الأخبار
أخبار إقليمية
فترة سماح «3» سنوات لتغيير الزي المدرسي الجديد



05-28-2014 10:31 AM

الخرطوم: عواطف عبدالقادر
أعلنت وزارة التربية والتعليم بالخرطوم، رسمياً تغيير الزي المدرسي وتحديد ألوان الزي الجديد، والذي يبدأ تنفيذه اعتباراً من العام الدراسي المقبل والمقرر في الثاني والعشرين من يونيو المقبل.وأكد وزيرالتربية والتعليم بالخرطوم عبد المحمود النور مراعاة ظروف الأسر وإعطائهم فترة سماح لمدة ثلاث سنوات لارتداء الزي القديم، لافتاً إلى أن الزي الجديد غير مكلِّف وأن البنين في الأساس يرتدون قميصاً أخضر «زيتي» وبنطالاً أسود، والتلميذات لبسة خضراء، أما الطالبات في المرحلة الثانوية يلبسن لبسة رمادية اللون مع طرحة بيضاء والطلاب قميصاً رمادياً وبنطالاً أسود.

الجريدة


تعليقات 17 | إهداء 0 | زيارات 3603

التعليقات
#1019100 [والي الدين]
0.00/5 (0 صوت)

05-29-2014 07:00 AM
بعد تخريج طلاب ضحايا لتجارب الانقاذ الفاشلة والذين هم اليوم يحملون شهادات لا قيمة لها في سوق العمل الانقاذي فكروا ان يعيدوا النظام القديم الافضل والاحسن لانه وضعه خبراء لن يسطيع الانقاذ ايجاد افضل منهم


#1018913 [wadmusa]
5.00/5 (1 صوت)

05-28-2014 10:33 PM
كلو بزنس دايرين يسفوا مليارات من وراء بيع الزي


ردود على wadmusa
United States [ابو الطماير] 05-29-2014 09:56 AM
صدقت يا ود موسي كل قراراتهم تحركها المصالح الشخصيه يكون موردي الزي قديم غنوا وقالوا خلينا نغني واحد جديد من جماعتنا


#1018783 [mohamed dally]
0.00/5 (0 صوت)

05-28-2014 07:56 PM
الله المستعان الحكومة شغاله فينا تغغير بس غيرو السلم التعليمى غيرو العمله مرتين ودمرو اقتصاد البلد


#1018748 [موجوع وطن]
0.00/5 (0 صوت)

05-28-2014 06:59 PM
المشكلة ما في الألوان يعني شنو كان غيرنا لون علم السودان إلي أسود ورمادي؟؟ وسياسات الإنقاذ البربرية تشعل الحروبات القبلية من أقصي البلاد إلي أقصاه؟؟ بل وتتعقب من نجوا إلي قلب الخرطوم بأمر الدولة؟؟ والفساد يعدم كل الشعب السوداني بالفقر و الجهل وتدمير مؤسسة الدولة؟؟؟ البلد لا يحتاج لتغيير شكلي كالحوار الوطني الفارق من محتواه و الذي أول ما إلتهم أكل بنيه المؤمنين بجديته فراحوا ضحية إعتقادهم قابعين في المعتقلات عند أول (teste) لإيمانهم بتلك الحيل فأصبح شغلهم الشاغل إطلاق الصراح والحوار الوطني و قضية الشعب مراحل تالية...لا أحد يرجو منكم التغييرات الشكلية فيكفي ما عشناه من تغيراتكم الموضوعية بالتعليم والتي أماتت التعليم سريرياً و بشهادتكم؟؟؟ أرحلوا ودعوا الشعب السوداني يعيد للتعليم ولجميع أوجه الحياه روحها؟؟ فالإعتراف بالخطيئة يجب أن يعقبة الإعتذار للشعب و الترجل عن المسئولية...


#1018695 [سودان جديد]
0.00/5 (0 صوت)

05-28-2014 05:46 PM
اخواني بالراكوبة
بتتكلمو وبتنتقضو في المسئولين وبتقولو المفروض يكون التغير في الجوهر والمفروض اللبس يكون مناسب لطقس السودان وكلو عبارة عن نقض بناء
بس المشكلة الحكومة ما بتعين ناس فاهمه وواعية عشان يعرفو انو في شي اسمو جو وطقس ولبس عاكس للحرارة ولبس فضفاط مريح ويسمح بالتهوية
الحكومة بتعين في الزنابير والحمبرات والهبنقات والهطلات
ديل راجين منهم شنو


#1018658 [زول وطني غيور]
0.00/5 (0 صوت)

05-28-2014 04:52 PM
زي شنو؟ الحكاية هي شكليات ساكت وين الجوهر؟؟ لماذا لم يتم إعادة السلم التعليمي القديم ؟؟ ولماذا لم يتم تعديل المناهج ؟؟


#1018549 [Teacher]
0.00/5 (0 صوت)

05-28-2014 03:14 PM
افضل من المبرقع!!


#1018520 [بيكانتو]
5.00/5 (1 صوت)

05-28-2014 02:51 PM
بس كده
نفسيا غير مريح اتخيل لابس قميص اخضر زيتى و بنطلون اسود ** شغال فى عصارة زيت **
البنطلون بنى و القميص بيج للأساس و ابيض للثانوى
و البنات عفريته رمادى بقميص وردى وطرحة بيضاء للأساس و قميص ابيض للثانوى وطرحة بيضاء

و التفصيل يكون بمستوى مش قميص فى شكل عراقى و بنطلون بشكل بردلوبه


#1018513 [الزول البيعرف احسن م الحكومه]
5.00/5 (1 صوت)

05-28-2014 02:47 PM
طيب .. ايه كان لازمة العبث من ألأول! اهو المرحلة المتوسظه رجعت اخيرا والحمدلله .. ان ترجع اخيرا احسن مما ما ترجع. واهو الزى المدرسى فى طريقو الى العودة الى حالو.. ايه كان لزوم الهرجله يا سبدرات ويا من زينتوا له الهرجله. السؤال :هل سيظل المعتصم عبرحيم نقيب للمعلمين؟ بالله موش حقو يتوارى ويحتجب الى مزبلة التاريخ والحغرافيا اللى اندغمت فى عهده المشؤوم وسط ركام ."نحن والكون" اللى برضو ذاهب الى غبر رجعة.. اها ألأطالس لا بد من عودتها كمان ما تنسوها!!!


#1018444 [الخدمه المدنيه]
0.00/5 (0 صوت)

05-28-2014 01:49 PM
ماهو الزي للمحلة الدراسيه الثالثه ؟؟؟؟؟؟؟؟؟؟؟؟
مش قالو حيرجعو لي 3,3,6 ؟؟؟


#1018442 [ahmed]
0.00/5 (0 صوت)

05-28-2014 01:47 PM
اصلا في البلدان الحاره مفروض الوان فاتحه وتصميم ملابس واسعه-يعني الابيض انسب مع سمارة البشره وهو ليس لون ننفر منه بحجة انه سريع الاتساخ!


#1018342 [FadlAllah]
0.00/5 (0 صوت)

05-28-2014 12:29 PM
المهم تغيير الجوهر لا المظهر
غيروا المنهج


#1018294 [adilnugud]
0.00/5 (0 صوت)

05-28-2014 11:56 AM
اذا كانت هنالك نيه بارجاع مرحلة التانوي العام لماذا لم يذكرو لها لبسا.......


#1018218 [كيس الموز التحت السرير]
0.00/5 (0 صوت)

05-28-2014 11:16 AM
ومن الذى قام بأختيار هذه الالوان ؟ وأول مره اسمع لون أخضر زيتى ؟ يجب ان تكون الالوان تناسب طقس السودان الحار . الالوان الداكنه بتجذب الحراره . اللون الازرق يناسب االجميع .


ردود على كيس الموز التحت السرير
United States [كومار سلفرا يز] 05-28-2014 01:35 PM
والله انتا بتبالغ جو شنو بلاي يعني معقول فكرو في الجو والسخانه والقصص دي لا لا ياخ ياخ دي كتيره بكون العبقري الاخترع الاخضر الزيتي والاسود ديل قاليهم عشان مابظهر فيهو الوسخ وغالبا بكون خلفيتو عسكري



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
0.00/10 (0 صوت)




الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة