الأخبار
أخبار إقليمية
وزير الإستثمار يكشف عن هروب مستثمرين سودانيين إلى أثيوبيا
وزير الإستثمار يكشف عن هروب مستثمرين سودانيين إلى أثيوبيا
وزير الإستثمار يكشف عن هروب مستثمرين سودانيين إلى أثيوبيا


06-19-2014 04:25 AM

الخرطوم: الميدان

كشف وزير الجهاز القومى للاستثمار مصطفى عثمان إسماعيل عن هروب رجال أعمال سودانيين إلى أثيوبيا للإستثمار هناك، حيث يتوفر المناخ الملائم لأعمالهم، وأشار إلى أن قيمة الإستثمارات السودانية هناك بلغت(946) مليون دولار. وقال أمام نواب البرلمان أمس مسؤوليته عن التقصير الذي يحدث بشأن الاستثمار بالبلاد. وأشار إلى أن قانون العمل السوداني غير مغرٍ للمستثمرين الأجانب. وأقر كذلك بالتقصير مع القطاع الخاص السوداني ودافع عنه بالقول بأنه ليس كله تجارياً. واعترف بعدم معرفة حجم الاستثمارات في البلاد، لكن ذلك سيكون متاحاً في نوفمبر القادم، حيث سيعقد مؤتمراً عن الاستثمار في السودان. وأوضح أن قانون مفوضية الأرض والمجلس القومي للأراضي يجب دمجهما في قانون واحد، حتى تتمكن الدولة بعد ذلك من نزع الأراضي وتخصيصها وتعويض أصحابها. وشكك في نجاح مبادرة رئيس الجمهورية مالم يتم ذلك.

الميدان


تعليقات 44 | إهداء 0 | زيارات 7885

التعليقات
#1039935 [مسكين]
1.00/5 (1 صوت)

06-20-2014 06:26 AM
لن نتفاءل أبدا ؛ حتى ولو جبتو البنك الدولي وقزيتو في شارع النيل


#1039897 [ناصر حدربي]
5.00/5 (3 صوت)

06-20-2014 02:56 AM
يعني مصطفى اسماعيل -وزير تشريد المستثمرين - بقى أحسن من وزير الإستثمار الأثيوبي في خدمة أثيوبيا .... مني ومن أثيوبيا ترسل ليك ماهيتك كل شهر.


#1039700 [حامد عوض]
5.00/5 (1 صوت)

06-19-2014 06:43 PM
يازول انت شارب شنو .... تاني ماتقعد مع عمر وبكري يجيبوا أجلك


#1039656 [رقم صفر]
4.00/5 (1 صوت)

06-19-2014 05:43 PM
عليك الله يا دكتور وأنت رجل عجيمي أرجو منك أن ترفع السماعة وتتصل على الشريف وزير التجارة الخارجية وتسألوا كم سوداني خارج السودان عندهم شاحنات وآليات منتشرة في كثير من الدول في إنتظار إستخراج إستثناءات وزارة التجارة الخارجية التي يقال لك الإستثناء موجود وعندما تشتري الشاحنات يقولوا قفل ومدى الضرر الذي سيحدث بسبب هذا التخبط وهذه السياسات المتذبذبة . لو هنالك قانون وعدالة يقدم مثل وزيرالتجارة الخارجية للمحاكمة ..الحديث يطول وشكرا


#1039650 [kartagi]
1.00/5 (2 صوت)

06-19-2014 05:27 PM
اشهد الله اني ذهبت لجهاز الاستثمار وكان علي راسه مدير اسمه خضر ان لم تخني الذاكرة ومعي مستثمر اجنبي ولديه الاستعداد للاستثمار احد المشاريع المرتبطة بالبنية التحتية وعند الاستقبال سألني موظف الاستقبال وهو الفراش في نفس الوقت ماذا تدون من المدير قلت له هذا الامر لا يهمك فرد علي السويهو ليك المدير انا بسوي ليك . انظر بالله لهذا المستوي لادارة هذا البلد المنكوب لم ارد عليه ابدا وماكان من الشخص المعي الا ان غادر في نفس اليوم ولا انسي ان اذكركم بأن الجهاز تابع لولاية الخرطوم بجانب فندق هيلتون سابقا وفي عهد المتعافي الله لا عافاه م


ردود على kartagi
European Union [مسكين] 06-20-2014 06:31 AM
ههههههههخ عجائب الانقاذ ( النخاس) على قول صاحبنا


#1039610 [القرفان من الكيزان]
5.00/5 (1 صوت)

06-19-2014 04:16 PM
كذابيييييييييييييييييييييييييييييييييييييييييييييييييييييييييين وما فاهمين أي حاجة في الاستثمار وليس هناك رجل مناسب في المكان المناسب بل هناك أكثر من رجل منافق في المكان غير المناسب.


#1039554 [كنونا المحّنونا]
3.50/5 (2 صوت)

06-19-2014 03:03 PM
نحنا خسرنا فيك قروش وبعثناك عشان تجي تعالج اسناننا..

طيب ايه دراك بالاقصاد والاستثمار؟؟؟؟؟؟
عشان كدا ادارتك فاشله
تف عليك ياشحاد


#1039551 [كاكا]
4.50/5 (2 صوت)

06-19-2014 03:01 PM
يجب دمجهما في قانون واحد، حتى تتمكن الدولة بعد ذلك من نزع الأراضي وتخصيصها /////// اتقي الله يا مصطفى


#1039520 [sky painter]
4.13/5 (4 صوت)

06-19-2014 02:27 PM
و الله المسألة ليست كما قالها الوزير,فرص الكسب في الاستثمار في اثيوبيا صعبة جدا جدا مقارنة بفرص الكسب في الاستثمار في السودان ...لكن اسباب تفوق الجذب الاستثماري الاثيوبي على السوداني هي الاتي:- (انا مجرب و اتكلم عن تجربة)
1/ الاعلام و الترويج,بنظرة واحدة لموقع هيئة الاستثمار الاثيوبية على الانترنت و مقارنتها مع موقع نظيرتها السودانية ندرك الفرق,علما بان الانترنت في اثيوبيا هي ثالث اسوء انترنت في العالم و في السودان خدمة الانترنت تعتبر متقدمة جدا و لكن ناسنا رعاة او رواعية ساكت لا يحسنون الاستفادة من التكنولوجية, الواحد فيهم يعطوا تلاجة ,يخت فيها تمباك!!!...قارن مواقع الجامعات و البنوك الاثيوبية على الانترنت بتلك السودانية تجد الفرق كبير لاننا نجيد الشكوى و خلق الشماعات و لعن الظروف فقط لا غير
2/ ملكية الاراضي,تجربة النظام الشيوعي في اثيوبيا ايام منقستو هيلاماريم جعل ملكية الاراضي كلها للدولة .الدولة بدورها تمنح المواطن امتياز استعمال الارض او تمليكها له للسكن او خلافه...بالتالى اصبح سهلا على الحكومة ان تخصص الاراضي للمستثمرين دون اي نزاعات مع المواطنين..اما في السودان ,فلا تكاد الحكومة تضع يدها على اي شبر ارض حتى يظهر من يدعي ملكيتها و انها تعود الى جده الثلاثين او الاربعين...هذا حد من حرية الحكومة في تخصيص اراضى للمستثمرين
3/ الانضباط الوظيفي: عند دخولك مقر هيئة الاستثمار الاثيوبية,تجد اعلان يوضح نوعية المعاملة و زمن انجازها: مثلا استخراج شهادة الاستثمار = 6 ساعات...تغيير النشاط الاستثماري = 3 ساعات...استخراج خطاب تخصيص ارض زراعية = يوم عمل ....اجراءات الاقامة لاجل الاستثمار = ساعتان. لذلك تجد كل خطاب يدخل على الموظف يكون معه سجل (سيرك) يوضح زمن استلامه و زمن خروجه من عند الموظف بدقة شديدة,بحيث له حدث اي تأخير يمكن للادارة ان تحدد موقع الخلل...اما في السودان تجد الموظفة السمينه (2 طن) و لابسة توب تجرر نصفه على الارض و راسمة حنة لساقها و لابسة كليو ذهب من القوايس و نازلة من عربية الترحيل الصباح و بعد دخولها المكتب مباشرة تخرج الساندوتشات لتفطر...و بعدها ساعة للشاي و ساعة لمناقشة اخبار الصندوق (الخته) و بعدها توزع كل داخل عليها بالعبارة المعهودة :تعال بكرة....ههههههههههه.نكتة:خواجى زار السودان فكانت ملاحظته هي :in sudan,tomorrow seems not to be coming at all )( قال:في السودان يوم بكرة لا يأتي ابدا ...لانك لواتيت بكره سيقال لك بكره)


#1039518 [عماد الغبشاوي]
5.00/5 (2 صوت)

06-19-2014 02:26 PM
من حق كل رجل اعمال ايجاد بيئة صالحة لاعماله آمنة من غير محليات وضرائب وزكاة واشياء غير مرئية . تقاسمكم الرزق مع المستثمرين جعل الكل يهرب في الاستثمار في السودان من الوزير الي اصغر موظف في وزارة اصبح السودان الوجهة القبيح لعالم المستثمرين الاجانب والسزدانيين . بالله عليكم حلو عن سمانا حتي يعيش اهلنا في امان


#1039495 [adil a omer]
2.00/5 (1 صوت)

06-19-2014 02:03 PM
هو قصدو هروب لصوص اسلامويين الى اثيوبيا اصلو هناك مش مثنى وثلاث ورباع هناك بالدسته

اطفال الخطيئه
معا لاسقاط مافيا المتاسلمين تجار الدين


#1039408 [سيف الله عمر فرح]
2.25/5 (3 صوت)

06-19-2014 12:50 PM
من ألف باء الاستثمار ، يا دكتور مصطفى ، أن يطلع المستثمر ، تصريحات المسئولين الحكوميين المعنيين بالاستثمار خلال سنوات فى أية دولة فى العالم .. الآن موظفى رجال الأعمال فى العالم ، قد تسابقوا فى رفع تصريحك الأخير ( هروب رجال الأعمال السودانيين ) ، لأصحاب المال ، ومن ثم يقومون بواجب التحرى من صحة ودقة هذه التصريحات ، لأن هذا من صميم عملهم ..

بالله يا دكتور كلف أحد موظفيك ليرفع لك ملخص عن تصريحاتك منذ استلمت وزارة الاستثمار فى السودان وحتى تصريحك الأخير ، أو كلفنى مقابل أتعاب عشرة آلاف دولار فقط ، وانا بقوم بالواجب على أكمل وجه ، هذا سيفيدك فى تصريحاتك المستقبلية ، لتتفادى تصادم التصريحات مع بعضها البعض ، وتفتقد أقوالك المصداقية فى وسط المستثمرين المحليين والدوليين ! ..

السودانيون هربوا من بلدهم حتى وصلوا اسرائيل ! ،رجال الأعمال السودانيون هربوا ليستثمروا فى ماليزيا واثيوبيا بالمليارات ! . يوجد أزمة مياه فى العاصمة ويحيطها نهران ! .. لصوص مكتب والى العاصمة المثلثة يسرقون بالمليارات ، ويتحللون من سرقاتهم.. وريحة فساد أهل الانقاذ بيشموها فى ماليزيا والصين ، ودعك من سكان السودان الذين أصيبوا بأمراض معدية بسبب روائح الفساد !! . والله فى هذا الجو البيحاول يستثمر فى السودان إلا يكون إنسان نصاب ومحتال ، ولا يؤمن بحق الله وحق المواطنين .

نصيحة لله لله ، يا دكتور مصطفى ، لتحترم نفسك ، ويحترمك الناس ، اترك الوزارة اليوم قبل الغد، وافتح ليك عيادة أو مستشفى أسنان لتسترزق رزقآ حلالآ طيبآ مباركا ، وكفاية الاسترزاق من زروع السياسة خلال 25 سنة متواصلة .


#1039322 [كلحية]
5.00/5 (1 صوت)

06-19-2014 11:37 AM
وأنت علي رأسهم . لكن ما أن تقوم الثورة وغداً تقوم بإارادة الله والشعب حتي نصل اليكم الواحد تلو الآخر وإن كنتم في الصين .


#1039319 [فلان بن علان]
1.00/5 (1 صوت)

06-19-2014 11:33 AM
يا دكتور الأسنان، إذا معرفتك بالإستثمار بهذه الكيفية والكمية، قاعد تعمل في شنو طوال هذه السنين ... ماشي الخليج، جاي من السعودية ....ومؤتمرات خارج وداخل السودان للإستثمار ... ونسبة نجاحك صفر ... قدم استقالتك ... وأرجع أفتح ليك مستوصف للأسنان ... وتريح الشعب السوداني ... وبعدين حكاية أنك كنت وزيراً للخارجية لا يعطيك الحق بأن تفهم في العلوم السياسية ... قال عندو دكتوراة ولا ماجستير ما عارف في العلوم السياسية من جامعة أم درمان... أخجل ... شوف المفتري .... عاوز يكون محاضر في إحدي الجامعات العرقية للعلوم السياسية ...شوف ليك أراضي بيعها وسمسرة في شراء وبيع المنازل .... هذا ما تعرفه ... أبناءك الذين ولدتهم بدأوا يخجلون من أبيهم... وسمعته النتنة...


#1039289 [زعلان من الكيزان 25 سنة]
3.25/5 (3 صوت)

06-19-2014 11:10 AM
اكيد المستثمر بيفتش بئية افضل للاسثتمار انتو ضيقتو الخناق علي الشعب وضيقتو الخناق علي المستثمرين ... بلا ياخدكم كلكم ورا الاخر يا رب ..


#1039211 [مصباح]
3.88/5 (4 صوت)

06-19-2014 10:02 AM
كشف وزير الجهاز القومى للاستثمار مصطفى عثمان إسماعيل عن هروب رجال أعمال سودانيين إلى أثيوبيا للإستثمار هناك، حيث يتوفر المناخ الملائم لأعمالهم، وأشار إلى أن قيمة الإستثمارات السودانية هناك بلغت(946) مليون دولار.

شوف بلاهة الكلام والغباء، وشوف عدم المعرفة وعدم المسؤولية
هسة زى دا مابيستاهل الضرب بالسياط والشنق في ميدان عام !!؟


ردود على مصباح
European Union [sasa] 06-20-2014 11:26 AM
يامصباح ان مدعيى الاسلام هؤلاء وامثال القزم مصطفى موتر بطبطة الشحادكثير فيهم حبل المشنقة يجب ان يموتوا سحقا تحت ارجلنا ونحن نزحف لكنسهم وغسل الارض السودانية منهم ومن دنسهم ويجب ان تحر ق جيفهم وتطمر في ارض مالحة

[المغبون] 06-19-2014 12:06 PM
يا بوى دى اسمها حكومة الاغبياء مين يضرب مين كلهم فى الهواء سواء الوطن آخر اهتماماتهم بس همهم النزع والبيع وملى الجيوب المخرومة .


#1039198 [العشارى]
4.00/5 (2 صوت)

06-19-2014 09:50 AM
اه ديك العدة قام
تقوم عليك صاقعة تفرتقق انت والعينوك ياى اهبل يا هطله


#1039194 [في التنك]
3.75/5 (4 صوت)

06-19-2014 09:49 AM
اعترافات زي دي مفروض تتبعها إستقالة لكن هؤلاء لا يختشون وليس لديهم حياء ولا كرامة ... كل يوم جاري في بلد علي الفاضي ولسه كمان عايز يعمل ليهو مؤتمر استثمار لعنة الله عليك حين تمسي وحين تصبح.


#1039184 [ودالعمدة]
3.44/5 (5 صوت)

06-19-2014 09:44 AM
"حتي تتمكن الدولة من نزع الاراضي وتخصيصها وتعويض اصحابها".......
دكتور الاسنان لم يكفه الابرياء اللذين قتلوا دفاعا عن اراضيهم اللذين ورثوها ابا عن جد في شرق النيل وام دوم والسليت وسوبا والباقير وجبل اولياء والنيل الابيض وشندي والولاية الشمالية والجزيرة,,,,,من كلام دكتور الاسنان ...السودان موعود بمزيد من القتلي اللذين سيسقطون دفاعا عن ارضهم لصالح استثمار اجنبي فاشل ونفوس مريضة تريد بيع الوطن للاجنبي لتجني مكاسب شخصية علي حساب تراب ودماء ابناء الوطن الابرياء


#1039168 [منوفلي عمر]
3.50/5 (2 صوت)

06-19-2014 09:35 AM
عبدالله احمد البشير والطيب مصطفى ومن شاكلهم أو أمثالهم. من هو المستثمر السوداني الذي هرب بأمواله إلى أثيوبيا هم الحرامية الذين نهبوا اموال الشعب من وحه حق شافوا الاماكن الآمنة التي يستثمرون فيها اموالهم. لما تجي الحارة تكون اموالهم في مأمن من المسآلة والمصادرة لكن الشرفاء اصحاب الأموال الحقيقيين افقرتوهم وشردتوهم بسياساتكم الممنهجة والمدمرة للبلد كلها.


#1039152 [jas]
1.00/5 (1 صوت)

06-19-2014 09:23 AM
ياخوي الموضوع دي قديمة كن راسك خلي المواضيع شوف ليك غراب جزو ان المستثمرين السودانين طلعتو عينهم منهم من نهبتو ماله عنوة ومنهم من قتل في ظروفكم الغير معروفة ومنهم من صودرت امواله بغير حق لزا اري ان هجرة العقول ورواس الاموال من السودان هي حق طبيعي لكن انسان يهان كرامته في وطنة انتو كم زول جبتو من الخارج وخليتو في شوارع الخرطوم منقطع الراس ما يعرف يشهد ولا يبيع الموية في السوق عشان يطلع قروش ركوبو للعودة وزير استحمار دي فواترو (الاضراس الامامية) ما قامن كويس شوف وصيلة توديك البطري تاني


#1039109 [جركان فاضى]
4.00/5 (3 صوت)

06-19-2014 08:58 AM
شوفوه لسه عيونه على الارض...بعدما فشل جذب الاستثمار الخارجى والوطنى قبل تانى على الارض...فيا سكان ام دوم وسكان شمبات....ويا ناس الرميلة والحماداب....صوموا رمضانكم ...وبعد داك تعالوا شوفوا خرت الاراضى كيف...هدوء تسبقه العاصفة...لايوجد حل للاقتصاد السودانى غير الاراضييييييييييي...افهموها


#1039107 [أبو أمجد عبدالله]
1.00/5 (1 صوت)

06-19-2014 08:57 AM
إذا أرادت الدولة جذب المستثمرين إليها أن تجعل الجمارك رمزية للكل كما تفعل دول الجوار الإقليمي مثل دولة دولة تشاد و جنوب السودان و أثوبيا و النيجر و غيرها .
أسباب الهروب تكمن في عدم استقرار سعر العملة حتى في حسابات البنوك تنتهي قيمتها و لا توجد الضمانات و لا السياسات واضحة لتجنب تدهور قيمتها و أحيانات توجد مضايقات من قبل أصحاب المصالح الخاصة فبسبب معاكسة بسيطة يترك المستثمر بلاده و يهاجر الى مكان الإحترام


#1039106 [مفجوع]
4.00/5 (2 صوت)

06-19-2014 08:56 AM
مغالطة حقائق أيها الطفل المدلل ، بلد أهلها هربوا منها بأفعالكم القبيحة وجباياتكم الغير محدودة فماذا تتوقعون من المستثمر الأجنبي ..؟
ليس هناك صاحب رأس مال غبي سيأتيكم بعد أن إنكشفت حقيقتكم للعالم أجمع من إبتزاز ونهب لكل مستثمر أتى من أجل الإستثمار ..
من أتوا في البداية إنخدعوا بدعاية إعلامكم المضلل وزيفكم ودجلكم وهاهي النتيجة حتى رأس المال المحلي في طريقه للهروب للجارة إثيوبيا ..
لما لم تجاوب عن السؤال الذي طرحته بصراحة ووضوح .


#1039105 [ودالنيل تمساح]
2.50/5 (2 صوت)

06-19-2014 08:55 AM
لا حوله هو ديل منو هم المستثمريين ديل ؟؟؟؟؟؟؟؟؟؟؟
ده دجل جديد من نوعه كمان !!!!!
المستثمريين هم الكيزان نهبو البلد من زمان
وعرفتوا خلاص البلد نضفت وده الهدف
هسه لو سالنا البشكير الحاكم ده العملاء منو من السودانيين ؟؟؟؟
من ناحيه تغشوا فى العرب والمستثمريين الاجانب
البلد تمام والاستثمار تمام والبلد امان
ارض النيلين ارض خصبه وايدى عامله ......
لكن انتو ليكم طبعا لا العكس تمام
البلد تعبانه الاستثمار فتران البلد مافيها استقرار
ايدى عامله كسوله اما بخصوص الاض الخصبه مافى نقاش لكن
ابسط حاجه الكوز يقول ليك لكن مافى امن لانو المعارضه عميله
هههه تسرقوا قروش المساكين والمستثمريين الاجانب وتهربوا
هسه بتصريحاتكم الجبانه دى مش مفروض تفكروا فى المستثمريين المعاكم
حيقولوا شنو يعنى ؟؟؟ اذا كان ناس البلد المستثمريين بهربوا منها
يعنى المستثمر الاجنبى حيقعد كيف ولا الجديد حيجى كيف
لكن انتو تقنعوا ابليس عشان يستثمر عندكم
اتزكروا قزافى واعائلته .. اتزكروا زين العابدين وعائلته ... اتزكروا صدام
وعائلته ... اتزكروا مبارك وعائلته ... اتزكروا فرعون
كل الناس ديل المال مانفعهم بحاجه مشوا وخلوا اى حاجه
وفى واحدين حيين لكن حياتهم انقلبت 180 درحه
عندنا مثل بيقول ( الشقى يشوف فى نفسه والسعيد يشوف فى اخو .. ده مثل ياكيزان
مش اية زيما جمال الوالى بيقول


#1039103 [الشمالية]
2.00/5 (2 صوت)

06-19-2014 08:54 AM
ياسعادة الوزير /
1/ مدير عام المساحة بالولاية الشمالية ( دنقلا ) استحوز على الاراضي الاستثمارية بمدن الولايه

2/ كذلك لديه ملف قديم تم التعتيم عليه وهو ( اراضي القولد )


شوف لينا حل


#1039087 [سومي العسل - الدمام]
5.00/5 (1 صوت)

06-19-2014 08:45 AM
آآآه منكم يا حرامية يا نصابين .. متين بس الواحد يصحى ويلاقيكم مافي ... قادر يا كريم ..


ردود على سومي العسل - الدمام
European Union [sasa] 06-20-2014 11:28 AM
طالما انت نائم وعايز تصحى وتلقاهم كسحوا ومسحوا ده ماحيصل الا ان نترك النوم جميعنا ونصحى لقتلهم


#1039088 [بامكار]
1.00/5 (1 صوت)

06-19-2014 08:45 AM
يا سيد اذا لم يكن هنا أصلاح سياسى وأستقرار وتعاون الجميع ودخول الحركات المسلحه فى الحوار الحديث عن الاستثمار تمنى وعناد صدام حسين هو الذى أوصل العراق الى ما فيه الان يا دكتور مصطفى الماء جاء ما أسفلكم وأنتم تعاندون أنفسكم قبل الاخرين الان المحمة الجنائيه تحركت لتفسد كل شئ وأنتم تتلككون بألامس قلت أسأل الله أن ينجح الحوار واليوم قلت المستثمرين السودانيين هربوا أمر عجيب؟؟؟؟


#1039086 [الجبلابي الانصاري]
1.00/5 (1 صوت)

06-19-2014 08:44 AM
ياسجم الرماد الكالنا نحن وخلى حماد ...الكلام دة اى زول عارفو انت ياوزير يادوب عرفتو !!! والله انت الطفل المعجزة شوية عليك !!! ياراكوباب شوفو للغنماية دى لقب تانى


#1039066 [ود اللفة]
3.50/5 (3 صوت)

06-19-2014 08:37 AM
اصلا ما في داعي لوزارة بهذا المسمى، والوزير يرجع لكلية طب الاسنان.


#1039034 [بت قضيم]
4.50/5 (3 صوت)

06-19-2014 08:13 AM
المستثمررون السودانيون في اثيوبيا وماليزيا ودبي هم من نهب ثروات السودان وهربوها خارج السودان لتامينها


#1039023 [sayyed]
4.94/5 (9 صوت)

06-19-2014 08:04 AM
طيب ما دام دا كل حاصل انت قاعد تعمل شنو؟ ما ترجع لممارسة قلع الأسنان بدل قلع المسثمرين المحليين وهروبهم الى دول الجوار أما آن لكم أن تترجلوا يا قليلو الحياء وثقيلي الدماء؟


#1039007 [المتجهجه بسبب الانفصال]
4.00/5 (2 صوت)

06-19-2014 07:54 AM
لم تجثم حكومة على بلد منذ القرون الوسطى وحتى العصر الحديث حكومة تريد أن يخدمها الناس ولا تخدمهم وينفقون عليها ولا تنفق عليهم مثل حكومة الانقاذ السودانية الربوية الطفيلية التجنيبية،، ومن الغريب والطريف التالد في الانقاذ أن المسئولين يشتكون من سوء السياسات وكأنما الذين يضعونها عوام الشعب أو قوم آخرون يسكنون المريخ ،، لقد احتارت الجن والشياطين وأنا على ذلك زعيم من مردة الانقاذ الطفيليين،، فرجل حاصل على شهادة الطب مع سقوط في مادة الحس الطبي الانساني كمامون حميدة يدخل مستشفى الكلى وبكل تريقة واستهتار يخاطب العاملين بالمستشفى قائلا أفشل الله كليتيه (( انتو المرضانين الكتار ديل بتجيبوهم من وين))،، وفي الحقيقة التي من المفروض كل الشعب لا يطيقا،، أن تساءل مامون حميدة بهذه العنجهية ليس بمستغرب وذلك لأن هذه الشرذمة الحاكمة والموالون لهم باختصار نشأوا في بيئات غير جاذبة للحب والحنان إطلاقاً،،، وذلك بسبب البرمجة ولا أقصد بالبرمجة البرمجة العصبية لصاحبها ابراهيم الفقي رحمه الله ولاا البرمجة الحاسوبية لبيل جيتس أو الحوسبة السحابية فهذه أفيد للإنسانية من البرمجة التي تمت للاسلامويين وظهرت بشكل افظع في منسوبي المؤتمر الوطني من الشباب وغيرهم،،،

أولاً : تربى الاسلامويون على مبادئ تأطيرية ظنوها هي الدين،، وفي الواقع فان التأطير الذي تم لهم أحدث خلخلة عظيمة في النفسية المتوازنة أي بمعنى أن الانسان العادي دون انتماء لجماعة (زينا كدة والعديد من الراكوباب والحمد لله) يمارس المرحلة الثانية من عمره 18 - الى 30 بشكل عفوي والانسان العادي غير المؤطر يمارس أحاسيسه بطلاقة دفاقة لا يكبتها تمثيليا أمام الناس فهو يضحك في المواقف المختلفة ويبكي لفقد عزيز تلقائيا ولا يكتم ذلك وربما يدندن اذا اعجبته اغنية أمام الجميع وربما يدخل حلبة حفلات الزواج ويرقص بجنون مطلقا شحنات عاطفية لو كبتها كما كبتها العديد من الاسلامويون لتحولت الى كارثة ضمن تصرفات الانقاذيين الحالية،، والانسان غير المؤتر بالايدلوجيا الدنية يعبر عن إحساسه للبعض حبا او زعلا وربما تهوم به التهاويم في ظرف ما فيلجأ الى السنة بكسر السين ثم يتوب ويعود للسنة بضم السين وهذا لعمري سلوك الخائين التوابين ، يظل قبله سليم تجاه الآخرين ولا يجرح بقول ولا يمرح في حزنهم ولا يسرح بمالهم،،،

من هو الانقاذي (المؤتمر الوطني):
الانقاذي أو المؤتمر الوطني شخص نشأ في جو تأطيري في المرحلة العمرية بين 18 الى 35 سنة وشكل ذلك التأطير شعوره واحساسه ونمط تفكيره بحيث اصبحت هذه المشاعر والملكات خارجة عن ارداة تحكمه وجانبت العفوية في الانسياب أي بمعنى أنها أصبحت رهينة لمعامل خارجي (الولاء التنظيمي) يوجهها أينما يريد لكيلا تأتي بخير لا له ولا لمجموع مجتمعه،، ولقد تمكن العديدين من الذين انضموا لمثل هذا التنظيم أو الفكرة من مراجعة أنفسهم في فترة ما فعادوا الى مشاعرهم واحاسيسهم وتفكيرهم الاصيل بالتالي أصبح وزنهم للامور أكثر عقلانية وانفت منهم صفة العدائية للآخر بدون سبب ،،،


#1038994 [محمد عثمان]
3.50/5 (2 صوت)

06-19-2014 07:36 AM
لو انك رجل تملك القليل من شطارة المهنة لعرفت ان تصريحك هذا لا يعني شفافية بقدرما يخيف المستثمرين .. ومثل هذا الحـــــــــال الذي صنعتموه انتم الاولي بكم حله في صمت حتي لا يخاف المستثمرين اكثر ... ودائما عمايلكم تضر بالبلد ثم تأتون بكل غباء وبجاحة لتتموا باقي الضرر بمثل هذا الكلام الاجوف الغبي الذي لا يصدر عن جاهل دعك من وزير ..


ردود على محمد عثمان
[ناصر حدربي] 06-20-2014 02:54 AM
يعني يا ودعثمان قال ليك المستثمرين ما عارفين؟ إنتهى زمن المستثمر الدقوسة البيجي بالحنك العاضي والهتافات والكلام المنمق , الزمن ده زمن عولمة وانفجار معلوماتي


#1038993 [عبدالله]
5.00/5 (1 صوت)

06-19-2014 07:35 AM
العالم ديل دراويش ولا شنو؟ لعلمكم النهضة التى تشهدها اثيوبياالان كان سببها الاول هروب المستثمرين السودانيين من بلادهم الى أثيوبيامنذ بداية التسعينيات بسبب ما لاقهو من النهب و التدمير الممنهج خاصة من المحليات . السودانيين قدروا يجيبو معاهم عرب الخليج والسعوديين بحكم قبولهم الكبير من ناحية الاثيوبيين والعرب أصبحت أثيوبيا الجاذب الاكبر لاستثماراتهم الان


#1038984 [صادميم]
2.00/5 (1 صوت)

06-19-2014 07:20 AM
تعترف بالتقصير و لا تستقيل و كمان عندك نفس تعمل مؤتمر للاستثمار في نوفمبر بعدين المؤتمر ده البحضره منو اذا كان المستثمرون السودانيون قد تركوا البلد


#1038982 [بنت الناظر]
5.00/5 (2 صوت)

06-19-2014 07:17 AM
حتى تتمكن الدولة بعد ذلك من نزع الأراضي وتخصيصها وتعويض أصحابها...
نزع الأراضي كده على عينك يا تاجر ؟؟ تنزعوا اله ينزعكم من الدنيا ..


#1038977 [ام محمد]
2.50/5 (2 صوت)

06-19-2014 07:09 AM
ياوزيرناالجهلول لماذا لم تعترف من زمااااان وامشى اطلع على شروط الاستثمار فى اثيوبيا وقارن


#1038975 [ادروب الهداب]
1.00/5 (1 صوت)

06-19-2014 07:05 AM
دي لفه جديده من بتاع اﻻسنان عشان ينزعوا اﻻراضي من اصحابها بقانون قرقوش بتاعم!!! اللهم عجل بتدميرهم بقوتك وارنا فيهم عظيم قدرتك يا ارحم الراحمين ....


#1038961 [هدهد]
2.00/5 (1 صوت)

06-19-2014 06:42 AM
وزير السمسرة وبيع الاراضى ز...... كلكم حرامية ولصوص


#1038946 [جيمى ابوالسرة]
3.50/5 (2 صوت)

06-19-2014 05:48 AM
والله فعلا دى محنة - هل مصطفى اسماعيل يملك المؤهلات والخبرة التى تجعله زير استثمار - لماذا لاتسأل نفسك هذا السؤال - هل لك اعى علاقة بالاستثمار او ادارة الاستثمار .

حتى المعلومات الاحصائية خطأ - استثمارات السودانيين فى اثيوبيا تخطت حاجز ال خمسة مليار دولار ياغبى - معظمها من سودانيين يحملون جوازات اوربية وامريكية .


ردود على جيمى ابوالسرة
[ود الركابي] 06-19-2014 02:22 PM
والله انا زتي استغربته من المبلغ الهزيل ده 946 مليون دولار وبس . يأخي الكيزان الكبار مبلغ زي ده يكونوا خاتنه تحت المخده ....


#1038940 [الدنقلاوي]
3.00/5 (1 صوت)

06-19-2014 05:34 AM
946 مليون دي قروش ! ... قطر وحدها تستثمر 11 مليار في أثيوبيا ... السبب الرئيسي لذلك هو حماية الدولة للمستثمر وقلة الفساد والسوق الضخم - 90 مليون نسمة - أما هنا وفي ظل وزارة الطفل المعجزة هذا لو المستثمر لحق يلم في راسمالوا يكون ربنا شافو وتاني يوم يقر بجلدو


#1038936 [احمد بخيت]
2.00/5 (2 صوت)

06-19-2014 05:19 AM
الان حصحص الحق ...


#1038933 [محجوب عبد المنعم حسن معني]
4.00/5 (6 صوت)

06-19-2014 05:15 AM
والله يا دكتور المصيبة مافي قانون الاستثمار ولا في اي داهية ثاني المصيبة الوحيدة هي انت ، انا اعمل في شركة ترتيبها الرابع على مستوى العالم في مجالها واتعامل مع قرابة 300 زبون من جميع اتجاهات العالم، صدق اول مرة يصادفني دكتور اسنان ماسك وزارة او مجلس استثمار. دكتور الاسنان ممكن يستثمر في عيادة ولا مستشفى اسنان واخر اليوم يشيل الفيزيتا كان بتاعت قلع سن ولا تقويم ولا حشوة ضرس ، وممكن برضو يمسكوه وزارة الصحة، لكن يمسكوه وزارة استثمار بحالها وهو ما عنده فكرة عن ابسط قوانين التجارة العالمية ولا ادارة الاعمال ولا عنده فكرة عن تطوير الاعمال ده يقولو عليه شنو.


ردود على محجوب عبد المنعم حسن معني
European Union [حـق الفيـمتـو] 06-19-2014 03:17 PM
يا محجوب يا أخوي الإستثمار يكون بالفلوس والفلوس لازم يعضوا عليها بالنواجذ والزول دا دكتور نواجذ فهو الرجل المناسب تماماً.
زمان في واحد مهندس تم تعيينه مديراً لبنك فيصل وأي ميزانية تطلع يوقع عليها مغمض.
وأيضا واحد مدرس خريج تربيةأحياء شغلوه مدير مالي لوزارة التربية.
وواحد فني إتصالات تم تعيينه مكان مهندس كهرباء في قسم الكيبل بالرياض.

European Union [ياسر] 06-19-2014 09:52 AM
فهلوه كيزانيه



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
6.00/10 (1 صوت)




الرئيسة |المقالات |الأخبار |الصور |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة