الأخبار
أخبار إقليمية
اما ان لهذه الإنقاذ ان تترجل..!!
اما ان لهذه الإنقاذ ان تترجل..!!
اما ان لهذه الإنقاذ ان تترجل..!!


07-02-2014 10:54 PM
عبدالباقي الظافر

في صباح الجمعة الذي مضي عليه اليوم ربع قرن من الزمان كان المقدم صلاح كرار بزي البحرية الابيض يتفقد الأوضاع في شارع الجامعة وجسر النيل الأزرق..في ذات الوقت كان الدكتور تاج السر مصطفى الذي سيصبح وزيرا في عهد الإنقاذ مارا بشارع الجامعة ..المهندس تاج السر كان ينظر بعين الارتياب للرجال الذين سيطروا بكل يسر على مفاصل السلطة في السودان .. تاج السر مصطفي كان يدرك ان قيادة حزبه في الجبهة الاسلامية كانت تعد لانقلابا..لم يوقن الًرجل ان الانقلاب الجديد يخفي لحيته الا حينما حياه المقدم صلاح كرار بما يوحي ان الاسلاميين وصلوا للحكم.
بعد ربع قرن من الزمان يبرز السؤال كيف ينظر الذين صنعوا الانقلاب لمالات فعلتهم..الاجابة جاءت على لسان العميد صلاح كرار في حوار أجرته معه الزميلة الوفاق..كرار الذي تم فصله من كل مواقعه التي كان آخرها سفيرا في البحرين يؤكد ان الإنقاذ ورثها الانتهازيون وأصحاب المصلحة ..ذات الروح الناقدة وربما النادمة جاءت على لسان اللواء يونس محمود صاحب الحديث السياسي المتحمس في بواكير الإنقاذ الذي ذكر في مقابلة صحفية لم يتبقى من الإنقاذ الا البشير والذكريات...اما الشيخ الترابي عراب الفكرة فيكفيه من الندم انه بات الزعيم الذي سجنه تلاميذه في غرفة كادت ان تأكل قدمه الفئران .
تقيم سجل الإنقاذ بعد ربع قرن ربما لا يحتاج لشهادة صناع الانقلاب ..حينما هبت ثورة الإنقاذ على قول ترباس قبل ان يتراجع كان وطننا يعيش حالة حرب تنتهي في الأحراش الاستوائية..سلام الإنقاذ أثمر عن فرار خمس سكان السودان الى وطن جديد..فيما اعداد اخرى من المواطنين تتفرق بين مهاجر اللجوء ومعسكرات النزوح..بلدنا الذي كان يحمل لقب الدولة الاكبر في افريقيا فقد هذا الامتياز دون ان يتجرأ مسئول رفيع بتقديم استقالته.. الحرب الاهلية تمددت في عدد من الولايات وطرق التمرد على ابواب ام درمان عام 2008.
بعيد ربع قرن من الزمان فشلت الإنقاذ في تقديم نموذج الحكم الراشد..في ذات الفترة تعاقب على حكم الولايات المتحدة الامريكية *اربعة رؤساء وخامسهم في الطريق ..بيننا والانتخابات القادمة في السودان اقل من عام ولا احد يدرك ان كان الحزب الحاكم سينجح في امتحان تداول السلطة سلما بين كبار قادته.. بالطبع لا احد يتوقع البتة ان يحدث تغيير ينقل السلطة الى حزب معارض عبر الية الانتخابات المتعارف عليها عالميا.. النتيجة بتنا وطنا معزولا وأمة مقهورة ودولة تتزيل الإحصاءات العالمية .
الاقتصاد ربما يكون الملف الوحيد الذي تستطيع الإنقاذ المباهاة به..زاد الناتج الاجمالي المحلي وتجاوز الستين مليار دولار ..تدفق النفط وتمددت الطرق ولاحت في الافق الجسور السامقة ..مع هذه النجاح وتدفق الاموال ساد الفساد المحمي بالنفوذ..رجال كانوا من زمرة فقراء الامة باتوا يؤدون فريضة الحج على متن الطائرات الخاصة ..رجال اعمال مسنودين بالتاريخ الطويل في مجال الاقتصاد وجدوا انفسهم خارج الشبكة..ومن خاف ان يأكله الغول من الاثرياء هرع الى دار المؤتمر الوطني معلنا الولاء والطاعة ومقدما العربون بتبرع ملياري .
بصراحة أزمتنا اكبر من المعالجة .. *غشاوة السلطة تمنع ولاة أمورنا *من النظر بتجرد وواقعية..بالامس تظاهرت امام البرلمان قبيلة تشكو من ظلم قبيلة اخرى.. اكثر من الف وسبعمائة *نفس تزهق في عام واحد في ذاك النزاع القبلي ..رئيس البرلمان لم يجد ما يقوله للغاضبين غير تعالوا بعد بكرة.
التيار

[email protected]


تعليقات 12 | إهداء 0 | زيارات 4775

التعليقات
#1051100 [طافش افندي]
0.00/5 (0 صوت)

07-03-2014 11:06 PM
باسم الله يا كيزان
باسم الشعب نتحدّى
وانتو ربيبكم الشيطان
قلوب مسمومة مرتدة
لهيب الثورة والعصيان
ساكن فينا من مدة
طلعنا الليلة متحدين
ومتكاتفين عشان نبدا
نزيل طغيانكم الظالم
ونعلن ثورة ممتدة
لآخر الكون ح نمشيها
جميع اطيافنا نلغيها
ونتجمع على الوحدة
عشان نبني الوطن جنة
وصوت الحق إذا رن
يفجر صحوة المبدا
أذيتونا
وأذيتوا الدنيا بي حالا
فضحتونا
وفضحتوا بلدنا وأحوالا
قهرتوا الطفل في الروضة
خنقتونا
وخنقتوا الزهرة والوردة
حرموتونا
حلاوة العيشة والقعدة
بضل شمس الضحى الحارق
وجرح الوجعة احتد
منو الفيكم هو ما سارق
وعايشين نحن بالشحدة
وكل شبابنا قام مارق
يفتش لي وطن أجدى
بدل الذل وصدر السل
ديل ميتين وديل مرضى
تجارة الدين وحلف يمين
كذب بهتان ودجالين
لا قرآن ولا ياسين
لا ركعات ولا سجدة
لا إنقاذ ولا إنجاز
حكم مفطوم على الفوضى
بقدرة ربنا السامع
وحلم نبينا الشافع
وقبضة كفنا البضة
داهية تشيل وتسعاكم
وتلحسوا انتو كيعانكم
وتحت الجزمة تتمدى
حرامية ولصوص سارقين
ورباطين ونشالين
مرافعين خايفة مرتعدة
فصلتو جنوبنا أرض الخير
بيهو حياتنا كانت غير
عظيمة كريمة معتدّة
وفي دارفور كتلتوا الناس
ميت فيكم الاحساس
جشعكم أصلو ما بهدَى
حتى النيل صبح عريان
وماتت دومة امدرمان
وكل الكان جميل عدّا
راحة البال وطيبة الفال
بقت في لحظة بيكم حال
نفس مقفولة منسدّه
وأي فرح بسيط هاجر
وضاع سودانا في غمضة
حق أطفالنا ما بروح ساي
كل وليد ح يتسدا
شقى الحرمان
وقهر حياتو في السودان
وقصرالظلم بتهدّا
بلد نبداهو من أول
جديد وفريد ولو طوّل
طريق الخير إذا انسدّ
بنفتح ليو مساماتنا
ونعبر بيو محطاتنا
عليهو نقيف ونستهدىَ
ونفتح صفحة وردية
طريق نمشيه حرية
بدل قصر الظلام نبني
للإشراقة قطية
فيها حياتنا بيو رغدة
ده في جوانا هو السودان
بلد نحميه من أحزان
وينهض تاني في غمضة
ومن سرطان ومن كيزان
وكل عمايل الأخوان
عشان نرضيه لو يرضى.


#1051090 [طافش افندي]
0.00/5 (0 صوت)

07-03-2014 10:52 PM
يــــا ريسنا عملتها ظاهرة
سير سير ودتنا اﻻخره يا ريسنا
حكومتك خاســـــــــرة
طلب الفول بي خمسة جنية يا
ريسنا عملتها ظاهــــرة
مؤسف جداً يبقي مصيرنا بين
التاجر وبين حكامـــــــــو
ويبقي الواحد كلو طموحو يلقي
قروش تكفيهو طعامـــــو
وتبقي اللحمه وكل أخواتها مرة
ومرة تزور أحﻼمـــــــــو
يجري يساسق ليلو ونهارو ومن
الجوع الشفــع نامو
أقوي مصيبة نبيع أخﻼقنا يوم
تتمد اﻹيد الطاهــــــــــرة
ويا ريسنا عملتها ظاهرة
عشانك باع الناس ماضيهم وقفو
معاك في الصف اﻷوحد
ورفعوا معاك أشعار الثورة نأكل
فته خفافاً نرقد
وبيك يا ريس بعنا قيمنا وناس
من وطن العزة بتشرد
ناس من وين أتباعك جنوو
وناس من كتر الحاجة بتشحد
وناساً كان بتفك الحيرة
جاية الليله تكوس الجابرة
يا ريسنا عملتها ظاهره
في جبروتك ضاع الشايب ضاعو
شبابنا وضاع الشافع
والمفطوم يا دوب تلقاهو قاصد
السوق يا ريس طالع
يمكن يساعد أبوهو العاجز يبقي
الشافع راجل نافع
وشوف أوﻻد السادة القدوة
أسال طه وأسال نافع
يمكن بينهم تلقي إجابة أصلو
البينكم دايماً عامرة
ويا رسينا عملتها ظاهره
شعبنا طيب طيب جداً هدمت
صبرو قلوب عميانة
البترول الطالع بدري كان تدونا
ولو جركانة
يمكن كان يا ريس نسكت وأصلو
طموحنا بيسط بأمانة
نأكل نقرأ ونلقي عﻼجنا لو
أجسامنا بقت عيانة
جبيبو قروشنا الفي ماليزيا من
أموالنا بقيتو دكاترة
ويا ريسنا عملتها ظاهرة
كم من أسره قويه وأمنا معاكم
غرفت معني الفاقا
رب اﻻسره عشان ما موالي
جوه السوق اتشاقا وﻻقا
ولدو الواحد في سنة تالتة وبنتو
المؤمنة راقدة معاقا
خفف ولدو عليهو هموموا ساب
المدرسة ساق درداقا
عرف الواجب من سنة تالتة
ساعد أمو الراضية وصابرا
ويا ريسنا عملتها ظاهرة
قال يس لو فاطمة سرقت في
معناهو بيقطع ايدا
صلي الله عليه وسلم في اقوالو
معاني سديدة
ود النائب ليهو حصانه ولي زول
تاني عقوبة شديدة
والقانون في حقنا بمشي وفي
حضرتكم حاجه بعيدة
بس من أين بنيتو طوابق ومن
ماهية بقيتو جبابرة
يا ريسنا عملتها ظاهره
كنا بنحلم بيك نتلملم ويبقي
وطنّا دا عالم تاني
صحة وموية تجينا نقية والتعليم
يصبح مجاني
التعليم بقي كلو قبانه حق
الحصة جير ومباني
تقرو وﻻدكم في أمريكا وبرضو
تقولو الشعب اناني
عشانكم هاجر عمي محمد
خالتي عواطف بكره مسافره
ويا ريسنا عملتها ظاهره
ساكن في الحي الوراني جاري
جنوبي و جار قرعاني
و الدكان حق الفوراوي وكان
أدروب في الشارع التاني
نأكل في صينية كبيره نعيش
نتقاسم أحلي معاني
وفي اﻷفراح نتكاتف نحنا وعند
الباب تتﻼقي صواني
قمنا ربينا علي عاداتنا وماها
غريبه علي السوداني
وإيدكم جات للوحدة بتبتر هيا
الناهيه وهيا اﻷمرة
يا ريسنا عملتها ظاهرة
بس لﻸسف الحال إتبدل في
أيامكم يا للحسرة
الصينيه خﻼص إتكسرت نسينا
دقيق العيش والكسرة
أصلو سيادتك مافي طريقة
نقوم النجمع ونرجع بكره وهم
الجار بقي كلو العيشه
وهمنا نحنا مواجع تبرا
ومن الضيف أصحبنا بنخجل جوه
البيت ما فيش تمره
ود الوالي فﻼن في لندن ومن
أموال الشعب بيقرا
وكم من شاطر ساب مدرستو
وكيف بالجوع يا ريس يقرا
وكم عيان ما ﻻقي عﻼجو
ومن الهم عينيهو مساهرة
يا ريسنا عملتها ظاهرة
نحنا الخوف والله ما هيلنا نحنا
حماة سودانا ونفرو
ونحنا العزة الفينا قبيلة وما
بنخاف سلطانا وخفرو
نحنا اخترنا نعيش حيرة نكفي
الناس الظلم وخطرو
نحنا أعز نبينا نعبد الله
ونرضي بقدرو التهديد ما بهد
إصرارنا والتعذيب ما بنفع أسرو
أصلو الموت حقو شهادة وكل
الناس ح تركب قطرو
أسرع قبل المد ما يشيلك وليك
تتمد الموجة الهادرة
يا ريسنا عملتها ظاهرة
خلي الناس في حاﻻ وأرحل
أوعا تزيد الطين في البله
شوف قذافي الفات الدنيا وما
شال غير أحقاد و مذلة
وحسني الفارق مجدو القابر
وكل تاريخو رماهو في سلة
وصالح صالح نفسو وغادر
وتونس ربحت فيها القله
بكره أكيد بشار ح يرحل سوريا
تكون في أعظم حلة
أرحل قبل الفرصة تفوتك شيل
أتباعك وكل الملة
خلي الجوع والمرض الفقري
بنقدر نحنا نداوي العلة
ما اﻹنسان من ربو مكرم كيف
ترضاه معاك يتذﻻ
ومهما يطول العمر قصير يا
ريسنا سريع اتحلحل
أرحل سيب سودانا بخيرو واوعا
تفرق ناس الحلة
بكره نموت وتموت ياريس
وسيبنا في حالنا وخاف من الله
مهما يطول العمر قصير يا ريسنا
سريع اتخﻼ
ما اﻹنسان من ربو مكرم كيف
ترضاه معاك ايتذﻻ
أرحل سيب سودانا بخيرو و اوعا
تفرق ناس الحلة
بكره نموت وتموت ياريس سيبنا
في حالنا وخاف من الله
بكره نموت وتموت ياريس سيبنا
في حالنا وخاف من الله


#1051082 [طافش افندي]
0.00/5 (0 صوت)

07-03-2014 10:42 PM
بـــدر مـــدر يـــا رواســـى نـحــن بـعــاد لحـقـنـا الـقـيــف
انـت مدبـج ونحـن نقاسـى بــرد امشـيـر والـمـوج والزيـفـة
مركـبـك الماليـهـا مـطـارق تمـشـى تقـيـف تـسـرح بيكـيـفـة
مـرة مغـارب ومـرة مشـارق وانـت تخـاف الريـح وحفيـفـة
ساوهـا زينـة وفـوقـا بـيـارق وأنــت مـدبـج تــوب وقطيـفـة
فيها المات زو الضاربه الفالق والمسلمين فـى حالـة مخيفـة
كـل النـاس تـرزح فــى كـفـة وأنــت ونـاسـك فــوق الـدفـة
الدايشيـن والراسهـم لفـة والشاخصيـن فـى الـمـدى للضـفـة
سـاولــك فـوقـهـم الـفــة فـــوق الـمـويـة وريـقـهــم جــفــة
مـن العطـش النـص اتوفـى وبـاقـى الـنـص الفـضـل جيـفـة
ضاقوا المـر والحـال استعصـى الشغـال واللاحـق الحصـة
الـواصـل للـرحـم اتقـصـه والـهـداى مــو لاقــى الـفـرصـة
الرسـاى سافـر مـا وصـى خلـى محـمـد واحـمـد وحفـصـة
الأطـفـال العـرفـو القـصـة ســدت جــوه حلـوقـهـم غـصــة
مــن الـجـوع الــدم اتمـصـه واصـبـح كــل الحـلـم رغـيـفـة
كـل الراكـب شـاف احـلامـو دون احـسـاس مـاتـت قـدامـو
فـن كتابـو وكسـر اقـلامـو لا الوالـديـن لا جــار مــا لامــو
هزموه اخوانو البى الجوع ناموا وكم خريج ما لاقى وظيفة
يـا الفكيتهـا وقلـت لهـا سيـرى وعـارف إنـو الدنيـا دمـيـرى
لا فى ضفاف لا شفنا جزيرى لا فى الحيرى لا فى الطيرى
كسـرت جناهـا وقلـت لهـا طيـرى واتملكـت الكانـت ميـرى
يـا السـودان الناصـع وجيـرى ايـد الـحـق صابـونـة وليـفـى
قبلـك كـم متعلـم وقــارى عـكـس الـريـح فكـولـو الـصـارى
مشدوهـيـن متعـشـى وحــارى ريـسـهـا شـلـتـه والـبـحـارى
كـم سنـوات علامهـا البـارى واقفـة وهــم شايفنـهـا جــارى
بقينـا هـلاك والقيـف مضـارى لا حجـار لا دوحــة وريـفـة
حـسـك عيـنـك مــا تتـمـادى وتنـسـى الـراكـب عـنـدو إرادة
الأهـوال الشافهـا وخاضهـا كــان فــى مـدرسـة ولا عـيـادة
شفـنـا الإيــد الكـانـت اجــواده عـلـمـت الله مـــن التعـريـفـة
يــا ريـسـنـا قـــدر وديـــرك فـــك الـدفــة وادهـــا غـيــرك
احفـظ نفسـك ترضـى ضميـرك وقـف اوع تواصـل سيـرك
كان طاوعتنـا شـن بيضيـرك عـرض اكتافـك وفـك البيريـك
لا هنـى وشكـرا وكتـر خيـرك و اي انسـان فـى الأرض خليفـة .


#1050825 [Mohamed]
0.00/5 (0 صوت)

07-03-2014 01:28 PM
يا سيد عبد الباقي مرحبا؛
إحنا طبعا عارفين ومن زمان أنكم ما عندكم حاجة وكل ما طال الزمن حتنكشفوا وحتنفضحوا ووحتنشروا وحتنشروا فضائحكم وتفلسوا فينتهي أمركم والسلام، ولا يستبعد أن يتم ذلك بآلية (التلاشي الذاتي أو الذوبان)، تماما كأسطورة ملك سليمان!! ومع تلاشي الأوهام الخاصة والعامة، وانقطاع الرجاء في 0ثورة الإنقاذ) مع اتجاه البوصلة نحو جماعة حميدتي، فلا نستغرب بالطبع فرار الكثيرين للتبضع والإستجمام والإستهبال في ضل (الراكوبة)؛ فيا مراحب بالوافدين!!!


#1050704 [زول وطني غيور]
0.00/5 (0 صوت)

07-03-2014 11:15 AM
ياسيد عبد الباقي ملف الإقتصاد هو الملف الأسوأ على الإطلاق في عهد الإنقاذ و كل إنجاز هو عبارة عن قرض يعنى دين وسلف عن إي إقتصاد تتحدث وحجم الدين العام وصل 44 مليار دولار وعدد العاطلين عن العمل كل يوم في تزايد وقد بلغ الملايين ولا يوجد دعم للخدمات أوالسلع الأساسية كل شئ بالقروش العلاج - التعليم عن إي إقتصاد تتحدث يا سيد عبد الباقي وعن إي إنجازات تتحدث؟؟


ردود على زول وطني غيور
Saudi Arabia [كروري] 07-03-2014 02:18 PM
مشكور يا أستاذ/ و طني غيور ما ذكرته هو الحقيقة و لكن أمثال كاتب المقال لا يستطيع كتابة مقال الا إذا كذب كذبة كبيرة مثل أن ملف الأقتصاد يعتبر إنجاز في عهد الانقاذ. هل يمكن لانسان عاقل أن يقول مثل هذا الكلام؟


#1050702 [محموم جدا]
0.00/5 (0 صوت)

07-03-2014 11:13 AM
كما قلت أيها الظافر سلام الإنقاذ أثمر عن فرار خمس سكان السودان الى وطن جديد و أن ثلث ما تبقى من السودايين في حالة لا هي بالحرب و لا هي بالسلم تتحرك الشاحنة من ام درمان الى الجنينة و الى ام درمان في شهرين و تحت حراسة الجيش (التفويج) و في بعض المناطق لا يمكن حتى الطيران بطائرات الجيش ناهيك عن الفوج و البعض فضل الهجرة الى بلاد الله فارا بجلده و ابنائه لتفشي الاغتصاب و عدم الامن (النيقرز) في وسط العاصمة ناهيك عن المدن الاخرى و من غلاء المعيشة فضل بعضهم الهجرة الى أي دولة و لو اسرائيل و لو قلبت حجرا في أي واد أو صحراء جرداء في دول الخليج العربي لوجدت سودانيا لا الارض ارضه و لا القوم قومه و لا السماء سماءه و لا النجوم نجومه و لكنها محنة الانقاذ و ما جادت به على هذا الشعب المغلوب على أمره أما من بالداخل فهم في حالات عدة وعي و لا وعيدروشة أو دردشة ضحك و بكاء في نفس الوقت موبايلات واتساب و شبكات و جامعات لا تسمن و لا تغني من جهل و شهادات عليا لا تساوي الحبر الذي كتبت به و حياة سياسية شمولية و خدمات مدفوعة مسبقا و لا يمكن الحصول عليها من ماء كهرباء نفايات و صحة و تعليم و هلم جرا .. الشك يحوم حول من تكلم باسم الدين في المآتم و الافراح و كل من ركب فارهة و كل من لبس اللبس القومي و التحى و كل من تقلد منصبا دستوريا أو تنفيذيا لا يتناسب مع سنين عمره و خبرته و كل من امتلك مشروعات زراعية أو صناعية و كل حج أم اعتمر .. هذه هي الانقاذ باختصار شديد جدا جدا


#1050672 [وحيد]
0.00/5 (0 صوت)

07-03-2014 10:45 AM
الاقتصاد اكثر ملفات الانقاذ فشلا: زيادة الناتج التي ذكرت كانت بسبب البترول و تبخرت كانها لم تكن و اختفت المليارات، المشاريع الانتاجية جميعها تدرت و المصانع توقفت و الزراعة انتهت في بلد هو سلة غذاء العالم ... سعر العملة المحلية مقارنة مع الدولار تدهور الى الحضيض، معدلات الغلاء في ربع قرن تصاعدت الى عشرات الاف المرات ... كل ما قامت به دولة كاملة هو بضعة كيلومترا من السفلتة غاية في الرداءة و لا تنطبق عليها اي مواصفات و نفذت بتكلفة عالية جدا بسبب النهب و الفساد من شركات المسئولين التي تنفذ! ثلالث كباري على النيل نرى في صحرارى السعودية كل يوم كباري اضخم منها على الطرقات السريعة تجدها مصادفة دون ان يعلن عنها .... و المحير ان هذه المشروعات الهزيلة التي تنفذها اي بلدية في السعودية في اقل من عام ، نفذتها انقاذ السجم بمئات المليارات و كلها قروض ربوية و ديون على الشعب السودان ...


#1050430 [التاج محمد احمد]
5.00/5 (1 صوت)

07-03-2014 01:21 AM
مقال جيد ونفس علينا بعض الهواء مع العلم انا نضعك مع جماعتهم
لكن شكلك انتقلت الينا مرحبا بك


#1050403 [لتسألن]
0.00/5 (0 صوت)

07-03-2014 12:05 AM
* كيف يكون(الاقتصاد ربما يكون الملف الوحيد الذي تستطيع الإنقاذ المباهاة به)، و (ساد الفساد المحمي بالنفوذ)!!!!!!!!!!


#1050398 [خالد حسن]
5.00/5 (2 صوت)

07-03-2014 12:02 AM
فليعلم كل من شارك في انقلاب الانقاذ المشؤم
ان الشعب يلعنهم ليل نهار
اللهم ببركة هذا الشهر المبارك انتقم لهذا الشعب من كل من دير وشارك واعان في اتقلاب الاتقاذ
اللهم لاترحمهم احياءا واموات .. اللهم من مات منهم فعذبهم عذابا شديدا والاحياء منهم اجعل حياتهم جحيم وانزل عليهم من الانراض ماعلمنا ومالم نعلم


#1050379 [برهان الفكى]
0.00/5 (0 صوت)

07-02-2014 11:29 PM
الله اكبر على تجار الدين من الترابى الى ابو شلوفتين


#1050377 [عصمتووف]
5.00/5 (1 صوت)

07-02-2014 11:27 PM
الاقتصاد ربما يكون الملف الوحيد الذي تستطيع الإنقاذ المباهاة به..زاد الناتج الاجمالي المحلي وتجاوز الستين مليار دولار ..تدفق النفط وتمددت الطرق ولاحت في الافق الجسور السامقة .اين هو هل هو هذا المذكور والله صحي ظفرتة بالخيابة كل المذكور ممكن اقل ضايط اداري يقوم به في اي دولة وهو ليس في حوجة لظيطة او ظمبريطة وبعدين كله قروض اتحدي يقول واحد دافهعا من بيت ابوه امها قروض هلكتنا وسوف تهلك الاجيال القادمة اما طار الفساد جلده انتهي لا نار تحمسة ولا غيروا



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
10.00/10 (4 صوت)




الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة