الأخبار
أخبار إقليمية
بالصور: كوادر وشباب حزب الامة ينفذون 5 مخاطبات جماهيرية في اسواق ولاية الخرطوم تدعو لإسقاط النظام
بالصور: كوادر وشباب حزب الامة ينفذون 5 مخاطبات جماهيرية في اسواق ولاية الخرطوم تدعو لإسقاط النظام


اعتقال ياسر فتحي واطلاق سراحه في ساعة متأخرة امس
06-18-2014 02:59 PM
عمر الحلاوي

بالأمس نفذ مجلس الكوادر والشباب في حزب الامة......
5 مخاطبات جماهيرية في مناطق مختلفة من العاصمة القومية " ولاية الخرطوم " .....
كانت التجربة قيمة جدا ..... ومفيدة جدا
رجل كبير .... حضر متأخر المخاطبة وسمع الدقائق الاخيرة ..... طالب الحبيب المتحدث بالاستمرار والإعادة .....
ورجل اخر انفعل .... وقال الله اكبر ولله الحمد ...... انا ما حزب امة لكن هؤلاء يشبهون احفاد كرري .....فرد عليه حبيب من كوادر التامين كلنا بناء السودان نعمل لإسقاط النظام ......
تفاعل جماهيري عظيم جدا ..... الشعب السوداني ينتظر ..... الثورة ....
والثورة لن تأتي إلا بتوحيد الشباب كل الشباب المناضل .... بعثي ...شيوعي مؤتمرجي .. اتحادي ... امة ... ناصري ... محايد ....معارض غير منظم ....
وبالأمس حينما تم القبض على ياسر فتحي بعد مخاطبة السوق الشعبي .......... وحتى اطلاق سراحه .... وانتظار جهاز الامن في الخارج لاعتقاله مرة اخرى ....... وتهريبه من قبل الاحباب ........
خرجت بقناعة تامة ان الشعب السوداني ينتظر ..... في كل المواقع ... لا استطيع ان اذكر اكثر من ذلك ........
كانت هنالك اخطاء فنية ... يتناقش الكوادر فيها لتجنبها في المستقبل ......
لاحظ البعض سحب البوستات التي كانت تحمل صورة ياسر وهو يخاطب في لحظة معينة .........
كانت الخسائر .... عربية احد الاحباب ونتيجة المناورات من اجهزة الامن ... اصطدمت ... ونتج عنها حادث ... ولكن الاحباب نجحوا في المناورات والتخلص من منتسبي جهاز الامن .....
اغلبية الذي نفذوا مخاطبات الامس اعتقلوا عدة مرات ... لكن كادر في الميدان يعمل من اجل الثورة .... افضل الف مرة من كادر معتقل .....
التجربة اكدت ان الجماهير تحتاج الى قيادة وكوادر .... ومزيد من العمل ....
شكرا شباب الثورة ....
شكرا حزب البعث شكرا حزب المؤتمر السوداني ....
شكرا كوادر وشباب حزب الامة .....

image

image

image

image

image

image

image

image

image


تعليقات 21 | إهداء 0 | زيارات 5724

التعليقات
#1039827 [ودالجزيرة]
0.00/5 (0 صوت)

06-19-2014 11:02 PM
الناس متفاعلة مع المخاطبات فى الميادين والساحات أتمنى أن تمتد وتغزو الاحياء فمن الاحياء يمكن أن تنطلق الثورة باذنه تعالى فجربوا مخاطبات الاحياء ووفقكم الله لما فيه خير المظاليم وبئس مثوى المتكبرين


#1039556 [ابو محمد]
0.00/5 (0 صوت)

06-19-2014 03:10 PM
والله شباب حزب الامة مافي ارجل منهم
اكثر ناس بيخوفوا الكيزان في الجامعات
لكم الف تحية
ولكن .... أه أه

المشكلة في شيوخ حزب الامة ( كسارين المجاديف )


ردود على ابو محمد
European Union [ابودقن] 06-19-2014 06:29 PM
صدقت!


#1039497 [عبدالرحيم العمده]
0.00/5 (0 صوت)

06-19-2014 02:03 PM
تأبى الرماح اذا اجتمعنا تكسرا واذا افرترقنا تكسرت احادا .. يجب الابتعاد عن المشاحانات والخلافات السياسية المدفوعة الاجر من اجهزة بعينها ..التوافق على الثوابت وتوحيد الهدف هو من يعجل برمي الانقاذ في مزبلة التاريخ.. الى الامام


#1039342 [حسكنيت]
0.00/5 (0 صوت)

06-19-2014 11:53 AM
التحية للشباب ونتمنى أن ينصلح حال القيادة والحزب


#1039293 [السفروق]
0.00/5 (0 صوت)

06-19-2014 11:12 AM
هذا دأب الانصار وحزب الامه منذ فجر التاريخ أصحاب تضحيات ويواجهون الموت بصدور عاريه..لايعرفون الجري والخوف..فهم دائما راس الرمح ..اتمنى ان يحدثني شخص عن حزب وجماعه ضحت بالنفوس مثلما ضحى الانصار من الجزيره ابا وشيكان والابيض وتوشكي وكرري وام دبيكرات....أما الذين يشككون في نوايا الانصار وحزب الامه فهم ارزقية المؤتمر اللاوطني والشيوعيين الوسخانين..


#1039070 [عزيز]
3.00/5 (2 صوت)

06-19-2014 08:39 AM
اجزم بأن كل الذين يخزلون الشباب ويسبون حزب الامة وبقية الاحزاب مأجرين وارزقية مؤتمر وطني لا تلتفوا لهم ديل بكتبوا من سرايرهم داخل بيتهم لا يستطيعون الخروج للشارع مع الرجال الشباب الشرفاء ديل دورهم دور حكامات وبس وتحس من كتابتهم وسبهم و استحقار الشباب المناضل حاسين بالذنب مع العجز عن نضالات الشباب والجبن والخوف ما مخليهم يبقوا زي الشباب المناضلين عشان كده واقعن فيهم سب وتجريح نقول اطلعوا مع الرجال عشان تحسو بطعم النضال وطعم الرجالة


#1038953 [تحت المجهر]
5.00/5 (1 صوت)

06-19-2014 06:30 AM
التحية للدكتور ياسر فتحي وتحية خاصة للحبيب عصمت الدسيس رد الله غربته فقد كانوا يزلزلون اركان النقاش في الجامعات السودانية.


#1038822 [Xmanما]
0.00/5 (0 صوت)

06-18-2014 09:42 PM
والله يا ناس حزب الامة كظظظظااابييين دنس كظب تهي تهي تهي...
راس مالك كم مليون ما فارقة دولار ولا رياااال !


#1038773 [مساعد الطباخ]
5.00/5 (3 صوت)

06-18-2014 08:09 PM
قال: (وبالأمس حينما تم القبض على ياسر فتحي بعد مخاطبة السوق الشعبي .......... وحتى اطلاق سراحه .... وانتظار جهاز الامن في الخارج لاعتقاله مرة اخرى ....... وتهريبه من قبل الاحباب )
أيه التهريج ده؟ ولو ناس الأمن عايزين يعتقلو ثاني كان فكو؟
واي يعني لو قبضو؟ ما بسوقو لسيدك بشرى ولا سيدك عبد الرحمن.
حزب اللمه مات وشبع موت..
كدي خليك من الكلام النئ أنت راجل متعلم.. وحد الله وشوف الله قال شنو والرسول قال شنو وبطل شغلة السادة دي


#1038761 [shahd sayed]
0.00/5 (0 صوت)

06-18-2014 07:44 PM
الثورة انطلقت الثورة انطلقت شعارة تردتها القلوب .. سيروا ياشباب وعين الله ترعاكم


#1038734 [الدنقلاوي]
0.00/5 (0 صوت)

06-18-2014 06:59 PM
الإحبة، الحبيبات، الأحباب، الحبايب، الحبوب، والحبوبات
يبدو إن الصادق لقاها ناقصة وغير مقنعة قال يتمها بجركة حركتين تسخن الميدان قبل الإنبطاحة النهائية في وثبة البشير .. لكنها برضها غير مقتعة، داير ليها مسيرة مسيرتين - برعاية جهاز الأمن - علشان قنابيرنا تقيف ونتأكد إنو الصادق مناضل وانحاز للوثبة البشيرية


#1038690 [الحريه قبل الخبز احيانا]
5.00/5 (1 صوت)

06-18-2014 05:54 PM
حالتين ايجابيتين وقفة الشبان العاطل في مبادرة انا عاطل ثم و قفة شبان الانصار الثوره اتيه ولاريب ولن توقفها اقزام الاسلام السياسي المستقبل للشباب


#1038668 [جركان فاضى]
5.00/5 (4 صوت)

06-18-2014 05:29 PM
يا اخى لوقامت مظارهة فى ام بدة او الحاج يوسف فكيف تستطيع قوات الامن الدخول اليها؟...خلوا المظاهرات فى الاحياء المكتظة بالسكان ...الامن يخاف دخول هذه الاحياء ...وحتى دخوله اليها مشكلة من شدة زحمة المواصلات....ابعدوا من القيام بمظاهرات فى المناطق المكشوفة...اعملوا زى المصريين فكل مظاهراتهم حاليا فى الشوارع الضيقة فى الاحياء المكتظة بالسكان


#1038648 [محمد سليمان موسى]
0.00/5 (0 صوت)

06-18-2014 05:09 PM
التحية للدكتور ياسر فتحي وكل شباب الثورة


#1038635 [قاسم]
0.00/5 (0 صوت)

06-18-2014 04:48 PM
ياسر فتحي الصمود في زمن الانكسار


#1038627 [الحاج]
5.00/5 (2 صوت)

06-18-2014 04:40 PM
شباب حركة قرفنا اصبحوا معلمين فهم اول من ابتكر المخاطتبات الجماهيرية وكسروا حاجز الخوف


ردود على الحاج
[يالله دايرنوا وطن كامل] 06-19-2014 11:44 AM
عليك لله نوم نومك .


#1038622 [بحر]
5.00/5 (2 صوت)

06-18-2014 04:35 PM
والله زمن يا ياسر فتحي لساك مليان عافية نضال , ياحليل زمن مخاطبات السنتر والنشيشيبة والاهلية والجنوبي والنيلين . كانت احلامنا ومازالت بوطن شامخ ديمقراطي .

اصلو مافي حل غير الطريق دا , الاركان لازم تمرق من الجامعات للناس العاديين وفي الشوارع والاسواق , لكن تكنيك الخطابة لازم يختلف ياشباب والكلام لازم يكون فيهو ارقام واحصاءات وارتفاع الاسعار ومعلومات حقيقية عن الفساد ورفع الوعي الجماهيري بكل القضايا ولو في موية قطعت في منطقة لازم تجيبو خبرها , وضروري جداً تخاطبوا اهتمامات رجل الشارع العادي وربطها بالاسباب السياسية , يعني لازم الكلام يكون بسيط ومتسلسل ويعزف على الوتر الحي , واهم حاجة العزف على الوطنية السودانية ونبذ الجهوية والعنصرية لانها ظاهرة خطيرة بدأت تتفشى في الاونة الاخيرة


ردود على بحر
[القادمون الجدد] 06-19-2014 10:41 AM
وانت في رايك يبقى كوز ولا شنو يا اتهم صبري

[صبري فخري] 06-18-2014 08:47 PM
ياسر فتحي كادر خطابي متميز ورجل مواقف و عشرة منو بيسقطوا الانقاذ وعيبوا الوحيد انو حزب أمة


#1038616 [نورة النور نورين أبو نورة]
5.00/5 (1 صوت)

06-18-2014 04:24 PM
أن تأتي متأخرا خيرا من أن لا تأتي!

يلا يا شباب شدو حيلكم

دفرة واحدة بس وتدور


#1038608 [ادم]
5.00/5 (1 صوت)

06-18-2014 04:05 PM
مبرووووك يا شباب حزب الامه ومن سار على الدرب وصل وحقيقة الشعب السودانى محتاج لايقاذ ماتبقى له من كسر حاجز الخوف .


#1038602 [ابو نور]
3.00/5 (1 صوت)

06-18-2014 03:57 PM
نعم شباب وطلاب حزب الامةفقد دخلتم بهذا العمل من اوسع باب.باب الجمل الذى فتحه لكم الامام الحبيب امام الوسطية والحوارهههههههه فقدادخلوه الكيزان السجن واخرجوه من اضيق باب. الامام الذى تبجح وقال لكم بدكتاتوريه المعهودة الباب يفوت جمل فصاد ارنب فى مسرحية الاعتقال بدلا من الفيل ,سيروا على نفس النهج ونحنا الشباب من جميع فى الاحزاب والمنظمات المدنية معكم


#1038598 [شاويش]
0.00/5 (0 صوت)

06-18-2014 03:53 PM
الله اكبر و لله الحمد ... الثورة انطلقت هتافات ترددها الحناجر و القلوب ... الوقت وقتكم يا شباب و معكم كل شباب السودان لانجاز مشروع التغيير و اسقاط نظام الكبت و الجوع و الارهاب



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
5.50/10 (3 صوت)




الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة