الأخبار
أخبار إقليمية
سلطات الأمن السودانية تفرض طوقا حول العاصمة الخرطوم
سلطات الأمن السودانية تفرض طوقا حول العاصمة الخرطوم


05-18-2014 06:42 AM

ضربت سلطات الأمن السودانية طوقا أمنيا حول العاصمة الخرطوم بمدنها الثلاث، تضمن نقاط ارتكاز شرطية ودوريات راكبة وراجلة وعلى الخيول «السواري». وقالت الشرطة السودانية إن الطوق الأمني الذي ضربته حول الخرطوم يأتي ضمن خطة احترازية وصفتها بـ«الكبرى» لمنع الجريمة، وبث الطمأنينة في نفوس السكان، ومساعدة الإدارات المحلية أمنيا وجنائيا. وأضافت أن عملياتها استمرت حتى الساعات الأولى من صباح أول من أمس الجمعة، وضبطت خلالها عددا كبيرا من معتادي الإجرام، وأراقت كميات من الخمور البلدية، وأزالت أكثر من 120 مسكنا عشوائيا، فضلا عن عدد من الموتوسيكلات و«الركشات» غير المرخصة، بينما قال مدير شرطة ولاية الخرطوم الفريق محمد أحمد علي إن الخطة أسهمت بصورة مباشرة في منع جرائم الكسر والسرقات الليلية، وأعلن عن استمرار هذه الحملات بصورة يومية مكثفة، لاجتثاث ما سماه «بؤر الجريمة» ولاستتباب الأمن في كامل الولاية.

من جهة أخرى، أعلن «المجلس الأعلى للسلم الاجتماعي» عن تسلمه لقائمة بـ«الجماعات المتفلتة» التي حصرتها الشرطة، وعن نيته في إجراء حوار مع هذه الجماعات لمعرفة أسباب تفلتها، وتمليك أفرادها وسائل إنتاج حال توفر الميزانيات المطلوبة. وقال الأمين العام للمجلس اللواء جلال الدين الطيب، إن عدم الاستقرار السياسي بالبلاد مدعاة للنظر في التعايش السلمي، ودراسة ظاهرة العنف التي صاحبت مظاهرات شهر سبتمبر (أيلول) الماضي، التي راح ضحيتها أشخاص.

ودعا خبراء المجلس لإعادة النظر في منح الجنسية السودانية، وإلى عدالة توزيع الخدمات ومجانية التعليم العام، والحذر في إدارة التنوع الإثني والثقافي في البلاد. وأقر اللواء الطيب بوجود صعوبات تواجه السلم الاجتماعي، محذرا من انفجاره في أقرب وقت، بسبب المتربصين، وهو الأمر الذي يستدعي مواجهة المخاطر والمهددات عن طريق تنفيذ عدة مشروعات. وأدت الحروب والأوضاع الاقتصادية إلى نزوح أعداد كبيرة إلى العاصمة الخرطوم، ما فاقم من الظواهر السالبة وأحدث بعض الاختلالات الأمنية، وبعض المجموعات المتفلتة وأبرزها «مجموعات النيقرز»، التي أصبحت تشكل خطرا لا سيما في أطراف العاصمة.

الشرق الاوسط


تعليقات 29 | إهداء 0 | زيارات 20123

التعليقات
#1008216 [تينا]
0.00/5 (0 صوت)

05-19-2014 12:10 AM
أخى الفاضل (((عمرالياس))) شكرا على مرورك ... المشكلة اخوى ههههههههه وينو القلب البقدر اصمد بيهو لما ادى الحرامى العكاز فى ركبتو دائما بقول لأهلى غايتو يومى الاشوف لى حرامى بيعينى فى البيت تأكدوا تماما حاتلقونى انتهيت وميتة فى سريرى تصدق لو سمعت صوت شخشخة ايى حاجة خلاص بتخيلا حرامى عندى فوبيا من حرامية النطيط الله لا يورينى ليهم ... أختى الفاضلة (((نجاةابوزيد))) شكرا على مرورك ...والله يا اختى مشغووولة اليومين ديل مضيوفة طوالى ربنا يعظم الأجر ...و عاد اسوى شنو يااختى مع انى ما بصدقهم لكن احاول اقنع نفسى عسى ولعل يعملوا ليهم شيىء كويس مرة فى حياتهم ... تحياتى لكما ...


#1008182 [hassan]
0.00/5 (0 صوت)

05-18-2014 11:22 PM
الكشة جاية جاية

اعملو السبعة وزمتها

الطوفان فادم يدك حصون الطغاة

وانتو ما ارجل من فرعون ولا مبارك ولا القزافي

كلهم راحو الي مزبلة التاريخ


#1008148 [عصمتووف]
0.00/5 (0 صوت)

05-18-2014 10:32 PM
العندو قنبور منو غيرنا الموضوع اكبر شوية حرامية من ناس تلب ونشالين تطوقوا العاصمة وهم عملة في مواقف المواصلات والاحياء الشعبية والازقة والشوارع العبوا غيره اشم رائحة غزوة جديده في الطريق


#1008027 [AL SATARY]
0.00/5 (0 صوت)

05-18-2014 08:31 PM
اخيرا ناس "بوكوحرام" ظهروا عندكم .. اها ورونوا حتعملوا معاهم شنو يا وهم


#1007915 [فوزي]
0.00/5 (0 صوت)

05-18-2014 06:21 PM
مبروك الصاح بعجب


#1007686 [nagatabuzaid]
5.00/5 (1 صوت)

05-18-2014 03:20 PM
طيب يا كضابين اذا كانت خطة امنية للمواطنين ليه ركزتوا على الاطراف ومداخل الخرطوم كضبا كاضب بالله عليكم يا الخوفتوا الخوافين ديل من قولة كش ما تجوا تخربوا الخرطوم وتروعوا اهلنا بس صاروخ واحد مداه كافورى زننننننننننننن طاخ طراخ يريحنا وعليكم بانفاق تحت الارض والفلل الرئاسية قالوا مالنها بالدجالين من كل مكان خارج وداخل السودان الفلل مافى داعى للصواريخ لاننا عايزين نستفيد منها وثبات مظليين تكفى وامنعوا الزوغان برا اوجوا او بحرا عن طريق السفن الايرانية والجداد راحت عليه ما حيسالوا فيهم الا ان كانوا اولادهم وناس قريعتى راحت راحت عليهم قال حزام امنى لحماية المواطنين قال اريتكم بالحزام النارى يهرى بدنكم نرجوا ان نسمع عن تحرك الشارع واقسمت ان حدث لاكون مع زينب بدر الدين وام البوشى وامهات الشهداء والابطال وكل المناضلات الحرات واقسمت ان حدثت لاشارك فى اخذ ثار عوضية عجبنا وشهيدات سبتمبر وضحايا التعذيب من النساء والشباب وده قسم حر من حره ما اكلت حرام ولا تربت بحرام بتحب تراب السودان لا عنصرية لاجهوية لا ضلال ولا تضليل


#1007647 [المهندس سلمان إسماعيل بخيت على]
0.00/5 (0 صوت)

05-18-2014 02:51 PM
الجماعات المتفلته دى سبق وأن إستخدمهم النظام فى ضرب ثوار ثورة سبتمبر
بوما أن نذر ثورة جديدة بدأت تطل فى سماء الخرطوم قد تكون فى مايو الجارى أو يونيو القادم
فالحكومة ستكون فى حاجة لخدمات هؤلاء المتفلتين من عصابات النيغرز
وفى كلام تحت تحت لتجنيس من لا يحمل جنسية منهم كحافز تشجيعى لحماية النظام من الشعب السودانى
وتعيش متير تشوف كتير


#1007623 [سودانى و بس]
0.00/5 (0 صوت)

05-18-2014 02:33 PM
حرام عليكم يا جماعه الرجل عندما يحاور تنتقضيهو و تكيلون له الشتم و السباب و عندما ينتقض أفعال و اليات النظام تزيدون له السباب, فماذا تريدون منه ليرضيكم. أتركوالرجل و شأنه و أقنعوا منه ورونا شطارتكم ماذا انتم فاعلون لدحر هذا النظام الظالم وله فلاحتكم وشطارتكم على الصادق بس.
الذين يقولون أن الاعتقال مسرحيه جانبهم الصواب . الموضوع ببساطه ان النظام تفاجأ بأن مناخ الحوار و الحريات قد فتح له أبواب جهنم من حيث لا يحتسب فأنكشف رأس جبل جليد الغساد الذى طال رؤؤس الهرم و لسه التقيل قدام لذلك قرر النظام سد الباب البجيب الريح بلا حوار بلا لمه
قوموا إلى ثورتكم يرحمكم الله


#1007567 [zoal sudani]
5.00/5 (5 صوت)

05-18-2014 01:55 PM
" وقالت الشرطة السودانية إن الطوق الأمني الذي ضربته حول الخرطوم يأتي ضمن خطة احترازية وصفتها بـ«الكبرى» لمنع الجريمة،...... الخ ".
اذا فعلا جادين
في منع الجريمة فاعتقلوا الحرامية الكبار من امثال الخضر وغيرو ..
قال منع الجريمة قال ..


ردود على zoal sudani
[nagatabuzaid] 05-18-2014 02:55 PM
تسلم ايها الزول السودانى لسان حال الخضر يقول الرئيس مبسوط منى من البسوى فيه وحرمجتى


#1007565 [ود الغرب]
0.00/5 (0 صوت)

05-18-2014 01:53 PM
اللهم اصلح الحال


#1007552 [هارون]
5.00/5 (4 صوت)

05-18-2014 01:44 PM
"بؤر الجريمة" ليست في اطراف الخرطوم بل في وسطها في مكتب الوالي ومكاتب وبيوت الوزراء الصوص فيجب ان لا تبحثوا عنها في الاطراف.


#1007547 [panda]
4.00/5 (1 صوت)

05-18-2014 01:41 PM
نرحب بالجملات الامنية ايا كان مقصدها
هى تعزيز للامن و الطمأنينة للمواطنين لينامو هنيا بعد طول عناء يوم شاق فى كسب القوت الذى ظل صعبا
و بما ان الحكومة لم توفر القوت للمواطن على لاقل عليها تامين الامن للمواطن ليعمل فى طمانينة لكسب قوت يومه


#1007537 [تينا]
0.00/5 (0 صوت)

05-18-2014 01:34 PM
اذا كلامكم صحيح خطوة كويسة وخاصة جرائم الكسر والسرقات الليلية دى أكتر حاجة بتخوفنى فى البلد والليل كلو ما بنوم من الخوف واقعد اتخيل انو فى حرامى نط لينا ... عليكم الله مرة فى حياتكم اعملوا ليكم شيىء كويس ركزوا لينا على حرامية نطيط البيوت ديل شدييييييد ...


ردود على تينا
[nagatabuzaid] 05-18-2014 02:58 PM
صدقتيهم يا تينا ؟ ديل خايفين من شىء بعرفوه براهم وينك انت مع تحياتى

[عمر الياس جبريل] 05-18-2014 02:49 PM
انا كنت فاكرة شجاعة يا تينا تطلعي خوافة من حرامي البيوت ديل اجبن حراميه... عليك بعجازة جامدة اول ما انط ضربة واحدة في الركبة و حضري الطشيت و الملابس و المكوة تاني لو ادهو حلاوة ما حا اجي ناطي.


#1007483 [حسكنيت]
5.00/5 (1 صوت)

05-18-2014 12:47 PM
الإجرام داخل السودان نتيجة طبيعية
- للتمكين
- وتدمير المشاريع الإنتاجية
- وإشعال الحروب
- وإدخال المخدرات
- وتسبيب العطالة
- وإطلاق يد صعاليك جهاز الأمن
- وإنتشار السلاح
- والفساد
- وممارسات السلطة الخاطئة
( وكذلك الهجرة للخارج وكله بإسم الله وليس مؤامرة خارجية )


#1007451 [منشى]
0.00/5 (0 صوت)

05-18-2014 12:26 PM
دى ما الحقيقه و الحقيقه هو الخوف من الاجتياح من قوه مجهوله و تكرار عمليه الذراع الطويله خاصة بعد ورود تأكيدات و براهين بحدوث ذلك بكل تاكيد و الدوره دى من غير اخطاء الذراع السابق وهو ان الشارع الداخلى جاهز لتقبل ذلك بسبب الضجر المستمر من الفساد و المحسوبيه و ما اعتقال الصادق إلا لهذه الارهاصات و صادق يعلم بتفاصيل غريبه لذلك هم يريدون احتجاز الصادق لارسال رسائل للمهاجمين بانهم مسيطرين و لهم قوه كافيه يعنى هرشه مش للصادق و لكن للشئ الغريب اللى جاى جوه خاص الدوره دى .


ردود على منشى
[nagatabuzaid] 05-18-2014 03:00 PM
صدقت وما قلت الا الصح


#1007363 [فركتو]
0.00/5 (0 صوت)

05-18-2014 11:38 AM
اقتباس
وادت الحروب والاوضاع الاقتصادية الى نزوح اعداد كبيرة الي العاصمة الخرطوم
طيب يا عنصري يا بقيض الولايات الما فيها حروب اهلها نزحوا الي العاصمة الخرطم
ليه ولا حتى السكن في العاصمة اصبح من نصيب ولايات بعينها دون البقية
لكن نقول لكم الخرطوم مابلد زول ولا بلد قبيلة الخرطوم للجميع شئتم ام ابيتم
والرهيفة التنقد


#1007358 [كاكا]
5.00/5 (4 صوت)

05-18-2014 11:36 AM
الشرطة السودانية فالحة بس في النساوين و المستضعفين من ناس المعايش ما عندها شغلة مع (الرجال) عينة ايلا ولا الرباطة عينة نافع ولا الحرامية عينة الخضر ولا النصابين عينة المتعافي لو في حملة صحيح فابشرن يا بنات الخرطوم وياستات الشاي والباعة الجائلين وكل من يفرش بضاعته الحلال بايام حالكة ...لقد سقطت الشرطة السودانية في عين المواطن اذ تتلقي الصفعات والشلاليت والاهانات من جهاز الامن ومليشيات البشير و تفش غبينتها وتستعرض في الضعفاء والعزل والابرياء ... عندكم ايه غير االكشات والجلد ومصادرة الدرداقات والطواقي وكبابي الشاي والفول والتسالي ؟؟؟ وحين يقتل طالب امام اعينكم تعملو رايحين من القاتل وهو امام اعينكم مدجج بالكلاش لا تستحقون شرف الزي الذي ترتدونه يا جبانين


#1007287 [abusami]
0.00/5 (0 صوت)

05-18-2014 10:51 AM
أعيدوا النظر في موقفكم تجاه الشعب أولاً وأنظروا في سلوككم تجاهه أثناء إنتفاضة سبتمبر سيسألكم الله عن المجازر التي إرتكبتموها في حقه وبعد ذلك تعالوا وتحدثوا عن الأمن تتقنون التعذيب وقتل الأبرياء الذين يطالبون بأبسط حقوقهم وتعجزون عن حماية الطلاب الأبرياء من إستباحة رباطة الجبهة الإسلامية ألا تستحون من أنفسكم حين تنظرون إلى وجوههكم البهية عند كل صباح ... قال متفلتين والله ما في زول متفلت إلا أنتم لوءات آخر زمن


#1007253 [الحمد لله الذي لم يجعلني كوزا منافقا]
4.94/5 (7 صوت)

05-18-2014 10:32 AM
شكلهم كدا شامين ليهم ذراع طويل اخرى والا يمكن الدور دا كراع طويلة !!!


#1007252 [Humaidi]
4.88/5 (4 صوت)

05-18-2014 10:32 AM
بخصوص (الجماعات المتفلتة) بالعاصمة أحب أن أقدم خدمة لو فعلا الحكومة عايزة تحاصر هذه الجماعات في شمال ام درمان وغربها وفي كل مناطق العاصمة التي توجد فيها مباني الاسكان الشعبي وبعضها خالية، فإن كل هذه المباني التي لا يسكنها أصحابها حتى الآن تسكنها جماعات دينية تسمي نفسها (جماعة المسلمين) وهي معروفة عند الناس بجماعة (التكفير والهجرة ) هذه الجماعة تمارس نشاطاً محموماً في هذه المنطقة وهي تتلقى اعانات من جهات مجهولة توزع إليه في مساكنهم بصورة دائمة، وهم يقسمون البيوت الفاضية بين بيوت للسكن وأخرى لصلاة الجمعة (طبعاً ما يصلوا مع الناس ومساجدهم) ومساكن بعضهالتجمعات نسائية للدعاة وأخرى مدارس ورياض لأطفالهم.
هذه الجماعات تعتقد أنها تعيش في دولة الخلافة الراشدة في عزلتها من الناس .. وهي تكفر المجتمع ولا تتعامل معهم إلا ظاهرياَ..
والغريب أن رجال الشرطة بفتكروا إنوا بدل المباني تكون فاضية أحسن يسمحوا بالسكن فيها حتى لا تكون أوكار للجريمة وهذه نظرياً صحيحة، وبالتالي بيدوا الإذن للجماعة ديل عشان يسكنوا بأسرهم وبيكونوا تحت حمايتهم .. بس هم الشرطة ما عارفين الناس ديل شغالين شنو .. تحركاتهم هادئة ومريبة أحياناً . وبالطبع لا تستطيع تسأل عوائل وأسر تسكن في البيوت .. لكن بمجرد نظرة أمنية فاحصة ممكن يكتشفوا تحركات مريبة لهذه الجماعة ..
هذه الجماعة التي تشغل مباني الاسكان الشعبي في الثورات شمال ام درمان وغربها ليست قليلة بل بالعشرات .. ونشاطهم تمدد كثيراً .. ويجب محاصرتهم بصراحة


#1007236 [المغترب والمشترق كمان]
0.00/5 (0 صوت)

05-18-2014 10:20 AM
واضح أن الجريمة تتجه بقوة في الخرطوم الآن كي تصبح الآلية الرئيسية لإعادة توزيع الدخول بين سكان العاصمة. فقد بدأت تتأسس لها شركات إعادة توزيع ( إقرأ عصابات نقرز وخلافها). الحملة الشرطية حبوب بندول لظاهرة تتحول إلى جزء صميمي من هيكل النشاط الإقتصادي في " كرش الفيل" بعد 25 عام من هي لله.


#1007218 [المغترب والمشترق كمان]
5.00/5 (2 صوت)

05-18-2014 10:09 AM
واضح أن الجريمة تتجه بقوة في الخرطوم الآن كي تصبح الالية الرئيسية لإعادة توزيع الدخول بين سكان العاصمة. فقد بدات تتاسس لها شركات إعادة توزيع ( إقرأ عصابات نقرز وخلافها). الحملة الشرطية حبوب بندول لظاهرة تتحول إلى جزء صميمي من هيكل النشاط الإقتصادي في السودان بعد 25 عام من هي لله.


#1007161 [ساره]
0.00/5 (0 صوت)

05-18-2014 09:32 AM
كل لف ابن الحلييه تغطيه جاء ليه علمنا ان هناك انشفاف فى الفوات المسلحه بين عطا وبكرى ما فى شيئ بندسه الصحف السريه تنشر الخبر لكن نحن جماهير الانصار نؤيد
الامام فى كل ما فال الترابى وين هو الان الحوار انشله الامام فى كوبر انت سرقت ونهبته وغنيت وجوعت الناس وبقول الحق تودوه الحزوسه كوبر كوبر معقل الاحرار يااباليس

ومصادرة جوازات دبلوماسين ووزراء سابقين ومنعهم ا لسفر الخرطوم محاصرة السودان فى محنه اي واحد فاسد مندسى حتحلها كيف موت لو انت راجل افدم على كدة انت وين الصادق بد ا معاك حوار من وقت طويل ما فايد تحوار حراميه يعنى بس ديل حراميه تتفدم
أتفدم بنعى للفوات المسلحه فى شخصك انت عندك شنوا احسن تهرب وتفك السجناء
هل انت بتمثل هؤلاء نحن ابناء من بنوا الفوات المسلحه نحن من حاربوا فى كرن الابيه
نحن من بنوا الفوات المسلحه هذا الصرح العظيم مستمدين الفوة من جد الصادف الامام المهدى نجن نقف صفا واحد خلف الشعب اطلع كفايه أسوة بالربيع العربى ا


#1007139 [موسى الموسى]
5.00/5 (3 صوت)

05-18-2014 09:14 AM
على الشعب الخروج والطلاب وخاصة الجامعات الخروج في مسيرات سلمية واغلاق كافة دور الحكومة مثلما كان ابان ثورة مصر الاخيرة شوفوا كيف سقط نظام مبارك ، عليكم بذلك وان تكون المسيرات في كل مدن السودان دون فرز ولكن للاسف ليس لدينا قيادات تقود تلك المهمة القيادات الدولة شبعتها ماديا وقتلت ضميرها الوطني ، فهل من قيادات بمنى قيادات تسطيع قيادة مثل تلك التظاهرات ؟.

نتمنى ذلك . لأن هؤلاء احالوا حياة المواطن السوداني لجحيم والحصار اطبق على حياة الناس لدرجة يصعب العيش فيها والغلاء الذي هدد كل الوطن . السوق لا رقيب عليه .

أنا م عارف الدولة قاعدة بتعمل في شنو؟


ردود على موسى الموسى
European Union [النوباوى] 05-18-2014 02:12 PM
اها المصريين بعد ما غيروا حسنى مبارك عملوا شنو

ما رجع مبارك تانى فى شكل السيسى

موضوع مصر ما تجيبوا سيرته

حيكرهكم فى الديمقراطية ذاتها


#1007103 [ابولكيلك]
0.00/5 (0 صوت)

05-18-2014 08:55 AM
الجماعة المتربصين بالمجتمع ديل منو ديل النيقرز ولا الجنجويد ولا بوكو حرام ولا الجماعة بتاعين غابة الدندر يا الطيب الكذاب .


#1007057 [عبد الشكور]
0.00/5 (0 صوت)

05-18-2014 08:19 AM
الجبهة الثورية تريد اكتساح العاصمة الخرطوم بالتنسيق مع حزب الامة القومي حسب المعلومات المسربة الى جهاز امن الاخوان المسلمين بالسودان


#1007022 [سم الارقط]
4.50/5 (2 صوت)

05-18-2014 07:34 AM
قال اعادة النظر في منح الجنسة السودانية قال ههههههههه لا بالله اعادة النظر آآآآآاا ماتخلوها بدون اعادة نظر ! ياخي انتو عندكم نظر !!!!انا مستغرب منو البنظر في الاول ومنو البعيد النظر تاني !! الجتسية السودانية ملطشه بقت تلقاها عند الحبشي تلقاها عند التشادي عااااادي مقابل رشوة بسيطة جدا قال اعادة النظر قال !! والله مفروض اعادة النظر تكون فيكم انتو زاتكم من قبل الشعب السوداني ..والنقرز ديل شنو!! اول مرة اسمع شرطة تعترف بي عصابات متفلتة داخل عاصمة دوله لو في الولايات الحدودية نقول معليش لكن داخل اطراف العاصمة !!!! قبح الله الرشوة والفساد اصا انتشرت في بلد جعلت كل شئ منزوع البركة حتي اداء الشرطة صار ضعيفا .


ردود على سم الارقط
[مساكم خير] 05-18-2014 11:56 AM
واحد تشادي( تش تش )يعمل في إحدى دول الخليج ، قال لي صاحبنا انت تعرف انو الحصول على الجنسية السودانية أسهل بكثير من انك تتحصل على الجنسية التشادية - يعني بالعربي الفصيح كده انو جنسيتكم السودانية دي ممكن يطلعها أي واحد تشادي أو غيره . وتجئ الحكومة تقول إعادة النظر في منح الجنسية - قوموووا كد بلا يخمكم ياكيزان والمفروض انتو تسحب منكم الجنسية السودانية ويتم اعدامكم نهارا جهارا بعد ............

United States [أيام لها إيقاع] 05-18-2014 09:57 AM
تعجبني يا سم االأرقط ، بس لكن ناسك ديل البعلموا فيهو دة كلو سببوا إنهم دخلوا مرحلة(( كتلوك ولا جوك جوك ))البعملوا دة كلو ناتج من الخلعة ،، ودي نظرية أمينة معروفة لما الأمور تسوء سياسياً النظام بيحاول يعمل مداهمات عشوائية خوفاً من وجود أي تحركات عسكرية ،، و هذا ما سوف يؤدي إلى هلاك النظام الحالي ، الرعب الأمني ،، و كل ما تزيد حالات استنفار الأجهزة الأمنية تقل الثقة و يبدأ الإنهيار السريع


#1007020 [كتاحة امريكا]
0.00/5 (0 صوت)

05-18-2014 07:30 AM
كلام في كلام يا.................


#1007014 [karkaba]
0.00/5 (0 صوت)

05-18-2014 07:21 AM
ياسلام كبة كضب لان النظام خايف من عجوم الجبهة الثورية و النحرك الشعبي لان الامور تثبت دنو اجل النظام


ردود على karkaba
United States [فاروق بشير] 05-18-2014 09:10 AM
لم اجد صندوق التعليق, فعفوا كركابا. بس اضيف وربما تخشى توافد الانصار وغير الانصار بعد التصعيد ضد الصادق.



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
5.50/10 (2 صوت)




الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة