيف ليصحو اليوم في جناحه الفاره في أحد فنادق الخمسة نجوم ببورتسودان ليبل ريقه بخبر ارتفاع سعر الدولار لما يزيد عن ال 9.3 جنيه للدولار الواحد حسبما رصدته جولة الراكوبة في أسعار الدولار في السوق الأسود اليوم.

أما حديثه عن أن الطلب علي العملات الأجنبية و خصوصا الدولار بأنه طلب وهمي تدحضه النشرة الإقتصادية الصادرة عن البنك المركزي (الذي هو محافظا له) بتاريخ فبراير 2014م الجدول رقم 3 ودائع المصارف بأن ودائع البنوك قاطبة من العملات الأجنبية شاملة الودائع تحت الطلب و الودائع الادخارية و الودائع الاستثمارية بالعملة الصعبة و هوامش خطابات الضمان و الاعتمادات المستندية بالعملات الصعبة التي تبين من خلال ما هو منشور في الجدول بأنها لم تتجاوز 12.4 مليون جنيه أي ما يعادل 1.34 دولار علما بأن فاتورة الاستيراد تجاوزت ال 13 مليار دولار.

سؤال الراكوبة بكل بساطة و براءة للسيد المحافظ (و هو في نقاهته قابعا في جناحه الوثير بعروس البحر الأحمر) هو كيف يكون الطلب علي الدولار وهمياً و فاتورة الاستيراد تجاوزت ال 13 مليار دولار في حين أن المعروض عنه في كل الجهاز المصرفي 1.34 مليار دولار أي بعجز 11.66 مليار دولار؟؟؟ مع كل أمنيات الراكوبة للسيد المحافظ بنقاهة معتبرة و نوما هانئا و أحلاما مليئة بالأكاذيب الجميلة.



تعليقات 31 | إهداء 0 | زيارات 24453

التعليقات
#995075 [ابومحمد]
0.00/5 (0 صوت)

05-06-2014 12:53 PM
انهم بكم صمى فهم لايعقلون لقد جاوا ليدمروا لا ليبنوا ويعمروا
انهم لايرون الا انفسهم ولا يعملون الا لانفسهم
لا يهم ان يحترق السودان وانما المهم ان يكموا لينهبوا ويسرقوا خيرات هذا لبلد لهذا عاشوا فساد وافسدوا في الارض دمروا الاقتصاد في كافة مقوماته من زراعة وصناعة وجعلوا اعزة اهله ازلة
ونسوا وتناسوا ان الله مع المظلومين بالله عليك كيف يكون للعملة الوطنية قيمة وهم قضوا على الزراعة التى تميز بها السودان بما حباه الله من ارض ومياه وتربة خصبه لواستغلت استغلالا صحيحا لاكتفى العالم من خيراتنا ولامتلات خزائننا بالعملة الصعبة وانتجنا ما يحتاجه الوطن والعالم من منتجات صناعية غذائية واستهلاكية مختلفة كالملابس لقدكنا في الماضى القريب ننتج ما يحتاجه العالم من القطن ( الذهب الابيض ) وكان يدر علينا المليارات والان اصبحنا بفعل سياساتهم التدميرية نستجدي العالم ولايوجد لنا ما نصدره فكيف لا تخلوا خزائننا من العملات وتهوي عملتنا في الحضيض وللظالم يوما وانا منتظرون


#995051 [kori ackongue]
0.00/5 (0 صوت)

05-06-2014 12:29 PM
Alrakoba,

Well done normally figures talk than dreams and those analysis testimonies rebuke that quality of lies of the Central Bank Governor, because it was a show off while eating the fried fish and chickens during their lunch break time, on what his statement was mocked at severely during the meeting. Dear our prediction may not be wrong that US$ 1.00, will equally reach SDG. 15.00 In shorter of medium time to come for sure as I guess it. Your role to keep people aware of what their country's economic possible collapse is is good early warning system. The reality is after all the remained reality to take it into the wise-people notice and expectations they are busy no to convince the world that they are defeating rebels not defeating poverty but increasing it through more thefts and others. God save the Sudanese in their internal custodian.


#994505 [الدفاع بالنظر]
0.00/5 (0 صوت)

05-06-2014 12:32 AM
عندما اغلق محفظتي اتمني ان تمارس النقود الجنس ، لتتكاثر وتتكاثر وتتكاثر ، ولكن للأسف الجنية السوداني طلع .......


#994503 [صلاح إبراهيم]
3.50/5 (2 صوت)

05-06-2014 12:29 AM
(مع كل أمنيات الراكوبة للسيد المحافظ بنقاهة معتبرة و نوما هانئا و أحلاما مليئة بالأكاذيب الجميلة)

أعجبني التعبير جداً.. ههههههههههههههه


#994488 [salaheldin]
0.00/5 (0 صوت)

05-06-2014 12:05 AM
الزول هلك جوع وعطش ومرض وموت بالجملة،،،،،،،،،،،،،،،،،،،،،،،،،،،،،،،،،،،


#994345 [المشتهى السخينه]
4.00/5 (3 صوت)

05-05-2014 08:13 PM
انهيار الجنيه الرسالى هو مؤشر لانهيار الاقتصاد . فجمهورية السودان الكانت مليون ميل مربع لا تستطيع هذه الايام الوفاء بدفعيات ورق طباعة العمله والاحبار .
بنك السودان قام بطباعة اطنان من الاوراق ودخل السوق واشترى بها الدولار لمقابلة احتياجات الحروب السرمديه لامير المؤمنين من سلاح وذخائر ومركبات .
من قبضوا العمله السودانيه حصدوا الهشيم فهى لا تسوى قيمة الورق الذى تطبع به .. سموا الاشياء باسمائها ( انهار الاقتصاد ) ..ولا تصدقوا الوديعه القطريه ( كذب الانقاذيون ولو صدقوا ) ..


#994342 [عبود الجمر]
0.00/5 (0 صوت)

05-05-2014 08:01 PM
السودان لايملك حاليا اي مخرج اوحل منطقي لهذه الازمة فلا سيولة متوفرة لتحريك عجلة الانتاج بالبلاد ولا تتوفر مؤسسات انتاج معافاة لتوفر سيولة للبلاد ولايوجد مانحين حقيقيين حاليا بلغة الاقتصاد .


#994337 [لؤى]
0.00/5 (0 صوت)

05-05-2014 07:53 PM
اوووووووووووووف


#994301 [omda]
3.50/5 (4 صوت)

05-05-2014 06:52 PM
ياجماعة الحكومة وناااااااااااااااااااس الحكومة هم المضاربين وهم المستفيدين تجار عملة مين ان شاء الله كله ليه يوم


ردود على omda
European Union [Abeer] 05-06-2014 06:40 AM
لكن اليوم دة متين.........هرمنا


#994130 [منصور محمد صالح محمد صالح]
1.00/5 (1 صوت)

05-05-2014 03:00 PM
اللهم لطفا بالسودان,,,اللهم ارحم السوداني ارحم الراحمين،،اللهم عليك بكل أعداء السودان وكل كل من ساهم في دمار السودان،،اللهم شد من ازر الجنيه وقويه ضد عدوه الدولار ،،،وكل من يحب السودان يقول أمين،،،


ردود على منصور محمد صالح محمد صالح
United States [Abu] 05-06-2014 02:27 AM
AMEN AMEN AMEN


#994069 [بساط الريح]
4.50/5 (3 صوت)

05-05-2014 01:54 PM
يا وطن كيمان اذية
من عواس الجبهجية
الكوزنجية
الامنجية
الارزقية
النفعجية
حرامية لصوصية.. مية مية
يا بلد اطنان مآسي من فساد الطمبجية
يا بلد منكوب كوارث
من سياسات بربرية
وبي عمايل بلطجية
اونطجية
طمبجية مية مية
كلو نازل مافي رافع
كلو خافض مافي ساطع
كلو فاسد مافي رافع
كلو فاشل مافي نافع
ما يمهم يبقى الوطن بي ترابو
وما هدف يطمح شبابو
وما يضر يتم يبابو
وما بهم يكمل خرابو
وما ضروري يجوعوا ناس يموتوا ناس
وما خيانة تقيف مصانع
والزرع يشبع يباس
وما يخالف جوة رأس كل مخالف
ينفجر كوم من رصاص
بس المهم وفي الاساس
هم راس ونحنا ساس
وناس وناس ما سواس
وما يفيد اصل الشريعة
يكفي بس اسم الشريعة
تكون ذريعة
حصان طروادة
بيها نمرق في السعادة
بيها نسطو سنين زيادة
حصان طروادة
نرقص ونتشابا
فوق ظهر الغلابة
وعلى كتف التعابة
نقيف في راسا
وبي هتافات البساطة وبكل سذاجة
ومع حماسها نزيد حماسة
وبي تهاليل كل طيرة ومخ دجاجة
نطرش كلام برة السياسة
وما مهم ابدا دراسة
بس المهم وفي الاساس
هم راس ونحنا ساس
وناس وناس ما سواس
شب الحريق من كل ناحية
والحروب في كل زاوية
ومن هناك هبت عجاجة
والقراية وما القراية بقت حكاية
لا كتابة ولا دراية
لا قلم بيزيل بلم
ولا جهل بدأ في النهاية
بي الدعارة الجامعة سارت في مسارا
و بالحشيشة يتم مزاجا
والمصانع في اجازة
والزراعة سراب نتاجا
والبنوك منهوبة بالرضا والتراضي
والوزارت اختلاسات دون تقاضي
وقروشنا في بنك الخواجة
ازمة هايجة
وفوضى مايجة
وفتنة رايجة
وزنقة لي عنق الزجاجة
ده كلو حاصل وبرضو قالوا .. مااافي حاجة !!!
وما مهم اي حاجة ..
بس المهم وفي الاساس
هم راس ونحنا ساس
وناس وناس ما سواس
يا بلد ادمن مرارات الفشل
مليان قرف مليان عفن
أهـ يا زمن
اصبح خطر
امر عجب عجبا امر
بقينا في اخر العمر
سخر القدر
لا ننتظر
ان تفتخر
بي كل تعددنا وتراثنا
وبي الرطانة
وبي ثقافتنا وغنانا
وننبهر بي انتمانا لي وطن!!
أهـ يا زمن
في زمن القومة ليك سابع محال يا وطن
في زمن الراحة فيك فوق الخيال علما اظن
اهـ يا وطن
زيادة عن عشرين سنة
عجفا عجاف
اقبح سنين العمر والاحباط بقن
اهـ يا وطن
زيادة عن عشرين سنة
عجبا عجاب
شفنا فيك الويل واصناف المحن
أهـ يا زمن
على كان زمان ونحن اول
واجترار لزكرىات واهـة و شجن
أهـ يا وطن
عايشين انينك
ومر سنينك
والعيشة فيك شيء لا يطاق
وفي الفؤاد جمرات شون .
بس يا زمن بس يا وطن
روح القضية لسة حية
وما بتموت ابدا قضية
سار وراها الاغلبية
ثار عشانا الهامشية
هتفت حناجر مطلبية
غرزت خناجر لنضالات مفصلية
والقضية هيا هيا
والقضية مفصلية
والقضية جمرة حية
والقضية حية حية
حرية لينا ولي سوانا اولوية
حرية لينا ولي سوانا بي مستوانا
هي القضية
شعب صاحي
شعب راصد
شعب صابر ما هو فاتر
واذا الصبر لحدوده فايت
لا بجادل ولا بفاوض
يبقا مارق كل سارق
ويبقا راكز كل معاكس
يبقا واقف كل خايف
يبقا طالع كل بالع
تاريخو ناصع
شبابو واعد
الله واحد وموتو واحد
وعدو واحد
كل عسكر وكل فاسد
تاريخو شاهد
اكتوبر المرصع
وابريلو عايد عايد
اكتوبر المرصع
وابريلو عايد عايد
اكتوبر المرصع
وابريلو عايد عايد


#993947 [المشتهي الكمونية]
3.50/5 (5 صوت)

05-05-2014 11:35 AM
دولار الكيزان وصل 9 ألف ،،، قاموا الكيزان شالوا تلاتة أصفار بقى سعر الدولار تسعة جنيه بس ،،، باكر يقوموا الكيزان يشيلوا صفر تاني يبقى الدولار سعره 90 قرش ،،، وبعدها يقوم الكيزان يشيلوا صفر تاني يبقى سعر الدولار تسعة قروش بس ،،، وبذلك يكون الكيزان قد إنتصروا على القوى الإستعمارية وقوى الإستكبار ،،، الله أكبر


ردود على المشتهي الكمونية
[رانيا] 05-05-2014 05:10 PM
الله اكبر ومعاها حركة السبابة البعملوها ديك ..


#993938 [هيثم]
0.00/5 (0 صوت)

05-05-2014 11:26 AM
بلد فيها خمسه مليون مصري + ثمانيه مليون حبشي + مليون فلسطيني + مليون من لبناني وبنغالي وباكستاني وهندي بالاضافه الى مليون سوري تتكفل الدوله بنفقاتهم لو كل واحد في ديل بيحول في الشهر بس 100 دولار في دوله من دول العالم الرابع تسمى السودان يبقى الدولار ما حيطلع كيف ؟؟؟؟؟؟؟؟؟؟؟؟؟!!!!!!!!!!!!!!


ردود على هيثم
European Union [ود الشماليه] 05-05-2014 06:04 PM
سوداني اصيل انت الطلعت كضاب يا اخوي لانو انا شغال في شركه فيها 1200 مصري
ودي شركه واحده
ومرتب اقل واحد فيهم 450$
دي نص مليون دولار من هنا بس شهريا

European Union [أيمن] 05-05-2014 04:03 PM
انها الحقيقة وانا أوافقك تماماً وأضيف شيء مهم ان ما نستهك من وقود ومهما كان سعره وكذلك الكهرباء والخبز والمواد الغزاءيه وكل ما نستورد بالدولار يشاركنا فيه هؤلاء العمالة غير المجدية لاقتصاد البلد. هل تصدق ان احد الأسباب التي دعت الاسكوتلنديين لطلب الانفصال عن المملكة المتحدة انهم شعروا بنهب خيرات بلدهم من الإنجليز فقط بل هجره عمال شرق أوروبا بإسكتلندا وأذيد ان النرويجيين يرفرفضو هجره الأوروبيين لهم. وهذا ما فعلته سويسرا برفض هجره عمالة أوروبا لها. انه الحرص على مستقبل الأجيال لكن نحن باسم الدين قام كلاب الانقاز ببيع البلد بمافيه ومن فيه حتى انا وانت وكل من يقراء هذا التعليق. اللهم ياعظيم اجعل كل من نهب خير البلد افسد عظة في الدنيا

European Union [حزينة] 05-05-2014 12:28 PM
والله يا هيثم دي إحصائية مخيفة مخيفة مخيفة

United States [سودانى اصيل] 05-05-2014 12:26 PM
انت اكبر كضاب المصريين بالسودان لايتعدوا الف او ثلاثة الاف اما البقية فلديهم جنسية فما تفتحش صدرك اوى وتفشر وتعمل زى ابو لمعة يا كضاب


#993891 [ود عشمانة]
3.00/5 (2 صوت)

05-05-2014 10:44 AM
رد على كبشور
الدولار تيرابو في حسن العلاقات الدولية بصرف النظر عن عقيدته ودينه
وتيرابو زيادة الانتاج يعنى تدفع 9 تاخذ 10
تيرابو تعرض العندك وتاخذ الما عندك
وكيف تاخذ وتعطي هنا فن السياسة والتعامل


ردود على ود عشمانة
United States [جركان فاضى] 05-05-2014 09:06 PM
يا ود عشمانة امسك تيرابك عدليك...انا خايف كان زرعتوا ما يقوم...اكلو بليلة احسن ليك


#993862 [سودانى غيور على وطنه الضائع]
5.00/5 (1 صوت)

05-05-2014 10:17 AM
اهلا وسهلا بمزيد من الفشل والفشل لحكومة السجم والرماد العوض على الله فى السودان والسودانيين الجبناء الرازحين تحت حكم الارهاب الاخوانى شعب كله نسوان ليس به زول واحد يجمع هؤلاء اشباه الرجال وينتفض لكرامته ويحرر دولته من بطش الاخوان الذين اصبحوا مكروهين الا فى السودان بلدنا المنسى والمغلوب على امره بفضل شعبه المخنث الذى يريد ان يحارب ويحرر حلايب حرروا انفسكم اولا من الجبن ياجبناء يامن جندى فقط من ميليشيا البشير واعوانه يرهب ويرعب الاف المخنثين منكم .ليس لكم الا المذلة والاهانة منهم يا من رضيتم بالذل ولكن حتى الذل غير راض عنكم فالى مزبلة التاريخ ايها الشعب الرعديد


#993857 [bullet ant]
5.00/5 (1 صوت)

05-05-2014 10:12 AM
لا يوجد علماء فى دولة الكيزان
سماسرة من الوزير الى الغفير


ردود على bullet ant
European Union [Noor El Deen] 05-06-2014 05:01 AM
تعليقك يساوي كل المقالات الإتكتبت والي حتكتب
فعلاً هي الحقيقة

United States [Abu] 05-05-2014 06:53 PM
Hate to say that, but unfortunately, you have concise the whole calamity in a very short and precise manner. Unequivocally what we see there is a unique case impossible to be repeated anywhere! Everywhere in this world, wherever you go you will witness bad and good, but to come across a country where it is impossible to stumble on a single honest official, this sure something worth studying?


#993836 [ود نقد]
2.00/5 (1 صوت)

05-05-2014 09:53 AM
واحدة من الامور التى سمعنا ان المملكة العربية السعودية قامت باجرائها هى تنظيم العمالة الاجنبية وترحيل العمالة غير النظامية وقد انعكس ذلك ايجابيا بانخفاض تحويلات العاملين بالمليارات,, واحدة من اسباب ارتفاع الدولار بالسودان بخلاف توقف الانتاج ومضاربات الكيزان والنهب وخلافه..هى تحويلات الاجانب غير النظاميين بالسودان..فهؤلاء يشترون الدولار باى سعر لتحويل مدخراتهم الى بلدانهم...تنظيم وتسجيل العمالة وترحيل غير النظاميين سيؤدى الى انخفاض ملموس..بالاضافة لتحجيم سفر المسؤلين وجذب مدخرات وتحويلات العاملين بالخارج والذين لا يثقون فى اقوال الحكومة وانما يريدون افعالا....


#993828 [الفوج نوندي]
3.00/5 (2 صوت)

05-05-2014 09:47 AM
يا ناس الراكوبة
الدولار سعرو ثابت
قيمة الجنيه السوداني هي التي انخفضت مقابل الدولار

شابكننا الدولار ارتفع

الحقو جنية
و زمان قالو
مرمي الله ما بيترفع


#993824 [عثمان حسن]
2.88/5 (4 صوت)

05-05-2014 09:45 AM
الجنيه السوداني اذا لم يتوقف ابناءه عن حمل السلاح وصاروا متحضرين وجلسوا الي مائدة الحوار لن ينعم السودان بالخير ومعروف ان بلاد اهلها يقتتلوا اقتصادهم مكانه الحضيض ، اما نزول وزير الماليه في فندق البصيري بلازا فهو شرف له في وطنه وبين اهله ليس كمن يقبع في فنادق الاجانب وفاتورتهم تدفعها الموساد والسي اي ايه وغيرها من مخابرات دول الكفر والفسوق .


ردود على عثمان حسن
[ود الابيض] 05-05-2014 12:36 PM
عايزهم يجو يقعدوا ليك هنا في فنادقك؟؟
الحكومة تجي تديهم العصاير.
تصدق فكرتك سمحة..
نتمنى انهم يسمعوا كلامك الجميل دا

European Union [Rebel] 05-05-2014 12:03 PM
* اتابع تعليقاتك، و هى دائما ما تكون غير محايده ، باهته او فاقدة الموضوعيه.

* الموضوع عن انخفاض قيمة العمله الوطنيه مقابل الدولار، و ليس عن وزير الماليه و فندق البصيرى. لكن الظاهر عليك انك احد المهووسين او احد كلاب الامن الضاله. اقسم بالله انك واحد من هذين الأمرين، ان لم تكن اسوأ من ذلك. لعنك الله، و ساظل العنك كلما اطلعت على تعليقاتك التافهه مدفوعة القيمه. منافق.


#993817 [جركان فاضى]
2.00/5 (1 صوت)

05-05-2014 09:39 AM
الجنيه السودانى كان ما اخد حبة الضغط دى راسو بنفجر...حبة وديعة قطرية كل شهر والا ضغطو ارتفع


#993808 [المغترب والمشترق كمان]
2.00/5 (1 صوت)

05-05-2014 09:34 AM
الراكوبة تستخدم مدفعية ثقيلة لقتل عصفورة. لاتؤاخذوا "خفاف العقول" فيما يقولون.


#993782 [,ود كمال]
2.00/5 (1 صوت)

05-05-2014 09:14 AM
لو ضربنا عدد الحبش فى واحد دولار يتم تحويلها يوميه الى الحبشه اقعد احسبه يا محافظ بنك الهنا.....قال انخفض قال


#993781 [عادي]
2.00/5 (1 صوت)

05-05-2014 09:14 AM
كيفن ما يرتفع بس ؟؟
نحنا ما عندنا اي حاجة تجيب لينا عملة غير الكذي والقروض


#993767 [xzool]
4.75/5 (3 صوت)

05-05-2014 09:01 AM
فى كم معلم فى البلد دي ورونا
الكبير اوي بتاع شحنة المخدرات فى بورتسودان والله اسمه ماقدرو يتهجو ناس الصحافه الاناتي
وهسي ده بتاع الدولار
بلد الكبار اسياده
والمعلمين درداقاته
والدقون مقشاشاته
والمؤتمرجيه فتواته
ومسئولينها ال كابون عصاباته
ومواطنه نعامه ميته ف الرمل دافن تيزه
وعسكره بلطجي بالشهاده
وجناها ف خشمه عدمان اللقمه
وجوكيته يبيعو البنقو ليمون مدور وبترخيصو وطبنجته معمره بي ناره
بلد ينسك فيها بتاع الكيس ويدخلو جوه الكيس
بلد الكشه مابتجي الا لست الشاي ام عرقا نضيف
بلدا حراميها ضارب فريون وفى الشارع عربيته تدفر الحفيان
بلدا بدون واسطه كضاب تمش خطوتين
بلدا رئيسه قايلا الجنه وماهي جنه
بلد رئيسه شبعان نوم ماعسكرو وناسو قالولو نوم ياريس العدل ملا البلد والله لو ماشويه يقولو عليك ابن الخطاب
وكمان فى المنابر يقول ينقل التجربه لبلدان بره يعلم الدول كيف العدل وكيف تحاربو الفساد
بلد خيرة شبابه هجه ونجع بعيد
بلد كرامته مديوسه تحت البوت
بلد اليتامي فيها يتسولو اللقمه ووزير دفاعنا مهر بته ٢٧ مليار بالقديم
بلد حقنه للمسكين مافي
بلد مليارات للحراميه تتدفق
اكان الله اداك البترول والدهب والبني ادم تكتربو قوان ابوطيره وتحاربو جناك
ماشبعنا مغايص ياريس القول الفساد بطلعو مجنون
واخرته بت شاش مرقتنا شعب حشاش وحشاشين وبالجزم نستاهل اللبع
ياريس بكره بتفوت وسيرتك بتبقى غير حساب ربك
جر سيفك والحق انلحقته ما البلد اتمعطت وريحته ضربت
علق فى المشانق حراميتك وياريت من القراب اكان عند الله يشفعولك
ويالصادق ويالمرغني عار عليكم والله عار عليكم


#993745 [صباحكم خير]
2.00/5 (1 صوت)

05-05-2014 08:48 AM
خليهم يتعاونوا مع المغتربين السودانيين فى كل بقاع الدنيا ويقدموا لهم التهسيلات اللازمة فان العملات الصعبة سوف تتدفق الى الوطن من خلال تحويلات كبيرة ومعتبرة تحل جزء كبير من الازمات .


#993671 [محمد]
2.00/5 (1 صوت)

05-05-2014 07:59 AM
يا أخي أخطبوط سعر السوق الاسود كما يسمى لا يحارب إلا بتوفير هذه السلعة المسمية بالدولار فعندما تتوفر ترخص مثلها مثل أي سلعة فالدولار سلعة يجب عليكم اذا كنتم تفقهوا أزرعوها ؟

وهناك لا تنسى كل جيران السودان عطشى لسلعة الدولار اذا هؤلاء لم يكتفوا فستصبح الحالة كما هي كل نزول المطر في ارض رملية ترى أمطار وبلا تجمع مياة تعلموا من الطبيعة تعرفوا كل شيء


#993629 [مليار قطر]
4.00/5 (1 صوت)

05-05-2014 06:45 AM
الدولار ارتفع الدولار انخفض ، هاؤلاء الابالسة لا يهمهم شي ، لانهم قد شبعوا باموال الشعب المغلوب علي امره ، فمتدت كروشهم ( بالسحت ) ، مبدد بنك السودان المركزي ، ينام ملئ جفنيه في عروس البحر والدولار يرتفع وصدي قيح كلماته لا يزال يسمع صدا قيحها عند الجدران ، لعمري ان هاؤلاء الابالسة لا يتركون السودان الا بعد ان يتاكدوا انه قد اتقسم لاربع اجزاء ، فتبا لهم اينما حلو وارتحلو .
كسره ثابته ( مليااااااار قطر وينوو و )


#993610 [أطرش في الزفه]
2.00/5 (1 صوت)

05-05-2014 05:28 AM
بعد كده حيوقفوا اصدار النشرة اﻻقتصادية.


#993608 [kabashor]
2.00/5 (1 صوت)

05-05-2014 05:22 AM
يا جماعة الدولار ده تيرابو وين .


#993603 [رمزي]
5.00/5 (1 صوت)

05-05-2014 04:42 AM
أنا دمعي جاري وأسبابي جاري
يا ريته يعلم بي البي جاري
أ ه دمعي جاري وأسبابي جاري
يا ريته يعلم بي البي جاري
في قلبي ساكن جاري البعزو
هاجرني لكن آسرني حبه
يا ريت يدري الام محبه
يسعفني حالاً قبال وداري
جاري البعزو الطلة سابا
كل ما طريتو أزداد صبابا
يا ريت ديارنا جا ودق بابا
يمسح دموعي ويطفيها ناري
أ ه دمعي جاري
مهما جفاني ما بهوى غيره
من لون سماره الناس بغيره
لو مر طل أو فاح عبيره
أشواقي تفرح ويزداد حساري
أ ه دمعي جاري وأسبابي جاري
يا ريته يعلم بي البي جاري
يا ريته يعلم بي البي جاري


#993581 [Abu]
5.00/5 (2 صوت)

05-05-2014 02:05 AM
One of Shaw’s Quotes “The liar's punishment is not in the least that he is not believed, but that he cannot believe anyone else”
This is what we are getting of this “person” more and more blatant and disrespect lies, and definite, we cannot expect much from him and filthy regime he represent.
Preposterously and absurd, and more than that, provocative in every meaning what they say and do. They kept using media for ages now to mislead us. What they have forgot that, the media is a powerful tool. Like so many tools, it can also be used as a weapon. If misused - and it is often misused - media can destroy lives. It can crush, or at the very least discredit and discourage social movements. Media can be used to reinforce the official narrative and to silence dissenting voices, to push people's needs aside and to leave out problematic certainties. It can re-traumatize victims of violence. In extreme cases - like when news outlets become cohorts for war - media can even kills. This what exactly this thugs kept doing for the last 25 years. Now I can see it is firing back on them, but unfortunately, we the poor, the hopeless got nothing to do except watching this entire desecration-taking place every moment in that ill-fated country. As a small percentage of that poor place are living at the pinnacle of filthy wealth, an increasing number of us are sinking into below the third world economic and living conditions – and at the top of all that being blamed for our plight. This what we have gained from this mob…. You cannot teach an old dog new trick, and sure Old habits die hard…



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
8.50/10 (6 صوت)






الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة