الأخبار
أخبار إقليمية
مذكرة من منظمة حقوق الإنسان للبرلمان السويدي
مذكرة من منظمة حقوق الإنسان للبرلمان السويدي


06-05-2014 04:16 PM
الراكوبة -
(ستكهولم )

سلمت منظمة حقوق الإنسان السودانية بالسويد مذكرة إلى البرلمان السويدي يوم (الأربعاء 4 يونيو 2014) تضمنت تقريراً حول ثلاث قضايا هي :(قضية مريم يحي، أوضاع حقوق الإنسان والحريات في السودان، وأحداث سبتمبر )

وشدَّد المذكرة على المطالبةً بوقف تنفيذ حكم الإعدام بحق الطبيبة مريم، وإطلاق سراحها فوراً، وإلغاء حكمي الردة والزنا الصادران في حقها، وإتخاذ موقف أكثر قوة للتصدي للهجوم على الحريات العامة في السودان.

وإلتقى منسق المنظمة أيمن عادل أمين بعضو من البرلمان السويدي (مينا كاكابافتش) في مبني البرلمان بالعاصمة ستكهولم، وقدم تنويراً عن أوضاع حرية الصحافة والتعبير، والتضييق علي الحريات العامة، وإنهيار مساحة الحريات الدينية والسياسية، وزيادة الهجمة الأمنية علي الصحفيين، والإعتقالات العشوائية، وأساليب التعذيب التي يستخدمها جهاز الأمن مع المعتقلين.

وندد أيمن عادل أمين بقرار رفض تسجيل الحزب الجمهوري، وإعتقال السياسيين على رأسهم محمد صلاح وآخرين.

وطالب أيمن عادل أمين بتكثيف الضغط علي السلطات السودانية لوقف الإعتقالات، وتشكيل لجنة مستقلة للتحقيق في قتلى التظاهرات سبتمبر من العام الماضيـ إلى جانب الكشف عن نتائج التحقيقات السابقة والخطوات قامت بها لتوفير العدالة للضحايا.


تعليقات 2 | إهداء 0 | زيارات 3291

التعليقات
#1026844 [مرتضي الجعر]
0.00/5 (0 صوت)

06-05-2014 06:33 PM
هسع علاقة البرلمان السويسري بقضايا السودان شنو؟
والبرلمان السويسري حيعمل ليك شنو؟
ناس ماعندها شغلة ولا موضوع.
خلي الحجة تقرأ الرسالة وبعدين تبلها وتشرب مويتها.


ردود على مرتضي الجعر
European Union [ساب البلد] 06-06-2014 05:21 PM
********** الجعر اعمي بصر و بصيرة ********* السويد و ليست سوسيرا ****** اسيادك الكيزان بخافوا من اروبا و امريكا اكتر من الله *********** السويد من الدول المانحة ******* يعني سنويا بتصدقوا علي حكومتك ******** فهمت ولا ما فهمت ؟؟؟ ***************

[الكشكول] 06-05-2014 10:08 PM
يامرتضى انت عايش وين الكيزان ديل يخافوا من الغرب اكثر من خوفهم من اي جهة اخرى والكيزان ديل من النواع اليخاف ما يختشي .. بعد يومين الحكومة ذاتها تمشي للبرلمان السويدي عشان يتوسط لها في حل ديونها عشان تدين مرة اخرة وبعد يومين الواحدة تجيهو سفرة الى السويد يجري اليها على جناح السرعة ... ما شفت قطبي المهدي لما افتضحت القروش العندوا كان فيها كم كرونة سويدية ؟ جابها من وين؟
المهم كم وكم وكم قدمت عريضة الى الجهات المختصة في السودان ولم تنظر فيها العدالة والبرلمان حقنا ما شايف شغله اذا كانت عضو بالبرلمان تصف الشعب السوداني بأن ثلثيه حرامية؟ دي لغة هل دا كلام مشريع ومسئول تشريعي جاء ليحل قضايا الشعب .. وبرلماني اخر متابع ختان الآناث فقط ؟؟ وسامية تقول ما في فساد في السودان ومن عنده بضاعة احسن مما عندنا فالياتي بها؟ عشان كدا انا انصح الجميع بأن يقدموا مذكرات للبرلمان السويدي والنرويجي والانجليزي والبلجيكي والفرنسي والالماني وكل الدول المحبة للعدل حتى يتم الضغط على الحكومة الحالية لعلها تتذكر او تخشى
25 سنة والحكومة الحالية لم تكفي او تكتفي من اللحس واللهطف والكبرياء في الارض والآن يعدون العدة للأنقضاض على الحكم لمدة خمسة سنوات اخرى ويورثوا الحكم لأبنائهم وابناء ابنائهم ..
والله يا مرتضى لو عاجبك الش الحاصل داه استغفر ربك .. لكن انصحك اضعف الايمان تقول اللهم اني ابرأ اليك مما يفعل هؤلاء القوم والله يكفينا شرهم

United States [مونجيك] 06-05-2014 08:13 PM
البرلمان السويدي وليس السويسري

هاااااااااااااااااي


#1026822 [البرلوم]
0.00/5 (0 صوت)

06-05-2014 06:00 PM
المناضل ايمن عادل

ابن الاستاذة عواطف زميلتنا في المحاماة


ردود على البرلوم
United States [خال فاطنة] 06-06-2014 10:58 AM
في زول طلب منك كلام ذي ده =يبدو انك ياعايز تثير هذه النقطة حتي تاصل لمرماك= العب غيرها=



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
0.00/10 (0 صوت)




الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة