الأخبار
أخبار إقليمية
الكشف عن « 17» جهة تتحصل رسوماً غير قانونية



05-09-2014 10:16 AM

الخرطوم
وجّه نائب رئيس الجمهورية رئيس اللجنة العليا لدراسة إلغاء بعض الرسوم، حسبو محمد عبد الرحمن، وجّه لجنة منع التحصيل غير القانوني، بمواصلة جهودها لمحاربة التحصيل غير القانوني وتوفير المعينات اللازمة لها، حتى تضطلع بدورها المناط بها، وتوسيع نشاطها بالولايات عبر اللجان الولائية، مشيداً بأدائها خلال الفترة الماضية. وترأس حسبو أمس، اجتماع لجنة منع التحصيل غير القانوني. واستعرض الاجتماع تقرير اللجنة للعام 2013م والربع الأول من هذا العام، قدمه رئيس اللجنة مولانا بابكر أحمد علي قشي، تضمن الانجازات التي حققتها اللجنة في إيقاف «17» جهة كانت تتحصل رسوماً غير قانونية، فضلاً عن تشكيل اللجان الولائية النظيرة.

الانتباهة


تعليقات 10 | إهداء 0 | زيارات 2377

التعليقات
#998311 [خاطره]
0.00/5 (0 صوت)

05-09-2014 06:09 PM
نكتب شنو .كيف يا شباب.


#998247 [مجرد تعليق]
0.00/5 (0 صوت)

05-09-2014 04:04 PM
كان عندي محل كل يوم بجي واحد يختلف عن الاخر وبقول نفس الشي كنت بشك فيهم وكنت برد عليهم ماعندي ليكم شي حتي قفلت المحل وارتحت منهم


#998199 [radona]
5.00/5 (1 صوت)

05-09-2014 02:39 PM
اذا لم تحتوي لستة ال 17 على الجهات التالية ارجو اضافتها وبعد اضافتها ليس هذا كل التحصيل غير القانوني وبالطبع ليس كل الفساد:
1- كل المحليات تقوم بجباية الايرادات خارج اورنيك 15 او بنموذج منه لزوم التمويه
2- شرطة المرور تحصل الغرامات خارج اورنيك 15
3- النفايات تحصل خارج اورنيك 15
4- العوائد تحصل خارج اورنيك 15
5- رسوم دخول المستشفيات تحصل خارج اورنيك 15
6- ترخيص السيارات باكثر من 900 جنيه لا يحصل منها الا 250 جنيه باورنيك 15 الباقي بدون اورنيك 15
وهذا ما يسمى بتجنيب المال العام وهو من موارد الفساد الرئيسية


#998171 [رجعنا بعد فرقة]
0.00/5 (0 صوت)

05-09-2014 01:44 PM
ليه لجنه امن اقتصادى مافي ولا دا فقه السترة وبعدين ال17ديل منو لله لا كسبكم دنيا ولا آخرة


#998126 [الديمقراطي]
0.00/5 (0 صوت)

05-09-2014 12:30 PM
اللف و الدوران لزومو شنو ؟ اول مرة اسمع بدولة تشكل لجنة اتحادية و لجان ولائية لمنع التحصيل
غير القانوني . ( توفير المعينات اللازمة لها ) دا هو زاتو ما تحصيل بي طريقة تانية .
السودان دا من زمان فيهو قوانين هي الكانت بتمنع التحصيل دا . بس فعلو القوانين دي .
ما عملتو حاجة يا السيد النائب لانو لو اللجان دي وقفت التحصيل دا المواطن هو زاتو الحيدفع
حوافز و معينات اللجان دي . يعني المواطن في الحالتين دافع دافع . الله المسسسسسسسسسسستعان .
مجدي المسكين اتشنق لانو لقو قروش في خزنته في بيته . طيب المانع شنو تشنقو ليكم واحد من
تماسيح الاختلاسات و اللغف و اللهف و بيع الاراضي الاستثمارية و شوفوا اكان تاني و احد يتحصل
جنيه و احد بدون اورنيك 15 .


#998123 [zoul]
0.00/5 (0 صوت)

05-09-2014 12:21 PM
هل الرسوم التي يتم تحصيلها بواسطة شرطة المرور على الحافلات يوميا بدون محاكمات هل هي قانونية ؟


#998121 [كركدي وما عرفت ليه]
5.00/5 (1 صوت)

05-09-2014 12:18 PM
طيب كان اقولوا لينا ال17 جهة دي واكشفوا لينا عن اسمائها عشان لمن نلقاهم وجها لوجه في اي محل نقوليهم ما بندفع ليكم عديل كده وانتو جهات غير قانونيه واعلي ما في خيلكم اركبوا وانا عندي ليكم سئ ، لاكن بعدم الكشف هذا اعتقد انه الفساد بأم عينه ودي دغمسه ساكت


#998067 [جاكوما]
5.00/5 (11 صوت)

05-09-2014 11:04 AM
اهمها المغتربين والسفارات والمرور


ردود على جاكوما
United States [kandimr] 05-09-2014 01:25 PM
صحيح..المطلوب التدقيق على كل أيصالات معاملات السفارة وما يكتب بها..دمقة..صندوق خيرى ..وأشياء أخرى..لعن الله الجباة..السارقين الفاسدين..وثورة حتى القصاص والكنس والمحاسبة والنصر ..نحن رفاق الشهداء..الصابرين نحن..


#998050 [خالد النجومى]
0.00/5 (0 صوت)

05-09-2014 10:49 AM
وقفوا العساكر النهابين ديل البياكلوا اموال الناس باالباطل


#998042 [مختار (مخو طار)]
2.00/5 (1 صوت)

05-09-2014 10:42 AM
هههههههههههههههههههههههههههههههههههه
لا عجب في دولة العجب وقلت الادب



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
0.00/10 (0 صوت)




الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة