الأخبار
منوعات سودانية
بعد انتشار صور له مع (فتيات أجنبيات).. هجوم (إسفيري) على الفنان الشعبي كمال ترباس.!
بعد انتشار صور له مع (فتيات أجنبيات).. هجوم (إسفيري) على الفنان الشعبي كمال ترباس.!


05-31-2014 07:54 PM

يتعرض الفنان الشعبي كمال ترباس هذه الأيام لهجوم (إسفيري) كبير عبر عدد من المواقع الإلكترونية بسبب بعض الصور التي انتشرت له مع عدد من الفتيات الأجنبيات. هذا وقد انتقدت كل التعليقات في المواقع الإلكترونية الفنان على التقاط مثل تلك الصور، بينما دافع آخرون عن الفنان مؤكدين أنها صور عادية جداً تجمع بين فنان ومعجبيه من خارج السودان. بعض المهتمين بالساحة الفنية في السودان أكدوا أن الاهتمام الكبير بتلك الصور التي تجمع ترباس مع الفتيات الأجنبيات ما هو إلا نتيجة طبيعية وردة فعل عادية جداً للتصريحات النارية التي يطلقها ترباس بين الفينة والأخرى والانتقادات اللاذعة التي يوجهها لزملائه، مؤكدين أن تلك الصور لو كانت لأي فنان آخر لما وجدت كل تلك الضجة أو الاهتمام. هذا وستكشف الأيام القادمة المزيد من التفاصيل حول هذا الموضوع.

السوداني


تعليقات 25 | إهداء 0 | زيارات 19570

التعليقات
#1022373 [غايتو]
0.00/5 (0 صوت)

06-01-2014 04:39 PM
بالامس شاهدت له مقطع باحدى القنوات ربما ام درمان بنفس الشكل الاول على اليمين مع المرحوم الطيب محمد الطيب والمرحوم على المك . الحقيقة اندهشت لفرق اللون وقلت االالوان فى تلفويونا عايزة ضبط ,
غايتو جنس محن ياناس ........ الراكوبة !!!


#1022333 [ساب البلد]
4.00/5 (1 صوت)

06-01-2014 03:54 PM
******** ليس بغريب علي من تغني (هبة ثورة الانقاذ) ******** لله في خلقه شوون *******


#1022267 [ركابي]
5.00/5 (2 صوت)

06-01-2014 02:49 PM
هههههههههه صوتو سمح وغناي شديد مع التحفظ علي كثير من تصرفاته وكمان اغنية هبت ثورة الانتكاس


#1022192 [Khalidali]
0.00/5 (0 صوت)

06-01-2014 01:25 PM
المبدع كمال انت فى كل يوم تدخل البهجة والفرح فى قلوب الشعب السودانى وأنتاجك الفنى مش سهل ، اما من يريد ان يعمل منك شماعه عشان يشغل الناس عن فضائح تجار الدين فيجب ان تفوت الفرصه عليهم والتعليقات التى تبعد أهل الوعى من كشف سرقات أموال الشعب السودانى التى نهبها ال البشير وال نور الدائم ، ترباس ما سراااااااااق ولا منااااااافق. ولا كذاااااااااب ولا قااااااتل .


#1022089 [الزبير باب الرحمة بيضاء]
5.00/5 (3 صوت)

06-01-2014 11:51 AM
يقول الجاحظ : من كمال صنعةالمغني ، سوء خلقه...


#1022062 [الحالم]
5.00/5 (2 صوت)

06-01-2014 11:18 AM
من شبة على شئ شابه عليه


#1022034 [ابو الشيماء]
4.50/5 (2 صوت)

06-01-2014 10:49 AM
انا سمعت قيادي في جهاز الاذاعة قال في واحد موسيقار كبير قال .. اذا كان الفنان عبد الكريم الكابلي قد عي سفير للنوايا الحسنة كان يعيونو ترباس سفيراً للنوايا السيئة


ردود على ابو الشيماء
[جساس الثقفي..الطائف] 06-04-2014 05:17 AM
ياشيخ والله مااعرفه ولااعرف فنه لكن شكله مايصلح الا بمسلسلات بدويه وكومبارس رايح جاي عند الخيمه بس

[شفقان] 06-01-2014 03:34 PM
أقترح لامحمد ولاأمين كسفير للنوايا السيئة


#1021973 [ابو محمد]
5.00/5 (3 صوت)

06-01-2014 09:58 AM
الوش فانتا واليد كوكاكولا الله يخيبك


ردود على ابو محمد
[جنرال زمان] 06-01-2014 03:13 PM
ذكرتني زمان قالوا الفنان زيدان عليه رحمة الله كان في حفلة بعدين الظاهر واحدة من المجلطات وشوشهن ديل رفعت يدها ختتها في خدها وزيدان شافها من بعيد وطوالي في المايكروفون نهر ليك (نزل يدك يا ......) وأهو زي ترباس دا شوف الوش كيف واليد كيف. لكن ما مؤآخذ الراجل علبة وقال إيه عايزين يعدموا المسكينة دي طيب جنس العلب ديل يدوهم وسام إبن السودان البار ولا شنو؟؟


#1021956 [الكجور]
5.00/5 (1 صوت)

06-01-2014 09:42 AM
و ل تربا س اقول;
ما خليت حاجة ل ندي القلعة.
بس ناقصك احححممر الشفايف.
هل هذا هوالفن السوداني؟؟؟؟


#1021899 [شفت كيف؟]
5.00/5 (1 صوت)

06-01-2014 08:28 AM
ترباس من المفسدين في الأرض، كنت الثمنينات كنت أسكن في حي بالخرطوم وحضر الي بعض الجيران لغرض التوقيع علي أن هناك مجموعة ضمينهم ترباس يأتون لشقة في الحي للعب الميسر ومعهم بنات!!
غادر الحي ولم أسمع بعدها ما حدث لترباس ومجموعته، أكيد أنهم كانوا مسنودين بجهة ما.
علي العموم فساده ليس بجديد ولكنه لم يجد من يردعه


#1021839 [ابراهيم قرية ودرزوق المغاربة]
5.00/5 (1 صوت)

06-01-2014 06:37 AM
انا شفت الصور في الفيس صراحه والله شي مخزي مع الحبشيات يارب سترك


ردود على ابراهيم قرية ودرزوق المغاربة
European Union [khalid mustafa] 06-01-2014 10:24 AM
وما المخزي في ذلك ؟؟ فنان وسط معجبيه ,,,


يا اباهيم قريه خلو ترباس في حاله وركزوا علي ناس البيان بالعمل مجموعة الاخوان الانقاذيه الذين انتشرت عيونهم في بيوت الافراح والاتراح لاقتناص الحسناوات واضافتهم الي حظيرة حظواتهم من النساء


#1021783 [Sam7]
5.00/5 (1 صوت)

06-01-2014 02:20 AM
حتي انت يا ترباس
بتعمل تفتيح بشرة
نحن قلنا بس الجكس البعمل كدة
و كمان مصبغ الشنب


ردود على Sam7
[اصلاح] 06-01-2014 08:09 PM
ترباس دا ما ادى خدمة العلم و متمني باقي الصيف يدرشو في جنوب كردفان ...زمنو كلو قاعد مباري الفارغة ...فايدتو شنو الزول ابو جضوم ولا حفلة خيرية ما عملها لدعم اي فءة محتاجة و يفتخر انو لابس ملايين ....

[توتو بن حميده آل حميده] 06-01-2014 11:34 AM
السيد سام سبعه ترباز أصلاً ما عندو شنب عشان يصبغه - وهو زول كويس ويغني طيب وعنده معجبين كثير وغير مضر بالشعب السوداني يعني فنان في حاله بس مشكلته إنه ثمنه غالي يعني الحفله الواحده ياخد فيها ملايين . واضح من خلال الصور بالموضوع إنه لونه أسود في الصوره الاولى وفي الصوره الثانيه وجهه أبيض ويده سوداء وهذا يدل على أنه يستعمل الكريمات الله يهديه. وقد حكى لنا أحد الأشخاص ان ترباز هذا رجل شجاع ولا يتردد في الدخول في معارك مع الذين يعتقد قد تعدوا عليه حيث يدخل الى بيته ويأخذ عكازه (حسب الاخ له عكاز مضبب خطير) ويدخل المعركه غير هياب يضرب يمياً وشمالاً ياخد حقه من القوم بيده.


#1021752 [NjerkissNajrta]
5.00/5 (1 صوت)

06-01-2014 01:03 AM
المجيرني حقيقة هو حجم العمامة!!! أنها تعكس صورة حقيقية ل أن السودانيون بشر من كوكب آخر!!! كم أتمنى أن يصبح الصباح و لا أرى العمامة بهذا الشكل الذي ينم عن أننا لن نكون منتجين أو رياضيين أو نثير ضحك و سخرية و أستغراب الأخرين.


ردود على NjerkissNajrta
[العوض] 06-01-2014 09:54 AM
يعني انت عاجبك شنو قول لي العقال في الخليج ولا الطربوش في مصر والمغرب ولا طاقيه كابوي عند الامركان ولا المنديل البربطوه اولاد مين ولا طاقيه ليزا شاكر داير شنو قول لي يااخي والله العمة من زمن جد جد جدك واي جد في جدودك لبسه وانت انا عارفك ما راح تلبسه وماك الراجل اللبسه


#1021729 [السفير]
5.00/5 (2 صوت)

06-01-2014 12:08 AM
فير اند لفلى fair and lovely تفتيح شديد وسحسحة لا تليق بشخص سبعينى...البنات تركن كريمات التفتيح واتجهن لحمل السلاح فى جبهات القتال....انت متعقد من لونك؟اصلا دا اللون السودانى...استحى واخجل يا خايب.


#1021710 [تربسه]
5.00/5 (3 صوت)

05-31-2014 11:48 PM
يا جماعة الخير ما تجيبو خبر مبتور وتحيرونا. فى الصور دى ابو الترابيس دا كان ببوس ولا بحضن ولا قاعد ميطى؟والله ترباس دا البنشبك فيهو يحلو منو الحلا بله.


ردود على تربسه
European Union [موجوع وطن] 06-01-2014 03:22 PM
كلامك صاح يا تربسة وذي ما قال توتو آل حميده أعلاه الزول صعب الشكيمة أذا إنقرن فيك الحلا بله ما يحلك و عبارته المشهورة ذي غناه (أنا قزازة البيبسي تخجني بفور في وشك) لكن السؤال الصاح: الحل البنات ديل من شباك ترباس منو؟؟ أكيد ما بله... ولا لسع ما أنحلن؟؟ ورونا يا أخونا لأنه المسألة محتاجة لمساعي الكابلي و نواياه الحسنة وكان للعداد البنات بدفعن؟؟ و أنا المحيرني هو ترباس دا جمع الإتنين كيف (ملهم الوجدان و غشيم حاد اللؤم)؟؟؟

United States [يالله دايرنوا وطن كامل] 06-01-2014 09:32 AM
هههههههههه ولله صدقته ترباس لسانوا طويل


#1021696 [ابو القدح]
4.75/5 (4 صوت)

05-31-2014 11:18 PM
هـــــــــوسا يا رسول الله


#1021692 [sky painter]
4.38/5 (4 صوت)

05-31-2014 11:01 PM
ترباس تربي في احدى قرى الرنك بجنوب السودان تسمى قوز فامي ,كان لونو اغبش فول حجات بس...نسى تلك الايام فهو الان زبون معتمد لبيوت تجميل نساء الموردة,يذهب الى هناك بصورة دائمة و يعملوا له ماسكات تفتيح الوجه....


#1021627 [ملكيه]
5.00/5 (4 صوت)

05-31-2014 09:34 PM
يااخي اتقي الله انت فنان عمرك فوق ال 75 توب الي الله واذكر انو في جنه ونار الله يهديك ياترباس انت لا تتعظ ولا تتذكر دعاء الشيخ كشك عندما قال فنان في السودان اسمه ترباس تربس الله عقله يغني البعبده


#1021605 [منصور محمد صالح محمد العباسي]
5.00/5 (3 صوت)

05-31-2014 09:07 PM
حاجة طبيعية من فنان !!!!لوكوكان امام مسجد لاستحق الانتقاد ،،،اما ان يصدر هذا التصرف من فنان فهذا طبيعيً،،،لان الفنان غير مربي للاجيال ،،،،وعموما ما ذا نرجو من الفنانين غير هيك تصرفات !!!!!!!


ردود على منصور محمد صالح محمد العباسي
United States [جساس الثقفي..الطائف] 06-04-2014 05:22 AM
صدقت ياعباسي والله و تكمل جميلك بس و تذهب وتلقي محاضره لجماعتك العباسيين الطائف وتذكرهم بفحش الكبر والتعالي على الناس تكون احسن انسان بالعالم

[الغضبان] 06-01-2014 10:08 AM
متخلف وهمجي وجلف

United States [الكجور] 06-01-2014 09:55 AM
و ل منصور محمد صالح محمد العباسي اقول;

ائمة المساجد في هذا الزمن الاغبر يغتصبون الاطفال في الجوامع بعد صلاة الفجر!!!!
هل هؤلاء الائمة متربون حقآ؟؟؟

[khalid a. m.] 05-31-2014 11:50 PM
حلوة هيك تصرفات دي !!! كلامك كلو اشتر هل تعلم بأن اهل الفنون والآداب هم من يقودون المجتمعات المتحضرة والأمم وليس ائمة لمساجد ومفتيي السلطان الذين يتاجرون بالدين لكن ما دام دا رايك لينا حق يحكمونا الكيزان الوسخ ديل ... اما ترباس وغيره من بعض الفنانين فهولاء لا يقاس عليهم لانهم يستغلون الفن وشهرتهم في ارتكاب الموبقات وانتهاك الحرمات وتدمير المجتمع والله من وراء القصد .. قال هيك تصرفات قال ...


#1021604 [ود كترينا]
5.00/5 (1 صوت)

05-31-2014 09:05 PM
***برضو ياصحيفة السودانى وثيقة الصلة بالجهات الأمنية لن تفلحوا فى تشتيت الكرة خارج ملعب الفساد الذى ساد...اكتبوا ماشئتم فان لنا حريات وسودانيز أون لاين والراكوبة والفيسبوك وتويتر وانستغرام فهل لكم سيطرة عليها...كل الذى سيحدث ستنخفض عائدات بيع صحفكم وفى النهاية سيغلقها الأمن (مامن تعبها)! تماما كما أغلق الرائد قبلا عدة مرات!!!ولو تمكن جمال الوالى من الهرب الشهر المنصرم لتم تشميع صحيفتكم بالشمع الأحمر...! ماهم المشردون والمهمشون والنازحون والفقراءوالجوعى والمرضى وملتحفى السماء ونابشو القاذورات ...ماهمهم بما يفعله كمال ترباس داخل غرفة نومه...!!!


#1021592 [خالد حسن]
5.00/5 (1 صوت)

05-31-2014 08:48 PM
خلي يسخوه بتاع هبت ثورة الانقاذ ده
عشان تاني مايتملق لعساكر السجم ديل


#1021591 [دغيم]
5.00/5 (1 صوت)

05-31-2014 08:46 PM
مجرد سؤال.
هل لا يزال كمال ترباس عند قناعته بان الجيش للشعب انحاز حينما هبت ثوره الانقاذ ...


*


#1021587 [شلخو]
5.00/5 (2 صوت)

05-31-2014 08:41 PM
انتو يااخوانا القروش الكتيره والشهره بيتبيض اللون ولاشنو؟ حيرتونا معاكم زاتو.


#1021582 [ود الدكيم]
5.00/5 (3 صوت)

05-31-2014 08:36 PM
نرجو من من أبو الترابيس أن لا ينسى مسح يديه بكريم تفتيح البشرة.


#1021567 [عصمتووف]
4.35/5 (6 صوت)

05-31-2014 08:17 PM
ما بين الامس واليوم الشينة منكوره ي كيمو اللون الرباني يبين حقيقة الشخص انتاية ولا ضكر حتي في الاخيره الوش فاتح واليد غامقة والشارب اسود والله ي السودانين بقيتو تحيرو ساكين الجمال والسحسحة زي اناتي وضكور ل ب ن ا ن
شينين شناوه وغبشانين غباشة لكن بنفتخر بها و بطلو شغل السحاسيح ده



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
1.00/10 (1 صوت)






الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة