الأخبار
منوعات سودانية
رجل أعمال صيني يشتري العقارب في بربر
رجل أعمال صيني يشتري العقارب في بربر
رجل أعمال صيني يشتري العقارب في بربر


05-17-2014 08:26 PM

الحواتة ـ بربر ـ حيدر عبد الحفيظ

كشف مواطنون في محلية بربر بولاية نهر النيل عن أن مستثمرا صينيا يشتري العقارب، بأسعار تتراوح ما بين (20 إلى 70) جنيها حسب الحجم، وقال المواطنون إن المستثمر اختار ثلاثة وكلاء له في سوق بربر ومناطق التعدين الأهلي عن الذهب، وأنه خفض أسعار العقارب في الآونة الأخيرة بسبب كثرة العرض.

وأوضح شهود عيان في بربر أن الشباب هناك تسابقوا على انتعال أحذية (البوت) وأخذ آلات خفيفة تسمى (الماشة) - تستخدم في وضع الجمر على الشيشة، يلتقطون بها العقرب وأنهم يأخذون البطاريات ويتوجهون ليلا إلى مناطق الزراعة بحثا عن العقارب التي يدخلونها في (علب مثقوبة الغطاء)، للحفاظ على حياتها ويسلمونها للوكيل الذي يسلمها بدوره إلى رجل الأعمال الصيني، ونوهوا إلى أن الأخير يجمع العقارب ليبيعها بدوره لجهات طبية تستخرج منها مادة يعالج بها السرطان

اليوم التالي


تعليقات 16 | إهداء 0 | زيارات 6671

التعليقات
#1007907 [ابو الريش]
0.00/5 (0 صوت)

05-18-2014 06:18 PM
هههههههها والله الكلام ده صحي ... هسع الناس قايلين الصيني ده اهبل وعبيض ، وناس تقول ليك بطلعو منه ما بعرف شنو، هاكم الخبر ده.:
منقول من موقعMSN للاخبار:

"تعد العقارب الحية من السلع الرائجة على موقع تاوباو، إذ يوجد ما يربو على 800 بائع يعرضون مختلف الأنواع بدءا من عقارب الإمبراطور الأفريقية التي تباع كحيوان أليف، وصولا إلى العقارب الصينية ذات الذيل المدرع التي تقدم كطعام صحي.

ويصل سعر 12 عقربا إلى جنية استرليني واحد."

كدي بالله شوف لينا الجنيه الاسترليني بي كم جنيه سوداني عشان نشوف الصيني ده بيكسب كم؟


#1007630 [قرفان من الكيزان]
0.00/5 (0 صوت)

05-18-2014 02:38 PM
الصيني حريف .. بشتري العقرب بدولار ..ييمشي يطلع دواء السرطان منها يرجع يبيعوا مركب كيميائي لنفس العالم دي ب100 دولار .. ههههههههه


#1007437 [قرع ود العباس]
0.00/5 (0 صوت)

05-18-2014 12:16 PM
وكيل شركة صينية نشتري الجعران وعريس القمرةوابو الدنان وابو النعيج العنوان كافوري مربع4


#1007319 [الهمبريب]
0.00/5 (0 صوت)

05-18-2014 11:14 AM
مافي واحد بشتري ديناصورات
يخلصنا


#1007224 [MIMI]
0.00/5 (0 صوت)

05-18-2014 10:14 AM
أنا سمعت قالوا في إحدى دول الخليج أن الشباب بصطادوا الشحموطة (نوع من النمل) ويجففوهاويلفوها في ورقة زي السجائر ويسطلوا بيها والله أعلم


#1007220 [نزار]
0.00/5 (0 صوت)

05-18-2014 10:10 AM
ارخص بشر الكيزان منو القاليك مابشتروهم


#1007208 [Khalidali]
0.00/5 (0 صوت)

05-18-2014 10:02 AM
الى كمال كيلا ليالى الخرطوم الحالمه اشتقنا ليها وين ايامكم وموسيقى الجاز ، الاذن تحجرت منذ عام النكسه عندما احتل اليهود السودان عبدة المال فى سنة 89 عام الشؤم .


#1007064 [المتجهجه بسبب الانفصال]
0.00/5 (0 صوت)

05-18-2014 08:26 AM
الصينيين والمؤتمرجية نضفوا البلد تب وقبلوا على العقارب ،،،


#1006923 [momo]
5.00/5 (1 صوت)

05-18-2014 02:43 AM
فى السودان بؤكل الجراد
فى السعوديه يؤكل الضب
فى تايلاند تؤكل الضفادع

بس الصينين كتروها شويه بى اكل العقارب


#1006825 [ساب البلد]
5.00/5 (6 صوت)

05-17-2014 11:36 PM
******* خليهو يمشي دار الموتمر الوطني ******** ح يلقي كل العقارب السامة هناك هههههههههه ****


#1006824 [الامدرماني ودامدرمان]
0.00/5 (0 صوت)

05-17-2014 11:35 PM
اللهم احفظ عقارب السودان


#1006800 [المشروع]
4.00/5 (2 صوت)

05-17-2014 11:18 PM
طيب يا جماعة دا شئ جميل - بس يدفع بالدولار .. ولماذا عقارب بربر قاعدة تاكل دهب؟ وبعد شوية شركة بربر لتجارة وتصدير العقارب .. طيب نحن ما نعم مصنع لإستخلاص الادوية تحت شعار عقاربنا وتجاربنا نحاربها سرطاناتنا .. اخر زمن تجارة العقارب انشاء الله بعد ما تخلص عقارب بربر يجي كمان المستمثر الصيني يشتري نادي المريخ ....
كسرة
طيب ولاية نهر النيل قبل فترة اجازة قانون حماية حقوق الحيوان - ياربي الحشرات برا الموضوع دا ولا شنو اعتقد انو تشريعي نهر النيل بعد شوية سوف يصدر ضريبة تصدير عقارب
على العموم انا ضد العقارب في اي مكان ...


ردود على المشروع
United States [محمد النور] 05-18-2014 04:52 AM
:)
قلمك خفيف و ظريف, تحياتي


#1006716 [alimohamed]
0.00/5 (0 صوت)

05-17-2014 09:59 PM
هذه اخر المحن لابد من وجود رقابة وقانون ولكن هذا قمة الفوضي يا نا س الحقوا السودان


#1006686 [جنوبي]
2.97/5 (9 صوت)

05-17-2014 09:29 PM
سجم العقارب !!
واها ان شاء الله الحكومة اتأكدت من ان المستثمر الصيني ده فعلا ببيعها لجهات طبية ؟
ياربي تدينا مستثمر صيني يستثمر في الضبان كمان ! وواحد تاني في الكيزان !!


ردود على جنوبي
United States [نوارة] 05-17-2014 10:56 PM
هههههههههه لكن. المصيبة الكيزان مافي زول بيشتريهم


#1006675 [ahmed gmal]
0.00/5 (0 صوت)

05-17-2014 09:19 PM
اعجبنننننننننننننننننننننننننننننننننننننني


#1006662 [الغاضبة]
4.00/5 (1 صوت)

05-17-2014 08:58 PM
مسكينة العقارب ...!!!



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
0.00/10 (0 صوت)






الرئيسة |المقالات |الأخبار |الصور |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة