الأخبار
أخبار إقليمية
علي كرتي : الملحقون الإعلاميون يتقاضون «10» آلاف دولار دون مهام
علي كرتي : الملحقون الإعلاميون يتقاضون «10» آلاف دولار دون مهام
علي كرتي : الملحقون الإعلاميون يتقاضون «10» آلاف دولار دون مهام


عبد الرحمن الصادق : الرئاسة ملتزمة بكفالة حرية الصحافة
06-24-2014 09:41 AM
الخرطوم: عبد الرحمن صالح
أعلن مساعد رئيس الجمهورية العميد عبد الرحمن المهدي التزام الرئاسة بكفالة حرية الصحافة وتخفيض الرسوم والضرائب المفروضة عليها، وتحديد سقف العقوبات في مجال النشر حتى لا تؤدي لسلب حرية الصحافة، وإجازة قانون حق الحصول على المعلومات، في وقت هاجم فيه وزير الخارجية علي كرتي الملحقين الإعلاميين بالسفارات، كاشفاً عن تقاضيهم مرتبات تبلغ «10» آلاف دولار شهرياً دون مهام واضحة.
وقال كرتي خلال مخاطبته ورشة للإعلام الخارجي بمجلس الوزراء: «وظائف الملحقين الإعلاميين خلقت للتوظيف فقط وليس للقيام بمهام»، وأكد إمكانية عكس قضايا الوطن من الداخل بأية وسائط في لحظات.



الانتباهة


تعليقات 42 | إهداء 0 | زيارات 5704

التعليقات
#1044230 [ahamed]
3.00/5 (4 صوت)

06-25-2014 03:51 AM
مالكم ومالو انتو. يبيع سكر يبيع اسمنت يبيع الاراضى. الوالى يبيع المستشفيات تموتو ما تلقوا محل تتعالجو .انتو عندكم حاجه فى البلد البلد بلدهم وهم احرار فيها جيب البنبر بتاعك وعلق بس وبكره تانى يجيب ليك شئ جديد وتانى تجيب البنبر وتعلق عندكم شنو اكتر من كده. البلد بلدهم وهم رجاله. وكان انتم ارجل منهم بطل قاعد البنابر وتعليق على الراكوبه واعملو حاجة . يا قفلو خشمكم.

اعفوا لينا يا اخوانا كلام زول محروق شديد


#1044056 [من البداوة إلى الحضور]
4.25/5 (3 صوت)

06-24-2014 08:17 PM
01- (أعلن مساعد رئيس الجمهوريّة ... العميد عبد الرحمن المهدي ... إلتزام الرئاسة بكفالة حريّة الصحافة... وتخفيض الرسوم والضرائب المفروضة عليها ... وتحديد سقف العقوبات ... في مجال النشر ... حتى لا تؤدّي لسلب حريّة الصحافة ... وأعلن عن إجازة قانون ... حق الحصول على المعلومات ) ... هذه مُجرّد بُشريات ... وأماني طيّبات ... لكنّ العبرة بالتطبيقات ... والتطبيقات تحتاج إلى تهيئة المناخات ... يا أصحاب السعادات ... ؟؟؟

03- لكنّ الجدير بالذكر ... هو أنّ سعادة المرحوم جعفر النميري ... والفلاسفة والسعادات والقيادات ... التشريعيّين والتشريعيّات ... التنفيذيّين والتنفيذيّات ... القضائيّين والقضائيّات ... الذين كانوا يطوفون من حوله ... في الأيّام الخاليات ... قد فكّروا ...ثمّ إفتكروا ... ثمّ إبتكروا ... فلسفة تقتضي ... أنّ الحكومة ليست لديها ميزانيّات ... للجهاز العسكري الأمني الشرطي ... وأنّ على المذكورين اعلاه ... أن يفبركوا التشريعات واللوائح والقوانين ... التي تسمح للتشريعيّين الشرطيّين ... ولغيرهم من التشريعيّين الجبائيّين ... بان يفرضوا على أيّ حرامي ( الحرامي دي معناها المواطن السوداني ... يقود سيارته ... أو شاحنته ... أو يعمل في متجره ... أو مصنعه ... أو مزرعته ... أو يرعى ماشيته ... أو يسكن في بيته ) ... مجموعة من الجبايات ... والغرامات ... والترخيصات ...والتصديقات ... وتجديدات التصديقات والترخيصات ... بحيث تكون حصيلة الجبايات ... كافية لسداد المُرتّبات ... العسكريّات الأمنجيّات الشرطيّات ... بالإضافة إلى مُرتّبات العاملين على الجبايات ... على أن يذهب فائض الجبايات ... إلى خزينة دولة السودانيّين والسودانيّات ... ؟؟؟

04- ولكنّ الجبايات ... قد إبتلعتها ... البنايات الشاهقات ... الإسكانيّات والإستثماريّات ... لسعادات وقيادات وأسياد وسيّدات ... تلك الفئات ... التشريعيّات والتنفيذيّات والقضائيّات ... والعسركيّات الأمنيجيّات الشرطيّات ... والجبائيّين والجبائيّات ... الله يكرم السامعين والسامعات ... ؟؟؟

05- ( في وقت هاجم فيه وزير الخارجيّة علي كرتي الملحقين الإعلاميين بالسفارات ... كاشفاً عن تقاضيهم مرتبات تبلغ «10» آلاف دولار شهريّاً دون مهام واضحة... وقال كرتي خلال مخاطبته ورشة للإعلام الخارجي بمجلس الوزراء: «وظائف الملحقين الإعلاميين خلقت للتوظيف فقط وليس للقيام بمهام»، وأكد إمكانيّة عكس قضايا الوطن من الداخل بأية وسائط في لحظات ) ... والله يا جماعة ... كرتي دا قد أصابته صحوة ضمير ... نتمنّى أن تصيب باقي فلاسفة مؤتمر الحمير ... وإخوان الخنازير ... أعني مُؤتمر الطيور والصراصير والطراطير ... ذلك المؤتمر الإخواني - الشيوعي -الحربائي ... العوير ... لكن فيهم واحدين ... دمّهم أثقل من دم ... دلمة الإبل ... أو على الأقل ... اثقل من دم قرادة الحمير ... ولا يُمكن إصلاحهم ... أو التصالح معهم ... أو التصالح في ما بينهم ... إلاّ من رحم ربّك ... ؟؟؟

06- التحيّة للجميع ... مع إحترامنا للجميع ... ؟؟؟


#1043936 [زول النصيحة]
2.25/5 (5 صوت)

06-24-2014 05:09 PM
10 الف دولار والله يا كرتي ده شغال حساااااااااادة عدييييييل يا اخي ما تخلي الناس تشتغل وتستفيد يعني اسي الملحقيين الاعلاميين بياخدوا 10 الف دولار ما شاء الله يستاهلوا الناس ديل بيعكسوا صورة ووجه السودان للخارج وبتعبوا تعب شديد الله يعين الملحقيين الاعلاميين والغريب قال وظيفة بدون مهام والله جنس جسادة طيب زوجتك دي العينها سفيرة منو ؟؟؟ وكم هو مرتبها ؟؟؟
اتوقع مرتب السفير يكون حوالى 100 الف دولار الكترااااااااااااااابة
طيب ما تعينوني ملحق اعلامي بالله عليكم
اول مرة نعرف الدبابين حاسدين كده
الزول ده قبل عليكم بعد شوبه حيقول ما محتاجين ملحقيين هههههههههه
الغريب قال ايه إمكانية عكس قضايا الوطن من الداخل بأية وسائط وفي لحظات
ما قلتوا الوسائط دي بتبث الفجور والكلام الفارغ اسي بقت تعكس صورة السودان
احيي يا بطني وجعتني


#1043902 [راجى الفرج]
4.00/5 (4 صوت)

06-24-2014 04:35 PM
الاخوة المعلقين الحلوين حقو واحد الايام دى اسمى نفسو المشتهى الاسمنت بمناسبة كرتة ومرتبات وزارة الخارجية


#1043882 [حليمه وجزمتا القديمه!!]
2.25/5 (4 صوت)

06-24-2014 04:22 PM
من الواضح ان أخونا فى الله يادوب إبتداء يتعرف على ما يحدث فى وزارته!! والمسكين ما عارف أن وزارته وﻻول مره فى تاريخ السودان صار جزء من مستشفيات السودان واى شخص من جماعتهم يصاب بمرض عضال وإحتاج لعﻻج بالخارج يعين فورا فى إحدى سفاراته لتلقى العﻻج وأسمائهم معروفه لدى اى سودانى وسعادة الوزير يريد منهم (الجرى والطيران فى وقت واحد!!) والسفارات السودانيه فى عهدهم الزاهر أصبح كرنتينه وإذا شئتم إستراحه للمحظيين والمحظى ﻻيشترط حصوله ﻻى مؤهل !! ما جدوى أن تعيب زمانك والعيب فيك ويبدو إنك وزير بﻻ صﻻحيات وإﻻ لمن تشتكى وماذا تريد أن نفعل غير مصمصمة الشفاه وضرب الكف بالكف حسره على المليارات التى تهدر ؟!!.


#1043865 [Hussein Musa]
2.75/5 (3 صوت)

06-24-2014 04:01 PM
ومال انت ياعبدالحمن بدوك كم...عيييييييييك...عشان كدا مكنكش فيها
حتي سجن ابوك ماخلاك تفكها...


#1043837 [سنا سيكو]
2.25/5 (3 صوت)

06-24-2014 03:32 PM
ياخى انت ما التزمت بمبادى حزبك المناوئ لنظام انت جزء اصيل منه ,, التزام شنو البتتكلم عنو بحرية الصحافة ؟؟ جاتكم داهية يا اهل الكهف ومن والاكم من السذج والغافلين .


#1043834 [المشير السيسى نصره الله]
3.00/5 (3 صوت)

06-24-2014 03:26 PM
لابد واكرر لا بد من فتح ملفات السفارات بالخارج منذ مجىء الانقاذ وهى عالم تانى فى الفساد
بس لو يلقه الشعب السودانى فرصه ويشوف كوادر الامن العامله فى السفارات والبيوت التى يسكنو فيها
من غير وجه حق
من غير وجه حق
من غير وجه حق

على حسابنا احنا وعلى حساب بلدنا وعلى حساب التعليم والصحه وو لن تصدق ما تراه عيناك


#1043821 [saad salim]
2.50/5 (4 صوت)

06-24-2014 03:12 PM
Ya Sari Alleil
why do you mention Ambassador/Amira Gurnas..is it because she is the spouse of the Minister ? or because she is the Ambassador of Sudan to Rome? Amira is a career diplomat who joined the MFA through competitve exams back in 1996 and was appointed Counsellor among some 23 mid-level diplomats.She is academically and professionally qualified with honours degree in French and English from the University of Khartoum in 1981( ignaz was not in power then ya jahlool).After joining MFA IN 1996, she worked in the headquarters up to 2000 when she applied for a position of Translator in the UN in NewYork and she passed the interview and the exam and joined(. At that time she was not married to the incumbent Minister Ali KARTI.
She was posted as Ambassdor to Rome in 2011 no because she is the wife of the Minister as you claim.She was nominated together with other diplomats in a routine transfer list.Iam not defending her but let us be fair and just.If you think she was awarded Rome because she is the wife of the Minister, what about the Amasasdors in Geneva, Madrid,Sweden,, Sofia and London? Are they also relatives to the Minister? Fear Allah ya zoal.....


#1043818 [الضو]
3.88/5 (4 صوت)

06-24-2014 03:10 PM
مساكين خالد المبارك ومحمد محمد خير يقبضوا العشرة تالاف وويقوموا فى الناس زى الكلاب. غايتو عين والدصابتكم مساكين خالد يرجع البنيفيت ومحمد خير يا تلج كندا جاك ملحق اعلامى سابق


#1043804 [sakarota]
3.00/5 (3 صوت)

06-24-2014 02:56 PM
ياحاسد تلقاك ضربت العشرة الف دي لقيتها بتساوي ربح كذا الف طن سيخ وقلت احسن تكاوشه في اي بند تاني متين كان بهمكم اهدار المال العام وانت عارف انو دي سياسة لاسكات المؤلفة قلوبهم


#1043796 [القرفان من الكيزان]
2.75/5 (3 صوت)

06-24-2014 02:50 PM
هناك بدعة اخرى اسمها الاداريين بالسفارات .أعدادهم بالعشرات ومعظمهم رجال أمن ولايقدمون شيئا وهاك ياسيارات وياتعليم أولاد ويامرتبات بالدولار ....وهلم جرا .سفارتنا بالسعودية أوضح مثال لهذا العبث وللأسف المراجعين يزازوا من ضل حيطة لي ضل حيطة والموية ضعيفة او مقطوعة في الحمامات التعبانة المتسخة ذات الابواب المكسرة .بعد دا كلو سندوتش الفول في سفارتنا بأربعة ريالات .ليكم يوم أسود ان شاء الله.


#1043775 [Quickly]
4.00/5 (4 صوت)

06-24-2014 02:33 PM
وزير الخارجية يكشف سر خطر لوسائل الاعلام !!

10الف دولار للملحق الاعلامي يعني حوالى 120 الف دولاد في السنة ؟؟؟!!!
هذا بخلاف البدلات طبعاّ و كامل فواتير الموية الكهرباء والمدارس


امال القنصل بياخد كم؟؟؟ ,,, ولاسفير دا خليه براهو,,,,
هذا يحصل في بلد ثلاثة ارباع سكانه يعانون من الفاقة الفقر الشديد الجوع والمرض والحروب
بس المحيرنا الناس دي ساكتة لمتين يااخوانا؟؟؟؟؟!!!!!!!


#1043773 [ود الركابي]
2.50/5 (2 صوت)

06-24-2014 02:32 PM
البلد ملك حر للمؤتمر الوطني .. واكيد كل واحد فيهم يأخذ الراتب اللي عاوزه . المنافقين ديل بيهمهم وطن ولا شعب .. بلد اصبح فيها كثير من المواطنين بيأكل وجبه واحده في اليوم. ومالاقين حق العلاج . يجي واحد لوظيفة غير مهمة بالسفارة . يأخد مبلغ خرافي زي ده في بلد افقروها ابنائها بالجشع والطمع والانانية وحب الذات . ناسين انه في شي اسمه الموت في اي لحظه ممكن يأخذنا. سؤال .. كم يبلغ راتب السفير واعضاء السفارة .. وكم يبلغ رواتب الوزراء ومخصصاتهم والرئيس ونوابه ومساعدينه والمجلس الوطني ..الجماعة ديل عايشن زمن البترول الله يرحمه . يظهر انه ماحايجي يوم نسمع من حكوماتنا. بانه عندنا احتياطي كم مليار دولار وكم طن ذهب .. بعيد جدأ مش كده .. الله يحفظك ياسوداننا. من ابناؤك قبل اعدائك ..


#1043770 [adil a omer]
3.00/5 (3 صوت)

06-24-2014 02:29 PM
الصحافه ولا المايقوما

الله يخيبك ويخيب ابوك

والله فعلا هذا الجحش من ذاك البغل


#1043756 [فرح ود تكتوك]
3.00/5 (3 صوت)

06-24-2014 02:11 PM
البيته من زجاج ، ما يجدع الناس بالحجارة
ناس بابكر حنين ، ومحمد محمد خير ، وخالد المبارك ، رح يزعلوا منك يا كرتى ،
حسدتهم فى العشرة آلاف دولار ، وهم ما حسدوك فى فندق قصر الصداقة ، ولا فى منصب زوجتك السفيرة ، ولا فى احتكارك تجارة مواد البناء ، ولا فى .............. ؟.
بالله لولا سياسات التمكين ، ما الفرق بينك وبين أقرانك الذين أحيلوا من مواقعهم لصالح الكيزان ؟ ، كنت رح تفتش على شغل وما تلقى .
كده يا سعادة الوزير انت فتحت الباب البيجى منه الريح
استعد للهبوب والكتاحة التى ستكشف عوراتك .


#1043726 [سلقان]
2.38/5 (6 صوت)

06-24-2014 01:44 PM
خالد المبارك بسفارتنا بلندن ومحمد محمد خير معليش ال10 الاف دولار راحت...اها بتودوا وشكم وين بعدين
في واحد اسمه الشوش شاعر برضو رقعوا ب10 الاف..ما تنفعكم ان شاءالله يا ارزقجية


#1043719 [بياخدو ... كم.... ودولار.؟؟؟؟؟]
3.63/5 (4 صوت)

06-24-2014 01:37 PM
حسبنا الله ونعم الوكيل....

بالله ده كلام.... الملحق الاعلامي.... بياخد 10 ألف دولار شهرياً.... وليه دولارأصلاً؟؟؟؟؟

مش ممكن تتكفل الوزارة بكل مستلزماته...في أي بلد.... ويدوهو شوية فكة لزوم الفنكهة دي....

طيب أها وباقي الطاقم.... الواحد بياخد كم يعني؟؟؟؟

علي كدة الملحق العسكري غايتو ما بقبل بأقل من 50....

يعني سفارة وااحدة.... تاخد ليها بالميت كدا.... كم.... نطلع بالخمسة...يعني يساوي.. نص مليون!!

ده غير مصاريف التشغيل.... والسيارات... والطيارات.... والايجارات.... وعيييك

يعني الجملة.... بتفوت ليها مليون دولار....

أها نضرب عدد السفارات في مليون.... يساوي.... يساوي...أها نسيت... في قنصليات برضو ياخ!!

يعني مثلاُ السعودية.... فيها سفارة... وقنصلية....

الله يخرب بيتنا نحن يا شيخ...


#1043713 [وحيد]
3.25/5 (3 صوت)

06-24-2014 01:34 PM
القضية ان دا اكل اموال الناس بالباطل، و هي جريمة يشارك فيها اكل المال و من عينه و كل حكومة السجم البتنهب مال اليتماى و الارامل و المرضى عشان يغتني اتباعها... الناس دي ما بتخاف الله و لا طاريين موت و لا حساب


#1043684 [Gogomri Salim KOKO]
2.38/5 (4 صوت)

06-24-2014 01:16 PM
Most of them are not mature enough or qualified to entitled as diplomat .so what your are waiting from them . not skills no languages ,what shell they do for Sudan , All educated people were chassed away to the obligatory pension ,others beeen enforced to exil or aboard .


#1043679 [عابر]
3.13/5 (4 صوت)

06-24-2014 01:13 PM
اخيرا نطق الابن العاق للامام صمت دهرا ونظق كفرا واذا كان راتب الملحق الاعلامي عشرة الاف دولار فتخيلوا كم راتب الوزير مضافا اليه راتب السفيره والفاتحه علي روح الوطن


#1043671 [A. Rahman]
2.38/5 (6 صوت)

06-24-2014 01:06 PM
و ماذا. عن قادة الدفاع الشعبي و الدبابين الذين صاروا وزراء و تجار سيخ و أسمنت و اصحاب فنادق و زوجاتهم سفيرات، ياخي اتلهي،و انت فاكر الشعب ما عارف انه كل من عينتهم الجبهة لا يفقهون شيئا مما عينوا للقيام به؟ كدي وريني واحد من جيش الكيزان ديل انجزشيئا غير مصلحته الذاتية فيما اوكل اليه من مهام.


#1043666 [السيرباك]
3.32/5 (5 صوت)

06-24-2014 01:01 PM
السيد مساعد الرئيس التحفة مبروك خروجك من الاعتكاف ،، كان تواصل شوية فى اعتكافك وتقرأ ليك حرفين تلاتة عشان تعرف ان الرئاسة ما عندها علاقة بتحديد سقف العقوبات فى مجال النشر المسألة مسألة تشريع والتشريع بصدر من المجالس النيابية ،، انا عارف انو ما عندنا مجلس نواب ولا هيئة رئاسة ولا حتى رئيس خليك من مساعدينه . وكلامك ده للاستهلاك بس ممكن بكرة يقبضوا على اكبر صحفى دون سبب وح تسكت زى سكاتك لمن قبضوا الامام والدك . رجاء ممكن تمسك عليك لسانك ؟؟؟


#1043645 [أفريقى]
2.25/5 (4 صوت)

06-24-2014 12:44 PM
هههههههه وانت ذاتك وظيفتك فى داعى ليها من الأساس . أنا بقترح تقفيل كل الوزارات لحين عودة الحكم الديمقراطى فى البلاد وتعيين ناس مؤهلين لإدارتها بدلا من المعاقين فكريا القاعدين فى الخارجية وفى سفاراتنا ......


#1043644 [سارى الليل]
2.88/5 (6 صوت)

06-24-2014 12:43 PM
اميرة قرناص من الذى عينها سفيرة فى ايطالي
بتبقى ليك شنو يا حلو
استحى ولم خشمك عليك
بلاش فضائح لانك كل فضائح يا فضيحة الله افضحك دنيا وآخره يا سميع يا مجيب


ردود على سارى الليل
European Union [sasa] 06-24-2014 02:17 PM
اللهم آمييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييين


#1043612 [تاتاي في الخلا]
2.00/5 (4 صوت)

06-24-2014 12:16 PM
تصريح مؤلم للغاية.

كيف تكون الجريمة إذن وكيف يكون فساد الدولة والحكم إن لم يكن في ما ذكره الوزير؟

اللهم لطفك. اللهم أعنا على إقامة الحق والعدل وكنس الظلمة والمفسدين المتسلطين.

******************************

حسب أرقام كرتي حول الملحق الاعلامي الواحد:

راتب الشهر 10 الف دولار = 100 مليون جنيه سوداني

الراتب في السنة الواحدة: 12 * 100 = 1.2 مليار.

الراتب بنهاية البعثة (4 سنوات): 4 * 1.2 = 4.8 مليار جنيه سواني.

أضف إلى ذلك تكلفة سكنه ومدارس ابنائه وتذاكر سفره وعلاجه هو وافراد اسرته والتي تصل الى نصف راتبه الشهري المذكور.

أضف إلى ذلك تكلفة السائق والسيارة والسكرتيرة وربما موظف واحد أو موظفين إثنين ولكم بعد ذلك أن تتصوروا تكلفة الملحقية الاعلامية الواحدة.

مضروبة في تكلفة كل الملحقيات.

سنجد أن هذا الاهدار المؤلم يساوي ميزانية ولاية سودانية كاملة يعيش فيها مليون شخص.

تذكير بالاقتباس:

((((((هاجم وزير الخارجية علي كرتي الملحقين الإعلاميين بالسفارات، كاشفاً عن تقاضيهم مرتبات تبلغ «10» آلاف دولار شهرياً دون مهام واضحة. وقال كرتي خلال مخاطبته ورشة للإعلام الخارجي بمجلس الوزراء: «وظائف الملحقين الإعلاميين خلقت للتوظيف فقط وليس للقيام بمهام»، وأكد إمكانية عكس قضايا الوطن من الداخل بأية وسائط في لحظات)))))


#1043608 [radona]
2.50/5 (2 صوت)

06-24-2014 12:11 PM
ياعبدالرحمن الصادق صه
والدك الامام الصادق قال كلمة حق فسجن والان 300 جريمة ارتكبتها قوات الدعم السريع معترف بها اي ان والدك حبس بسبب كلمة حق قالها والان يسجن الاستاذ ابراهيم لذات السبب
نشرت الصحف جرائم البعض والقليل جدا من جرائم الفساد فاغلقت ويتم ملاحقة الصحفيين زنقه زنقه
ارجوك ان تصمت وتلتزم الصمت فهو خيرا لك من الكلام


#1043606 [حسكنيت]
4.25/5 (4 صوت)

06-24-2014 12:10 PM
يصدروا إناث الضان عشان يدفعوا للهبل ديل بالدولار...( مسخرة)


#1043591 [AMJAD]
4.00/5 (3 صوت)

06-24-2014 11:57 AM
عبدالرحمن حجار بتاع امن السفارة فى موسكو مشترى شقه بمليون دولار و بيدفع رشوة سيارة مرسيدس جديدة على الزيرو لاى مسئول روسى يوقع معه صفقة سلاح و انت وين يا كرتى من هذا اللعب؟؟ معروف باسم جمال الوالى موسكو لانو الفلوس تجرى فى اصابعه جريان الماء


#1043551 [المشتهية البامية المفروكة]
2.88/5 (5 صوت)

06-24-2014 11:30 AM
الله يعلم الأيام دي الموية قاطعة مع انو دافعين انتو دحين استراليا مش فتحت اللجوء


#1043528 [سارى الليل]
2.25/5 (6 صوت)

06-24-2014 11:14 AM
خلى الناس تاكل
تاكلك الارضه
انت شغال شنو من بندقيه ل بدله


#1043522 [فرح ود تكتوك]
2.50/5 (8 صوت)

06-24-2014 11:09 AM
سفيرة السودان فى روما ، اميرة قرناص ، زوجة وزير الخارجية على كرتى ، راتبها كم ؟ .


ردود على فرح ود تكتوك
European Union [أميرة السمحة] 06-24-2014 11:38 AM
والله يا ود تكتوك . اميرة دي سمحة سماحة جسم ووش وابتسامة
حرم اي راتب تاخده ما حرام فيها . الكلام على نوع على كرتي شناة وش ولسان


#1043519 [متغاظ]
3.00/5 (4 صوت)

06-24-2014 11:07 AM
وانت بتتقاضى كم ومرتك بتتقاضى كم ومهامكم شنو؟؟ وبتتلاقوكل كم يوم؟؟


#1043486 [المشتهي الكمونية]
2.10/5 (8 صوت)

06-24-2014 10:47 AM
كرتي تاجر السكر والسيخ وجلود الأضاحي ووزير الخارجية ، أنت وزير الخارجية الآمر الناهي في وزارتك لماذا لا تلغي وظيفة الملحق الاعلامي إذا كانت ليس لها مهام ، العشرة الف دولار دي بتساوي مية مليون جنيه يلهطها الأفاكين والحرامية بتاعنكم شهريا ، طيب دا الملحق الاعلامي ، انت مرتبك ومخصصاتك كم في الشهر وكم في السنة ، وتجارتك البتديرها من مكتب وزير الخارجية بتدخل ليك كم في اليوم الواحد؟ عامل فيها نبي ومستكثر العشرة الف دولار في الملحق الاعلامي وانت خاميها بالمليارات وظيفة وتجارة ، داهية تخمك وتوديك انت وسفاراتك في ستين الف داهية


#1043467 [مهدي إسماعيل مهدي]
2.50/5 (9 صوت)

06-24-2014 10:37 AM
شكراًعلى كُرتي، لأول مرة في حياتك تقول الحق.

عرفت سفارة السودان في جنوب إفريقيا، بدعة المُلحقين الإعلاميين بوصول الرجل الطيب/ خلف الله عبدالمنعم ملحقاًإعلامياً، ثُم أتى بعده عبدالمنعم، ثُم بابكر حنين، ثُم قبل شهر تقريباً "سيف الدين البشير"، ولقد درجتُ على المُشاركة في كافة المنتديات التي تتناول قضايا السودان في جنوب إفريقيا، ولم أر وجوداً أو كلاماً لاي من هؤلا، وبعضهم لا يتقن اللًغة الإنجليزية، فكيف له أن يعكس رؤية السودان!!. إنها بدعة أدخلها عبدالدافع الخطيب لخدمة أصدقائه!!.

أتمنى أن يجد كرتي الشجاعة لينتقد ضُباط الأمن بالسقارات، التي تصل رتبهم إلى رُتبة لواء، ومنهم من كان يدرس بالصف الأول في بريتوريا في معاهد تعليم اللُغة.

أي إهدار لأاموال الشعب الذي يتسول الإغاثات؟!

أما مسألة الطلاب المبعوثين من منسوبي جهاز الأمن والمؤتمر الوطني فحدث ولا حرج!!فمنهم من ظللنا ننتظر تخرجه لسبعة أعوام ولا يزال الحبل على الجرار. ومنهم من عاد بخُفي حنين بعد سبعة أعوام أيضاً وأكيد سوف يمنحونه درجة الدكتوراه من إحدى جامعات السودان مُكافأة على جهوده في هيمنة جهاز الامن على الجاليات، التي لا يبلغ عدد أفردها مائة شخص!!!


#1043452 [مامون علي]
3.75/5 (4 صوت)

06-24-2014 10:27 AM
يا كرتي شوف لينا سنة واحدة بس واوعدك بقدم استقالاتي ملحق اعلامي في اي مكان ههههه 10 الف دولار مش حرام بالله لشعب يعاني من الفقر يا ابوي انتو اللي ضيعتوا البلد وقسمتوها حرام عليكم ملحق يعني ايه معقوله يصرفه بالسوداني100 مليون في السنه مليار و200 مليون ده لو جلس خمس سنين يعمل ليه 6 مليارات يشتري البلد كلها حرام عليكم البتسوا في البلد دي والله لو حكمونا يهود ما يعملوا كده حسبي الله ونعم الوكيل عليكم كلما طلعت شمس وغاب ضياؤها


#1043435 [معاوية]
2.50/5 (3 صوت)

06-24-2014 10:12 AM
وانت ملتزم بالصمت ازاء اعتقال والدك ياعاق ياح قير تفو عليك وعلى تربيتك انتهازى ضل وسازج


ردود على معاوية
European Union [هذا الشبك من ذاك ال////] 06-24-2014 11:40 AM
وهو تعلم الانتهازية من جامعة يعني ماهو ولد الصادق عايزه يكون شنو يعني كان ما انتهازي


#1043432 [هارون]
4.13/5 (4 صوت)

06-24-2014 10:10 AM
خلاص اطلقوا سراح ابوك وبقيت قادر تتكلم - صدق من قال: "الاختشو ماتو"


#1043430 [عماد الغبشاوي]
4.00/5 (4 صوت)

06-24-2014 10:09 AM
عرفنا انهم بياخدو قروش من غير وجهه حق انت قروش قصر الصداقة وفندق السودان ورثتهم من جدك لامك ولا لابيك وتعينك لزوجتك سفير في ايطاليا هل ليها علاقة بالسلك الدبلوماسي ياخي استر الخلق يسترك الله . بعدين الاعلاميين لازم ينذوقو شويه من الكعكة يعني براك بتخنق . صحيح ناس ماتستحي


#1043421 [معاوية]
2.63/5 (4 صوت)

06-24-2014 10:00 AM
iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiوانتى يا بتاع الاسمنت بتتقاضى كم
كلكم حرامية فى حرامية انتظرو ليكم يوم قريب ان شاء الله


#1043412 [زول سوداني]
3.94/5 (9 صوت)

06-24-2014 09:58 AM
وانت زاااااتو ياكرتي مهامك شنو خليهم الملحقين الاعلاميين ؟؟


#1043401 [khider]
2.97/5 (6 صوت)

06-24-2014 09:52 AM
دى عرفتها كيف وين كنت قبل 25 سنة يا كرتى الحاصل في السودان كلوا زي دا تعب الغلابة



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
8.38/10 (5 صوت)




الرئيسة |المقالات |الأخبار |الصور |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة