الأخبار
أخبار السودان
مشادة كلامية بين رياك مشار وموسفيني بأديس أبابا
مشادة كلامية بين رياك مشار وموسفيني بأديس أبابا



06-12-2014 10:23 AM
الخرطوم: أديس أبابا ـ مها التلب
شهدت القاعة التي جمعت بين رئيس دولة جنوب السودان سلفا كير ميارديت ونائبه السابق المعارض رياك مشار بأديس أبابا، مشادة كلامية بين الرئيس اليوغندي يوري موسفيني ونائب رئيس جنوب السودان السابق رياك مشار على وجود القوات اليوغندية في جنوب السودان، أثناء اللقاء بين مشار وسلفا كير الذي عقد بأديس أبابا أمس الأول. وقال المتحدث الرسمي باسم مجموعة رياك مشار يوهانس موسس لـ(الجريدة) إن الرئيس اليوغندي "تطفل" على الاجتماع بين مشار وسلفا كير، فدخل معه مشار في مشادة كلامية أشهر خلالها أصبعة بوجهه متوعداً ومهدداً، وأضاف أن الرئيس سلفا كير ميارديت جلس متفرجاً طوال زمن المشادة دون أن ينبس بكلمة، وبعيد استئناف الحوار اتفقوا على سحب القوات الأجنبية من جنوب السودان فوراً، وقد حضر الجلسة كل من النائب الأول لرئيس الجمهورية بكري حسن صالح، ونائب الرئيس الكيني، والرئيس الجيبوتي، إلى جانب الرئيس الإثيوبي هايلي مريام ديسالين، وقيادات من دولة الجنوب من الطرفين. ونفى موسس أن يكون الطرفان اتفقا خلال اللقاء الذي جمعها على هامش القمة الاستثنائية المخصصة للأوضاع في جنوب السودان، على حكومة انتقالية، وقال: "لم يوقع خلال تلك الجلسة على أي اتفاق حول حكومة انتقالية كما روجت بعض وسائل الإعلام، وإنما مسألة إنهاء الصراع في مدة أقصاها 60 يوماً، وأن الحكومة الانتقالية كانت بند من بنود قمة الإيقاد التي وضعتها كجزء من خطتها لحل الأزمة بين الطرفين". بيد أن الحركة الشعبية والجيش الشعبي لتحرير السودان بقيادة مشار رحبا بمقررات القمة، وأعلنا استعدادهما مجدداً لأية تسوية سياسية مع النظام في جوبا، واعتبرت أن وساطة إيقاد خاطبت الأزمة بحرفية. وقال موسس إن جماعته لا تقبل أي حديث عن حكومة انتقالية إلاّ بعد التوصل إلى تسوية سياسية، وإقامة نظام حكم فيدرالي، أو رئاسي برلماني يقوم على إعادة هيكلة المؤسسات الحكومية بما في ذلك القوات النظامية والخدمة المدنية والقضاء، فضلاً عن دستور دائم لدولة جنوب السودان. ودعا موسس الرئيس سلفا كير للالتزام بمقررات قمة الإيقاد والشروع في تنفيذها لبدء حوار جدي يحقق السلام والاستقرار في البلاد في غضون الفترة التي حددتها الوساطة.

الجريدة






تعليقات 12 | إهداء 0 | زيارات 8181

التعليقات
#1033875 [ابو الافكار]
0.00/5 (0 صوت)

06-13-2014 10:08 AM
برضو كلام في المعقول


#1033805 [واحد]
0.00/5 (0 صوت)

06-13-2014 07:28 AM
موسفيني يعد الرئيس الشرير في القارة السمراء، حليل نكروما وجوليوس نايريري


#1033722 [سدالنهضة]
5.00/5 (1 صوت)

06-13-2014 12:58 AM
الشباب عماد المستقبل لا سلفاكير ينفع رئيس ولا مشار ولا القاعدين في الحكم كلهم من وزراء ومطبلاتيه زي ما عندنا هنا في الخرطوم عجايز مخرفين ومخرفنيين ويحبو السلطة والتسلط وما فاهمين اي حاجه هذا زمانكم ايها الشباب فل تقومو بثوره في السودان وجنوب السودان وابعاد الكهول المرضانيين والعيانين بحب السلطه والجاه ولا يكترثوا الي الشباب عايزين دولتين متحابتين لا مشاكل ولا غباين ولتتذكرو كلنا شعب واحد رقم الانفصال المر الذي دبروه هولاء السفله الذين مكنكشين في الحكم الا الان ويرون شعوبهم تموت ولا يبالون كلهم مدرسه واحده البشير واعوانه وسلفاكير واعوانه خريجي معسكرات عقليتهم الحرب والقتل والدمار فقط لا غير
وطن حديد باراده شبابيه فقط بعيده من العنصريه والجهويه نعم للسلام لا للحرب


#1033696 [الكنزي]
0.00/5 (0 صوت)

06-12-2014 11:25 PM
مش ده مشار الخان رفاقه ةتصالح مع المؤتمر الوطني هو وكاربينو هذا الشخص مجرد انتهازي زيراعي مصالحه الشخصيه


#1033641 [هامش الهامش]
0.00/5 (0 صوت)

06-12-2014 09:06 PM
مشار هو الشر بعينه. لا مبادئ ولا التزام أخلاقي ولا ثوابت لديه يمكن أن تبني عليها قطية ناهيك عن دولة مع أنه مهندس...؟ قتل من السودانيين جنوبا وشمالا وفتن بين الجنوبيين وجعلهم قبائل وشلليات، وفتن بين دول الاقليم سياسيا واستراتيجيا فجعل اثيوبيا والسودان في كوم، وكينيا تتربص بيوغندا من أجل المصالح التجارية، ويوغندا أكثر طمعا في خيرات الجنوب من أي وقت مضى.... فكيف يصلح مثل هذا الخائن الجبان أن يكون رئيسا لدولة ناشئة تحتاج لدعم كل دول الجوار دون الدخول في محاور ضررها أكثر من نفعها. ليس من صالح مشار مطلقا التقرب من النظام في الخرطوم نسبة للحساسية السياسية بين الدولتين والتاريخ الدموي لنظام البشير. وفكرة حكومة انتقالية فكرة جيدة بشرط ابعاد كل من باقان ومشار وكير ودينج ألور من سدة الحكم. ما يحتاجه الجنوب هو حكومة تكنوقراط لتنمية الجنوب بالعلم والعمل ليست عصابة سياسيين ينخرون تماسك المجتمع الجنوبي نخر السوس بمشاكساتكم وكثرة كلامهم وتنظيراتهم الفارغة.


ردود على هامش الهامش
[osmanaboali] 06-12-2014 11:12 PM
تعليقك فضحك انت مع مين لو الواحد يطالب بحقوق النوير والجنوبيين من حركة متسلطة على الجنوبيين وتقول لاتروا الا ما ارى ودكتاتورية بشهادة ولد قرنق هذا خائن والغلط انه يتعامل مع لحكومة السودان. وفي ناس تحارب وتفتل سودانيون واتفقت مع كل اعداء البلد حتى اسرائيل عدو المسلمين بغض النظر عن الطغمة الحاكمة في الخرطوم هؤلاءابطال الحق واحد كان هنا او هناك نس انت شايف بعين وحدة.


#1033628 [مو مو ميتيت]
5.00/5 (2 صوت)

06-12-2014 08:35 PM
مشار هو زعيم النفط في الجنوب وسيحكم بإقتصاده القوي المتمثل في البترول


#1033455 [اكتر زول بتكلم ساااااي]
5.00/5 (3 صوت)

06-12-2014 03:36 PM
موسفيني ...نمر الموساد في ادغال افريقيا...قاتل الجنوبين ...تخصص في الاغتيالات وتلبية رغبات..الموساد الاسرائيلي...اعمل حسابك ياااامشار ...بكون ختاها ليك ..في اول زيارة لكمبالا سيتي..ماااتلحق اولاد بور...الان 75% من العمالة الاجنبية في جوبا هم يوغندين..حتي سااائقي الحافلات ..وبائعي الخمور..المصنعة..جوبا بقت جقجقندا...وموسفيني..هو زيل الحية الاسرائيلية في منابع النيل..ولو عايز تعرف هذا المخلوق الغريب انظر الي وجهه الشؤم...


#1033452 [شاكوش]
0.00/5 (0 صوت)

06-12-2014 03:31 PM
هذا الطفيلي الصغير المدعو موسس فوك هل يعرف ان اظافره لم ينمو جيدا حتي الان كلامو زي كلام الرنديات ويتحشر في اي كلام ثم يصرح كما شاء هل يفتكر ان جميع الناس في جميع الجيش الابيض بما ان القمة رئاسية لدول الايقاد اين كان موسس هل هو في جيب ريك ام ساعة يد حتي يطلق هذا الاكذوبة ......... احترموا عقول الناس يا هذا الطفيل الذي لا تزال يحبو في السياسة


#1033445 [Mangar garang]
3.00/5 (1 صوت)

06-12-2014 03:24 PM
أكيد موسفني قال لمشار؛ أنا عمري ما شوفتة زول ما عندو كرامة زيك" يأخي موش دا نفس البشير الضرب اتفاقية الخرطوم للسلام خاذوك وجاري ثاني تسلم ليو أوراقك، ياخي انت زول شنو زي دا أنا عمري ماشوفت جنوبي بيبيع رفاق القضية علي شان كرسي، ياخي اغتشي من نفسك حا تمشي وين من لعنة التاريخ" طبعا الكلام كان باللغة الانجليزية. فا عمك رياك ماعجبو الكلام قام قال ليهو" انت الي حشرك شنو واللة بعد ما أتخلص من ابو طاقية حا تشوف حاعمل فيك شنو وانت بتعرف جوزيف كوني قاعد وين.....


#1033299 [سم الارقط]
5.00/5 (2 صوت)

06-12-2014 01:03 PM
عجبتني ليك يا موسفيني انشاالله يمسك الحكم رياك مشار عشان يؤدبك كويس ياحشري دايما تحشر نفسك في كل شئ انت الذي تسببت في هذا الانفصال في مؤامرة مقتل جون قرنق وستري الدايرة تدور عليك اذا استلم المتمردين زمام المبادرة ووصلو لكرسي السلطة في الجنوب.


ردود على سم الارقط
[osmanaboali] 06-12-2014 11:19 PM
عشان كلام الدينكة المعلقين تحت عمره الجنوب ما يرتاح لانهم معتبرين انفسهم هم الحرروا الجنوب وهم احق بحكمه من الجميع اشربوا من نفس الكاس الشربه السودان خمسين سنة

European Union [دينكاوي] 06-12-2014 05:45 PM
قال رياك يمسك السلطة انت بتحلم ولا شنو عمره كله ما حايكون رئيس للجنوب.

European Union [حنان] 06-12-2014 03:52 PM
انت ياعم ما فاهم حاجة شنو الماشي في جنوب السودان دي حلم جعان ان ياتي رياك رئيس و لا نائب ولا حتي في اي منصب الدستوري معليش الا يكون بشمهندس معماري في مسقط راسه في ناصر وصدقني حتشوف.


#1033267 [النفيعابي]
0.00/5 (0 صوت)

06-12-2014 12:34 PM
من الذي أشهر إصبعه في وجه الثاني متوعدا ومهددا


ردود على النفيعابي
[osmanaboali] 06-12-2014 11:25 PM
انا قلت ان الدينكا معتبرين نفسهم الحرروا الجنوب من الشمال ومعطين نفسهم الحق في حكمه لهذا السبب ونيوا ان الشماليين هم الحرروا الجنوب من الانجليز الزمن لف وجاكم شيلوا شيلتكم

United States [Junqoor] 06-12-2014 06:00 PM
رياك مشار في وجه موسفيني وفق صياغة الخبر!

European Union [حنان] 06-12-2014 03:56 PM
دي زول احمق ووهم ما عرف منو الجابو لهم البلد دي


#1033137 [أنصاري]
5.00/5 (1 صوت)

06-12-2014 10:32 AM
أزمة واحدة في بلدين..!!



خدمات المحتوى


مساحة اعلانية





الرئيسة |المقالات |الأخبار |الصور |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة