الأخبار
أخبار إقليمية
( بلد أبوكم ) ؟!! كلاكيت ثاني مرة
( بلد أبوكم ) ؟!! كلاكيت ثاني مرة
( بلد أبوكم ) ؟!!    كلاكيت ثاني مرة


05-28-2014 11:56 AM
صلاح الدين عووضة

*أشرنا مرَّةً إلى ما قاله مسؤول إنقاذي رداً على سؤالٍ صحفي عن مصدر تمويل مجمع النور الإسلامي الضخم بضاحية كافوري..
* فقد قال المسؤول هذا للصحفي السائل إن المبلغ الذي شيّد به المجمع المذكور هو (هدية!!) من دولة خليجية..
*ثم لم يكتف المسؤول بالإجابة هذه وإنما إستطرد في سخرية لاذعة: (هو ليس من بيت أبيك)؛ ويعني بذلك مبلغ التمويل..
* أو كما قالها بالعامية السودانية: (هو ما من بيت أبوك) ..
* ولا يدري المسؤول المشار إليه أنه قد أهدى إلينا بدوره (هدية!!) تصلح أن نشيّد بها بناء كلمتنا هذه على (أساس) من الشرع الذي يرفع شعاره النظام الذي ينتمي إليه..
* فرسولنا الحبيب كان قد استفسر أحد عماله عن أثر نعمة رآها عليه فأجابه إنها (هدية) ..
* فما كان من نبينا المصطفى إلا أن قال قولته المشهورة: (هلاّ جلس أحدكم في بيت أبيه وأمه ثم انتظر حتى يُهدى إليه ؟!)..
*فإن كانت الإنقاذ ترفض ـ على لسان مسؤولها ذاك ـ أن تُحاسب على ما (يُهدى) إليها ، فمن حقنا (شرعاً) ـ كمواطنين ـ أن نحاسبها على ما (تَهدِي) من أرضنا، ومالنا، وأبقارنا، وأغنامنا ، وخرافنا ..
* فبأي حق مثلاً كانت قد فكرت الإنقاذ - مجرد تفكير- في إهداء مليون فدان من أرض الشمال لحزب الوفد المصري إستجابةً لطلبه الذي تقدم به إليها؟! ..
*صحيح أن المكتب الإعلامي الرئاسي كان قد نفى صحة الخبر المذكور ولكن قياساً إلى ما عودتنا إياه الإنقاذ فإننا بتنا لا نستبعد أمراً كهذا من جانبها حتى ولو كان ما أُهديَ هو نحن (أبناء السودان) أنفسنا وليس جانباً من (أرضنا) وحسب ..
* ومن يدري؟!؛ فلعل بعضاً منا قد بِيعوا بالفعل وهم في غفلة لا يشعرون ...
* وربما يكون البعض هذا هم أبناء الشمال النوبي بما أن الشعور السائد لدى الغالبية منهم أن الإنقاذ بتوجهها (العروبي!!) لا تستلطف هويتهم ( الأعجمية)..
*وما يدعم الظن هذا ما كان (يمارسه) أسامة عبد الله من سياسات ( إغراقية ، تهجيرية، نزعوية!!) تجاههم إلى حد إزهاق الأرواح ..
*والبارحة (تفضل) وزير الزراعة على التوانسة بما مساحته ثلاثين ألف فدان من (أرضنا!!) قائلاً لهم مثل الذي قيل لحزب الوفد المصري من قبل : (تفضلوها) ..
* والإنقاذ إذ تفعل ذلك فإنما تُجسد فعلياً مقولة (البلد بلدنا وانحنا أسيادها) رغم أن حزب الأمة لم يكن يعني بالشعار هذا سوى (السيادة السياسية) عبر صناديق الاقتراع..
* أما (السيادة الوطنية) فقد باتت على المحك الآن جراء الكرم الإنقاذي الحاتمي تجاه ( الآخرين !!)..
* تجاه (غير السودانيين) مثل ألاف الدولارات تلك التي أُهديت إلى حماس من (الزيت الذي لم يكف أهل الدار!!) ..
*ثم ليته كان كرماً من حر (مالها) و(مِلكِها) و(ماشيتها) ...
*إنه عطاء من لا (يملك) لمن لا (يستحق) ...
* اللهم إلا أن يُثبت لنا قادة الإنقاذ أن البلد هذا هو (بلد أبوهم !!!!!)


تعليقات 18 | إهداء 0 | زيارات 8614

التعليقات
#1019282 [ابو الطماير]
1.00/5 (1 صوت)

05-29-2014 09:46 AM
62يا دووب يا ياعووضه تعرف انو الجماعه امتلكوا البلد ؟ يا اخوي ديل البعملوا فيه من اول يوم استلموا الحكم ما وراك الحقيقه هذه ؟ مش في واحد منهم قال خلي ثلثي الناس تموت ويعيش التلت الثالث مرتاح ؟ماسمعت بالتمكين وبيع ممتلكات الحكومه لانفسهم وامتلاك كل الاقتصاد في البلد واخذ اموال الناس بالباطل من ضرائب وجبايات وهلما جرا علي قولة الحبيب


#1018802 [عصمتووف]
1.00/5 (1 صوت)

05-28-2014 08:24 PM
بين الامس واليوم

الا توافقوني بان فقر الرفاق ليس بعيب العيب ان اسطوا علي مالك تفقد الدواء والكساء والتعليم هو عنصر رخو مثل التكوين الجسماني لبدنة دقق في الصوره جيد ا اننا نطلق علية المرخرخ والحمدلله انسلخ من الرفاق والتصق بشبهة لم يجد ضآلتة في الحزب ووجدها عند اللصوص ف قارن بين الامس واليوم


ردود على عصمتووف
United States [شمام] 05-29-2014 10:26 AM
حلوة المرخرخ واضيف المرخرخ خيال المآته (الهمبول) بلغتنا


#1018795 [مرجان]
3.00/5 (2 صوت)

05-28-2014 08:13 PM
وربما يكون البعض هذا هم أبناء الشمال النوبي بما أن الشعور السائد لدى الغالبية منهم أن الإنقاذ بتوجهها (العروبي!!) لا تستلطف هويتهم ( الأعجمية) القال ليك منو ؟؟ بكري حسن صالح نوبي و اللمبي نوبي و جلال لطفي نوبي و جلال مراد نوبي ووووو اكتر من كده داير الانقاذ كلها نوبين ولا شنو؟


#1018669 [ظلال النخيل/فريد محمد مختار]
3.00/5 (2 صوت)

05-28-2014 05:04 PM
(هو ما من بيت ابوك)
طيب عايزين نعرف الهدايا والهبات الآتي ذكرها التي وهبها الرئيس وذمرته من بيت مين ؟؟؟؟؟

1- عشرة الف دولار عدا ونقدامن الرئيس الملهم لتكريم أعضاء المنتخب المصري بمناسبة فوزهم ببطولة امم افريقيا.
2- سيارة كورولا موديل 2010م من سيادة الرئيس الرقاص لأعضاء المنتخب المصري وإدارييه بمناسبة الفوز ببطولة أمم افريقيا.
3- عشرة الف رأس من الماشية للشعب المصري لفك ضائقة الشعب المصري من اللحوم وشعب السودان يأكل خشاش الأرض.
4- عشرة الف دولار تبرع سخي من كيس الرئيس لبناء ضريح على قبر الرئيس ملس زناوي.
5- مليون فدان من أراضي بحيرة النوبة قربان من سعادة الفريق عبدالرحيم للشعب المصري.
6- 600 الف فدان من والي سنار لمستثمرين خليجيين بعد أن تم نزعها من ملاكها.
7- جزيرة قرب بورتسودان وهبها سيادتو في احتفال راقص للقطريين.
8- 16 كيلو متر مربع احتكار لشركة رماس للتعدين شمال محلية دلقو.
9- نزع أراضي الولاية الشمالية بالقرار206 للعام 2006م أي نزعها من أحد القبائل الأصلية في السودان من قبل رئيس (مستعرب)دخل الى السودان مهاجرا طلبا للمأوى والمأمن والكلأ بعد ان انهكهم جوع الجزيرة العربية وأنهكتهم حروبهم المفتعلة...والتي أبوا إلا وأن يشعلوها في ديار المهجر لأنهم يقتاتون عليها..
حقا انه عطاء من لا يملك لمن لا يستحق اخي عووضة


#1018660 [جركان فاضى]
0.00/5 (0 صوت)

05-28-2014 04:56 PM
الزول دا شكلو كان بشترى الملابس المستعملة


ردود على جركان فاضى
[ابومصطفي] 05-28-2014 06:11 PM
قدرظروفك----- سكندهاند----- المرحوم قدرك


#1018656 [ابو ياسر]
5.00/5 (1 صوت)

05-28-2014 04:52 PM
صورة المسيخ الوسخان بتاع بت المقبول القايم من المقابر ده كل ماشوفها بتعمل لى طمام على طول .


#1018588 [الكوز الاعرج]
5.00/5 (1 صوت)

05-28-2014 03:41 PM
والله لمن شوفت صورة آمين حسن عمر القديمة حنيت عليه , يا جماعة خلوهو يهمبت شوية , الزول شكله كان مقطع ومبهدل أيام الجامعة لمن كان شويعي , الشيوعيين ديل أفلس ناس ما لاقين حق السفة ويخمسو في السجاير في الأعراس – بالله سلفني السيجارة الفي ايديك ابشر بيها وارجعها ليك-يا حليل أيام زمان , المهم الزول دا سابهم وبقي مع ناس القروش واصبح همباتي وقليل أدب من الدرجة العليا وطبعه من الدرجة السفلى وايام كان بجي في التلفزيون يفسر في القرآن ويدافع عن صدام حسين أيام مشاكله في الخليج وكان مصرا بان سيحدث معجزة وينتصر صدام على الأمريكان وكل ناس التحالف , عاملين مدارس هو وأخته بالمليارات بقت على الحاجة الهينة دي , والله انتو حاسدين (تحسدوا القرد لحمار طيزو)


ردود على الكوز الاعرج
United States [ضنين الوعد] 05-29-2014 05:28 AM
قوييييييية,,,اول مرة اسمع بالمثل بتاع حسد القرد علي اللون الاحمر في مؤخرته ,,,
مثل ابدااااع في الذكاء,,,
يعجبوني السودانيين لمن يفقدوا المنطق,,,


#1018584 [الحنكول اخو الدعول]
0.00/5 (0 صوت)

05-28-2014 03:37 PM
البلد اهلها قنعو منها اكيد تسكنها الخفافيش


#1018562 [sgkejgloie]
0.00/5 (0 صوت)

05-28-2014 03:22 PM
وجدوها جنينة وغفيرها ميت


#1018556 [عبد الله]
0.00/5 (0 صوت)

05-28-2014 03:17 PM
الانقاذ البلد بلدها والما عاجبو يشرب من البحر الاحمر بتاع اخوهم ايلا


#1018531 [عصمتووف]
3.50/5 (2 صوت)

05-28-2014 03:02 PM
بدون شك بلدهم وارثنا جد عد جد ف نحن ضيوف ممكن بكره يقولوا لينا اتخارجو هو نحن عارفين حاجة


#1018485 [مدحت عروة]
4.00/5 (2 صوت)

05-28-2014 02:20 PM
تتذكروا فيلم الكرتون بتاع ليون كينج؟؟؟
الذئاب اللى هم الاسلامويون استولوا على ارض العزة اللى هى السودان وعملوها بلد ابوهم وابو شذاذ الآفاق من الاسلامويين العرب وغير العرب وهم لا يدروا ان جزمة مواطن سودانى مهما كان عرقه اولونه او دينه هى اشرف واطهر من اى اسلاموى سودانى او عربى او اعجمى كلام واضح وما داير ليه شرح مش؟؟؟؟؟؟؟؟؟
اللهم الهم السودان ليجد قائد يكنس هذه الوساخة والقذارة والسفالة الاسمها الحركة الاسلاموية!!
ناس يشنقوا ليهم سودانيين لمجرد امتلاكهم عملة صعبة وهم يكنزون منها الكثير؟؟؟هل انا غلتان بوصفهم هذه الصفات وهى الاقل فى حقهم القذر؟؟؟؟وطبعا هذا مثال واحد وليس حصرا!!!


ردود على مدحت عروة
United States [ابو ياسر] 05-29-2014 03:48 PM
حاشاك من الغلط والله كلامك ميه ميه الله يديك العافيه ياعروة انت بترش الناس دى رش صاح الله يفكنا منهم . انا اليوم علقت على منع توزيع مجلة الدستور بقاعة الصداقة اتمنى انك تكون قرأت تعليقى وشكرا .


#1018406 [محموم جدا]
0.00/5 (0 صوت)

05-28-2014 01:09 PM
الجنوب ضاع تمرات فوق فقير بوعود شفهية لشيخ علي عثمان من الدكتور جون قرنق الذي شدد على الوحدة و السودان الجديد و و و الخ و القصة معروفة بقي الشمال و المرجح أن يشتت بمئات الافدنة للعدو و الصليح و كنا في تعليق سابق طلبنا من وزير الاستثمار أن يطلب لنا موقع كشك في القاهرة لنبيع فيه الجرائد السودانية لصالح البعثة الدبلوماسية أو قل لصالح حماس مثلا و خلي المصارنة يدوك ليه و تعال قابلني في العتبة .. دا ما استثمار الاستثمار الحقيقي تعال شوفوا في الامارات تستصلح الاراضي و تجهز بالبنية التحتية و تعرض في السيتي سكيب للبيع على مستوى العالم و لا يهدى منها و لا إعفاءات و لا يحزنون و لا حتى يشفع لك شراءها بالإقامة الدائمة و لا الزواج من المواطنات حفاظا على العرق الاماراتي لكن البلد الهاملة دي أراضيها الزراعية (مش الصحراء) هبات على قفى من يشيل وليتها للمستثمرين الجد مش كل من عنده مليون مليونين من الدولارات أصبح مستثمر و داير يهبر من أرض النيلين هبرة و أما النيل الازرق و جنوب كردفان تظل في حرب لمدة خمسين سنة و بعدين يصر العالم كله على REFERENDUM و يطلع الشعب السوداني يلدغ مرات و مرات و لا يعي الدرس و إلا ما هذا التدهور !! أفمن يمشي مكباً على وجهه أهدى أمن يمشي سوياً على صراط مستقيم الملك:22 و حليل المليون ميل أنا خائف أجيالنا القادمة ترث أراضي مستثمرة لإقطاعيين أجانب عذرا هم أجيالنا الاجانب و بعدين يستجدوا العمل عندهم و يطالبونهم بالكفالات في بلدهم و نيل مياهه مقسمة بين المصارنة و الحبش و الاراضي الموروثة في الرياض و المنشية و كافوري يصعب السكن فيها لأنها بدون خدمات و المياه معدومة و المجاري آبار متهالكة تهدد البيوت بالانهيار و لا مشتري و لا بايع – سلعة بايرة – ما هو باين نحن السلف نهدي الاراضي الزراعية و المياه و نتقاتل و نخسر الدنيا و الآخرة لبضع مئات من الامتار المربعة تشيد عليها مباني من فوق هلا هلا و من تحت يفتح الله


#1018369 [أبوعلي]
5.00/5 (1 صوت)

05-28-2014 12:41 PM
صورة هذا (الورتابة) الوقح تثير في نفسي التشاؤم
تطلّ من خلاله أمراض الإيدز والسرطان وكلّ مخيف قاتل
عزيزي عووضة:
ما تكتبةهو ذرّة من قيزان الفساد والظلم وخيانة الوطن
وما يدور في جهات الوطن كلّه لا يستوعبه أو يصدّقه بشر
لكن ثقتنا وقناعتنا أنّ النهاية أوشكت بل وتحرّكت عاصفتها


#1018359 [ود الواء]
4.96/5 (7 صوت)

05-28-2014 12:36 PM
الزول الوسخان دى علاقتو بالموضوع شنو
عليكم الله يا ناس الراكوبه لا تجيبوا صور نافع ووالى سنار والحرمه اشراقه وساميه وعلى عثمان وبقية العقد الفريد لانهم بعملوا طمام وقرف
الله اجزيكم خير


ردود على ود الواء
European Union [العميد المطرود] 05-28-2014 05:46 PM
الزول دا ماقدر يحافظ علي(5) يقدر يحافظ علي لسانو ومعروف النوع دا سليط اللسان قليل الاحسان

United States [فارس عبدالرحمن] 05-28-2014 02:23 PM
ماهو الزول دا ياهو القال هومن بيت ابوك

[بت الخرطوم] 05-28-2014 02:09 PM
أنت جاد يا ود الواء الزول الوسخان ابو بنطلون مكرفس ووسخان هو صاحب المقولة هو ما من بيت أبوك أبو لسان سليط الا أمين حسن عمر

United States [ابو محمد] 05-28-2014 02:07 PM
* فقد قال المسؤول هذا للصحفي السائل إن المبلغ الذي شيّد به المجمع المذكور هو (هدية!!) من دولة خليجية..
*ثم لم يكتف المسؤول بالإجابة هذه وإنما إستطرد في سخرية لاذعة: (هو ليس من بيت أبيك)؛ ويعني بذلك مبلغ التمويل..
* أو كما قالها بالعامية السودانية: (هو ما من بيت أبوك) ..


#1018355 [المتجهجه بسبب الانفصال]
5.00/5 (9 صوت)

05-28-2014 12:34 PM
لا تولوا عليكم بطون جاعت ثم شبعت فالخير فيها دخيل ،، ولوا عليكم بطونا شبعت ثم جاعت فالخير فيها أصيل ،،

____________________________________

الانقاذيين جاءوا من بيوت جوع وهذه عقدتهم ،، المال قد يشتري كل شيء ولكنه لا يشتري الاحترام،،،

عندما تحدث الاسلامويون في الفترة الديمقراطية عن زواج ابنة محمد يوسف محمد أحد أقدم الاسلامويون رحمه الله وانتقدوه ،، انبرت لهم زوجته وكانت تكرههم ولا تحبهم وتعلم نفاقهم ومسكنتهم المؤقتة فردت عليهم ردا معتبرا حللت به نفسيتهم وعجبني اذ قالت لهم ،، كلكم جايين من فقر إلا فلان ،،، (( تخيل يا محمد احمد يا خوي واحد بس الكان مالي دواليبوا وجلاليبوا )) وقد ذكر أن أحدهم ويملك الان المليارات جاء الى الخرطوم ومعه شنطة حديد مصدية والان يملك العقارات والملايين بالدولار،،،،، لذلك يا ود عووضة يا أخوي كان لا بد للمسئول عشان بالفيهو يبدربو يقول للصحفي : (هو ليس من بيت أبيك)،،، رحم الله غنماية المك رحمة واسعة حيث تصدت لكل من قال لها تك تك ،،،،


ردود على المتجهجه بسبب الانفصال
United States [مدحت عروة] 05-28-2014 02:12 PM
يا سلام عليك يا المتجهجه كلامك حكم ودرر !!


#1018329 [جنوبي]
4.99/5 (17 صوت)

05-28-2014 12:17 PM
وبما انو الهدية من دولة خليجية وما من بيت ابونا فنطالب ( الغير ) مسئول ان يورينا قروش البترول المن بيت ابونا مشت وين ؟ والاموال المجنّبه المن بيت ابونا مشت وين ؟ ومدارس المرحلة المتوسطه بتاعت ابونا اللغيتوها مشت وين ؟ وابونا ذاااتو وديتوهوا وين ؟


ردود على جنوبي
[بت الخرطوم] 05-28-2014 02:12 PM
الله يجازى محنك والله ضحكتنى ضحكة لى زمن ما ضحكتها


#1018326 [حزب الراكوبة]
4.50/5 (2 صوت)

05-28-2014 12:15 PM
ايوة قرض على كدة ومرة مرة في اللحم الحي


ردود على حزب الراكوبة
United States [أزاهر] 05-28-2014 04:51 PM
ما هو باين .. كان مقرضين عليه في آخر لحظة مع صيحة الصحافة.. و حبيبنا بلع الطعم !!!



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
10.00/10 (7 صوت)




الرئيسة |المقالات |الأخبار |الصور |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة