الأخبار
أخبار السودان
شكرا.. عقد قرانه رغما عنكم
شكرا.. عقد قرانه رغما عنكم


05-19-2014 06:18 AM
عواطف عبد اللطيف

• ما أضعف هذا المخلوق كرمه الله بنعم لا يقدر اي من كان ومهما حاز قدرات علمية واجتماعية ومراكز وظيفية ان يحصيها، فله الحمد والشكر من قبل ومن بعد.. تدفقت لاجلنا مشاعر الالفة والمحبة بزيارات اسرية واتصالات هاتفية وباقات ورود ملونة انيقة من اجمل ما تعج به مواقع التواصل اجتماعي، لم تخلُ من الدعاء الطيب، وحضورا لعقد قران ابني البكر "هاني".. شعرت بانني من اضعف مخلوقات الله إلا بنسيج مبارك لفنا باصدقاء وزملاء عمل وحملة اقلام من بقاع الدنيا، في هذه البقعة المباركة قطر الكريمة بأهلها وسكانها منذ ان هبطناها اوائل الثمانينيات فظللتنا بالامن والامان وراحة البال والرزق الطيب الحلال.

• نعم.. الانسان مخلوق ضعيف جدا لا يمكنه العيش سويا إلا وسط جماعات بدءا باسرته الصغيرة وصولا لمجتمع أكبر.. واكرمنا العلي القدير بعقد فريد من الاجناس البشرية جميلة وخيرة، في تفاصيلها معاني الرقي الانساني فكانوا معنا امتثالا لشرع الله اشهار الزواج كسنة نبوية كريمة، وعلى قياسها المناسبات الاجتماعية لا تصل الفؤاد وتخاطبه سعادة إن لم تتم وسط نسيج متعاف من الغرور والخبل السياسي وقصور النظر، ومن حرمهم الله العلاقات النبيلة ومن فقدوا القدرة لدعمها وتحصينها من الانهيار خاصة لمن اجبرتهم الحياة على رفع عصى الاسفار والهجرة لبلاد الاغتراب.

• وامتثالا لحكمة "بارك الله لمن جمع راسين بالحلال" وقبل يوم من كتب الكتاب ولاسباب خارجة عن ارادتنا، لاحت ضرورة ملحة لتغيير المكان من مسجد ابن عبدالوهاب عايشها معنا نفر كريم من افاضل اهل هذا البلد من اشقائنا وبلدياتنا عزوتنا، إلا فردا واحدا "تعنت زمجر ورفض" وكأنه يمتلك مقاليد الارض وما عليها، حتى ولو كان بيت السودان المتغذي من دافعي الضرائب والجبايات، لجأنا له لان علم السودان يرفرف بساريته ولموقعه المميز لضيوفنا الكرام، ولان حبات عرقنا منذ ان هبطنا هذه الدوحة بللت كل ما هو سوداني "طوبة طوبة" من بنيان هذا البيت الابيض الذي يحتكره بقراراته التعسفية المتعالية في بادرة لا تشبه من كانوا سابقا على دفته "سفراء العقد الفريد" سكنوا السفارة واوسعوا قاعاتها لنبض الزولات وهمومهم واحلامم ولملموا "السمر" الميامين وكانوا جزءا اصيلا من افراحهم واتراحهم وتفقدا لمرضاهم ومكفكفين لدموعهم واهاتهم إلا هذا!!!

• تسارعت دقات قلبي وعقارب الساعة تدق.. وملائكة الرحمن أحسبها تنادي أن يا هاني تقدم لبيتك الميمون!!! رفض مسؤول كبير بالسفارة رجاؤنا باقامة العقد بمقر السفارة السودانية بالدوحة وصلاة المغرب المكتوبة الجمعة المباركة 17 رجب!!! فرجوناه مرة ثالثة ورابعة ان يمدد اياديه ويفتح ساحة بيت السفير لأكارم وعلية قوم ماسكي مصاحف خاتمي قرآن ومبللين بقيم الاصالة وتقاليد الشهامة، حيث فشلنا في ايجاد قاعة، ويقيننا ان الزواج اشهار ويباركه الله حتى ولو تحت شجرة ظليلة ورسولنا الكريم وابو بكر الصديق والفاروق بن الخطاب ومن مشى في سيرتهم الطاهرة الى يومنا هذا.. تدفقت دعوات ان تعالوا لمنازلنا بحدائقها وقاعاتها تحت امركم جزاهم الله خيرا وفيرا والبسهم الوقار لاحتشامهم للعلاقات الانسانية حتى ولو خالفت القوانين الوضعية.

•وما ان لمس ابو عروسنا "حيدر المغوار" بمدينة مسيعيد القريبة لقلوبنا البعيدة مكانا، إلا وفتحت كل ابوابها ومنافذها ونواديها واريحية سكانها، وسار معازيمنا بالعديل والزين بنخوتهم وعجلاتهم وارجلهم وراحلاتهم افرادا وجماعات، وتم العقد بيد الماذون الشيخ أبو العينين بارك الله له وبه ولرجال العلم والقلم والدراويش والصبية وسفراء الدول الشهماء يتقدمهم "ابو فيصل" وكوكبة اصدقائنا من ذات سفارتنا وموجوعين ومهمومين من الغبش عزوتنا وناسنا، تفرجت بهم قلوبنا فرحا إلا ذلك الرجل الذي تمترس لوحده خلف وجهة نظر لا تغادر مرمى نظره "لا افتح باب بيت السودان ولا سكني لعقد قران ليأتي من يطلبه من بعدكم" وكأنه يريد ان يقف عائقا لقيم دينية اجتماعية يتدافع لاتمامها النبلاء بالغالي والنفيس وليس بالحيطان التي ارادها صماء!!!

•يا حسرتي على وطن كاد يضيع بمن لم يستدعي السيرة النبوية لتكون ديدنه، ويطوع القوانين والانظمة وفقا لمستحدثات الزمان والمكان وبحنكته يمكنه ان يلملم اطراف الثوب وجاليته ليزيدهم بهاء ورونقا.. ولن اكرر مقولة الرجل الصالح الروائي الطيب صالح: من اين جاء هؤلاء؟ ليتهم يماثلون بني صهيون، ففي القدس الجريحة كثيرا ما تفتح المعابر والكنائس والشوارع والبيوت لعقد القران، وسيرة المصطفى الامين حينما هبط مكة المكرمة فرد ثوبه المعتق من أي "نجاسة" لعجوز كانت صديقة لزوجه ام المؤمنين خديجة بنت خويلد رضى الله عنهم جميعا وارضاهم..

•ما اجمل الامتثال لشرع الله وخلق المسلمين اينما طاب لهم العيش في بقاع الارض، ليلملم ابناء وطني السمر الميامين لكنه يفرقهم بتعال حينما يجدهم في حاجة ملحة "كحالتنا" معتقدا انه سيلجم قلمنا او يرد الصاع صاعين، حينما رفضت قبل سنوات تهديده باستعمال حصانته الدبلوماسية وكثير غيره.. ولا اقول إلا حسبنا الله ونعم الوكيل وشكرا لمن حضر وعذرا لمن سقط سهوا من التنبيه بتغيير المكان وعساكم وإيانا تامين لامين.. وللحديث بقية..

همسة: بإذن الرحمن الرحيم سنسعي لغرس شجرة بدوحة الخير"قابلة للسقاية" لتكون ظل من لا ظل له.. ومدرسة لمن لم يتمدرس في فنون التعامل النبيل.. مددوا أياديكم دامت افراحكم.

الشرق






تعليقات 33 | إهداء 1 | زيارات 10326

التعليقات
#1009930 [saad ali]
0.00/5 (0 صوت)

05-20-2014 11:22 AM
يااخت عواطف : اولا مبارك عليكم - ثانيا / اذا انت كنت حقيقة عايزه تعزي ولدك كنت تاجلي العقد لين شهر 8 وتجينا نحن اهلو وولاد عمو هنا في كردفان ام خير بره وجوه وتعقدي ليهو هنا وسط اهلو وعزوتو وولاد عمه ودار اجداده وكمان يغنو ليهو ناس عمر احساس .


#1009678 [زوول ساااااااااااااااي]
0.00/5 (0 صوت)

05-20-2014 08:24 AM
والله المره دي بوباره وكل المقالات بكتبها ليها زوجها وهو صحفي معروف كدي اسالوها هي درست وين ولغاية سنه كم ؟؟؟؟؟؟؟؟
ياخي بطلي بوبار انتي من الاول لييييه عايزه تعملي عقدوا في مسجد بن عبدالوهاب عيبي لي المسجد القدام بيتكم ماااالو ؟؟؟؟ ياخي بطلي البوبار البتعملي فوقو ده .


#1009592 [بردسول]
0.00/5 (0 صوت)

05-20-2014 07:20 AM
ألف مبروك ربنا يسعدهم


#1009516 [عشان وجه السودان]
0.00/5 (0 صوت)

05-20-2014 05:44 AM
الكاتب/ جبارة محمد احمد
في فعاليات السودانيين بالدوحة في الفيس بوك


ماهي المسافة بين الحقيقة لما جاءت به السيدة/ عواطف عبد اللطيف
التي كتبت من اشارات لفظية واضحة وعديمة الاحترام لشخصية تمثل 42000 الف سوداني كرمز وقيمة ...

.
خاصة وان كلام الصحفية هذه منشور في جريدة الشرق القطرية
وبذلك استحضرت كلام الكاتب القطري الدكتور/ محمد المسفر في احداث سودانية سابقة حيث قال ( ان مشكلة السودان في ابناءه وليست في اعداءه ).
ولهذا امثال هذه السيدة عليها ان تكون قدوة ووجه مشرق لنا في عتمة السخرية وغرور الاخرين على الانسان السوداني ولكن ان تنتصر هذه الصحفية وتتفشى من اجل رغباتها الخاصة هو سلوك مشين .
حقيقة ماكتبته لم تذكر فيه الاسباب والدوافع التي منعت قيام مناسبتها في السفارة .
وبغض النظر عن اسباب الرفض خلونا نلخص هذا الاندفاع في مايلي ..
1/ هل من قبل تم اقامة عقد قران في السفارة ؟
2/ لماذا لا تلجأ للمركز الثقافي ؟
3/ حسب وجودي طيلة هذه السنوات لم احضر عقد قران في السفارة . ولهذا فتح هذا الباب والموافقة على الطلب سيجعل اخرون ينتقدون هذه الطريقة وهنا نبقى اضحوكة.

شترة
ارى ان من الواجب احترام رمز السودان وتقديره والاختلاف معه.


#1009276 [أبورماز]
0.00/5 (0 صوت)

05-19-2014 08:14 PM
أنا كنت مقيم فيى الأمارات زهاء العشرين سنه وشهدت مئات الزيجات ولم تك واحدة منها بالسفاره السودانيه .. ليه إنت بالذات عايزا تعرسى لى ولدك فى السفاره .. لاحظت بعض المعلقين المقيمين بقطر يقولون عنك أنك كوزه .. وهذا زمان تحالفات الكيزان بعضهم ضد بعض وأكيد إنت جناح على مش جناح عمر .. يا أستاذه عواطف ما تشغلينا بما لا ناقة لنا فيه ولا جمل ونتوقع منك أن تنشرى لنا فساد من لم يستجيبوا لرغبتك ولم يخافوا منك ...


#1009239 [السايح]
0.00/5 (0 صوت)

05-19-2014 07:02 PM
للأسف موضوع لا يحتاج للكتابة ...المشكلة والمصيبة الناس لا تفهم الحاصل !!!!!!!


#1009226 [ود بلد]
0.00/5 (0 صوت)

05-19-2014 06:38 PM
الله يهنيكى بهانى لكن بعيد عن السفارة وبعديين يطلع لينا واحد عايز يعمل عرس فى السفارة وواحد عايز يعمل حولية ما كنتى تعمليها في الشرتون دنقلاوية مجنونة


#1009143 [ابو خنساء]
0.00/5 (0 صوت)

05-19-2014 04:09 PM
قالت ليكم طالبت ان تمنح صالة بيت السودان لاجل عقد القران وليس السفارةقالت ليكم طالبت ان تمنح صالة بيت السودان لاجل عقد القران وليس السفارةقالت ليكم طالبت ان تمنح صالة بيت السودان لاجل عقد القران وليس السفارةقالت ليكم طالبت ان تمنح صالة بيت السودان لاجل عقد القران وليسقالت ليكم طالبت ان تمنح صالة بيت السودان لاجل عقد القران وليس السفارة السفارةقالت ليكم طالبت ان تمنح صالة بيت السودان لاجل عقد القران وليس السفارة قالت ليكم طالبت ان تمنح صالة بيت السودان لاجل عقد القران وليس السفارةقالت ليكم طالبت ان تمنح صالة بيت السودان لاجل عقد القران وليس السفارة
ياخ ساعدونا بالفهم


ردود على ابو خنساء
[ود ابو زهانة] 05-19-2014 06:39 PM
ياخى ما تخاف الله وتكذب بالفم المليان ؟؟ هذا ما خطته ام العريس بقلمها اعلاه ولا انت بتقرأ بمزاجك ؟ النص التالى موجود اعلاه فلترجع اليه : ( رفض مسؤول كبير بالسفارة رجاؤنا باقامة العقد بمقر السفارة السودانية بالدوحة وصلاة المغرب المكتوبة الجمعة المباركة 17 رجب!!! فرجوناه مرة ثالثة ورابعة ان يمدد اياديه ويفتح ساحة بيت السفير لأكارم وعلية قوم ماسكي مصاحف خاتمي قرآن ومبللين بقيم الاصالة وتقاليد الشهامة، حيث فشلنا في ايجاد قاعة،) أها رايك شنو؟
كوز يدافع عن كوزة ... وكالعادة بالكذب الصراح رغم السطور التى امام اعيننا


#1009038 [سر الختم]
5.00/5 (1 صوت)

05-19-2014 02:35 PM
السيدة عواطف كوزة معروفة والسفارة طبعا تحت ادارة الكيزان من سفيرها الى غفيرها وظـنت السيدة عواطف حسب فهمها المتواضع ان ابواب السفارة ستكون مشـرعة لعقد قران ابنها لذلك أصـيبت بخيبة كبيرة عندما رفض طلبها والسفير من أوسـخ بني كوز ومع ذلك الحق معه في رفض مثل هذا الطلب الذي يفتح الابواب لطلبات اخرى مشابهة...
لا علاقة لسفارة السودان بعقد قران أحد ابناء الكيزان او الكوزات؟!!!
روحي ياعواطف بلاش هبالة وعوارة معاك...


ردود على سر الختم
[مسلم] 05-25-2014 10:51 AM
كوزة شنو ؟
دي متسلقة ساكت


#1008940 [Hussein Musa]
0.00/5 (0 صوت)

05-19-2014 01:16 PM
ياجماعة كدي روقوا شوية خلونا نفهم حاجة من الاخت عواطف..يبدوا الاستاذة ماقدرت توصل الموضوع بشكل جيد..اتمني من الاخت عواطف
ان تشرح الامر بصورة اوضح وماهي الرسالة التي تريد ان تنقلها وماعلاقة
السفارة بالامر..عموما الف مبروك وربنا يسعدهم.


#1008928 [Santo]
0.00/5 (0 صوت)

05-19-2014 01:08 PM
الحمد لله ما فهمت شئ من المقال الطويل الما مفيد


#1008913 [كفاية]
0.00/5 (0 صوت)

05-19-2014 12:56 PM
وليه يتم العقد في السفارة دا كلام غريب جدا وطبعا ليهم حق يمنعوه والا صارت صالة افراح كل السودانيين هناك بدلا من سفارة وكان من الاول يكون العقد في بيت ابو العروس لأن هذا المفروض يحصل عند كل السودانيين


#1008880 [الناس في شنو والحسانيه في شنو]
0.00/5 (0 صوت)

05-19-2014 12:27 PM
منتهيالهبل خلط العام بالخاص.يعني تطلبي من الراجل فتح السفاره لعرس ولدك وتلومي الكيزان باستقلال مصادر البلاد لمصلحتهم الشخصيه منتهي العبط


#1008808 [ابو دعاء]
5.00/5 (2 صوت)

05-19-2014 11:28 AM
لا يساوى المداد الذى كتب بة
يعنى شنو ابو ليك
كلامو صاح ، دا ما صالة افراح
وبعدين يا ناس الراكوبة مافى داعى تجيبو مواضيع هايفة زى دى
الناس فى شنو وانتى شنو ؟؟؟
العريس مبروك ليهو
بس انتى ما عندك موضوووووووووووووووووووووووع


#1008771 [زائر]
0.00/5 (0 صوت)

05-19-2014 11:04 AM
مخير الله


#1008751 [اوشي الله]
5.00/5 (1 صوت)

05-19-2014 10:53 AM
بصراحة انتي بتاعة بوابات بس ونستفيد شنو نحن كقراء من ونسة النسوان


#1008750 [marwan]
5.00/5 (1 صوت)

05-19-2014 10:53 AM
اختى العزيزه مبروك لولدك بس ياخ اهدرتى من زمن البلد الكتير فى قصه شخصيه لاتقدم ولا تاخر والسفير على حق دى سفاره ماصاله اعراس ثم شنو حكايه خافظى القران والاكارم دى يعنى باقى الناس المعاك ديل ما اكارم؟ وحافظى القران ديل ما يمشو يعقدو فى مسجد ؟ ومالها بتشبه الايادى المتوضئه واصحاب صلاه الفجر , استغرب للركوبه ان تنشر مثل هذا المقال فى هذا السياق التاريخى والبلد كلها مشاكل عشان ولدها ماعرس فى السفاره والله شئ مخجل


#1008740 [السنجاوي]
5.00/5 (2 صوت)

05-19-2014 10:49 AM
أولاً ألف مبروك
تصرف السفير سليم وصحيح مليون في المئة
أنت غلطانة وكان لابد من ترتيب الوضع قبل شهر على الأقل لهذا الفرح ولا ألوم السفير على هذا التصرف السليم
وده موضوع شخصي


#1008666 [الشاويش]
5.00/5 (2 صوت)

05-19-2014 09:59 AM
ويقيننا ان الزواج اشهار ويباركه الله حتى ولو تحت شجرة ظليلة
خلاص وقت عند القناعة دي فالقانا مالك ولا الموضوع بوبار عرسنا والله عملناهوا في السفارة


#1008646 [omer AA]
5.00/5 (1 صوت)

05-19-2014 09:43 AM
والله كثير من الناس يخلط الامور .....انا لااري اي منطق في اقامه مراسم الزواج بالسفاره او بيت السفير لان الباب ده لواتفتح تاني ماراح يتقفل.


#1008633 [ساهر]
5.00/5 (2 صوت)

05-19-2014 09:29 AM
مبروك يا أم هاني. لا يستقيم أن تفتح لك سفارة ما أبوابها وأنت توسعينهم رشقاً بسهامك القاتلة ونبال كلماتك الحارقة. لو كنت مكانك لتخيرت أي مكان في قطر إلا سفارتنا بالدوحة.

عموماً مبروك لك ولهاني وللعروسة. طبعاً كانت مفاجأة بالنسبة لي أن يكون لديك ابن في عمر الشباب، ويتزوج كمان. عيني باردة عليكم. لكن نرجو منك أن تضعي على مقالاتك أحدث صورة شخصية لك.


#1008586 [عودة ديجانقو]
4.75/5 (6 صوت)

05-19-2014 08:52 AM
كلامك الهايف ده يا أختاه ذكرنى حادثه حصلت عندنا فى (بلد الكفار) امريكا مع الفارق فى الفهم واخذ الامور.

رجل اعمال امريكى ذهب لطوكيو فى مهمة عمل وكان فى استقباله السفير الامريكى بصفه شخصيه وليست رسميه لأنه صديق وزميل دراسه ونزل مع السفير فى بيته الى ان انهى مهمة العمل ورجع.


واشنطن إستدعتهم الأثنين وقالت للسفير هذا بيت دافع الضرائب الأمريكى وليس بيتك الخاص حتى تستضيف فيه كما تشاء وتمت احالته للتقاعد....اما رجل الأعمال فأخذت تسعيره عشوائيه لأحد فنادق طوكيو وأمر ان يسدد مقابلها فترة جلوسه فى اليابان.
هذا هو العدل يا أختاه وليس ذلك الكلام الساذج وهذا هو الفرق الشاسع فى الفهم وصون الحقوق بين امريكا والسودان اللى هم الأثنين اعضاء فى الأمم المتحده.


#1008571 [سوداني]
5.00/5 (2 صوت)

05-19-2014 08:43 AM
انت لو اصيلة كان تعمل العرس في السودان لو داير الاشهار والعز اهل وكدا لكن الظاهر عليك انتي بتاعت بوبار ساكت علي العموم الف مليون مبروك للعروسين بيت مال وعيال


#1008566 [سومي العسل - الدمام]
1.50/5 (2 صوت)

05-19-2014 08:41 AM
أفلق نفسي بحجر لو فهمت كلمة واحدة ...
ياختي تكلمي عربي ...


#1008562 [عمر]
5.00/5 (2 صوت)

05-19-2014 08:39 AM
بصراحه مقال ينفس حقد شخصي ولومات نسوان منز متي كانت البعثات الدبلوماسيه مكان اعراس واتراح خاصه ام انت تمثلين رمزا وطني ونحن لا ندري عيب


#1008559 [niza]
5.00/5 (3 صوت)

05-19-2014 08:36 AM
بالله عليك من التمانيات في قطر وماعارفه تعملي مراسم زواج بعدين دا موضوع شخصي بحت جايبهو ل شنو موضوع هايف
استغفر الله العظيم اللهم لا نسالك رد القصاء ولكن نساللك اللطف فيه


#1008530 [احمد حسن]
5.00/5 (2 صوت)

05-19-2014 08:19 AM
هل المقصود عقد القران في السفارة. هذا طلب غريب جدا ومعه الف حق من منع هذا
شخصبا حضرت عقد القران في امسعيد لانني كنت من المدعويين حيث تربطني علاقة وثيقة بوالد العروس الاخ / حيدر نقد
لكن ان يعقد القران في السفارة فهذا اغرب طلب اسمع به


#1008529 [عباس عثمان]
5.00/5 (3 صوت)

05-19-2014 08:18 AM
يعني السفارة حتكون زي صالة أعراس وزى ما سمحوا ليكي يعني حيسمحوا للجميع. يعني الي عنه عيد ميلاد بقي حيعمل هناك


#1008521 [ابوغفران]
5.00/5 (2 صوت)

05-19-2014 08:13 AM
امراة سودانية طيبة , فرحانة بولدها ربما اكثر من اللازم . دايرة بالسفارة شنو دى الطير مابحب يرك فيها .اوعك تانى تعملى كدة ومبروك عليك وانشاءالله بيت مال وعيال وياحلالى القبلى شال


ردود على ابوغفران
[freedomfighter] 05-19-2014 11:30 AM
والله انت اكتر السودانيين سودانوية نظرت للموضوع من زاوية ايجابية و طيبت قلب الولية الله يسعدك و يجازيك خير.


#1008519 [سفيانوف]
0.00/5 (0 صوت)

05-19-2014 08:12 AM
و الله موضوع لا يصلح حتى للونسة و فيه مضيعة للوقت و اتمنى من الراكوبة عدم الحياد عن موضوعيتها و التركيز على الاشياء التي تكون فيها فائدة للقارئ بدلا من هذا الكلام الخاوي من أي معنى


#1008500 [عادل عبد الحكيم]
5.00/5 (3 صوت)

05-19-2014 08:05 AM
ليش نحن السودانييين نكون فى بعض الأحيان طيبين لدرجة العباطة و لا نستطيع ان نفرق بين الخاص و العام... أعتقد ان رد المسؤول صحيح و غير كده ستكون السفارات مكانامتاحا و مباحاو لإقامة العزاء و الأفراح وكفى طيبةزايدة عن اللزوم يا ناس


#1008479 [جورج حبش]
0.00/5 (0 صوت)

05-19-2014 07:51 AM
والله ياسيدة يا فاضلة موضوعك شخصي جدا ولايستحق المكان الذي نشر فيه الراكوبة مفروض تصنف الموضوعات


#1008453 [سوداني %]
4.63/5 (5 صوت)

05-19-2014 07:28 AM
للاسف كلام مفكك ومنطق ضعيف ينم عن سبهللية وتبسيط
كيف تطلبين اقامة زواج في بيت السفير او السفارة السودانية ؟ وهل كل سوداني في الغربة عنده مناسبة سواء كانت عزاء او عرس او ختان تكون السفارة ملزمة به ؟ ما هذه الفوضى ؟
للاعراس والمناسبات امكنة محددة معروفة ولكن ليس السفارة او بيوت السفراء !!!
اللاف من السودانيين يقيمون في قطر ماذا يكون الحال لو كل احد منهم طلب اقامة مناسبة في بيت السفير او مبنى السفارة !!!!


ردود على سوداني %
[احمد حسن (رد على لينا التني] 05-19-2014 01:17 PM
دا رد على لينا التني التي ذكرت ان الكاتبة لم تطلب عقد القران في السفارة

ادناه Copy and paste من المقال المذكور ولا تعليق

رفض مسؤول كبير بالسفارة رجاؤنا باقامة العقد بمقر السفارة السودانية بالدوحة

[صباح] 05-19-2014 09:34 AM
اولا مبروك لابنك و ربنا يسعده،تانيا انت نسخة من حال ام العريس و العروس السودانية التي تصاب بالهستيريا ضد كل من لم يبذل قصارى جهده لتذليل العقبات الطارئة في مثل هذه المناسبات لسوء التخطيط منذ بداية الامر ،ثالثا السفارات و نزل الموظفين الرسميين هي ممثل رسمي للدولة يجب الا تخضع للمجاملات و المناسبات الخاصة كقصور افراح ...مبروك ...

United States [لينا عبد القادر التني] 05-19-2014 08:46 AM
والله با مايسمي سوداني % انت المفكك وضعيف وما اظن تكون سوداني ولا صفر % .....ياخ افهم اولا كلام الاخت عواطف عبارة عن لوحة ادبيه ولغة مريحة وبيان انيق وجميل لن تستطيع ان تكتب سطر منه ....
ثانيا لم تقل الاخت اقامة عقد زواج ابنها بالسفارة او بيت السفير انما ببيت السودان في الدوحة وهو بالقرب من اسبير زون ...... وهو نادي تلعب به الكشتينة والضمنا .....افهم ياخ ولا تتعجل في الحكم ...
الاخت عواطف لله درك فَهُم هكذا مستجدي نعمة وفاقد تربوي ولا نعلم من اين اتوا .....! لكن قربت شمسهم علي المغيب الحالك ولن ننسي ذلك كله وان غد لناظره قريب والف مبرووووك للابن هاني......



خدمات المحتوى


مساحة اعلانية





الرئيسة |المقالات |الأخبار |الصور |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة