الأخبار
أخبار السودان
مطالبة باستبدال رمز السودان «صقر الجديان» بالصمغ العربي
مطالبة باستبدال رمز السودان «صقر الجديان» بالصمغ العربي
 مطالبة باستبدال رمز السودان «صقر الجديان» بالصمغ العربي


05-27-2014 10:06 AM
الخرطوم: رانيا عباس
طالب المشاركون في اللقاء التفاكري حول مبادرة «المساهمة في بناء السودان خلال العشرة أعوام المقبلة» بتغيير رمز السودان من صقر الجديان إلى الصمغ العربي لأن السودان يحتل المركز الأول من حيث التصدير. وأشاروا إلى أن المبادرة مدخل للإصلاح الاجتماعي والتسامح وكفارة إثم سياسي وإداري.وأكد رئيس مجلس إدارة مؤسسة سودان فاونديشن وصاحب المبادرة وزير الموارد المائية والسدود السابق أسامة عبد الله، أكد أن المبادرة للمساهمة في بناء السودان وتعمل للحد من الفقر وتوفير العمل والأمن الغذائي دعماً للإنتاج والإسهام في بناء وطن قوي وإتاحة الفرص والمنافذ دون الدخول في عمل تنفيذي مباشر، عبر حشد الطاقات المجتمعية والقطاع الخاص وتحسين الدخل للإسر لتحقيق تنمية متوازنة وعمالة وطنية وفق متطلبات السوق ودفع المستثمرين ومعالجة أنيميا المعلومات بإنشاء ويبكيديا، ودعا إلى تحقيق النهضة الشاملة وتضافر الجهود بهدف الإصلاح الاقتصادي الذي تتبناه الدولة دون التمييز للجهوية أو الحزبية.

الانتباهة






تعليقات 55 | إهداء 0 | زيارات 5067

التعليقات
#1023402 [بثينة ابوالقاسم]
0.00/5 (0 صوت)

06-02-2014 04:36 PM
اولا سيدي المعلق انا لست من الاتي يجدن الخرمجة ولا التعامل بها ولكن شدني ذاك الموضوع المتعلق بمنظمة سودان فاونديشن لدرجة انني كتبت تعليقي بسرعة وقمت بأرسأله ظانة انني اتحدث في ذات الصفحة المعنية بالموضوع ....... عفوا اذ انني اذعجتك لهذا الحداما فيما يختص بشعار السودان .... رجاء دعو نا من التغيير فشعارنا غرس في دواخلنا منذ امد بعيد فهو صغر الجديان فهل هنالك شعارا اقوي منه مع اعترافنا بأهمية الصمغ العربي من ناحية اقتصادية وما يدره لخزينة الدولة الا اننا سنظل متمسكين بذلك الصغر


#1018760 [واقف براى]
0.00/5 (0 صوت)

05-28-2014 06:15 PM
انا شخصيا أقترح ان يكون الشعار الرسمى صوره ل توم وجيرى وهما فى مطارده ..لانه الأقرب الى احوالنا واحوال بلادنا فنحن اخوه فى وطن واحد نحارب بعضنا بعضا لاكثر من ستون عاما..وتوم وجيرى يقطنان فى منزل واحد وهم فى حرب ضروس ومطاردات مستديمه ..


#1018357 [kordi]
0.00/5 (0 صوت)

05-28-2014 11:35 AM
القارئي الكريم أن تسمية الصمغ بالصمغ العربي لا يستند الي حقيقة لأن العالم العربي لا يوجد الصمغ أغلب اراضيها صحراء دون شجر خليك من شجرة الهشاب او الطلح ولدا يجب اعادة النظر في هده التسمية الي الصمغ الأفريقي او السوداني


#1018316 [#[email protected]$#@]
1.00/5 (1 صوت)

05-28-2014 11:10 AM
نعم يجب ان نغير رمز السيادة والقوة اّخر حاجة عاجبانا وبنفتخر بيها "صقر الجديان" ويكون الرمز الجديد خروف او حمار لاننا دولة منتجة للحمير ومصدرة للخرفان ولمن تكون شايل جواز سفرك فى مطار دولى ضابط الجوازات يضحك عليك عشان جوازك مرسوم فيهو حمار ...نمشى وين نحنا من المغسة دى.


#1018076 [زول]
5.00/5 (1 صوت)

05-28-2014 08:30 AM
القصة مافي الصقر القصة في السودان الضاع حليلك ي بلد خلاص
بعد ما ضيعتو القيم النبيله واصالتنا وخليتو كل الشعب السوداني
كلو افكر في الاختراب حرام عليكم حرامية لكن الحساب موجود
بتمشو وين من عزاب القبر ي كيزان


#1018075 [semsem Alhajar]
0.00/5 (0 صوت)

05-28-2014 08:29 AM
افصلوا السودان غيرو اسمه وغيرو شعاره وغيرو شعبه كمان بالجنجويد ...فلكم الساحة ولنا الفرجة والفلسفة والدعاء......اللهم انصرنا علي القوم الكافرين اللهم احفظ ما تبقي من فتات السودان ...اللهم افتك بالمتاسلمون شر فتك اسوةبقذافي واعوانه انك لذا بأس شديد..


#1017934 [بيكانتو]
5.00/5 (1 صوت)

05-28-2014 07:03 AM
وأشاروا إلى أن المبادرة مدخل للإصلاح الاجتماعي والتسامح وكفارة إثم سياسي و إداري .

سبحان الله ده صمغ ولآ قيام ليل


بالله عليك فتح عينك وتأمل ملامح الصورة المرفقة و أسال نفسك الصورة دى وين

وخلى الاجتماع يكون تحت الهشابة دى


#1017628 [boga peter]
0.00/5 (0 صوت)

05-27-2014 06:37 PM
بقض النظر يبقي شعار السودان ... هل تسميتة بالصمغ العربي صحيح ... بل التسمية الصحيحة الصمغ الافريقي ان السودان دولة افريقية و لذلك ان الصمغ انة صمغ الافريقي .. نحن شعب السودان سنرجع الي افريقيتنا بتغير اسماعنا العربية الي اسماعنا الافريقية الاصيلة


ردود على boga peter
[Black african] 05-28-2014 10:51 AM
كلامك صاح 100 ال 100 , السودانين اغبيا متابعين العرب


#1017618 [غسان بابكر]
0.00/5 (0 صوت)

05-27-2014 06:18 PM
تحيه طيبه للجميع..
قلنا بشه ريحنا من الأشكال دي ليه يا حبايبنا مصرين تخربوا علينا.


#1017601 [ود الدكيم]
0.00/5 (0 صوت)

05-27-2014 05:43 PM
أحسن حاجة يكون الشعار "صحن بوش" لأنكم يا كيزان الشؤم أفقرتم الشعب السوداني وجوعتوه.


#1017566 [ركابي]
0.00/5 (0 صوت)

05-27-2014 04:46 PM
ههههههههههه مفروض الخيارات تنحصر بين اتنين التمساح او الجراد رمز لسودان الانقاذ


#1017557 [مسطول]
0.00/5 (0 صوت)

05-27-2014 04:34 PM
وصقر الجديان مالو ؟؟ غيروا ليه ركبتو


ردود على مسطول
United States [مجدي البشري] 05-27-2014 09:26 PM
هههههههههههههههههههههه معلم


#1017544 [ayman]
0.00/5 (0 صوت)

05-27-2014 04:13 PM
خلونا من الشعار شوفو الأهم أولا


#1017500 [مستغرب]
5.00/5 (1 صوت)

05-27-2014 03:27 PM
انتو متأكدين شجر الصمغ ده حيكون موجود ضمن خريطة سودان موحد مستقبلا, طالما العصابة دى حاكمة حيكون رمزكم فى أفضل الاحوال المسكيت أو العشر, حليل زمن الخرتيت.


#1017499 [الفاشل اسامة عبدلله]
0.00/5 (0 صوت)

05-27-2014 03:27 PM
لاحظوا مدير المبادرة منو السيد الفاشل الكبير اسامة المبادرة دى من اسى فاشلة .
لاحظوا الكيزان كلهم ناس يتصفوا بالبلادة الموغلقة فى الغباء مع مسحة نقصان وامراض اجتماعية .
شفوا احنا حنفوت السيسى فى العملوا فى كيزان مصر والبادى اظلم


#1017493 [الشمالية]
5.00/5 (1 صوت)

05-27-2014 03:19 PM
ناس الجزيرة برضو ليهم الحق يقولو القطن لانه ساهم مساهمهكبيره وكبيره جدا في اقتصاد البلاد

ناس الشرق يقولو الابل لانه رافد مهم للاقتصاد

ناس الشمال النخيل رافد مهم للاقتصاد

ناس الخرطوم ((الجكس)) ايضا رافد مهم للاقتصاد



مافضل الا صقر الجديان وهو حقيقة يعني الكثير وليس له علاقة بالاقتصاد بالمره بل حماية الحدود والكرم والشهامة والمرؤة وكل هذه الاشياء مجتمعة عند انسان السودان من اقصاه الى اقصاه



فهمتوووووووووووووووووووووووووووووووووووووووووووو والا لا


#1017491 [داوودي]
0.00/5 (0 صوت)

05-27-2014 03:15 PM
عندي اقتراح للجماعة ديل ما تشوفو لينا جنسية جديدة وخليكم على الجنسية القديمة ، بدلو وغيرو في البلد زي ما دايريين . الشئ المحير العالم دا فيهو خطوط طول وعرض معروفة كيف واحد يغيير زمن البلد كلها .


#1017479 [ابوشيبه]
5.00/5 (1 صوت)

05-27-2014 02:59 PM
انا اقترح لو عايزين يغيرو شعار السودان من ضقر الجديان يغيروه لود ابرق والله ده طائر سوداني ميه الميه وبشبهنا وعايش معانا في البيوت ومظلوم زي الشعب السوداني ده يستحق نديه بعض الاعتبار


ردود على ابوشيبه
European Union [Kudu] 05-28-2014 08:20 AM
أحلي تعليق ود ابرق عصفور منتشر في العالم حتي انه يسمى common sparrow


#1017467 [مجروس ق ش م]
0.00/5 (0 صوت)

05-27-2014 02:38 PM
انا خايف نقوم بتغير صقر الجديان رمز العزة والقوه تنط دوله افريقيه اخري تعملوا شعار ويكون زي علم اﻻستقﻻل التي أخذته دوله النيجر علم لها وتركوا لنا علم السودان الحالي بﻻ لون وﻻ ريحه وﻻ طعم حتي ازﻻد في الييت بلخبطوا بين علم السزدان وعلم فلسطين .لو عاوزبن غيروا العلم الدﻻهه ده اﻻبتﻻنا بيهو نميري .ومافي مانع يكون اللون الذي احد مكونات العلم دلالة علي الصمغ العربي والصحراء بعد انفصال الغابه عن السودان


ردود على مجروس ق ش م
United States [mm] 05-27-2014 04:16 PM
ما تنسى كمان رمز العملة القديمة. كان عندنا رمز للجنيه السوداني حكراً للسودان بموجب الاتفاقيات الدولية. مشينا للدينار... ولمن رجعنا تاني للجنيه مالقينا الرمز.. الآن هو ملك لدولة اخرى لايمكن استرداده (بموجب الاتفاقيات الدولية)

European Union [عشنا وشفنا] 05-27-2014 03:48 PM
يا استاذ بكل صدق وبدون تحيز علم السودان الحالى من أجمل الاعلام ومعبر بشكل قوى
بغض النظر عمن أتى به .


#1017459 [باتمان]
0.00/5 (0 صوت)

05-27-2014 02:30 PM
.
زول ابو جهل بس


#1017454 [احمد حسن]
0.00/5 (0 صوت)

05-27-2014 02:26 PM
ماذا اعـدتكم لكى تكون شجرة الصمغ شعارا لدولة السودان ؟ كم يبلغ عـددالشجـرالذى ينتج الصمغ ؟ كم عـدد الأشجار الجـديدة التى تزرع خلال السنة ؟ كم يدر الصمغ من مال ؟


#1017388 [ود كترينا]
0.00/5 (0 صوت)

05-27-2014 01:23 PM
***الحق يتقال يعنى صقر الجديان ده قدم حقو نغيرو...أنا ماموافق انو رمز السودان يكون الصمغ العربى ...اقتراحى انو رمز السودان يكون.....(الركبة)...بضم الراء وسكون الكاف وفتح الباء!!!


ردود على ود كترينا
European Union [ركبة الرئيس] 05-27-2014 04:44 PM
انا الموقع ادناه بالاسم الحركى ركبة الرئيس موافق على ان يكون الشعار -ركبة -
هههههههههها


#1017378 [الكاهلي]
0.00/5 (0 صوت)

05-27-2014 01:16 PM
ايضا نطالب بتفير اسم السودان الي دوله سنار او سوبا ولا ايش رايكم يا شباب


#1017369 [حسكنيت]
0.00/5 (0 صوت)

05-27-2014 01:05 PM
إنتوا صدقتوا كلام عثمان عمر الشريف بأن صادرات الصمغ بلغت خلال 3 أشهر 3مليار دولار ؟
ونسيتو إنه عام 2007 ( كووولو) كانت 19 مليون دولار.
سنة واحدة بتاعت عطش والمحصول إدق الدلجة ، لا فى نظام رى ولا خطوط نار تمنع الحرائق
كمان العساكر والجنجويد قالوا ما عندهم شغلة غير فحم الهشاب
وإنتو ( على الط...) ماعنكم شغلة


#1017360 [عبد العزيز عبد الباسط]
0.00/5 (0 صوت)

05-27-2014 12:53 PM
انى ادعم هذا الطلب بشدة ويجب ان تشرع الحكومة فورا باجراء مسابقة للمبدعين والفنانين السودانيين لاختيار الرسم او الصورة والتصميم المناسب لشجرة الصمغ السودانى التى سوف تتوسط علمنا الحبيب كما يجب ان يتضمن تصميم العلم الجديد ادخال اللون الذهبى كرمز للصمغ السودانى حتى لا يظل يزكرنا علمنا بالوانه الحالية بعلم من يغتصبون ارضنا .
ليس هذا فحسب بل يجب على هذه الحكومة ان تكلف جميع العاملين فى مجال الصمغ بان تتم معاملاتهم مع الجميع سواء كانوا مصدرين او مستوردين باسم الصمغ السودانى .
وانى اتعجب لماذا سمي بالصمغ العربي . لماذا لم يسمي بالصمغ الافريقى مثلا !؟
عموما لا هو عربى ولا أفريقي بل هو سودانى خالص لشعب السودان العظيم . هذا الشعب الابى الذى طالما تعرض للانتقاص من حقه وتعرض للظلم من العرب ذاتهم . فلماذا ننسب سلعتنا الوطنية لغيرنا ؟
وارجوا من كل سودانى شريف ان يتبنى هذا المقترح وان يساعد فى حس هذه الحكومة لانفاذه حتى لو اختلف معها .
ويجب على الحكومة السودانية ان تصدر قرارها فورا بان يكون التعامل بأسم الصمغ السودانى وهذا قرار لن يكلفها جهد ولا مال . لكنه قرار سيادى سيسعد السودانيين.
_عبدالعزيز


ردود على عبد العزيز عبد الباسط
United States [باتمان] 05-27-2014 02:25 PM
تسلم يا أخونا أؤيدك بشدة


#1017319 [ِAburishA]
5.00/5 (3 صوت)

05-27-2014 12:15 PM
طالب المشاركون في اللقاء التفاكري حول مبادرة «المساهمة في بناء السودان خلال العشرة أعوام المقبلة» بتغيير رمز السودان من صقر الجديان إلى الصمغ العربي..

** هيع هيع هاااااااع... كلام ناس شربانين مريسة.....


#1017308 [نوار التبلدى الماهو برم]
5.00/5 (1 صوت)

05-27-2014 12:06 PM
والغريبه كمان يااسامه عبد الله شركه الصمغ العربى كووووووولها منذ تاسيسها مافى زول ولحد الان عضو فى مجلس ادراتها من كرفان الناس البيعرفو يطقو الصمغ والشايلين السعن والمكابدين العطش والضايقين قرصه النحل ايام طق الهشاب درت وكتين القش غزير العارفين يعملو خطوط النار من زمن الانجليز!على اقل تقدير يمكن يكونو ممثلين فى مجلس الاداره ولو بنفر واحد!نفس الحال ينطبق على شركات السكر العملاقه كنانه واخير شركه مصنع النيل الابيض الولايه الممتده من تخوم جبل اولياء شمالا الى اخر نقطه حدوديه فيها-المقينص-جنوب غرب بحر ابيض-مافى ولا نفر واحد عضو فى مجلس الاداره؟ ورونا ياناس الظلم دا يكون كيف؟


#1017306 [ركابي]
0.00/5 (0 صوت)

05-27-2014 12:05 PM
ههههههههههههه يعني انتوا قاصدين الشعار يكون شجرة الهشاب زي شجرة الارز بتاعت لبنان؟؟؟؟اعملوهوا شجرة المؤتمر الوطني الخبيثة احسن................الناس ديل لسه عندهم امال عريضة يصاقرونا تاني ربع قرن؟؟؟


#1017275 [ارنستو تشي]
0.00/5 (0 صوت)

05-27-2014 11:44 AM
أن شاء الله يكون الشعار الجديد باربي او تويتي
قال صمغ عربي عالم وهم


#1017273 [علي]
0.00/5 (0 صوت)

05-27-2014 11:44 AM
دي علم السودان ودي شعار السودان بعد الاستقلال 1/1/1956م

الكركدنيات (باللاتينية: Rhinocerotidae)، وتسمى أيضا الكركدن والخرتيت ووحيد قرن والحَرِيش[1] والهِرْمِيس[1]، فصيلة من الحيوانات الضخمة، يعيش ممثلوها في قارتي أفريقيا وآسيا. هذا الحيوان مهدد بالانقراض لأنه يتعرض للإبادة بسبب قرنه حيث يقال أن له فوائد طبية ما ساعد على كثرة اصطياده وإبادته, وهناك حاليا قوانين صارمة لمنع صيده, وأنشأت له محميات خاصة, ولانتزاع موطنه لإقامة المزارع عليه, كما أن هناك بعض المعتقدات الأفريقية التي يعتبر الإيمان بها كارثة بالنسبة لهذا الحيوان.


اتخذه السودان رمزا وطنيا لدى الاستقلال

ليتخلى عنه لاحقاً من اجل صقر الجديان


واليـــــــــــــــــــوم قالوا الصمغ العربي حقو نسميه الصمغ السوداني لان لا توجد دول عربية تنتجه مع السودان .


#1017246 [عنبر عمر الطيب]
4.00/5 (5 صوت)

05-27-2014 11:19 AM
الشعب يطالب بتغيير النظام وليس تغيير شعار الدولة . حلوا عننا .


#1017244 [صياد السحالى]
0.00/5 (0 صوت)

05-27-2014 11:18 AM
الزول الاسمو اسامه دا حالف ستين يمين الا ينهى البلد دى بالمره ياخى سد مروى بعد الهيلمانه والجوطه والقروض الحيدفعا اولاد اولادنا طلع مانافع وما منو فايده تذكر على البلد جيت لصقر الجديان رمز قوة السودان وسيادتها انتو بس حالفين البلد دى الا تهينوها وتزلوها وتكسروا كرامتنا ياخ والله انتو بشر غريب جيتو لينا من وين ياخ ؟؟؟


#1017239 [ابوالحسن الشايقي]
0.00/5 (0 صوت)

05-27-2014 11:17 AM
ادارة شئؤون الدوله الاقتصاديه بالمقلوب بدل التفكير في تغيير شعار الدوله لماذا لا تختطون لزيادة منتوج الصمغ العربي و ياساده هذا الي تفكرون جزء من فساد منظم يرهق اقتصاد الدوله وهو في غرفة انعاش تغيير الشعار يحتاج اموالا طائله لتغييره والمال الذي سيخصص لتغيير الشعار لماذا لا يوجه نحو انتاج الصمغ العربي وبلاش من شغل الفهلوه وايجاد وسال جديده للنهب.


#1017238 [بثينة ابوالقاسم]
0.00/5 (0 صوت)

05-27-2014 11:17 AM
نتمني ان تكون هذه المبادرة حقيقية ترمي الي ما تم زكره من مسميات بعيدة كل البعد عن التغليف والصبغة الحكومية حتي تؤدي الدور المجتمعي المطلوب وفق رؤي حديثة تسهم في تقليل اعداد الفقراء وتعين الاسر وتمحي البطالة التي قادت للكثير من المأسي المجتمعية وعلي سعادة الوزير اسامة ان لا يعتمد في تنفيذ خططه وبرامجه علي من لا يجيدون ادارة العمل الطوعي والمجتمعي فهذه امانة يجب ان يختار لها موظفين يمتازون بالامانة في القول والعمل حتي يؤدون ما اوكل اليهم من مهام بدقة لا تعرف الظلم والاستهانة بالمحتاجين الحقيقيين فمجتمعنا يحتاج الي الكثير وكثير من دور العمل المجتمعي هزمت بفعل عدم الشفافية في دراسة الحالات التي هي احق بالدعم العيني والمعنوي عموما وفقك الله في مسعاك واحاطك بمن هم صوت للحق والحقيقة


ردود على بثينة ابوالقاسم
United States [محتار] 05-27-2014 07:24 PM
يا ست بثينة الخرمجة دى شنو؟ فهمونا معاكم ما علاقة شجرة الصمغ بألاصلاح الاجتماعى و الكفارة و هلمجرا, يظهر انتو أصبحتوا سريعين جدا فى أفكاركم و المعياتكم التقدمية و احنا ما قادرين نواكب معاكم.


#1017234 [zoal]
0.00/5 (0 صوت)

05-27-2014 11:15 AM
شعارات الدول تتخذ من الموروث الثقافي وعادات وتقاليد الدول وليست من السلعة المصدرة.


#1017233 [نكس]
3.00/5 (3 صوت)

05-27-2014 11:14 AM
طيب ما بحتل المركز الاول من حيث تصدير الفساد -يعني ممكن نشوف شعار بيدل علي النشل


#1017228 [Johnson Kuku]
0.00/5 (0 صوت)

05-27-2014 11:10 AM
I want to know who named this Arabic gum and not Sudanese gum instead of being racism by saying Kordofan Gum


#1017224 [جنوبي]
5.00/5 (1 صوت)

05-27-2014 11:08 AM
صحي السرطان الوطني !
تغيير خريطة السودان , تغيير مواقيت السودان , تغيير السلم التعليمي , تغيير الاخلاق والقيم السودانية , هسي كمان صقر الجديان !! اها ان شاء الله الصمغ بعد ده يقوم براهو !!
بكره يسموهوا جمهورية الكيزان !


#1017218 [المتجهجه بسبب الانفصال]
1.00/5 (1 صوت)

05-27-2014 11:05 AM
الصمغ بلصق الجنيهات مع بعض وما بخليها تتفكك أو تهبط مقابل الدولار على بركة الله يا شباب ده اهم موضوع يواجه الامة السودانية حيث ما ان يتم تغيير الشعار من صقر الجديان الذي يطير ولا يركز على بر الى شعار الصمغ اللاصق الا وسيثبت الحال الاقتصادي مثلما ثبتت مؤخرات الانقاذيين والبرلمانيين في الكراسي يلا يا جماعة نوم العوافي ،،


#1017214 [بت قضيم]
0.00/5 (0 صوت)

05-27-2014 11:00 AM
ان كان ما توصلتم اليه استبدال شعار السودان هو من اساسيات تنمية السودان في الخطة العشرية القادمة حسب اعتقادكم فعلى منبركم السلام


#1017201 [الغضنفر]
0.00/5 (0 صوت)

05-27-2014 10:54 AM
غباء ... غباء .. و عدم صنعة

بالله في أجنبي أو حتى بعض السودانيين ح يعرفوا إنو قطعة الصمغ دي صمغ عربي و إلا حجر يفلقوا بيهو راس نافع علي نافع؟؟

صقر الجديان أرجل من جاهليل البرطمان ديل ..يا أخي خلوا لينا حاجة نتأكد بيها إننا موجودين في بلدنا..

لا حول و لا قوة إلا بالله


#1017188 [إبراهيم]
5.00/5 (1 صوت)

05-27-2014 10:48 AM
خلاص دا آخر حاجة وصلتو ليها ولو اتغير شعار السودان كل شي ح يتغير ، يعني العقيد بدل نجمتين وصقر، يبقى نجمتين وهشابة ولا صمغة..... مالكم كيف تحكمون حسبي الله ونعم الوكيل في الأفكار والمقترحات الصغييييييييييرة من أناس يفترض أن يكونوا أصحاب رؤى استراتيجية....


ردود على إبراهيم
[kushuko] 05-28-2014 12:27 AM
والله يا ابراهيم سبقتني كنت بفكر في المحنه دي عندي صاحبي رائد في البوليس يعني بدل الصقر حا يضع هشابه ولا صمغايه في كتفو واله

[مجنون] 05-27-2014 05:44 PM
ههههههههههههه قطعت مصارينى من الضحك والله ناس الحكومة فى منتهى السذاجة والجهل ماحلو مشاكل البلد بقو لينا فى الصقر والهشاب والصمغ


#1017180 [السلمابي]
5.00/5 (1 صوت)

05-27-2014 10:45 AM
اي حاجة متعلقة بالسودان القديم هؤلاء اليهود يحاولون طمسها كما دمر هذا المعتوه والفاقد التربوي اثار السودان بسدوده التي لا طائل من ورائها تمهيدا لتقسيم البلد _الناس واااعية بما تقومون به انت وعلي عثمان من سياسة يهودية في هذا البلد الطيب


#1017163 [محمد]
0.00/5 (0 صوت)

05-27-2014 10:35 AM
ممكن تكون صورة صقر بلون الصمغ صقر ذهبي ناس التصميم الجرافيكي لديهم المعرفة التامة اعطوهم الفكرة وسيعطوكم الصمغ والصقر في صورة واحدة
ففكرة الاستبدال ممكن تدمج كما ذكرنا فالصمغ لا باس منه يكون شعار للسودان ولكن يجب دمج الصورتين سويا لنحل على صقر ذهبي اللون


#1017162 [مجنون]
0.00/5 (0 صوت)

05-27-2014 10:35 AM
خلاص مشاكل السودان بقت فى الصقر جهل عجيب حلوا مشاكل البلد يا اميييين


#1017159 [مجنون]
0.00/5 (0 صوت)

05-27-2014 10:34 AM
بالله بالمرة بدلوا لينا السودان ببلد تشبه البلاد المتطورة المتقدمة بلد برا الحروب والنزعات والفقر والسياسين الجهلة لاتعرف شي


#1017156 [خال فاطنه]
0.00/5 (0 صوت)

05-27-2014 10:33 AM
نحن فى شنو والناس فى شنو


#1017153 [الراصد]
5.00/5 (2 صوت)

05-27-2014 10:31 AM
ياخي انشاءالله شعارنا يكون....كراع جدادة...بس طبقوا القوانين علي القوي والضعيف...وولوا المناصب للقوي الامين...انتهي...



خدمات المحتوى


مساحة اعلانية





الرئيسة |المقالات |الأخبار |الصور |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة