الأخبار
أخبار إقليمية
برلمانيون: تجاوزات مالية ببنك الثروة الحيوانية
برلمانيون: تجاوزات مالية ببنك الثروة الحيوانية


05-28-2014 10:21 AM


البرلمان: سارة تاج السر
تقدم 3 نواب برلمانيين من الخرطوم وكردفان ودارفور، بشكوى رسمية ضد إدارة بنك الثروة الحيوانية واتهموا الإدارة بارتكاب تجاوزات مالية وبيع أصول بدون استشارة المساهمين.. في الأثناء قال رئيس لجنة المظالم والحسبة الهادي محمد علي إن لجنته تعهدت بالنظر في الشكوى وأشار الى أنه في انتظار استلام الوثائق تمهيداً لرفعها للمراجع العام للبت فيها واتهم النائب البرلماني مهدي أكرت أحد مقدمي الشكوى إدارة بنك الثروة الحيوانية ببيع أصول أرض زراعية تقدر بـ3 ألف فدان بعد تحويلها الى أرض سكنية بجانب بيع القطعة 94 بالمويلح بدون الرجوع للمساهمين وكشف أكرت عن تجاوزات ارتكبتها إدارة البنك تتمثل في بيع أصول قطعة بمدينة الأزهري بـ(3) مليار وهنقر بـ3 مليار بينما تبلغ قيمته في السوق المركزي 15 مليار والقطعة 87 بقاردن سيتي بقيمة 9 مليار بأوراق وسندات فيما تبلغ قيمتها 5 مليون دولار، إضافة الى بيع زريبة الشيخ أبوزيد بـ3 مليار وقيمتها أكثر من 100 مليار وتعهد أكرت بتقديم وثائق تدين إدارة البنك من 50 صفحة وأكد رئيس لجنة المظالم والحسبة الهادي محمد علي استلام شكوى شفهية من أفراد ذات علاقة ببنك الثروة الحيوانية بعضهم مساهمين وتجار مواشي في منطقة المويلح، وقال علي: مقدمو الشكوى اتهموا بنك الثروة الحيوانية ببيع بعض الأصول المتعلقة بالبنك لسداد التزامات بدون الرجوع للمساهمين، وأن لجنته تعهدت بالنظر في الشكوى وفي انتظار استلام الوثائق تمهيداً لرفعها للمراجع العام.

الجريدة


تعليقات 23 | إهداء 0 | زيارات 5900

التعليقات
#1018725 [قرفنا1989]
0.00/5 (0 صوت)

05-28-2014 06:17 PM
لعنه الله على الكازبين جمال الوالى كذاب ليس لديه ثروة قبل الانقاذ وسيرتة الذاتيه معروفة من لحظة تاريخ ميلادةوحتى دراستة فى القاهره وكل ارشيف حياتة موجود وحين يحين لحظه الحساب نقول لة اقراء كتابك وتلك الضربة القاضية .


#1018654 [Abu albra]
5.00/5 (1 صوت)

05-28-2014 04:50 PM
ديل كان لقوا ناقة سيدنا صالح لاكلوه تقول لي يعرفوا حساب أخرة ديل بيقوا ماس دنيا سااااااااااااااااااااااكت


#1018630 [ود كترينا]
5.00/5 (2 صوت)

05-28-2014 04:34 PM
*** نيابة الصحافة تأمر بحظر النشر فى قضية تجاوزات بنك الثروة الحيوانية!!!!


ردود على ود كترينا
United States [جديد * جديد] 05-28-2014 07:44 PM
لا لا لا جمال الوالي كان شغال في مستشفي المستقبل في المملكة العربية السعودية - جدة
كان شغال هناك مع عديلو السيد الوجيه صلاح إدريس في وظيفة مدير العلاقات العامة بالمستشفي


#1018628 [بنت الناظر]
5.00/5 (1 صوت)

05-28-2014 04:33 PM
إنتوا ماسمعتوا جمال الوالى فى اللقاء التلفزيونى فى قناة الشروق قال شنو ؟؟؟ قال هو بدأ البيزنيس من بدرى جدا وثروته دى من قبل الإنقاذ وقال بالحرف الواحد إنه الواحد لما يكون متعود على القروش زى حالته مافى شىء بيغير فيه ..جمال الوالى قال عمره 48 سنة والإنقاذ عمرها 25 سنة يعنى لما جمال الوالى كان عمره 23 سنة كان رجل ثرى...
جمال الوالى مدعى الثراء هذا مازال إسمه فى قائمة العاملين بشركة أدنوك بأبوظبى ..كان بيشتغل فى وظيفة security يعنى حارس أمنى بالشركة.... بالله فليقل لنا من أين له هذه الأموال فى ذلك العمر وفى تلك الوظيفة ؟؟؟؟


ردود على بنت الناظر
European Union [امين القارات] 05-28-2014 10:33 PM
جن يطلع عينك انت عارفك كوعك من بوعك حتى تتكلمي عن جمال الوالي

[hahaha] 05-28-2014 06:25 PM
حواشة ابوه شيخ الوالى فى تفتيش طيبة مشروع الجزيرة ترعة فداسى شرق سنة 1977 انا اتغديت فى بيت لفات كسرة وصحن سلطه وملاح ويكه ما عندهم شى بيت متواضع الكلام ده ليه 36 سنه اطرحه من عمر جمال الوالى الباقى 12 سنه يعنى لو كان ابوه شيخ الوالى عنده بير بترول ما عمل العملوا وطيب لو افترضنا عنده القروش دى انتهى من الجامعه متى وعمل بيزنس باى راس مال ممكن فى ناس فى فداسى الحليماب اكتب عن تاريخ جمال الوالى ماهى علاقة بالامن الاقتصادى تبيض اموال اسرة البشير وخاصة وداد بت الدباسيين وابراهيم شمس الدين كان ما عنده شى اسالوا مرنجان


#1018523 [غايتو]
5.00/5 (1 صوت)

05-28-2014 02:56 PM
فى لقاء تلفزيونى أشار الى أن مصدر امواله تجارة البترول قبل ضخ البترول فى السودان .
وأنه رئيس مجلس ادارة بنك الثروة الحيوانية ويفتخر بأن لا تجاوزات أو خروق خلال عمله بالبنك .
الأهم مافى غيره الراجل دا بمعنى يعنى الراجل فاضى ليدير أمواله وشركاته ونادى المريخ وبنك الثروة الحيوانية و .......و ............. و ..................وا
وأنا لا أشك فى مقدراته . بس ممكن أفهم الحاصل فى بلدنا دى شنو .
غايتو غرية والله .
قيل أن الكثير من دفعته لم تحصل على وظيفة حتى قبل خمس سنوات .
ما شاء الله ياحافظ


#1018499 [خالد حسن]
5.00/5 (1 صوت)

05-28-2014 02:33 PM
الناس دي نست الله ولا جاها علم بانه مافي حساب لا هنا لاهناك
الوالي الحرامي الذي ينهب في صمت


#1018496 [sgkejgloie]
5.00/5 (1 صوت)

05-28-2014 02:33 PM
اسرقني وتحلل


#1018418 [عنتر]
0.00/5 (0 صوت)

05-28-2014 01:20 PM
الوالي ده حرم يسف مال النبي ...


#1018388 [قلام]
5.00/5 (1 صوت)

05-28-2014 12:53 PM
جمال الواطي .. اللص الظريف

هو كان قروشو حلال المريخ دا كان وقع الوقعة السودة دي


#1018370 [radona]
4.50/5 (4 صوت)

05-28-2014 12:42 PM
معجم الفساد السوداني لتبسيط المعاني للقاصي والداني :
تجاوزات مالية = فساد اداري
ضعف المراجعة = وجود متنفذين يصعب معهم مراجعة حسابات الجهة المعنية
لجنة تقصي حقائق = محاولة لطي الموضوع وايداعه عالم المجهول والنسيان
منع النشر الصحفي = تعني ان من قام بالفساد يحمل حصانة او حصانات متعددة
مازالت التحقيقات جارية = ان موضوع الفساد شائك وله اطراف متعددة
التحلل = يعني الستر على مبدأ فسادي معروف شيلني واشيلك واستر علي استر عليك
التحكيم = يعني تجميد القانون من اجل النفوذ
كيد سياسي وتصفية حسابات = تعني علي وعلى اعدائي مثلما انكشف هذا الفساد ففساد اخر سينكشف
تجنيب الايرادات = اختلاس مقنع مثله مثل البطالة المقنعة مثلا
المال العام = هو المال السائب الذي يجده الفاسد امامه سهلا
استثمار = يعني ان المسثمر يجب ان يكون له شريك (وطني) والا .....
غشاهم الشيطان = برز الثعلب يوما في ثياب الواعظينا فمشي في الارض يهدي ويسب المكرينا مخطئ من ظن يوما ان للثلب دينا
الطبعه الاولى للمعجم


#1018293 [شقيان لما غلط]
5.00/5 (1 صوت)

05-28-2014 11:56 AM
حصل بنك أولاد الحصاحيصا


#1018286 [مش مهم]
5.00/5 (1 صوت)

05-28-2014 11:53 AM
البنوك ده اخيرا ما عندها شغل غير اللهف والجرى وراء الكسب الرخيص ويجب مراجعة اداء كل البنوك .


#1018210 [ود الواء]
5.00/5 (1 صوت)

05-28-2014 11:11 AM
ناكح الحريم دى ما فى زول بقدر عليه
شكاوى عبارة عن بندق فى بحر
الزول دى بقى بريطانى ما بتقدروا عليه
له حماية خاصة من جهاز الامن وجهات اخرى لا افصح عنها منعا للاحراج
طز فينا


ردود على ود الواء
United States [حرم الرئيس] 05-28-2014 05:03 PM
الغريبة يا ود اللواء هو البسافر مع حرم الرئيس وهو الفتح ليها حساب في بريطانيا وال 600 مليار وويكلكس وما ادراكما ابراهيم شمس الدين وعمر البشير وجمال الوالي..
وبرضك الباظت ركب الرئيس ومفروض تبوظ ركب جمال الوالئ...؟؟؟؟ اعمل حسااابك ي الوالي والله دي بوظت ركب كل الشعب السوداني خلي ركبك وركب بشة؟؟
ويا ود اللواء عليك بالوارع والمشايات واصبر والله كتلا...لزوم موية الركب وكدا...ونحن لينا الله وموية الفول هههه


#1018192 [Ahmed Elradi]
5.00/5 (1 صوت)

05-28-2014 10:58 AM
هل هذا الموضوع ممنوع من النشر فيه أم نتوقع أن تتناوله الصحافة في مقبل الأيام


#1018191 [نبض التعب]
5.00/5 (3 صوت)

05-28-2014 10:57 AM
الفاسد طوالي جمال الوالي .. أسرق وأنهب ولا تُبالي .. يا حبيب وداد الغالي .. (نجمك) دائماً عالي ومتلالئ .. بينما هبطت بمريخ النجمة للدرك الواطي .. يا واطي!!


#1018182 [mogahid]
5.00/5 (1 صوت)

05-28-2014 10:51 AM
لدي سؤالي فني .... كم تمتلك الحكومة نسبة في بنك الثروة الحيوانية لكي يتم مراجعته بواسطة المراجع العام .... حسب علمي ان البنك مساهمة وكان سابقا صلاح ادريس يملك نسبة كبيرة وهناك جهة عراقية تملك نسبة كبيرة وهي التي اتت بجمال الوالي بعد ان اشترت له اسهم ... يعني الموضوع محتاج لتوضيح ... هل هذا البنك مملوك للحكومة ام الحكومة مساهمة فقط .. حتي بعدين نشوف السرق منو


ردود على mogahid
[ود الركابي] 05-28-2014 02:50 PM
ياخي اذا ما البلد فوضي اجنبي يجي يعمل ليهوا بنك في السودان .. خليهوا يمشي اي بلد تاني ما يقدر يفتح ليهوا دكان الا بشروط شبه تعجيزية بلدنا فاسده فاسده فاسده من راسه لكرعينه ...


#1018161 [مصعب]
5.00/5 (1 صوت)

05-28-2014 10:35 AM
ده معناها محتاجين هيئة رقابه شركات مساهمه عامه . وده ضعف من سوق الخرطوم بما انه مافي هيئة في السودان. شركة الاقطان السبب فيها برضه مال مساهمه عامه . بدون رقابه .ده بصوره عامه عن شركات المساهمه العامه ولا اعني البنك.
انتو البشير مش قال انه وكيل عن المزارعين عشان الاقطان ما عندها سيد.؟؟؟ ده اسمه تملك جنائي هي عندها سيد واوراق ماليه واسهم . اها سير سير يا بشير نعمل تملق جنائي عشان اكون خبير وطني وكده .



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
0.00/10 (0 صوت)




الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة