الأخبار
أخبار إقليمية
اسماعيل " الزعلان " يسافر للخارج.. جهاز امن ومخابرات نظام البشير يصادر صحيفة التيار
اسماعيل " الزعلان " يسافر للخارج.. جهاز امن ومخابرات نظام البشير يصادر صحيفة التيار
اسماعيل


07-05-2014 08:33 PM
الراكوبة - جهاز الامن يصادر صحيفة التيار
صادر جهاز الامن عدد اليوم السبت 5 يوليو من صحيفة التيار وقالت مصادر مطلعة ل(الراكوبة)ان المصادرة تمت بعد طباعتها بسبب تناول عدد من الكتاب ومن بينهم مالك الصحيفة عثمان ميرغنى والكاتبة شمايل النور والقسم السياسي لموضوع سفر مصطفي عثمان اسماعيل مغاضبا الى الخارج أضافة الي انتقاد حاد وجه لرئيس البرلمان الفاتح عز الدين بعد طرده لرئيس كتلة المعارضة من البرلمان .


تعليقات 30 | إهداء 0 | زيارات 20920

التعليقات
#1052820 [Sam7]
0.00/5 (0 صوت)

07-07-2014 02:09 AM
من بشة الي مصطفي عصمان:-

مسافر وين مخلينا
و كيف بعدك يكون الحال و كيف تصبح ليالينا
فريقنا ( كافوري ) الكان مفرهد بيك و عاش روعة تلاقينا
صبح حزنان و ما مصدق في يوم ترحل تخلينا
و ين بعدك نلاقي حنان طيبة و رقة يا زينة
مشيت خليتنا للايام منو الغيرك بواسينا
و حاتك نحن ما بننساك و لا بعدك بنسينا
و مهما طالت الايام مصيرو الحي يعود لينا
بنحسب بعدك اللحظات و ليل الشوق يطول بينا
و ما بنتهنى يوم بعدك و لا الايام تصافينا
تصور حالنا كيف بعدك و كيف فاضت ماقينا
رحلت و شلت كل الكون منو الغيرك بواسينا


#1052715 [rashed]
0.00/5 (0 صوت)

07-06-2014 09:43 PM
اصلاً دا المتوقع يتكلم عن حريات قال


#1052706 [albrado]
0.00/5 (0 صوت)

07-06-2014 09:10 PM
الظاهر الجماعة ما راضين عن اداء مصطفي عثمان الفترة الاخيرة الظاهر

جيوبهم فضت من الدولارات ومسكين مسافر كل يوم ليحل مشكلة القادة من مدخرات

المغتربين ما لاقي طريقة معاهم


#1052644 [gargash]
5.00/5 (1 صوت)

07-06-2014 06:03 PM
اي زول شرد بشبش يتحمل زياده عود من نوع القذافي


#1052630 [ناصر حدربي]
5.00/5 (1 صوت)

07-06-2014 05:30 PM
غياب وزير الاستثمار مصطفى اسماعيل سيسبب ضرراً كبيراً لحركة الإستثمار في ...أثيوبيا


ردود على ناصر حدربي
Saudi Arabia [ابو الصديق] 07-06-2014 11:28 PM
هههههههههههههههه كلامك ميه الميه


#1052520 [منو العوض]
5.00/5 (2 صوت)

07-06-2014 02:08 PM
مسافر وين مخلي وراك النار موقوده !!!!!!!!


#1052490 [osama dai elnaiem]
5.00/5 (2 صوت)

07-06-2014 01:42 PM
رمضان كريم --- اللهم اني صايم-- اطباء الامس رجال السودان الاوفياءفي المعترك السياسي-- د. التجاني الماحي--- د. مبارك الفاضل شداد-- د . طه بعشر-- د. الجزولي دغع الله-- د. حسين ابو صالح ثم اطباء الانقاذ الذين سودوا وجه السودان -- د. الطيب سيخه-- د. المتعافي-- د. علي الحاج-- د. مصطفي اسماعيل-- د. غندور والقائمة تطول واترك للزملاء الكريم الاضافة واللهم اني صائم


ردود على osama dai elnaiem
United Kingdom [Abuahmed] 07-07-2014 03:01 AM
د حسين ابو صالح
د جلال الدقير
د احمد بلال
د على الحاج
د غازى صلاح الدين
د مصفى اسماعيل
د المتعافى
د مأمون حميدة
ما تنسوا و كلو موثق

United Arab Emirates [julgam] 07-07-2014 12:36 AM
مطرف صديق،عبد الله سيد أحمد ،الصادق قسم الله،كمال الشين ،غازى صلاح الدين وكل بقية عقد ال....

United Arab Emirates [بشير] 07-06-2014 11:19 PM
نسيتو اسواء دكتور فيهم واجشعهم نهما لمال السحت الا وهو الطبيب مامون حميده

United Arab Emirates [amir] 07-06-2014 05:17 PM
الجزولي دفع الله وحسين ابو صالح ضمهم للطيب سيخة والمتعافي وعقد البعر

[بت مكوار] 07-06-2014 04:22 PM
نسيت سبب مرضنا وازانا ، ود سر تجار سنار ، صاحب الزيتونة ،العندو جامعة مشهورة عرفتو ؟


#1052485 [المر]
5.00/5 (4 صوت)

07-06-2014 01:36 PM
ياخوي دا من مارشحوا في الولاية الشمالية اتحداهو يقول انا عملت حاحة للغلابة الرشحوهو ، وسبحان الله اي منصب اشتغل فيهو ماعمل التكتح ، ولذلك الفشل متأصل فيهو . وللاسف كل مرة يرشح نفسو ويفوز لانو عندو شرزمة جارين قداموا . قال الشاعر زهير ابن ابي سلمه ومن يفعل المعروف في غير اهله يكن حمده زما" عليه ويندم . وانشاء الله سيكون في مزبلة التاريخ .


#1052426 [barfty]
3.00/5 (1 صوت)

07-06-2014 12:30 PM
الناس ابتكرت طرق اخري للسرقة المغتربين يعني الصتفي جعفر رقم 2 ( دي علي وزن مشروع سندس الوهمي )


مشروع مدينة سكنية متكاملة الخدمات للمغتربين بالخرطوم

الخرطوم – تشهد العاصمة الخرطوم عقب عطلة عيد الفطر المبارك ورشة عمل كبرى لمناقشة مشروع المدينة السكنية متكاملة الخدمات للمغتربين السودانيين والتى تعتزم مجموعة نوباتيا للمقاولات إنشائها ، والتى تقترح لها المنطقة الواقعة جنوب سوبا .
وصرح المعز محمد عثمان ساتي سوار الدهب رئيس مجموعة نوباتيا لـ (سونا) أن قيام هذا المشروع يتطلب تعاون ولايتي الخرطوم والجزيرة وجهاز تنظيم شؤون العاملين بالخارج، باعتبار أن المدينة السكنية ستساهم في دفع الاقتصاد الوطني باستقطابها للعملات الأجنبية، حيث سيتم شراء الوحدات السكنية عبر القنوات الرسمية للدولة، وهي البنوك العاملة في البلاد، وبسعر بنك السودان المركزي الرسمي للدولار، وبالتالي ستستفيد الدولة، التي يبقى عليها الدور الأكبر في توفير الأرض لهذه المدينة السكنية وبسعر واقعي.
وأشار المعز سوار الدهب إلى أن المشروع سيوفر آلاف الفرص للمهندسين الذين يبحثون عن العمل، فيمكن للمجموعة فتح المجال للخريجين من المهندسين ليؤسسوا شركات، وفي العلن، وستدعمهم الشركة بتوفير المعدات والإشراف الهندسي، وبالتالي الاسهام فى استيعاب الشباب ، و اكسابهم مهارات التنفيذ ، مشيرا الى أن ذلك يتطلب تخفيض الجبايات الضرائب وغيرها حتي لفترة محدودة تتراوح بين ثلاثة وخمسة سنوات.
وكشف المعز أن أسعار الوحدات السكنية التي ستقام في المدينة السكنية للمغتربين تبدأ بخمسين ألف دولار ومافوق يشمل الأرض والبناء المقام عليها ويسلم جاهزا، وسيكون تخطيطها بواسطة مهندسين تخصصهم تخطيط مدن حتي تكون مدينة حديثة بها كل الخدمات من صرف صحي ومياه وكهرباء ومدارس ومساجد وميادين وخلافه، بجانب أن تخطيطها سيكون مدروسا .
و دعا رئيس المجموعة الدولة ممثلة في رئاسة الجمهورية بتبني مدينة المغتربين السكنية، الذين تقدر أعدادهم بنحو المليونين، وقال (إن مدينة المغتربين ستفتح المجال لإنشاء آلاف الشركات السودانية،حيث يسيطر على قطاع الانشاءات الآن الشركات الأجنبية، فالأولويةللشركات الوطنية وسودنة هذا القطاع)، مشيرا إلى أن المغتربين السودانيين شريحة يمكن أن تعلب دورا رئيسيا وليس هامشيا في الاقتصاد السوداني عبر توجيه مدخراتهم بالقنوات الرسمية .
من ناحية اخرى أشار المعز إلى أن ورشة العمل التي ستعقد بعد عطلة عيد الفطر في الخرطوم ستبحث وتتعرف على نوعية المنشآت التي يرغب فيها المغترب، ومدى مقدرته المالية للدخول في هذا المشروع، وهل ضمانات البنوك كافية لهم أم يرغبون أن تدفع التكلفة بعد أن يستلم المغترب المنزل أو الفيلا الصغيرة أو البيوت الجاهزة أو المبنى ذى الطابق الأرضي أو بدون أعمدة، وكلها تتجمع فيها المواصفات المطلوبة من المغتربين .
سونا


ردود على barfty
[حسكنيت] 07-06-2014 01:29 PM
القنعان من العندو إجينا جاى


#1052418 [مؤتمر وطني قال]
5.00/5 (3 صوت)

07-06-2014 12:19 PM
الرجل فشل فشلاً زريعاً في الإستثمار و لم يجلب |أي رؤوس أموال للبلد حتي الوطنية طفشت و ما عارف قاعدين لمتين ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟


#1052409 [قرفان ديمة]
5.00/5 (4 صوت)

07-06-2014 12:08 PM
ابن الانقاذ المدلل باين عليه شبع .....بعد ما باع الدنيا كلها.... حتى لو ذهب إلى القمر...حيروح من ربنا وين...وهو القائل أن الانقاذ علمتنا كيف ناكل ونشرب ... والباقين...قالو علمتنا البتزا والهوت دوق...." ولا تحسبن الله غافل عما يفعل الظالمون ولكن يؤخرهم إلى يوم تشخص فيه الأبصار" صدق الله العظيم


ردود على قرفان ديمة
United States [الله يلزمنا الصبر] 07-06-2014 08:11 PM
المصيبه معظم من نهبوا وافسدا وعذبوا عندهم جنسيات اجنبيه وعلي راسهم هذا المخنث والمخنث الاخر مندور وكثر اخطر منهم ولكنهم يعيشون في الظل ويملكون جنسيات امركيه وانجليزيه وكنديه وووو


#1052403 [أنور النور عبد الرحمن شريف]
5.00/5 (5 صوت)

07-06-2014 11:57 AM
تخبط جهاز الأمن والاعتقالات المكثفة للشرفاء من المواطنين إرهاصات فشل النظام في مجابهة الواقع حيث تضيق الأرض على المفسدين وهو ضيق إلهي على الجائرة التي تسمى نفسها بهتانا وكذبا بالحركات الاسلامية , القمع بدلا من محاربة الفساد القتل والتشريد بدلا من تمكين الأمن والطمأنينة ومحاسبة الظلمة والمفسدين . تفتيت البلاد بدلا من وحدتها .اللهم عجل بنصرة شعبنا السوداني المكلوم.


#1052361 [شغل خفافييش جد جد]
5.00/5 (6 صوت)

07-06-2014 11:02 AM
سلام يا راكوباب
خطه متواضعه ومباشره لمنع وحماية المستثمرين من الوقوع في شبكة الانقاذ وبالتالي يفضحونا وما يثقوا فينا في المستقبل بعد زوال الانقاذ . لازم نضبط ليناصيغه خطاب كارب وممكن كدا عن خداع الانقاذيين لرجال الاعمال المستثمرين في السودان نوصلها مباشره لكل رجل اعمال في ايميله الخاص او ايميل شركاته في دولته نعطيه خلفيه كاملة عن العوائق التي ستواجههة والشبكة التي سيقع فيها

وهي أولا ان الاراضي هي ملك لقبائل ومحل نزاع سيحتاج المستثمر وقت طويل لفض النزاع فيها
ثانيا الاجراءات العقيمة والسماسرة
ثالثا عدم استمرار الكهرباء وتلوث المياه

وغيرها من النقاط اللي بتصيدوا بيها المستثمرين وما بنوروها بيه ويجي يتفاجأ بيها بعدين .

وكل ما تشوفو الطفل المعجزة ده قاعد مع رجل اعمال خليجي طوالي تفتشوا لي ايميل رجل الاعمال وما اسهل الطرق او ايميل الشركة وكل واحد في الدول الخليجية يقوم يفتش عن شركات رجل الاعمال ويجيب لينا الاييلات المباشره علشان نوضح ليه ونكشف ليه اجرام الانقاذ حتى لا يقع فريسه عندهم ويقولوا السودانين خداعين يجمعونا كلنا والنصح خير .

ونقص ليهم اي مصدر تمويل من الخارج

علشان نوريهم الشغل الصاح واللعب التقيل والخفافيش تبدا شغلها .


ردود على شغل خفافييش جد جد
Saudi Arabia [الساحر] 07-06-2014 06:35 PM
أحييك علي الفكرة الخطيرة
لأنو أكتر حاجة مؤرقة جدا إنو بعد زوال الانقاذ فعلا حيكون في أزمة ثقة كبيرة
وبرضو ممكن نرسل رسايل تحزيرية للمستثمرين المسنودين من الحكومة ونوضح ليهم إنو دي أموال وأراضي الشعب السوداني وحترجع ليهو


#1052338 [أبو زقالة المفترس]
2.00/5 (3 صوت)

07-06-2014 10:40 AM
بسم الله الرحمن الرحيم والصلاة والسلام علي أمام المتقين وبعد:
خلو الخلق للخالقه.
مصطفي عثمان أسماعيل من القولد وديل أهله ما ممكن يضرهم .
نحن نفترض أنه يريد الأصلاح؟
والله يهدي الجميع ويكونوا علي قدر الثقة والأمانة التي ولاهم الشعب لها.
وكل عام وأنتم جميعا بخير ونسأل الله أن يجعل بلادنا سخاء رخاء ويجنبنا الفتن
ماظهر منها وما بطن -ويجعل المحبة بيننا كسودانيييييييييييييييييين؟


ردود على أبو زقالة المفترس
Saudi Arabia [سادمبا] 07-06-2014 10:00 PM
اكبر حرامى ومصلحجى لا نفع القولد ولا نفع السودان حرام ابن كلب


#1052323 [نهي]
5.00/5 (5 صوت)

07-06-2014 10:22 AM
بجي يوم انت البتسافر للخارج وبعد دا نجيبك مذلول للداخل عشان اهل السودان يقتصوا منك


#1052307 [ابوكرتونة]
5.00/5 (2 صوت)

07-06-2014 10:04 AM
نحن زعلانين 25 سنة وما كنا مشاركين في البحصل ضوق يا بخيت


ردود على ابوكرتونة
[The Observer] 07-07-2014 01:46 AM
!!!!!


#1052303 [سوف ننتصرعلي الكيزان الجهلة اللصوص]
5.00/5 (6 صوت)

07-06-2014 09:55 AM
الرجل تقلد مناصب ووظائف ليست له ولكنها المصالح الذاتية والفئوية الضيقة . ومصلحة الوطن عندهم هي اخر الهموم... يقال انه طبيب أسنان . كانت مهنة شريفة ومربحة لكثرة المراجعين عندما كان الكل يأكلون اللحم وما اوفره في تلك الايام ... اما الان وقد اصبح اللحم حصرا علي موائد تجار الدين واكلة قوت الشعب من الكيزان .فلسنابحاجة لطبه.ليذهب ولتذهب معه سيرته السيئة. اما عن ما اكتنزوه فسنسترده "علي داير المليم"..


ردود على سوف ننتصرعلي الكيزان الجهلة اللصوص
[حسكنيت] 07-06-2014 01:32 PM
ما يسوق معاه غردون وبلا وجع ضروس


#1052301 [سارة عبدالله]
0.00/5 (0 صوت)

07-06-2014 09:49 AM
يعنى تصدق ان مصطفى اسماعيل خارج السودان دا فى بريطانيا امن نفسه وعلى احسن حال

الناس بتعرف مصطفى اسماعيل ودهنسته الى حبيب حبيبته الانقاذ ليه ما اعتقلوة مش عمل مشادة كلاميه شيء غريب اصلوا الراجل له بيوت فى لندن وحسابات بدولارات الراجل حالته

الاسترلينيه باالملاين من اين عرف المسأله قربت تنتهى وقال احسن امشى فبل ما تنتهى

وكون فى عداد سكان كوبر الانتربول ما بجيبوا الراجل بريطانى الجنسيه


#1052227 [kafi]
5.00/5 (1 صوت)

07-06-2014 05:55 AM
على قول ود الصائغ الزول دا ما بيمرق من السودان والا والبشير وجماعته معاه و يعنى خروج جماعى وبلا رجعة وانشتء الله قريبا جدا عشان الناس ترتاح


#1052203 [أبو زهانه.]
2.50/5 (3 صوت)

07-06-2014 03:43 AM
يا،،،دايش سافر بي جواز داعش
وأنسي إنك كنت عايش .


#1052197 [adil a omer]
4.75/5 (5 صوت)

07-06-2014 03:19 AM
امك فكه البيرق

معقول تزوغ قبل ما تدفع الحساب بنجيبك والله لو تمشى المريخ


#1052166 [Aadil Khidir]
4.75/5 (6 صوت)

07-06-2014 02:19 AM
بسم الله الرحمن الرحيم
" واعتصموا بحبل الله جميعا ولا تفرقوا" صدق الله العظيم
ويقول الشاعر: تأبى الرماح اذا اجتمعن تكسرا واذا افترقن تكسرت أحادا
مواطنى الولاية الشمالية عامة ومواطنى محلية القولد خاصة مدعوون الى وقفة بطولية للحفاظ على اسباب بقاء كينونتهم الاقتصادية فى مواجهة الهجمة الخليجية على أراضينا باسم الاستثمار.
مبدأ : نحن مواطنو الولاية الشمالية نرحب بالاستثمار الاجنبى والخليجى خاصة فى الولاية الشمالية شرط ان يكون استثمارا مرشدا وموجها لصالح الوطن والمواطنين.
طالعتنا الاخبار بأن مستثمر اماراتى قد حصل على امتياز زراعة مليون شجرة نخيل فى سهل القولد، بما يعنى الحكم بالاعدام على مواطنى الشمالية وكل منتجى التمور فى الولاية الشمالية وكافة منتجى التمور بالولاية الشمالية وكافة ولايات السودان، وخلق منافسة غير متكافئة تزيد من وطأة الكساد فى سوق التمور ، وهكذا استثمار كما هو موجه ضد المواطن بالدرجة الاولى، فانه يصيب الجهود الوطنية فى مقتل، فمنذ سنوات ، تبنت وزارة الزراعة الاتحادية اشاعة زراعة التمور الخليجية فى ولايات الخرطوم ونهر النيل والولاية الشمالية ، وفى هذا العام رصد البنك الزراعى السودانى وشركة زادنا مبلغ ستين مليون دولار لزراعة التمور فى الولايات المؤهلة لزراعة النخيل ، وعليه فان وزارتى الزراعة والاستثمار فى الولاية الشمالية تغرد خارج السرب وتعمل ضد المؤسسات الوطنية الحكومية وتعمل ضد مصلحة الوطن والمواطن:
أما فيما يختص بالشركات السعودية التى تحصلت على أراضى فى سهل القولد لزراعة الاعلاف فإنها استثماراتها غير ذات نفع للمواطن وللوطن ، إذ ماذا يستفيد السودان من مشاريع شركات المراعى وتبوك والصافى والجميح وأمطار والتى لديها ملايين الرؤوس من الابقار والانعام فى السعودية وغيرها ، هذا استنزاف لمخزون السودان من المياه الجوفيه ، ومن المفارقات المذلة ان شركة المراعى السعودية انشأت مزرعة لعدد خمسين الف بقرة فى جمهورية مصر ( وبالدارجة السودانية : يكاكو فى القولد ويبيضوا فى مصر والسعودية)
على مواطنى محلية القولد اجبار حكومة الولاية على تعديل الرخصة الاستثمارية لهذه الشركات السعودية لتكون كالآتى:
1- اجبار الشركات السعودية على تخصيص 50% من المساحة الممنوحة لها لزراعة القمح والحبوب الزيتية ولا يسمح لها الشروع فى انتاج الاعلاف الأ بعد تحقق الاكتفاء الذاتى .
2- إجبار الشركات الزراعية على تخصيص 25% من المساحة الممنوحة لهم لاقامة مشاريع لانتاج اللحوم والالبان فى مواقع المشاريع وتامين الامن الغذائى وتوفير الوظائف لمواطنى الولاية.
3- اجبار الشركات السعودية على تخصيص 90% من الوظائف القيادية والفنية والعمالة الماهرة و100% للوظائف العمالية من داخل الولاية .
4- اجبار الشركات السعودية على تخصيص 25% من المساحة الممنوحة لها لمواطنى محلية القولد واستصلاح الارض وتزويدها بمياه الرى وتقديم الدعم الفنى بالفيمة التى يتم الاتفاق عليها.على غرار ما هو واقع فى ولاية نهر النيل وولايات النيل الابيض وسنار.
5- تمنع منعا باتا الشركات الاجنبية من الاستثمار فى التمور والفاكهة والمحاصيل البستانية كالبصل والتوم والبطاطس والتى تتمتع بها الولاية الشمالية بميزات تفضيلية على ولايات السودان الاخرى.
6- عدم السماح للمستثمرين الاجانب استغلال مخزون البلاد من المياه الجوفية ، وعليهم استغلال الفائض من حصة السودان من مياه النيل ، واقتصار الاستفادة من المياه الجوفية للسودانيين فقط.
مفارقات!!!
بتعيين المهندس عادل جعفر وزيرا للزراعة بالولاية الشمالية ـ أعاد الاسطوانة المشروخة بما يسمى بأراضى السدود بموجب القرار رقم 206 والذى تم تجميد العمل به بتوجيه من رئاسة الحمهورية نتيجة لجهود اللحنة الشعبيية لمناهضة القرار، والمفارقة المحزنة ان الشركات السعودية تستثمر الأن فى سهل القولد فيما يسمى بأراضى السدود فى نفس الوقت الذى يمتنع فيه وزير الزراعة بالولاية الشمالية عن منح تراخيص استثمارية لمواطنى المحلية والشركات المملوكة لهم فى تفرقة ظاهرة ما بين المستثمر السعودى والمستثمر الوطنى .
على المجلس التشريعى بالولاية الشمالية والمجالس الشعبية بالمحليات النهوض بدورها التشريعى والرقابى فى توجيه الاستثمار الاجنبى لما فيه مصلحة الوطن والمواطن
والله من وراء القصد


ردود على Aadil Khidir
[حسكنيت] 07-06-2014 01:51 PM
أحييك يا عادل ، واضح أن الغرض من الإستثمار هو فائدة تذهب لجيوب البعض وضرر كبير يلحق بالوطن والمواطن ، ورغم أن وزير الٍإستثمار من المنطقة فإنه رجل بلا ذمة ولا ضمير
وبالأمس سمعنا عن الحرائق التى تقضى على أشجار النخيل بقية إحلال الأجنبى مكان المواطن
والتهجير طال الأراضى بعد تمكن من الخدمة المدنية
بإختصار سقوط شنيع نحو الهاوية ..ثم يأتى أحد المعلقين ويدعى الجنون وهو ليس أكثر من مستهتر فارغ

Qatar [zooooooooool] 07-06-2014 12:53 PM
you 100%

United Arab Emirates [مجنووووووون] 07-06-2014 11:25 AM
الهجمة الخليجية؟ بالله عليك انت ماتخجل شخص حضر الى مناطقكم المتخلفة واراد ان يطورها ويقييم مشاريع زراعية فيها تفتح ابواب الرزق على عوائل فقيرة وبعدين كيف يستهلك المياه انتم ام هو لازم واحد فيكم يستعمل هذه المياه ولا عايزين المستثمر يجيب معاه بيبسى يزرع به وبعدين ياخوى وين المؤسسات الوطنية التى تتكلم عنها ويعمل المستثمر ضدها؟ واخيرًا الحاجة الماقادرين انتم تعملوها خلو غيركم يعملها يفيد ويستفيد وصدقونى اذا كنتم انتم بتكرهوا المستثمر لعقد نفسية او اسباب اخرى احب ان اعرفك هناك دول متقدمة مثل نيوزلاندا وكندا تمنح حق المواطنة والجنسية للمستثمر الذى يملك مابين 50000 الى 75000 دولار فقط


#1052141 [ابو الخير]
3.00/5 (2 صوت)

07-06-2014 12:42 AM
لا اصدق ذلك مافي سمسرة في الخارج
الراجل ينوبه جانب من كل سمسرة وغسيل اموال
اهل الانقاذ ديل كلهم اولاد حفرة واحد لامكن يختلفوا


#1052123 [منشى]
4.50/5 (4 صوت)

07-05-2014 11:43 PM
اها بدينا .. سبتمبر لسه ما جا ... الهروب الفرادى و بعدين الجماعى , بس الجمعتوا كلو جوه و المسموح بان تخرج و لكن كهيئة ما قبل 1989 .


#1052094 [وحيد]
4.63/5 (10 صوت)

07-05-2014 10:41 PM
لازم يقفلوا الصحيفة و يصادروها و يقبضوا الصحفيين الزنادقة هؤلاء الذين ينتقدون اسياد البلد من اهل الإنقاذ ... ديل قادة البلد و حكامها و المتمكنون بامر الله و لا يجوز نقدهم او مراجعة افعالهم لانهم معصومون من الخطأ و كل من يفعل ذلك فاسق يصادر ماله و يهدر دمه لانه تعدى على الحرمات و انتقد القادة سادة البلاد و العباد


ردود على وحيد
[السودانى الغيور] 07-06-2014 12:20 PM
الوحيد خلانى وحيد ,,ترررررم ...ترررررررررررررم

United Arab Emirates [كمال] 07-06-2014 10:55 AM
الزول ده مالو؟


#1052089 [ود نفاش]
3.00/5 (2 صوت)

07-05-2014 10:34 PM
ان شاء الله سفر بلا عودة
المزعله شنو ماكل وشارب الناقصة شنو
كان المفروض ياخد معه عشرة من المواطنين المقاضبين
وكمان ياخد معاه البشير


#1052074 [المشروع]
4.50/5 (4 صوت)

07-05-2014 09:57 PM
انا الشي المحيرني لماذا يمكر هؤلاء القوم الم يشبعوا من المكر والكذب والنفاق؟ انا على ثقة الحاجة التي يريدون ان يصلوا اليها ممكن يصلوا اليها بدون نفاق وبدون لف ودوران لماذ يلف الترابي وعلى عثمان وبقية الكمبارس حقهم ... سبحان الله ، الله سبحانه وتعالى يقول (ومن اهل المدينة منافقون مردوا على النقاق) كانما هذه الاية نزلت فيهم بالضبط ...اذا كان خطيب وامام الجامع الكبير في الخرطوم يترك كل شي وعندو جن راكبوا اسمهو السيسيي ؟ انت مالك ومال السيسي خليلك في بلدك ... هذا الكلام جابتوا المناسبة ومصطفى اسماعيل لن يغادر هذه البلد حتى آخر قطرة اذا كان يوم في الخرطوم ويوم في رومي البكري بلده ويوم في دنقلاء يسوى بي لندن شنو؟ العز الموجود في السودان لن يجده في بلد الديمقراطية وبل الكل واحد كل الناس والحيوانات متساوية في الحقوق والواجبات والكل متواضع اما في السودان لازم صاحبكم يتقندف على نساء العالمين.


ردود على المشروع
Germany [بكري الصايغ] 07-05-2014 11:42 PM
اقتباس:
/ومصطفى اسماعيل لن يغادر هذه البلد حتى آخر قطرة اذا كان يوم في الخرطوم ويوم في رومي البكري بلده ويوم في دنقلاء يسوى بي لندن شنو؟ العز الموجود في السودان لن يجده في بلد الديمقراطية/...

والله ماقلت الا الحق يامشروع...


#1052073 [عزة]
4.50/5 (4 صوت)

07-05-2014 09:50 PM
المتحيل تبكى الريشه
صدق الامام جمال الوالى


#1052058 [عبد الله]
4.00/5 (3 صوت)

07-05-2014 09:16 PM
قطر عجيب يا اسماعيل


ردود على عبد الله
Saudi Arabia [من المركز] 07-05-2014 09:40 PM
لكن قروش الشعب معاه نحنا دايرنه لحم حي


#1052053 [A. Rahman]
4.81/5 (9 صوت)

07-05-2014 08:55 PM
هذا النصاب مصطفى اسماعيل لم يذهب مغاضبا، بل هو يفتعل المغاضبة لانه من زمان عنده شعور بان المسالة قربت تتفنقل، و هو يريد ان يكون خارج السودان لما الحكاية تنتهي، خاصة و هو يحمل جواز سفر بريطاني، لكنه عارف اي شقلبة و هو جوة بريطانيا ذاتها ما حتقدر تخارجه ابن الصرمة. مش زمان وصفوه بانه يشرب شاي المغرب في المنشية و يتعشى مع الباهت علي عصمان؟ دا زول ماضية دا؟


ردود على A. Rahman
Sudan [ابوالشوش] 07-06-2014 11:15 AM
ياساتر



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
5.63/10 (5 صوت)




الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة