الأخبار
أخبار السودان
30 اثيوبياً يدخلون في حالة (غيبوبة) بسجن الهدى
30 اثيوبياً يدخلون في حالة (غيبوبة) بسجن الهدى



05-23-2014 09:48 AM

الخرطوم : ندى رمضان
دخل حوالي ( 30) سجين اثيوبي الجنسية بسجن الهدى بامدرمان في حالات غيبوبة وإعياء تام عقب دخولهم البلاد بطرق غير شرعية عبر شاحنات موز قادمة من إثيوبيا تم نقلهم علي إثرها إلى مستشفى أمدرمان التعليمي صباح أمس الأول. وفي الأثناء حذرت مصادر طبية من تدفق الهجرات غير الشرعية للبلاد باعتبارها مصدراً لنقل الامراض وإستشهدت ذات المصادر بظهور أنواع جديدة من الأمراض لاسيما الملاريا الحبشية
من جهته قال د. سعد النور لـ(الجريدة ) أن الأجانب دخلوا البلاد عن طريق التهريب وتدهورت أوضاعهم الصحية بسبب إختباءهم تحت شحنات (الموز) القادمة من دولة اثيوبيا وتم ترحيلهم إلى سجن الهدى بضاحية أمدرمان بعد أن ألقت السلطات الشرطية القبض عليهم بسبب الدخول غير الشرعي للأراضي السودانية ، وأبان النور أن حالاتهم الصحية تردت بسبب عدم تناول الغذاء وفقدان السوائل طيلة أيام الرحلة ، كاشفاً عن وجود حالتين لأمراض مزمنة تم نقلهم لإحدى المستشفيات الشرطية للمتابعة .

الجريدة






تعليقات 10 | إهداء 0 | زيارات 7251

التعليقات
#1014093 [ابو ياسر]
1.00/5 (1 صوت)

05-24-2014 11:05 AM
الحبش اخوان اعزاء ضاق بيهم الحال واتجهوا للسودان ومرحب بيهم فى بلدهم الثانى ، ذى مانحن ضاق بينا الحال واتجهنا للسعودية الله يلطف بينا و يكون فى عوننا جميعا .


#1013913 [shazaly hran]
0.00/5 (0 صوت)

05-24-2014 08:54 AM
هذا حالنا و حال بلادنا نسأل الله السلامة و للحبش التوفيق و ليهم التحية لانهم بيكافحوا و بيناضلو و بيغامرو من اجل حياة كريمة هنية ذاك الذي فقدوه في بلادهم لان النظام في السودان و اثوبيا متشابه تماما تهتم ببعض الاسر و الاجناس و تهمش الاخرين لذاوجد الحبش هذه الحياة في السودان لذا نحن يتوجب علينا انو نرحب بيهم ولكن بالطرق الرسمية باقامات رسمية و بعد التأكد من خلوهم من الامراض المعدية و السارية و لكن نظامنا اراد ان يقتل شعبة بالكامل فبدل ان يؤمن الحدود بهذا القوات الطائلة تفتح الحدود و تفرشها بالورود و تقول للحبش تفضلو بامراضكم و لقاويسكم و ما عندكم مشكلة و انتو سودانيون و تقتل الشعب بهذا الجيش الضخم في كل ارجاء السودان و لم تسلم منها حتى منارات العلم .
حسبي الله و نعم الوكيل و الله يجازي الكان سبب


#1013573 [ِAburishA]
5.00/5 (1 صوت)

05-23-2014 09:16 PM
أتوا بهذه الوضعية.. المفروض يودوهم المستشفى اولا.. ومن ثم سجن الهدى وترحيلهم...
** بسم الله انا جنيت ولا شنو... الكلام ده أقولو لمنو !!!!


ردود على ِAburishA
United States [mhdi] 05-24-2014 07:21 AM
انتا جنيت اكيد ؟؟
اهل البلد لاقين علاج؟؟؟؟!!!!!


#1013494 [آمال]
0.00/5 (0 صوت)

05-23-2014 06:29 PM
و بعدين معاهم الحبش ديل حيوقفوا حركاتهم دي متين نص القاعدين منهم في السودان بلا اقامات


#1013351 [شلتوت]
0.00/5 (0 صوت)

05-23-2014 02:18 PM
لك الله موطني


#1013346 [welli]
4.50/5 (2 صوت)

05-23-2014 02:11 PM
ابو الكلب حتي الملاريا حبشيه بقينا ام فكو ساكت ماعندنا شي كل شي مستورد.ان شاء الله الله يا بشه ما يلاقو ليك اسبير عجله ولا عند الطيب خوجلي.


#1013304 [sky painter]
4.32/5 (7 صوت)

05-23-2014 01:04 PM
شعب كسلان و طفس,نستورد موز؟ و من اثيوبيا؟قاتل الله الكسل و الكسالى


ردود على sky painter
United States [sky painter] 05-23-2014 07:44 PM
تااااااااااااااااااني شماعة الحكومة و نظرية المؤامرة يا فشلة؟؟؟ تعريف الكسلان: هو ذلك الفاشل الذي يتوارى خلف شماعة الظروف....المزارع الاثيوبي يزيج الجبال ليزرع مكانها موزا فيطعمكم له ...ههههههه,نترك الزراعة و نستورد الموز بحجة ان الحكومة حاربت المزارعين... منطق جاهل ههههههههههه,اقول لك حقيقة يا كسلان,لولا العامل الاثيوبي لفشلت زراعة الذرة في كل مشاريع القضارف و يموت مثلك جوعا...روح الى القلابات في موسوم الحصاد و شوف كيف يستجدى المزارع السوداني العامل الاثيوبي لياتي و يعمل معه في المشروع...و مثلك يا (مغبوب) يحمل وريقة اسمها الشهادة السودانية يتحاوم في شوارع الخرطوم من ضل لضل و من ست شاي لست شاي و عايز يشتغل موظف و يتعجرف على العمل اليدوي...كسالى و فشلة بامتياز!!!!!

United States [مغبون] 05-23-2014 04:42 PM
بل قاتل الله المتنطعين امثالك،،لما لا تسأل نفسك لما احجم المزارع عن زرع الموز في عهد الانقاذ؟ولما كان وبكثرة في عهود قبل الانقاذ


#1013254 [بعانخي]
4.50/5 (2 صوت)

05-23-2014 11:53 AM
حتى الموز مستورد من الحبشة .... ؟؟؟؟؟؟؟؟؟؟


#1013224 [ود الركابي]
5.00/5 (7 صوت)

05-23-2014 10:43 AM
انتوا بدل ما مكدسين الامن والجيش والحكومة والجنجويد كلهم في الخرطوم ما تودوهم يحرسوا الحدود دي علشان امراض الدنيا كلها حنلقاها عندنا بعد شوية لانه انتوا ما عندكم امكانيات ليها والشعب ماعنده لياقه ولا مروه ليها .. الله يحفظ السودان وشعبه .


#1013218 [عصمتووف]
4.25/5 (4 صوت)

05-23-2014 10:31 AM
موز من بلاد الحبشة شوال الويكة 700 جنية ربع الصعوط 4 جنية ونص طلب الفول 10 جنية طلب العفانات ام فتفت 12 نص كوم الكمونية 10 جوز الكوارع 30 قاعدين ليها شنو في البلد دي


ردود على عصمتووف
United States [احمد] 05-24-2014 01:07 PM
ام فتفت .كمونيه .كوارع .مرس . انا شغال جزار يا عصمتوف

United States [ركابي] 05-23-2014 12:11 PM
انا عرفته يادوبك القرد انتحر ليه لمن البشير قال ليهو حااسوقك معاي السودان ههههههههههه



خدمات المحتوى


مساحة اعلانية





الرئيسة |المقالات |الأخبار |الصور |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة