الأخبار
أخبار إقليمية
طفل يفاجئ وزيرة التربية ويشن عليها هجوماً لاذعاً



05-08-2014 06:39 PM

الخرطوم: وجدان طلحة
فاجأ طفل وزيرة التربية والتعليم في منبر لمجلس الطفولة أمس، بتوجيه هجوم عنيف إلى وزارتها، ووجه لها وابلاً من الأسئلة، وقال: (إنتي أولادك بقروا وين؟ في مدارس حكومية ولا خاصة؟ ولماذا لا تتم استشارة التلاميذ فيما يخص العملية التربوية؟).
وعن تحسن البيئة المدرسية قال لها: (غايتو الكلام دا في المدارس الحكومية ما في). وطالب الطفل الوزيرة بالجلوس حتى نهاية المنبر، لتجيب عن جميع الأسئلة التي وجهها لها، لكنها غادرت القاعة.
وانتقد خبير تربوي الوزيرة لغيابها المستمر عن أنشطة التربويين وعامة الناس، وقال: (أنا تربوي في الدرجة الوظيفية الأولى، لأول مرة أشاهد فيها الوزيرة), وقال: (طوال السنوات العشر الماضية، لم يتم تدريب للمعلمين، وهذا ظلم للتلميذ)، ودعاها للنزول للمدارس، لترى سوء البيئة المدرسية.

السوداني


تعليقات 9 | إهداء 0 | زيارات 7947

التعليقات
#998288 [سنين مرت]
0.00/5 (0 صوت)

05-09-2014 05:09 PM
مايقولوا تابع لجبهة الثورية


#998218 [radona]
0.00/5 (0 صوت)

05-09-2014 03:02 PM
اذا كان الكبار يهتفون بصوت كورالي الله اكبر الله اكبر حتى لا يسمع صوت الحق
هاهو هذا الطفل قد قال الحقيقة
ولو لم يكن طفل لكان مصيره هو مصيره
على الاطفال ان يقوموا بدورهم في تربية الكبار على الفضيلة والحق


ردود على radona
[nagatabuzaid] 05-09-2014 09:39 PM
( على الاطفال ان يقوموا بدورهم فى تربية الكبار ) دى تماااام ما سبقك عليها زول مع التحية ده اجمل تعليق


#998077 [بلد بعانخي مش الترابي!!ولاالبنا!!]
0.00/5 (0 صوت)

05-09-2014 11:16 AM
نق الصغير بما عجز عنه الكبير خوفا علي المناصب!!! فعلا اولاده بيكون بيقروا في مدرسة امين عمر وله مدرسة البرانيين!!!! ديل كذابين يبعون الحديث للناس!!عقارم عليك ياولد طمنتنا لسه في باقي ناس قلبهم علي البلد وانو السماسره لم ينجحوا في خلق جيل ضعيف عبي مستكين وان حرصوا!وفعلا ام الفرسان ولادة!! وياهو ده السودان !!!!


#997920 [ابراهيم عوض المامون]
3.00/5 (2 صوت)

05-09-2014 07:36 AM
ياابو ضحى والاخ كمال ابو القاسم هذا الطفل في راي الشخصي باحث عن حقيقة ممارسات تحدث حوله ولم يجد لها تفيسر وعندما زارته الوزيرة ظن فيها بان يجد الاجابة عندها باعتبارها المسئولة الاولى عن التعليم والقدوة المثلى لكل طفل في سن الدراسة وكذلك بطبع الاطفال باحثين عن كنه الاشياء والاحداث الدايرة من حولهم
لذلك لا ان بان اسالة هذا الطفل تمثل معارضة بل تاكد بان هذا الطفل ذو فكر ثاقب نحو الحقيقة فيجب راعيته وتنمية افكاره نحو الافضل بايجاد الاجوبة الصحيحة لاسالته وعدم اجابته باجابة غير صحيحة


#997816 [حد بيعرف احسن م الحكومه]
5.00/5 (1 صوت)

05-09-2014 12:57 AM
ونان مالو يا ابو ضحى لو تبنوه ناس المعارضه من دلوكت!! اسمعوا كلام "السغار" احسن ليكم!! كتيرين منهم عندهم حكم (جمع حكمه) وبصائر..الغلت فى كلامو دا شنو؟ عيبوه .. منو اللى خلّى فرعون "العريان" قام جارى من الشارع.. موش ولد شجاع زى الولد دا؟
ارجعوا ياناس واقرأوا تصريحات الوزيره فى الأيام ألأخيره بتمعن وشوفوها "مندغمه" مع بعضا؟ موش كوووللها تقبّض جسدى ونفسانى ومحتاج لطه بعشر!!!
والله الجنا دا احسن من مدرسينو (الأكلو مواهى بعض وانشال حالهم فى المحاكم وصمتوا صمت القبور لما راحت الرحله المتوسطه قدام عيونهم وما فى زول قال تلت التلاته كم.
ومن وكيل الوزاره السابق بتاع الحافز المليونى ابو 165 اللى ادعى انه صاحب دكتوراه (من وين حصل على الدكتوراه وماذا كانت اطروحتها وباى اللغات كتبها)
وكمان لقّب نفسو بروفسير (فى اى الجامعات حاضر وعلى اى اساس تم منحه لقب بروفسير؟)
ونصّب نفسو نقيب للمعلمين بدون انتخاب وعمّال يدافع عن الباطل ويكابر ان السلم السبدراتى (تيم الكوره) افضل من السلم اللى درس هو وناسو تحت مظلّتو ايام كان التعليم تعليم و المداؤس مدارس المدرسين مدرسين والوكلا وكلا والناس ناس ( دهب عيار 24 وما كانو محتاجين لأعادة صياغه) وكان السكّر بينباع بالراس..


#997768 [nagatabuzaid]
5.00/5 (2 صوت)

05-08-2014 11:22 PM
يا جماعة اعذروها الزولة دى قامت من نومها لقت كومها وزارة قدر الضربة ولا تعرف شىء عن التربية والتعليم كل مؤهلاتها ان زوجها مات وقالوا شهيد شهيدا ( لم يقع ممسكا بالطباشيرة ) كنا سميناها رضينا وقلنا معليش


ردود على nagatabuzaid
United States [nagatabuzaid] 05-10-2014 11:02 AM
الكريم نهبوك يا وطن مداخلتك تشرفنى نعم مؤهلاتها والمؤهلات يا كدة يا بلاش مع تحياتى

European Union [نهبوك يا وطن] 05-10-2014 12:13 AM
مؤهلاتها زوجهاالزبير محمد الحسن امين الحركة الاسلامية

[nagatabuzaid] 05-09-2014 09:35 PM
الوطن العزيز وما اجمله من اسم لك التحية على مداخلتك الطيبة يكون الزوج الثانى عوض الشهيد ماهم بورثوا زوجاتهم انا لا اعرفها شخصيا ولكن عندما تم تعيينها علمنا انها زوجة شهيد ووالله اعلم واهم ما فى الامر انها تولت مسؤلية اهم وزارة عليها تكون قدر المسؤولية

European Union [الوطن العزيز] 05-09-2014 12:48 AM
الوزيرة زوجها حى يرزق الزبير محمد الحسن امين الحركة الاسلامية بس مؤهلاتها ايه ما عارف


#997694 [ودالنيل تمساح]
0.00/5 (0 صوت)

05-08-2014 09:18 PM
الوزيره تزور المدارس ليه اذا كان اولادها فى مدارس
محترمه جدا بطلعوا من البيت بعربيه وبجوا راجعين بعربيه
نقول مامشكله لكن نوع مدارسهم براها نوع المعلمين الفيها براهم
تقول لى تانى تجى تزور باقى المدارس
وتانى لو اولادها او اولاد اقاربها وصلوا لمراحل كويسه
وحيوصلوا مافى نقاش اكيد حيدرسوا فى مدارس بره السودان
مدارس اوربيه او مدارس عربيه محترمه او امريكه
----------- _---_------___---___---

ياناس الراكوبه سؤال بمناسبة المدارس والطلبه
عايز اسال لو كتبتوا حاجه تضامنيه مع الطالبات المخطتفات فى نيجيريا
العالم ده كله اتكلم ووقف وقفة احتجاجيه حتى نسوان الرؤساء
ماعدا الدول العربيه والافريقيه حتى الان وقفتهم وقفه جبانه جدا او مافكروا


#997608 [ابو ضحي]
3.00/5 (2 صوت)

05-08-2014 07:17 PM
الله يستر ما يتبنوه ناس المعارضه ويقولوا الطفل تبعنا


ردود على ابو ضحي
United States [nagatabuzaid] 05-09-2014 09:48 PM
ابو ضحى نسى وفاتت عليه ان يقول عن ها الطفل الرجال انه صنيعة اسرائيلية

European Union [أبورماز] 05-09-2014 03:50 PM
ذكرتنا بى تعليقك دا سئ الذكر نافع يا أبو السجم ..

European Union [أبوعلي] 05-09-2014 11:58 AM
أتطلب بأن لا يصنّف بأنّه معارض ولو واجهكم بمشاكل ومآسي تعليمه!
الصبّيّ فعلا معارضة ، والمعارضة تتشرّف به لأنّها تعارض من أجل أجيال المستقبل
أم أنّك تودّ أن تظفر به وتلحقه بأوكاركم ليفقد شرفه ورجولته كما أنتم؟
نقدّر ظرفكم الحالي : فالقادم المتأجّج لا يحتمله الرجال فما بالك ب...!

United States [كمال ابو القاسم محمد] 05-08-2014 11:56 PM
إنت سطحي ومغفل يا ابوضحى (الله يستر عليها ويحفظها من نوع العنطجة وسلق البيض الفارغ البتسوى فيهو دا)...الله يستر في إيه ايها الغبي...؟؟؟!! ما هو العوقة الهبنقة العنين المتسرطن البشير حقكم دا نفسو عمل فيها أكبر معارض(!!!)تانى مافي تمكين...وحاجات زى كدا ...الترابي دخلهم الجنة عرسان وفرسان وحور الجنان وبخور التيمان و بعدين الحكاية جاطت عند الشيخ بقت شوية (ترابي وطينى)... راح طلعهم فطايس وعفن وهبوود وديدان....هى تانى يا سجم الرماد عايزا ليها معارضة ترفع ليها عناوين وهتاف..خلاص كتمت...المسألة أصبحت واضحة وكيمان مفروزة...إنت خليك في سخريتك دى....والشعب المعارض الحقيقي حيعرف شغلو...وطبيعى يا ابو ضحى هذا االطفل حتى لو كان إبنك وشقيق ضحى....هو جزء من المعارضة الحقيقية وهو في هذه االسن الباكرة قام ويقوم بدوره وما مشحود عليهو....وهو يكشف أنه يمتلك من الوعى الباكر والجرأة والصراحة ما جعلك تشفق...أن تتبناه المعارضة...المعارضة لا تتبنى المعارضين الحقيقيين المنخرطين مع قضايا وهموم شعبهم....هذا الصبي معارض وصاحب قضية وهو بهذا جزء ممن المعارضة شاء من شاء...أبى من أبى


#997607 [الحقيقة مرة]
0.00/5 (0 صوت)

05-08-2014 07:11 PM
صغارهم اذكياء..



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
10.00/10 (1 صوت)




الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة