الأخبار
أخبار إقليمية
الصادق المهدي : بديل الحوار «النار» والفتنة
الصادق المهدي : بديل الحوار «النار» والفتنة
الصادق المهدي : بديل الحوار «النار» والفتنة


06-17-2014 05:08 PM
الخرطوم: بكري خضر : زارت أحزاب الشعبي والإصلاح الآن وجبهة الشرق والعدالة الأصل والبعث الناصري والحقيقة الفدرالي، كانت قد الإمام الصادق المهدي أمس بداره بأم درمان عقب إطلاق سراحه من المعتقل،

وكشف بشارة جمعة أرور- الأمين السياسي لحزب العدالة الأصل أمس عن عقد القوى المشاركة في الحوار الوطني اجتماعاً بحضور الأمين السياسي للمؤتمر الشعبي كمال عمر والشيخ حسن رزق نائب رئيس حزب الإصلاح الآن ومصطفى محمود من الحزب الناصري والمهندس الطيّب مصطفى منبر السلام العادل، خلص إلى ضرورة الاستمرار في الحوار باعتباره خطاً إستراتيجياً، واتفق المهدي معهم على مواصلة الحوار الوطني وأشار حسب جمعة، إلى أن بديل الحوار النار والفتنة، واصفاً إياه بالخيار غير العاقل، وكشف بشارة عن مصادفتهم خلال زيارتهم للمهدي المشير محمد عبدالرحمن سوار الدهب وأجروا معه نقاشاً حول الحوار الوطني، وقال بشارة إن سوار الدهب أمّن على ضرورة استمرار الحوار الوطني، منوهاً إلى أنهم سيحسمون موقفهم بشأن الاستمرار في الحوار أو تعليقه عبر بيان في مؤتمر صحفي يعقد ظهر اليوم بدار حزب الأمة القومي.

آخر لحظة


تعليقات 30 | إهداء 0 | زيارات 4907

التعليقات
#1038838 [الاستاذ]
1.00/5 (1 صوت)

06-18-2014 10:24 PM
الحوار هو السبيل لايجاد حلول ومخرج لكن اين المستويات والميزات والشخصيات التي تقدم المصلحة العامة ثانيا وهذة حقيقة اهل السلطة اصلا لايتحاورون في مايجعلهم بعيدين من السلطة بشكلها الحالي وهو القبضة وتركيز واحتكار السلطة كاملة فكيف ينفع الحوار ويقود الي حلول


#1038683 [albrado]
1.00/5 (1 صوت)

06-18-2014 05:45 PM
اسف عليك يا سودان

معقولة هؤلاء هم القادة!!!!!!

الكوز عازي العتباني وبطل المسرحية الصادق وووووو.....


#1038674 [Abo duraih]
1.00/5 (1 صوت)

06-18-2014 05:34 PM
الناس المعارضين الحوار ديل بقول ليهم ما في مشكلة كويس جدا كلامكم الحوار ما بنفع
طيب بديلكم شنو؟ الحرب؟
إذا كان بديلكم الحرب كلكم القاعدين تعارضوا الحوار ديل ما ألقى لي واحد فيكم يكتب تعليقات ويتسلى بالنت ويشجع اللعبة الحلوة وهو قاعد خلف الكيبورد في دول غربية أو عربية من داخل غرف مكيفة ونائم وينظر ويدمر

دايرين نشوفكم في الميدان لما السودان يبقى زي سوريا أو العراق ، لما أصوات المدافع والراجمات والطيارات والبنادق الرشاشة تشتغل ، لما الدم يسيل ، وتتدمر قدر البنية التحتية الموجودة ، لما تشوف أشلاء أهلك تناثر وبيوتهم تتدمر ، لما الخرطوم تبقى زي مقديشو ما تندسوا خلف الكيبورد وتقعدوا لي في الغربة وتنظروا

بلاء يأخدكم ناس جبناء تدعون للفتنة وخوافين


ردود على Abo duraih
European Union [ودشمبات] 06-18-2014 09:41 PM
صرفتى مواد التموين بتاعت رمضان ياجداده ولا لسه

[فركتو] 06-18-2014 07:35 PM
المدافع والرشاشات وكل الزكرته دى الان موجود فى السودان ولا انت فاكر ان السودان
هو الخرطوم والشمالية فقط


#1038388 [sasa]
1.00/5 (1 صوت)

06-18-2014 12:24 PM
النار الدنيوية التولع فيك وفى اولادك وفى المتاسلمين المنافقين القلة المغتصبين للسلطة والوطن والشعب والميرغنى معاكم قاتلكم الله دنيا واخرة حسبنا الله ونعم الوكيل فيكم وفى الصادق المهدى


#1038247 [مصباح]
0.00/5 (0 صوت)

06-18-2014 10:29 AM
مسرح العبث واللامعقول
خايب الرجا بعد مسرحية الإعتقال رجع للحوار تاني كما هو متوقع، وفي نفس الوقت رجع لقوى الإجماع الرافضة للحوار!! دي يفهموها كيف!؟ في أى منطق تاني ليها غير إنه هذا دأب خايب الرجا في التناقضات والغرائب المخزية،!؟ وغير إنه دخل لفركشة صف الرجال البلهاء وعرقلة عملهم!؟ دي مابراها.. فأثناء مسرحية الإعتقال كان ومازال أحد أبنائه في النظام مُعيناً وخادماً له، وكان الإبن الآخر ومازال في الأمن الذي فتح البلاغ ضد والده ثم أخذه إلى السجن،والقوات اللي أنتقدها الأب هى ذات القوات التي دربها الإبن !! شفتوا الفزورة والمفارقات المدهشة دي كيف !!؟ هل دا حصل أو ممكن بالتخيل كدة يحصل في أى بقعة من العالم غير السودان!!؟
وبعد مسرح العبث والامعقول دا كلو الناس مستغربة كيف وليه يحكمها جاهل ومجرم زى البشير وعصابته!!؟
باخي البلد دي بالجد تحفة.


ردود على مصباح
European Union [عبده الحاج حسن] 06-18-2014 03:37 PM
ياخي انت هسه فرقك من ناس نافع وعبدالعاطي شنو وغيرم من اصحاب الألفاظ المسيئة شنو؟ قريت ليك كم تعليق ما لقيتك كاتب ليك كلمة تفيد هذا الشعب اللنتا زعلان من أجلو الصادق المهدي ما أخد ليهو حقو من الحكومة، طيب ياخي لمن إنت واثق من مقدراتك قدر كدا وانت افهم من السياسين ديل، ما تجي تعمل ليك حزب أو قوة متمردة وتخلصنا من الحكومة والصادق معاً،
بالله خليك عقلاني وقول ما ينفع الناس،دعك من الإساءت الشخصية، إذا كان الصادق شخصية لا تصلح ودا بمنطقك إنت، تخطاه وشوف البديل،


#1038163 [امين الشريف]
4.07/5 (5 صوت)

06-18-2014 09:30 AM
قلنا من زمان ان هذا الرجل كذاب ومنافق وسيناريو الاعتقال عبارة عن مسرحية سيئة الاخراج لكن اهلنا قالو في المثل (كلام القصير ما بنسمع - الصادق المهدي هو اس البلاوي السودانية مضافا له نسيبه الترابي الشرير الخبيث والميرغني الجبان وغيرهم من الكومبارس ونظام الدجل الكهنوتي البغيض - واختصر الكلام - واهم من ظن ان المهدي سيدعم خيار التغيير واسقاط النظام واهم واهم واهم - على الجبهة الثورية ان تتخذ موقف واضح واتخاذ القرار الحاسم وهو كل القوة الخرطوم جوة وزي ما قال الرفيق مناوي (جوووووووووووة خالص) خلاص القضية اصبحت واضحة وضوح الشمس و يا اهل الهامش الان عرفتو صليحكم من عدوكم اركزوا وارموا لي قدام ....


#1038037 [Barody]
3.63/5 (4 صوت)

06-18-2014 07:06 AM
I THINK THER IS SOMETHING HAPPENED INSIDE THE PRISON BETWEEN ALMAHDI AND THE GOVERNMENT,OR I CAN SAY THEY ARRESTED HIM TO DISCUSS WITH HIM ABOUT THE NEW ISSUE AND THIS IS NOT EASY OUT SO YOU THEY TO DISCUUS INSIDE THE PRISON WITHOUT MEDIA EYES AND TV SHOW.


#1038003 [Xmanما]
4.07/5 (5 صوت)

06-18-2014 05:47 AM
يعني مصيرنا نعيش باقي حياتنا جعانين او نموت ضربا بالرصاص !؟
وانتو يا ناس الصادق مصيركم نادي التنس او نادي التنس ؟؟؟؟
ياخ اتفي عليكم انت و الغنم المتابعنك !


#1037953 [زوول]
4.07/5 (5 صوت)

06-18-2014 12:50 AM
لشاعر الشعب / محجوب شريف
تلاتة كباري وشارعين وسد…
قديتونـــــا قصــادهــــم قــــد…
لو جينـا لكشف حساب وجرد…
أمسك واحد أول بدء:
سرقتو وطن واسع ممـــــتد…
فكفـكتوهــــو…
وزعزهتوهو…
وأرهقتوهــو…
وبشتنتوهــو…
وهديـــــــتوهو هــــدا هــــد…
وهاك التاني أمراً أد :
حكمتو شعب كان زي الورد…
أفقـرتوهـــــو…
وشردتوهـــو…
وجهجهتوهو…
وعنصرتوهو…
وقطعتو حبل كان واصل ود…
أُخد التالت لو ترتد:
وجدتو مصانع لقيتو مزارع…
وسكـــة حديـــد جد بالجــــد…
عطلتوهـــا…
وفرتقتوهـا…
ووقفتوهــا…
وشلعتوهـا…
وقطعتو رزق عمـال من حد…
أحسب رابع وتابع العد:
وين تعليمنا ووين ترنـيمــنا؟
وين آدابنــا ووين كتــابنــــا؟
وين رياضتنا ووين ريادتنا؟
مرمطوهـا…
وأخرتوها…
وأفشلتوها…
وطيشتوها…
وخلفـــتوها جهـــل عن قصد…
شوف الخامس أخذ ورد:
كيف وحدتنا وكيف دولتـــنا ؟
كيف عيشتنا وكيف حالتــــنا؟
ووين ثرواتنا؟
ووين أموالنا؟
وين غيرتنا؟
وكيف سمعتـــنا؟
خرمجتوهـا…
وبشتنتوهـا…
وبـددتوهــا…
ولوثـتوهــا…
وبي سمعتنا مسحتو الأرض….
هاك السادس ونفسك سد:
((رئيساً راقص)) رقصاً شين…
مسئول ((مزواج)) ركاب سرجين…
وزارة تجارة وبياعين…
ناساً عايشة ومبسوطين…
جضوم منفوخة ملمعة زين…
كروش ممدودة متر مترين…
أيادي طرية نعومة ولين…
طالعين ماكلين نازلين بالعين…
مناشر تنشر مطحونين…
بفقه السترة محميين…
ومندسين ومدسوسين…
بفقه ضرورة وقوة عين…
نهابين ومغتصبين…
فساد شفناهو رأي العين…
وشميناهو أبو العفين…
وناس بهناك دايشين دايخين…
بطونهم خاوية وما لاقين…
وجوهم هايمة وفقرانين…
وعينهم طالعة وكمان صابرين…
وليه ساكتين؟؟
ولي متين ساكتين؟؟
بإسم الدين الخداعين…
خلو حياتنا زفت وطين…
تجار الدين الأفاكين…
ملعونين ملعونين…
ملعونين لي يوم الدين…
غشيتونـــا…
وبشتنتونـا…
وعذبتونـــا…
وجننتونـــا…
وبكيتونا دمع ودم ولطخة خد…
وتقولي كمان!!!!!!!
تلاتة كباري وشارعين وسد!!!
بس يــا ود…
حيلك شـــد…
ويد علي يد…
كلنـــــا ضد…
ضد العسكر وحكـــم الفرد…
******************


#1037934 [ود الركابي]
4.07/5 (5 صوت)

06-18-2014 12:11 AM
طيب البيجيب لينا مليارات الدولاارت الاتنهبت منو .. والدمار الطال كل مناحي الحياة في السودان خلاص عفا الله عماسلف ولاشنو .. الكيزان ديل ناس عنيفين جدأ ولا يؤمنوا بديمقراطية ولا بطيخ خصوصأ ضاقوا العز بتاع الحكم ده والجاه والسلطان . ماحيتنازلوا ليكم من الحكم ده بأخوي واخوك . وقالها الرئيس قبل كده نحن جينا بالبندقيه بما معناه العاوز يخارجنا عليهوا بالرصاص .. برضه عاوزين حوار .. الجماعة ديل نشأتهم وتربيتهم كده . عنف في عنف في عنف .. اذا لقيتوا منهم حاجه فيها خير تعالوا قابلوني .. مضيعة وقت في الفارقه ..


ردود على ود الركابي
[fadeil] 06-18-2014 05:28 PM
المليارات الأتنهبت ممكن تعود للوطن بعد أن سرقوها هؤلاء اللصوص اذ كان هذا الواجب ملقي علي عاتق الشباب، لكن الشباب أصبح ملهيا بالجلاكسي والواتساب وهذا ملاحظ حتي في المواصلات العامه ولهذا نقول للسودان عليك السلام علما بأن الشباب العليهم الركيزه أصبح مايعا ولا يهمه ما يحدث في هذا الوطن من تدمير وخراب ويظل هؤلاء الشباب علي ما هم عليه اليوم حتي يصلوا لمرحلة الهرم دون النظر لمستقبله ومستقبل هذا الوطن الجريح .


#1037914 [مصباح]
4.07/5 (5 صوت)

06-17-2014 10:57 PM
" بديل الحوار النار والفتنة! "
ياريت قادة الحركات المسلحة المغفلين الأصدروا بيانات متضامنين معك وشاجبين لإعتقالك المسرحية يكونوا أدركوا غلطتهم ويكونوا عرفوك الآن على حقيقتك!! مع إنك أصلاً إنت مكشوف و"عمايلك" تقول من أنت .
السياسة السودانية بالذات مش لعبة قذرة وبس ،بل في الحقيقة هى مستنقع الأوحال والقاذورات نفسه.


#1037886 [Rebel]
4.19/5 (6 صوت)

06-17-2014 09:42 PM
* الصادق يدرك ان "لا شئ إيجابى" سيجنيه هو، او حزبه فى حالة اسقاط النظام عنوة، بسبب تخاذله و تخذيله للآخرين الساعين للثوره الشعبيه لإسقاط النظام.
* كذلك، ف"الصادق" يدرك تماما ان "لا شئ" سيجنيه هو، او حزبه فى حال قيام انتخابات حره، بعد ان فقد "مناطق نفوذه المقفوله"، و مواطنى "الهامش" فى دارفور و ج.كردفان و ج.النيل الازرق، بسبب مواقفه السلبيه و المخزيه تجاه "الجبهه الثوريه".
* و فى كل الحالات، ف"الصادق" لن يجد -مستقبلا- وضعا مريحا، و افضل له و لأبنائه المشاركين فى السلطه، و لأسرته اكثر من الذى يوفره له الآن نظام الفساد و الإستبداد و القتل و الظلم.

++ فهو رجل انانى، يتملكه الغرور، و الزهو، و الاستبداد، و الامبالاه تجاه القضايا القوميه الكبرى. مواقفه المتناقضه(الإنتهازيه) تجاه الانظمه الشموليه عامة، و تردده المتكرر فى اتخاذ القرارات القوميه الهامه ابان رئاسته الحكومه الديمقراطيه الاخيره، و سلوكياته و "افعاله" المخيبه فى اوساط التنظيمات و الاحزاب المعارضه و المناهضه للانظمه الدكتاتوريه و الشموليه العقائديه، كلها تؤكد على فشله كشخصيه سياسيه قوميه، كما انها تجسد بشكل واضح إنتهازية "الطائفيه" البغيضه، منذ الإستقلال و حتى الآن.
++ و بذلك، يكون الشعب السودانى فى مواجهه مكشوفه ضد إثنين: 1-العقائديين "اخوان الشياطين" 2- الطائفيه البغيضه. قاتلهما الله.


#1037882 [عثمان خلف الله]
4.07/5 (5 صوت)

06-17-2014 09:37 PM
اى واحد شايف بديل للحوار يورينا البديل
افرض التمرد شال الحكومه وهزم الجيش
مين حايقبل يتنازل للتانى عقار حايقدم الحلو ولا الحلو حايدى الفرصه لمناوى
وهل ناس حميدتى حايسكتو ولا حايتمركزو فى امبده ويخلو الصحافات لمناوى وبحرى للحلو
البديل عن الحوار هو البكاء على السودان
عشان كده الصادق بينظر لبعيد ابعد من انو يكون رئيس وزراء او حزب الامه يحكم
وده موقف كفيل انو يخلد الصادق المهدى كزعيم ووطنى ليس له مثيل
الانقاذ ذاهبه وسياسة التمكين الى زوال والمشروع الحضارى مات وقبر وشبع موتا
التحول الهادى مهما طال هو امل السودان فى الخروج من المازق واى واحد ما عايز كده يمشى تشاد


ردود على عثمان خلف الله
[فركتو] 06-18-2014 07:51 PM
الحلو ومناوى وعقارالرافضنهم ديل حيكمو السودان شئتم ام ابيتم
والما عاجبو ينفصل وينضم لمصر لكن ما ممكن يمشى احمد والبديل حاج احمد

[المشتهي الكوارع] 06-18-2014 02:43 PM
والله يا عثمان خلف الله شكلك رجل فاهم ومحترم وصافي الضمير خالية من الحقد والكراهية
ذو تفكير سليم ---الله يبارك فيك

[حسكنيت] 06-18-2014 01:40 PM
طبعايا أخ عثمان لا شئ أفضل من الحوار الذى يجنبنا الكثير ، لكن طالما أن هؤلاء ممسكون بكل الخيوط والشروط والضوابط التى ينقضومها ( وهذا عهدنا بهم) متى ما أرادوا، لن نصل إلى شئ
وتبقى المسألة ضياع زمن من أجل بقاء العصابة.. وأعمى هو من لا يبصر الدلائل
وبعدين ياخى النار دى مولعة ليها 25 سنة وراح ضحيتها آلاف الأبرياء فمن سيأخذ بحقهم؟
هل نستسلم لعفاالله عما سلف ( هل هذه هى الأمانة التى أبتها أن تحملها الجبال؟)

[ابودقن] 06-18-2014 07:09 AM
كلامك عين العقل ودا كلام الناس الفاهمين.


#1037866 [ابو اليمن]
4.00/5 (5 صوت)

06-17-2014 09:02 PM
الصادق يقصد ان البديل هو(الجبهة الثورية وابنا الهامش) الصادق يا جماعة حليف موثوق للانقاذ واي حديث غير ذلك وهم وهراا.مصالحه مع النظام مستمرة. .
ما يشيب الراس ان ما زال هناك جهلاا يتبعونه ويصدقونه.


ردود على ابو اليمن
[فركتو] 06-18-2014 07:56 PM
انت فاهم يا ابو ايمن وحتما البديل حيكون الثورية شاءوا ام ابوا
وحتى لو اصبح السودان كسوريا او الصومال خيرا لنا من يتبادلنا
احمد وحاج احمد

[Majour] 06-18-2014 11:26 AM
والله يا ابو اليمن كم انت فهيم وبصير وثاقب النظر فى فهم العب الحاصل فى السودان من زمان, الله يكثر من أمثالك. "الفطنه فى فهم السياسة مربط الفرس".


#1037847 [مفطوس]
3.57/5 (5 صوت)

06-17-2014 08:39 PM
غايتو الواحد فيهم بيفكر بضنبو
حوار شنو وخايبة شنو ديل عاوزين وقت للمماطلة وكسب الوقت،
والحوار ح يقنع حميدتي الصليبو طلع في صحاري ووديان دارفور بيمحي في النظام بالتخلي عن الكعكة المقشرة القداموا دي.
سوف يدوي صوت السلاح عاليا...
رضيتم بالحوار ام ابيتم...

النهايه.....





الخايفين منها


#1037842 [العلم نور]
4.19/5 (6 صوت)

06-17-2014 08:35 PM
حزب المؤتمر الوثني يحاور فروعة - الامه- الشعبي- الطيب مصطفي دى الجابو شنو عندو حزب يا سلام كم عدد عضويته ههههههههههههههههههههههه هذا زمان الغفلة الطيب مصطفي هههههههههه


#1037811 [خليل ابومحمد]
4.16/5 (6 صوت)

06-17-2014 07:43 PM
قديما قيل ( الني للنـــــار )


#1037800 [المشتهي الكوارع]
3.44/5 (5 صوت)

06-17-2014 07:29 PM
اذا حاورتوا حاورتو ...واذا ما حاورتو سوف يقطعوا وشكم بلاش معارضة بلاش كذب بلاش كلام فارغ
خلاص شيفتوا قوات الدعم السريع دايرة تخلص من الحركات المسلحة وبعد تكنيس البلد من التمرد سوف يرجعوا لكم ولا احد يستطيع ان يقول في قوات الدعم السريع الا خيراً وقد اخترتوا الحوار والله احسن ليكم من تطلعوا ساكت وترجعو تعدوا كمواطنين بسيطين تشغلو التجارة والرعي والبناء وغيره ---وبعد الحوار ذاتو مافي احد يشغل منصب سياسياً كبيرا وانما فقط اي واحد يوظفوه في مجال تخرجه من الجامعة بالدرجة التاسعة واي واحد برفع رأسه فباب كوبر مفتوح


#1037789 [معلم]
3.94/5 (8 صوت)

06-17-2014 07:13 PM
ما عندك عراقي تلبسوا تحت الجلابية ، دا مظهر ما بليق بي زعيم حزب ، وإمام طائفة ، بالله التقول بياع بصل


ردود على معلم
[الخبير الوطنى] 06-18-2014 09:08 AM
يا المعلم سيدى الصادق لابس عراقى وليست جلابية طبعا ياخى الراجل مارق من السجن ومسخن وحلاته باالبلاء من -الجلد والتعذيب (وطيارة قامت - وارنب نط - والزحف المقدس - والفلقة)وهلم جرا.

European Union [مساعد الطباخ] 06-17-2014 09:57 PM
الدنيا حر والفتة مولعة نار وانت عارف الحبيب ما بستحمل زي ده


#1037781 [ساب البلد]
4.07/5 (8 صوت)

06-17-2014 07:01 PM
*********** قبل كم يوم الانصار ******* هرونا هري اجارك الله ******** لا حوار مع الاشرار ****** يافطات ****** مكروفونات ******** خطب ******* بيانات ******** اها ******* امامكم و سيدكم قال ******* نعم للحوار مع الاشرار ******* شن قولكم ؟؟؟ ******* يا عرفنا الاشرار بقوا ملايكة ****** يا تبلعوا كلامكم و ما تفاصحوا لينا تاني ****** الناس لما يقولوا انتو قطيع بسوقكم الامام تزعلوا ********** اها نحنا مستنين كلامكم *****


ردود على ساب البلد
[سودانى ساكت] 06-17-2014 09:29 PM
ساب البلد انت من الثوار الكبار الذين لا يمكن ان يجرفهم مثل هذا التيار.نحن فى حاجة كبيرة لتعليقاتك واقتراحاتك القيمة لدعم ثورتنا لاقتلاع الكلاب.هذه التعليقات لاتشبهك لا من قريب ولا من بعيد.دعها لمصباح وما شاكله.اتمنى ان تؤكد ايها الثائر انه قد تم تزوير اسمك كما حدث للاخ عصمتوف.تماسكنا قوتنا لعبور هذا المنعطف المسموم بمصباح وامثاله من ذيول الكلاب.حبى واحترامى.


#1037753 [Awad]
4.19/5 (8 صوت)

06-17-2014 06:12 PM
هذه هى النهاية الحتمية المنتظرة من خايب الرجاء الصادق وليتك لم تكن آخر رئيس وضع ديمقراطى فقد خيبت آمالنا فيك والآن سقطت سياسيا ولن تقم لك قائمة.حوار أيه الماشى فى طريقه بل أقل لك المسرحية فصولها أنتهت وآن الأوان للمعارضة العمل بدون الألتفات لهذا الرجل الهرم المحبط للآمال وأن تلتف حول الشعب وتقرر النزول للشارع والشعب مستعد لكل التضحيات.


#1037739 [ابو صادق]
4.64/5 (8 صوت)

06-17-2014 06:01 PM
منوهاً إلى أنهم سيحسمون موقفهم بشأن الاستمرار في الحوار أو تعليقه عبر بيان في مؤتمر صحفي يعقد ظهر اليوم بدار حزب الأمة القومي.

دليل اخر للكذب انه لم يعقد مؤتمر صحفي في دار حزب الامة




رجاءا

ابتعدوا عن شتلات ناس الامن

مرة تعهد
ومرة بيان رئيس الهيئة ومرة مؤتمر صحفي في الخيال


#1037730 [سنا سيكو]
4.19/5 (7 صوت)

06-17-2014 05:53 PM
وماذا عن محمد صلاح ورفاقه الذين يتعرضون للتعذيب فى هذه اللحظه ؟؟؟
الصادق المهدى ليس وطنيا اكثر من محمد صلاح وليس سودانيا اكثر من محمد صلاح ..
لا حوار ولا مصالحة ولا مهادنه قبل اخلاء السجون .. محمد صلاح ورفاقه كان يجب ان يطلق سراحة قبل المهدى .. ليس هناك سودانى درجه اولى وثانيه .. وتبا لكم يا معارضة السجم ..
اخر الكلام : محمد صلاح لا يتمتع الان فى السجن كما كان يتمتع مهديكم .. انه يتعرض للتعذيب الان وقد زارته امه ووجدته فى وضع صحى سئ وان احدى عينيه فقدت الابصار .. ماذا تقولون يامعارضة السجم ؟؟


#1037728 [مصباح]
4.18/5 (9 صوت)

06-17-2014 05:49 PM
شرذمة حزب الأمة المنادية بـ " لاحوار مع الأشرار" حيعملوا شنو بما إنه سيدهم فرقعها ليهم في رؤوسهم كما توقعنا ونبهنا لذلك في مرات عديدة هنا!!؟
هل سيبعلون ألسنتهم وينطموا ويـتأكدو إنه كل كلمة ناقدة في حق زعيمهم الشبح كانت صحيحة ومضبوطةولابد أن تُقال !؟هل سيبلعون ألسنتهم أم سيغادرون الرجل وحزبه!؟
وقيادة قوى الإجماع كما نبهنا وتوقعنا هنا أيضاً ستشرب هى الأخرى المقلب فبعد رجوع " خايب الرجا" لها الآن سيعرقل عملها من جديد كعادته دائماً،وسيحاول تمزيق صفها لأنه نرجسي وأناني ويزعجه جدأ أن يرى الأخرين يعملون.


ردود على مصباح
[sakarota] 06-18-2014 10:41 AM
يامصباح اخوي اتمني ان تستخدم العبارات ذات الدلالة الحقيقية اسم الفلم السيد والمماليك

[مصباح] 06-18-2014 08:50 AM
سوداني ساكت ، أنت فعلاً ساكت ، وشيطان آخرس لأنك ساكت عن الحق.
هاك دي:

تدريبي هو المعرفة ثم المعرفة كما إنني لم ولن أتبع فاشل عاطل بجدارة أبداً،يامخلوقات الحظيرة البدائية مازلتم على ضلاكم القديم في تبعيتكم المخزية البلها ولن تنفكوا منه بالتأكيد،حزب الأمة أيها الأميين تمزق بسبب عمايل صاحبه ورئيسه الخرقاء الذي لايعرف الف باء السياسة ولم ولن يتعلم شيئاً أبداً حتى وهو في أرذل العمر ،والأسوأ إنكم تتبعونه كالسائمة الجائعة بينما حتى البهائم تتمرد أحياناً على الراعي حينما تلاحظ سرحانه وغفلاته وبطء حركة عقله في التفكير وقلة حركته بفعل تقدم العمر أو غيره،ولامرة واحدة حاولتم الرد على الأسئلة المشروعة التي كتبناها لكم أيها الأغبياء الجهلاء السذج لأن جهلكم يحجب عنكم المنطق ويحجب عنكم ضياء الحقيقة ولأنكم قاصرين عن إدراك المطلوب خاملي الأرواح والعقول فلا تملكون إجابة، ولاتسعون أبداً لتحرير أنفسكم الذليلة من ربقة العبودية والخضوع وعبادة الأسياد. كل همكم هو أن يقول اى منافق بضع كلمات في مُسيّركم ومُسخركم أيها العُميان لتهللوا وتمطروه بالثناء أيها القطيع الذي لايتحرك ولايرى غير راعي الحظيرة الغير صالح ويقدسه ويركع أمامه ويقبل أياديه ويلعق حذاءه.. هكذا أنتم .. تتحدثون عن الكلاب والذيول أيها الذيول وسيدكم المرفّه يستغلكم أسوأ إستغلال ياعبيد السُخرة ياغائبي العقول يامغيّبين !!؟ نسألكم ولانتوقع منكم إجابة لأنكم لاتملكون ذرة من العقل أو ذرة من اى شئ فكلكم للسيد / ومع ذلك نسأل لنُشهد الآخرين عليكم وعلى بؤسكم وخواء عقولكم : سيدكم أبو التناقضات والتواطوء والتخذيل مُعين النظام وسنده !من بكون إبنه عبدالرحمن !؟ ومن يكون إبنه بشرى أيها الجهلاء الوالغين في عشق أبي الكلاب !!؟
صدعتم الناس هنا وجرت حفنة منكم في الطرقات إبان الإعتقال المسرحية تردد شعار " لاحوار مع الأشرار" ! بينما السيد الذي تقدسونه وتقدسون كل أخطائه وخطاياه خرج من المعتقل بعفو مهين من السفاح يضاف لوسام الخيبة الذي قلده إياه السفاح وكان هو فرحاً بذلك يتبسم في بلاهة كطفل كان يشتهى الحلوى فوجدها، خرج المُعتقل المرفّه وفرقع ليكم شعاركم على رؤوسكم (الخاوية التي لاتعرف غير التبعية)بأنه لامفر من الحوار ولابديل عنه! فما قولكم إن كنتم تنطقون فعلاً!؟ هل بلعتم ألسنتكم وشعاركم الذي كان قولة حق أريد بها باطل وقيلت لحيلة ولسبب **** أم إنكم ستغادرون سيدكم وحزبه!!؟
أما إن كانت لديكم قناعة بأن الحوار المهزلة هو الحل كما قال من تقدسونه وتتبركون به وتخضوع له خضوعاً مهيناً، فلماذا رددتم إذاً ذلك الشعار!!؟ هل لخداع الناس وللمزايدة بالنضال والوطنية!!؟ وهل تعتقدوت أن الناس في مثل سذاجتكم وبؤسكم وغائبي العقول ومسيّرين في كل شئ مثلكم ولايملكون قراراً ولا إرادة ولا كرامة!!؟

[مصباح] 06-18-2014 08:45 AM
تدريبي هو المعرفة ثم المعرفة كما إنني لم ولن أتبع فاشل عاطل بجدارة أبداً،يامخلوقات الحظيرة البدائية مازلتم على ضلاكم القديم في تبعيتكم المخزية البلها ولن تنفكوا منه بالتأكيد،حزب الأمة أيها الأميين تمزق بسبب عمايل صاحبه ورئيسه الخرقاء الذي لايعرف الف باء السياسة ولم ولن يتعلم شيئاً أبداً حتى وهو في أرذل العمر ،والأسوأ إنكم تتبعونه كالسائمة الجائعة بينما حتى البهائم تتمرد أحياناً على الراعي حينما تلاحظ سرحانه وغفلاته وبطء حركة عقله في التفكير وقلة حركته بفعل تقدم العمر أو غيره،ولامرة واحدة حاولتم الرد على الأسئلة المشروعة التي كتبناها لكم أيها الأغبياء الجهلاء السذج لأن جهلكم يحجب عنكم المنطق ويحجب عنكم ضياء الحقيقة ولأنكم قاصرين عن إدراك المطلوب خاملي الأرواح والعقول فلا تملكون إجابة، ولاتسعون أبداً لتحرير أنفسكم الذليلة من ربقة العبودية والخضوع وعبادة الأسياد. كل همكم هو أن يقول اى منافق بضع كلمات في مُسيّركم ومُسخركم أيها العُميان لتهللوا وتمطروه بالثناء أيها القطيع الذي لايتحرك ولايرى غير راعي الحظيرة الغير صالح ويقدسه ويركع أمامه ويقبل أياديه ويلعق حذاءه.. هكذا أنتم .. تتحدثون عن الكلاب والذيول أيها الذيول وسيدكم المرفّه يستغلكم أسوأ إستغلال ياعبيد السُخرة ياغائبي العقول يامغيّبين !!؟ نسألكم ولانتوقع منكم إجابة لأنكم لاتملكون ذرة من العقل أو ذرة من اى شئ فكلكم للسيد / ومع ذلك نسأل لنُشهد الآخرين عليكم وعلى بؤسكم وخواء عقولكم : سيدكم أبو التناقضات والتواطوء والتخذيل مُعين النظام وسنده !من بكون إبنه عبدالرحمن !؟ ومن يكون إبنه بشرى أيها الجهلاء الوالغين في عشق أبي الكلاب !!؟
صدعتم الناس هنا وجرت حفنة منكم في الطرقات إبان الإعتقال المسرحية تردد شعار " لاحوار مع الأشرار" ! بينما السيد الذي تقدسونه وتقدسون كل أخطائه وخطاياه خرج من المعتقل بعفو مهين من السفاح يضاف لوسام الخيبة الذي قلده إياه السفاح وكان هو فرحاً بذلك يتبسم في بلاهة كطفل كان يشتهى الحلوى فوجدها، خرج المُعتقل المرفّه وفرقع ليكم شعاركم على رؤوسكم (الخاوية التي لاتعرف غير التبعية)بأنه لامفر من الحوار ولابديل عنه! فما قولكم إن كنتم تنطقون فعلاً!؟ هل بلعتم ألسنتكم وشعاركم الذي كان قولة حق أريد بها باطل وقيلت لحيلة ولسبب **** أم إنكم ستغادرون سيدكم وحزبه!!؟
أما إن كانت لديكم قناعة بأن الحوار المهزلة هو الحل كما قال من تقدسونه وتتبركون به وتخضوع له خضوعاً مهيناً، فلماذا رددتم إذاً ذلك الشعار!!؟ هل لخداع الناس وللمزايدة بالنضال والوطنية!!؟ وهل تعتقدوت أن الناس في مثل سذاجتكم وبؤسكم وغائبي العقول ومسيّرين في كل شئ مثلكم ولايملكون قراراً ولا إرادة ولا كرامة!!؟

[سودانى ساكت] 06-17-2014 09:46 PM
اولا اود ان اعترف بمقدراتك وقدراتك المهولة فى الاساءة والتجريح..وهذا يدل على انك قد تلقيت تدريبا عاليا يصعب معه مجاراتك.انت ظاهرة يجب التوقف عندها ودراستها.من اين اتى هذا الذيل من دون كلب احترنا فيك كما احتار كاتبنا الكبير الطيب صالح من اين اتى هذه الكلاب.

European Union [عاشق السودان] 06-17-2014 08:13 PM
احسنت يا اخ مصباح كلامك مية مية ربنا يديك العافية


#1037724 [الخبير الوطنى]
4.12/5 (9 صوت)

06-17-2014 05:42 PM
اقتباس====وأشار حسب جمعة، إلى أن بديل الحوار النار والفتنة،
هذا ما قاله ابو الكلام الصادق المهدى - نقول للصادق النار موجودة وفى هذه اللحظة الطائرات تقذف والمدافع تدوى في دارفور وكردفان والنيل الازرق هل المناطق دي ما في السودان؟ والفتنة موجودة وفى الخرطوم. نقول للصادق كما دخلت خرجت ولا رجاء منك . والنار الخائف منها دي سوف تصلك للخرطوم لأنها لا بديل لها. لأنه لا يكون هناك عدل واهلنافى دارفور وجبال النوبة والنيل الازرق محروقين بالنار وانتم منعمين في الخرطوم وباقى مدن السودان (اذهب انت للحوار وبعدين بله واشرب مويته)



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
7.00/10 (9 صوت)




الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة