الأخبار
أخبار السودان المحلية
إقالة والي سنار (أحمد عباس) بعد ( 10) أعوام قضاها في عرش الولاية
إقالة والي سنار (أحمد عباس) بعد ( 10) أعوام قضاها في عرش الولاية


ارسل عنوة فى إجازة
05-08-2014 07:21 AM
الراكوبة - الخرطوم- خاص الراكوبة

بعد عشرة أعوام قضاها جاثماً على كرسي رئاسة ولاية سنار ، ودع مواطنو الولاية اليوم رسمياً (أحمد عباس) الذي تمت إقالته وأرسل في إجازة جبرية الى خارج السودان بعد ان رفض تقديم استقالته طوعاً.
وعلمت (الراكوبة) من مصادر مطلعة أن حزب البشير طالب (احمد عباس) بالاستقالة إلا انه رفض الأمر جملة وتفصيلا وكان الحزب قد ارسل له وفد ضم أمين عام الحركة الإسلامية الزبير محمد الحسن واخرين ليقنعه بالاستقاله لكن (عباس) قطع بعدم تقديم استقالته مستنداً على انه منتخب من شعب الولاية ولا يحق لأي جهة إقالته مطلقاً.
وأوضح المصدر ل(الراكوبة) الطريقة التي استقال بها عباس فقال: ان الحزب ارسل له قوة من جهاز الأمن والأمن الشعبي لاعتقاله مما جعله يطلب مهلة يقوم بعدها بتقديم استقالته حتى لا يظهر بمظهر الوالي الفاشل ولكن الحزب رفض فكرة إمهاله فترة زمنيه و اقترح عليه أخذ إجازة والسفر لخارج السودان بشرط عدم التصريح أو الحديث بخصوص ما دار بشأن إقالته.
وكان احمد عباس وصف في وقت سابق من شهر ابريل المنصرم الطريقة التي يقيل بها الرئيس الولاة المنتخبون بالمهزله وأوضح ان القانون يمنع تدخل الرئيس في شأن الولاة وإقالتهم قبل إكمال مدتهم.


تعليقات 65 | إهداء 0 | زيارات 26842

صفحة 1 من 212>
التعليقات
#1025392 [بت نادوس]
4.13/5 (4 صوت)

06-04-2014 02:21 PM
يعني حنستفيد شنو لو اقالوا كل الولاه حجيبوا تاني ولاه ابدو من جديد


#999926 [محمد عبد الرحمن محمد]
0.00/5 (0 صوت)

05-11-2014 11:49 AM
رد علي الاخ المثقف اولا يسألني الله فيما اقوله وهذا للزمن والحمد لله الحال مستور وفايض وانا اعمل خارج السودان وليس من من يحتاجون لكي اطبل لهذا او ذاك ولعلمك من الذين تركوا البلد لظلم الاخوان واكرر بأن احمد عباس المهندس الذي عاصرته بمصنع سكر حلفا من انزه الجبهجية الذين رأيتهم وممكن تسأل اي واحد عمل في مصنع سكر حلفا الفترة من1970 الي 1989م للتاريخ


ردود على محمد عبد الرحمن محمد
[ابو حاتم] 06-25-2014 01:51 AM
يا محمد عبد الرحمن محمد معليش انت دايش ساكت ولله قائم من النوم حسع- احمد عباس ده في سكر غرب سنار منذ 1975 وانا وغيرى عدد من الاخوان تركنا سكر سنار في العام 1981لامثال احمد عباس ومحمد الغالى سليمان مديرهم الكان مدلعهم ورافى مديرهم الزراعى ابو سن الله يطراه بالخير. والغالى هو من علم احمد عباس والزراعيين امثال ود الريح وود النعيم العنتظة والانانية الفايتة الحدود غايتو ربنا يكون في عون الدايشين والذين كان بيسموهم ناس الحزب الشيوعى(مغفلين نافعين) عجبى...... تعيش كثير تشوف كثير.


#999328 [المنتصر عمر]
0.00/5 (0 صوت)

05-10-2014 08:18 PM
هههههه الله لا اعاده ..


#998411 [منشى]
4.50/5 (2 صوت)

05-09-2014 09:50 PM
ما فضل إلا ان يطلق جاعوره .. ما داير ينفطم , يا اخى الزول دا بيرضع لعشر سنين لامن امو ذاتها ماتت وهو لسه داير يرضع ما خلاص امك بقت جنازه . يا جماعه دا مش الزول اللى كان قال انو 75% من ناس ولاية سنار مؤتمر وطنى , طيب الكم الهائل من ناسو ديل وينو خلوهو يطلق الجاعوره براهو مع يدقو معاهو الصيوان .


#998241 [ود مايرنو]
0.00/5 (0 صوت)

05-09-2014 03:56 PM
يااخوانا اتقوا الله في الباشمهندس احمد عباس


#997877 [ابو هاشم]
5.00/5 (1 صوت)

05-09-2014 04:52 AM
الموضوع ليس أقاله والله استقاله المسالة اكبر بكثير الانتخابات على الأبواب والمؤتمر اللاوطنى عارف كل صغيرة وكبيرة عن هؤلاء الولاه وعارفهم أمثال الزبير واحمد عباس وغيرهم لوز وروا ليهم الانتخابات مابفوزوا والمسألة كلها صراع داخلى ؟
ماتفتكروا أنو الموضوع حرب على الفساد هو فى فساد اكثر من فساد الحركة الاسلاموية استثمارات فى ماليزيا وفى إنجلترا ودلى وغيره؟؟؟؟؟؟؟


#997613 [ابو ضحي]
5.00/5 (2 صوت)

05-08-2014 07:27 PM
فريق السودان قبل عام 1989 كان ينافس في دوري الممتاز وجابو مدرب مستمر حتي اليوم ولكن الفريق نزل الي الليق
لا الاداره رفدت المدرب ولا الجمهور قاطع دخول مباريات الفريق
واغرب حاجه انو المدرب شغال بدون عقد عمل ولا حتي راتب وليس عليه شرط جزائي
ولا حتي فكر المدرب في تغيير بعض المساعدين


#997579 [سبف الدين الجهادي]
0.00/5 (0 صوت)

05-08-2014 06:33 PM
كلهم من طينة واحدة متشبشين بالسلطة بريئسهم. ربنا يقيلهم جميعآ


#997565 [سناري أصيل]
3.00/5 (2 صوت)

05-08-2014 06:10 PM
أخيرا يترجل فرعون سنار المملكة التي صنعت أغلب هذا الوطن بتضحيات أباءها الرجال ... أخيراً يسقط فرعون الشرق راعي الغنم في بئر النهاية التي ظن طويلاً بأنه لن يسقط فيها .. و سيرجع من هجرهم رعاة الضأن لأمكانهم الطبيعية بعد أن سكنها الدخلاء عقوداً
مشكلة الطغاة و الفراعين في الشرق الأوسط لا تنفصل عن مشكلتنا في السودان ، حيث يظن الجميع بأن إمهال الله هو إهمال .. تعاليا لله عن ذلك علواً كبيرا
قصة والي سنار و نهاية تثبت بما لا يدع مجالاً للشك بأن نهاية الطغمة الحاكمة في هذا الوطن في نهاية النهاية
هذا الوطن الجميل الذي حولوه لبركة من العفن و الفقر و المرض
لكن ستعود يا وطن مرفوع الرأس و سيشرب من سرقوك من كأس المر الذي منه رونا
سيشربون فردا فرد بإذن الله و غدا لناظرنا قريب


#997546 [زول]
5.00/5 (1 صوت)

05-08-2014 05:42 PM
ما دايرين احمد عباس
قبل سنتين خرجت اهالي مايرنو احتجاجا علي سياسات احمد عباس تجاهم
فيديو مرفق لتلك الاحتجاجات

https://www.youtube.com/watch?v=UzElkU4OI-M


ها هو احمد عباس يقال بعد 10 سنوات عجاف في حق الولاية


#997521 [الحقيقة مرة]
5.00/5 (2 صوت)

05-08-2014 05:07 PM
غايتو كويس الما بقا فوقا جعرة هسا الدموع تسيل بوين ذاتو على الملامح الشجية دي اظنها كان حتطلع بوخ


#997375 [شمالي]
5.00/5 (1 صوت)

05-08-2014 02:46 PM
خبر إقالة أحمد عباس، متوقع حتى قبل الزبير بشير طه و90% ستتخلص سنار من كابوس لازمها 10 ناس حوّل خلالها تلك المدينة الواعدة لقرية منعدمة الخدمات
لم يستفد منه إلا أقربائه بالخؤولة في سنار آل الدراش بتاعين المغالق وأصحاب المليارات في عهد الانقاذ
المهم: شخصياً أتوقع أن تتأخر إقالته شهر على الأقل ريثما يسمح له بحفظ ماء وجهه بشوية تصريحات هنا وهناك بالزهد في السلطة لجرايد الإنقاذ الصفراء.. وتهيء تهيء تهيء
لأنو بعد شوية عندو مؤتمر صحفي وكل أركان وزراء ولايته موجودين حالياً وهم زاتهم ما بين مصدق ومكذب للخبر


ردود على شمالي
[أرسطو] 05-08-2014 09:58 PM
يا أخ ( كوز كنافة ) وجه على عثمان طه المحروق أسوء من وجه هذا الشيطان الرجيم - و السفلة دول عمايلهم بتطلع مطبوعة على و جوههم - قبحهم الله جميعا - و أعوذبالله .

United States [كوز كنافه] 05-08-2014 05:41 PM
فكرك ده وش عنده كرامه ده كوز اقرب لشيطان من انسان


#997373 [على ود زينبية]
5.00/5 (1 صوت)

05-08-2014 02:46 PM
الى متى يسير حزب المؤتمر الوطنى برأى الكباتن كما يسميهم دكتور المتعافى وهم المتطلعين للمناصب والوزارات واذا الوالى ما مشى فى مزاجهم عملوا ضده حتى يجبلاوه على الاستقالة او يجبروا الرئيس لاقالته ان هذه السياسة سوف يكلف الحزب الحاكم الكثير والوالى المنتخب يجب ان يكون فوق الشلليات ومراكز القوى التى هى دائما وابدا ناتجة من مصالح شخصية ويجب ان يكما دورته تحت كل الظروف والا لن تشم الولايات العافية


#997361 [ابو ياسر]
3.50/5 (2 صوت)

05-08-2014 02:29 PM
عليكم الله كان ما دى محن الزمان دى وشوش سياسين انظروا لهذا وامين حسن عمر وعلى عثمان واللمبى ووزير الصناعة ابو وش طويل داك الاسمو السميح الصديق ووزير السياحة الاسمو الهد هو فى وزير سياحة انصار سنة والعجب النسوان سامية البايرة وسعاد الفاتح ورجاء خليفة شينين شنة مبالغة الله يفكنا منكم دمرتوا البلد يامنافقين .


#997278 [ود تميرة]
5.00/5 (2 صوت)

05-08-2014 01:21 PM
لو لاحظ الأخوة الكرام كيف ظهر كل ولاة ما يسمى بالمؤتمر الوطني أو الحركة الإسلامية والتي نشك في إسلامها ( سقط القناع عنهم وظهروا على حقيقتهم ، حرامية نصابين ) عقبال سقوط كل طاغية و حرامي لعين


#997236 [ركابي]
5.00/5 (6 صوت)

05-08-2014 12:41 PM
ما مهم الاذيال عايزين النظام يمشي بالكامل ....الناس ديل كلهم مجرمين مافيهم زول كويس مجرد صراع مصالح لا مبادئ ولاقيم


#997229 [برعي]
5.00/5 (4 صوت)

05-08-2014 12:36 PM
عليكم الله الكيزان ما بشبهوا روحهم بس ، هسي صورة الزول ده في زول بشبهو
غابتو جنس شنا


ردود على برعي
[برعي] 05-10-2014 10:14 AM
ان الله جميل يحب الجمال ، يا حازم ، وجمال الروح يشع في الوجه ، وهنا لانتحدث عن الجمال الحسي حق الكداينه يا جداده ، ولكن عن جمال الخلق عند عامة افراد شعبنا الحبيب الذي يشع في وجوههم سماحة وقبول وطلاقة وجه .
واذكرك هنا بمقولة المرحوم ، الطيب صالح ، عندما قال : من اين اتي هؤلاء ، فهم لا يشبهون شعبنا الحبيب ، لا خلقه ولا اخلاق .
فعامة السودانيين يشبه ملامح بعضهم البعض ، لكن عليك الله وريني ديل بشبهوا منو : الترابي ، علي عثمان ، نافع ، امين عمر ، والزول الفوق ده ، الا كان بشبهوك انت يا جداده.

United States [esan salih] 05-08-2014 03:32 PM
و دا بالذات بشبه روحو و الجاز مسوحو.

United States [الحقاني] 05-08-2014 03:10 PM
اي في زول بشبهو عمك اسحاق

European Union [hazim] 05-08-2014 03:09 PM
خلاص يا ابو وجها ناعم وناير , و القوام اللادن و الحشا المبروم,يا الوسيم القسيم,ابو شفايف مقلوبه و حواجب مقرونة...اعوذ بالله من غضب الله زي متين الراجل بوصفو بشنا او جمال يا برعي...الله لا جاب اخركم جبتوا لينا السمعة الكعبه يا ناس حفرة الدخان


#997220 [المغترب والمشترق كمان]
5.00/5 (1 صوت)

05-08-2014 12:30 PM
" عباس في إجازة" إسم لمسسلسل إنقاذي جديد . شاهدوه . لاتدعوا الفرصة تفوتكم!!!!!!!


#997208 [Abonosy]
5.00/5 (2 صوت)

05-08-2014 12:21 PM
اهم حاجة يا ناس سنار الزول ده اتحلل ولا لا .....؟؟؟


#997171 [سناري]
3.38/5 (4 صوت)

05-08-2014 11:49 AM
هذا كذب صريح ارجو احترام عقل القارى وليس وحدك من يعلم الحقيقه فالحقيقه احمد عباس طلب اجازه شهرين ولكن اهل الولايه اعطوه اجازه شهر فقط نسبة لاهمية وجوده بالولايه كفايه كذب كفايه اوهام احمد عباس رجل مجاهد وامين وقد صارع اوكار الفساد بالولايه بصوره غير مسبوقه وله بصمات واضحه للعيان بالولايه لاينكرها الا جاحد وخائن---

إنت جاد يا المادح ؟؟؟؟؟؟


ردود على سناري
United States [متسكع] 05-08-2014 03:20 PM
ا ها يا سناري ماقالت لنا لحس كم تاكد انو جاياكم الكشه وبعدها نجد صوركم
تجعروا زي ناس كمال ابو جاعوره في الصحف لا يوجد في حزب المؤتمر الا
وطني شخص نظيف وامين لانو النظيف والنظافة لا تشبهكم

United States [فال] 05-08-2014 01:05 PM
ههههههه والله انت شكلك السواق بتاعو وراسك انقطع . وقلت لي احمد عباس رجل مجاهد ,حقيقة مجاهد في الاحتيال والسرقة . من ما قمنا ماشفنا والي بيقعد 10 سنة و زي نوعك انت دا الخاربين البلد دي .


#997161 [لطفى ود العزازه]
4.50/5 (4 صوت)

05-08-2014 11:38 AM
الحمد لله الحمد لله الحمد لله الحمد لله الحمد لله الحمد لله ,,,, اخوتى والله اى شخص زكر محاسن للوالى المجرم فوالله اما مكابره او لمصلحه خاصه به او استنفع من قبل منه ,, وكل من يقول ان الوالى نزيه فوالله العظيم فهو كاذب ام غافل ,, نحن مواطنى قريه العزازه ميما بشرق سنار اسالو كل الدوائر الحكوميه فى سنار والعاصمه الخرطوم ومن الذى لم يسمع بقضيتنا مع جيراننا قريه ودطويل , تلك القضيه التى اصر احمد عباس ومنذ ان كان فى المجلس التشريعى للولايه ان يقف ضدنا نحن اهالى قريه العزازه ووقف مع نسايبينه من القريه الاخرى وظلمنا عند حدوث مشكله مع افراد هذه القريه ,, هل سمعتم اخوتى فى تاريخ البشريه الحديث وفى دوله السودان وفى عهد الانقاذ هل سمعتم بترحيل قريه !!!!!! لقد حدث هذا فى ابناء قريتى قريه العزازه ميما ,,, نعم لقد رحل الوالى الظالم نصف القريه وكسر منازلهم وانا شخصيا ابى من المرحلين ,, واما بقيه القريه لايزال حتى الان يرفض احمد عباس ان يدخل لهم الخدمات الاساسيه من مياه الى كهرباء ونحن القريه الوحيد فى شرق سنار التى لم تدخلها الكهرباء حتى الان حتى الان حتى الان حتى الان وفى هذه اللحظه


ردود على لطفى ود العزازه
United States [لطفى ودالعزازه] 05-30-2014 11:11 PM
الاخ سنارى يجب ان تسود روح السماحه والفهم العقلنى ويجب ان نتفادى الكلمات التى طالما فرقت السودانين خصوصا فى غرب دار فور وانت لسان حالك يعبر عن اشياء نحن نرى انها هى التى فرقتنا نحن كسودانين وهو عدم الاعتراف بالغير والاستبداد الذى انتشر بصوره ملحوظه والتى ادت الى تقسيم البلد وستؤدى الى اكثر من ذلك ,,,, اولا انت ليس لديك اى معرفه بهذه القريه لا من بعيد ولا من قريب قريه كمبو دبيب التى انت زكرتها هذا تقع مابين ود العباس وقريه فتقوقه الخيرات والان فى الوقت الحالى اسمها عد الفرسان ومن يسكنون فيها هم من التاما ,,,,, هذا من جانب ومن جانب اخر نحن قريتنا اسمها قريه العزازه ميما وليس لديها اى اسم اخر وانا من مواليد 1981 وعليك ان تحسب عمرى انا بعد ذلك تعال وتحدث عن شئ اسمه تاريخ ميلاد قريتنا ,,, اما بخصوص ماقلته عن الترحيل وتفادى المشاكل فانا ارى انه انت ليس لديك اى خلفيه عن الموضوع لذا انا لا اعقب على حديثك ,,, وبخصوص نحن نازحين فهذا حديث الوالى المتعجرف والرد على المتعجرف حرام

United States [لطفى ودالعزازه] 05-30-2014 10:49 PM
اخو cour القريه لم تكن شمال غرب سنار بل هى فى شرق سنار تتبع لود العباس ولاكن يوجد قريه اسمها العزازه وهى التى تم ترحيل اهالينا بجوارهم

European Union [cour] 05-08-2014 09:35 PM
يا لطفى يا ود العزازة ميما الحلة مش كانت شمال غرب سنار وحتى كنت بعرف فيها ناس الرحوم يعقوب على النعيم وعبدالرحمن ادم وولدو مجدى قرى معاة ببغداد .متىن رحلت شرق سنار ارجو الرد

United States [السناري] 05-08-2014 01:00 PM
في هذه القضيه تحديدا حكومه الولايه وقفت في الحياد
اما حديثك عن ترحيل جزء من قريتكم العزازه او ( كمبو دبيب) الاسم الذي تحاشيت ذكره انت وهو الاسم الاصلي لقريتكم
فمن الطبيعي جدا ان يتم ترحيل اصحاب المشكله لتفادي الاحتكاكات مستقبلا
وكثيرا من قري الولايه تم ترحيلها نسبه لمشاكل قبيليه وخوفا من الثار
وماذا كنت تريد ؟
اتريد ان يتم ترحيل اصحاب الارض لصالحكم وانا اعلم وانت تعلم ان قريتكم قبل ثلاثون عام لم يكن لها وجود في خارطه المنطقه
وفي الاصل قبيلتكم اتت نازحه للمنطقه
ون عدتم عدنا


#997127 [محمد فضل]
5.00/5 (2 صوت)

05-08-2014 11:14 AM
يبدو لي أن المشكلة ليست في حكومة السودان ؟؟؟؟؟
إنما المشكلة في الشعب السوداني الفضل ؟؟؟؟؟؟

والدليل على ما اقول أي حرامي وجود في الحكومة تشتموه للآخر

واول ما يقيلوه أو يطرضوه من الحكم تقولوا كان (نزيه) أو كان (كويس)

حسبنا الله ونعم الوكيل


#997051 [ود المكي]
5.00/5 (2 صوت)

05-08-2014 10:32 AM
ذي ماقالوا وشك ذي ترابيزة اللحـام ، قطر عجيب يودي .... مايجـيب .. واللهفتو طيلة العشرة سنين ديل يخشو عليك بالســاحق والمـــاحق والبلي المتلاحق .... وتصرفهم علي الدكاترة بأذن اللة العلي القدير ... يمهل ... ولا يهمل .


#997042 [osama dai elnaiem]
5.00/5 (1 صوت)

05-08-2014 10:25 AM
حفاظا علي اموال الشعب يجب ايقاف انتخابات الولاة واستبدالها بالتعيين من قبل وزير الحكم المحلي او رئيس الجمهورية وبالمناسبة قصة اقالة الولاة من قبل رئيس الجمهورية هي اعلان كبير لفشل تطبيق الحكم الولائي في السودان لان مهام الولاة الحالية كان يقوم بها مدير المديرية وهو موظف يتبع الحكومات المحلية وكان لهم شنه ورنة امثال مصطفي سليمان اكرت في كردفان وشاش في الجنوب وتضخيم الصرف علي الولاة وولاياتهم يجب ايقافه لانه عبث لا طائل منه.


ردود على osama dai elnaiem
[habar] 05-08-2014 07:42 PM
تصديقاً لقولك هل تعلم أخي الكريم أن ولاية النيل الأبيض بحدودها الحالية كان يديرها في الستينات ضابطان يُسمى أحدهما ضابط شمال النيل الأبيض، ويطلق على الآخر ضابط جنوب النيل الأبيض . لم يكن هنالك وال، ولا محافظ، ولا معتمد، ولا ضابط محلية، ولا لجان شعبية، ولا مجالس آباء، ولا نقاط أمن شامل . لا يوجد سوى العُمد و شيوخ الخطوط، وهؤلاء لم يكونوا يتلقون أجراً ؛ وإنما يكتفون بشرف الوظيفة. وإذا أشكل على المواطن أمر لم يستطع الضابط إيجاد حل له، يكتب لرئاسة المديرية وعاصمتها مدني . يرسل الخطاب المتضمن لظلامته بالبريد العادي ( وكان ثمن الطابع البريدي يومها قرش ونصف ) . فلا تمر سوى أيام قلائل، حتى يطرق ساعي البريد باب دارك يحمل لك الرد يُسلمك له وهو على ظهر حماره. لقد كنا في ستينيات القرن المنصرم دولة راقية، متحضرة، منضبطة. فانظر إلى حالنا اليوم. تجد في الولاية الواحدة آلاف الوظائف ، وبمختلف المسميات، لكن إذا تمعنت في محصلة أدائهم، تجدها صفرا. لا يفلحون سوى في الفساد والإفساد وخدمة المصالح الذاتية.إننا نسير يا أخي عكس عجلة التاريخ، إذ كلما تطور الآخرون، تجدنا نرجع للوراء . حبذا لو نجد سودان ما قبل انقلاب مايو الأسود والعهود البائسة التي تلت. فقد كان سوداناً يسعى حثيثاً نحو آفاق التقدم والرقي.


#997020 [سوداني حر]
3.75/5 (4 صوت)

05-08-2014 10:07 AM
اها عملوا ليهو مخالصة نهائية ولا لسه يا جماعة الناس ديل بقوا يزوقوا واحد واحد وكدا ما حنلم في زول عشان نحاكموا وقروشنا تمشي وين ،،،،، شوفوا املكوا واحصروها قبل ما يبعيها ويسجلها باسماء وهمية عشان يوم الحساااااااااااااااااااب قرب نفتح دفتر الاحزان نشوف من الكاتل من المكتول واكيد الشعب السوداني هو المكتول


#997011 [مريود]
4.50/5 (5 صوت)

05-08-2014 10:00 AM
ما يحزنني النموذج السيئ والمعيب الذي شوهوا به الإسلام.

ما عرفت لهم إسلاما يوما.

حسبي الله ونعم لكيل.


#997001 [tagaddin]
4.00/5 (1 صوت)

05-08-2014 09:54 AM
هذا عهد البلطجيه ي احمد عباس يجيبوك ويشيلوك زي مادايرين اذا كنت منتخب او معين تعيين ديل ما بخافو الله يخافو من الشعب


#996997 [أبوالبشر]
5.00/5 (2 صوت)

05-08-2014 09:51 AM
عقبال كبر والفاسد المفسد زير النساء ( محمد يوسف ) بتاع كسلا
وعقبال إيلا شئ شركات و شئ أكاديميات طيران و شئ كورنيش و كل ما أفتح قناة البحر الأحمر اشوف الزول قاعد يحضر الحفلات الزول ماعندو شغل ؟؟


ردود على أبوالبشر
European Union [الخفسو] 05-08-2014 01:16 PM
لكن يا "أبو البشر" أكاديميات الطيران دي بالفتا فيها... ما تكون قاصد اكاديمية إيلا لطيران!!؟؟؟


#996988 [مراقب]
5.00/5 (2 صوت)

05-08-2014 09:45 AM
بكري حسن صالح يصفع الخضر كف لانو قال ما عارف الجماعة بلعبوا بتوقيعاته
في استدعاء من رئاسة الجمهورية لوالي الخرطوم عنف النائب الاول والي الخرطوم على حدوث عملية الفساد بمكتبه وحينما تعلل االوالي بانه ما عارف الناس مكتبه بلعبوا من وراء ظهره استشاط بكري حسن صالح من الغضب ولم يتمالك اعصابه فصفع الخضر كفاً على خده سقط على اثرها ونقل الى مستشفى رويال كير بفرية الاجهاد والدوار المفاجئ
وفي اجتماع المكتب القيادي للمؤتمر الوطني مجموعة الرئيس الفاسد الاكبر تكشف عن ارقام الاموال المنهوبة وتطالب العديد منهم بارجاعها على راسهم طه والجاز


ردود على مراقب
[بدل فاقد] 05-08-2014 10:45 PM
والله كان الكلام دا صحيح جد انا بدي صوتي لي بكري في الانتخابات الجاية دي خلي كان يكفتن لينا كلهم والله عفيت منو وين من زمان ماكفت لنا المتعافي دا وبقية الشلة الفاسدة دي


#996984 [إسماعيل آدم]
5.00/5 (1 صوت)

05-08-2014 09:44 AM
كان في واحد في غرب إفريقيا كره الناس العيشة و بعد تفكير عميق إتفقوا إنهم يسيبوا ليهو البلد ! و فعلاً تركو بلدهم و أصبح الحاكم لوحده ! و لعلكم سمعتوا بحاكم في دارفور برضوا غلب الناس و أتعبهم وإقترحت عليهم إمرأة عجوز بأن يركبوهو تيتل و فعلاً ركبوهو تيتل و ربطوهو كويس و تخلصوا منه للأبد ! فكروا للخلاص من ناس الإنقاذ ! لو في واحد قدر يسوقهم للاهاي يكون كويس و يسلمهم للمحكمةو هم 51 فقط .من يعرف الأسماء كلها عليه أن يورينا-أنا لو كنت منهم لذهبت اليوم إلي هناك !


#996982 [محمد عبد الرحمن محمد]
3.50/5 (2 صوت)

05-08-2014 09:40 AM
عاصرت المهندس أحمد عباس في شركة السكر وهو من انزه المهندسيين ويشهد علي ذلك جميع من خدم في مجال السكر بكفأة احمد عباس وبنزاهته وخير للانقذ الاستعانة به في مجال شركة السكر السودانيه لان الفساد طال حتي اراضي زراعة السكر تخيل بأن جل الاراضي صارت غير صالحة للزراعة وذلك لعدم الاعتناء بها وبيع الاسمدة وعدم حرث الاراضي بالمحراث الثقيل لماذا لان فئة كانت تعمل بشركة السكر عبثت ومازالت تعبث لبيع قطاع السكر (علما بأن من يقومون بهذا العمل مسئوليين احيلوا للمعاش مهاذل واحمد عباس هو من يستطيع والله النهوض بصناعة السكر في السودان (لاني اعرفه عن قرب وهو من انزه الجبهجيه الذين عاصرتهم


ردود على محمد عبد الرحمن محمد
European Union [يحي] 05-08-2014 12:37 PM
الاخ محمد هل تدري احدي الزراعيات في وظيفة كبيرة بسكر حلفا الجديدة ترسل اليات المصنع لحراثة اراضي زراعية تخصها وزوجها الذي فصل عند بداية الانقاذ وطرد من الخدمة واصبح تاجر حبال في السوق( تخيلوا من مهندس كيمائي الي بائع حبال). عندما احتج مسئول اقل منها في الوظيفة حبكت له مؤامرة وتم نقله الي سكر شمال سنار.حسب علمي ان هذه ليست اسلامية ولا يحزنون ولكن العنصرية والجهوية

United States [متابع] 05-08-2014 11:42 AM
اشكرك على كلامك ودفاعك عن الوالي بالغيب ونسال الله ان يكون كما قلت .. وإن يجعل هذه الكلمات اخي محمد عبد الرحمن التي قلتها في حقه يوم لا ينفع لا مال ولا بنون وان يرفعك الله بها درجات من عنده.. ولكن اخي محمد وبرغم ذلك انا في رأي المتواضع وارجوا ان يكون راي هذا خطا وليس صواب ان اي شخص انضم الى الانقاذ او تكوزن بفكر الاخوان المسلمين هو ظالم للأخرين والدليل على ذلك ان الكيزان:
1- استلموا الحكومة بليل وبقوة السلاح
2- فصلوا الكثيرين من ابناء السودان الانقياء الاتقياء الذي لا دخل لهم في السياسية وقاموا بتعيين الكيزان وكوادر ما يسمي بالحركة الاسلامية بدلهم في الشرطة والجيش والخارجية والداخلية والامن والقصر الجمهوري والوظائف الهامة والجمعيات الخيرية والمنظمات الطوعية .. الخ وهذا كله ظلم وعدم عدل
3- هم كذبوا على الشعب ومارسو النفاق والدجل على الشعب المغلوب على امره ولم يعدلوا بينهم
4- قاموا بحرب قوية وشرسة ضد الجنوبيين وحولها لحرب دينية وهي ليست دينية وانما حرب سياسية وقد ساعد الغرب المسيحي الاخوان المسلمين ليحولوا هذا الحرب الى دينية وامده بالسلاح وتحولت الحرب في الجنوب التي يقاتل الجنوبين - حسب رايهم دفاعا عن الارض والحرية حتى استطاع الغرب بسبب تحويل الحرب الى حرب دينية وما هي بدينية لانها حرب سياسية واضطرابات مدنية داخل القطر الواحد مثل مشكلة اقليم الباسك في اسبانيا والجيش الايرلندي الاحمر وغيرها.. المهم حتى ارغمت الدول الكبرى الكيزان على توقيع اتفاقية نيفاشا ثم فصل الجنوب باختيارهم عن طريق الاستفتاء
5- رفض الكيزان مشاركة الاحزاب في حل مشكلة الجنوب وقاموا بالتوقيع على اتفاقية السلام الشامل نفيشا مع جميع بروتوكولاتها الامنية وخلقوا مشكلة النيل الازرق بالتوقيع على اتفاقية المشورة الشعبية
6- قام نافع على بالتوقيع على اتفاقية مالك عقار نافع وهي اتفاقية تمهد لقصل النيل الازرق وجنوب كردفان والحمد لله ان الحكومة رفضتها ولكنها لم تعاقب نافع.
عاث الكيزان فسادا في الارض وهم يبيعون اراضي السودان للخليجين بحجة الاستثمار ولا تعلن هذه الاتفاقيات ولا يصادق عليها البرلمان الميت ولا احد يعرف عن مدتها او شروطها او اين ذهبت قروشها
7- عاش الكيزان في القصور وبنو الدور الواسعة وتسوقوا في بلدان العالم واقتنى بعضهم الشقق الفخمة والفلل في دبي وماليزيا - ارجع الى شريط موسى هلال ضد كبر واسمع ما قاله بعضمة لسانه عن هذا الموضوع وموسى هلال هو مساعد لرئيس الجمهورية
8- حول الكيزان حرب دافور لحرب عنصرية وقبلية
9- قتل الكيزان الكثير من الشباب في احداث سبتمبر ولم يدفعوا دياتهم مع العلم انها كانت مظاهرات سلمية والقول بالتخريب كان في اليوم الاول ولم يحدث تخريب في الايام التالية التي حدث فيها القتل ولم تقم الحكومة بالتحقيق في القتل او الاعتذار والبرلمان الميت نائم
10- قاموا بتعذيب الناس في بيوت الاشباح حتى عينت الامم المتحد ممثل لحقوق الانسان في السودان ولا تزال تعذب كل من يقع تحت يدها...
بعد كل هذه الاشياء وهناك الكثير لم يتقدم الوالي باستقالته من حكومة القوم الظالمين فيعنى انه موافق على كل هذه الجرائم كما انه لم يتبرأ منها بأعبتاره من كبار المسئولين بالحكومة كما انه شارك في الحكومة بالدس واخفاء ما يعلم عن الشعب والحقيقة انه اكيد يعلم الكثير والكثيير وبالتالي فهو كاتم للحق ومن كتم حقا الجمه الله بلجام من نار - ونسال الله ان لا يلجمه هو ولا غيره بلجمام من نار

بعد كل هذا اعتقد حسب رأي ان كل من شارك يتحمل نصيب من اي جريمة وكل نقطة جم تسيل وكل عذاب والم وعنت ومشقة وقهر يصيب اي مسلم او شخص او حتى كبدة رطبة في السودان وخارج السودان والحكاية ليست اكل وشراب وسفر وسياحة وحريم يضون زي القمر .. الحكاية صعبةوقال الرسول صلى الله عليه وسلم للأمارة (وستكون خزي وندامة يوم القيامة)لذلك لا اعتقد ان يوجد كوز على صواب او نييته سليمة والعياذ بالله واسال الله ان لا يكون هذا الاستنتاج صحيحاً
والسلام

United States [المثقف] 05-08-2014 11:27 AM
ياخ قوم.. بدل نفاق وحرق روحك معاك ..
والله كلامك دا ما بقل من اعلانات الخضر مدفوعة الاجر ديك

[كتاحة امريكا] 05-08-2014 10:53 AM
تحلل


#996974 [ٍSUKSUK]
5.00/5 (1 صوت)

05-08-2014 09:35 AM
دي البداية يا أحمد عباس.. خلاص الدنيا قلبت عليك ، يمهل ولا يهمل والله وحده يعلم ماذا ينتظرك من عذاب الدنيا قبل الآخرة وكذلك الآخرين من مجرمي الإنقاذ.


#996968 [habbani]
5.00/5 (1 صوت)

05-08-2014 09:31 AM
دليل فساد أبلج .. والى يجبر على الإستقالة بذلة بواسطة جهاز الأمن والامن الشعبى ؟ أنا لو فى محل الرئيس أقول ليهم جيبوهو لى هنا مكتف .


#996955 [من البداوة إلى الحضور]
5.00/5 (1 صوت)

05-08-2014 09:25 AM
01- يا باشمهندس ... أقالوك ... الناس الدكّسوك ... الناس الفوّزوك ... عبر تبديل صناديق الإقتراع ... ؟؟؟

02- أنت من اهل الذكر في مجال الهندسة ... والعمل عبادة ... ما تكنكش في السلطة كنكيشة القرادة ... دي وظائف أهل السعادة ... قالوا دايرين يمارسوا الحيادة ... ؟؟؟


#996953 [theft]
3.50/5 (3 صوت)

05-08-2014 09:23 AM
هذا الوالي الحرامي سارق اراضي فقراء مزارعين الدالي والمزموم وما حولها وباع وهدم تراث السينماء الوطنيه التارخيه منذ الاستغلال فقال انها ادوات شيطان . فهدمها وباع لاخوانه الشياطين ليستفيدو منها. فبربكم ماذا فضل لم يباع في هذا السودان حتي المخدرات جربوها والفضل ليهم الا ان يفتحوا بيوت ضعاره ولكن عندهم الشقق المفروشه ايضا شغاله. فهذا وباء من رب العالمين فالجهاد واجب في هؤلاء كل من قتل منهم واحد فسوف يدخل الجنه الحقيقية . لان الموت في العرض والارض والوطن.


ردود على theft
European Union [الخفسو] 05-08-2014 01:32 PM
"ضعاره" دي معبره شديد


#996945 [المتجهجه بسبب الانفصال]
4.00/5 (2 صوت)

05-08-2014 09:20 AM
من الذي يقود معركة كسر عظم الولاة:
المتجهجه بسبب الانفصال:
اذا عادت بنا الايام بغرض التحليل دون غرض، الاجدر أن نذكر أحد أهم أسباب المفاصلة بين الاسلامويين، هذه المفاصلة التي أطالت عمر النظام، وجعلت الشعب يقضي وقته في مصارفات كلامية حولها وبشأنها فانصرفت الجهود الموجهة نحوهم بمصطلح اسفيري أصبح معتاداً " سيأكلون بعضهم" ما جعل قيادات المعارضة النائمة في العسل تنتظر من وسلوى الثورة لتختطفها دون جهد كما فعلت في ابريل واكتوبر اعتماداً وانتظاراً لـ " بعضهم" هذه،،،،،،، هؤلاء الولاة باستثناء إيلا كانوا كارثة على الولايات ومن ثم على المركز وعلى السودان بل كانوا أدوات نصب وجر للولايات للتهلكة والفساد المالي ولم يقوموا برفع ولاية وانما جروها كلها الى الحضيض.... فما الذي حدث بعد ابعاد علي عثمان ونافع اللذين كانا يحركان هؤلاء الولاة بخيوط من الخرطوم ...
لم تعتد الانقاذ طوال الـ 13 سنة الماضية الاستماع للرأي الآخر، أو مجرد شك في ولاتها ذوي الايدي المتوضئة ورغم علم الرئاسة والحزب بفسادهم الا انها تعاملت معهم من منطلق اذا كان رب البيت للدف ضاربا فشيمة أهل البيت الرقص،، كان الترابي بعد المفاصلة اي قبل 13 سنة أول من جهر في وجه انقاذه بأن الفساد بلغ بضع من عشرة،، مرت الايام فاذا بالبضعة التي كانت كالخيال احلام بالنسبة للاسلامويين أصبحت ممتلكات وتطاولا في البنيان وشركات عابرة للقارات ونهب مقنن بقواعد فقهية لم تشهده البشرية بل أغرب غلوطية...
وجد الترابي نفسه قد استهلك كافة الشعارات التي ظلت تتبدل وتتغير منذ ثورة اكتوبر63 لتصل آخر نسخة هي الانقاذ وأن طرح شعار جديد شامل باسم الاسلام قد استنفذ اغراضه تماما فقد كملت النظريات وتأكد الشعب أن كل من يرفع شعار دولة دينية كذاب والتجربة المرة بين ايدينا اذ لا يمكن ان تقنع الناس بأن الايادي المتوضئة فسدت وسنطرح رؤية الايادي المتيممة وهي ادنى درجة اضطرارية فقط وليست حضارية،،، قبل طرح البشير الحوار اجتمع البشير والترابي قبل شهر لأول مرة في اجتماع استمر من بعد صلاة مغرب احد الايام وحتى الساعات الاولى من صباح اليوم التالي،،،، ولم يكن البشير قد اجتمع بالترابي لسواد عيونه وانما بسبب الزنقة التي يمر بها داخليا واقتصاديا وجويا،،، كانت هذه الزنقة مع بداية التصدع داخل حزب المؤتمر الوطني سانحة للترابي بأن يطرح ما يريده بل ما اراده من البشير في 2000 ورفضه وأطاح به عبر المذياع بينما كان الترابي يتأهب بطرح اعفاء البشير على المجلس الوطني في اليوم التالي ولكن كان من حظ البشير امكانية اصدار قراره قبل الاذاعة الفاتحة 24 ساعة عكس البرلمان الذي يعقد جلساته صباحاً ،، نصح الترابي البشير ( مصدر موثوق) في اجتماع لم الشمل بأنه اذا لم يجر اصلاحات جذرية وازاحة بعض الوجوه القيادية فلن يسمع له احد وأن الذين حواليه ( علي عثمان، نافع، وآخرون) لن يتوانوا اطلاقا حال شعروا تهديد مصالحهم بأن يسلموه لمحكمة الجنايات، وقال له لقد سجنوني أنا ( ولعله هنا يشير الى علاقته الطويلة معهم كتلاميذ له الفضل عليهم ،، وطبعا في دي الراجل ما كضب تب) ولن يتوانوا في تسليمك أنت لمحكمة الجنايات الدولية، والترابي عندما قال هذا يفهم جيدا عقلية احد تلاميذه الكبار وطموحه وغموضه وأنه في سبيل ذلك لن يتوانى من تسهيل القبض على البشير....
جاءت الاطاحة بعلي عثمان ونافع داوية كوقع الصاعقة رغم انهم يتجملون بالصبر والسلوان والاحتساب ،،، لم يلتفت الشعب لذلك ظنا أن الموضوع مجرد التفاف اعتاد عليه الاسلامويون،، لقد نشن الترابي جيدا في ذلك اللقاء بأن يرد الصاع صاعين لثلاثة اسلامويين هم علي عثمان، وعوض الجاز، ونافع ولو كان مجذوب الخليفة حياً لوصله طرف السوط ،،،
بعد أن مهد الترابي الطريق لخطوته التي طرحها قبل المفاصلة وتمت ازاحة الثلاثي غير المرح ووقع الموضوع للشعب في جرح ،، بدأ في طرح فكرته القديمة بشأن الولاة تدريجيا فكان اجبار الزبير طه على الاستقالة، ومن ثم والي سنار الفريد في عصروا أحمد عباس ، وبعد فترة سيأتي الدور على ((الكضاب)) كبر ولكن ظروف دارفور وتوازناتها قد تأخر الموضوع ... كما أنه هو الذي طرح زيارة ياسر عرمان للخرطوم تمهيدا لا رجاع جهود التفاوض بين الحكومة والحركات المسلحة داخل السودان،،،
خلاصة الموضوع أن الترابي يعود بقوة لا لقيادة الدولة كما قبل 2000 بل لإنقاذ ما يمكن انقاذه لا ندري حفظا لماء وجهه أو حفظا لما تبقى من السودان وشعبه،،، هذا ما ستكشف عنه الايام القادمة..


ردود على المتجهجه بسبب الانفصال
European Union [المتجهه بسبب الولاة] 05-08-2014 02:16 PM
يالمتجهه الاممى البطل ما يموت انت الوحيد الخشيت الفلم الهندى دا وفهمت اللعبة كلامك صح كل الولاة باسثناء الوالى الراجل والى البحر الاحمر اذاقوا المواطنيين من كاس الفشل وما قدموا اى انجاز ملموس نشوفو بعيونك الغريبة ناس الشرق قايمين فى واليهم واى قبيلة دايرة تجيب والى من عندها

United States [القرفان] 05-08-2014 11:30 AM
باستثناء ايلا !!!!
يا زول انت جاد ؟


#996929 [ابو ماجد]
5.00/5 (2 صوت)

05-08-2014 09:06 AM
انظر الى الصورة وتعوذ بالله من الشيطان الرجيم
نعوذ بالله من غضب الله
اللهم اجعل باسهم بينهم شديد وشردهم واجعل الدائرة تدور عليهم واخرجنا واهلنا واهل السودان الطيبين الامنين من بينهم سالمين غانمين يارب العالمين يا واحد يا احد يا حي يا قيوم يا ذي الجلال والاكرام


#996926 [الجقرم]
5.00/5 (1 صوت)

05-08-2014 09:06 AM
الحمد لله الحمد لله الحمد لله

بلا وانجلى
الله ينتقم منك يا ظالم


#996924 [التاماوي]
3.00/5 (3 صوت)

05-08-2014 09:05 AM
باي باي احمد عباس ومن معه ضيت سنار يافاشل


#996922 [awad]
4.00/5 (1 صوت)

05-08-2014 09:03 AM
حكومة بقيادة الأمين العام للجبهة الأسلامية نفهم من ذلك أن القيادة للدولة عند أمين الحزب وصورية عند الرئيس البشير فهمونا من الذى ممسك بدفة البلد المنهار.كل الولاة حرامية وطبعا كلهم عارفين اسرار بعض فالوالى يرفض التنازل عن عرش مملكته التى ملأ كرشه منها سحتا والرئيس يأمر ولا ينفذ أمره وكأن الوالى يقول له أن عدتم عدنا فاذا أنا فاسد فانت أساس متين للفساد.للأسف البلد تقودها عصابة بحق.


#996918 [ضايع في عهد الكوز]
2.00/5 (2 صوت)

05-08-2014 09:01 AM
ايوووووووووووووي
يوووووووووووي
يوووووووووووو
يووووووي


#996916 [Amer yosif]
5.00/5 (1 صوت)

05-08-2014 09:01 AM
اتمني ان يقدم والي النيل الابيض استقالته لانه اكثر الولاة فسادآ وتبديدآ للمال العام ودمارا للولاية


ردود على Amer yosif
United States [ابو الدقلونا] 05-08-2014 11:30 AM
وانا اضم صوتى الى صوتك ياامير ... شوف كوستى كيف اصبح حالها ... وكل مدن وقرى النيل الأبيض فى حال يرثى لها والله المستعان .


#996903 [المفجوع]
5.00/5 (1 صوت)

05-08-2014 08:54 AM
لو زينو وأس اخوك بل راسك .... الكلام ليك يا كبر


#996884 [الانهيار]
4.50/5 (5 صوت)

05-08-2014 08:45 AM
قال في ذات مرة من المرارات الكثيرة .. ان سبب قطع الكهرباء في ولاية سنار لمدة 3 ايام هو ضب


ردود على الانهيار
European Union [Mohamed] 05-08-2014 12:45 PM
الراجل قاصد يقول "تمساح" لكن خجل قام ملصها في "الضب" عشان ما الناس تفتكر أنو "هو" السبب!!!

United States [الصليحابي] 05-08-2014 10:20 AM
ضحكتني يا ( الانهيار ) حتى الضب المسكين لم يسلم من كضبهم ، افتكروهو واحد من الشعب السذج المنقادين وراء أكاذيبهم باسم الدين ، نحن والضب اصدقاء دائمين لم يحدث أن قام بإيذائنا في يوم من الأيام ، هم الذين آذوا السودان وشعبه وحطموه وودوهو في ستين ألف داهية ،، اتمنى أن تنهار حكومة الحرامية الكضابين قريبا بحول الله .

United States [theft] 05-08-2014 09:26 AM
عباس هو كان الضب نفسه. الضببه برئية من اعماله.


#996881 [ابوجلاجل]
4.00/5 (1 صوت)

05-08-2014 08:43 AM
الدور الجايي علي الخضر ولا كبر.


ردود على ابوجلاجل
United States [المقهورة] 05-08-2014 10:19 AM
وما تنسى الشنبلي وايلا وبقية المصفوفة


#996875 [Tarig Amman]
4.50/5 (2 صوت)

05-08-2014 08:41 AM
هاذا وش اجرام ظاهر عليهو .. عشرة سنين ما اخد اجازة .... وين الرقابة يا ناس


#996872 [aaboush]
4.00/5 (1 صوت)

05-08-2014 08:39 AM
لك الحمد والشكر يارب


ردود على aaboush
United States [البتار] 05-08-2014 01:47 PM
من راء وسمع ليس كمن كتب ... اخر مشاهدة للوالي في لقاء بقناة امدرمان الفضائية ...فكنت متمعننا لحديث الوالي ومرافعاته امام المذيع ....فكان واثقاً من كل كلمة يدلي بها ...وهذا بالعكس للواقع فحديثة كله ممبررات وتوجيه تهم وكل القضايا التي طرحة مجرد تهم ليس لها ادلة كماذكر ... وكان الوالي كثير التلعثم في ردوده .. وعباراته الماكره ويستخف بعقول المشاهد الذي تاكد ما لايدعو للشك انه والي لا يصل لولاية امر المواطن فأكد انه ليس مؤهل لذلك ...واشهد انني اول مره استمع لهذا الوالي بالرغم من اني مواطن بهذه الولاية ...


#996870 [هبار شروك الليل]
5.00/5 (3 صوت)

05-08-2014 08:38 AM
حمدلله علي السلامة ياناس سنار . الزول ملزق علي الكرسي دا مالو عشرة سنة ماكفاية دا والي سنار واللا ملكة بريطانيا عالم عجيبة خلاص


#996863 [الدفس البقطع النفس]
5.00/5 (3 صوت)

05-08-2014 08:33 AM
أيوووووووى يووووووى يوووووووووى ...بلا و إنجلا


#996860 [حسين]
5.00/5 (3 صوت)

05-08-2014 08:32 AM
يا عمك كبر دماغك وسف ليك كم مليار وشتت ...استقالة ولا رفد الفرق شنو.... انت لاقي يقول ليك شتت قبل ما يغتالوك ولا يسوو ليك مصيبة
حشيتنا حش في سنار ماسكة ذي التقول حقت ابوك .... نسيت انك اقلت وزيرة الصحة الكانت تابعة للحركة الشعبية ... كما تدين تدان .. والدنيا دوارة .... يا كوز يا حرامي


ردود على حسين
United States [هاشم الفكي] 05-08-2014 07:31 PM
يا دياب:
1. حسين ما ذكر أبو زول خالص ...
2. أحمد عباس تخرج من كلية الزراعة ، شمبات .. وكل التقدير والإحترام لخريجي تلك الكلية ... لكن "مهندس " عادة تطلق على خريجي كليات "الهندسة" ... لا أدرى ما سر قبول أحمد عباس بهذا اللقب! .. لو قال إنه "مهندس زراعي " يكون في شوية منطق .. رغم إنه لم تكن في كليته مناهج هندسة زراعية حقيقية ... ولذلك تم إنشاء قسم " الهندسة الزراعية" بكلية الهندسة في الثمانينيات .
3. أحمد عباس لم يكن "صاحب شركه التنمية الإسلامية في سنار" ... كان موظفا فيها .. وكان آداؤه ضعيفا (خسرنا كثيرا من قيمة أسهمنا في الشركة والتي إشتريناها في أوائل الثمانينيات ..فندمنا عليها).

[دياب] 05-08-2014 02:15 PM
اخ حسين ارجوك لاتذكر ابوه الابالخير فانى والله اعرفه جيدا يرحمه الله رحمه واسعه وقد توفى قبل ان يصبح احمد والى سنار كان تاجرا عاديا ويخاف الله كثيرا ومشهور بالكرم جدا حتى كان يضرب به المثل فى الكرم وكان يرحمه الله ليس له اى ميول سياسى ابد ربما يميل الى الختميه ولكن ضد الاخوان حتى كان لايجادل احمد كان يقدم له النصح فقط والمهندس احمد اعرفه جيدا فهو ليس حرامى ولابياكل اموال الدوله ان تصدق او لا ولكن شديد فى السياسه ومتعصب الى حزبه الحاكم واحمد كان صاحب شركة التنميه الاسلاميه فى سنار قبل ان يكون والى وله اراضى زراعيه ورثه بالدندر واقول لكم وهذه شهاده احمد لم ولن ياكل حرام .رغم انى اختلف معه ولا اريده والى علينا لان ليس له انجازات تذكر ابد انما ضرائب على المزارع المسكين ولذلك اقول له اترك الولايه لمن هو اجدر منك واحسن شىء تعمل مصنع سكر لانه هو مجالك .


#996850 [دياب]
5.00/5 (2 صوت)

05-08-2014 08:27 AM
نحن مارضيناها ليك ولكن يااحمد عصرت علينا شديد نحن فئة المزارعين ضرائب كانت قاسيه جدا نحن فقراء قلنا نعم احمد للولايه ولكن احتكرت فى الشمباته والدندر فقط حتى كادت ان تغير الى ولاية الشمباته .اين الطريق المسفلت من سنار الى ود العباس واين الكبرى الجديد واين سنار نفسها .ضرائب على المزارعين معقوله دى .لماذا اقفلت بابك منا الم تعلم ان سياتى يوم اقفل نهائى .انصحك ان تعمل شركه زراعيه كسابق عهدك وتفيد الناس وان تبعد عن السياسه وخليك حاج احمد القديم ود عباس سعد التوم كده والله احلى واجمل اسم ولك افكار احتمال تكون انفع وانت خارج الولايه وهى حسره وندامه يوم القيامه .


#996841 [عزو]
5.00/5 (2 صوت)

05-08-2014 08:23 AM
ههههههههههههه عمك ما داير افك
وزراء اخر زمن اخد ليك بكية كدا واسكت هههههههههه


#996835 [bullet ant]
5.00/5 (1 صوت)

05-08-2014 08:21 AM
الضب المبرص الى حصاد الزقوم


#996821 [ابو محمد]
1.00/5 (1 صوت)

05-08-2014 08:14 AM
هذا كذب صريح ارجو احترام عقل القارى وليس وحدك من يعلم الحقيقه فالحقيقه احمد عباس طلب اجازه شهرين ولكن اهل الولايه اعطوه اجازه شهر فقط نسبة لاهمية وجوده بالولايه كفايه كذب كفايه اوهام احمد عباس رجل مجاهد وامين وقد صارع اوكار الفساد بالولايه بصوره غير مسبوقه وله بصمات واضحه للعيان بالولايه لاينكرها الا جاحد وخائن


ردود على ابو محمد
United States [هاشم الفكي] 05-08-2014 06:58 PM
تقول : ".. وله بصمات واضحه للعيان بالولايه لاينكرها الا جاحد وخائن ".

1. هل ممكن تذكر لينا "بصمة" واحدة فقط من بصماته ؟. أريد أن أذهب لرؤيتها .. فأنا من سنار !

2. كيف يكون الإنسان "خائن" إذا أنكر شيئا ؟ ... قد يكون أعمى مثلا ... لكن "خائن" ؟؟؟

[ابو محمد] 05-08-2014 04:55 PM
لقد فقدتم اعصابكم بصوره هستيريه جدا وهذا يدل على ضعف حجتكم ولغتكم الهابطه التى تؤكد كذبكم وبيننا وبينكم الايام موتو بغيظكم

[شجن محمد] 05-08-2014 03:41 PM
كذاااااب بيدوك كم ؟؟ هسه لو انت اسلامي جد اتذكر انو ربنا بيسألك من الكلام ده وبتتحاسب عليه
الرسول ص" قال: "اعظم الجهاد كلمه حق عند سلطان جائر " عارف ليه قال كلمه لأنو عارف في ناس جبانيين حيجوا أخر الزمن يكذبوا زيك !!
أمش لف .. مش العشره جنيه دي ما بتستاهل تبيع ذمتك عشانها

[الكراار] 05-08-2014 03:34 PM
هههههههه صارع اوكار الفساد يا فاسد انت ... عليك الله اداك كم من قروش مشروع كناف ابونعامة العاسو فيهو فساد هو والدلاهة امين عثمان مدير الاستثمار بالولاية .. وامتدت اياديهم للاراضى المطرية والمروية ولم تسلم منهم حتى اراضى الرى الفيضى ... دمر مشروع الرماش الزراعى ومشروع السوكى الزراعى ومشى عمل سد دوبا بمليارات الجنيهات ولم يدخل جنيه واحد حتى الان الى خزينة الولاية من هذا السد ....الوالى الذى بلغت فى عهده نسبة الفساد المالى اكتر من نصف ميزانية الولاية


قاتلكم الله جميعا
للشعب رب يحميه

European Union [يوسف] 05-08-2014 11:14 AM
بربك ياابو محمدهذه الايام اصغرموظف ياخذ اجاز في السودان كل يغلي بارتعاء الاسعار والفساد الداير؟وماذا خدم احمد عباس غيرالسرقة؟ابسط انسان في الولاية يعرف انه حرامي 10سنوات اضعف مستويات التعليم في الولاية اما الصحة معرف الناس هاجرت خرطوم للعلاج باختصاركل الويات ادخلت فرقها في الدوري السوداني الا سنار مع العلم الولاية لاتوجد فيها نزاع ....

European Union [أبومازن] 05-08-2014 09:33 AM
أتق الله ياخ ده الفساد يمشي علي رجلين - ياخ باع الولاية كلها تقول لي بصمات تباً له وتباً لكل بني كوز - وبعدين يا أبومحمد نحن عارفين كل الحاصل

[abuahmed] 05-08-2014 09:13 AM
يا منتفع شوف ليك شطر تاني غير احمد عباس خلااااااااااااص ده جف هههههههههههههههههههه عقبالك يا أعرج يا اصلع يارقاص

European Union [الخفسو] 05-08-2014 09:11 AM
يجب أن تحترم إنت عقل القارئ ... يعني إنت صدقت حكاية رفضوا ليه إجازة شهرين و... دي... يأخي من متين الوالي بيأخذ أجازة ... يكفي إنو يقول ماشي الخرطوم ويقعد شهرين وأاربعة ثم يعود عادي... في زول بسألوا


#996814 [المتجهجه بسبب الانفصال]
3.00/5 (2 صوت)

05-08-2014 08:10 AM
قطر عجيب يودي ما يجيب
والعقبال للعقاب
الخبوب الربوب
الناس القراد
القمل الجراد

وكل مفتري تأتي ذلته على قدر افتراءه ولكنهم فقدوا الحياء ،، لو كنت في محل أحمد عباس لأوفيت بما عاهدت عليه الله ونفسي بعدم التسليم والتمرد وتكوين مليشيا من المواطنين فهم يحبونه حبا شديدا فقد كان رفيقا بهم في حديثه متفقدا لهم في سوق الخضار لم يصفع رجل اعمال او بائع خضار وقد أشرق وجهه من التقوى والتواضع والانكسار والبساطة وداعا أحمد عباس فما أحوج اضافتك لكتاب عمر بن بحر الجاحظ أخبار الحمقى والقضاة والولاة المغفلين فقد كنت جزءً من مسرح نظريته The Black Laughter or , say it, the Black Comedy يا ردئ ،،،،


ردود على المتجهجه بسبب الانفصال
United States [khlid almzmom] 05-13-2014 03:43 AM
kogratulations to rhol ishan ahmed abbas will return the sultanate ablue authentic history


#996813 [ابومرام]
0.00/5 (0 صوت)

05-08-2014 08:09 AM
قطر عجيب


#996799 [nasereddin]
4.00/5 (1 صوت)

05-08-2014 08:00 AM
عرفت ولاية سنار بجهاز تنفيذي رديء فاسد، ظلموا الأهالي في معاشهم من الأراضي الزراعية التي ورثوها عن أسلافهم ، للتحول لأقارب المسئؤلين تحت حجج خبيثة-المررات للماشية أو اصدار قوانين بنزع من لا يفلح الأرض!! ليمرروا سرقاتهم.. خدمات الولاية تساوي صفر ، الأطراف تعاني من مياه الشرب التعليم حدث ولا حرج..وهم أصحاب نظرية (المال تلتين(و) ولا كتلتو..عكس ما ساد المال تلتو ولا كتلتو... سرقة ثلثي ميزانية الولاية ولا حسيب...اقالة الوالي ليست حل لمشاكل الفساد ، من بقوا هم أكثر فسادا..


#996792 [أبو الشهيييق]
2.00/5 (1 صوت)

05-08-2014 07:56 AM
يااااااااااخي ؟ ليك مدة ما بنتا وانا في اشتياق (بالمناسبة اشتياق دي حبيبتي) لي شوفتك يا حبيبي وين انت ،،،، قال ن القانون يمنع تدخل الرئيس في شأن الولاة وإقالتهم قبل إكمال مدتهم.

هو الرئيس ذااااااااااااتو مدتو منتهية لكن نقول شنو غير الله غالب .


#996790 [A3]
5.00/5 (1 صوت)

05-08-2014 07:55 AM
أيووووووووووووووووووووووووي...

الناس ديل بي أخوى وأخوك ما بفكوو ليهم سلطة تب...قال منتخب قال...خلاص دي عشرة سنة قعمست فى الكرسي ..دى انتخابات شنو دى أصلها...


#996789 [حسن علي]
4.00/5 (2 صوت)

05-08-2014 07:55 AM
ما جعر شوية دة كمان! دة مفروض يفرش عديل تلاتة يوم! ويعمل اعلان فى الجرايد بعد الرضاء بقضاء الله وقدره.


ردود على حسن علي
United States [MANO ALI] 05-08-2014 09:28 AM
هههههههه



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


صفحة 1 من 212>
مساحة اعلانية
تقييم
1.50/10 (2 صوت)






الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة