الأخبار
منوعات سودانية
الفنان طه سليمان: لو واصلت في كرة القدم لتفوقت على هيثم مصطفى
الفنان طه سليمان: لو واصلت في كرة القدم لتفوقت على هيثم مصطفى
الفنان طه سليمان: لو واصلت في كرة القدم لتفوقت على هيثم مصطفى


05-30-2014 11:19 PM

الخرطوم – نصر حامد

طه سليمان, فنان صاحب صوت يتقطر روعة وجمال, استطاع خلال وقت وجيز أن يصنع لنفسه قاعدة جماهيرية عريضة, أبدع في أعماله الخاصة مثلما أبدع في أعمال غيره, يعشق المريخ دون أن يجتهد في إخفاء هذا العشق, حل ضيفاً عزيزاً على "اليوم التالي" عبر حوار خفيف ومتنوع تفضل مشكوراً بالإجابة على جميع تساؤلاته كما سنطالع كل ذلك عبر تفاصيل هذا الحوار:

في البداية نريد أن نتعرف على طه أكثر؟

طه سليمان, في الأصل من البطاحين ومن ناحية أنتمي للجعليين, من مواليد شمبات, وجميع مراحلي الدراسية كانت في شمبات وما زلت حتى الآن أسكن شمبات الجميلة ملهمة الشعراء و"حلاة الجمعة يوما وحلو شمبات مقيلا".

كيف كانت البدايات الأولى في مجال الغناء؟

كانت في الدورات المدرسية, ومن ثم فرقة آل البيت ثم أولاد البيت وهي فرقة الحي في ذلك الوقت وكان انضمامي للفرقة عام 1991 وفي عام 1998 أصبحت أغني بمفردي.

عدد الأعمال الخاصة بك؟

أكثر من 100 أغنية.

أكثر شاعر قمت بالغناء له؟

الشاعر محمد حسن الفاتح وقد غنيت له أكثر من 30 أغنية.

أغنية تمنيت لو أنها كانت من نصيبك؟

أغنية "لو بهمسة".

شاعر تتمنى الغناء له؟

تمنيت لو غنيت للراحل اسماعيل حسن الذي زين جيد الأغنية السودانية بأجمل وأروع الأغاني.

فنان لا تمل الاستماع لأعماله؟

زيدان إبراهيم ومحمد وردي وعصام محمد نور وعدد من الفنانين.

فنانة مبدعة؟

الصوت الجميل حنان النيل.

شاعر مبدع؟

اسحق الحلنقي واسماعيل حسن.

علاقتك بالبزنس؟

علاقتي بالبزنس ضعيفة ولي بزنس في المجال الفني فقط.

طه سليمان يغالي في حفلاته, لماذا؟

لا أبداً, هذا الحديث غير صحيح أنا آخر من يختلف مع شخص طلبه لحفل بسبب المال.

هل حققت مكاسب مالية من الغناء؟

مستورة والحمد لله.

كيف تتعامل مع الشائعات؟

الشائعات عمل خطير ومدمر نسأل الله أن يحمينا منها, فقد عاشت أسرتي لحظات عصيبة بسبب شائعة وفاتي وقد كنت وقتها في طريق بورتسودان وأصبح هاتفي خارج الخدمة وأزعجت تلك الشائعة الكثيرين لذلك أتمنى أن يكف هواة الشائعات من مثل هذه الأفعال القبيحة.

علاقتك بكرة القدم؟

لعبت كرة قدم في شمبات وكنت من أبرز اللاعبين في أشبال شمبات ولو واصلت في كرة القدم لما لعبت للفريق الأول في شمبات بل كنت سألعب للمريخ لأنني كنت أحرف من هيثم مصطفى بكثير لكن الغناء أخذني من كرة القدم.

طه الآن رئيس لنادي شمبات؟

نعم, لكني لست الرئيس الفعلي وقد عملت مع عدد من الشخصيات في إدارة نادي شمبات العريق الذي أتمنى له أن يستعيد أمجاده وأن يعود من جديد للدوري الممتاز.

أي فريق تشجع؟

المريخ طبعا.

هل تدخل مباريات المريخ؟

نعم, لكن العديد من المباريات تتزامن مع حفلاتي فأجد صعوبة كبيرة في متابعتها.

لو طلب منك العمل في مجلس المريخ؟

أنا جاهز اليوم قبل الغد للعمل في مجلس إدارة نادي المريخ أو في لجانه المساعدة.

أول قرار ستتخذه لو أصبحت رئيساً لنادي المريخ؟

لقمت بشطب جميع اللاعبين الموجودين في كشف الفريق الآن بما في ذلك المحترفين الأجانب مع تسجيل لاعبين صغار في السن بالاعتماد على المراحل السنية حتى يعود المريخ للسير على الطريق الصحيح.

إداري شاطر؟

صلاح إدريس.

مدرب متميز؟

البرازيلي ريكاردو.

نجمك المفضل؟

أنور الشعلة.

هل تمارس الرياضة الآن؟

نعم, لكن في الصالات فقط.

فريق عالمي تشجعه؟

ريال مدريد.

نجم عالمي؟

كرستيانو رونالدو.

وجبة مفضلة؟

المكرونة.

ماذا عن مشاركتك في أغاني وأغاني؟

بكل تأكيد سعيد للمشاركة للمرة الخامسة على التوالي في برنامج جماهيري مثل أغاني وأغاني وأتمنى أن يقدم ما يقنع المشاهد الذواق.

قرار موفق؟

أن أصبح فناناً.

قرار غير موفق؟

عدم مواصلة مشواري في كرة القدم لأنني لو واصلت لأصبحت أغلى لاعب سوداني.

أمنية تحققت؟

الزواج.

أمنية لم تتحقق؟

الوصول إلى قمة الهرم الإبداعي.

علاقتك بالمعجبات؟

أكثر من عادية وفي حدود.

هواية؟

الزراعة وأمتلك مزرعة خاصة.

صحيفة رياضية؟

الصدى.

صحفي رياضي؟

مزمل أبو القاسم.

كلمة أخيرة؟

أشكركم كثيراً وأتمنى لصحيفتكم الرائعة المزيد من التقدم والازدهار.


اليوم التالي


تعليقات 12 | إهداء 0 | زيارات 5236

التعليقات
#1021445 [Amin]
0.00/5 (0 صوت)

05-31-2014 05:08 PM
طه سليمان من الفنانين الملتزمين جداً بفنهم

يحترم جمهوره ,و دقيق في مواعيده

نتمنى له المحافظة على هذه الروح والأخلاق



وياالمنتقدون ..الفن ما فيه قبيح .. إنما,,عجبك شيل ..ما عجبك بعجب غيرك


#1021392 [Saber Sabor]
0.00/5 (0 صوت)

05-31-2014 04:11 PM
انت ما عارف اي حاجه يا طه لا فن لا كوره و البستمعو ليك ديل ما ناقشين حاجه والعمل معاك لقاء بتاع الراكوبه ده زول مفضي وماسوووووووووووره ساااااااااي كلكم مواسير ,,,, ما قدمت المفيد إلا بس وجع راس و وجع قلب بس , إنشاءالله يجيكم ناس الدعم السريع ديل و يريحونا منكم.


#1021389 [bent alnil]
0.00/5 (0 صوت)

05-31-2014 04:08 PM
شخصيا ما بفهم في الكورة لكن كان لعبت الكورة لعبك بكون زي حرامي القلوب تلب ... بالغت في. أغلى لاعب سوداني قربت العالميه ... ركز في الغنا و خلي موضوع الكورة لاسيادها أحسن من تبقى لا كفر و لا وتر ...


#1021088 [الجعلي]
2.00/5 (5 صوت)

05-31-2014 10:57 AM
إنت فاكر نفسك شنو؟
مرة فنان مايص ومرة رئيس جمهورية مع العلم إنك لاتصلح حتي رمتالي بتاع شوارع


ردود على الجعلي
United States [جديد * جديد] 05-31-2014 12:08 PM
لا لا لا يالجعلي حاسب في كلامك بقي


#1021073 [lahib al shooq]
2.00/5 (4 صوت)

05-31-2014 10:39 AM
هو انت نافع فى الفن عشان تنغع فى الكورة ..


ردود على lahib al shooq
United States [جديد * جديد] 05-31-2014 12:10 PM
ماهو باين في الجمهور والحفلات الداخلية والخارجية وماعاوزة كلام


#1021053 [موسى]
1.00/5 (1 صوت)

05-31-2014 10:12 AM
هيثم مصطفى دا انتم فاكرنه منو رولندينو ولا مسي والله رافعين لية ضوء ساي والله ما بعرف اي كورة ، وروني في العصر الحالي او السابق ورنا اي لاعب سوداني احترف في اوروبا او اسيا ومازال مستمرا هيثم شنو البعرف كورة والله ما بعرف اي شيء في الكورة والذين يطبلون له انهم جهلاء جميعا بدون شك سؤال واحد هل احترف خارج السودان طيلة عهده الكروي .

امشوا الولايات ستجدو لعيبة احرف وذوي مهارات افضل من مليون هثيم هيثم الخلاء دا .


وانت يا طه كورة شنو البتعرفها ذي غناك المالي بيوه كل الشاشات والبلد كل يوم طالع فيها فنان جديد تغنو على شنو ما عارف ، البلد في شنو وانتو في شنو متى توعوا يا شعبي الفضل .

عامل فيها عبدالحليم السودان يا طه غناك دا مستمعيه جلهم طرش ولا يعرفون الكلمة الرصينة معظم طبالينكم من الجيل الجديد الجيل الجاهل بكل شيء .


ردود على موسى
United States [ابو ياسر] 05-31-2014 02:26 PM
والله كلامك صاح يا موسى هيثم مصطفى ده قادننا بيهو والله كورتو اقل من عادية اقل لاعب فى الدورى السعودى احسن من هيثم ده ، اما طه سليمان يعنى مابطال مانظلمه اخير لينا من وليد زاكى الدين وشريف الفحيل الفاكيها فى روحو ومحمد حسن حاج خضر وده فى كلو مناسبة فى التلفزيون يجرى يتلبس ويجى يكرهنا من غير مايقدمو ليهو دعوة ، ياخ الفنانين الشباب ديل كلو واحد يشيله ويضربوا بيهو التانى .


#1021015 [ابوالمظاليم]
1.00/5 (1 صوت)

05-31-2014 09:37 AM
فنان غنائه جميل لكن لا اعلم مهاراته فى كرة القدم واحترم فيه الادب والاحترام برغم مجاراته لبعض الموضات ولكنى اجد له العذر ( هو فى سوق الغناء).
متمنيا له المزيد من العطاء


#1020949 [ابوسعيد]
2.00/5 (5 صوت)

05-31-2014 08:17 AM
والله حيرتنا انت فنان والا رئيس جمهورية والا لاعب كرة كدى اركز على واحدة... اهلنا بقولو ( راكب سرجين وقييع ) بس كان كورتك زى غناك انت ماسورة كبيرة


#1020929 [ميمو]
2.00/5 (5 صوت)

05-31-2014 07:25 AM
ههههههههنههههههه والله كتلتني من الضحك انت ماسوره في الفن وفي الكوره وهيثم ذاتوماسوره زيك ياخ امشي اتفكفك قال فنان


#1020903 [سوداني موت]
1.75/5 (5 صوت)

05-31-2014 05:45 AM
ماسورة ذي غناك



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
1.00/10 (1 صوت)






الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة