الأخبار
أخبار إقليمية
هيئة مياه الخرطوم تتجه لتصدير مياه للخليج
هيئة مياه الخرطوم تتجه لتصدير مياه للخليج
هيئة مياه الخرطوم تتجه لتصدير مياه للخليج


06-02-2014 10:37 AM

كشفت هيئة مياه الخرطوم أن إيراداتها الشهرية تبلغ «17» مليون جنيه، وأن «4» ملايين جنيه تدفعها الهيئة للكهرباء، ومليون جنيه للجازولين، بينما بلغ عدد مشتركي الهيئة «715» ألف مشترك.وقال مدير الهيئة جودة الله عثمان أمس في المجلس الأعلى للتخطيط الإستراتيجي بالخرطوم، إن جهاز الأمن ووزارة الدفاع والمستشفيات ليس لها عداد دفع مقدم تم تركيبه.وإن المؤسسات المذكورة تدفع ربطاً شهرياً للهيئة، ولفت عثمان إلى أن الهيئة تتجه لتقليل مواد التنقية وعمل دراسة لصناعة التنقية، فضلاً عن عزمها تصدير مياه نقية ومصنعة لدول الخليج باعتبارها مياهاً نقية من النيل.

الانتباهة


تعليقات 52 | إهداء 1 | زيارات 8117

التعليقات
#1024313 [ود الشبارقة]
0.00/5 (0 صوت)

06-03-2014 02:30 PM
اشكر المحرر والمخرج على الصورة الرمزية الرائعة ، تصدروا ماء للخليج ، الرميلة واللاماب اليوم طلعوا مظاهرة عشان ما عندهم مويه ، وامبده اصلا الكارو هو المنقذ الوحيد من العطش ،والثورات اصلا تعودوا على العطش والحارات الجديدة بنقلوا الماء بالجركانة ، واحياء سوق ليبيا بستحموا في الاسبوع مرة ، واهلنا في البطانة بشربوا موية زي قماش الدمورية وناس النيل الابيض والله ما قدر واوصف حالهم ممنكن واحد يا جماعة الخير من جماعة الشتبلي يوصف لنا حالهم مع الماء يا حليلك يا بلدي مسكوا زمامك ناس ماخافوا الله فيك الواحد حمار ما عنده وعايز يركب برادو والله عجائب الانقاذ لا تنقضي وفظائه مياه الخرطوم لا تنتهي ، افقرتونا وقلنا نصبر بس تستهزوا بنا والله ما بنسكت الله يكذب الشينة من الجاي من شمال الوادي


#1023740 [ابومروان]
0.00/5 (0 صوت)

06-03-2014 08:14 AM
قالوا في ازمة اراضي زراعية باعوا الاراضي فالوا في ازمة ماء باعوا الماء قالوا في ازمة هواء نقي حايبيعوا الهواء والله يستر


ردود على ابومروان
[كتاحة امريكا] 06-03-2014 01:04 PM
قريبا


#1023649 [الكلس]
5.00/5 (1 صوت)

06-03-2014 03:49 AM
يا ناس الموية حتمشي في قوارير صغيره ما خط بتاع خرطوش وحتجيب عايد كويس جدا جدا تفالو تجدو الخير


#1023491 [أبو ديدى]
5.00/5 (1 صوت)

06-02-2014 07:47 PM
والله خبر نكته..
ناس المويه فشلوا فى محاولة إدخال الجمره الخبيثه ومجارات ناس الكهرباء فى البحبحه الوظيفيه وإستغلال عوائد ضخمه وهم لا يعلمون أن هذه الهيئه هيئه خدميه وليس ربحيه وأن مهمتها توفير المياه العذبه والنظيفه الصحيه لكل مواطنى السودان وأن تعمل لتوصيلها إلى كافة أقاليم ومدن وقرى السودان وأنها هيئه حكوميه وليس شركه خاصه؟!!
لكن الكيزان أفسدوا كل شئ.. وأصبحت البلد دوله داخل دوله
وحكومه داخل حكومه وعصابات تتصارع على قتل المواطن السودانى..
داخل الخبر.. ذكر أن المستشفيات ووزارة الدفاع وجهاز اﻷمن ليس لديهم عداد دفع مقدم وإنما لديهم ربط شهرى لم يذكر؟!!!
طيب المستشفيات عرفناها لكن الأمن والدفاع ديل قوة عين وسلاح ولا شنو ؟!! لأنو عندهم إستثمارات لكن البقرب لى (بيوت اﻷشباح) منوياجودةالله؟!! عالم حراميه وفساد بس..


#1023452 [ود كترينا]
0.00/5 (0 صوت)

06-02-2014 06:42 PM
***ياجماعة مع احترامى الشديد ليكم...بالله مويتكم دى لأنو نحنا السودانيين ح نشرب منها هنا بالله أول حاجة أعملو ليها (فيش وتشبيه)!!!فضحتونا...فسااااد...فسااااد....فساااااد!!!


#1023431 [ابو محمد]
0.00/5 (0 صوت)

06-02-2014 06:20 PM
بالطبع هو ديدنهم القفذ فوق المشاكل والمحن .او امكن الكيزان روي وشبعوا ماء وما هماهم في الشعب. ولو جودة جادي دبر ليك 5او6 حرامية قبل بداية المشروع من غيرك انت طبعا لانو دا مشروع بجيب ريال دينار درهم وامكن دولار هههه اففففففف تخخخخخخ بمممممممم زوممممم الكترابة


#1023383 [ساب البلد]
0.00/5 (0 صوت)

06-02-2014 05:08 PM
********** الاكل المويةالما بيتكفي ناس البيت ******** حرمت علي الجيران ههههههههههههه ******* انا اشك البنقو المصادر بيوزعوهو علي المسوولين الحكوميين ********


#1023374 [ابو الحسن]
0.00/5 (0 صوت)

06-02-2014 04:56 PM
اه يا لصوص ارووووا اهل البلد وبعدين صدروا يا وسخ البحر يا كرور قال مدير الهيئة...حسبي الله ونعم الوكيل عليكم.....سياتي اليوم اللذي تجرون فيه عرايا بالشوارع قبل ما ياتي بكم النظام الغاشم


#1023372 [انا الموجوع من حكومة الكيزان عليكم لعنة الله]
0.00/5 (0 صوت)

06-02-2014 04:56 PM
هههههههههههههه وووب فااااض بي بجد ديل عالم عليكم الله الكيزان حقيقي لم اشهد في حياتي مثكم حقيقي انا بجد ما عارف اكتب ليكم شنو بس انتو حقيقي مساااااااطيل علي طوول


#1023342 [ابوسعيد]
0.00/5 (0 صوت)

06-02-2014 04:23 PM
كيف تصدر مياه لبعض الدول وسكان احد الاحياء خرجو فى مظاهرات لانقطاع المياه ... وعندنا مثل بقول :_ ( الزاد كان ماكفى اهل البيت حرم على الجيران ).. كفى ناس بلدك تانى فتش للتصدير ... لان الله بسالك منهم ....


#1023317 [احمد سليمان]
0.00/5 (0 صوت)

06-02-2014 03:55 PM
(فضلاً عن عزمها تصدير مياه نقية ومصنعة لدول الخليج باعتبارها مياهاً نقية من النيل)ههههههههه نكتة الموسم والله يا كيزان الجن


#1023288 [ابو احمد]
0.00/5 (0 صوت)

06-02-2014 03:32 PM
ياجودةالله الخرطوم في احياء كثيرة خاصة في الصيف تعاني من شح المياه خاصة في الصيف وكذلك هي مياه غير نقية ولذلك نرجو توفير المياه في السودان خاصة بعض الولايات مثل دارفور وكردفان والسودان مثل بورسودان والقضارف لاتوجد المياه بصورة دائمة بعد ما تكفوا السودان بعد داك صدروها للخليج .


#1023277 [أبوالكجص]
0.00/5 (0 صوت)

06-02-2014 03:21 PM
أسقواالعطشانين بالداخل في بورتسودان وكردفان وقيع الجزيرة والمناقل وبعد داك صدروا.


#1023270 [omer]
5.00/5 (2 صوت)

06-02-2014 03:15 PM
انا مقيم في السعودية حوالي 20 عاما و اريد ان احدثكم عن تجربة هذا البلد في مجال المياة حديث اللصيق الخبير بتجارب البلد حيث انني اعمل مهندسا زراعيا منذ ان قدمت الي هذه البلاد . ... اولا السعودية تفتقر الي مصادر المياة المتجدده مثل الانهار و البحيرات و لكنها تستعيض عن ذلك باقامة محطات تحلية لمياة البحر و تمتلك المملكة 17 محطة تحلية موزعة علي الساحل الشرقي و الغربي للسعودية و تنتج هذه المحطات 33 مليون لتر سنويا من المياة المحلاه و التي تستخدم فقط للغسيل و الاستحمام و ارجو الملاحظه المياة المحلاه للغسيل و الاستحمام فقط و ليس للشرب و تنفق 40 مليار ريال سنويا اي يعادل 3.5 مليون دولار سنويا اما السودان فكل انتاجه من مياة شرب و غسيل و استحمام و غيره قيقدر بحوالي 3.5 مليون متر مكعب سنويا و بتكلفة 350 الف دولار كل عام و لاحظو الفرق و انظروا الي اي درجة نحن متأخرون عن ركب الامم و الحضارات من فوقنا ماء و تحتنا ماء و عن يميننا و شمائلنا ماء عذب في غير حاجه الي محطات تحلية و خلافة و نعجز عن توفير مياة شرب نظيفة للمواطن السوداني المغلوب علي امره


ردود على omer
United States [ركابي] 06-02-2014 04:26 PM
قصدك 3.0 مليار دولار سنوياً؟؟؟؟ فعلا نحنا ربنا اعطانا نعمة ما عارفين قيمتها وكان مفروض الموية العذبة نوصلها لمدن البحر الاحمر وغرب السودان


#1023267 [جاكوما]
3.00/5 (2 صوت)

06-02-2014 03:14 PM
وصلوا المويه للكلاكلات وبس وحنعتبر دا انجاز تاريخى !! خلونا من دول الخليج
بلا ياخدكم


#1023257 [كاكا]
3.00/5 (1 صوت)

06-02-2014 03:03 PM
ههههههههههههههههههههههههههههههههههههههههههههههههههه كسير تلج للخليجيين بالمرة ما يصدروا التلج


#1023247 [صلاح عبد الله]
0.00/5 (0 صوت)

06-02-2014 02:58 PM
تمر الفكي سيدو شايلو ومشتهي ؟؟؟لما يكتفي مواطن ولاية الخرطوم من الماء بعد كدة نقول ليكم شطاااار وانجاز عظييييم ويمكن تصدرو للعرب واسرائيل يا لصوص.يا منافقين...


#1023245 [خالد]
0.00/5 (0 صوت)

06-02-2014 02:56 PM
انا من قرى شرق النيل فى ولاية الخرطوم ولا توجد مياة شرب فى منطقتنا القديمة جدا ... انا مهنتى مهندس ادفع ضريبة دخل شهرى منذ تخرجى من الجامعة ولمد 10 سنوات ولو تم تجميع ضريبتى فقط لهذة الفترة لحلت مشكلة المياة بقريتى ... فاين تذهب ضريبتى هذة ؟؟؟ واللة اعلم .....ولكن نقول للمسؤلين ... يوم الحشر نلقاكم ويكفينا


#1023220 [كدراوي]
3.00/5 (2 صوت)

06-02-2014 02:44 PM
كدي اول شي صدروا الموية للكدرو التي تبعد من القصر الجمهوري 20 كيلومتر هدا من الصباح الماسورة تشخر و الواحد ما لاقي حاجة يتمضمض بيها .. يعني نتمضمض بي بيبسي !!


بالله الواحد عشان يتسوك الا يمشي البحر ... البحر اليبلعكم يا ثورة الاوغاد


#1023205 [nashaby]
0.00/5 (0 صوت)

06-02-2014 02:37 PM
غلفا وشايلة موسا تتطهر.
هههههههههههههههههههههههههههههههههههههههههههههه
ياجودة الله أول حاجة جود على عطاشى السودان القاعدين بين النيل الأبيض والنيل الأزرق.
يارجل الموية بتاعت الآبار دى ملت كلانا حصا والجير خطير .
عايز تصدر كمان موية من النيل والله دى حكاية دى.
ياخى كدى وصل موية لى بورسودان من النيل.


#1023171 [ود احمد]
5.00/5 (3 صوت)

06-02-2014 02:09 PM
ومن عجائب ما لاقيت في زمن
اني بليت بخطب أمره عجب


#1023164 [ابزرد]
5.00/5 (1 صوت)

06-02-2014 02:02 PM
والله اتمني من كل قلبي ان ينفذ هذا القرار اليوم قبل الغد حتي لو تصدر بسعر التكلفه فهذا قرار استراتيجي سوف تظهر تبعاته في المستقبل القريب ويستفيد منه الجانبين طبعا اتوقع معالجة مشكلة التنقيه وهي ليست مكلفه كمياه البحر والابار الان في المملكة في بعض المولات يستوردون مياه من فرنسا فمابالك بنهر من الجنه اككر تحياتي لصاحب الفكره ووالله تاني قشه ما تعتر ليكم من اولاد بمبه.


ردود على ابزرد
[ابزرد] 06-02-2014 10:56 PM
الاخ ابوبكر لست اهبلا والحمد لله انا افكر في العقد القادم وانت تنظر ليوم بكره او تحت قدميك لعلمك العقدين القادمين حتبدا حرب المياه بالمختصر عندك مويه انت غني ما عندك ماء انت لاتسوي شيوارجو ان ترجع لمداخلة الاخ عمر وانت تفتكر الهجمه الاستثماريه علي السودان عشان عيون الكيزان ديل ناس مفتحين وعارفين الحاصل شنو في المستقبل القريب جدا ارجو ان تقرا جيدا عن حرب المياه واكرر السودان غني جدا بمصادر المياه حتي لو النيل جف برضو عندنا اضعاف موارد النيل من مياه جوفيه وامطار سنويه عكس حبايبنا الفوق ديل كون الناس في الخرطوم ما لاقيه مويه ده ممكن تسمي اية فشل اداري ولا امكانيات او فساد ولكن تبقي الحقيقه نصف الدول العربيه ستحتاج لمياه السودان وارضه بعد ثلالث عقود بالكثير بس بالفهم الكيزان وامثالك شنو؟؟؟؟؟؟

European Union [ابوبكر] 06-02-2014 03:29 PM
مع الاحترام .. هل انت اهبل ؟


#1023152 [دغيم]
1.00/5 (1 صوت)

06-02-2014 01:49 PM
لو كان اليوم هو الاول من ابريل لقلنا انها كذبة .
الصحة في دول الخليج ( خط أحمر ) بحق وحقيقه مش زي زي خطوط الجماعة اياهم .
لن يصدق احد ان دولة خليجيه يمكن ان تجازف باستيراد مياه مسرطنه وسبب 75% من الامراض بالسودان ابتداء من السرطان مرورا بالفشل الكلوي والفشل الكبدي الناتج عن فيروس التهاب الكبد الفيروسي هذا بخلاف الكوليرا التي تفشت مؤخرا بالنيل الابيض.
احتمرموا عقولنا


ردود على دغيم
[محمد] 06-02-2014 02:25 PM
هذا اجمل خبر كلام الزول داء جدا ممتاز دق مسمار في مصالح مصر مع الخليج على مصر ان تمانع وما دخلها واذا مانعت في هذا الامر سيدخلها في حرج

زلا تنسوا مياه بريرا وغيرها من المياة التي تجلب من اروبا تباع القارورة الواحدة بسعر دولارين ونصف بمعنى قارورة بسعر 25 جنيه ومياة غير طبيعية 100% الان اذا دخلت مياة النيل الخط جدا ستجد الامر بالترحيب لان مصانع التنقية ستكون خليجية دعونا نصدرها لهم مياة كما هي وهم عليهم بالتنقية طالما عندنا فيض من المياة فلما لا نفكر في جدية الامر ولا تجعلوا أنفسكم تجادلوا في أي امر قد يكون احد القرارات من حكومة طائشة صح فهذا الامر طالما يعمل إحراج للحلب نحن معاة حتى واذا بقى غلط فهو صح لنا خليهم يعملوا ممانعة اخرى غير سيد النهضة فنحن ممكن نورد مياة من البرك والمستنقعات والفيوض الخاصة بناء والتي تذهب مياهها هدرا


#1023146 [الغاضبة]
5.00/5 (1 صوت)

06-02-2014 01:37 PM
ههههها في توتبي ما في موية .... شر البلية ما يضحك قاتل الله الكيزان ومن والاهم ...


#1023142 [المتجهجه بسبب الانفصال]
4.00/5 (1 صوت)

06-02-2014 01:32 PM
هل ستقوم الهيئة بمد خط أخراج ( جمع خرج) لدول الخليج !!

الموية في الخليج راقدة هبطرش وبالكراتين مياه عذبة لو عايز دفار تحصلوا من أي بقالة أو برادة أو سوبرماركت ،، أما مياه الاستحمام فتتوفر من محطات تحلية مياه البحر Sea desalination stations والله الدش يشق الرأس،، فبالتالي يا جودة الله عثمان إني لك من الناصحين بشق الترع وتوسيع قنوات الري وزيادة الرقعة الزراعية لتصدير المنتجات الزراعية من غلال وخضروات وحبوب وحمضيات وبعض الفواكه شفت ليك زول شرب قبل ما ياكل ،،


ردود على المتجهجه بسبب الانفصال
[ابومروان] 06-03-2014 08:11 AM
عارفين الموية راقده في الخليج لكن تكلفة انتاجها عالية جدا زي الشعير راقد في الخليج لكن من الافيد اقتصاديا استيراده من اثيوبيا والسودان لان التكلفة منخفضة لزوم التنويه


#1023134 [كمواطن سودانى]
2.00/5 (1 صوت)

06-02-2014 01:23 PM
الرا



الراحل رائد الصحافه الإقليميه الفاتح النور في إحدي اصدارات جريدته في إلإفتتحاحيه قال لناس كردفان المويه جاتكم. من داك اليوم ناس كردفان منتظرنها اكثر من نصف قرن كل يوم وعد فما منتظرين من حكومة الجبهه اي مويه حتي وإن جلسوا نصق قرن اخري


#1023131 [Rebel]
3.00/5 (4 صوت)

06-02-2014 01:20 PM
* الاراضى كملت، ولا شنو؟ قبلتوا على البحر و كده؟


ردود على Rebel
United States [حسكنيت] 06-02-2014 03:33 PM
الجراد بياكل فى علم السودان القديم ، إنتهوا من الأصفر والأخضر وقبلوا على الأزرق

[Quickly] 06-02-2014 02:51 PM
ههههههه,,, ريبل ياخووي ,,, الجماعة ديل كملوا الواطة وقبلوا على البحر
باب مأكلة جديد وبعد شوية يقبلوليك على الهواء دا هواء معلب للتصدير لدول الخليج
امال كيف حيكفو نفسهم واولادهم واولاد اولادهم ونسايبهم الجماعة ديل ما تملى عينهم الا التراب التراب في خشومهم انشاءالله


#1023104 [زول وطني غيور]
5.00/5 (2 صوت)

06-02-2014 01:00 PM
قهقهقهقهقهقهقه، هيئة مياه الخرطوم هي عبارة عن (الأقرع النزهي) أو مثلها مثل (العريان ولابسلو صدري ) والله حالة تضحك وتبكي في آني واحد ، الناس عطشانة والهيئة تريد تصدير المياه للخليج !!! (عجبي) بالله شوفوا الناس الكضابين ديل !!


#1023051 [مجروس ق ش م]
0.00/5 (0 صوت)

06-02-2014 11:53 AM
افاده تقارير واردة من القاهره رفض الحكومة المصريه تصدير اي قطره من مياه النيل الي الخليج ﻻن ذالك ينقص من حصه مصر ويشكل تهديد مباشر ﻻمن مصر المائي واذا قام السودان بتهديد أمن مصر المائي .سوف تقوم مصر باحتلال حلفا وعطبره وشندي والدامر والحاقهم بحﻻيب وشﻻتين.وﻻن حكوتنا حكومه انبطاحيه انبراشيه اقترح عليهم مد خط انابيب مائيه الي اﻻبيض والفاشر وبورسودان والقضارف وخصوصا منطقه جنوب القضارف في طريق مدني القضارف القديم هذه المنطقه اسمها العطشان زرتها في منتصف التسعينات افتكرت نفسي رجعت لعام 1500 قبل الميﻻد.


ردود على مجروس ق ش م
European Union [موجوع وطن] 06-02-2014 01:49 PM
عليك نووور يا المجروس يبقي من الواجب ندي إسرائيل مويتها و نخلي الحلب يصلوا لغاية نمولي بس يغبروا لينا الكيزان ديل.. ما مشكلة.. بنحل مشاكلنا مع الحلب ذي ما إتحلت من زمان

United States [الكاهلية] 06-02-2014 12:54 PM
يا مجروس نحن لدينا 8 مليار متر مكعب تذهب للحلب لماذا لا نستفيد منها

بلاش انبطاح


#1023047 [كفاية]
0.00/5 (0 صوت)

06-02-2014 11:46 AM
الاحصائية غير دقيقة معقول ولاية الخرطوم فيها 715 الف فقط من منزل لي مصنع لي وزارة لي مناطق عسكرية ومراكز شرطه وغيره وغيره ؟؟؟؟؟


#1023039 [قرفااان]
5.00/5 (2 صوت)

06-02-2014 11:41 AM
شايله السقا وعطشانه


#1023023 [ابو خباب]
5.00/5 (5 صوت)

06-02-2014 11:31 AM
تصدير موية النيل للسعودية بجيب عملة حرة
العملة الحرة مطلوبة لاستيراد الشوكولاتة السويسرية والنبق الفارسى
والتفاح اللبنانى والعنب التركى والزيتون السورى
ماتكونوا حاسدين يعنى ناس المؤتمر الوطنى ماياكلواولا شنو؟


#1023014 [أبو ريناد]
0.00/5 (0 صوت)

06-02-2014 11:27 AM
أنت البسكنك في الأطراف شنو ما تجو داخل الخرطوم علشان تلقو موية . بعدين قالو ولاية الخرطوم، دخلها شنو دارفور وبورتسودان . والله حكم .


#1023009 [فارس]
0.00/5 (0 صوت)

06-02-2014 11:25 AM
لا أدرى من أين يأتى الإنقاذ بمثل هؤلاء الموظفين،، حتى الكلام العديل والمعقول غالبهم.


#1023007 [أبوقرجة]
0.00/5 (0 صوت)

06-02-2014 11:24 AM
الفكره حلوه ... الناس ديل ما لقوا شيء ما يصدروا حتى البشر ضايقوها في معيشتها وصدروها .... خلاص ليه ما نودي المويه بالحمير للسعودية ... الفكره كالآتي يا ناس المويه ( تجيبوا باخره ودخلوا عربات الحمير ) وتمشي للسعودية وبحميره نوصلها لباقي المملكة ... (فكره حلوه شديد صح))

أول حاجه وفوروا المويه لدارفور وبوتسودان .. خلونا من الأمراض النفسيه البتفكروا فيها دي يا حكومة السجم ..


#1022999 [ساهر]
0.00/5 (0 صوت)

06-02-2014 11:19 AM
لقد عملت حيناً من الدهر (بالقرب) من إحدى أكبر الشركات العالمية العاملة في مجال تنقية المياه ومعالجة مياه الصرف الصحي، ولدى معرفة لا بأس بها في هذا الشأن. المشكلة في السودان لا تكمن في قلة موارده المائية، ولكنها تكمن في سوء التخطيط، وهدر المياه، وعدم ترشيد الاستهلاك.
معظم المياه التي يتناولها الناس سواء في الخرطوم أو الأقاليم ملوثة، ولا تخضع لعملية فلترة متطورة. ومع عدم وجودشبكات صرف صحي من النوعية المتعارف عليها دولياً، تختلط مُكونات السبتف تانكس التي يقيمها الأهالي مع مياه الآبار الجوفية، الأمر الذي يؤدي إلى كثير من الأمراض والحميات.

من المؤسف حقاً تجاهل الدولة لهذا المرفق الحيوي الهام، ومن المؤسف أكثر عدم دخول المستثمرين السودانيين في شراكات ذكية مع الدولة في هذا المجال الذي يؤجر من يقوم به. ومن المؤسف أكثر وأكثر عدم وجود مصائد للمياه حتى الآن في مناطق مثل شرق الجزيرة التي تصحرت وتعرت تربتها، إلا أنها تشهد معدل هطول أمطارل لا باس به حتى الأن، رغم نجاح تجربة مصائد المياه بمنطقة القضارف.



لو لم تستثمر الدولة في هذا المجال وتعمل على تحديثه، فسوف تظل طوابير (الترو) متراصة وطويلة كما في موريتانيا التي تساوي فيها نقطة الماء قيمة الذهب الخالص، وهي البلاد التي استعرت منها مصطلح (الترو) الذي يعني (الكارو) عندنا.

نأمل أن لا ندع سخرية الراحل معمر القذافي تنسحب علينا على الدوام، إذ ذكر ذات مرة أنه: ليستغرب من أمر عاصمة يموت ناسها عطشاً وهي ترقد على أطول نهرين في العالم.


ردود على ساهر
[ساهر] 06-02-2014 02:23 PM
لقد أخطأ ساهر وأصاب حسنكيت. شكراً على هذا التصحيح، وهو خطأ غير مقصود مني رغم أنه خطأ. بالمناسبة أنني أصحح عفوياً وتلقائياً أي شخص ينطق نطقاً خاطئاً لأي كلمة انجليزية أمامي، وهذا أمر يضايق البعض كثيراً، لكنني أرحب بذلك ولا أغضب من التصحيح. لقد تعلمت هذا الأمر من قريبنا الذي درس في أمريكا(عميد طيار معاش)، إذ لا يفوت أي نطق معوج. حتى أسماء الأماكن والأعلام التي ينطقها بعض المذيعين بالخطأ لا يرحم قريبنا هذا فيها أحداً مثل ("مايو" ميو كلينك، (فنزويلا) فني زويلا، "كراكاس" كاراكاس، بربارة باربارا وغيرها الكثير والكثير). إلا قول لي: حسنكيب بالانجليزي شنو؟

[حسكنيت] 06-02-2014 12:17 PM
Septic Tank


#1022993 [حسكنيت]
0.00/5 (0 صوت)

06-02-2014 11:14 AM
ألكع..قبال البحر ما يحمِر


#1022990 [الشمالية]
5.00/5 (2 صوت)

06-02-2014 11:13 AM
الاولوية لدارفور وبورتسودان


#1022979 [فاربن جبل]
5.00/5 (2 صوت)

06-02-2014 11:06 AM
.............. وشايلة موسها تطهر !!!!!!!!!!!!!!
استغفر الله العظيم


#1022978 [جنوبي]
3.00/5 (1 صوت)

06-02-2014 11:06 AM
هههههههههههه
صحي ضُل الدليب برمي بره !!
هو نحنا نلهث من العطش يا جودة الله .. يجازي محنك !
والانبوب ده حيمر ببورسودان ؟ ولا بترسلوه ليهم قزايز ؟ تكون الكوارو الواقفه دي للتصدير !!؟


ردود على جنوبي
European Union [AL SATARY] 06-02-2014 01:56 PM
ضُل الدليب برمي بعيـد (مش بره)


#1022975 [الكشكول]
5.00/5 (1 صوت)

06-02-2014 11:04 AM
كدا امشو مدينة الفتح في امدرمان وما جاورها ونهايات الحاج اليوسف ثم شوفوا ناس بورتسودان وبقية مدن السودان تصدرو شنو؟


#1022973 [علي أحمد البكري]
1.00/5 (1 صوت)

06-02-2014 11:04 AM
بدون تعليق



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
7.50/10 (2 صوت)




الرئيسة |المقالات |الأخبار |الصور |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة