الأخبار
أخبار إقليمية
ضبط منظمة سرقت منحة عمر البشير للجنوبيين
ضبط منظمة سرقت منحة عمر البشير للجنوبيين



06-08-2014 10:37 AM

الخرطوم: علي الصادق البصير
اتخذت نيابة أمن الدولة إجراءات جنائية تتعلق بخيانة الأمانة في مواجهة منظمة طوعية تصرفت في كميات كبيرة من الذرة التي تبرع بها رئيس الجمهورية في وقت سابق لدعم المتأثرين من الحرب الأهلية بدولة الجنوب. وتعود تفاصيل الواقعة إلى ضبط جرار محمل بـ «33» جوالاً من الذرة في طريقها من صومعة ربك للخرطوم، وذلك بواسطة أفراد يتبعون لجهاز الأمن والمخابرات الوطني، وبالتحري مع سائق الجرار والمتهمين بالمنظمة اتضح أن المنظمة مكلفة بترحيل الإغاثة للجنوب، إلا أنها وفقاً للتحريات تصرفت في كميات كبيرة من الذرة تقدر بنصفها، كما أنها خالفت لائحة عمل المنظمات الطوعية.

الانتباهة


تعليقات 13 | إهداء 0 | زيارات 4481

التعليقات
#1029683 [ذهب الجبال]
0.00/5 (0 صوت)

06-09-2014 01:19 AM
اقترح انشاء منظمة باسم ( حماية الاطفال من اكل مال الحرام)


#1029669 [Rebel]
0.00/5 (0 صوت)

06-09-2014 12:14 AM
* يا ربى "المنظمه" الما جابو إسمها دى تكون تبع منو؟
* يعنى حا تكون تبع اليسار و ألآ المعارضه الماجوره و ألآ تبع الجبهه الثوريه و ألآ الطابور الخامس!!
* ما "اصحابها" معروفين، و برعوا فى البلد دى ليهم 25 سنه!!
* طيب.. ما "إتحللو"، و نكون خلصنا!!!


#1029532 [ذكي ذنكلوني]
0.00/5 (0 صوت)

06-08-2014 08:39 PM
تلتمية جوال افضل من 2.5 طن مخدرات


#1029336 [علي حسن]
0.00/5 (0 صوت)

06-08-2014 04:00 PM
تسلم اخي اب شلاضيم
كلامك زي السيف للبيفهم . بس السوط ضرب ناس كتيرين كيزان وغير كيزان


#1029331 [مكي عمر]
0.00/5 (0 صوت)

06-08-2014 03:55 PM
يتحللو بس المشكل وين


#1029294 [حسكنيت]
0.00/5 (0 صوت)

06-08-2014 03:11 PM
جنس ديل معقول إخلوا ليهم منظمة أجنبية تشتغل؟


#1029292 [قوز دونقو]
5.00/5 (1 صوت)

06-08-2014 03:08 PM
حرامي سرق حرامي فيها شنو دي ؟؟ من أين لعمر البشير الذرة كي يتبرع بها للجنوبيين؟؟ و لماذا لم تعلن من قبل و يتم تسليمها لمندون دولة جنوب السودان ؟؟؟ أليس لديهم سفارة و تمثيل دوبلوماسي؟؟؟؟ لكن هذ العادة الحرامي كما شاف أخوه الحرامي سرق ما كان تجرأ و سرق من مال الحرامي ؟؟؟؟؟؟
وقع ليكم كلامي و لا لسع؟؟؟
بالمكعوج كدا ناس الإنقاذ سرقوا الإغاثة التي تأتي من الدول الشقيقة و طبعا الحرامي معروف و المسروق معروف و عندما يتبرع البشير للجارة جوبا فإن من حاشية البشير من يمد يده ليسرق حتي النصف ما مشكلة المهم يسرق و خلاص و ما زول أجسن من زول ؟؟؟؟


#1029259 [ود الحاج]
0.00/5 (0 صوت)

06-08-2014 02:29 PM
منظمه طوعيه تفوز بهذا العمل الحساس اكيد منظمه عندها سند وضهر قوي في الحكومه ، ما اسم المنظمه حتي نعرف وده خق لكل الناس وماهي الاجراءات التي اتخذت ضدهم
اكيد حيقولوا الامن القومي


#1029238 [اب شلاضيم]
4.50/5 (2 صوت)

06-08-2014 02:15 PM
كدي يا جماعة خلونا نتكلم بالبلدي كده وننصح الغافلين البيسرقوا في قوت الشعب السوداني ومفتكرين نفسهم شطار واذكياء ...... طيب
والله ما من نبت نبت من حرام الا وهو الى النار .
والله مافي واحد بنته فجرت الا ويشوف هو اكلها شنو وشربها شنو ولبسها شنو وسكنها وين ؟
والله مافي واحد بنته حملت بالحرام الا ويشوف هو اكلها شنو وشربها شنو ولبسها شنو وسكنها وين .
والله مافي واحد مرته بقت فاجرة الا ويشوف هو اكلها شنو ولبسها من وين وسكنهافي سكن من حلال ول من حرام .
والله مافي واحد ولده بقى باطل ( مفردة مؤدبة لمفردة اخري ) الا ويشوف اكله شنو وسقاه شنو ولبسه شنو وسكنه وين .
علشان كده الناس العملوا عمارات وفلل من حرام ديل قولوا ليهم والله الذي لا اله الا هو عماراتكم وفللكم المعفنة ده ( ليتلاط ) فيها اولادكم وليفجر فيها بنساكم وبناتكم وليفعل فيها كل قبيح وكل فاحش وكل دنيئ .
حرام عليكم اطفال صغار لا ذنب لهم تربوهم بالحرام ( وكتير منكم ما محتاج يفعل ذلك ) تربوهم بالحرام وبذلك تكونوا سقيتوهم الفشل ولو طال الزمن ..........والنماذج كثيرة .


ردود على اب شلاضيم
[علي حسن] 06-08-2014 04:02 PM
تسلم اخي اب شلاضيم
كلامك زي السيف للبيفهم . بس السوط ضرب ناس كتيرين كيزان وغير كيزان
والله كلامك عين الحقيقة


#1029162 [بامكار]
5.00/5 (3 صوت)

06-08-2014 12:58 PM
سلفاكير ومشار وباقان سرقوا حق شعب الجنوب والجزاء من نفس جنس العمل مسكين هذا السودان الوباء اصاب الجميع اكل مال المسكين نحتاج وقت طويل لخلق جيل وطنى واعى يعرف معنى المال العام ومال المنظمات غير الربحيه والطوعيه الحكايه جايطه بكرة يا سودان تنهض وتقوم علم بين الامم


ردود على بامكار
United States [خالد النجومى] 06-08-2014 01:36 PM
تسلم بامكار على كلامك ,,,,,نحن نحتاج شعب يخاف الله ورسولة ولا مال الاخرين الا باالتى احسن واين هؤلاء من عمر بن الخطاب


#1029155 [موسى محمد]
5.00/5 (1 صوت)

06-08-2014 12:54 PM
ديل أولادك يا الخضر


#1029122 [فانطاو]
5.00/5 (3 صوت)

06-08-2014 12:14 PM
33جوال بس ده بسيطه جدا مقابل بما سرقه البشير واخوته اتركوا الحرامية الصغار واقبضوا الكبار أولا بما فيهم البشير نفسه إن كنتم صادقين هههههههه


#1029040 [ودالنيل تمساح]
5.00/5 (2 صوت)

06-08-2014 11:10 AM
انعدمت اﻻنسانيه حتى عند الراعى فكيف تكون موجوده فى الرعيه



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
0.00/10 (0 صوت)




الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة