الأخبار
أخبار السودان
دراسة لضبط استخدام فيسبوك وواتساب بالسودان
دراسة لضبط استخدام فيسبوك وواتساب بالسودان
دراسة لضبط استخدام فيسبوك وواتساب بالسودان


05-28-2014 12:12 AM
أعلنت الهيئة السودانية للاتصالات أنها شرعت في إجراء دراسات فنية توطئة لإجراء المعالجات اللازمة لـ (الفيسبوك والواتساب)، منوهة إلى الآثار السالبة للمواد المخلة بالآداب والمتداولة بمواقع التواصل الاجتماعي، على المجتمع السوداني وعاداته وتقاليده.

ونفى مصدر مسؤول بوزارة الثقافة والإعلام بولاية الخرطوم ـ في وقت سابق ـ تدخل الوزارة في الأعمال الفنية الخاصة بالاتصالات العالمية لحجب المواقع الإلكترونية.

وذكرت تقارير أن وزارة الثقافة والإعلام بولاية الخرطوم، ستتدخل بصورة مباشرة لحجب موقعي "فيسبوك" و"واتساب" عبر أجهزة متطورة.

وأكد مدير الإدارة الفنية بالهيئة المهندس مصطفى عبدالحفيظ - بحسب المركز السوداني للخدمات الصحفية ـ متابعة الهيئة القومية للاتصالات لكافة المواد المتداولة بمواقع التواصل الاجتماعي.

ودعا عبدالحفيظ إلى ضرورة الاستخدام الأمثل للتقانة لمنفعة المواطن، وقال إن العديد من الدول أصبحت تعاني من المواد المتداولة بمواقع التواصل الاجتماعي.

شبكة الشروق






تعليقات 29 | إهداء 0 | زيارات 6532

التعليقات
#1018770 [صابر الصابر]
0.00/5 (0 صوت)

05-28-2014 06:38 PM
المديدة حرقتني..نبشركم عام 2015 الانترنت مجانا للفقراء والمساكين وهناك برامج كثيرة لا مقطوعة ولا ممنوعة اها بتمشوا وين...؟


#1018393 [محمد أحمد]
0.00/5 (0 صوت)

05-28-2014 11:58 AM
طظ في وزارتكم ووزيرها ودراساتكم دي فارغه من مضمونعا فأنتم لا تفكرون في إستقامة الشباب والمجتمع بقدر ما يقلقكم ما يكتب عنكم وعن فسادكم الذي فاحت رائحته وأزكمت الأنوف


#1018273 [ابو محمد]
5.00/5 (2 صوت)

05-28-2014 10:46 AM
العالم وصل اين وانت تفكرون في حجب التواصل الالكترونيالاجتماعي بين الناس
لسه بتفكرو تدخلو الحمام بي الرجل اليمين ولا اليسار .
انت خائفين من الثوراة من الثورة القادمة طال الزمن او قصر.. سو تاتي ثورة تلقي بكم الي مزبلة التاريخ . تقطعون الاتصالات بين الناس والشباب . وتحسبون ان هذا يقطع الطريق للثوار
المشكلة ليست مواد اباحية المشكلة فيكم انتم دكتاتورية وقمع وارهابكم علي الناس
اساس التربية من البيت وتقويم سلوك الشباب مهام الاسر السودانية مراقبة الابناء وتربيتهم.
مواقع التواصل الاجتماعي سيف زو حدين ماذنب الاسرة السودانية والشباب السوداني اللذي يستعمل مواقع التواصل الا في مايرضي الله . داخل وخارج السودان وسيلة اتصال سريعة ومفيدة لتبادل الصور والاراء ومقاطع الفيديو التي تتبادلها الاسر والبيوت السودانية ن الخارج لمواصل الاحبة داخل السودان .
دول الخليج لم نسمع دولة فكرة مجرد فكرة ان تحجب مواقع التواصل الاجتماعي اصبحت مجتمعات متطورة اكثر منكم .
لاداعي لتضليل والكذب واستخدام لغة قال الله وقال الرسول شعارات. تخدعون بها الناس والله يعلم ما في انفسكم فا احزروهو كفاية كذب ودجل ونفاق علي الشعب السوداني لعبتكم اصبحت مكشوفة وساعة الصفر قواة مايسمي الدعم السريع الجنجويد مابتحميكم يا ارهاب يارعاة الارهاب


#1018267 [مظلوم دائما]
0.00/5 (0 صوت)

05-28-2014 10:44 AM
المهندس مصطفى دا كوز كبير وتلقى تعليمات من جاهز الامن وهو يتكلم كلام سياسي ملفوف بجوانب الادب والاخلاق كمصدر واسباب .
رسالتى ليك لايمكن احد فى الارض ولافى السماء غير الله ان يهدى أحد للتقوى ويزين اخلاقه(واذا اجتمع الانس والجن على ان ينفعوك بشي اويضروك بشى لايستطيعون الابقدرة الله والله اكبر) بل زعمتم انكم قادرون على ذلك ولكن لن تستطيعو ابدا (رسالتى ليك ماتدخل نفسك فى مشاكل وظلم وفساد المؤتمر الوطنى بالبلاد ربنا اراد لهذه الفئة الظلمة الفاشية الجائرة بأن تنشر فضائحها عبر هذه المواقع وان تساهم فى قفلها ومساعدتهم ابتعد عنهم لانهم مغضوب عليهم وقريبون يزالو ويبدلهم الله كمابدل غيرهم كامثال قارون وفرعون واشقائه بالدول العربية وهو يعلمو ماجرابهم من دمار)
ودعوة المظلوم مستجاب فقط نقول لربنا ورين فهم قبل مماتهم وبعد وعند بعثهم مرة اخرى يارب يامحرم الظلم والفساد


#1018247 [معقوله بسسسس]
4.50/5 (2 صوت)

05-28-2014 10:33 AM
والله قروش تمويل الدراسه دي حتي لو ما نهبتوها بتكون ضاعت، حتي الامارات و السعوديه لم تستطع. و كمان بتقولوا بتتجسسوا علي المواطن!؟؟ اكبر عدو لكم هو غبائكم. بعدين الاسكايب ليه ما بتحظروه؟ مش فيهو اتصال فيديو!؟ و بسجل فيديو كمان و بستخدموه للابتزاز؟ ولا الفيسبوك فيهو يوميات البشير و ود قلبا و قرفنا الجماعه ديل؟ اما الوتساب ممكن في اي مظاهرة ترصد و تصور و ترسل؟ ابشرك بالخير طبعا ممكن تعملو حركة حركتين لكن بكون في ثغرات حنوضح كيف طريقة اختراقها و ننشر كل المعلومات عن استخدام تطبيقات بديله فاهمين؟ تطبيقات اهم شي فيها انها ( تصور و ترسل) دراستكم دي نفسي اعرف البعملوا فيها ديل نصيحين؟ من اكبر مشاكلكم الجهل لان علمكم كله محصور في جزء يسير من الدين حتي الواحد فيكم لمن يسرق ما بكون عارف تحديدا عاوز يعمل بالقروش شنو.


#1018234 [أبو ديدى]
0.00/5 (0 صوت)

05-28-2014 10:26 AM
الفيسبوك والواتساب لاتستطيعوا أن تتحللوا منهما ولابمقدور
فقه الستره أن يلجمهما وماتبقوا زى المسطول القاعد ينطط
ويصفق لمن سألهوا مالك؟! قال قربت أقبضوا!! قالوا ليهوا شنو العايز تقبضوا؟! قال الهواء ده!!!1


#1018141 [جدودنا زمان]
0.00/5 (0 صوت)

05-28-2014 09:22 AM
ياخي انتو العن من الشيطان زاتو
وحيرتو في دنيتو وآخرتو



كل مرة شاغلين الناس بى انكم حا تتخذو اجراءات ضد برامج التواصل
الاجتماعي رغم انكم مستفيدين منه اقصى استفادة
بنشركم للشائعات عبرهم لمن تحسو بى خطر او لمداراة فضيحة
وما موضوع الفتاتين ومن معهن الا صنيعة امنية(بتجسسكم على الواتس
وقد اخرجتوها في الوقت المناسب-والا فكيف تم نشر هذه التفاهات
بهذا الشكل المتسلسل-) لتشغل الناس
عن امر فساد مكتب الوالي وووكيل وزارة العدل وشحنة المخدرات
وقد كان لكم ما اردتم وهنا اقدم لكم التهنئة والتحية للشيطنة الما عادية

اها تاني الخبر الجايي متين عن انكم حا تقفلو الواتس اب والفيس بوك

كل مرة فالقننا حا نقفلو حا نقفلو زي قفلة رئيسكم لبترول الجنوب
انتو قصتكم شنو مع القفيل

عليكم الله يا ناس الراكوبة اكسرو ليهم الدش في يدهم
وتاني ما تنشرو موضوع ليهم عن قفل الواتس والفيس
الا بعد تنفيذه

وشكرا


#1018125 [ابو نسيبة]
0.00/5 (0 صوت)

05-28-2014 09:02 AM
ما تفتكروا انو الحكومة عايزة تقفل الواتسب او الفيس لمصلحة الوطن او الشباب .. الحكومة زي ما قفلت جريدة الصيحة ومنعت الصحف تكتب في الفساد والمفسدين كمان عايز تقفل الكلام في الفيس والواتسب بحجج صحيحة ولكن ليس هذا قصدها الاساسي .
فالحكومة هي تقتل وتشرد وتدمر الشباب كيف تعمل من اجل صالحهم .. عليكم الله كدى استعرضوا افراد الحكومة ديل واحد واحد هل تشوفوا فيهن واحد يجي من تجاه الخير؟ وهل تتوقعوا خير من ناس هم يكذبوا وينافقوا ويعذبوا ويشردو ويفسدو ويغتنوا ويبنوا الدور والقصور الفسيحة والعربات الفارهة هل تعتقدوا اشخاص مثل هؤلاء يكون في قلبهم مثقال ذرة من حياء او خير للغير ؟


#1018077 [ود البلد]
4.00/5 (1 صوت)

05-28-2014 08:31 AM
كداب ما عندكم اى دراسه قول نحن عايزين نحجبن عشان ازعجو الحكومه بس ما تلف وتدور يا مصطفى عبدالحفيظ بعدين انتة قاعدين ساى ما عارفين شى ولا بتعرفو شى اصلاا وما عندكم شغل انا كنتا شغال معاكم خدمه وطنيه سنه عرفتا لى السودان دا راجع لى ورا انتو بتصرفو اخر السنه مرتب 12 شهر وكل تلاته شهور بتصرفو مرتب 3 شهور دا غير نثريات السفريات الخارجيه الدولاريه لى صغار الكيزان اولاد الولاة والوزراء نهر النيل والباقين .... با ختصار الهيئه الوميه للاتصالات عبارة بورة فساد
مسكوت عليها


#1018068 [أبو الشهييق]
0.00/5 (0 صوت)

05-28-2014 08:23 AM
الجماعة ديل اتعصروا من المواقع دي وجابو الزيت ،،، دايرنها طرشة ،،، أولاد أم زُقد ،،، أها دي نحلها كيف والبلف كلو عند حميدT وحمدتي شغال بالثريا يعني لو قفل البلف علينا بوتسب وبفسبك ثريا ،،، الترابة في خشمنا حتى دي دايرين يلحسوها مننا


#1018032 [ود الركابي]
5.00/5 (1 صوت)

05-28-2014 07:57 AM
يامهندس مصطفي اولادك رأيهم شنو في الموضوع ده اصلوا الموضوع اصبح ادمان زي السجائر والتنباك .. برضه ماحاتقدروا السنه الجاية كله حيكون بالمجان .. غيركم كان اشطر العبوا غيره .


#1018003 [الشعب المقهور]
4.00/5 (1 صوت)

05-28-2014 07:41 AM
كدى حاربو لينا الفساد اول..


#1018002 [كتاحة امريكا]
0.00/5 (0 صوت)

05-28-2014 07:41 AM
كلبشوها يا معفنيين


حرامية وكلاب


هي لله

هي لله

الله اكبر


في النهاية


لا نعرف الله


لا في الدين ولافي الحين


#1017996 [boga]
5.00/5 (1 صوت)

05-28-2014 07:36 AM
يعني بالواااااااضح كدة في تجسس حاصل علي خصوصيات المواطن السوداني البسيط .


#1017897 [وحيد]
0.00/5 (0 صوت)

05-28-2014 06:30 AM
الانظمة الفاشستية الفاشلة لا تفكر و لا تقدر بل تعمل باسهل الطرق القمعية: المنع و الحظر و العتقال و القتل.
حكومة بني ابليس في السودان لا يهمها اخلاق الشعب السوداني - فهي من افسد اخلاق الناس - لكن يهمها انتشار فضائحهم و بلاويهم و اخبار فسادهم و تنامي حركة المعارضة


#1017891 [hassan]
0.00/5 (0 صوت)

05-28-2014 06:23 AM
لمن دراستكم تكتمل تكونو انشالله في خبر كانا

الحمدلله عندنا وزيرة لمواقع التواصل

ما عندها شغلة غيرها

بالله لو عندكم ميزانيات اعملو لينا دراسات تودي البلد دي لقدام

ما تمسكو الفارغات تقعدو تلوكو فيها

والله الوزيرة دي ما عندها موضوع وفارغة لابعد حد

انت عارفة ان شركات الاتصالات عايشة علي كدة وخسائرها حا تكون كم

انت جربوعة ساكت شايلك الحماس وعايزة ليك حاجة يتونسو بيهات الناس وتظهري

في الزمن الضايع


#1017883 [Abdulla Eed]
1.00/5 (1 صوت)

05-28-2014 06:10 AM
المافيا الدينية .... وفضائياتها


هؤلاء شيوخ انتهازيون وهذا الإنتهازية ظهرت عندما قالوا: خذوا من ثقافة الغرب ما يصلح لكم واتركوا منها ما يفسد احوالكم .
نعم اننا امة انتهازية نعيش على فتاة الغير وفي المقابل نصدح بالمواعظ الدينية والأخلاقية من على المنابر ومن على شاشات التلفزيون وهي اصوات لا تسوي حبرا على ورق...امة تعيش على الكذب والدجل والزور والمكر والخداع وتربي اجالها على الحقد والكراهية لكل ما يخالفهم ثم يعودون ليخبروننا بانهم افضل امة اخرجت للناس فياللجهل ويالتفاهة والوقاحة.



رغم عدائهم الشديد والمطلق للغرب والتكنولوجيا والحداثة والحضارة ومفرزاتها ورفضهم لها، ولكل ما يمت للمدنية بصلة، فإن شيوخ الصحوة لا يتورعون عن التطفل على، وسرقة مخترعات الآخرين، وإنجازاتهم، واستغلالها في عملهم الدعوي والصحوي والتحريضي، ورغم أن ذلك تشبه واضح بالكفار، وتقليد لهم، كالجلوس في استديو، والتحدث، والظهور في وسائل الإعلام، واستخدام الميكروفونات، والكهرباء وكل مخترعات الغرب العلماني، ورغم أن صحراءهم وبيداءهم التي دلفوا منها لم تقدم شيئاً من هذا القبيل للإنسانية،



وأستغرب حين أرى زعماء الصحوة جالسين في الاستديوهات تماماً مثل الكفار والنصارى يلبسون مثلهم وبتحدثون للناس ويعونهم للدين وهذا مخالفة واضحة للسنة.


#1017867 [خاطره]
0.00/5 (0 صوت)

05-28-2014 05:35 AM
هذه المواقع ذات فائدة لمن يبحث عن الفائدة ومدمره للباحث عن الدمار. ولكن مشكلة الحكومة معها ليس في موادها المجلة ولكن لانها كشفت كل فساد الحكومة وبالادلة القاطعة. عايزين يرجعوا المواطن للعصور الوسطي بوقف هذه الوسائط ومنع الصحف من الكتابة في مواضيع الفساد. مشكلتهم ليس في انتشار الفساد لانهم مبسوطين من هذا لكي ينشغل المواطن باي شي اخر غير الحكومة. زمن التعتيم والتكميم قد ولي بلا رجعة. حسنوا اعمالكم ولن تكون هناك مشكله مع الفيس بوك والواتساب او اي وسيط اخر. العيب فيكم يا حكومة وليس في الوسائط.


#1017844 [Quickly]
0.00/5 (0 صوت)

05-28-2014 04:54 AM
((منوهة إلى الآثار السالبة للمواد المخلة بالآداب والمتداولة بمواقع التواصل الاجتماعي، على المجتمع السوداني وعاداته وتقاليده)).؟؟!!!
بل هي لخطورتها عليكم من خلال فضح ممارساتكم وقضايا الفساد التى اصبحت تزكم وكميات المفسدين الذي اصبحوا ينكشفوا كل يوم ويتساقطون كأوراق الشجر

ندعوا كل الشرفاء من ابناء الشعب السوداني كل من يملك وثيقة او مستند تدين مسؤول حكومي او حتى صور للمتلكاتهم وقصورهم بأن يقدموها الى الشعب السوداني عبر مواقع التواصل الاجتماعي او الواتساب , فيس بوك وسوف تتفاعل تدريجياّ وتأخذ موقعها في الاعلام

النظام الدكتاتوري الفاسد اصبح واهناّ يترنح وحان وقت الاجهاز عليه
معاّ لأسقاط النظام عبر البندقية في ساحة المعركة و عبر الكلمة في الكيبورد او (مناضلي الكيبورد)
كما سماهم نافع على نافع الجبان الرعديد تهكماّ واستهزاء وقد اعترف ابو العفين مؤخراّ بخطورتهم ويعمل الآن بشى الطرق على حجبهم ان استطاع


#1017837 [مدهش]
5.00/5 (4 صوت)

05-28-2014 03:18 AM
يا ريت ده يحصل .. لانو ده السبب الجدجد الحيخلي الشباب الماسك زمن بي الحاجات دي يتحرك و يطلع الشارع ضد هذا النظام الامني القمعي بعد ما يفقد الموضوع و تتقفل الوسائط دي .. يا رييييت تتقفل لو صحي رجال اقفلوها


#1017810 [kolaib]
0.00/5 (0 صوت)

05-28-2014 01:18 AM
ندى الراسطة
دى سبب البلاوى الطلعت
يجب محاسبتها اذا وجد من يعاقب



خدمات المحتوى


مساحة اعلانية





الرئيسة |المقالات |الأخبار |الصور |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة