الأخبار
أخبار إقليمية
طالع بعض أملاك عائلة البشير..ما هو ردك يا عمر البشير وماذا تقول قيادات حزبك في هذا الفساد..!!
طالع بعض أملاك عائلة البشير..ما هو ردك يا عمر البشير وماذا تقول قيادات حزبك في هذا الفساد..!!


06-01-2014 12:53 AM
الراكوبة - علي ضوء ردود أفعال المؤتمر الوطني، من خلال تصريحات أبواقه و ريبوتاته التي يبدع في شحنها و تفريغها ثم يعود مرة أخري لشحنها متي ما شاء علي ضوء قضايا فساد الأراضي التي تناقلتها الأسافير و الصحف بشحنات الاستنكار و الإفك و التبرير و الإدعاء الفج التي يطلقونها بشكل آلي دون وعي أو إحساس مثير للسخرية و الضحك كدمي الأطفال، تعيد الراكوبة نشر الخبر الذي إنفردت به ونشرته صحيفة " حريات " والذي إحتوى على قائمة الأراضي التي تمتلكها العائلة المالكة (أسرة المشير عمر حسن البشير و حرمه سيدة السودان الأولي وداد بابكر و أخواتها، أشقائه و شقيقاته و التي تتجاوز ال 50 قطعة أرض في مناطق مميزة بما فيها الخرطوم بحري كافوري (حوش بانقا)، و صهره المنعم السيد نور الدائم ابراهيم محمد أحمد و أبنائه الكرام و البالغة 46 قطعة أرض لا تقل في قيمتها و مساحاتها و مواقعها المميزة عن ممتلكات العائلة المالكة فهم أيضا بحكم النسب امتدادا لها.

تتوجه الراكوبة بسؤال بسيط و محدد و واضح لسعادة المشير و حرمه المصون و بقية العقد الفريد (هل تستطيعون نفي ملكيتكم لهذه الثروة الباهظة من الأراضي) بشكل مباشر بعيدا عن المنشورات الكاذبة التي توزعونها علي تلك الدمي و الريبوتات و الصحف المستأنسة و الأقلام المأجورة التي حفظها الشعب و خبرها عن ظهر قلب و أصبحت جزءا من القصص الساخرة التي يُفرِغون بها عن معاناتهم اليومية لا يحدوهم شك في ما يرونه و يصدقونه من فساد.

فالسودان ما عاد فيه وسواس خناس لأن الأبالسة قد لملموا أطرافهم و رحلوا عنه بعيدا لأن الإنقاذ قد تربعت بجدارة علي مملكتهم و حولت الفساد كما جاء في صحيفة حريات إلي منظومة تعيد صياغة الأفراد علي صورتها و تحول الأبرار إلي فجار و أدعياء الملائكة إلي أسوأ من الشياطين.

أحد أهم و أكبر ريبوتات الأسرة المالكة و أكثرها مهارة و حنكة و إجادة لفن الكذب و التدليس نائب الرئيس السابق علي عثمان محمد طه و برغم أنه قد طرد ذليلا لا زال يصرح بلا حياء أو خجل (أن ثورة الإنقاذ الوطني لا تزال قادرة علي أن تتجدد و ترد علي الناس الذين وصفهم بمن لا يحسنون هذه الأيام إلا أن يرموها بكل قبيح). تقول له أنظر للمرآة و تمعن في قوله تعالي للذين يجترون الكذب و النفاق و الظلم و الكفر و التدليس في سورة آل عمران (يَوْمَ تَبْيَضُّ وُجُوهٌ وَتَسْوَدُّ وُجُوهٌ ۚ فَأَمَّا الَّذِينَ اسْوَدَّتْ وُجُوهُهُمْ أَكَفَرْتُمْ بَعْدَ إِيمَانِكُمْ فَذُوقُوا الْعَذَابَ بِمَا كُنْتُمْ تَكْفُرُونَ) و خذ الحكمة من الوجه الذي تراه في الجانب الآخر من المرآة.

مسكينة هذي (سامية أحمد محمد نائبة رئيس البرلمان القيادية في المؤتمر الوطني) و هي أحد الأبواق و الريبوتات التي تسير في إتجاه واحد حتي تصطدم بالحائط و هي تردد تصريحها الشهير ردا علي تفشي أخبار الفساد (عندما نريد محاربة الفساد نعمل لمحاربة من يصفوننا بالفساد. وزادت حكمنا «25» عاماً ولم نكن جاثمين على صدور الناس لأننا خرجنا من قلب المجتمع السوداني، وكونا حزباً ودولة، والآن نبني في أمة. وقطعت بأن الإنقاذ من أقوى الحقب التي حكمت السودان، وزادت نتحدى أي شخص يقول بغير ذلك، وأضافت «العندو أفضل مننا من خارج السودان يعرض بضاعته في سوق السياسية). نقول لها كلامك صحيح لا يوجد أحد لديه بضاعة أفضل من قطع الأراضي المميزة التي تمتلكها العائلة الحاكمة خاصة بعد أن حظر البنك المركزي تمويل الأراضي و العقارات.

أما السيد إبراهيم غندور الذي تغول علي المنصب الذي كان يحتله الدكتور نافع ردحا من الزمن بعد صولاته و جولاته العنترية و إرثه الحافل ببذئ الكلام و ساقط اللغة فقد أصاب حين أخطأ و نوه خلال مخاطبته في لقاء للقطاع الفئوي بالمؤتمر الوطني دائرة المهنيات بقاعة الشهيد الزبير بأن (أن قضايا الفساد نسبية لكونه موجودا في كل الدنيا) نقول له لأول مرة نعرف أن الإنقاذ تؤمن بنظرية إنشتاين للنسبية.

و في دفاعه عن الرئيس و مملكته نعتقد أن الريبوت اليافع السيد وزير الدولة بوزارة الإعلام ياسر يوسف برغم أنه قد أكمل دورته الريبوتية بنجاح و لم يصطدم بالحائط كغيره من الريبوتات إلا أنه شطح قليلا في الملتقى الإعلامي الأول بولاية سنار بوصفه لقضايا فساد الأراضي بأنها تجاوز للأمن القومي بتصريحه (إن الحكومة ملتزمة بالحريات الإعلامية والسياسية وقانون الصحافة والمطبوعات وأتاحت للأحزاب حرية التعبير عن رأيها ما لم يتجاوز ذلك الأمن القومي) و يبدو أنه كان يقصد بتجاوز الأمن القومي حلايب و الشلاتين و الفشقة بدلا عن أراضي الأسرة المالكة.

أما القيادي بالمؤتمر الوطني الذي صرح في أحد الخطب العصماء بأحد المساجد (أرفعوا رأسكم لا حكومتكم فاسدة و لا ناسنا فاسدين) نقول له آميييييييييييييين آميييييييييييييين.

هذه التصريحات و غيرها المثيرة للضحك و السخرية و حالة الهلع التي أصابت المؤتمر الوطني و أذياله في مقتل و جعلتهم كما الروبوتات التي اختلت أحد أسلاكها و أصبحت تتخبط بعضها البعض متزامنة مع الإجراءات البوليسية و الأمنية باعتقال الأبرياء في مصلحة الأراضي و الصحف بدعوي تسريب المعلومات و منعهم للصحف بالحديث عن قضايا الفساد لهي أكبر دليل علي ثبوت تهم الفساد خاصة و أن الإثبات في قضايا الأراضي مرهون بشهادة البحث إما بغرض التأكد أو بغرض البيع و في الحالتين هما إثبات للملكية ففي حالة استخراج شهادة البحث بغرض التأكد فهي شهادة ملكية غير قابلة للإنكار أما بغرض البيع و حتي لو تم البيع فهي دليل علي الملك و بالتالي لم يعد هنالك مجالا للأسرة المالكة بنفي الملكية فقد أصبحت كغرة الصلاة علي الجبين (سمائهم في وجوههم من أثر فساد الأراضي). غرة الصلاة مقدور عليها فيمكن إزالتها بترك الصلاة لقدر من الزمن أما غرة ملكية الأراضي فلا يمكن إبادتها حتي و لو تم حرق كل مصلحة الأراضي عن بكرة أبيها فالمستور قد إنكشف و الأراضي بأرقامها و مناطقها و مساحتها أصبحت حقيقة يمتلكها كل السودانيين فأين المفر.

كان من المفترض أن تعيد الراكوبة نشر هذا الخبر الاسبوع الماضي ، لكننا فضلنا بعد هدوء وسائل الاعلام قليلاً عن خبر إعدام مريم يحي واعتقال زعيم حزب الأمة الصادق المهدي.

قائمة ببعض قطع اراضي اسرة عمر البشير المباشرة

اكثرمن ( 50 ) قطعة في مواقع مميزة


image
image
image
image
image

قائمة ببعض قطع اراضي نور الدائم ابراهيم زوج شقيقة عمر البشير

image
image
image
image
image
image

موضوع متعلق :

شاهد صور قصر وسيارات البشير بمزرعته،،

http://alrakoba.net/news-action-show-id-80327.htm


تعليقات 152 | إهداء 2 | زيارات 92008

صفحة 1 من 3123>
التعليقات
#1030292 [أبو أشرف]
5.00/5 (1 صوت)

06-09-2014 02:16 PM
فوضوا أمركم لله إنَّ الله بصيرٌ بالعباد
واعلموا بان هذه الدنيا كل من عليها فانِ ولا يبقي إلاَّ وجه الله الكريم
وأنك ربما لا تملك من أرضها إلاَّ شبرا واحداً فقط فلا تزعل ولا تحزن .


#1030268 [أبو أشرف]
0.00/5 (0 صوت)

06-09-2014 02:01 PM
فوضوا أمركم لله إنَّ الله بصيرٌ بالعباد
واعلموا بان هذه الدنيا كل من عليها فانِ ولا يبقي إلاَّ وجه الله الكريم
وأنك ربما لا تملك من أرضها إلاَّ شبرا واحداً فقط فلا تزعل ولا تحزن .


#1027457 [ام كلوة وكبدة وفشفاش مهريه]
0.00/5 (0 صوت)

06-06-2014 04:25 PM
طيب الجنوب واتفصل والراضي نص السودان الشمالي مشت ل ال البشير طيب نحنا نمش وين نحنا فكروا وروني


#1024853 [جساس الثقفي..الطائف]
0.00/5 (0 صوت)

06-04-2014 06:52 AM
انا اكره الاخوان واكره سياستهم ولكن هذا الاسلوب الذي يلهب الناس ويجعلهم يتوقعون ان البلد كلها سرقه واحتيال بدون ان تعطونا ارقام ماليه لحجم ثروه الرئيس وعائلته نعرف كم تبلغ ونعرف مدى السسرقه بالبد فهذه تعتبر ليست من اجل السودان في شيء ولكن لمجرد موقف من السلطه يترتب عليه اطماع سياسيه واقولها الان لشعب درسني وعلمني انتم لاتسوقون هذه الخزعبلات الا لانكم تعتمدون على جهل واميه وبساطه معرفه السودانيين بامور الاقتصاد واداره البلاد فقط ...... ففي اليمن احد النواب يوجه تهمه لرئيس على صالح بانه كان يسرق سنويا 17 مليار دولار من خزينه البلاد واتى بوثائق وشهاده شهود فهل تعلم ماذا رد عليه الرئيس؟؟ قال له ميزانيه اليمن من صادرات البترول غيرها مع دخل الضرائب هو 5 مليار دولار ولااخاف من اثبات الان وبآله الحاسبه فقط ثم ضحك واكمل من اين استلفت المبلغ الباقي لاكمل 17 مليار؟؟ اذا من السعوديه هذا حقي وانا الشحاد وانا من يتحمل ماء وجهي واذا من شطارتي فهذا من حقي ... لان ليس لكم علي من حق امام الله وشعبي سوى 5 مليار هي كل مدخولات بقالتكم التجاريه باليمن ؟؟؟؟؟؟؟؟؟؟؟؟؟؟؟؟؟؟؟؟؟؟؟؟ظ


ردود على جساس الثقفي..الطائف
European Union [ابو زينب] 06-05-2014 01:47 AM
لو انت سودانى تبقى مصيبة ولو انت اجنبى اطلع منها نحن سودانيين فى بعض . قاتلك الله فى الحالتين


#1024776 [فلسان]
5.00/5 (1 صوت)

06-04-2014 12:49 AM
يا ربي المليارات دي كلها ممكن ترجع لبيت مال المسلمين كابل عبد الله بن عمر بن الخطاب ؟ ؟ ؟


#1024766 [خالد البشير]
0.00/5 (0 صوت)

06-04-2014 12:22 AM
يلاحظ أن الحاجة فاطمة خالد أحمد البشير ( الزوجة الأولي ) غير موجودة بكشف الأسرة المالكة !!! أم يكون نصيبها هو 1800 متر بمربع 11 ( أغلي مربع بكافوري ) و المسجلة بأسم الرئيس بتنازله عنها لفاطمة .. خاصة و أته لم يتطرق لها عندما تحدث من قبل عن مزرعته و بيت الطائف ( المذكور بالقائمة أعلاه بمربع 24 ) و شقة النصر !!!


#1024755 [لوممبا]
0.00/5 (0 صوت)

06-03-2014 11:51 PM
سلام ياهل الراكوبة وين ابوالدفاع لما سحبتو مانحناردينا ليهو وطلبنا منه ينورنا اكثر ويظهر هو عالم ببواطن كثير من اخبار آل البشير .


#1024711 [ود نفاش]
5.00/5 (1 صوت)

06-03-2014 10:22 PM
والله انا ما مستغرب اذا كان الشفع الصغار يدفعو مهر مليار يعنى الكبار يعملو شنو
ولماذا لاترده مريم؟؟؟؟؟؟؟
واى سودانى ايمانة ضعيف سوف يرتد لما يشوف الفساد والدفاع عنه وكمان من الذين قالوا علماء وهئة علماء السلطان
والله عذاب الله قريب يشمل الصالح والطالح ثم يبعثوا على نياتهم اما الصالحين يشملهم العذاب لانهم لم يامروا بالمعروف وينهوا عن المنكر امثال الكارورى وامثاله كثر وكمان المدعوا حسين خوجلى المنافق
والله لو احى الله حذيفة بن اليمان وقالوا ليه طلع المنافقين لطلع نصف السودان
حسبنا الله ونعم الوكيل فى البشير هو المسؤل الاول والاخير
تبا لهم ال البشير اللهم خذهم اخذ عزيز مقتدر واجعلهم عبره ومعاهم الوالى الكضاب الخضر بئس الرجل هذا الرجل


#1024641 [ابو زر]
0.00/5 (0 صوت)

06-03-2014 08:21 PM
اسرائيل تخترق مصلحه الاراضي السودانيه وتفبرك تهم باءمتلاك قياديي المؤتمر الوظني للاراضي ؟؟ وقاده ينفون ذلك بشده ويتوعدوا اسرائيل برد العنيف الا ان الوزير كرته يؤكد م قالته اسرائيل


#1024474 [جساس الثقفي..الطائف]
0.00/5 (0 صوت)

06-03-2014 04:50 PM
هل هذا تقرير من محكمه قضائيه نزيهه لكي يوجه لاتباع جماعه ((الاخوان الا بالحكمه)) بالسودان ويعتبر دليل ضد حكومتهم الفاشله ام هو تقرير من معارضين سياسيين لهم قد يكون حقا وقد يكون باطلا وقد يكون حقا يراد به باطلا ؟؟؟


ردود على جساس الثقفي..الطائف
European Union [محمد أحمد الغلبان] 06-03-2014 06:49 PM
نشــكر القائمين بالامر على هذا التوثيق ونرجــو العمل الدئوب لحصر ممتلكات لكل من :-
1- عمر أحمد البشــير
2- زوجــات عمر أحمد البشير
3- بقية أهله من قرية حــوش بانقا
4- الاراضي التي استلمها هؤلاء وبيعها لجهــات اخرى
5- ممتلكات البشير واهله واقاربه خارج السودان
6- حسابات المذكورين اعلاه داخل وخارج السودان.


#1024224 [أبو شورة]
3.75/5 (5 صوت)

06-03-2014 01:30 PM
شويه عليكم مفروض دي تكون حقت البشير لحاله فقط. ما ياهو الصادق بطالب في الحكومة ب 50 مليار سعر أراضى ، من أين له هذا؟؟؟؟؟؟؟؟


ردود على أبو شورة
[اسد الله] 06-04-2014 10:04 AM
الصادق ود عز يا تجمة انت ، الصادق ورث المليارات من ابوه . لكن البشير لمن استلم السلطة ما عنده خلاف مرتبه . فعلا لكل داء دواء ، الا العبط فانه لا دواء له . على فكرة عايز اسالك سؤال ، انت منغولى ولا شكلك كدة ؟ .


#1024219 [بامكار]
3.82/5 (5 صوت)

06-03-2014 01:27 PM
القذافى وحسنى مبارك وصدام عندهم أكثر من كده يعنى ايه اراضى عاملين ازعاج على الفاضى القذافى خلا دهب $ ومات فى حد محوش بكرة تتنزع هذه الملكيات زى الترتيب ما تستعجلوا ليهم يوم يتمنوا زى الطفل الغرير


#1024174 [أبو عبد الله]
4.07/5 (5 صوت)

06-03-2014 12:58 PM
اتمنى من أحدكم سحب نسخ من هذه الوثيقة المهمة و تسليمها لما يسمى شيوخ المنابر لمعرفة ردود أفعالهم


#1024112 [saleem]
3.13/5 (4 صوت)

06-03-2014 12:23 PM
أنا المحيرني حقيقة هو انو الناس البتكتب الكلام ده مقتنعة بيهو وعاوزننا نصل ال نتيجة أن النظام فاسد؟ النظام فاسد نعم بس كلام العيال ما بقنع الا شفع الشفع أولاد الزمن ده الماقادرين افرقو بين الديمقراطية وحلاوة طحينية. المشكلة مش في انو البشر وجماعتو بيمتلكو شنو الموضوع هو من وين جابوها؟ لأنو مؤهلاتهم وخبراتهم تمكنهم من امتلاك اكتر من القلتوهو ده. في ناس كتار بس الناس ما عارفاهم عندهم مؤهلا أقل بس عندهم اكتر من البشير واخوانو وجابوها بالطريق العديل. عاوزين تقولو انو أخصائي جراحة من فترة طويلة ومغترب ما اقدر اسوي ليهو كم قطعة أرض؟ شوفو أطباء عموميين كتار قاعدين في السعودية وشوفو عندهم شنو. صحيح في بعضهم ما عندو شئ. علي حسن أحمد البشير ده مهندس من فترة طويلة وفي مهندسين كتار عندهم أضعاف قطع الأرض العند البشير
والله نوع كلامكم ده هو البطول عمر الدكتاتوريات. شفع صغار بكتبو وليس لهم خبرة لا في الدنيا ولا في الآخرة. الواحد قاعد خلف الكيبورد واكتب بي كل جبن العاوزو. الله اقرفمن


ردود على saleem
European Union [زول غلبان و تعبان من السمدان] 06-03-2014 02:42 PM
كوز ،،لا تروا عليه ، اعرفه

[بهاء] 06-03-2014 01:15 PM
يا راجل استحي و خاف الله في دفاعك عن الباطل .. أنا مغترب لمدة 28 عام و مرتبي أعلي من أخصائي الباطنية بحمد الله .. و يا دوب قطعتين بجبرة و الطائف و لم أكمل تشطيب الطابق الأول بالرياض حتي الآن .


#1024045 [الخطيب ..ابوظبى]
3.57/5 (5 صوت)

06-03-2014 11:27 AM
اها والبا


#1023825 [ابن السودان]
4.07/5 (5 صوت)

06-03-2014 09:04 AM
افتحوا ملف الحى الدبلوماسي وعلافةعبدالله البشير وعبدالله الفاضل وعثمان محمد الحسن - والعفد بين الاراضى وشركة منازل الشركة المفترض تفوم بتنفبذ اعمال الخدمات (الماءوالكهرباء والطرف ) ثم بيع الاراضى


#1023776 [زمبعوك]
3.82/5 (5 صوت)

06-03-2014 08:33 AM
والله انتو صحي جعتو .... النهب دا من سنة 89 ... ديل المسجلين بأساميهم ... فتشو أولادهم واحفادم حتلقى بيتكم مسجل بأسم الزمبعوك الهين منهوب حسن أحمد البشير ... ياخ ديل نص السودان مسجلينو والنص التاني باعهوا


#1023641 [مشفق علي السودان الفضل]
3.94/5 (6 صوت)

06-03-2014 02:56 AM
يا ريس بان و عليك الأمان و أطلع لينا بوثبة تانية .. هل ما نشر حقيقة و تفسيرك له !!! أم هو فبركة من الصهيونية العالمية و دول الاستكبار و أذنابهم لوأد المشروع الحضاري ؟ ؟ ؟

و بعدها لكل مقام مقال .. حتي لا تفرخ الشائعات و يحدث ما لا يحمد عقباه و بعدين تكوس النجدة في لاهاي .


#1023259 [anti kizan]
4.16/5 (6 صوت)

06-02-2014 03:08 PM
والريبوت الشايلاه {وداد} ده اكيد بتاع بان جي مون ....ولا انا غلطان...الهي هذا حالنا لا يخفى عليك ....اللهم دمر منافقي الانقاذ وتجار دينك يا الله


#1023185 [نكس]
3.82/5 (5 صوت)

06-02-2014 02:23 PM
تعلن حركة الدعاء والتضرع لنصرة الشعب السوداني - ان اول يوم من ايام شهر رمضان المبارك عقب صلاة العصر سوف يكون دعاء الشعب السوداني المظلوم لله رب العالميين بان يرحمنا ويرفع عنا عزابه متمثلا في الحزب الحاكم - كما نرجوا من الجميع اخلاص النية لله عز وجل ودعوة المعارف والاطفال وتعميم الدعوة بالوسائط لكل سوداني حر - علي ان يشارك باضعف الايمان بالدعاء لله عز وجل -ولكم بعض الدعوات للمساعدة :-
( اللهم أنت أعلا منهم شانا واقوي منهم سلطانا ورجائنا بك أكثر من خوفنا منهم

وأملنا فيك أكثر من وجلنا منهم فقنا شرهم واكفنا همهم وأمرهم

واصرف عنا أذيتهم واجعل بيننا وبينهم حجابا من نور عظمتك و حاجزا

من كلايتك حتى لا ينالنا منهم سوء انك علي كل شيء قدير وبالإجابة جدير

ولا حول ولا قوة الا بالله العلي العظيم الكبير وصلي الله علي محمد وعلي اله الطيبين الطاهرين .

للهم يا قوي يا منتقم يا جبار يا عزيز يا صانع يا قهار يا مقلب القلوب والأبصار

يا من يعين بلا معين وينصر بلا أنصار يا من لا يعظم عليه قهر الجبابرة والمتمردين

يا رب العالمين يا مالك يوم الدين يا رحمن يا رحيم يا الله يا الله يارحيم أسالك بحق يس

والقران الحكيم واقسم عليك وادعوك اللهم بحرمة وعظمة اسمك الله الصمد الاحد

ان تصلي على محمد واله الطيبين الطاهرين وان ترفع عنى الظلم فانك نعم المولى

ونعم النصير وصلى الله على محمد واله الطيبين الطاهرين .


اللهم يا موضع كل شكوى يا شاهد كل نجوى ويا عالم كل خفية ويا كاشف

كل بلية ويا منجي موسى ومحمد وإبراهيم الخليل صلوات الله عليهم ندعوك

يا إلهي دعاء من اشتدت فاقته وضعفت قوته وقلت حيلته دعاء الغريق الملهوف المكروب

المشغوف الذي لا يجد لكشف ما نزل به إلا أنت لا إله إلا أنت فارحمنا يا أرحم الراحمين

واكشف ما أنزل بنا اللهم عدونا وعدوك الشيطان الرجيم و هؤلاء القوم الظالمين الباغين .


#1023113 [ابو مروان]
4.07/5 (5 صوت)

06-02-2014 01:04 PM
بعيدا عن المهاترات وقريباً جداً من المسئولية :
هل الأخ رئيس الجمهورية عمر حسن أحمد البشير يقرأ صحيفة (الراكوية)؟ أو هل يتم تلخيص الأخبار له بواسطة المستشار الصحفي للأخ رئيس الجمهورية؟ وهل لدينا وزير إعلام مهني أو (كله عند العرب صابون!).


#1022987 [كاهل ابوعرب]
4.13/5 (7 صوت)

06-02-2014 11:11 AM
ممغوص انا .... يا اخوانا البشوف البشير يستدل بآيات القران والاحاديث يقول دا رئيس ديني عالم ... بس دي دراما عادل امام مع يسرا ما عمله ...

انعل ابوك بلد


#1022901 [مفجوع]
4.19/5 (6 صوت)

06-02-2014 10:06 AM
يسرقوا كلهم حرامية .. بس الكويس جمعوا كل قطعهم في كافوري لي يوم الحساب ...
كان ماحاسبناهم في الدنيا في الآخرة مافي شي بيضيع...


#1022859 [ممغوص من الإنقاذ]
4.27/5 (11 صوت)

06-02-2014 09:34 AM
آه يا سفلة يا أولاد الكلب الخرطوم دي - عقدتكم دائماً وأبداً - لو إمتلكتوها شبر شبر وسجلتوها كلها بإسمكم برضو ما حتكون حقتكم لأنكم ما بتشبوها يا غزاة يا معفنين يا رمم...انتو جيتونا من وين يا متخلفين يا وهم... داهية تاخدكم واحد واحد وتريحنا من اشكالكم القميئة دي...ياخي من يوم طليتو علينا بي خلقكم القبيحة دي نحن تاني ما شفنا خير ولا راحة ...ربنا ينتقم منكم يا حرامية ويبهدلكم زي ما بهدلتونا ويشردكم يا لصوص زي ما شردتونا يا عولاق يا كرور يا وسخانين...تفووووه عليكم وعلى وشوشكم يا نصابين


#1022709 [بنت الناظر]
4.57/5 (8 صوت)

06-02-2014 07:07 AM
بالله المدعو نورالدئم إبراهيم صهر البشير بياع البيض ده لو ماكان البشير رئيس كان قدر يمتلك حتى عشة جداد فى كافورى ؟؟
أمر الأراضى هذا لازم الشعب السودانى ياخده بجدية ولازم بعدين تصادر مع كل الثروات ولابد أن يعود بياع البيض لى بيع البيض وبياع الطايوق لى بيع طايوقه والعندو كارو من حسى يجهزها ..لأنكم أيها الحرامية لابد أن تشربوا من نفس كأس الذل والهوان التى سقيتم منها الشعب السودانى...ليكم يوم يا مجارمة..


#1022699 [العميد المطرود]
4.19/5 (6 صوت)

06-02-2014 06:39 AM
انا المحيرني الناس ديل وقت مابخلفو من الله مابخجلوا من الناس وبعدين الواحد شايل 4 قطع وعنده بناته 4 كل واحده مدها 4 قطع وعنده ولدين منح كل واحد 4 قطع يعني نائب ريئس الهلال هو واسرته عندهم جعزومية قطعة وفي كافوري كمان وسعر القطعة بين 2 الي 3مليار وبتاع جن الجداد دا عنده من القطع ما يجيب الويت مش الشركة الكويتيه قايتو البلد بلدهم والماعاجبو يقع البحر مش الجنجويد وحميتي الله يدي العافية ويسكنه الصافية عشان كافوري مافضل فيها ولاشبر


ردود على العميد المطرود
European Union [موجوع وطن] 06-03-2014 08:50 AM
أربعة قطع شنو يا سعادتك أنت ما شايف أبو النسب دا شايل كم حارة ليه ولكل الفبيلة ودا كله عشان هو بعيد عن الأضواء و ما في زول حيقول براءة زمة و لا قيامة و لا هم يحزنون شفت الناس ديل خاتين لينا قنابير قدر شنو؟؟... ود لسع أرصدة ماليزيا و قطر ما دخلت الخط..


#1022697 [Quickly]
3.75/5 (7 صوت)

06-02-2014 06:34 AM
خبر فـساد رأس النظام البشير واسرته يعتبر قنبلة الموسم بكل المقايس وقد تصبح الشغل الشاغل للاعلام في الايام المقبلة
مليون تعظيم سلام للجنود المجهولين الذين قاموا بتهريب هذة المعلومات المهمة للأعلام
ونتمنى لكل من يملك وثائق تدين وتثبت تورط رموز النظام في الفساد ان يقوم بنشرها في الفضاء اللكتروني لفضحهم امام الرآي العام


ردود على Quickly
United States [جساس الثقفي..الطائف] 06-03-2014 07:45 PM
لايعقل ان تتشكل حكومه بكل هذا الفساد وبكل هذه البحبوحه من الحريه لانتقاده


#1022678 [ما تشيلي هم]
3.94/5 (6 صوت)

06-02-2014 05:03 AM
ههههههههه اللهم زيد وبارك نتقابل يوم القيامه ان شاءالل


#1022665 [ود أم مريوم]
4.13/5 (7 صوت)

06-02-2014 02:33 AM
قال تعالى : بسم الله الرحمن الرحيم

( ذَلِكَ بِمَا قَدَّمَتْ يَدَاكَ وَأَنَّ اللَّهَ لَيْسَ بِظَلَّامٍ لِّلْعَبِيدِ ) (10) ( الحج)
(الْيَوْمَ تُجْزَى كُلُّ نَفْسٍ بِمَا كَسَبَتْ لَا ظُلْمَ الْيَوْمَ إِنَّ اللَّهَ سَرِيعُ الْحِسَابِ ) (17) ( غافر)

صدق الله العظيم


إتركوهم فى غيهم يعمهون ! فقد حل عليهم غضب الله بما صنعت أيديهم و هم غافلون ! { وما ربك بظلام للعبيد} !

فقد جاء في صحيح البخاري، بَاب إِثْمِ من ظَلَمَ شيئاً من الأرض، عن سَالِمٍ، عن أبيه، رضي الله عنه، قال: (قال النبي، صلى الله عليه وسلم: من أَخَذَ مِنَ الأرْضِ شيئاً بِغَيْرِ حَقِّهِ، خُسِفَ بِهِ يوم الْقِيَامَةِ إلى سَبْعِ أَرَضِينَ).



و قال تعالى : بسم الله الرحمن الرحيم

(وَلاَ تَهِنُوا وَلاَ تَحْزَنُوا وَأَنتُمُ الأَعْلَوْنَ إِن كُنتُم مُّؤْمِنِينَ ). صدق الله العظيم


ردود على ود أم مريوم
[الميزان] 06-02-2014 04:41 PM
عذرآ .. الآية ( .. لا يريدون علوآ في الأرض و لا فسادآ و العاقبة للمتقين ) ..

[الميزان] 06-02-2014 06:53 AM
( انما نملي لهم ليزدادوا اثمآ ) ..

( تلك الدار الآخرة نجعلها للذين لا يريدون علوآ في الأرض و العاقبة للمتقين ) ..

صدق الله العظيم .


#1022663 [ركبة الرئيس]
4.60/5 (7 صوت)

06-02-2014 02:23 AM
لقيت الحل
بشة محتضر بسبب عملية الركبة , وداد ح تورثوا, وزى ما بشة اتزوج وداد لما ركب ابراهيم شمس الدين الطيارة ,واحد مناضل يتزوجها ويركبها طيارة و ويورثها ويرجع المال والاراضى للشعب السودانى
كدا اتحلت القضية
وماتنسوا ان المفتاح فى عملية الركبة
افضل معلق بالراكوبة هو من يخلف البشير فى وداد ويحل القضية
يلا تعليقات قوية ما زى ركب الرئيس


ردود على ركبة الرئيس
European Union [موجوع وطن] 06-03-2014 09:03 AM
هو قال ليك وداد تعرس واحد عنده ضمير؟؟ أنت كدي بحلق كويس و شوف الجنبها ديل في واحد كان عنده حتة ضمير في يوم؟؟ و بعدين ما في زول عنده حتة ضمير ويتمني أن يجمعه أمر مع أحد هؤلاء السفلة الـــ.... أنت ما شفت الشعب ورث القذافي و ألاده كيف؟؟ العميانيين شافوا... كان ما شفت إستعين بأقرب نجار يوصف ليك أو يصنع ليك نموذج للعبرة والتاريخ.. هكذا يورث الطغاة...(يعرسوا ليهم شنو الـــ... ديل)


#1022660 [basheer]
3.57/5 (8 صوت)

06-02-2014 02:10 AM
انا لااريد ان اتكلم كثيرا عما نشر اعلاه والحق يعلو ولا يعلي عليه ولكن ان كان ذالك حقيقة فلماذا ظهر الان وهل هذا كل الفساد ومن له مصلحة في نشر ذالك الان هل هو الشعب السوداني ام هو النصف الاخر من الجماعة اياهم بعد ان حاصروهم الفوق ليهم وقالوا هم نلعب بالكرت علي وعلي اعدائي ونشروا بعض الاسرار ليكونوا ابرياء ويستغلوا غضب الشعب واندفاعه في اتجاه معين ويهربوا بعيدا بالجمل بما حمل... الشعب السوداني اليوم لاتنطلي عليه الحيلة وبقي مفتح ... نحن نريدها كلها من اصغرهم الي اكبرهم والمنشور يمثل واحد في المائة فقط ومنشور لاهداف معينة والشعب السوداني ليس بغبي والفساد ليس في الاراضي وحدها .. نحن نريدها كلها اي نعم كلها وبعدين الكل يكون مسئوول ويحاسب .. لانوا لوكانت حقيقية وقبضناها كلها فهي حتما ستصلح اقتصاد البلد ترو قليلا ولاتندفعوا حتي لاتظلموا احدا وان كان هناك حساب فليكون لجميع المفسدين ... وتثبتوا بالبينة ( ان جاءكم فاسق بنبا فتبينوا ان تصيبوا قوم بجهالة فتصبحوا علي مافعلتم نادميين ................
الرجاء قراءة المقال جيدا وفهمه الفهم الصحيح وعدم التاءويل كل لهدفه وانا لاادافع عن هؤلاء ولااولائك .....


#1022625 [حسب الظروف]
3.83/5 (7 صوت)

06-02-2014 12:19 AM
اللهم لاعيش الاعيش الاخرة اتحدى أي واحد منهم ان ينعم اويرتاح البال في هذه الدنيا اما الاخر الحلال مشكلة فماذا عن الحرام


#1022594 [kduess]
3.16/5 (6 صوت)

06-01-2014 11:09 PM
هؤلاء مفسدين خنازير ليس بنى ادمين عاثوا في الأرض فسادا و دمروا من البلاد .... سرقوا أموال هذا الشعب !! فلابد حل جذرى عاجلا بكل الوسائل ممكنة ... كفاية فآق الصبر.


#1022590 [الفاقد حنان]
4.19/5 (6 صوت)

06-01-2014 11:02 PM
مين يقدر يقول البغلة في الابريق؟؟؟ العين يصيرة واليد قصيييييييييييييرة


#1022576 [-----------------]
3.75/5 (5 صوت)

06-01-2014 10:50 PM
اذا فرضنا ان الكلام دا صحيح .. ما هي الخطوة التالية . و ما تقول لي نعمل ثورة و نسقط النظام


#1022566 [ودالجزيرة]
2.63/5 (6 صوت)

06-01-2014 10:39 PM
الأراضى دي مسجلة فى تسجيلات أراضى بريطانيا وأمريكا وكل دول العالم الغربى وهم كشفوها لانهم أعداء المشروع الحضارى.


ردود على ودالجزيرة
United States [مسكين] 06-02-2014 12:40 PM
معليش أنا قصدت أرد على (خليناكم لله)

United States [مسكين] 06-02-2014 12:38 PM
يا ود الجزيرة دي تورية ، بلاغة يعني! وهو يقصد العكس

United States [خليناكم لله] 06-02-2014 09:15 AM
اتق الله يا ود الجزيرة وقول الحق اين المشروع واين الحضارة واي واحد من المؤتمر يصلح ان يكون قدوة لغيره الا في الفساد والتجارة باسم الدين اللهم لا نسألك رد القضاء ولكن نسألك اللطف فيه


#1022562 [إسماعيل البشارى زين العابدين حسين]
3.10/5 (9 صوت)

06-01-2014 10:29 PM
لهذا علينا جميعا أن نحارب بل ونقتل كل من يقول لنا بأنه يريد أن يحكمنا بالشريعه !! فبنوا أميه كانوا من المتأسلمه والقائل لكتاب الله (إذا سألك ربك يوم عيد فقل له مزقنى الوليد ) هو أيضا أمير من أمراء المؤمنين وليس المسلمين هكذا هم ومن دعا بدعواهم !!!!!!!!!!!ظلمة قتله فجره لصوص طغاة بغاة ويدعون التقرب إلى الله بالنهب والسلب !!!!هل عرفتموهم !؟؟؟؟؟؟؟؟؟؟؟؟


#1022553 [nagatabuzaid]
4.57/5 (11 صوت)

06-01-2014 10:16 PM
تعليق على الصورة :
كنت تشيلى ولد سودانى من اطفال المعسكرات وجه وسخان ينونى فيه الضبان زيك زمان كان من الزرقة او العربان كلنا هتفنا وقلنا يا سلام على سند السودان الما نست ماضيها الزمان


ردود على nagatabuzaid
United States [nagatabuzaid] 06-02-2014 12:58 PM
الكريمان الكاشف وابو ريشة شكرا على المداخلة يا الكاشف انا قلت علامة النصر لشنو اتاريها معناها كيتا عليكم استثمرنا فى الصين وشلنا الشفع المبلغين تكون عملوها ماركة لبضاعة صينية وادوها عليها مقابل مسيكينة سعرانة قروش

ابو ريشة فرق السماء للارض بين الليدى ديانا وفلانة خاصة فى العطاء والعمل الانسانى خليها ومستورة

United States [الكاشف] 06-02-2014 12:23 AM
يا أخت ضبان شنو ووسخ شنو, الشايله فى يديها ده عبارة عن حزمة استثمارات وأوراق مالية و أسهم وحسابات بنوك وكلو صناعة صينية, ما شايفة البسطة وعلامة النصر بأصابعينه السمان.

United States [ِAburishA] 06-01-2014 11:43 PM
لك التحية بت ابزيد.. فهم متقدم وذلك ما كان يجب ان يكون عليه كأضعف الايمان.. ولكن آه آآآآه بتذوب الاحجار كما قال سيد خليفة له الرحمة...انظري الى الفرق بينها والاميرة ديانا سبنسر عندما كانت تزور افريقيا..


#1022548 [nagatabuzaid]
3.88/5 (8 صوت)

06-01-2014 10:09 PM
جد انا مخلوعة ومفزوعة معقول يكونوا ما مؤمنين بيوم الدين للدرجة دى؟ هل معقول انسان يقول لا اله الا الله محمد رسول الله يصل هذه المرحلة ولا يتلفت ولا يوجد بداخله ذرة من ايمان ويل لكم وحقيقة ما اصابكم فى ابدانكم وعقولكم هو غضب من الله اكاد اجزم ان هذه المخلوقات مصابين بلوثة عقلية وان داء جنون البقر كامن فى عقولهم من كانوا يستلقون تحت الابقار يشربون البانها مباشرة دون حلبها نظام سرقة المرض اصابهم منذ ذلك الحين اللهم اكمل عقابك لهم ارجعهم حفايا وعرايا كما كانوا واجعلهم هائمين على وجوههم لا قبلة لهم وحسبنا الله ونعم الوكيل اللهم اضربهم بسيف المؤمن حسبنا الله ونعم الوكيل ونسائهم واخواتهم واخوانهم وبناتهم وكل من ينتمى اليهم ويتبعهم
ويا الجداد سجم خشمكم قفص ما ادوكم ليه حايمين بالكوش


ردود على nagatabuzaid
United States [nagatabuzaid] 06-03-2014 11:20 PM
يا ود كترينا تركت لب الموضوع بقيت شرب اللبن من تحت البقر خلاص الحاجة نجاة غلطاااانة
وحقيقة هى اتربت على لبن كافورى لما كان بتوزع بالعربات وما كان فى مرض جنون بقر لكن اقول ليك جماعتك مصابين بجنون البقر وعقدة كافورية اها اشرح للحاجة كيفية العدوة بجنون البقر
وانت من الخرطوم ثلاثة محطة كترينا ولا من نسل حبوبة كترينا الاغريقية الرائعة ولا اسم على اسم

[ود كترينا] 06-02-2014 05:59 PM
***ياحجة نجاة...داء جنون البقر لاينتقل عن طريق شرب حليب البقر!!!خليك فى السياسة أحسن!!


#1022523 [موجوع بالحيل]
3.50/5 (7 صوت)

06-01-2014 08:52 PM
انا قطع الارض دي مضمونه بترجع بدون ورق ما واجعاني زي البطلع لي ماليزيا ومحلات غسيل الاموال تركيا ودبي وغيرها


#1022505 [الاصم]
3.38/5 (5 صوت)

06-01-2014 08:21 PM
انا ما بصدق الا اطلع بيان من رئاسة الجمهورية خلال يومين بهذا النشر....اما رفضه او تبريره


ردود على الاصم
[أغبش] 06-02-2014 08:56 AM
اعذرني يا الأصم.... انت زول طيب وما مكتشف الحاجه دي


#1022497 [معاذ ود العمدة كجرت]
4.07/5 (8 صوت)

06-01-2014 08:07 PM
أَفَحَسِبْتُمْ أَنَّمَا خَلَقْنَاكُمْ عَبَثًا وَأَنَّكُمْ إِلَيْنَا لَا تُرْجَعُونَ


#1022496 [ابن الوطن]
3.94/5 (8 صوت)

06-01-2014 08:02 PM
والله امنيتي في الدنيا قبل الممات ارى البشير وجميع حاشيته خلف القضبان في السودان او لاهاي


#1022485 [مستغرب]
3.07/5 (8 صوت)

06-01-2014 07:31 PM
وديل كلهم قبل الانقاذ كانو محشورين فى بيوت الطين فى قرية حوش بانقا؟؟ قفزة رهيبة عائلة روكفلر لم تحققها فى 25 سنة.


#1022475 [الكرباج]
4.13/5 (8 صوت)

06-01-2014 07:15 PM
اذا سرق الفقير رغيف خبز ليأكله سقوه السم ماءا .... ويسرق ذو الغني والسلطه ارزاق شعبا برمته ولا يلقي جزاءا


#1022469 [ابن تيمية]
3.94/5 (8 صوت)

06-01-2014 06:59 PM
السادة علماء السودان أفتونا دام فضلكم في هذا التملك الأسري المتسلسل لأراضي الدولة .. و جواز تملك بعض الاراضي الحكومية بذريعة الوقف !!!!!


#1022451 [مجنون]
4.13/5 (8 صوت)

06-01-2014 06:33 PM
لا اله الا الله


ردود على مجنون
[مسطوول] 06-03-2014 02:18 AM
حمدآ لله أن شفاك و آسلمت بعد زلزال أولاد حسن البشير .


#1022447 [Khalidali]
4.19/5 (7 صوت)

06-01-2014 06:27 PM
ال البشير بإذن الواحد الاحد لن يهناء اي فرد من اسرتك بقرش من مال الشعب ولن تجدوا مكاناً بين الشرفاء الى ان تقوم الساعة صدقوا ايامكم صارت معدودة سنتعقبكم حتى ولو فى جحر نمله الى وليدكم مولود اليوم .


#1022426 [حوش بانقا]
4.19/5 (8 صوت)

06-01-2014 06:00 PM
فضحتونا يا أولاد حسن البشير .. و انتم تنفثون عن حقدكم الطبقي و دونيتكم بالاستيلاء علي جيفة عزيز كافوري التي كنتم ترعون ابقارها أطفالآ .. أليس منكم رجل رشيد !!! و الكفن مافيهو جيب !!! و لا يبقي الا العمل الصالح .. يخسي عليكم .


#1022397 [دليل آل البشير]
4.60/5 (8 صوت)

06-01-2014 05:21 PM
الكلام دخل الحوش يا ريس .. فها هو الدليل بين يديك .. اما أن تكذبه رئاسة الجمهورية علي أنه فبركة اسرائيلية لهدم المشروع الحضاري .. و اما أن تستقيل كما يفعل الرؤساء الكفار في اوروبا و اسرائيل و تترك الأمر للشعب ليسترد حقوقه من أحفاد حسن البشير و اولاده و حرمكم المصون وداد و شقيقها و شقيقاتها و كل من أثري بغير وجه حق علي حساب الشعب المغلوب علي أمره .


#1022394 [yt]
3.94/5 (5 صوت)

06-01-2014 05:17 PM
فعلا بعض التجاره في الجمال مربحه جدا


#1022390 [ذهب الجبال]
2.38/5 (6 صوت)

06-01-2014 05:10 PM
الاخوة المغتربين و ضحايا الصالح العام فى اروبا و امريكا و الدول الاسيويه كماليزيا و غيرها ارجو المساهمه فى نشر ادق التفاصيل عن املاك و سكن و اسر لصوص و قتلة هذا النظام . لدينا الفقة الثورى الخا ص بنا (شباب المهجر السودانى) للقيام باعمال التصفية الدموية (دون تمييز) حتى لكل من تسول له نفسه التعامل مع الهدف (وان كان ذو صلة دم او يافعا). سنقيكم شرهم خارج الحدود حتى (داخل ايران و روسيا) لذا عليكم بالنشر الدقيق فقط.
ودمتم


#1022385 [جركان فاضى]
4.05/5 (7 صوت)

06-01-2014 05:02 PM
طيب دى اراضى البشير واهله في الدنيا(السودان)....كمان عايزين نعرف اراضيهم فى الاخرة( ماليزيا ودبى)


ردود على جركان فاضى
[nagatabuzaid] 06-01-2014 09:31 PM
اراضيهم فى الاخرة فى سقر ان شاء الله


#1022379 [ELSHAFYA A.ALI]
3.00/5 (8 صوت)

06-01-2014 04:50 PM
عفيت منك يا الجعلي تب...
اهااااااا....يلا ورونا رجالتكم
وامشوا اقلعوها منهم....قاعدين
في الخرطوم ومبسوطين اربع وعشرين
قنطار....قالوا الزارعنا يجي يقلعنا...
قاعدين مالكم؟؟...منتظرين شنو؟؟
منتظرين الغلابه يموتوا عشان تجوا تلقوها
بارده....تقدموا الصفوف....


ردود على ELSHAFYA A.ALI
European Union [karshelfeel] 06-02-2014 12:16 AM
صلح معلوماتك البشير ما جعلي


#1022368 [kori ackongue]
4.19/5 (6 صوت)

06-01-2014 04:31 PM
Sudanese brave media and people, you know by this writing pens and documentary posting communications systems, the down fall of the reputation of these thieves have had started, this the real fighting of discovering what those Hollaco Al Tettary men and women are to such seriously the blood of the Sudanese everywhere. Bravo, bravo,, bravo, bravo and billions of bravos for this future utility elements of judgments, other strategies of screening palaces and houses street by street and block by block will follow to number and numerate exactly all the building of very high and concrete constructed houses in the whole cities of Sudan, then the talk of courts of corruptions will talk by then Hamedditi the mercenary man who has been brought from Muritainia and Northern Niger and Ni Northern Nigeria will not enjoy the very new palace given to him and some houses for his officers Janjweet called RSF. Well done my dear heroes and God save you at your prisons and jails zones of the secret places in Sudan and perhaps outside Sudan to the countries of cooperation with these SATANS. What does it means a hero if you are not that one?


#1022361 [معاوية عبدالباقي الطيب]
4.13/5 (8 صوت)

06-01-2014 04:27 PM
أين المشروع الحضاري الذي من أجله جاع الشعب السوداني وضحى بأبنائه في جنوب السودان الذي فصلتموه على حين غرة ، ماذا تقولوا لرب العباد ؟.


#1022355 [المنجلك]
3.57/5 (7 صوت)

06-01-2014 04:21 PM
الناس ديل بلادة و طفاسة عجيبة دى قطع خطة أسكانية ومسجلة في الأراضي والحصول عليها أما عن طريق الشراء أو الاستحقاق ياريت لو نعرف معلومات الملكية القديمة هل كانت تابعة للأراضي أم تم شراءها من ملاك سابقين

وأدا تغول هولاء بهذه الصورة الشرسة على حق عام فكيف تكون بقية العصابة من أفراد اكبر حكومة في أفريقيا والشرق الأوسط

الجيش خط احمر والأراضي خط احمر فاذا لم نتحدث عن الأمن والثروة فعن ماذا نتحدث


#1022325 [ود كتريتا]
4.35/5 (25 صوت)

06-01-2014 03:46 PM
***غشيت قبرك الملائكة أبى...فى صبحك وظهيرتك وعشيتك...
*** كان ميلادى فى كنف أبى...وكان أبى موظفا فى احدى المصالح الحكومية الكبرى بالخرطوم...لازالت كتب أبى باللغة الاتجليزية ترقد هناك فى الخرطوم حيث البيت الكبير...
***كان راتب أبى ثابتا لايتغير مازلت أذكره حتى اليوم كات 24 جتيها سوداتيا فقط لاغير!!
***فى السبعينيات من القرن الماضى كنت على أعتاب التخرج فى الجامعة ..كان ذلك بعد أعوام قليلة من انقلاب النميرى
***حصل أبى على قطعة أرض حسب ما كان يسمى ب(الخطة الاسكانية لمديرية الخرطوم) ...جاء أبى فرحا يحمل كتيب مصلحة الأراضى وأرانا اسمه مدونا فيه...بعد مايفوق الثلاثون سنة خدمة فى الحكومة حصل أبى على قطعة أرض مساحتها 600 متر مربع بمنطقة الرياض...تدفع بالتقسيط!
***حينما حل النصف الثانى من سبعينيات القرن الماضى قام وزير المالية حينها بدر الدين سليمان بأول تخفيض لقيمة الجنيه السودانى أمام الدولار الأمريكى بما عرف حينها ب(تعويم الجنيه)...ثم حلت بعد ذلك الكارثة الاقتصادية وحدث تدهور مريع فى مستوى المعيشة...زاد الأمور مشقة احالة أبى الى الصالح العام!
***كنت أنا حينها حديث التخرج...اخوتى الستة مازالوا فى المدارس والجامعات...لم يستطع أبى بناء تلك القطعة بالرياض فقام ببيعها بمبلغ 22 ألف جنيه سودانى! حتى يغطى مصاريف اخوتى واخواتى واخواته وعائلته الممتدة وأهلى الذين يأتون من البلد منهم طالب للعلاج ولآخر له وطر يقضيه...بقينا فى بيت الايجار وتوفى أبى دون أن يتمكن من الحصول على سكن لأسرته!!
***يا أخوتى الصغار فى الخرطوم ويا أبناء اخوتى ويا أهلى جميعا...كان راعيكم أمينا شريفا عفيفا تقيا زاهدا شاكرا لربه...لم يسرق...لم يفسق...لم يقتل ...لم ينهب...لم يغتصب...مات عفيفا نظيفا...ورغم أنه قد مر على وفاته مايفوق ال 17 عام الا أنى أدعو له آناء الليل وعند البكور...ماكان أبى (سراق)...ولا كان الوليد (العاق)!
***نم يا أبى هانئ البال فأنا واخوتى من بعدك(على عهدك ووعدك ما استطعت)...كما علمتنا ووصيتنا
***يا آل أبى ارفعوا رؤؤسكم عاليا...وقولوا نحن منه...نحن لسنا نهابين ولا سارقين ولا فاسدين...لماذا؟؟لأننا لسنا (مؤتمر وطنى)...ولا (حركة اسلاموية)...
***اللهم اغفر لأبى وارحمه وابدله دارا خيرا من (داره)...يارب العالمين...آمين!


ردود على ود كتريتا
[بنت الناظر] 06-03-2014 10:55 AM
رحم الله والدك وكل النبلاء من أمثاله..ذكرنى حديثك عن والدك بأحد المواقف التى حصلت مع والدى رحمه الله فقدجاء من العمرة وكان معه شنطتين أمانة لشابين من أبناء الجيران و بعد أن قام والدى بتسليم الشنط لأصحابها وجدصابونة حمام داخل شنطته ويبدو أنها سقطت أثناء تفتيش الشنط فى المطار من شنطة أحد أبناء الجيران فأخذها والدى لتلك الأسرة فقالوا له ياحاج دى صابونة ماكان فى داعى تجيبها ..فقال لهم إن لم أعطيها لكم فماذا أقول لله يوم الحشر؟؟؟..
ما أعظم ذاك الجيل من الآباء الذين حفظوا ربهم وحفظوا الأمانة..ويا حسرة على زمننا هذا الذى ضاعت فيه الأمانة..وكثر فيه ذوى النفوس الضعيفة
رحمة الله على والدك ووالدى وكل موتى المسلمين وأبدلهم الله دار خيرا من دارهم وأسكنهم فى الفردوس الأعلى..

United States [المنجلك] 06-02-2014 09:58 PM
هكذا كان حال السواد الأعظم من أهل السودان فثروتهم الحقيقية في تكاتفهم ومروتهم للقريب والبعيد
فنشأنا نستحي أن يقال علينا أبناء عز فالنعومة كانت للنساء فقط وكانت السرايات تعد بإصبع اليد الواحدة يجب ان نعترف بالفارق الزمني والحضارة المكتسبة ولكن من المؤسف أن يتبقى القليل مثل إباؤنا واليوم نترحم على السودانى العفيف النظيف ابو مروة

[ود حليوة] 06-02-2014 01:09 PM
رحمه الله ويرحمنا
والدك نموزج لما كان عليه والدى اطال الله عمره واخرون كثر من افراد الشعب السودانى العفيف الاشم.
فما ظننت يوما ان هولاء منا فهولاء زرع شيطانى اتى من نسل ود امبهانة واستئصالهم واجب على كل حر كريم.

[nagatabuzaid] 06-01-2014 09:38 PM
هنيئا لك بابيك وهنيئا لكل ابن حرة ابن رجل كريم وليرفع جميح الاحرار تربية الرجال هاماتهم عالية ونساله تعالى ان يكون ابيك وكل الشرفاء الاحرار فى عليين وان يكونوا من ورثة جنة النعيم

United States [حكم] 06-01-2014 06:14 PM
نسأل الله ان يتقبله وان يدخله فرودسه الأعلى وأن يبارك له فى ذريته ..
الرحمة والمغفرة لموتانا جميعا وكل من ربى ابناءه بالحلال


#1022272 [سلطان عيال عطيه]
4.19/5 (7 صوت)

06-01-2014 02:54 PM
الراجل قال بالواضح امشى اجيب مفسدين عشان نحاكمهم؟


#1022254 [الوحدة]
4.16/5 (9 صوت)

06-01-2014 02:34 PM
hالمحيرني وقف وخيرية دي التحلية ولا شنو


ردود على الوحدة
United States [مسكين] 06-02-2014 12:45 PM
الدنقلاوي ، كلامك خلاني افكر كتير

[الدنقلاوي] 06-02-2014 03:51 AM
أقول لك يا الوحدة: لما تبني جامع أو وقف خيري بتمشي الأوقاف والشئون الدينية بيدوك خطاب تمشي بيهو المالية والجمارك تاخد إعفاء جمركي لكل ما سوف تستورده لبناء الوقف أو الجامع (السجاد، مواد البناء، الكهرباء، مواد التزيين، الأثاث ...) كل ما تستورده سيكون معفي من الجمارك والضرائب والجبايات، والجماعة ديل يمشوا يستوردوا أغلى المواد ويبيعوها محلياً ويشتروا بضائع محلية وصينية رخيصة للوقف، وممكن تكتب مواد مضاعفة ومكررة لبناء الجامع أو الوقف وتظل تستورد وتبيع في السوق وتعود تستورد بنفس الأوراق فالجمارك والمالية والأوقاف كلها حقتم، يعني الحكاية لا تحلية ولا تحلل بل مزيد من حلب المال العام والجشع والدناءة حتى في أشرف وأسمى الأعمال

[nagatabuzaid] 06-01-2014 09:40 PM
لزوم جلب الدولار من المنظمات الاجنبية والدول الصديقة اللصيقة خاصة كفالة الايتام من قطر



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


صفحة 1 من 3123>
مساحة اعلانية
تقييم
8.25/10 (19 صوت)




الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة