الأخبار
أخبار السودان المحلية
شاهد الصور: جهاز أمن السفاح يقحتم منازل الحماداب ويقوم بإعتقال أعداد كبيرة من الشباب
شاهد الصور: جهاز أمن السفاح يقحتم منازل الحماداب ويقوم بإعتقال أعداد كبيرة من الشباب


06-14-2014 03:15 PM
الراكوبة الخرطوم: الراكوبة

إندلعت نهار وعصر أمس مظاهرات قادها أهالي مدينة الحماداب جنوبي الخرطوم مطالبين بعودة أراضي أجدادهم المملوكة لهم منذ عام 1505م ، وقد بدأ أهالي الحماداب إحتجاجاتهم سلمياً من خلال الوقفات الإعتصامية طوال الشهور الثلاثة الأخيرة بعد أن ثبت لهم قيام وزارة الدفاع بتسجيل الأراضي بإسمها عام 2009 وشروعها في بيعها إستثمارياً ، وقد تجاهل مسؤوليها بدءاً من الوزير عبدالرحيم محمد حسين إضافة لسلطات أراضي ولاية الخرطوم مطالب الأهالي ، ليتطور الأمر لتظاهرات ومواجهات مع أجهزة النظام القمعية (شرطة وجهاز أمن) لتتصاعد حدتها نهار وعصر أمس الجمعة بعد إغلاق الأهالي لشارع الشجرة ــ جبل أولياء لإشعالهم النيران في إطارات السيارات مما دفع ذلك لتدخل الشرطة لتحدث مواجهات عنيفة تعرض فيها عدد كبير من الجانبين من الأهالي وعناصر الشرطة لإصابات متفاوتة ، وقد إستخدمت الشرطة الغاز المسيل للدموع بكثافة وبعد نفاده إضطر بعض عناصرها لإستخدام الرصاص الحي لكن تدخل الضابط قائد الحملة حال دون مواصلتهم في إطلاق الأعيرة النارية.

ونتيجة لعدم تمكن الشرطة من إخماد هبّة أهالي الحماداب الشرسة تم الإستنجاد بأفراد على متن ثلاثة دفارات تم التأكد بتبعيتهم لمليشيلت الجنجويد بقيادة المدعو حميدتي إضافة لعربتين بوكس تابعتين لجهاز الأمن ، وقد تم إعتقال عدد من الشباب من بينهم: زكي عبدالسلام عبدالحليم ، احمد ازهري ، طه فتحي عثمان ، ولم يتسنّ لذويهم معرفة الجهة التي تم إقتيادهم إليها.

هذا وفي لقاء لـ(الراكوبة) مع بعض قيادات أهالي وشباب الحماداب أكدوا أن إعتصاماتهم وتظاهراتهم لن تتوقف ، وسيبدأون إعتباراً من اليوم والأيام المقبلة لـ(ضرب النحاس) إيذاناً بإعلان حرب الصدام والمواجهة مع التظام الفاسد الذي يبدو ــ والحديث للأهالي ــ أنه بعد أن لم يترك ساحة أو ميدان في الخرطوم إلاّ وباعه ، إلتفت أخيراً لأراضي أجدادنا فبدأ في تسجيلها عبر وزارة الفاسد عبدالرحيم محمد حسين الني تغيّرت في عهده من وزارة للدفاع عن أراضي الوطن لوزارة للهجوم علي أراضي المواطنين!!
أدناه بعض صور المواجهة الشرسة والدامية بين ثوار الحماداب وأجهزة أشرطة وأمن النظام الدموي الفاسد.

image

image

image

image

image


تعليقات 13 | إهداء 0 | زيارات 20789

التعليقات
#1478334 [خالد الراسطه]
0.00/5 (0 صوت)

06-20-2016 03:52 PM
ربنا معاكم واخدو جقكم


#1035819 [nagatabuzaid]
0.00/5 (0 صوت)

06-15-2014 10:47 PM
مفروض لما تولع نار زى دى كل احياء العاصمة تتجاوب معاها اسال الله نار تولع ما تقيف والتحية للضابط الذى اوقف ضرب الرصاص الحى والموت والدمار للجنجويد ومن استعانوا بهم يللا ناس النحاس كلهم يطلعوا النحاس ويضربوه


#1035560 [ابن كردفان]
5.00/5 (1 صوت)

06-15-2014 04:02 PM
قد عشنا دنيا الحياة الحلوة مع أهل الحماداب بمنطقهم التى تقع في الشجرة جوار سور المدرعات وهم أهل فضل وكرم والله انهم أناس طيبين طيبة مبالغ فيها وهذا شهادة حق اقولها في حقهم الى رب العالمين ، اهل الحماداب عاشوا مئات السنين بهذه المنطقة القديمة ويسكن بجوارهم التجار اولاد ملاح وهناك الري المصري ولا يملك وزير الدفاع الاتى من اقصى الشمال تجاه مصر اى حق في اراضى الحماداب وتبقى حقوق أهل الحماداب واراضيهم واما الكيزان وبقاياهم فليذهبوا من حيث أتوا الى السودان .. كل أهل السودان لهم مناطق معروفة بالشبر والعين


#1035426 [صلاح فضل السيد حامد]
5.00/5 (1 صوت)

06-15-2014 01:39 PM
أهالي الحماداب أول من سكن منطقة جنوب الخرطوم قبل سكان الشجرة التي أتوا مع الري المصري وقديماً كانوا يسكنون بجوار النيل في منقطة تسمى عش الزرور وبعد التخطيط سكنوا في مناطقهم هذه وقام جعفر نميري بتوزيع أراضي لأبنائهم كإمتداد للحماداب القديمة وتمددت جنوباً إلى ميدان الرابطة سابقاً.


#1035159 [مجوك مجوك]
5.00/5 (1 صوت)

06-15-2014 09:14 AM
اهل الحماداب جزء من الخرطوم القديمة وهم دباسيين وبالمفهوم القديم الارض ارضهم ومعاهم حق وعى الجيش التفاهم معهم للوصول الى حل وإلا سيدخلو في صراع يألب اهل الكلاكلة والشجرة والعزوزاب والرميلة واللاماب وتمدد وتمدد والنصيحة اطفأو الفتنة في مهدها .


#1035143 [آمال]
2.00/5 (1 صوت)

06-15-2014 08:54 AM
ربنا معاكم


#1035095 [ود برى]
5.00/5 (2 صوت)

06-15-2014 07:45 AM
من لا يعرف الحماداب واهلها...؟؟؟؟

عهم عبدلاب من زمن ممكلة الفونج وهم سلالة اسره العبدلاب الذى حكموا السودان فى فتره من تاريخ السودان .


#1034867 [ابو السيم]
4.50/5 (3 صوت)

06-14-2014 06:58 PM
ارض اجدادكم والله ياهو واجدادكم ديل الاداها ليهم منو وهل يوجد شهادات بحث الارض ملك لحكومه السودان وليس لاجدادكم وانتو من سنه 1505قاعدين وين عشان تجي تفتشوا ليها سنه2014 ويا امه ضحكت من جهلها الامم .


ردود على ابو السيم
United States [nagatabuzaid] 06-15-2014 10:30 PM
لا اعرف عن الحماداب لكن اصدقهم ناس عندهم جذور واول واجداد انت مرقت من ياتوا قفص كر

United States [موسي صالح] 06-15-2014 11:12 AM
كلامك صاح السودان ده كلو طلع محجوز وبتاع ناس ..والله الماعندو ياخد حق اجدادو


#1034851 [ِAburishA]
4.25/5 (3 صوت)

06-14-2014 06:21 PM
عموما... يعتبر تحرك نضالي .يزيد الغبن العام يلهب المشاعر ضد النظام ,,مما يساعد او بمثابة (دفرة) لاسقاطه..واي حركة فيها بركة.. يدكم معانا...

** الواطا دي حقتكم من عام 1505م معناها من زمن مملكة سنار.. الفونج... اوع تخلوها دي سلك ملك!!


ردود على ِAburishA
[alkurdofaani] 06-15-2014 05:23 PM
Only 500 years too few to claim the land is theirs


#1034809 [المنجلك]
4.50/5 (2 صوت)

06-14-2014 05:26 PM
دربوا شبابكم وتسلحوا حتى تستطيعوا الحديث مع الحكومة وتحرير أرضكم وعرضكم.
ضبط النفس والثورة المسلحة المدروسة.


#1034801 [ابو جاكومه ..ديم السلك]
4.50/5 (5 صوت)

06-14-2014 05:11 PM
اى زول فى السودان يقول ليك دى واطاط اجدادى ويشيل عصاتوا ويخت ليه بنبر ويقعد فى الواطه الى ان يموت ويجى ولدو نفس الفلم وبعدين يجى حفيدو وفلم بدون نهايه .. على فكره اهل الرميله والحماداب والاماب بحر ابيض وابوسعد كلهم اهل بعض ..عدا سوف يتحرك الموتى فى مقابر الرميله ويقطعون شارع الشجره ويحرقون اكفانهم ويحملون حدائد الشواهد ويطالبون بتحسين بيئة المقابر قبل الخريف لان الارض اصبحة ملك لهم بوضع الجثامين ... خموا وصروا ......


#1034796 [نصري سليمان]
5.00/5 (2 صوت)

06-14-2014 05:05 PM
الي الامام
والله معاكم علي الظلمه وتجار الدين


#1034795 [العشارى]
4.69/5 (7 صوت)

06-14-2014 05:01 PM
الى اهالى الحماداب الشرفاء
ارجو الا تدخلوا انفسكم فى دهاليز الجنجويد الا بالتنسيق مع كل شعب ومدن السودان
لانه وبهذه الطريقة سوف يتم السيطرة عليكم بكل سهولة ويسر و لن تجدوا الا القهر و الاعتقالات من الجنجويد
لان ارضكم لن تموت مع الانقاذيين ولن تذهب الى ماليزيا او دول الخليج مع اموال الشعب السودانى بل موجوده ولكن تحت قبضة اشخاص آخرون متى ما ذهب هؤلاء فارضكم ملك لكم
اكرر لا تدخلوا فى حرب مع الجنجويد فهم مدججون بالسلاح الايرانى والروسى والصينى
حكموا صوت العقل ونسقوا مع بقية الشعب السودانى لانطلاق المظاهرات فى وقت واحد فى جميع انحاء السودان
اللهم اشهد فقد بلغت
والعارف عزو مستريح صدق جمال الوالى


ردود على العشارى
United States [nagatabuzaid] 06-15-2014 10:39 PM
ملعون ابو الجنجويد انت كانك جدادة محبط اها الصادق المهدى مرق
وين حميرتى بلا يخمهم ويعنى ايه اسلحة من ايران وروسيا والصين سلاحنا لا اله الا الله انت كان نصيح بتستشهد بكلام جما ل الوالى
وكيف يا شاطر ارضهم ما حتروح بعد ما يبيعها الوزير الاهبل

[العارف عزو مستريح] 06-15-2014 02:37 AM
Toهههههههههههههههههههههههههههههههههههههههههه

[نكس] 06-14-2014 09:26 PM
يازوول ما تحبط الناس - فرقك شنو من الصادق المهدي - تنسيق شنو - اي زول غرفان يعبر بالطريقة التعجبوا - والنار من مستصغر الشرر

[الغلبان] 06-14-2014 06:51 PM
امك جديدة لنج صدق جمال الوالي والا صدق الله العظيم لخبتنا ياخ بس ملعوبة هاك التصريف الجديد للدين بزعامة اية الله العظمي السيد جمال الدين بن السيد الوالي (بالله جمال الدين دي مش مفروض بعد كده يسحبوا منها الدين اليخلوه جمال ساكت ما بستاهل الدين اللازقه في اسمه دي تكون عامله ليهو مشكلة)

European Union [زوول] 06-14-2014 05:27 PM
ﻭﺍﻟﻌﺎﺭﻑ ﻋﺰﻭ ﻣﺴﺘﺮﻳﺢ ﺻﺪﻕ ﺟﻤﺎﻝ ﺍﻟﻮﺍﻟﻰ
ﻋﻠﻰ ﺍﻟﺮﺩ ‏[ ﺍﻟﻌﺸﺎﺭﻯ ...


هههههههههههههههههه



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
10.00/10 (3 صوت)






الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة