الأخبار
أخبار إقليمية
الانتربول يعتقل أحد المطلوبين دوليا من وسط الخرطوم
الانتربول يعتقل أحد المطلوبين دوليا من وسط الخرطوم


النيجري عضو بوكو حرام يدرس في جامعة أفريقيا
05-15-2014 06:29 PM
اعتقل البوليس الدولي "الانتربول" أحد المنتمين لجماعة بوكو حرام النيجيرية المتشددة، والذي يعتبر أحد المطلوبين للاشتباه بضلوعه في تفجير دام نسب إلى جماعة بوكو حرام في العاصة النيجيرية في منتصف ابريل.
واعتقل امينو صادق اوغوشى في وسط الخرطوم، عندما كان يحاول الحصول على فيزا من القنصلية التركية، ليتضح أن أوغوشي الذي وصل للسودان في نهاية العام الماضي، مسجل كطالب يدرس اللغة العربية في جامعة أفريقيا العالمية، لكن المصادر لم تتحدث عن أي صلة بحكومة البشير، وعلاقتها بالمشتبه به، وما إذا كانت تعلم بوجوده، أم أنها لم تعلم به، إلا أن المؤشرات تدلل على أن عملية القبض كاملة كانت من الانتربول، خاصة أن الأمن السوداني إذا كان يريد القبض على المطلوب دوليا، لكان اعتقله منذ اللحظة الأولى لتعميم مذكرة الضبط الدولية كونه طالب معروف سواء مقر دراسته أو حتى سكنه، أو ربما لم يعرف جهاز أمن البشير المطلوب إلا بعدما استدل عليه الانتربول عبر عملائه المنتشرين في كافة الدول.

والعملية تختلف كليا عن عملية القبض على الفرنسي الشهير والمطلوب دوليا كاروس في قلب الخرطوم عام 1994، عندما قبضت عليه السلطات السودانية وأعلنت تسليمه إلى الانتربول بعدما طلبت منه الرحيل من السودان، فيما وصف لاحقا بأن عملية التسليم أو الاختطاف التي قام بها جهاز الأمن الفرنسي تعد مقايضة مدفوعة القيمة، لأن الحكومة كانت تعرف منذ وقت مبكر بوجود المطلوب دوليا داخل السودان، وتعرف موقعه تماما وتحركاته، لكن تغير السياسة السودانية آنذاك جعلها تفضل تسليمه لتخفيف حدة التوترات مع الغرب.

وألمحت المصادر لما أسمته تعاون السلطات المحلية، لكنها شددت على أن القبض تم بواسطة الانتربول، الأمر الذي يكشف أن السلطات المحلية في حالة الوصول إلى معلومات مؤكدة لم يكن في وسعها إلا التعاون، وإلا اعتبرت شريكة في التغطية على المطلوب دوليا.

وأوضح المصدر أن المعتقل لم يبد مقاومة، وانه مازال في السودان.


وقال مسؤول نيجيري انه تم اصدار النشرة الحمراء من قبل منظمة انتربول ومقرها ليون بخصوص اوغوشى. وتصدر النشرة الحمراء بخصوص الاشخاص المطلوبين بعد توضيح التهم الموجهة لهم.
وقتل سبعون شخصا وجرح 124 آخرين في التفجير الذي وقع يوم 15 ابريل بمحطة حافلات في ابوجا.
واتهم الرئيس النيجيري غودلاك جوناثان جماعة بوكو حرام بارتكاب التفجير، وتعتبر الجماعة مسؤولة عن اعمال العنف الاخيرة في البلاد.
واثارت بوكو حرام موجة غضب عالمية بعد اختطافها قبل شهر اكثر من مائتي تلميذة هددت ببيعهن او تزويجهن بالاكراه


تعليقات 17 | إهداء 0 | زيارات 14217

التعليقات
#1005268 [مشوت Machut]
0.00/5 (0 صوت)

05-16-2014 01:26 AM
يعنى نوع عربى الزول الخطف البنات دا ..... خريج جامعة افريقيا السودانية ؟


#1005267 [Mohamed]
4.00/5 (1 صوت)

05-16-2014 01:25 AM
سبحان الله وبحمده سبحان الله العظيم


#1005227 [المنجلك]
5.00/5 (5 صوت)

05-15-2014 11:59 PM
ناس الانتربول ديل ما يقبضو برضو جماعة حرام بدون بوكو


ردود على المنجلك
[ابو طربوش] 05-16-2014 09:21 AM
ابتداء من ابوركبة الجاعوري الي الوكيل ( المتحلل)


#1005207 [مرتضي الجعر]
3.50/5 (4 صوت)

05-15-2014 11:20 PM
إنجاز جديد خالص للأمن السوداني القوي، والذين يعتقدون أن الانتربول الدولي هو الذي قبض علي هذا المجرم هم واهمون - الانتربول لا يتجول في شوارع وأزقة الدول ويعتقل المطلوبين. الامن السوداني هو الذي قام بالمهمة.

وهذا الانجاز يضاف لإنجاز الامن السوداني عندما إعتقل أخطر مجرم مطلوب لفرنسا في التسعيينيات وهو كارلوس الثعلب الذي (جنن) مخابرات كل الدول الكبري والصغري ووقع فريسة سهلة للأمن السوداني القوي واليقظ والمفتح عينيو (كويس جداً).

إفتخروا يا سودانيين وبلاش صرة الوش الدائمة دي.
كل الدول من حولنا مقلوبة والتفجيرات اليومية في العواصم بقت شئ طبيعي (مصر، سوريا، ليبيا، تونس إلخ) - لكن منذ 1989 وحتي الان لم تنفجر قنبلة واحدة في الخرطوم أو أي مدينة سودانية، وحتي القنبلة الوحيدة التي حاول البعض إستهداف الصادق المهدي بها في ميدان الخليفة قبل فترة تم إكتشافها وتفكيكها في الوقت المناسب بواسطة الامن السوداني (مش الانتربول يا بتاعين الانتربول).


ردود على مرتضي الجعر
United States [orbby] 05-17-2014 01:38 AM
تستاهل بس اتبرع ليك بحرفين نهايه اسمك التانى عشان سزاجتك

United States [sasa] 05-16-2014 08:20 AM
نبارك لك ياالجعر ولدولتك القوية وعقبال تحرروا حلايب والفشقة وما استقطعته اريتريا... بالمناسبة ياصبى الامن ياجعر هل السودان مخترق من قبل مخابرات دول العالم ام ان محمد عطا وجماعته الاطهار المصلين للصبح حاضر سادنهاوقادنها ....آل امن آل تفوووووووو

[سوداني غصبت عين أم البشير] 05-16-2014 03:37 AM
يا زول انت والله حتى لو زول أمن وحكومة عديل حقو يفصلوك لأنه ما عندك منطق بالله عليك أولا السودان ما أعلن الخبر ولا جاب سيرته ولو صحيح زي ما بتقول بالله كانوا فوتوا الفرصة ديه ليتفاخروا بيها ولا شنو إذا كان الحاجات التافهة بيحاولوا يغشوا الناس بيها، وبعدين بيقولوا ليك القبض تم وهو يقدم على تأشيرة يعني يا ضابط الأمن انتم كنتم نايمين أو متنومين بأمر كباركم وأحرجكم الانتربول والأتراك اللي مشى الزول يقدم ليهم باين عليهم بلغوا عنه وأحرجوكم، وطيب ما الزول بيدرس عديل في جامعتكم بالله وين الإنجاز ياخي الزول ما مدسي ظاهر في الجامعة يمكن يكون مزور اوراقه طيب وين الاستهبارات بتاعتكم يعني ما عرفتوه إلا لمن جه يتخارج والله صحيح إنجاز يعني الحرامي والإرهابي ما تعرفوهم إلا لمن يجي بكرعينه ليكم وتدققوا في أوراقه، وبعدين والله صحيح اللي اختشوا ماتوا بالله لك وجه تتحدث عن كارلوس باين عليك والله ما بتقرا تاريخ وتعينك سياسي وستين نيلة ما قريت باعتراف ناسك في صحف الأمن بتاعك أنه كارلوس صفقة سوادنية وعايش بمعرفتهم وكانوا عاوزينه يتخارج بدري ورفض فعملوها صفقة مليارية قبضوا فيها الدولارات وسلموه، ياخي قول كلام يدخل العقل شويه ما دام سمحوا ليك ناس الراكوبة بالرأي الآخر

European Union [نهبوك يا وطن] 05-16-2014 01:41 AM
كااااااااك كااك كااك كااك
تفوو

United States [فايق ورايق] 05-16-2014 01:27 AM
ياراجل حرام عليك ياخ ،،،، انت مختصر السودان كلللو في الخرطوم الظاهر وبعدين بالنسبة لي كااارلوس تم تسليمه وليس القبض عليه ،،، لأنو كان قاعد بي مباركة حكومتك ،،، راجع التاريخ ياحبة


#1005131 [الحقيقة مرة]
4.75/5 (5 صوت)

05-15-2014 09:24 PM
بوكو هرام نسوانو هلال: خلاصة تعاليم حسن البنا وسيد قطب في كلمتين !


#1005113 [kalifa ahmed]
5.00/5 (3 صوت)

05-15-2014 08:54 PM
كل البلاوي الشغالةفي نيجريا والصومال ومالي وباقي افريقيا خارجين من عباءة تنظيم الأخوان المتأسلمون بالخرطوم وفراختهم هي جامعةافريقيا ووكرهم منظمةالدعوةالاسلامية وفروعها المنتشرة في دول افريقيا....الدعم المقدم لهذة التنظيمات الارهابية من دول الخليج يجب أن يتوقف هؤلاء لا علاقة لهم بالاسلام والدين الحنيف بل هم مجموعات مرتزقة تربت تربية دينية خاطئة لتنفيذ أهداف التنظيم العالمي لاخوان الشيطان!!!!!!!!!!!!!


#1005098 [ودالنيل تمساح]
5.00/5 (3 صوت)

05-15-2014 08:29 PM
ايوه الموضوع اتزامن تماما مع موضوع الدكتوره
يعنى بعد شويه حيقولوا لينا لقينا اثر للبنات المخطوفات
ومكانهن فى السودان
يعنى ده مشروع حظر جديد
ياكيزان ومعاكم الامريكان اتلاعبتوا بعقولنا مافيهو الكفايه
ديل يحضروا الكوره والامريكان يشوتوها
انحنا مالنا ومال بوكو حرام ولا بوكو حلال
اقطعوا وشكم مننا ياكيزان


#1005089 [كمال يوسف]
0.00/5 (0 صوت)

05-15-2014 08:17 PM
ماهي علاقة الصورة بالخبر!؟


ردود على كمال يوسف
United States [orbby] 05-17-2014 01:41 AM
زى علاقتك بالفهم

European Union [bent alnil] 05-15-2014 09:11 PM
أظرف حاجة في أخبار الراكوبة الصورة المرفقة مع الخبر .. قد تكون من الأرشيف و لكنها بالتأكيد ترمز أو تشير أو تلمح ....
علاقة الصورة بالخبر ... النائم في الصورة في وسط تجمع و هيصة و نوم الحكومة البخليها كل مرة ناس الإنتربول يلكزوها
يقولوا ليها أصحى في شحنة مخدرات في بورتسودان ... أصحى بوكو حرام حايم في الخرطوم و انت خبر ماعندك ...


#1005083 [هاشم]
3.75/5 (3 صوت)

05-15-2014 08:02 PM
ههههههههههههههههههههه


#1005079 [الجاك قسم السيد]
3.75/5 (3 صوت)

05-15-2014 07:59 PM
سبحان الله هو السودان دا بقى ملاز امن للنفايات البشرية وين حماة الحدود والله يالقيقم انته طلعته خراااااط


#1005052 [محمد ضيف]
4.94/5 (5 صوت)

05-15-2014 07:26 PM
طيب فى واحد بسكن فى كافورى ما تقبضوا عليهو


#1005039 [الرايح]
4.25/5 (3 صوت)

05-15-2014 07:06 PM
انتو شي اسمه انتربول بخوف الحكومة دا شنو؟


#1005038 [نافيش]
5.00/5 (2 صوت)

05-15-2014 07:05 PM
المطلوب رايح تركيا إذا هو كوز من الكيزان و دربته الحكومة السودانية وبوكو حرام هي فرع من أفرع الكيزان ..........


#1005025 [الحاج]
5.00/5 (2 صوت)

05-15-2014 06:54 PM
جامعة افريقيه العالمية واحدة مؤسسات الاسلام السياسي العالمي ووكرللارهاب
مصنع جياد واليرموك وما خفي كلو تابع لمنظمات اسلامية تمارس الارهاب وشركة دانفوي


#1005024 [سعاد خيرى]
4.00/5 (2 صوت)

05-15-2014 06:52 PM
بالله الحكم على الدكتوره المسيحيه بالرده , والاعدام ,, مش اصعب من عمليات بوكو حرام ؟؟؟؟؟؟؟؟؟؟؟؟؟؟؟؟؟


#1005022 [ابن الشذاذ الأفاق]
5.00/5 (1 صوت)

05-15-2014 06:52 PM
بوكو حرام عديييل يا جماعة البشير، طيب أمريكا اللي بتكوس على البنات الطالبات المسكينات ديك ما يجوا السوادان، أكيد هيكونوا بيدرسوا في أمبدة، وما حد جايب خبرهم، ولا دسوهم في صقط لقط، وماشين عادي، يا جماعة ديل جماعة إرهابيين والجامعة ديه مشكوك في أمرها عدييل، يعني معقولة ما عرفوا بيهو وما أخدوا بياناته وشغاليين لينا اجراءات للأجانب في السودان، ومهلة وزفت على راسم، والزول ده قاعد لي شنو في السودان، أشعر أنه بلادنا من ساسها لراسها مليانة ارهاببين ومطلوبيين دوليا، وعلى كل المطلوبيين الحضور عاجلا في السودان، ما بلد سايبة بلا رقيب ولا حسيب، حسبي الله على الظالمين


#1005019 [عيسى]
4.75/5 (3 صوت)

05-15-2014 06:49 PM
يجيبوهم يدرسوا في جامعة افريقيا العالمية ويخرجوهم ارهابيين !!!...
يعني الجامعة شغالة تفريخ ارهابيين الى جميع انحاء العالم !!!!...
حسبنا الله ونعم الوكيل .....


ردود على عيسى
[ابو طربوش] 05-16-2014 09:25 AM
انت قايل بدرسوهم علوم واكاديميات؟



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
10.00/10 (2 صوت)




الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة