الأخبار
أخبار إقليمية
الشرطة توضح ملابسات وفاة أحد المواطنين جراء الاحتجاج على انقطاع مياه الشرب بمنطقة مايو
الشرطة توضح ملابسات وفاة أحد المواطنين جراء الاحتجاج على انقطاع مياه الشرب بمنطقة مايو
الشرطة توضح ملابسات وفاة أحد المواطنين جراء الاحتجاج على انقطاع مياه الشرب بمنطقة مايو


06-08-2014 11:58 PM

الخرطوم (سونا)
أصدر المكتب الصحفي للشرطة بياناً اليوم ذكر فيه أن أعداداً من المواطنين تجمعوا بمنطقة مايو جنوبي الخرطوم احتجاجا على انقطاع مياه الشرب بالمنطقة ، وقاموا بقفل الشارع الرئيسي الأمر الذي أدى لتدخل الشرطة لتفريق التجمع وفتح الشارع وقد اختنق أحد المواطنين ثم توفى لاحقاً لرحمة مولاه بالمستشفى ،وتم اتخاذ الإجراءات القانونية تحت المادة (51) إجراءات كما تم اتخاذ الإجراءات الإدارية اللازمة وعادت الأحوال للهدوء والاستقرار .
وعبرت الشرطة عن أسفها لوفاة احد المواطنين وترحمت على روحه وناشدت المواطنين بالتعبير بالطرق السلمية التي لا تسبب الإضرار والإزعاج للمواطنين أو تعطل سير حركتهم ونشاطهم .


تعليقات 23 | إهداء 0 | زيارات 6980

التعليقات
#1030566 [عصمتووف]
0.00/5 (0 صوت)

06-09-2014 07:33 PM
الازعاج هو قطع الماء الازعاج هو اطلاق الغاز الذي لا يفرق بين مريض ب ازمة وعادي الارهاب هم كلاب الشرطة وحراس الحكومة انتهي عصر الغاز المسيل والدول تستعمل خراطيم المياة علي الاقل المتظاهرون يستغيدوا من تلك المياة للاستحمام ي اغبياء


#1030221 [غسان بابكر]
0.00/5 (0 صوت)

06-09-2014 01:18 PM
وين بتروح .... يا كاتل الروح..
لك الرحمه من رحمن رحيم أخي...
يا ضارب البمبان بتمشي وين من الديان..


#1030216 [rasha]
0.00/5 (0 صوت)

06-09-2014 01:12 PM
سبحان الله اولا هذا الحدث وقع في منطقة عد حسين وعباد الرحمن والمياه مقطوعة عن معظم المنازال بل المربعات في المنطقتين منذ ما يقارب الشهرين مما اجبر المواطنين على شراء المياه بالبراميل (كارو موية) وكان في البداية زوج الجركانات بـ 2 جنيه لكنه ارتفع ليصل الى 4 و5 جنيهات خصوصا مع ازديات عدد المنازل التي انقطع عنها الامداد المائي مع استمرارية خصم قيمة فاتورة المياه لانها مربوطة بفاتورة الكهرباءبمعنى ان غالبية سكان هذه الاحياء دفع فاتورة مياه بلا مياه واستهلاكهم 15 جنيه يوميا كحد ادنى زائدا سدادا فاتورة المياه كاملة

كل مواطن زهب لشراء الكهرباء من اقرب مكتب توزيع (مكتب الازهري) احتج على ذلك كما ان سكان مربع 3 عد حسين كتبوا شكاوي فيها توقيعاتهم وجزء منهم اتجه للجان الشعبية لكن نزل ماء السماء ولم تزل الحنفيات

اما بالنسبة للوقفة الاحتجاجية فلم يكن فيها تخريب ابدا ومن لديه شك فليزور موقع الحادث ويلتقي باصحاب البقالات والبترينات هناك او المواطنين.


#1030188 [ود صالح]
5.00/5 (1 صوت)

06-09-2014 12:38 PM
العصيان المدني هو كلمة السر التي لا يعلى عليها وهي أقصر الطرق إلى روما التي ترعب الإخوان المسلمين فرع السودان فعليكم بكلمة السرّ يرحمكم الله.


#1030108 [bent alnil]
5.00/5 (3 صوت)

06-09-2014 11:18 AM
اختنق ما خنقوا البمبان الإيراني العفن و كان ما كتلو البمبان كان كتلو العطش ... الناس عطشانه في الخرطوم و بتاع الموية قال داير يصدرها للخليج و يكتل الناس هنا بالعطش ....
ربنا يرحمه و يغفر ليه و يا عمر و يا من وليت على الخرطوم يسألكم الله منه يوم القيامة كان مات عطشان و لا مخنوق اتذكروا الحساب يوم لا ظل إلا ظله .....


ردود على bent alnil
United States [ود الركابي] 06-09-2014 06:22 PM
حساب شنو البتزكرو يا بنتنا الجماعة ديل راحوا بعيد جدأ من مواضيع الدين والحساب يوم القيامة .. بائن في واحد بيفتي ليهم غلط . انتي بتأذني في مالطه ..


#1030044 [ALMOUR]
5.00/5 (1 صوت)

06-09-2014 10:18 AM
ماهى الطرق السليمة التى تتحدثون عنها خبرونا حتى لانموت بالرصاص أو الغاز المسيل للدموع أو العصى المكهربة يرحمكم ألله.


#1030004 [kamal mohy]
0.00/5 (0 صوت)

06-09-2014 09:49 AM
الشعار : الشرطة في خدمة الشعب !!!!!
طيب اذا انقطعت المياه لعدة ايام ولم يجد المواطن اي مياه للشرب ماذا يفعل ؟ لماذا لا تقوم الشرطة بإحضار المسئول عن المياه وتحاسبه بدلا من قتل المواطنين ايا كانوا !!! اليس من حق هذا المواطن أن يعبر عن غضبه جراء انقطاع المياه والسؤال هو كيف يعبر المواطن عن نفسه في مثل هذه الحالات حيث لا مجيب ولا مدافع عن مشاكله المتراكمة يتم دفع فاتورة المياه مقدما ولا توجد مياه كيف لهذا المسؤول ان يظل في منصبه واغلب احياء الخرطوم الفقيرة تشكو من انقطاع المياه؟ نأمل الاجابة من المسئولين عن هذه البلاد ان كان فيهم من يحس بمعأناة هذا الشعب.


#1029981 [مشروع الوادى الابيض الزراعى]
3.00/5 (1 صوت)

06-09-2014 09:40 AM
المويه ماقلتوا دايرين تصدروها لدول الخليج كدى اول حاجه ارونا فى حلقيمنا دى وبعدين صدروه حتى لاسرائيل عالم منافقه هو نحن صدرنا البترول لقينا من وراه شنو غير انكم سرقتوه وعمرتوا بيه الفلل
وركبتوا الفارهات قال ايادى متوضئه قال


#1029975 [مرتضي الجعر]
0.00/5 (0 صوت)

06-09-2014 09:37 AM
أقسم بالله العظيم عندي صديقي يسكن حي كافوري الذي بيقولو عليهو حي راقي وحي أسرة البشير وحوش بانقا ووووو.. أقسم بالله قال أنهم ما عندهم موية 4 ايام والكلام ده أمس القريب دي. طبعاً ما صدقتو وقلت ليهو نحن في الحاج يوسف الموية بتجينا فكيف كافوري مافيها؟ أنا أقسم برب العزة أنو الزول ده قال لي تعال شوف بنفسك (جادي جداً).

الخلاصة انو أنقطاع الموية في الصيف بقي شبه عادي وعام في الخرطوم بسبب الكثافة السكانية وحتي ناس كافوري مويتهم بتقطع زي غيرهم (ما عارفها برمجة ولاشنو).

نسأل الله أن يتولي المرحوم بواسع رحمته ويلهم آله وزويه الصبر الجميل.


ردود على مرتضي الجعر
European Union [ود ابوراس] 06-10-2014 12:04 AM
وفى الا خير عاوز تصل لشنو 2

United States [الجعلى] 06-09-2014 03:11 PM
الانسان اصبح ارخص شىء فى السودان وخوف الحكومة جعلها لا تتولرع فى القتل واكيد الغاز سام لكن يا الجعر ان كنتم تعرفون الاسلام فدية المرحوم على وزارة الداخلية شرعا ومن حق ذويه مقضاتها بس بشرط ان كمنتم مؤمنين

European Union [غسان بابكر] 06-09-2014 01:47 PM
الجعر جعر في الحاج يوسف وبيض في كافوري. ..

European Union [ودضبعه] 06-09-2014 01:38 PM
مرتضي الجعر انت كوووز كوووز وامنجي عديل ملاحظ ت5ليقاتك كلها كاااااك كااااك

United States [قال مسلمين قال] 06-09-2014 01:29 PM
ما عندك موضوع. ممكن الموية تكون قاطعة في بيتهم بس! عادي الحي يكون فيهو موية و خط او خطين يكونو ضاربين.
داير توصل شنو؟ لو حوش بانقا دة ما عندهم موية اكيد عندهم احواض و براميل و فناطيس و تناكر ترويهم شهور.
اخير ليك تكون كاك من واك يا اشباه الجداد


#1029944 [GAGOOOM]
5.00/5 (1 صوت)

06-09-2014 09:19 AM
يجيبو ليكم موية من وين يعني ؟ تاني قمتو علي الشاش


#1029914 [ابوهاني]
5.00/5 (1 صوت)

06-09-2014 09:00 AM
تكتلوا القتيل وتشموا في جنازته ليكم يوم وانا غداً لناظره قريب


#1029913 [الحقيقة]
3.00/5 (2 صوت)

06-09-2014 09:00 AM
المفروض أن يخاطب مسئول المياه هذه الجموع وتوضيح أسباب انقطاع المياه وكيفية حلحلة اشكالية القطوعات ونحن في فصل الصيف بدلا من تدخل الشرطة في كل كبيرة وصغيرة وترهب المواطنين بالبمبان وفي الطرف الآخر نحن السودانيين عندما نخرج في المظاهرات الاحتجاجية نسير في فوضى وازعاج حتى يختلط الحابل بالنابل لا نعرف كيف نسير الاحتجاجات بوعي وتأثير دون ارباك الشارع والشرطة ليس أمامها الا تنفيذ الأوامر مكرها وأكل العيش مر ...


#1029892 [المتجهجه بسبب الانفصال]
5.00/5 (2 صوت)

06-09-2014 08:48 AM
في الشارع المكشوف وبرضوا اختنق بالغاز ،،،، الله حي وهو المنتقم منكم ،،،،


#1029823 [خالد حسن]
5.00/5 (2 صوت)

06-09-2014 08:06 AM
الشرطه في خدمة الديكتاتور
البصدقكم منو ياكلاب الشرطه؟
فأنتم لم تكونوا في صف المواطن يوما في تاريخ نضال هذا الشعب ضد الديكتاتوريات


#1029822 [جركان فاضى]
5.00/5 (2 صوت)

06-09-2014 08:06 AM
كيف الشرطة تتطلع تصريح بالوفاة؟ لماذا لايطلع التصريح من الطب الشرعى؟


#1029796 [جساس الثقفي .. الطائف]
5.00/5 (3 صوت)

06-09-2014 07:44 AM
بلد فيه اكثر من نهر وبكل الالوان ويحصل فيه كذا؟


#1029790 [مصباح]
5.00/5 (2 صوت)

06-09-2014 07:39 AM
الله يرحمه

إختنق كيف !؟ بشنو !؟
وإنتو شغلكم أصلاً شنو بالمناسبة؟
وبتاخدوا رواتب من وين ! وليه!!؟
كمان بلا خجلة تصدروا بيان ! وتترحموا عليه وتتأسفوا!!؟ طيب بالأساس قتلتوه ليه!!؟
أهم من الموية للحياة في !!؟ طيب ليه تنعدم !!؟ولو مافيها البلد مافيها نيل طويل عريض!!


داهية فيكم وحريقة تحرقكم وتحرق نظامكم المجرم الفاسد البتدتفعوا عنه


#1029774 [الظلم ظلمات]
4.75/5 (5 صوت)

06-09-2014 07:17 AM
ليكم يوم يا اولاد الكلب


#1029762 [Sam7]
4.00/5 (3 صوت)

06-09-2014 06:52 AM
وعبرت الشرطة عن أسفها لوفاة احد المواطنين
من غير تعليق


#1029739 [قريشـــــــــــــــــــــــــــــــــــــة]
4.91/5 (8 صوت)

06-09-2014 06:27 AM
قال اختنق ، يا اخي انتو اهون شي عندكم الانسان ، يعني تملوا الناس بمبان وزخيره حيه ، وتجوا تترحموا عليهم ، فقط اعلموا ان الله يمهل ولا يهمل
ويومكم قرب


#1029737 [جاك بلانص]
4.63/5 (6 صوت)

06-09-2014 06:23 AM
من كل الناس اختنق واحد بس


#1029718 [زول ساكت]
4.00/5 (3 صوت)

06-09-2014 05:29 AM
اتخنق أو اختنق.كيف اختنق بأي شيئ ؟أو تكونوا خنقتوه واترحمتو عليه.؟


#1029717 [تيتو]
4.86/5 (9 صوت)

06-09-2014 05:15 AM
السلميه دي كيف نقعد في بيوتنا ونحتج ولا شنو


ردود على تيتو
United States [ود صالح] 06-09-2014 12:37 PM
العصيان المدني هو كلمة السر التي لا يعلى عليها وهي أقصر الطرق إلى روما التي ترعب الإخوان المسلمين فرع السودان فعليكم بكلمة السرّ يرحمكم الله.



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
0.00/10 (0 صوت)




الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة