الأخبار
أخبار إقليمية
يا أيلا.. (اختشوا شوية)...!
يا أيلا.. (اختشوا شوية)...!


05-06-2014 08:39 PM
عثمان شبونة

* من (النجاحات) التي حققتها حكومة البشير(لكيانها!) نسفها لكثير من الروابط الإنسانية بين أبناء الوطن الواحد، وإلهاء كل جهة أو قبيلة بـ(مِشغلٍ خاص) يصرف البصر والبصيرة معاً عن السودان الواحد الذي إذا اشتكى منه إقليم أصابت الشكوى البقية..! ودورة الزمن أوصلت توابع السلطة إلى حالة من (الثلجية) والتبلُّد غاب معها الضمير الوطني؛ فينظر البعض إلى منطقة محتلة مثل حلايب ببرود الشخص الذي يعنيه من التراب مكان جلوسه..! هذه حقائق لا يصيبنا سَأمٌ باجترارها.
* في رواية (الزمن الفضائي المعوج) للمؤلف والتشكيلي سيف الدين حسن بابكر؛ أبهرتنا شخصية (الكنان).. رجل بسيط أفقر من حجر.. فيه مسحة جنون.. لا أهل له ولا بيت.. في يوم من أيام الدميرة جرف السيل المنازل والشجر، وعكف الناس على خدمة بعضهم، عدا الكنان هذا؛ جلس فوق تلة عالية يتفرج عليهم غير مبالٍ بالكارثة.. حينما ذهبوا إليه وحثوا فيه النخوة لمساعدتهم؛ رفض وخاطبهم بالقول: (لقد إدخرت فقري لمثل هذا اليوم)..!
* ربما يأتي يوم فيكون المحتل أقرب إلى بيت الوالي محمد طاهر أيلا؛ بينما هو يستمتع بالحياة في عاصمة بعيدة؛ وحين يعلم الخبر ينظر لمحدثه قائلاً: (لقد إدخرت ثرائي لمثل هذا اليوم)..!!
* قبل أن نغيظ أحداً أو نعزي بعضنا علينا إعادة قراءة هذا الخبر الفضائحي السَّمِج المضمون:
ــ احتفلت الفرقة 101 مشاة البحرية بورتسودان بعودة القوات المرابطة في حلايب بعد أن تسلمت القوات البديلة لها مواقعها. وثمّن والي البحر الأحمر د. محمد طاهر أيلا لدى مخاطبته بهذه المناسبة مجاهدات القوات المسلحة ودورها في حماية الوطن وتحقيق مبدأ سيادة السودان على اراضيه، مبينا أن وجود القوات المسلحة بمنطقة حلايب تعبير عن السيادة السودانية بالمنطقة.
* هل ضحِكتَ أيها القارئ العزيز؟! يحق لك ذلك..! وإن شئت فاغضب.. لأن إيلا مصاب بحالة (الملك العضوض) في الأوهام وداء (الأغاليط)..!
* قبل نسف هذا الخبر على طريقة مصنع اليرموك تعالوا نعيد الحقائق المعروفة أصلاً، عسى أن تستقر في دماغ أيلا:
1 ـ حلايب صارت أرض كاملة السيادة للمصريين.. إن شئنا القول (لقد تم بيعها) فهذا أقرب للصواب.. وإن قلنا أنها لا تعني سلطة البشير من قريب أو بعيد فهذا عين الصواب..!
2 ـ إذا استثنينا زيارة (السيسي المصري) للمنطقة المحتلة ورمزيتها السياسية؛ فإن الإعلام المصري سبق هذه الزيارة بطواف لم يسبق له مثيل في (حلايبنا) وركّز جهده مع تطلعات أهل المنطقة.. مشاريعهم.. حاضرهم.. ومستقبلهم.. كانت (خبطة) كاميراتهم تسويقاً ذكياً وتعزيزاً صلباً للمصريين بأن حلايب ضمن سلطاتهم وفي قلوبهم.. هم يعلمون أن مليشيات حكومتنا العشوائية توزعت لقتل السودانيين في الداخل ولا تستطيع تجاوز هذا الداخل؛ حتى لا يهلكها الفراعنة في الشمال أو "بني أكسوم" في الشرق..!
* من صلب الخبر تفجعنا اسطوانة (المُجَاهَدَات) التي فتن بها محمد طاهر إيلا كما يُفتن غيره من (الجماعة).. كلمة مجاهدات هذه بحاجة إلى مترجمين عباقرة لنفهم ماذا تعني..! بينما لا أحد منّا يراها ولو في الأحلام.. إنها كلمة (هِبَابْ) تُطلق ليحملها الهواء ويحشوها حشواً في صدور شعب ملَّ الأكاذيب (الثقيلة) وملَّ وجوه المخابيل وهي تترى بكل بغيض..!
* يتحدث أيلا لنفسه فقط كما يبدو.. وإذا أكرمنا اللغة قليلاً فهو يتحدث للمؤتمر الوطني، فالحزب مُغرم بـ(المجاهدات) التي من شدة بهتانها صار معناها الأصلي يئن..!!
* أين تحقيق سيادة السودان على أراضيه؛ والأرض محتلة؟! تواضعوا بالواقعية والشفافية ــ يا أيلا ــ فهي المنتصرة دائماً.. وأين هو الوطن (المحمِي) ــ كما يقول الخبر؟ أين؟ وقد احتفل المصريون في حلايب بمهرجان إعلامي متكامل.. فلو اجتمعت قنوات حكومتنا الفاسدة لما أفلحت في تحقيق نُذر مما قامت به قناة دريم المصرية منفردة..! القاهرة برعت في تزييف المشهد باستدعاء معاناة أهل حلايب وطرح مشاكلهم وتلبية حاجاتهم، بل أمعنت في تأكيد (ملكية الأرض) بتغطية تلفزيونية متميزة اشتغلوها بعناية وتخللتها الأغنيات البجاوية..!!
* حكومتنا العنصرية تدق عظام أطفال جبال النوبة بلا ذنب.. وهي تعلم أنها (مهروسة) لو توغلت شمالاً.. وأيلا مازال يرتدي قناع المجاهدين الكذبة (أهل الجنة..!) الذين قضوا على أخضر البلاد ويابسها..!
* أي مجاهدات ووزير دفاع (الجنجويد) يقر بفرار الشباب من خدمة الجيش فرار الصحيح من الأجرب... فلماذا يفرون؟ الإجابة: لأن الأولوية صارت (للمليشيات الرخيصة) والمرتزقة مدفوعي القيمة؛ الذين لم يتربوا على حب الوطن ولا يدور في خلدهم.. كل معرفتهم من الدنيا ممارسة هواية الحريق والاغتصاب وقتل الأبرياء في القرى السودانية و(الكراكير) و(الكرانك) التي تبحث عن جرعة الماء بشق الأنفس ناهيك عن الصحة والتعليم.. ثم يقبضون الثمن..!
* كفى هذا الغِش المفضوح يا أيلا.. فحلايب على مرمى حجر من (هيلتون بورتسودان).. هي أرض ممتدة وليست مرسى لسفينة البحرية التابعة لوزارة الدفاع بالنظر.. وها أنتم تزيدون لها هيئة (الدفاع بالتنظير)..!
أعوذ بالله


تعليقات 23 | إهداء 0 | زيارات 10567

التعليقات
#997003 [ودامدرمان]
0.00/5 (0 صوت)

05-08-2014 09:56 AM
يعني إنتو باقي السودان عملتوا فيهو شنو لمن بتتكلموا عن مصير حلايب ولا حاسدين أهل حلايب لانو رئيسهم حيكون السيسي و أنتو رئيسكم مره ، حقوا الناس تتناقش وتتكلم في كيفيةالتخلص من النظام دا أولا ثم العمل على إصلاح الخدمة المدنية و التعليم والمشاريع الزراعية والسكة حديد بدل المواضيع الانصرافية دي.


#996446 [المشتهى السخينه]
0.00/5 (0 صوت)

05-07-2014 06:50 PM
بكل اسف حلايب مصريه . وقع على وثائق التنازل عقب محاولة اغتيال مبارك .. كل من الرئيس البشيروكان يرتدى زى القوات المسلحة .. ونائبه على عثمان ورئيس المجلس الوطنى آنذاك حسن الترابى . هؤلاء الخونه وثق لهم المصريين وقائع التوقيع المذل صورة وصوت .. ووافق الجانب المصرى على سرية الوثائق ( لزوم السترة من العار ) .. اى واحد من هؤلاء العملاء الثلاثه ينطق بحرف عن سودانية حلايب ..سينشر المصريون الوثائق فى خلال دقائق ..اتحدى اى صحفى سودانى ان يحصل على تصريح من اى من هؤلاء العملاء الثلاثه بأن حلايب سودانيه ..وخلوها مستورة ..


#996256 [هيثم الخلا]
0.00/5 (0 صوت)

05-07-2014 02:51 PM
رد للأخ مدحت عروة، لقد ذكرت في تعليقي السابق بأن هذه الكتيبة محصورة (اسم الدلع لمسجونه) في عنابر، وآخر سلاح عندهم كان عند بداية الأحداث يعني قبل أكثر من عشرين سنة لم يتغير حتى الآن، هل تعرف أن معظم هؤلاء الجنود يصابون بأمراض سوء التغذية لنقص في بعض المواد الضرورية وأهمها السلطات وما شابهها لأن الغذاء يصرف لهم مرة واحدة في الشهر، ويحضر بمواعيد محددة بسيارة من بورتسودان لو تأخرت عن المواعيد لمدة خمسة دقائق لن يسمحوا لها بدخول حلايب المغتصبة، أصحوا يا عالم. شكرللأخ Ahmed لإفادته القيمة ونتمنى أن نسمع منه المزيد عن الواقع المعاش للسودانيين هناك، والذي يعتبر استعمارا بكل ما تحمل هذه الكلمة من قبح المعاني. دمتم بخير.


#996147 [كحل الشيخات]
0.00/5 (0 صوت)

05-07-2014 01:27 PM
أعوذ بالله , السودانيون انفسهم غير متصالحين مع انفسهم وسقط البعض في اول إختبار حقيقي عندما وضع شبونة يده علي الجرح المتقيح صرخ المرضي الحقيقيون , مشكلتنا اننا لانعترف بالحق حتي نحترمه وعنصريون وجهويون فبدلا من ان نشكر شبونة علي قيامه بواجبه نسبه أكثر من العصبة الحاكمة لا حول ولا قوة الا بالله . الان فقط ادركت لماذا لبثنا في العذاب المهين


#996034 [دغري]
0.00/5 (0 صوت)

05-07-2014 12:07 PM
Sudani Zallan In North
America
كان ترضي كان تزعل هذا المعتوه قليل الادب ومصاب بداء النفخه الكذابه وجنون العظمه راجع مقالته إن جاز لنا ان نسميها مقالات سبجدها مليئه بعبارات واوصاف غير لائقه
اما رايك فيني انت لا تعرفني وانا لا اعرفك فبتالي رايك لايهمني
وهي السهادة لي باني كامل
.... .
اما محب الاكواز دعني اقول لك: (فاقد الشئ لايعطيه)


#995983 [من ناس العوض]
1.50/5 (2 صوت)

05-07-2014 11:33 AM
احسن ليهم يروحو الى مصر. برضوا في السودان درجه ثانيه


#995859 [سودانى جد]
1.00/5 (1 صوت)

05-07-2014 10:14 AM
يا شبونة والله كنت قايلك زول محترم طلعت أزفت من الكيزان الملاعين .. يعنى هم فرطوا فى حلايب والمصريين شغالين تمصير فى الأرض والسكان نحنا نقوم نقول والله الكيزان كضابين ومافى وجود لقوات فى حلايب ... طبعا المستغرب منه إنك انت صحفى وبتعرف انو خبر زى ده لايمكن يكون عارى من الصحة تماماً .. اولاً وجود قوات مسلحة سودانية داخل مدينة حلايب المحتله ويتم إستبدالها بصورة دورية من سنة 95 دى حقيقة لم ينكرها حتى المصريين لكن للأسف أنكرتها أنت ياصحفى يامحترم بجهلك .. تانى حاجة كان تسأل روحك ليه الطريق الساحلى بين مصر والسودان مكتمل منذ أكثر من 5 اعوام ولم يفتتح حتى اليوم .. ياعثمان افرز قصصك مع الكيزان وقصصك مع دولتك وماتبقى ببغاء للآلة الإعلامية المصرية .. ايوه فى إحتلال كامل لحلايب من مصر .. لكن المصريين يعلمون أنه ده وضع غير صحيح بموجب القانون الدولى .. عشان كده بحاولو يتموه سلفقة ودعاية إعلامية مصنوعة ... ياشبونة ح أديك معلومة تانية امش فتش عنها قبل ماتجى تتفصح هنا فى ايلا .. انت عارف انو المواطن المصرى ممنوع تماما من دخول حلايب إلا بإذن من السلطات العسكرية .. ليه طيب الوضع ده لو كانت حلايب مصرية خالصة كما يروج الإعلام المصرى .. ياعثمان أفرز الكيمان عشان ماتسقط اكتر من كده وكفى !!!


ردود على سودانى جد
United States [مدحت عروة] 05-07-2014 12:25 PM
طيب هذه القوات ما تطرد المصريين لانهم جيش اجنبى لو عندها كامل السيادة على حلايب !!!!

United States [abu shawarib] 05-07-2014 11:29 AM
اولا انت ما سودانى جد
عارف ليه؟! لأنك بتشكك فى عثمان شبونه ونحن بنعرف انو سودانى جد
وانا شايف احسن رد عليك انك تقرأ تعليق أخونا هيثم الخلا ولأنك مش حاتقراهو ياهو ده انا نقلتو ليك هنا :
لو تدرون حقيقة وضع كتيبة الجيش السوداني في حلايب لبكيتم كثيرا، وتمنيتم أن يكون باطن الأرض خير من ظاهرها، فهذه الكتبيبة محصورة في مساكن، إن جاز التعبير، أشبه ما تكون بحراسات كبيرة، وتتسلم غذاءها مرة واحدة في الشهر، وبالوصف المحدد، يعني لو طلبوا بيبسي وبُدِّل بسفن أب لن يقبل هذا الطلب، وجهزوا نفسكم للبكاء والغبن: عندما يحضر صهريج الماء (التانك) الماء ينزل بداخله رجل أمن مصري بسرواله فقط ومعه سيخه ويفتش الماء داخل الصهريج من أجل حفظ الأمن وكدا، هل بعد الكفر ذنب،،، شكرا أخي شبونا الفارس المغوار. ولا عزاء لنا أبدا،، فأنا كلما أتذكر حلايب أو أعثر على أخبارها أصاب بحالة التواء المصران فورا.


#995812 [مصطفي سعيد]
0.00/5 (0 صوت)

05-07-2014 09:50 AM
رجل بسيط أفقر من حجر.. (المجاهدات) التي من شدة بهتانها صار معناها الأصلي يئن..!! لك الشكر أستاذنا تدهشني مفرداتك ومعانيها القوية ....


#995633 [مصعب]
0.00/5 (0 صوت)

05-07-2014 07:52 AM
العنوان .. هو .. إسترداد حﻻيب
كيف ؟؟

أوﻻ .. مخاطبة واضحة بالحقائق للشعب السوداني وشهر مفتوح في قنوات الغنا عن حﻻيب
ثانيا عمل دبلوماسي .. مخاطبة السفارات اللي في الخرطوم ..
ثالثا .. حدا من الكيزان يمشي يقابل السيسي .. ويعطينا الزبدة
رابعا .. مذكرات وشكاوي لل جامعه العربيه الاتحاد اﻻفريقي ومجلس اﻵمن
خامسا .. تحرك كل سوداني قادر يحمل سﻻح بتكتيك وخطة هجوم واضح على حﻻيب .. قبل كده ايقاف الحروب في أنحاء السودان والتصالح بين أبناء الوطن

بعدها حنحتل القاهرة مش نرجع حﻻيب


#995563 [خالد]
0.00/5 (0 صوت)

05-07-2014 02:22 AM
فى الطب ما يسمى بتاريخ المرض وكذالك فى الهندسه لكل مكيننه تاريخ اوليس للسلسه ماضى على اساسه يكون نظرتنا لافعالهم
لو نظرتم لكل الانقاذيون ماذا كانو يعملون قبل الانقاذ وبدا من مرحلة الاساس (لو علم السبب بطل العجب)


#995562 [هيثم الخلا]
5.00/5 (1 صوت)

05-07-2014 02:21 AM
لو تدرون حقيقة وضع كتيبة الجيش السوداني في حلايب لبكيتم كثيرا، وتمنيتم أن يكون باطن الأرض خير من ظاهرها، فهذه الكتبيبة محصورة في مساكن، إن جاز التعبير، أشبه ما تكون بحراسات كبيرة، وتتسلم غذاءها مرة واحدة في الشهر، وبالوصف المحدد، يعني لو طلبوا بيبسي وبُدِّل بسفن أب لن يقبل هذا الطلب، وجهزوا نفسكم للبكاء والغبن: عندما يحضر صهريج الماء (التانك) الماء ينزل بداخله رجل أمن مصري بسرواله فقط ومعه سيخه ويفتش الماء داخل الصهريج من أجل حفظ الأمن وكدا، هل بعد الكفر ذنب،،، شكرا أخي شبونا الفارس المغوار. ولا عزاء لنا أبدا،، فأنا كلما أتذكر حلايب أو أعثر على أخبارها أصاب بحالة التواء المصران فورا.


ردود على هيثم الخلا
[Ahmed] 05-07-2014 09:56 AM
أخي هيثم علاوه على نزول رجل الأمن المصري بسرواله فقط داخل الصهريج ومعه سيخه يفتش بها الصهريج فأنه يتبول في الماء إمعاناً في الإهانه وأقول لك ذلك وأنا من حلايب.


#995549 [رجعنا بعد فرقة]
0.00/5 (0 صوت)

05-07-2014 01:19 AM
الجداد الالكترونى نشط جدا والله الاستحو ماتو ياخ بعتو الارض والتاريخ وسرقتو الكنوز وماهمكم منها الا القيمة المادية انتو بشر وجاين تجعروا يا شبونة انا كنت بحترمك يا شبونه حرام عليك شبونه راجل محترم حتى لو افترضنا انو كوز بس انتو ام النفاق والتفاهه تفوووو


#995539 [حلايب سودانية]
5.00/5 (4 صوت)

05-07-2014 12:56 AM
ياشبونه ما تتفرع على ايلا حلايب مسؤول منها عمر البشير وعلى عثمان باعوها للمصرين مقابل السكوت عن محاولة اغتيال حسنى مبارك والاحزاب السودانية كلها سكتت على الجريمة دى مراعاة لعلاقتها مع المصرين الحزب الوحيد ظل يدافع عن حلايب هو حزب مؤتمر البجاورئيسو موسى محمد احمد وايلا عطل افتتاح طريق بورتسودان السويس وقال لمصطفى عثمان وكت جا جارى عشان يفتتح الطريق ايلا قال ليهو نقطة الجمارك حتعملوها وين لو عملتوها فى البوابة بتاعت المصريين حيكون دا اعتراف باحتلال حلايب والمصريين ماحيخلوكم تعملوها فى موقع اخر مصطفى مش اشتكى للرئيس الرئيس قال ليها كلام ايلا صاح وعندما زار الرئيس المصرى المخلوع مرسى الخرطوم البشير ناقش معاها حكاية الطريق القارى وموقع نطقة الجمارك مرسى وعدالبشير بانو نقطة الجمارك تتعمل فى نفس الموقع الكانت فيهو قبل عام 1995 ودى الحكاية الطيرت مرسى من الحكم


#995523 [دغري]
1.00/5 (2 صوت)

05-07-2014 12:15 AM
للأسف يا شبونه انت مثال غير مشرف للمعارضه السودانيه واقل ماتوصف به انك قليل الادب لايكاد يخلو مقال لك من كلمات واوصاف غير لائقه..
اذهب وتعلم من الفطاحله فيصل محمد صالح والطاهر ساتي وصلاح عوضه
والسراج وغيرهم
اقسم بالله العظيم احيانا اشك انك تعمل لصالح الحكومه إلا اخبرني كيف كانوا يتركونك تتجول في الخرطوم بحريه مطلقه رغم كتاباتك التي تخلو من مايزعجهم !? .

(اعتبروني جداده الكترونيه)


ردود على دغري
European Union [محمد بدر] 05-14-2014 03:21 PM
كان الأجدى أن تتحدث عن الأفعال غير اللائقة التي أشار اليها هو في مقاله. بعدين هو لو زول عمل حاجة كعبة يوصفوها ليهو بي كلام سمح كيفن يعني؟ غايتو جنس منطق!

[انين الصمت] 05-07-2014 10:02 AM
اخجل ... حقو يا جداده ما تفتحي خشمك ... شبونه تم محاربته في رزقه وفصل ومنع من الكتابه .. وكل يوم محكمه ... يكفيه فخرا رجل واحد ولكن مقاله ينتظره الجداد والامنجيه ويحبه الشرفاء .... انت مش قليل ادب انت بلا اخلاق ولا قيم .. ورينا بس الكلام الفوق دا وريني جمله واحده فيه اساءه

[سامي] 05-07-2014 09:53 AM
يعني عايزهم يعملوا شنوا في العزيز شبونة اكتر من السجن وايقافه من الكتابة مرات عديدة وهم الايام دي مرتعدين وخايفين من ضلهم وياعجبي عليك يادغري الذي تحسن الادب مع الشواذ المخنثين الذين قتلوا ونهبوا وافقروا الشعب السوداني

[Sudani Zallan In North America] 05-07-2014 03:55 AM
آخر زمن زي ماقال الشاعر المناضل امد الله في ايامه و متعه بالصحة شاعرنا دكتور مبارك حسن خليفة : الزمن انقلب شفنا الجداد حلبو و الفار شال عصايتو و من الكديس حجزو
تتطاول علي رموز الحراك النضالى كعثمان شبونه ;;;قبح الله قلمك وفمك و خسئت يا نتن
اصلو ريحتك طاقة يا انقاذي يا معفن
امشي اتمقود للرقصال والطبال و الصطلجى القاعدين فى القصر
و تدهنس عسي يدوك;;;;ان شاء الله 0000000000000ب
امثالك يجب ان يداسو

United States [محب الأكواز ..!] 05-07-2014 03:21 AM
يا دغري و مرتضي الجقر .. شبونة رجل سوداني صميم نعرف سلوكه و حبه لوطنه و شعب بلاده و مقاومته الدائمة بلا كلل أو ملل للإسلامويين أنصاف الرجال و من يعتليهم من العسكريين صغار العقول الذين أساؤوا للعسكرية .. و أنتم تحاولون النيل منه مقابل تنازلكم عن شرفكم و كرامتكم و كل المبادئ التي نعرفها طالما الواحد منكم يأخذ مرتبه آخر كل شهر .. إغتصب رجال الأمن أخواتكم و اعتدوا علي بيوتكم و كذبو و أفسدوا و أضعفوا البلاد و أضاعوا العباد و رغم ذلك تدافعون عن الباطل لعنة الله عليكم .. و بعدين لو إنتو ما رخيصين و منتفعين بتدّسو وراء الأسماء الرمزية ليه ؟ الواحد فيكم لو راجل و مقتنع بالإنقاذ و الإسلامويين المعفنين من حقو يكتب و يقول أنا أوؤيد الإنقاذ و هذا إسمي بالكامل .. لكن لأنكم جبناء و أبناء جبناء الواحد يتفلسف و يعمل فاهم و كمان يدافع عن حكومة كل العالم يري فشلها .. رجال خايبين صحيح .. الله لا غزّ فيكم بركة


#995516 [مرتضي الجعر]
1.00/5 (1 صوت)

05-07-2014 12:03 AM
إنت المفروض تختشي شوية يا شبونة.. والله كنت داير أكتب وأشيد بمقالك ونقدك لإيلا برغم أنك يوم لم تحدثك نفسك بالكتابة عن انجازاته لأهل البحر الاحمر التي حولها إلي جنة أفخم من العاصمة.. كنت داير أقول ليك (كلامك تمام) لكن الجملة التالية دي فبيحة منك:

(حكومتنا العنصرية تدق عظام أطفال جبال النوبة بلا ذنب.)

عشان كده بقول ليك أنت أختشي من نفسك شوية وركز في تصريحاتك. أطفال جبال النوبة تقتلهم الحركات المسلحة التي تتاجر بالحروب في كل المناطق التي تكون فيها تجارة الدماء رابحة، وآخر مغامرات تجارتهم كانت في ولاية الوحدة في دولة جنوب السودان الأجنبية، وتخيل معي حركة مسلحة سودانية تذهب لتقاتل في بلد أجنبي وتتسبب في مقتل الالاف من أبناء ذلك البلد الاجنبي والمئات من التجار السودانيين الذين دفعوا ثمن تدخل الحركات المسلحة السودانية في الجنوب. حكومتك أخي شبونة تحاول بشق الانفس إيقاف قاتلي الاطفال هنا وهناك - وأنت بلا أدني تفكير أو إحساس تحمّل الحكومة المسؤولية وتتجاهل الطرف عن المجرمين الاصليين. أنت يا شبونة يظهر عليك ما حتعرف الحقيقة إلأ لو لا قدر الله دخلت الحركات المسلحة دي الخرطوم وعملت في أولادك البتعملوا في أولاد جبال النوبة،، ساعتها حتعرف الفرق بين حكومتك التي تدافع عنك وتحمي أطفالك وبين المغتصبين الحقيقيين.

أبناء جبال النوبة وجنوب كردفان كانوا يعيشون في سلام وأمان حتي دخلت الحركات المسلحة لبلادهم. تباً لفهكم.


ردود على مرتضي الجعر
[الغلبان] 05-07-2014 10:27 AM
يعني حروب السودان دي كلووووووووووووووولها قامت بروس كدي ساكت جعر صحيح

United States [bullet ant] 05-07-2014 08:57 AM
انت جاد يا حمار اثيرى؟
قبل الكلام عن اى شء يجب ان نستعيذ من الانقاذ و كلاب الانقاذ مثلك
نعم حكومة عنصرية فاشية جهوية قمعية انقلابية فاقدة للشرعية مفرطة فى حدود الوطن قاتلة الامل مصدرة للوهم طاردة للاحلام لا تعرف السلام ومصيرها معروف انتهى الحكى يا فاقد تربوى

[njm ismail] 05-07-2014 06:53 AM
بل تنبا وتوفوا كثيرا عليك يا غير مرتضى


#995506 [احمد محمد احمد]
0.00/5 (0 صوت)

05-06-2014 11:38 PM
كلام يا شبونا يحتاج لمن يعقل ولكن فات عنك شي بسيط ان ايلا انفصالي وما همة وطن اسمه السودان يريد ان ينفصل بشرق السودان الرجل بدين بطاعة لمصر واتري اكثر من البشير ظهره سياس افورقي وامواله تستثمر في مصر والمصرين خلو حلايب وصلوا منطقة اسمها (دنقوناب) اي بعد عشرين كيلوا عن حلايب الله ليك يا وطن


#995489 [عصمتووف]
5.00/5 (2 صوت)

05-06-2014 11:06 PM
غير مهم الضاع الكثير بقت علي حلايب تفسيري للحملة المضاده للجار الجنوبي سد النهضة والتوسع المصري
عزيزي مواطن حلايب
المظاهر غشاشة ثق السيسي سليل احد ي الشعوب الغازية لمصر يريد صوتك فقط لا يريد تخلفك وبداوتك انت ليس اهم من النوبي والسيناوي انت مجرد صوت وضحية صراع سيسي وبشيري لا تفرح مصر هي القاهرة وشرم الشيخ وشارع الهرم او الاهرامات رقاصة اقيم من عمدة او شيخ قبيلة


#995459 [Keemo]
0.00/5 (0 صوت)

05-06-2014 10:15 PM
في اول ظهور تلفزيوني له عقب اعلان ترشحه للرئاسة، أكد المشير عبد الفتاح السيسي للمصريين بان القوات المسلحة المصرية ممسكة تماما باطراف مصر ولا تهاون فيها. وذكر منها سيناء والمنطقة الغربية وحلايب وشلاتين. أها رايكم شنو؟ دة بقي برنامج إنتخابي عديييييل وحكومتنا عارفة كدة لكن سهر الجداد ولا نومو! (في حقك).


#995421 [fm3]
0.00/5 (0 صوت)

05-06-2014 09:17 PM
اهل حلايب يصيبهم الغبن من حكومه ال ماسون ماشى بس يبيعوا وطنيتهم الى ال فرعون فهذه جريمة ال تغتفر فى حقهم لان التحكيم لما يرجع حلايب الارض وهذا لا محال سوف ىطرد هؤلاء القرود ليذهبوا الى ال فرعون ليعيشوا ناس درجة تانيه ذى نوبة مصر
العبوها صاح يا اهل حلايب والا الندم حاااااار
والمستقبل للسودان بعد ذهاب تجار الدين
شعب جعان لكنوا عديم وطنية جعاااااان


ردود على fm3
[ود ابوراس] 05-07-2014 12:11 AM
يازول انتى واعى ٠افهم المقال انتى راكب ياتو بص



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
10.00/10 (3 صوت)




الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة