الأخبار
أخبار إقليمية
حزب البشير يرحب بياسر عرمان في الخرطوم
حزب البشير يرحب بياسر عرمان في الخرطوم
حزب البشير يرحب بياسر عرمان في الخرطوم


05-06-2014 10:38 AM
الخرطوم: سعاد الخضر
أعلن المؤتمر الوطني موافقته على الطلب الذي تقدم الأمين العام للحركة الشعبية شمال ياسر عرمان للمجئ للخرطوم على رأس وفد من الحركة ورحب في الوقت ذاته بالخطوة . واعتبر أنها تصب في المسار الإيجابي وقال رئيس القطاع الفئوي بالمؤتمر الوطني سامية أحمد محمد في تصريحات صحفية إن الترتيبات التي أعلنها الحزب بشأن دخول حملة السلاح للمشاركة في الحوار ما تزال قائمة، وأضافت "إذا كان عرمان يريد المجئ والاستجابة للحوار فالترتيبات للجميع بمن فيهم حملة السلاح"، ,ونوهت إلى أن الحوار لا يحتاج إرسال رسائل، ووصفت سامية اختيار سارة نقد الله أميناً عاماً لحزب الأمة القومي بالإضافة الحقيقية لتطوير العمل السياسي كافة ورفضت الحديث عن إمكانية إحداث تغيير داخل حزب الأمة باختيار نقد الله لجهة دعمها تيار الحوار، وأضافت: إن جودها بصورة عامة يدعم الحياة السياسية قاطبة والمشاركة السياسية ويدفع الحراك السياسي إيجاباً والبناء السياسي عامة

الجريدة


تعليقات 26 | إهداء 1 | زيارات 9485

التعليقات
#996426 [احمد]
0.00/5 (0 صوت)

05-07-2014 06:27 PM
عامل فيها الود مناضل (شوف ليك شغله يا عرمان ياجبان


#996024 [الموهوم الامى]
1.00/5 (1 صوت)

05-07-2014 12:01 PM
انتو البلد ملكوكم ليها و لا شنو
قرار من لايملك لمن لايستحق
طز ***** شنو ابجى هنا انتو نسيتو عمل شنو و لا الحاجة البتتعمل فى المواطن مابتهمكم
دا كتل اولادنا و قليو حكمتو عليهو بالاعدا شنو يعنى ترحبو بيهو
كرهتونا عديل كده ***** دا كان جا هنا بنبقى ليهو اخطر من تعبان
و الله جنس تعب ياسجمان نحن سيرتك ساى بتعمل لينا ارتكاريا ياسكران


#995590 [caeser]
0.00/5 (0 صوت)

05-07-2014 05:55 AM
حضور ياسر عرمان ليس بمزاجه و لا تقدم بطلب للزيارة ، يوم حضور ياسر يوم سقوطكم و نهايتكم - بعدين وين انت يا ( دارفور كادقلي ) من تصريح ساميه ، نائب رئيس المجلس ؟؟؟؟؟؟؟


#995568 [صقرالنوبة]
0.00/5 (0 صوت)

05-07-2014 02:48 AM
قالواالاقتراح جاء من رئيس الآلية الافريقية رفيعة المستوى امبيكى الى ياسر عرمان بالذهاب الى الخرطوم والدخول فى حوار ليس مع المؤتمر الوطنى كما يشتهى أهل المؤتمر الوطنى والشيخة سامية .. احلمـــــــــــــــــــــــوا وحلـــم الجعان عرمان فى الخرطوم


#995498 [الشاكوش]
0.00/5 (0 صوت)

05-06-2014 11:23 PM
وقال رئيس القطاع الفئوي بالمؤتمر الوطني سامية أحمد محمد في تصريحات صحفية !!!!

خلاص بقيتوها راجل؟؟


#995398 [الحقيقة مرة]
5.00/5 (3 صوت)

05-06-2014 08:31 PM
تهاها يا بني كوز يا لكم من حلمانين ياسر عرمان ما حيدخل الخرطوم يا وهم الا ممتطيا صهوة التاتشر وهو لابس كامو ومتحزم نار وشايلو باليمين دوشكا وبالشمال وثيقة استسلامكم وطبعا بشة اليوم داك حيكون لابس فنلة برشلونة وزايغ في شارع الاربعين ولا اكون حريف ومرقا في كولالمبور


#995363 [ركابي]
5.00/5 (1 صوت)

05-06-2014 07:35 PM
الله يستر الزول ده ما يحصل ليهو زي الحصل لبنينو اكينو عندما تم اغتياله اول ما نزل المطار ..وما حيحصل للكيزان زي الحصل للدكتاتور فرديناند ماركوس ................ياعرمان يامناضل الناس ديل لو كانواعندهم اي حسن نية كانوا وقفوا العمليات العسكرية الحتبيد اهل جبال النوبة ..


#995351 [سامي ود الجريف]
5.00/5 (1 صوت)

05-06-2014 06:53 PM
عرمان هو مستقبل السودان ولايحتاج لإذن من القتلة والحرامية
وقريبا عرمان في الخرطوم رغم انفكم


#995285 [murtada ballal]
0.00/5 (0 صوت)

05-06-2014 05:14 PM
VIVA YASSIR ....WELCOME HOME TO ESTABLIH NEW SUDAN TAKE ATMOST CARE >>SUDAN NEEDS YOU FOR THE FUTURE GENERATION


#995270 [Quickly]
5.00/5 (1 صوت)

05-06-2014 04:59 PM
في البداية يتجاهلونك ثم يسخرون منك ثم يحاربونك ,,,,,, ثم تنتصر
مرحباّ بالمناضل ياسر عرمان في الخرطوم فاتحاّ


#995263 [باسطة]
0.00/5 (0 صوت)

05-06-2014 04:44 PM
يا جماعة أنا كنت نايم و اللا شنو معليش عندي سؤال ,
هل تم إسقاط الحكم الصادر ضد المدعو ياسر عرمان ؟؟؟

ورونا الحاصل شنو و اللا أدونا واحدة ملفوفة بكرتين أو واحده ملفوفةالقوام قوام خلونا نصحى
يا ( محمد فتحي )

عازه قومي كفاك عازه غطي قفاك .


#995249 [عبدالله الشاقي]
0.00/5 (0 صوت)

05-06-2014 04:15 PM
اليضمنك من تعبان منو .جلد العنقريب القدامك البودوك بيه المقابر .موت قرب يا ابو تولو


#995220 [ود كترينا]
5.00/5 (1 صوت)

05-06-2014 03:41 PM
***بلا تأليف وافك معاكم...متى تقدم ياسر عرمان بطلب لحزب المؤتمر الوطنى؟؟!!الاقتراح جاء من رئيس الآلية الافريقية رفيعة المستوى امبيكى الى ياسر عرمان بالذهاب الى الخرطوم والدخول فى حوار ليس مع المؤتمر الوطنى كما يشتهى أهل المؤتمر الوطنى والشيخة سامية وانما للتفاوض مع قوى الاجماع الوطنى التى رفضت الدخول فى حوار مع المؤتمر الوطنى ...حتى يضمن امبيكى اتفاق على حد أدنى بين الفصائل المعارضة للمؤتمر الوطنى...لم تصدق الخرطوم طلب امبيكى فسارعت بالموافقة...امبيكى لم تعد مهمته قاصرة على الخلاف حول منطقتى النيل الأزرق وجنوب كردفان ..بل تم توسيع اختصاصه بموافقة مجلس الأمن والاتحاد الافريقى ليشمل كل القضايا العالقة بين الحكومة السودانية ومعارضيها ان كانوا سلميين أو يحملون السلاح...وفى هذا الاطار اجتمع امبيكى فى وقت سابق مع جبريل ابراهيم ومنى أركو مناوى...والدليل على ذلك موافقة الحكومة على اتفاق عقار ونافع الموقع فى 28 يونيو 2011 كاطار لحل القضايا...وعلى سامية وغيرها أن يقرأوا جيدا هذا الاتفاق...


#995212 [ابو احمد]
0.00/5 (0 صوت)

05-06-2014 03:27 PM
حا تمشي الخرطوم وحا تعمل حزب وحا تنافس في الانتخابات ويمكن تفوز لو نزيهة لكن اعمل حسابك بعدين ماتركب الطيارة


#995210 [ابوعلي]
0.00/5 (0 صوت)

05-06-2014 03:27 PM
مرحبا مرحي بالمناضل ياسر عرمان زعيم المتضطهدين والغلابا ونصيرهم بوطنك الذي خرجت من اجله وعدت من اجله مرحب بك بين اخوانك واخوتك وابنائك وبناتك


#995185 [ابو الدفاع]
0.00/5 (0 صوت)

05-06-2014 02:50 PM
جاي بعد تهديد تعبان ليه ولاشنو. تعبان قال ليه بقتلك والجماعة ديل كان قالوا حاجة بنفذوها عشان كده عرمان جاي يلبد مع اولاد اعموا عشان يحموه.


#995180 [ود سنجة]
0.00/5 (0 صوت)

05-06-2014 02:45 PM
ولكن بمشى وين من اهل القتيل


#995177 [locolo]
0.00/5 (0 صوت)

05-06-2014 02:40 PM
يا جماعه دى إشاعه صنعها المؤتمر اللاوطنى و روج لها ثم صدقها ،،، إنها إشاعه ،، صانعها ناشرها و ناشرها مصدقها ،،،


#995174 [ادروب الهداب]
0.00/5 (0 صوت)

05-06-2014 02:39 PM
المثل القائل المابيخاف من الله خاف منه.
ممكن يعمل ليك مكيده الشيطان مايكون
فكر فيها ويطلعوا منا ذي الشعره من
العجين... ديل قتلوا ناسم لمن اختلفوا
معاهم... اعمل حسابك ياياسر ولا عذر لمن
انذر


#995132 [محمود]
1.50/5 (3 صوت)

05-06-2014 01:43 PM
مليون مرحبا بالمناضل ياسر نحن جميعا في إنتظارك ونقف من خلفك وامامك وبين جنبيك


#995122 [عوضية عجبنا]
0.00/5 (0 صوت)

05-06-2014 01:31 PM
كلام الليل يمحوه النهار
ماقلتو عرمان إعدام والله أنتو ياكيزان تستحقون الإعدام.


#995078 [الدامة]
0.00/5 (0 صوت)

05-06-2014 12:54 PM
اهلا بالبطل ياسر عرمان نصير الضعفاء هيا لحل مشاكل البلاد وخلينا ننهض ونترك الاحتراب وكفاية كدة بلاش تعطيل لمقدرات البلاد


#995063 [kamal]
4.00/5 (1 صوت)

05-06-2014 12:37 PM
المصداقية في المحك
لمجرد ابداء الحركة الشعبية شمال رغبتها في الدخول في الحوار الوطني بالداخل يكون قد انكسر الطوق الذي اقعد البلاد ردحا من الزمان واختبار مصداقية الخصمان اللدودان السياسية.
الحركة الشعبية من حقها المشاركة والحكومة من حقها القبول وعلي الشعب السوداني اجمع تحديد مستقبله. نحن نريد والله يريد ولا يبقي الا ما اراده الله.


#994969 [أبو الريش]
0.00/5 (0 صوت)

05-06-2014 11:35 AM
هووووي يا ييياسر: أقعد في راكوبتك الضلضلة دي، وأحرس سويسيواتك السمحات ديل. الناس ديل ما عندهن ضمان (الأباريق ديل). الشي العملو في شيخ سبعيني، ممكن يكررو في شاب خمسيني. والحكم الغيابي عليك أحكم دليل علي نواياهم عليك. لك مني كل السلام.
تحيات أخوك أبو الريش - آخر لقاء في مؤتمر هيرمانبورغ/ المانيا


ردود على أبو الريش
United States [مستنقعات الاماتونج] 05-06-2014 05:02 PM
ههه والله ضحكتني يا ابوريش ,زول دا غير ليهو يقعد ساي هناك ولو زهج يجينا هنا في الادغال الاماونج .


#994965 [عتمنى]
0.00/5 (0 صوت)

05-06-2014 11:30 AM
الدجاجه الفى الصوره بتقول لعرمان يأخى انت جيتنا من وين؟ من يوم ماشفتك والقنابل نازله على انا وصغارى وشفت معاك الدبابات والالغام والمفرقعات حتى الطير والقبور رحل خلا ليك البلد يأخى بلدنا حلوه ومليانه خير نحنا ماعندنا مشكله انت مشكلتك شنو؟ والله جبالنا وخضارنا احسن من فنادقك انت قايل السعاده فى الفيلا والسياره لا يأخى ممكن الواحد راقد تحت شجره لكن سعيد بحياته نحن سعيدين وما عايزين مشاكل ممكن ترحل عنا لوسمحت ؟


ردود على عتمنى
European Union [لا للكيزان] 05-07-2014 12:38 AM
معليش يال المواطن. خليك انت مواطن و خلي امثال عتمنى المهزوزين في كيانهم تخمهم دهية, الكووز كوز

United States [مواطن] 05-06-2014 08:22 PM
أن تكون كوز ما مشكلة, و لكن أن تكون كوز و تسخر من معاناة شعب من تدميركم و اذلالكم ليهو و بعد داك كمان تتطاولوا على مناضليه الشرفاء هذا ما يثير حقيقة الاشمئزاز و لا يغتفر.


#994946 [الكوز الفى الزير التحت الراكوبه]
0.00/5 (0 صوت)

05-06-2014 11:20 AM
رغم أختلافى الجذرى مع أفكار ياسر عرمان الا أننى ارفع القبعه أحتراما" له و لقراره الحضور للخرطوم والأشتراك فى الحوار .



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
0.00/10 (0 صوت)




الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة