الأخبار
أخبار إقليمية
حميدتي قائد الجنجويد : قواتنا منتشرة بالخرطوم لتأمينها من أي زعزعة.



05-21-2014 11:30 PM
نفى القائد الميداني لقوات الدعم السريع محمد حمدان حميدتي، صحة ما نُسب إليه من تصريحات عن الجيش السوداني عبر تسجيلات في مواقع التواصل الاجتماعي، وقال إن الجيش محل احترام وتقدير الجميع، وقال إن ما يُسرب تسريبات لشق الصف.

وأعلنت قوات الدعم السريع خلو مدن دارفور وكردفان من التمرد. وقالت إن الانتصارات التي تحققت تمت بفضل القوات المسلحة وقوات الدعم السريع.

وقال حميدتي، في لقاء تنويري لوزارة تنمية الموارد البشرية والعمل، إن المغرضين لن يستلموا الخرطوم عن طريق السلاح، وأضاف "الطريق للحكم هو الانتخابات التي سيقول فيها الشعب السوداني كلمته ويختار من يشاء".

وأشار إلى أن قوات الدعم السريع منتشرة بالخرطوم لتأمينها من أي زعزعة قد تحدث. وقال إن واجبهم تأمين حياه المواطنين.

ونفى حميدتي الحديث المنسوب إليه عبر الوسائط عن عدم وجود جيش للدولة. وقال إن القوات المسلحة السودانية ستظل مرفوعة المهمة ومحل احترام وتقدير الجميع. ووصف هذا الحديث بالشائعات المغرضة التي تهدف إلى شق الصفوف.

الشروق


تعليقات 23 | إهداء 0 | زيارات 6895

التعليقات
#1013086 [السماك]
0.00/5 (0 صوت)

05-23-2014 09:01 AM
بالله شوفوا السودانيين!! .. حتى الجياشي فيهم كيف صار يخاف من الموت .. سبحان الله .. الضباط الشجعان منهم وعليهم التعويل يكتفوا بإصدار بيان يتبرأوا فيه من الجنجويد وأنهم مش فصيل من الجيش السوداني!!

والله ده ما كان الرجا .. الرجا كان تدكوا حصون الفساد والمفسدين في الخرطوم .. والوقوف بجانب الشعب المنتهك أعراضه في الخرطوم وكادقلي والفاشر وبورتسودان وحلايب ..

حسبنا الله ونعم الوكيل ..


#1012794 [التاج محمد احمد]
0.00/5 (0 صوت)

05-22-2014 07:41 PM
والله نحن الان في حوجة من يحمينا منك
وليس في حوجة حمايتك لنا ؟؟؟؟؟؟؟؟


#1012366 [فقد المنطق...]
0.00/5 (0 صوت)

05-22-2014 12:15 PM
أعتقد والله أعلم....

إنو بشة.... فقد النطق...والأمن فقد المنطق...

والعملية العملها دي لا عملية ركبة لا حاجة....

ننتظر ونشوف...


#1012365 [radona]
0.00/5 (0 صوت)

05-22-2014 12:13 PM
ياسيد حميدتي
لا يوجد سوداني حر لا يتمنى القضاء على المتمردين المتاجرين بالحرب والذين يفتقرون لادنى درجات الانسانية والوطنية وتسببوا في الانهيار الاقتصادي بجانب استشراء الفساد الذي لايقل شانا منهم فكلاهما سواء بسواء خنجر مسموم على صدر الوطن
نحن نؤيدكم في دحر المتمردين .. ولكن ليكتمل تاييدنا لكم يجب ان تكونوا من الجيش السوداني الجهة الوحيدة المول لها القيام بمهام قتالية داخل وخارج السودان .. حتى لا يلتبس الامر على الشعب السوداني ويطلقون عليكم اسم الجنجويد لان اسم الجنجويد له دلالات ومعاني يمقتها الشعب السوداني جميعه ولانها سبب خنق السودان بقرارات مجلس الامن والمحكمة الجنائية
اذا لم تنف من قبلكم تهمة الجنجويد هذه فحتما سيقوم المجتمع الدولي بتنشيط قرار مجلس الامن 1593 تحت افصل السابع الذي يتيح استخدام القوة الجوية والبحرية والبرية كما سيقومون ينشيط اجراءات المحكمة الجنائية ومدها بالقوة اللازمة لمطاردة المطلوبين وذلك بلاء عظيم لا يستثني احد في السودان وكانت تجربتا العراق وليبيا خير مثال لمثل هذا السيناريو ولا انسى ان اشير ان هنالك جهات اقليمية تملك من المال والمقدرة السياسية يمكنها تمويل مثل هذا العمل من وراء الكواليس وفي الغرف المظلمة خصوصا بانهم يعتبرون النظام الحاكم في السودان مولود من رحم جماعة الاخوان المسلمين التي لم تعد مقبولة شكلا ولامضمونا في الاقليم المحيط في السودان هذا اضافة للريب والشك الذي يكتنف علاقة السودان بايران لذلك نرجو عدم استبساط الامور وحصرها في تحديات التمرد الذي يهدف الى جر رجل النظام السوداني الى الهاوية
شفت كيف ياسيد حميدتي الموضوع خطر جدا ولا نريدك في لحظات عنترية ونشوة انتصار ان لا ترى بعيدا جدا وتحسب الامور بدقة وواقعية .. اللهم هل بلغت فاشهد


#1012154 [أبوديك الديناري]
0.00/5 (0 صوت)

05-22-2014 09:39 AM
همباتي حرامي وما سوداني يا كذاب من مالي والنهابي التاني هلال ما ابن عمك بالعمومية البنعرفها صاح قبيلتكم واحدة وهي قبيلة في تشاد ومالي والنيجر والسودان وانت مولود في مالي ...


#1012142 [فيصل أحمد عمر أحمد الرياض]
0.00/5 (0 صوت)

05-22-2014 09:26 AM
ارمى قدام ايها القائد الهمام ارمى قدام ياحميدتى ولايهمك وزى ماقال المثل عندنا (الكلب ينبح

والجمل ماشى) ارمى قدام ياجمل الشيل الناس حارسين ليهم المداخل والمخارج وطولة اللسان وفلة الاحسان

عند كثير من السفهاء والعوام وفى الحقيقه ومنافقى المدينه كثر ربنا سبحانه وتعالى قال لرسوله

(ومن اهل المدينة مردوا على النفاق لاتعلمهم نحن نعلمهم ) انت ياحميدتى ( اسد ودونك الثعالب فدع

الثعالب تنظر فضلة السباع ) عاش السودان واحرار السودان ولانامت اعين الجبناء


ردود على فيصل أحمد عمر أحمد الرياض
[بابا حلفا] 05-22-2014 05:59 PM
اخخخ انا كان الم فيك يا فيصل الكلب
ارمي قدام يرموك في نهار جهنم
انتا قايل روحك سوف تسلم من النار اللتي يقودها الامن والجنجويد الله لا بارك فيهم ولا فيك
سقطت سقطت يا كيزان
اللهم ارنا فيهم يوما اسودا طويلا لا غياب فيه وعجل بفرجك القريب علي من ظلموا واستباحوا دماء السودانيين
اللهم انتا عالم ببواطن الامور افتنهم ببعضهم واخرجنا سالمين امين يا رب العالمين

[بت دارفور] 05-22-2014 05:30 PM
الظاهر عليك حار بيك الدليل يا كوز .ارمى قدام ايها القائد الهمام ارمى قدام ياحميدتى ولايهمك وزى ماقال المثل عندنا (الكلب ينبح

والجمل ماشى) هههههههههههههههههههههههههههههههههههه كفاية اللعب بعقول الجهالين

European Union [بت قضيم] 05-22-2014 02:57 PM
كوز منتن حقير


#1012085 [محمد]
0.00/5 (0 صوت)

05-22-2014 09:00 AM
حميدتي لا اكثر من كلب ينبح وسيادوا نايمين في الكندشة تمنيت لو حميدتي نفسه يقرأ تعليقي ليفهم


#1012029 [sudani]
0.00/5 (0 صوت)

05-22-2014 08:24 AM
والله يا جماعة شغلة غريبة ..بالله حميدتي راع جمال ولد صغير سايت بقي يامن العاصمةبـــ7 مليون نسمة و الله صعب....اتى ليحمي الخرطوم حضر ليامن الخرطوم واحياء العاصمة و الدستورين و رجال الاعمال و السفارات و تامين الاحياء الراقية من اي شغب,,يا السلام.....ارجعوا للتاريخ ليس اول مرة بان ياتي شخص من غرب السودان لقيادة جيش او حماية المناطق في الشمال النيلي. الخليفة عبدالله التعايشي رحمه عليه و عدد من القادة الميدانين انذاك مثل السلطان علي دينار فعلوا ذلك قبل حميدتي,,,و كذلك حديثا مع وصول الكيزان للسلطة تم استخدام ابناء الغرب لتوطين نظام الجبهة الاسلامية الفاسدة للاسف,,,,و كل هذا يوضح ان اهل الغرب لو اتحدو و اجتمعوا فيما بعضهم فسوف يكون القيادة لهم وجود عدد هائل من الفرسان و المناضلين سوف يعزز فرص تمكين ابناء كردفان ودارفور من نيل حقوقهم التاريخية مع وجود مناضلين جبريل و عبدالواحد و حميدتي و بخيت دبجو و موسى هلال و اركو مناوي و قيادات المسيرية و الحمر و الحركة الشعبية شمال في كردفان....و عدد من القيادات الشبابية الاخرى في الداخل و الخارج.....اذا حصل اتحاد سوف يذهب الكيزان الف ضحية و سوف يتم تنسيب نظام ديمقراطي يعزز الحكم الرشيد و التوزيع العادل للموارد و السلطة و ينهي مشكلة الهوية في السودان......اتحدوا ياهل الغرب اتحدوا يا ولايات الطرفية.


ردود على sudani
[بابا حلفا] 05-22-2014 06:04 PM
تعليقك نتن وقبيح مثلك
هسع البلم المناضلين عبد الواحد وجبريل ومناوي بحميدتي وهلال شنو ؟؟؟
هو تعليق عنصري ضيق غبي مثلك يا صاح
واذا حصل اتحاد ؟؟؟ اتحاد الغرب بس ؟؟؟
ياخ خاف الله واكتب واعلم ان ما تسطره اناملك انتا مسائل عنه يوم لا ينفع غربك ولا صليبك
السودان واحد وسيظل واحد بغربه وشرقه شماله وجنوبه


#1012000 [hassan]
0.00/5 (0 صوت)

05-22-2014 07:57 AM
طيب لو الجيش محل احترام انت جاي ليه

هو الجيش والشرطة بجلالة قدرهم ما قادرين

يوفرو الحماية للشعب وتجي انت توفر الحماية للشعب

ما لكم كيف تحكمون


#1011969 [كاكا]
3.00/5 (1 صوت)

05-22-2014 07:34 AM
هسي حميتي يعرف اقول كلام زي المكتوب فوق ده !!!! هسي حميتي بعرف كلمة انتخابات معناها شنو ؟


#1011939 [صوت العقل]
5.00/5 (2 صوت)

05-22-2014 06:50 AM
الكواريك دى فى شنو حمتى دا درش الحركاتالمسلحه وشال عرباتهم دى كل الحكايه فيقو


ردود على صوت العقل
European Union [بت قضيم] 05-22-2014 03:00 PM
الله يدرش. عظامك ذي ما درش عقلك يا كتكوت


#1011903 [ود احمد]
4.00/5 (1 صوت)

05-22-2014 05:41 AM
الدليل ان ما في جيش في السودان هو عدم تحرك الوحدات العسكرية إبان حركة خليل في ام رمان والدليل الثاني وجودكم لتأمين الخرطوم لان الجيش اما غير موجود أصلا اولا يثق به


#1011891 [ابوبكر علي عمر]
0.00/5 (0 صوت)

05-22-2014 04:57 AM
السؤال المهم
هل مسؤلية حماية العاصمه مهمة الجيش ؟؟؟
أم هذه القوات ؟؟؟
لماذا هذا الدعم الإعلامي لهذه القوات في هذا التوقيت؟
الجيش ده ياأخوانا مش تابع للحكومه
والله ياكيزان حيرتونا معاكم دايرين تعملو شنو في البلد دي!!!!
الله يسترنا منكم


#1011885 [abdallah]
4.00/5 (2 صوت)

05-22-2014 04:41 AM
هل قوات الدعم السريع ستكون بديل للجيش واذا حدث انقلاب ونجح هل ستتقاتل قوات الدعم السريع مع الجيش ام ستنضم للجيش..علما بان قوات الدعم السريع معها اسلحة متطورة جدا يمكن ان تهدم الخرطوم كما هدمت حلب


ردود على abdallah
European Union [تعليق] 05-22-2014 01:18 PM
ههههههههههههههههههه قال مطورة عربية فيها كم واحد دانا واحدة بتفرتقهم حتي واحدة او صاروخ من اسرائيل ذي الضربت الخرطوم ... يعني الارهابيين ديل اقوي من جيش القذافي ...اه رفعتو التمام لرسول الله ولا لسه ....اسواء حقبة للسودان في تاريخه...يعني انتو تحمو المواطن من شنو والاسعار نار في نار والاقتصاد منتهي تحمو شنو بالضبط لو حميتو لينا الاقتصاد ان شاءالله تسلموها يوم القيامة حلال عليكم لكن سرقه ونهب واغتصاب عشان ترفعوها للرسول هذه قمة الكفر والفسوق والفجور ان شاءالله ربنا هو براه سوف يهزمكم .... ماعلينا الا ان نرفع ايادينا لله بان ينصرنا علي القوم الظالمين

United States [القرفان] 05-22-2014 09:09 AM
تعليق امني خبيث .
واضح فيه التخويف بمصير حلب وسوريا
يا شيخ هو فضل شنو في السودان احسن من خراب حلب
خليها تولع بس عشان مافي كوز يفضى للسرقة والنهب كلنا نكون مشغولين بالقتال والموت والحياء
بدل ما تعيشوا انتوا وتنعموا بخيرات البلد وحدكم كلنت نتساوا وتموتوا زينا
تفووووووووو على كل كوز ولعنة الله على من ساندهم او والهم
وقسما وعظما ما حنخلى حتى مذيع نشرة الاحوال الجوية في تلفزيونكم الوسخ


#1011880 [شلخو]
0.00/5 (0 صوت)

05-22-2014 04:14 AM
انت بتقول بتحترم القوات المسلحه السوذانيه؟ هو وينو الجيش؟ هو لو في جيش انت جاي الخرظوم لشنو؟ تحمي منو من شنو؟ وليييه الجيش مابيقدر يحمي الخرظوم ؟ وين جيش السودان ههههه والله زمن.


#1011879 [وروار]
0.00/5 (0 صوت)

05-22-2014 04:13 AM
والله يا المعتوه حميدتي ولا يا حمله حامل دا بكره ناس الإنقاذ ديل حيركبو الطيران ويطيرو لماليزيا وانت انا واحد من الناس ساكل من كبدتك يا طبله ام !!!!!!!!!!! لبن بدره.


#1011836 [خليفة حفتر]
0.00/5 (0 صوت)

05-22-2014 01:41 AM
لمعوا الجنجويدي القاتل الماجور بتاعكم دا و بالمرة نسونا النشالين بتاعنكم ناس والي الخرطوم ووكيل وزارة العدل وناس نافع بتاعين المخدرات ووووووو


ردود على خليفة حفتر
European Union [aboahmed] 05-22-2014 07:41 AM
يا اخوى حفتر على ذكر والى الخرطوم غسان وصل لوين بعد اثيوبيا

[ود كركوج] 05-22-2014 06:15 AM
الكيزان ديل مافي احرف منهم في صرف انظار الناس عن فضايحهم وعمايلهم المهببة زيهم.


#1011815 [ود البلد]
0.00/5 (0 صوت)

05-22-2014 01:04 AM
الترابى ما بغلب حيله
تركته العدل والمساواة اتى بحميدتى
وللتمويه دخل عمرو بن العاص السجن
السودان و غباء شعبه ...
يدفن الشعب ويبقى قاتله


#1011805 [ام دلـــــــدوم]
0.00/5 (0 صوت)

05-22-2014 12:45 AM
الســـودان حتى الانقـــلابات بقت بالعكس بدل القوات دى تقيف مع الشعب فاذا بها تقف فى صف اللصوص الحرامية اى حاجة تدهورت فى زمن الكيزان حتى الانقلابات شى يحــــير


#1011799 [ام دلـــــــدوم]
3.00/5 (1 صوت)

05-22-2014 12:34 AM
لــو انت جــاى عــلى حـق كنت اول شئ عملـــته هو القبض على عصابة اللصوص التى باعت كــــل شئ واستولت على الحكم بانقلاب ولكن ياخســـارة انت مثل كلب الصــيد تطيع ولى نعمتك وكل تامينك فى احياء كافورى والرياض والمنشــية وليس اطراف العاصمة حيث يسكن معظم نازحى دارفور الذين تقول انهم اهلك ولكن الــدولار كلمته عالـــية وهذه من مســاؤى الانقاذ اصبح الناس يبيعون كل شئ من اجل المال حتى اهلهم وعشائرهم الا من رحم ربى فهـذا الرجل يحارب فى دارفور وياتى الى العاصمة لتامين قصور من اشعلوا الحرب واول مـــرة فى تاريخ السودان اشوف قوات تدافع عن القلة الاغنياء ضد الاغلــبية الفقراء وبكـــــــدة ينطبق على مليشياتكم وصف مـــــــــــــــــــرتزقة انت اوع تكون صدقت انك عمـــيد بل عـــــبيط


#1011797 [ِAburishA]
0.00/5 (0 صوت)

05-22-2014 12:23 AM
يا ناس شبكة الشروق..انتو زاتكم اكضب من حميدتي....


#1011769 [بابكر الصادق]
0.00/5 (0 صوت)

05-21-2014 11:43 PM
هذا زمانك يامهازل فامرحي...


#1011764 [ابوطاقية]
0.00/5 (0 صوت)

05-21-2014 11:41 PM
الشاويش .. هرشوك ..



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
1.00/10 (1 صوت)




الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة