الأخبار
أخبار إقليمية
المجلس الطبي العالمي بدولة الإمارات يكرم سودانياً اختير ضمن أقوى 500 شخصية عربية تأثيرا في العالم
المجلس الطبي العالمي بدولة الإمارات يكرم سودانياً اختير ضمن أقوى 500 شخصية عربية تأثيرا في العالم
المجلس الطبي العالمي بدولة الإمارات يكرم سودانياً اختير ضمن أقوى 500 شخصية عربية تأثيرا في العالم


06-25-2014 09:07 AM
كرم المجلس الطبي العالمي محمد عثمان بلولة، الأستاذ المساعد في كلية الهندسة في جامعة عجمان للعلوم والتكنولوجيا، ورئيس مجلس الخريجين فيها، وذلك خلال الحفل الكبير الذي أقيم مؤخرا في فندق كراون بلازا في دبي، وحضره أكثر من 600 من كبار الشخصيات من أكثر من 25 دولة.
image
هذا وقد استحدث المجلس الطبي العالمي فئة خاصة وجديدة لتكريم المهندس محمد بلولة لكونه أصغر المكرمين في الحفل، وتم منحه جائزة "الإنجازات القياسية لمهندس معدات طبية شاب لعام 2014"، وتم اختياره لاختراعاته وإنجازاته والخدمات الإنسانية والمجتمعية التي قدمها في فترة تعتبر قصيرة جدا مقارنة بعمره، ومن الخدمات المجتمعية التي يقوم بها الحملات الخيرية للتوعية الصحية والتي ينظمها في المحافل المختلفة، وفي المعارض التي تقام داخل وخارج الدولة، والتى دائما ما تلاقي نجاحا كبيرا، وإقبالا لافتا من الجمهور.
image
جدير بالذكر، أن المهندس محمد بلولة كان قد حصل على الكثير من الجوائز العالمية، وتم اختيارة ضمن أقوى 500 شخصية عربية تأثيرا في العالم عن العامين 2012 و2013، عن فئة عالم ومخترع. ولدى بلولة عدد من الاختراعات، مثل نظام المراقبة والتحكم بمرضى السكري عن بعد، ونظام إنذار الضباب الذكي. ويتميز بلولة بمشاركاته في عدد كبير من المؤتمرات والمعارض المحلية والدولية.
image

جريدة الوطن الاماراتية


تعليقات 45 | إهداء 0 | زيارات 10853

التعليقات
#1053080 [abubaker]
0.00/5 (0 صوت)

07-07-2014 11:50 AM
الف مبروك وو الله شرفتنا ورفعت راسنا فوق يا ابني وربنا يوفقك في كل خطاك


#1045309 [كتاحة امريكا]
5.00/5 (1 صوت)

06-26-2014 08:50 AM
السودان يظهر او يفتخر بابنائه اما دولة الاسلاموفيا اين انجازاتها من ربع قرن من التحلل؟؟


#1045214 [مريود]
0.00/5 (0 صوت)

06-26-2014 07:06 AM
نقول مبرووووك وإلى الأمام .


#1045100 [زهج]
5.00/5 (1 صوت)

06-25-2014 11:34 PM
هل درس المهندس البلولة في السودان اقصد خريج الجانعات السودانية !


#1045095 [nagatabuzaid]
5.00/5 (1 صوت)

06-25-2014 11:20 PM
السلام عليكم يا ادارة الراكوبة نشكركم على اسهامكم بتخفيف الامنا وشرح صدورنا بهذه الاخبار الجميلة المفرحة ونرجو منكم ان تجعلوها فى صدارة الصفحة الرئيسية لتفتحوا نفسنا بدلا من سد النفس بناس فلان وعلان الله يقرفهم


#1045094 [nagatabuzaid]
5.00/5 (1 صوت)

06-25-2014 11:12 PM
بسم الله ماشاء الله بارك الله فيك اسعدت والدتك فى مرقدها وشفى الله والدك الذى احسن رعايتك
هكذا السودان الحبيب بينما نحن فى قمة الحزن والالم على حاله يحنوا علينا السودان بمنحنا ابن او ابنة نابغة ليسعدنا فتنفرج اساريرنا عن بسمه وضحكة جميلة وتبرق الاعين فرحا وتغمرها الدموع المتحولة من دموع اسى وحزن الى دموع فرحة وسرور انهمرت دموعى فرحا وازدادت بعد تعريف محجوب معنى بالنابغة واحتراما لابيه نعم احترام حتى البكاء لاب حضن فلذات اكباده مواصلا لمسيرة فارقتها الام بمشيئة المولى عز وجل اسال الله ان يشفى الاب ويمد فى عمره الى ان يفرح باحفاده من ابنائه يا حافظ يا حفيظ احفظهم واحفظ السودان وابناء السودان الشرفاء فى كل مكان


ردود على nagatabuzaid
[nagatabuzaid] 06-26-2014 09:35 PM
تسلم يا ود معنى مع تحياتى24

European Union [محجوب عبد المنعم حسن معني] 06-26-2014 09:31 AM
استاذتنا الفاضلة بت ابوزيد
عاد بعد كلامك ده مافي كلام وتسلمي يا رائعة
مع مؤدتي


#1045059 [بنت الناظر]
5.00/5 (1 صوت)

06-25-2014 09:41 PM
كم يسعدنا أن نسمع بخبر جميل عن أى سودانى يدخل الفرحة إلى قلوبنا التى أضناها الأسى على حال السودان ..
لى صديقة بروفيسر فى جامعة عجمان كلمتنى عن الإبن محمد كلام يثلج الصدر .. عن نبوغه وعن دماثة أخلاقه ..الله يرعاه ويحفظه
الله يسعدك يا إبننا الغالى محمد ويوفقك ويسدد خطاك ..وبارك الله فى والدك وربنا يشفيه ويديه طولة العمر ..ورحمة الله على والدتك جعلها ربى من أصحاب اليمين ..

..وربنا من عظمته ورحمته بنا حينما يغلق بابا يفتح أبوابا أخرى عديدة..

الشكر الجزيل للراكوبة وشكر خاص للأخ محجوب معنى للمعلومات التى أضافها لنا ..
ونتمنى أن نسمع دوما كل جميل وكل خير عن السودان والسودانيين..


ردود على بنت الناظر
[محجوب عبد المنعم حسن معني] 06-26-2014 12:02 AM
الاخت العزيزة بنت الناظر
تحياتي اختي الفاضلة
نعم صدحت صديقتك البروف بالحق
الشكر لك انت ايضاً
مع مؤدتي


#1045012 [أم فريد]
5.00/5 (1 صوت)

06-25-2014 07:40 PM
الف مبروك وتمت فخراً للسودان والسودانيين


#1044997 [آمال]
5.00/5 (2 صوت)

06-25-2014 06:50 PM
الف الف مبرك بجد شرفت السودان و رفعت راسنا قدام الامم كلها و ربنا يوفقك و يكثر من امثالك


#1044994 [بت البلد]
5.00/5 (1 صوت)

06-25-2014 06:44 PM
ألف ألف مبروك ومزيدا من النجاحات في كل المجالات يا رب وفقك الله وسدد خطاك ...


#1044982 [زعلان من الكيزان 25 سنة]
5.00/5 (2 صوت)

06-25-2014 06:37 PM
الف الف مبروك للباشمهندس نحن امة علم واخلاق


#1044962 [صوت من جوبا]
5.00/5 (2 صوت)

06-25-2014 05:54 PM
شكراً للأجانب البيرفعوا راس السودان, المشكلة فينا كسودانيين.


ردود على صوت من جوبا
[korndi] 06-26-2014 09:53 AM
هوي يا صوت جوبا د شنو الكلام الما في محله دا

[كتاحة امريكا] 06-26-2014 08:47 AM
اجانب وانت ايه ؟؟



خليك مع رياك مشار


#1044946 [ادم جمعه]
5.00/5 (1 صوت)

06-25-2014 05:32 PM
الف مبروك ونسأل الله لك بالتوفيق والجزاء الحسن بقدر مانفعت الانسانية. بارك الله فيك.


#1044915 [لوممبا]
5.00/5 (2 صوت)

06-25-2014 04:35 PM
التحايا للباشمهندس/البلولة ولاسرته ولكل السودانيين ولاهل الامارات (زايد الخير) له الرحمة ولوالدة المهندس الف رحمة والشفاء لوالده ومليون مبروك التكريم وربنا يوفقك للخير والمزيد من الاختراعات ومايفيد البشرية وابقى عشرة على نفسك ووالدك واخوتك وما يسعنا إﻻ ان نقول لك وفقك الله وسدد خطاك
والشكر للاخ / محجوب حسن معنى للايضاح والتنوير ووالله الواحد يفختر بسودانيته ووطنه وﻻكن هيهات للوطن المغتصب ربنا يحله ويحل عنا هذه الشرذمة ودمتم .


ردود على لوممبا
[محجوب عبد المنعم حسن معني] 06-26-2014 12:03 AM
الاخ الكريم لوممبا
تحياتي اخي العزيز
مع مؤدتي


#1044900 [رانيا]
5.00/5 (1 صوت)

06-25-2014 04:18 PM
الله يكثر من أمثاله ويزيده .


#1044893 [مجروس ق ش م]
5.00/5 (3 صوت)

06-25-2014 04:03 PM
يا الطاهر علي الريح يكون من النيل اﻻبيض وﻻ من السماء الاحمر المهم انو سوداني يكون حساني وﻻ رباطابي وﻻ جن احمر ده ما مهم اطﻻقا .بقدر ما في هذا السودان من علماء ومفكرين حبانا الله برجرجه من القبلين والعنصرين ما انزل الله بهم من سلطان


ردود على مجروس ق ش م
[korndi] 06-26-2014 09:56 AM
والله كلامك صاح يا الما بتشرب المويةمتل الحديث دا هو البستغلوه الجماعة ديل و يطلعو بيهو زيتنا


#1044869 [بت حبوبتها]
5.00/5 (2 صوت)

06-25-2014 03:35 PM
" يذكر المجد أينما ذكروا .. وهو يعتز حين يقترن "

ألف مبروك للباشمهندس وأسرته ولكل سوداني, وإلى الأمام


#1044838 [ابولجين]
5.00/5 (2 صوت)

06-25-2014 03:05 PM
الطاهر على الريح اذا كنت الذى اعنى ( الباشمهندس الطاهر على الريح) لقد شبعنا قبلية لا تفيد فدعنا منها شفانا الله واياك من شرورها

اول مرة نشوف خبر جميل مبروك لقراء الراكوبة وللباشمهندس


ردود على ابولجين
European Union [ابو خنساء] 06-25-2014 05:41 PM
اين القبلية في حديث الرجل ؟ مبروووووووووووووووووووووووووووك يا هندسة شرفتنا


#1044818 [ود البلد]
5.00/5 (1 صوت)

06-25-2014 02:44 PM
انه شرف عظيم له ولاسرته وللشعب السوداني الابي .. واخاف من الحكومة ان تتدخل في شؤونه واستقطابه فهذا يؤثر على مستقبله .. وهو بعلمه وعقله قادر على قراءة المشهد بكل جوانبه واعتقد انه سوف يكون عند حسن ظن كل سوداني غيور على وطنه .. نتمنى له مزيدا من النجاح والتفوق وان يدعم السودان بما يستطيع ان يقدمه له فالسودان بحاجة الى العلماء الذين هاجروا قسرا او طوعا .. فالقائمين على امره الان اثبتوا فشلهم وانهازمهم عن جدارة غير مسبوقة محليا وعالميا ولا يرجى منهم والعوض عند الله


ردود على ود البلد
[nagatabuzaid] 06-25-2014 10:46 PM
ما تخاف يا ود البلد الحكومة ما بتقدر تستقطب العلماء والرؤوس المليانة ولا تقدر تمر بجنبهم بتعرف من تستقطبهم بتفتش فى الكوش


#1044807 [ود الركابي]
5.00/5 (1 صوت)

06-25-2014 02:25 PM
والله شرفتنا يا باشمهندس البلولة ورفعت راسنا فوق السما.. وربنا يوفقك ويضاريك . ماشاء الله عليك . وبلدنا الحمدلله بخير .. واولادنا كتيرين جدأ ممكن يصنعوا الكتير . بس مالاقين فرص .. اقول لهم اصنعوا الفرص بأنفسكم واسعوا اليها ستنجحوا بأذن الله .. موفقين ..


#1044804 [مرهان بس]
5.00/5 (1 صوت)

06-25-2014 02:23 PM
تهانينا يابطل
بس تتوقع هنا عندنا ممكن يوم حنسمع بطالب او طالبه
يحاول يفكر لينا فى حاجه مهمه تنفع السودان والعالم
ما اظن مع هؤلاء العصابه


#1044795 [تينا]
5.00/5 (1 صوت)

06-25-2014 02:15 PM
ماشاء الله تبارك الله عليك ... الف الف مبروك وربنا يسدد خطاك ... لك الشكر اخى (((محجوب معنى))) على الاضافة بالتعريف اكثر بالباشمهندس الذى شرفنا وربنا يحفظه ... تحياتى ...


ردود على تينا
European Union [محجوب عبد المنعم حسن معني] 06-25-2014 02:36 PM
تحياتي اختي الكريمة تينا وعقبال اولادك ان شاء الله، وكل اولاد السودانيين
مع مؤدتي


#1044756 [ابواحمد]
5.00/5 (1 صوت)

06-25-2014 01:37 PM
الف الف مبروك للمهندس محمد البلولة واتمنا له التوفيق والنجاح من الله وهو القادر عليه ))


#1044702 [سليمان صندل]
5.00/5 (2 صوت)

06-25-2014 12:53 PM
بسم الله الرحمن الرحيم
أفرحتنا يا أبنى العزيز رغم المحن نتمنى لك التوفيق و عقبال الدكتوراه و الاستاذية و مزيد من الاختراعات و ربنا يحفظك.


#1044697 [YASEEN]
5.00/5 (1 صوت)

06-25-2014 12:48 PM
ما شاء الله ربنا يحفظك من العين ويسددخطاك وأن ينفع بك البلاد والعباد


#1044682 [Brins]
5.00/5 (2 صوت)

06-25-2014 12:42 PM
ماشاءالله وتبارك الله مبرووك ياباشمهندس التكريم الدولي الذي افرح قلوبنا في خبر سعيد نقراءه اليوم عكس كل يوم من اخبار تسد نفوسنا وتحزنا على وطن اصبح مبتلى .
لك كل التوفيق والنجاح والى مستقبل زاهر .


#1044652 [ود احمد]
4.72/5 (8 صوت)

06-25-2014 12:13 PM
ربنا يوفقك يا محمد عثمان و الشكر لدولة الامارات اللتي هيأت لك فرص للإبداع .. زمانك في البلد كنت سايق ركشة


#1044612 [المر]
5.00/5 (2 صوت)

06-25-2014 11:40 AM
شكراً لكم ياهل الامارات يا اهل الكرم والجود ينصركم الله ويحفظ دولتكم الفتية فانتم اصبحتم في مقدمة ركب الامم ونسأل الله لكم المزيد من النجاح والاستقرار والله ما قصرتوا ابداً مع البلولةومع كل السودانين اللذين يعيشون علي ارضكم الطيبة ونتمني لابننا البلولة مزيد من التقدم والنجاح والله رفعت رأسنا فوق وشكراً اهل الامارات شيوخ وجماهير


#1044596 [محمد الشيخ]
4.00/5 (3 صوت)

06-25-2014 11:27 AM
مثل هذا يفتح النفس المسدودة الي الامام اخي البلولة


#1044595 [فلان بن علان]
5.00/5 (1 صوت)

06-25-2014 11:25 AM
ألف مبروك ...جـــدع ... وربنا يحفظك لأسـرتك ولأهلك وثم لشــعبك الجبار...


#1044586 [عبد الرحيم سعيد بابكر]
5.00/5 (1 صوت)

06-25-2014 11:18 AM
تستحق التكرم يا بلولة وربنا يدارق عليك..


#1044562 [فادي الوطن بروحه]
3.00/5 (2 صوت)

06-25-2014 11:03 AM
الحمد لله و هنيئاً لك و لشعبك المكلوم الصابر - لقد أنرت لنا شمعة ضياء و أمل في ليل ((الانقاذ)) البهيم.


#1044560 [فادي الوطن بروحه]
5.00/5 (1 صوت)

06-25-2014 11:00 AM
الحمد لله رغم ليل الكيزان الطويل لا زال في تلك العتمة من ضياء و بصيص أمل فهنيئاً لك أيها العالم الصغير و الكبير جداً (( البلولة )) - اسم سوداني أصيل. و هنيئاً لبقية شعبك الصابر المكلوم آملين أن ينجلي عنه ظلام الخمس و العشرون العجاف و شكراً لله الذي لا يقنط من رحمته و تفريج كربه الا القانطون الكافرون...


#1044546 [الإفريقي]
3.00/5 (2 صوت)

06-25-2014 10:48 AM
أتقدم للمهندس السوداني محمد البلولة بتهانئي الحارة بمناسبة منحه جائزة "الإنجازات القياسية لمهندس معدات طبية شاب لعام 2014" اتمني له المزيد من النجاح والتوفيق والابتكارات المميزة. والله سعدت كتير جداً بهذا الخبر المفرح وسط هذا الكم الهائل من الأخبار المحبطة عن الوطن الذي تجثم عليه قوي الظلام لربع قرن من الزمان الرديء.


#1044542 [علي]
5.00/5 (1 صوت)

06-25-2014 10:43 AM
الف الف مبروك باشمندس محمد البلولة هذا فخر لكل سوداني
ان يري ابن جلدته متفوقا في المحافل الاقليمية والدولية
ونتمني لك المزيد من التقدم والازدهار.


#1044541 [ننقولي]
5.00/5 (1 صوت)

06-25-2014 10:43 AM
مبروك الجميل... الذي يثلج الصدر ويذيل الكدر ويبشر الدنيا ما زالت بخير.الف الف مبروك لك والقائمين بلأمر.ودائما لي فوق يا رب.


#1044520 [محجوب عبد المنعم حسن معني]
4.50/5 (8 صوت)

06-25-2014 10:28 AM
محمد عثمان البلولة مثال للشاب السوداني المكافح المحب للعلم والتعلم
ولد محمد عام 81 في مدينة ابوظبي والده كان يعمل في الارشاد الزراعي ووالدته المرحومة نادية محمد محمد علي تبيدي، رحلت والدته الى ربها في سن صغيرة تاركة محمد واخوه عبد الرحمن واختهم زينب في رعاية والدهم، الوالد والوالدة من ابناء امدرمان، تنتمي الام الى عائلة تبيدي بالسودان وهم عائلة مشهورة بتجارة الذهب.
عند ولادة محمد كادت الام ان تفقد حياتها ولكن سبحان الله ربنا عوضها هذا التعب وان لم تعش لترى ثمرة هذا التعب.
ظهرت على محمد علامات النبوغ منذ الصغر، كان يهتم بتركيب الاشياء، اذكر ان محمد قام بصنع جهاز لخالته وهي زوجة عمي، يعمل على اغلاق مصباح الاضاءة في الحمام عند الخروج وقفل الباب وكان في سن صغيرة في ذلك الوقت.
محمد انسان مهذب وخلوق ومتواضع لابعد الحدود، عندما تجلس مع محمد لا تمل منه ابدً فهو مرح جداً وحبوب وخدوم. بارك الله له ورحم الله والدته واتمنى من الله ان يمن على والده بالشفاء.

الان محمد مساعد تدريس في جامعة عجمان ومخترع يشار اليه بالبنان.

التحية للاخ محمد ولكل سوداني وسودانية مثابر(ة).

مع مؤدتي


ردود على محجوب عبد المنعم حسن معني
European Union [محجوب عبد المنعم حسن معني] 06-26-2014 10:06 AM
الاخوان الطاهر وود الجمالاب
تحياتي
نعم والد محمد من الجمالاب ووالدته من مواليد امدرمان وامدرمان هي السودان ووالده كان يعمل ايضاً مع والد زوجته في حرفة الذهب، بس انا قصدي انو محمد ولد وعاش وتعلم مراحله الدراسية كلها خارج السودان وبيت جدهم في امدرمان.
محمد من وين ولا ابوه من وين ولا امه من وين ده مش مهم، المهم انو سوداني وانا حاولته اسلط الضؤ على لمحة من حياة محمد.
خلونا من القبيلة عشان ده هنا ما موضوعنا وده الغطس حجر السودان.
محمد لمن كرموه ما قالو ليهو قبيلتك شنو، كرموه وقالو محمد من السودان
ود الجمالاب مفروض تكتب اسمك بالكامل عشان محمد ود عمك ده فخر لكل السودان وكان على الاقل نابك من الحظ جاني.
كما ذكرت محمد خالته زوجة عمي.
نحن نفرح لكل سوداني
مع مؤدتي

United States [ودالجمالاب] 06-26-2014 08:08 AM
معليش تصحيح محمد البلولة من النيل الابيض الوالد من مدينة الجمالاب والوالدة من مدينة ودشلعي بالنيل الابيض والجمالاب وودشلعي جنب بعض ويبعدوا من الخرطوم 80 كيلو وليس من ام درمان وانا ابن عمو

[nagatabuzaid] 06-25-2014 10:57 PM
لك التحية محجوب معنى بتعريفك بالنابغة البلولة

يا الطاهر على الريح اسم البلولة اسم يشترك فيه كل السودان ولولا تعريف معنى له لاعتقدت انه من الهاشماب ام درمان لان منهم من يحمل الاسم واغتقد معنى وشوقى بدرى يعرفون بللة الهاشماب

European Union [محجوب عبد المنعم حسن معني] 06-25-2014 02:33 PM
مشكور اخي الضعيف (القوي بأذن الله) وامين يا رب العالمين
مع مؤدتي

European Union [الطاهر على الريح] 06-25-2014 02:05 PM
ركزت على نسب المرحومة أمه ولكن اِسمه يدل على أنه من الحسانية وعلى ما أعتقد من الجمالاب بالنيل الأبيض وأود أن نبلغه بتهانينا الغالية ويحق لنا أن نفخر به لأنه رفع اِسم السودان عالياً.

European Union [الضعيف] 06-25-2014 11:52 AM
شكرا أخونا معني لهذه التعريف

نسأل الله للبلولة التوفيق ودوام رفع راس السودانيين فوق

وان يشفي والده ويرحم امه رحمة واسعة ويدخلها فسيح جناته


#1044512 [أبوعلي]
0.00/5 (0 صوت)

06-25-2014 10:25 AM
يا بلولة وفّك الله ويسّر لك المزيد من النجاح
أخوان وأخوات لك بالآلاف نابغون ومتميزون بالسودان
دفن الكيزان عقولهم وحرموها من الإبداع والابتكار
طيّب الأمنيات لك ،لا تقترب من الكيزان أعداء النجاح


#1044511 [موسى محمد]
5.00/5 (1 صوت)

06-25-2014 10:24 AM
تهانينا يا بطل


#1044475 [barracuda]
4.50/5 (3 صوت)

06-25-2014 09:54 AM
لو كان في السودان كان قاعد دلوقت ضمن 5000 خريج ما لاقي شغل . امثاله كثر في جميع انحاء المعمورة وهكذا دولة الامارات العربية تكرم كل من يستحق التكريم.


#1044471 [المتجهجه بسبب الانفصال]
0.00/5 (0 صوت)

06-25-2014 09:52 AM
مليون مبروك خبر مفرح بانجاز لأحد أبناء الوطن الجريح ،،،، مزيد من النجاح والتفوق ،،


#1044470 [لفمان]
5.00/5 (1 صوت)

06-25-2014 09:52 AM
نحن امة علم واخلاق


#1044461 [امجد]
0.00/5 (0 صوت)

06-25-2014 09:48 AM
الف مبروووووووك ... دائما السودانييين خارج الوطن ناجحييييين ومبدعييين ... السؤال لماذا داخل السودان لايوجد ابداع ؟؟؟
الاجابة .. حكومة المتخلفيييين الحرامية ما خلت للشعب السوداني ابداع او تفكير غير في لقمة العيش وقتلت فيهم كل ابداع وانجاز .... محل ما تمشي تلقانا في المقدمة في الخليج وفي اوروبا وفي امريكا وكل العالم ابداع ثم ابداع ... جوه السودان ؟؟؟؟


#1044438 [ودا لبورت]
5.00/5 (2 صوت)

06-25-2014 09:35 AM
ممتاز طيب وين ناس بت الدابي وجماعة دبي والراستة من الكلام دة راسنة دة بقة زي الدولار مرة واطي ومرة عالي


ردود على ودا لبورت
[nagatabuzaid] 06-25-2014 10:59 PM
من ذكرتهم هذا ليس مجال ولا مناسبة لذكرهم ولا وجه مقارنة


#1044425 [صلاح مصطفي أحمد]
5.00/5 (1 صوت)

06-25-2014 09:28 AM
الناس في بلدي تهان وفي بلاد الغربة تزان ( ماهنت ياسوداننا أبداً علينا ، يوما كل يوم نسمع تكريم لسوداني في بلاد الغربة وهذا هو سبب تشبثنا بما بقي من السودان الوطن ؟ بلادي وإن جارت علي عزيز وأهلي وإن ضنو علي ،،،،،،،،،،،.؟



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
10.00/10 (2 صوت)




الرئيسة |المقالات |الأخبار |الصور |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة