الأخبار
أخبار إقليمية
رجل يقطع أصبعه ليؤكد شجاعته في جلسة «حكامات»
 رجل يقطع أصبعه ليؤكد شجاعته في جلسة «حكامات»


06-11-2014 11:00 PM

الخرطوم: مجدي :

أقدم رجل خمسيني على قطع «أصبع يده» بسكين في جلسة غناء تراثي لحكامات بمنطقة الحاج يوسف، وذلك بعد أن قامت إحدى الحكامات بمدح شجاعته وفراسته ليتجه نحوها ليصب ما لديه من مال عليها إلا أنه لم يجد شيئاً في جيبه فقام بإخراج سكين وقطع جزء من أصبع يده اليسرى في إشارة منه إلى قوته وبسالته، وقال شاهد عيان إنهم درجوا على إقامة تلك الجلسات باعتبار أنها جزء من تراثهم، وأضاف أن المصاب كان جالساً يحتسي الشاي خلال غناء الحكامات وجاء ذكر اسمه على لسان إحداهن وصفت شجاعته وأثناء ذلك تقدم نحوها في حالة من الفرحة التي أعمته فقام بتفقد جيبه لإخراج المال إلا أنه لم يجد ما يعطيه للمرأة، فاستل سكيناً وبتر بها أصبعه وسط دهشة الحاضرين الذين حاولوا منعه من القيام بذلك وغافلهم وقطع الأصبع وسارع أقرباؤه لإسعافه إلى المستشفى لتلقي العلاج، حيث أجرى الأطباء بمستشفى البان جديد اللازم وقاموا بخياطة الجرح بعد اتخاذ الإجراءات القانونية.

اخر لحظة


تعليقات 19 | إهداء 0 | زيارات 4781

التعليقات
#1033743 [Wadalfa7al]
0.00/5 (0 صوت)

06-13-2014 02:37 AM
بتحصل يا جماعة ..انا بتذكر في جلسة حكامات حارة زي دي ما شعرت بي نفسي وقمت قطعت رأسي وقبل راسي يقع في الأرض أتلفت وقطعت بتاع ود عمي كان قاعد جمبي ينقط للحكامة..


#1033579 [شئ من حتي]
0.00/5 (0 صوت)

06-12-2014 07:07 PM
كان يكتب وصل امانه


#1033430 [ابو السارة]
0.00/5 (0 صوت)

06-12-2014 03:03 PM
هو كان شجاع بالصح كان يقطع راسو


#1033413 [جاكس]
0.00/5 (0 صوت)

06-12-2014 02:46 PM
بالله دي امة

تنال استغلالها أصلا؟

يا أمة متخلفة تضحك من جهلها وغبائها الأمم...

الله ما متسلبط علينا إذا سلط علينا هذا الطاغية
يسومنا سوء العذاب...

لقد آن لجاكس أن يمد رجليه...


#1033382 [ابو جاكومه ..ديم السلك]
0.00/5 (0 صوت)

06-12-2014 02:14 PM
مايحدث فى دارفور سببه الحكامات . انا قلتا وانتو فسروا .. عند ذهاب الطيب سيخه لتولى امر دارفور حشد مسؤل الاعلام كميه من الحكامات لمدح الطيب محمد خير . وطبعا كان لايحب حكاية السيخه . واحده من الحكامات لامن جاء دورها بداءت ..الطيب سيخ اليله جانا وزغردن يابنات لودعشانا .. فكان اول من زغرد هو مسؤل الاعلام لانه فصل من عمله فى نفس الحظه ....... الحكامات هم سبب مشاكل دارفور وعموما قطع الرقبه افضل من القطع من الاضان للاضان ..............


#1033381 [قرضمة]
0.00/5 (0 صوت)

06-12-2014 02:12 PM
كدا اثبت تخلفه موش شجاعته

ياخي كان تزوغ من الحكامة دي بي حرفنة .. مثلا تقول ليها حررررررررم كان تجي تشيلي شوال عيش من بيتي ولا دكاني ولا اي مصيبة زمان


ردود على قرضمة
United States [جركان فاضى] 06-12-2014 05:09 PM
يا اخى هو فى اللحظة ديك فى حالة عدم وزن...مافى حالة تفكير


#1033278 [الجعلي]
0.00/5 (0 صوت)

06-12-2014 12:46 PM
نسب للفارس الصحابي خالد بن الوليد ( قال رضى الله عنه عندما حضرته الوفاه : لقد شهدت مائة زحف او نحوها وما في بدني موضع شبر إلا وفيه ضربة (بسيف) او طعنة (برمح) او رمية (بسهم) , وها أنا أموت على فراشي كما يموت البعير فلانامت اعين الجبناء ) انها الفراسة ،واسأل الله له المغفرة لماجناه علي نفسة.


#1033125 [الحالم]
0.00/5 (0 صوت)

06-12-2014 10:19 AM
ان بئس العقول عقول الاعصافير حماس زائد وماذا استفدنا ليقولو فلان شجاع وقد قيل


#1033121 [عطوى]
3.00/5 (2 صوت)

06-12-2014 10:18 AM
....... اكيد بقارى الله يمرضكم يا جنجويد ياهبنقات يا قطاعين الطرق ...


ردود على عطوى
[sudani] 06-12-2014 09:17 PM
دا شنو يا متخلف انت؟!!! لو ما عندك ردك أو تعليق فصم خشمكم.


#1033073 [عبد العزيز عبد الباسط]
0.00/5 (0 صوت)

06-12-2014 09:35 AM
حكت لى حبوبتى حكاية مماثلة لهذه الحكاية عن واحذ من اهلنا الجعليين وقد كان مصابا في احدى رجليه بمرض استوجب بترها حمانا الله وحماكم ، و قد كان الرجل متماسك وشجاع اثنا قيام البصير بعملية البتر ، فزغردت احدى حسناوات البلد ، فما كان من الرجل الا ان قال للبصير علي الطلاق لازم تقطع الكراع التانية كمان .
اكيد اخونا ايو اصبع دا كان جعلى ، وعشان مافى زول ازعل منى انا كمان جعلى ههههههههههههههههههه


ردود على عبد العزيز عبد الباسط
United States [المتشائل] 06-12-2014 03:03 PM
ههههههههههههههههههههههههههههههههههههههههه

FreedomFighter وعبد الباسط.... أعجبني جداً

[freedomfighter] 06-12-2014 11:52 AM
يا زول هوى تعال نيالا والله العظيم تكره حياتك اديك مثال
الحكامة:
فلان ول فلان كتال الاسود حلاب النمور
فى الوعرة شبع الصقور
يوم قابل ال..... فى العتمور
خلا الدم جارى متل البحور

يقوم ينط واحد و يطلع سكينو
ابشرى ىا الحكامة كلامكى البتقولى فوقه دا كله كى صحى
ومن يومى دا انا اكل العيش خليته دت
شخ شخ فى النحارة و سلام يا روح
بوليس بلاغ شاهد الناس تتغالط ادفنو فى مقابر المسلمين؟ لا دا كافر
والساقية مدورة
(يا والاى الم اجيب) والله عالم عجيب او كما قال اوشيك


#1033066 [::: بـيــكــو :::]
5.00/5 (1 صوت)

06-12-2014 09:29 AM
شحدت الله يكون عندو سكري عشان يعرف الله واحد
ياااخي ده تخلف شنو ده؟


#1032990 [Sad]
4.00/5 (3 صوت)

06-12-2014 08:26 AM
زي دة مفروض يحاكم. لانه أساء للنفس المفروض يحافظ عليها


#1032987 [ود امبعلو]
4.94/5 (6 صوت)

06-12-2014 08:22 AM
انا لو في محل الطبيب اخيطها ليه بدون بنج عشان يعرف حاجة!!!
ياها الاشكال الزي دي البتقول سير سير يالبشير!!! الله لا زادكم

وجع


ردود على ود امبعلو
European Union [انا] 06-12-2014 08:51 PM
اتا منو؟؟ انا برضو انا😳

European Union [انا] 06-12-2014 09:30 AM
عسل والله


#1032986 [جركان فاضى]
3.00/5 (2 صوت)

06-12-2014 08:22 AM
وقديما قالت العرب...من استغضب فلم يغضب فهو لئيم...غضب الرجل الفارس عندما لم يجد فى جيبه مال ليعطيه الحكامة...وغضبة الفارس تساوى....اما غضبة الجبان التى سببها له حكم الانقاذ طوال ربع قرن فلا قيمة لها ولا تسوى شيئا
ورحم الله خالى رحمة واسعة...فلما كبر فى السن اصبح الناس لايجلدونه بالسوط فى حفلات الدلوكة...لكن عندما تقوم عليه شعرة الجعليين ولايجد من يجلده يمسك السوط ويجلد به رجليه حتى يكاد ان يقطعهم...وسريعا يقوم الحضور بحجزه من ضرب نفسه بعد ان تكون رجليه قد ادمت...انها الهوشة...انه الانفعال...انها الرجولة ...انه عدم الخوف من الاذى بسبب اشياء بسيطة...وفى رايكم راجل زى دا بخاف من البمبان؟...والجنا خال...والخال جباد


ردود على جركان فاضى
European Union [الله المستعان] 06-12-2014 08:50 PM
دي المشكلة يا ابو الجا نحنا السودانيين شجعان جدا كأفراد ومجموعات لو فهمنا ما يواجهنا ولكن للاسف الانقاذ فهمتنا كريس واشتغلت فينا فرق تسد وشغلتنا بقبايلنا وجهوياتنا وعائلاتنا اما ما يحصل للوطن فغالبيتنا شايفة حاجة بعييييدة وما عندهم بيها علاقة!!! يجيك واحد يهوش يقطع إصبعه لكن عمره ما طلع مظاهرة مطلبية مثلا او اخو مريم/أبرار القال هم 3 قبائل تأكل النار في حين الجنجويد كتلوا وحرقوا واغتصبوا غربا ومتجهين شمالا ولا نتبين المشكلة الا والفأس واقع في الراس ربنا يعيننا على أنفسنا

[ابو جاكومه ..ديم السلك] 06-12-2014 02:23 PM
يااخى اصلوا خالك ده خال الرئيس والله انا زعلان منك يااخى ياغير اسمك ده يااملى الجركانه دى الليله الخميس الله يكفينا شر الفاضى والفاضيات .... انتا وين الان ياجنا انشاء الله تكون فى عرعر بالسعوديه ياجعلى .... واحد رباطابى مغترب فى السعوديه الكفيل السعودى ساله من فين انتا فى السودان فقال له من بربر وايش يعنى بربر ورد الرباطابى وايش يعنى عرر ..ايام مرض الايبوله فى راوندى كنا وبعض من الاصدقاء فى ساعة سمر واحد جعلى شابكنا انا خالى كان يومى بقتل 10 اشخاص فرده عليه احد يااخى انتا اصلوا خالك ده ايبوله .. قال خال قال .يااخى املى الجركانه انشاء الله موية زمزم ..........


#1032951 [بيكانتو]
4.00/5 (3 صوت)

06-12-2014 07:46 AM
يأخى حول رصيد


ردود على بيكانتو
United States [على حسن] 06-12-2014 10:37 AM
هههههههههههههه خطير لكن


#1032944 [احمد حسن]
1.00/5 (1 صوت)

06-12-2014 07:33 AM
يا هـو دا السودان ؟ ؟ ؟


#1032881 [ود موسي]
0.00/5 (0 صوت)

06-12-2014 05:32 AM
ههههههه .. حقيقه انا كنت شغال جراحه في حوادث البان جديد فتره طويله .. أنواع اللبش زي ده بحصل اخر الليل ونقعد في بنجك وخيتك ولصقك


ردود على ود موسي
[جاكس] 06-12-2014 02:49 PM
مثل هذه النوعية خسارة فيهو البنج والخيوط...
لو أنا مكانك كنت حقنته بسيانيد أو بالعدم حقنة
هواء في الوريد وارحت البلاد والعباد منه...


#1032859 [الراكب الماسورة]
5.00/5 (1 صوت)

06-12-2014 03:16 AM
يا أمة ضحكت من جهلها الأمم


#1032853 [Wahbi]
4.75/5 (3 صوت)

06-12-2014 02:44 AM
قال شجاعة قال ، دة زول بليد ومتخلف



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
0.00/10 (0 صوت)




الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة