الأخبار
منوعات سودانية
ونسة بالدارجي: لاعب الهلال السابق "صبحي": هدفي في الزمالك توفيق من رب العالمين وأجيد طبخ (القطر قام)
ونسة بالدارجي: لاعب الهلال السابق "صبحي": هدفي في الزمالك توفيق من رب العالمين وأجيد طبخ (القطر قام)
ونسة بالدارجي: لاعب الهلال السابق


07-03-2014 11:15 PM


الخرطوم - سارا أبوبكر

رمضان كريم تصوم وتفطر على خير، أنا سارا من صحيفه (اليوم التالي).

- مرحب بيك، الله يخليك تسلمي يا رب.

• معليش فاجأناك بالحوار دا، وح نفاجئك بالأسئلة من نوع إذا تم ترشيحك لرئاسة الجمهورية، ح تعمل شنو؟

- أرفض طوالي، لأنو دي مسؤوليه كبيرة جداً.

• إذا دعاك أحد أصدقائك لتناول الأفطار دون ترتيب مسبق، هل سترفض؟

- بالتأكيد لا، لأني ما بحب أرفض طلب لي زول، لو ما لقيت وقت حأعتذر.

• معليش استحملني شويه، علاقتك بالمطبخ؟

- والله علاقتي بالمطبخ ضعيفة جداً، ولكن يمكنني طبخ حلة العزابة الشهيرة (القطر قام)، ويدي كويسة فيها.

• أول (رمضان) لصبحي خارج السودان؟

- كان عام1987 في كمبالا، مباراة مع الفريق القومي اليوغندي.

• هدفك في مرمي فريق الزمالك؟

- ههه، قصة هدفي دي كانت توفيق من رب العالمين، يعني من ما اتحركنا من مطار الخرطوم وحتى وصولنا مطار جدة، أنا كنت بدعو الله بالتوفيق، والحمد لله طلعت المباراه تعادل وأنا أحرزت الهدف الشهير.

• كيف بتقضي شهر رمضان؟

- أنا زول بحب السهر بالذات في رمضان، ممكن أنوم (9) صباحاً ومدمن مشاهدة تليفزيون.

• شخص أقرب إليك من غيره؟

- أنا علاقاتي كتيرة جداً، يعني ما بقدر أحدد شخص معين، كل أصحابي قريبين مني.

• صبحي وهو في مزاج عالي بحب يسمع لي منو؟

- لمحمد ميرغني وعثمان حسين.

• (اليوم التالي) بتقدم ليك دعوة إفطار على (طبق عصيده بي ملاح روب)؟

- أنا ما بعرف أجامل خالص أكيد ح أوافق ودي وجبة لذيذة وده تراثنا.

• شكرا أستاذ عبدالمعز جبارة:

- عفواً وكل سنة وانتو طيبين.
اليوم التالي

.


تعليقات 1 | إهداء 0 | زيارات 3043

التعليقات
#1051293 [ود الدمازين]
1.00/5 (1 صوت)

07-04-2014 10:29 AM
والله تقول سجل هدف الفوز في كاس العالم وشالوا بيهو الكأس كمان



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
5.50/10 (3 صوت)






الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة