في



الأخبار
أخبار السودان
خبير اقتصادي : إلغاء ضريبة المغتربين خطوة في الاتجاه الصحيح
خبير اقتصادي : إلغاء ضريبة المغتربين خطوة في الاتجاه الصحيح
خبير اقتصادي : إلغاء ضريبة المغتربين خطوة في الاتجاه الصحيح


06-04-2014 05:16 PM

الخرطوم (سونا) -أكد الخبير الاقتصادي المعروف أستاذ الاقتصاد بجامعة السودان د. عبد العظيم المهل أن توجه وزارة المالية والاقتصاد الوطني لإلغاء ضريبة المغتربين ابتداء من العام القادم يعتبر خطوة في الاتجاه الصحيح لربط اقتصاد المهاجر بوطنه.

وأضاف المهل بان الخطوة ربما تؤدى في المدى المنظور لفقدان بعض الموارد ولكن في المدى البعيد ستؤدى إلى زيادة التدفقات النقدية الأجنبية إلى داخل البلاد موضحا أن الخطوة جاذبة لاستقطاب تحويلات المغتربين ومدخراتهم من خلال القنوات المصرفية الرسمية بدلا من تحويلها إلى اى جهة أخرى داعيا لتعزيز هذه الخطوة بسياسات تشجيعية تمنح بمقتضاها هذه الشريحة الهامة ميزات تفضيلية مثل أراضى سكنية لبناء مساكنها بالعملة المحلية مع تقسيطها لها بالعملة الحرة بهامش مرابحة لا يزيد عن 5% مع تشجيع المنتجين منها على استيراد السلع الرأسمالية والمعدات والآليات الزراعية بتسهيلات تفضيلية.






تعليقات 41 | إهداء 0 | زيارات 10347

التعليقات
#1026897 [زول مكتوي بنار الكيزان]
0.00/5 (0 صوت)

06-05-2014 08:04 PM
وليه السنه الجايه يا حثالة المجتمع
الغوها اليوم يا حرامية يا قتلة


#1026893 [متشائم]
0.00/5 (0 صوت)

06-05-2014 08:00 PM
ياتو اتجاه صحيح؟؟ القصة ماشه فى اتجاه واحد, لغف ولهط و سرقة وغش وجنجويد وحروب ومحاكم ردة وغضب عالمى ولسه قاذوراتكم ما خلصت.


#1026697 [بساط الريح]
0.00/5 (0 صوت)

06-05-2014 02:57 PM
احتيال وكذب علي مدي 25 سنة دمرتم البلد من كل النواحي-فسادكم ازكم الانوف - الان الانتخابات قربت واصلا مين السازج اللحايرشحكم غايتو الا تشيلوها تزوير....لو يحكمنا اسرائيلي ويفر سبل العيش الكريم للمواطن افضل منكم يا منافقين....بلي لخمة..


#1026689 [ربيع حار جدا"]
5.00/5 (1 صوت)

06-05-2014 02:47 PM
ههههههههههاااااي قال يلغو الضرائب قال بلاااااااااااااهي هو في زول عندو نية تااااني يرجع ليكم عشان يدفع ضريبه كمان لا يا سيدي زي ما قال واحد من فنانين عهدكم الهابط دا ( تاني تحلم بي حلم )


#1026589 [ابو احمد]
0.00/5 (0 صوت)

06-05-2014 01:18 PM
السودان الكبير دا كلو ليش مايكون للمخترب قطعة ارض سكنية توزع وفق الخطة الاسكانية ولا المخترب داود حرام ماهو ود السودان


#1026446 [عماد ادريس]
0.00/5 (0 صوت)

06-05-2014 11:47 AM
يا أخوتي المغتربين لدي قطعة في الوادي الأخضر ونزلت اجازة ليكي أحاول ابنى فيها مسكن عادي فتفاجئت أنها على الورق فقط وليس لها وجود على الطبيعة ذهب الى أحد مكاتب العقار لاستبيان هذه القطعة فقال لي احسب 200م من قطع الصحفيين وبعدها هذا الفضاء كل مربعات الوادي الأخضر قطعتك داخله فهل يعقل هذا اين الخدمات لهذه المربعات التي تم دفع رسوم لها وووووو الخ .والمدهش ان مكاتب هذه العقار تبيع وتشتري في هذا الورق فقط ومعظم هذه الأراضي تخص المغتربين .


ردود على عماد ادريس
[دقيقة بالله] 06-05-2014 01:52 PM
لا تعطـــــــــــــــــــــــــــوا السفهاء أموالكم". نقطة علس السطر...


#1026261 [gasim]
5.00/5 (1 صوت)

06-05-2014 10:04 AM
تحية لاستاذى الرجل الطرفة الرجل العلامة دكتور عبدالعظيم المهل ودرست على يديه فى جامعة السودان هو شخص اقتصادى بحت ولا اعتقد لة دخل بالسياسة كثيرا ولا اعتقد ان له علاقة بالمؤتمر الوطنى وهو من الجيل الاصيل كان كلامة دايما منطقى ويتحدث عن بلاوى الاقتصاد وتنبا بهذا الوضع من زمن بعيد لدرايتة بالاوضاع اتمنى ان يكون امثال هولاء وزراء لانهم معدن وصدق وامانة لك التحية دكتور المهل


#1026256 [ود السودان]
0.00/5 (0 صوت)

06-05-2014 10:01 AM
مغترب منذ عام 1977م لم أشاهد أي خدمة للمغتربين تقدم غير إسكان المغتربين عام 1974م والإعفائات التي ألغاها نميري وبدرالدين سليمان وخطة إسكان عام 1977م والتي كانت في مربعات من 69 و 70 والتي أبدلها نميري ومنح الأراضي لنواب مجلس الشعب والجنوبيين بعد إتفاقية عام 1972م وكل شارع عبيد ختم كان ملك لجنوبيين باعوها للشماليين وهي آخر اللطمات والتي أنهت حكاية الخطط الإسكانية للمغتربين وبعدها بدأت بيع القطع للمغتربين وحكاية مؤتمر الجاليات هذه أكذوبة كبيرة لم تجري أي إنتخابات للجالية السودانية بالسعودية بل كان السفراء يعتمدون على ممثلي القبائل ومجلس لجان القبائل وأغلبهم من شمال السودان مناطق المحس والدناقلة وحتى مؤتمرات المغتربين وهمية وصرف بذخي بدون نتائج واللعنة على ما يعرف بجهاز شئون المغتربين وهو جهاز خراب المغتربين وتدميرهم .


#1026185 [بكرة الركوب ملح]
0.00/5 (0 صوت)

06-05-2014 09:26 AM
زي الكلمة المكتوبة في المواصلات
بكرة الركوب مجان
او بكره الركوب ملح ( كراهية للناس البركوبوا ملح معانا )

تقراها كدا نفسك تنشرح وتقول خلاص بكرة اجي واركب مجان لكن الكمساري يقول ليك اقراها تاني لما تقراها تلقاها ( بكره من كراهية ) او بكرة بمعني غدا اليوم عبارة عائمة جماعتنا بقولو السنة الجاية الضرائب معفيه وتجي السنة الجاية يقولوا ليك لا السنة الجاية . بعدين هم عايزين يقعدوا للسنة الجاية ضامنين خالص بكل ثقه وما خططوا حتى لي مساء اليوم ما عندهم اي استراتيجيات حتى لو المغترب دفع ليهم الضرائب ضعف اكراميه من عنده وقول ليهم ورونا تصرفكم كيف فيها .

كل المسئولين الاول ابلد من التاني تحس انهم ما عندهم اي فكرة في الجهة المسئولين عنها فقط ماسكين باخوي واخوك وصاحبي وصاحبك كله من التمكين الضيعنا .


#1026172 [الشمالية]
0.00/5 (0 صوت)

06-05-2014 09:22 AM
نطالب بالغا اجراءات السفر عن طريق جهاز المغتربين بهدله ضرائب خدمة وطنية زكاة خدمات بهدلة خروجية من شباك لي شباك يعني يومك ضائع ضائع المطلوب فقط عن طريق المطار نحن مواطنون ومن حقنا اي وقت عايزين نسافر فيه نتوجه مباشرة الى المطار

ندفع مبلغ معين في اي بنك يفتح الجهاز فيه حساب وبالدولار كمان بس مانراجع الجهاز ونتبهدل

انا مسافر للعيد يوم الوقفه وراجع خامس العيد لازم ينقصو علي حياتي بان اتبهدل شويه بجهاز المعزبين


#1026021 [عاشق مدينة مدني]
0.00/5 (0 صوت)

06-05-2014 07:13 AM
السلام عليكم اولا لابد من اجراءت تشجعية للمفتريين وقد قدمت عدة مفترحات في مؤتمر المغتربين وحتي الان لم نري شيئا
طالبنا بي ان تكو ن التاشيرة سنوية الغاء الضرائب فورا الذكاة بيني وين الله الخدمات ههههه خدمات قال

نحن بفضل الله نعين 70% من الشعب السوداني الفضل حسب احصائيات الهجرة من شئون المغتربيين انفسهم

وبالرغم من ذلك لن تكون هناك ثقة في التحويل بالطرق الرسمية

الا اذا تم اعادة ملاييين الدولارات المنهوبة من ماليزيا واروبا

وبصراحة لابد من بناء الثقة .


#1025929 [zain]
0.00/5 (0 صوت)

06-05-2014 02:23 AM
معظم المغتربين السودانيين وربما كلهم تحويلاتهم تم خارج القنوات الرسمية والسبب هو عدم ثبات سعر الصرف ويا بخت تجار الشنطة ناس دبى والصين والواردات الفالصو


#1025887 [basheer]
0.00/5 (0 صوت)

06-05-2014 12:50 AM
يادكتور ياشاطر المسالة بتاعتك دي جات متاخرة جدا ومعليش راحت عليك زي مابقولوا اخوانا المصريين...يادكتور ياشاطر اقول ليك المسالة بقت بين الحكومة والمغتربين مسالة حياة اسر او موت او لو صح التعبير مسالة بيع وشراء واقول ليك وفر كلامك واعطيه محاضرة لتلاميذك ... والرد طبعا يفتح الله بلغة السوق ... انت عارف المغتربيين مظلوميين في الكثير الذي يجب وضع قائمة به من قبلهم لا منك ياحبيبي .....


#1025856 [السنين راحت]
0.00/5 (0 صوت)

06-04-2014 11:27 PM
(وأضاف المهل بان الخطوة ربما تؤدى في المدى المنظور لفقدان بعض الموارد ولكن في المدى البعيد ستؤدى إلى زيادة التدفقات النقدية الأجنبية إلى داخل البلاد موضحا أن الخطوة جاذبة لاستقطاب تحويلات المغتربين ومدخراتهم من خلال القنوات المصرفية الرسمية بدلا من تحويلها إلى اى جهة أخرى)

الخبير دا عبييط ولا بستعبط الفرق بين سعر البنك و سعر السوق ما في حاجة بتغطيه حتى الغاء الضريبة


ردود على السنين راحت
European Union [سالم عبد الله] 06-05-2014 01:33 PM
خليك مهذب في ألفاظك


#1025847 [راجي]
5.00/5 (2 صوت)

06-04-2014 11:17 PM
دي رشوة عشان الانتخابات ..زي زمان بالجامعة كان العشاء حمام ليلة الانتخابات


#1025845 [الجاك قسم السيد]
0.00/5 (0 صوت)

06-04-2014 11:17 PM
ولي شنو السنة الجاية السنة دي ماله ابت شنو موت يا حمار الين اجيك الربيع


#1025838 [ابراهـيم عـلى]
4.25/5 (3 صوت)

06-04-2014 10:53 PM
خليكم مثلى : انا من زمن نميرى لم اذهـب للسودان .


ردود على ابراهـيم عـلى
[نخوة] 06-05-2014 02:17 PM
انا احييك زول جادى جدا .

[bullet ant] 06-05-2014 10:03 AM
معلم


#1025833 [isam basheer]
1.00/5 (1 صوت)

06-04-2014 10:43 PM
الافضل تشجيع المغتربين بمشاريع جماعية واضحة القوانين يفضل ان تبعد منها الحكومة ويتم الاشتراك فيها بوثائق تثبت الحق. و هذه المشاريع تعمل في الزراعة والصناعة


#1025804 [المهاجر]
5.00/5 (1 صوت)

06-04-2014 09:59 PM
وينكم البقر الحلوب ماتت توفت ........بح المغتربين وفروا ليكم الاكل والشرب والمواصلات والتوظيف


اتركونا فى حالنا


#1025801 [مغترب]
0.00/5 (0 صوت)

06-04-2014 09:54 PM
مافى مغترب بيحول ولالا ريال


#1025799 [fathi yassieen]
0.00/5 (0 صوت)

06-04-2014 09:45 PM
السلام عليكم ورحمة الله وبركاته ،،
زقبل موضوع اعفاء الضريبه والتحويلات يا ريت نجد اجابه موثوقه عن الاستثمارات الجاريه باسم المغتربين والدائره بمدفوعات ضرائبهم ،،، مثال المهاجر لموزين وغيرها من الشركات ،، وهل هنالك كتيبات توضح ذلك ؟
وهل للمغتربين حق واضح ومحفوظ ؟؟ ام هذه الشركات قائمه لتدفع رواتب الموظغين فقط ؟؟ نامل ان نجد اجابات واضحه ...


ردود على fathi yassieen
[halfaa] 06-04-2014 10:52 PM
سلام فتحي كل تلك الاستثمارات كانت من جيب المغتربين والان انتهت الي لا شئ !!! يادوب كان يكفي رحلات واسفار والاعيب تاج الدين ومن جاء بعده


#1025753 [الدبيب]
0.00/5 (0 صوت)

06-04-2014 08:39 PM
ومنو البخش التجربة الاولى انحنا فاقدين الثقة فيكم


#1025742 [ابو نور]
0.00/5 (0 صوت)

06-04-2014 08:16 PM
هههههههههههه يا حرامية ليش السنة الجاية ياعمر السفاح ويالترابى الماكويس ويا هاج ماجد اى هاج ما حاج انت قائلين فى سودانى تانى بتفش ليكم طردوتنا وكمان جائين تبركدوا جيبونا وسرقتوا البلد كلها يا كيزان يا جزم تشموها قدحة يالصوص تفى عليكم تف عليكم تف


#1025737 [Krkaab]
4.00/5 (2 صوت)

06-04-2014 08:12 PM
طبعا هم حا يلغوا الضرائب ولكن حيدفعوكم ليها باسم تاني يعني ذكاه مساهمه وطنيه وتكون بااااااهظه ديل والاد ......... لاخير فيهم صدقوني


#1025736 [مجنون]
0.00/5 (0 صوت)

06-04-2014 08:10 PM
السودانين طيبين خلاص وبصدقو بسرعة دى اسمها الخديعة الكبرى والدليل الالغاء السنة الجاية ليه مايلغوها فورا لو صادقين وكلامهم كتر عن المغتربين عايزين جيوبهم ماعايزين يرفعو عنهم المعاناة ولايحزنون خلو المغتربين لمعانة الغربة وادوهم التاشيرات بس للمخارجة لو صادقين فى المطار او المينا


#1025731 [مهاجر الى الابد]
0.00/5 (0 صوت)

06-04-2014 08:01 PM
اعتقد الضريبه التى يدفعها المغترب تماثل مايدفعه تجار السودان؟؟؟؟


#1025712 [محمد عبد العظيم يوسف]
0.00/5 (0 صوت)

06-04-2014 07:42 PM
والله انشاء يتنفذ القرار نحن تعبانين وروحنا طالعة واتغربنا عشان نحسن وضعنا بس للاسف الواحد بقي ما بحب انزل السودان عشان الضرائب علي المغتربين لو ماعندك ملف ضريبي جوازك ما يتاشر
انشاء الله يكون جد تنفيذ القرار مايكون ونسه وحكوة الناس بحكوووها


#1025706 [أنصاري]
4.50/5 (3 صوت)

06-04-2014 07:30 PM
(( وأضاف المهل بان الخطوة ربما تؤدى في المدى المنظور لفقدان بعض الموارد ولكن في المدى البعيد ستؤدى إلى زيادة التدفقات النقدية الأجنبية إلى داخل البلاد موضحا أن الخطوة جاذبة لاستقطاب تحويلات المغتربين ومدخراتهم من خلال القنوات المصرفية الرسمية بدلا من تحويلها إلى اى جهة))


_ والله وتالله معظم المغتربين عايشين في (تلتلا)..!! لا بتدفعوا ضريبة؛ ولا بيجوا السودان؛ ولا عندهم تحويلات، إستثمارية ياهو يادوب الحاجة عيانة؛ مصاريف المدرسة؛ أبوك ناوي الحج؛ دواء خالتك؛ أختك قرروا ليها عملية؛ حبوبتك كتبوا ليها نظارة؛ بنت أختك نجحت دايرة ليها موبايل؛.....الخ

_ يمكنكم التركيز في الإستثمار على لصوص كافوري وأشقاء السفاح البشير ..


#1025705 [عادل دقنة / ودمدنى]
0.00/5 (0 صوت)

06-04-2014 07:29 PM
الأخوان وجماعة الإنقاذ خلو لينا أراضــــــــــــى علشان نشتريها ونبنى علي ... ؟؟؟ خلونــــــــــــــــا فى حالنـــــــــــــــــــــــــــــــــــــــــا !!!


#1025694 [في التنك]
5.00/5 (1 صوت)

06-04-2014 07:09 PM
قبل كده أعلنها البشير والراجل طلع ما عندو كلمة.

لو فرضنا تم إلغائها عن طريق سن قانون لها وتم تضمينها ضمن الدستور حتي .... أهو نحنا شايفين الحكومة بتخرق في كل القوانين والدستور.

يعني بصراحة المغتربون لا يثقون في أي كوز مهما طالت لحيته وحيلته.

بعدين لفظ كلمة ( استقطاب ) و ( جذب مدخرات ) و ( سياسات تشجيعيه ) بنعتبرها رشاوي القصد منها غير شريف ..... القصد منها أخذ أمواال المغتربين بالباطل وبهذه الوسائل الغير كريمة بالخداع والغش والتدليس ... ماذا يعني أن يعطي المغترب مساحة من الأرض في منطقة نائية ليست فيها أي خدمات وشوارع وفي مناطق مجاري السيول ....

يجب ألا ينخدع المغتربين بهذه الإجراءآت كل من يريد شراء قطعة أرض عليه أن يذهب إلي السودان ويشتري بنفسه بعد التأكد من أوراق القطعة الصحيحة وأنها خالية من الموانع.
علي المغتربين ألا ينخدعوا في المخططات التي تأتي من الحكومة ومن السفارات واللجان التابعة لجهاز المغتربين الذين كثيرا ما يحملون مخططات جاهزة مرسومة بطريقة جميلة لكنها تخالف الواقع.


#1025670 [سدالنهضة]
5.00/5 (5 صوت)

06-04-2014 06:32 PM
الناس دي ما بتفهم ياخ المغتربيين ديل قالو ليكم ما عايزين مشاريع ولا تحويلات ولا عندهم مدخرات زاتو كرهتوهم العافيه والضريبة دي ما تلغوها الان اشمعنا السنه الجايه ده كلام كضب *كضب كلامكم ده زي الحوار الوطني الا الان مل تم شوفو ليكم شغل تاني انهبو منو يا لصوص يا حراميه كلامكم بقي كتير عن المغتربيين من ما الشوم هاج ماجد اللص الكبير


#1025667 [ود كركوج]
5.00/5 (5 صوت)

06-04-2014 06:24 PM
-تسهيل قبول ابناء المغتربين بالجامعات.
-الغاء تاشيرة الخروج وتسهيل اجراءات سفرهم.
-احترامهم ومعاملتهم معاملة افضل من الاجانب في المطار وكل المرافق الخدمية الاخري داخل السودان و السفارات في الخارج.
-صرف تحويلاتهم بالعملة الصعبة وبلا قيود ان رغبوا في ذلك.
-تشجيعهم و تفضيلهم في الاسثمار علي الاجانب .

والا تشمو تحويلاتهم بصلة.


#1025666 [تاج الدين]
5.00/5 (2 صوت)

06-04-2014 06:23 PM
كلام جميل جدا في انتظار التطبيق بس الصراحة ما متفائل شديد


ردود على تاج الدين
United States [Aboahmed] 06-05-2014 09:21 AM
ياشيخ تاج الدين باين عليك صدقتهم ؟؟؟؟؟؟؟؟؟
اقول ليك كلمه ... تصدق اليهود ولا تصدق بني كوز ..
اوعه تتغشى ....


#1025649 [ود الركابي]
5.00/5 (1 صوت)

06-04-2014 06:02 PM
ياريت . تكونوا اول مرة عملتوا ليكم شي مفيد للمغتربين في تاريخكم .. لكن اراضي مضروبة في الاطراف بمبالغ خيالية ماعاوزين .. يفتح الله ..


#1025645 [murmoly]
5.00/5 (1 صوت)

06-04-2014 05:57 PM
مش كان لغوا الضرائب ؟! البين المغتربين و الجهات الرسمية في البلد خربانة خالص ! ثقة مافي كلو كلو !!


#1025643 [مجنون]
0.00/5 (0 صوت)

06-04-2014 05:55 PM
بديت تفهمنى يا وديع


#1025638 [صقر]
5.00/5 (1 صوت)

06-04-2014 05:46 PM
ههههههههههههههههه ههههههههههههههههههههه دا شرك مقنن اجو بعد السنه تتم اقولو رجعنا القرار زي مواقف المواصلات


#1025636 [alwyn]
5.00/5 (1 صوت)

06-04-2014 05:45 PM
كان ليكم


#1025627 [ود كترينا]
5.00/5 (2 صوت)

06-04-2014 05:35 PM
***مايلغوها من السنة دى...والله الضرائب دى هدتنا هد...والقروش بتمشى وين....ماعارفين....ومجمع المغتربين زى الكوشة وعدم نظام وفوضى...مكان تشرب فيهو موية مافى...وكلو سمسرة وحرامية ولصوص...نحنا ندفع فى الضرائب بالعملة الصعبة يمشى يشيلها والى الخرطوم يبنى بيها قصورو ويسفرها لماليزيا ودبى...وكرار التهامى عمل شركة المهاجر العالمية من ضرائبنا البتستثمر فى كل شئ يخطر على البال!!!وجانا هسع حاج ماجد...طبعا ح يكون جاى جحمان بعد ماشبع كرار التهامى وقبلو السعيد عثمان محجوب وغيرهم!!الناس ديل فكرتهم كلهم انو يحلبو المغتربين ديل حلب ويشيلو قروشهم وياريت لو يعملو بيها حاجة تنفع البلد...يستغلوها لمصلحتهم الخاصة...ألا لعنة الله على الفاسدين!


#1025616 [الكوز الفى الزير التحت الراكوبه]
4.00/5 (3 صوت)

06-04-2014 05:23 PM
يعنى نأخر الاجازه للسنه الجايه وله شنو ؟


#1025611 [الغلبان]
5.00/5 (4 صوت)

06-04-2014 05:21 PM
ندفع بالضريبة من 20 سنة وما زال ندفع لا ارض ولا سكن ولا حتى اعفاء لما اعفاه الرئيس المبجل عمر البشير بشأن المعدات الزراعية ورجعة ساااااااااااااكت وبنسمع كثير تجربة شخصية والان خرجنا وبنبحث عن وطن


ردود على الغلبان
[ابو الطماير] 06-05-2014 12:18 PM
للاسف الشديد يا اخي الغلبان كل اهل السودان يبحثوا عن وطن



خدمات المحتوى


مساحة اعلانية





الرئيسة |المقالات |الأخبار |الصور |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة