الأخبار
أخبار السودان
بالغت يا (سامي)



07-08-2014 01:47 AM
كمال كرار

قال المؤتمر الوطني في معرض الفشخرة أو المسخرة أن عضويته تساوي 10 مليون مواطن،ومعناها أنه حزب جماهيري وسيكتسح أي انتخابات (مضروبة)،العاجبو عاجبو والما عاجبو يسكن سوبا .
طيب التعداد السكاني المضروب قبل الانتخابات الماضية قال عدد سكان السودان بما فيه الجنوب يساوون 40 مليون، ومافي زول جاب رقم تاني .
أطرح من العدد أعلاه،الجنوبيين بعد الإنفصال وقدرهم 8 مليون يفضل الباقي 32 مليون .
أطرح من العدد أعلاه 3 مليون مواطن هم عدد سكان السودان الشمالي الذين طفشوا في مشارق الأرض ومغاربها بسبب الإنقاذ فيكون الباقي 29 مليون .
أطرح منهم 4 مليون دارفوري موزعون في معسكرات النزوح واللجوء في دارفور وتشاد،وهم بالطبع لا علاقة لهم بالمؤتمر الوطني ولا يستطيع أي سادن التهويب نحوهم وإلا لقي ما لا تحمد عقباه إذن الباقي 25 مليون .
أطرح منهم الأجانب القاعدين في بلادنا والذين شملهم التعداد لأغراض لا تخفي علي أحد وهم 3 مليون مواطن من مختلف الجنسيات ، إذن الباقي 22 مليون .
أطرح منهم عدد الجنجويد الذين عبروا الحدود من غرب افريقيا لداخل بلادنا طوال السنوات الماضية بمن فيهم زوجاتهم ونسابتهم والمقدر عددهم بمليون جنجويدي ،إذن المتبقي 21 مليون مواطن .
أطرح مليون تاني هم ناس الجبهة الثورية بتنظيماتها المسلحة ولا تنسي الحلو وعرمان وعقار فالباقي 20 مليون
أطرح من العدد الأطفال دون سد الرشد والمقدر عددهم 10 مليون وهم دون سن ال18 سنة ،وبالتالي خارج عضوية المؤتمر الوطني أو أي حزب آخر فيكون الباقي 10 مليون مواطن .
كل من هم خارج إطار الفئات أعلاه هم مؤتمر وطني كما قال سدنة الحزب الحاكم، وعليه فأنت عزيزي القارئ عضو مؤتمر وطني غصباً عنك .
وأنت مؤتمر وطني وليس من حقك مغالطة الحكومة التي وضعت إسمك في دفاتر حزبها العجيب.
وسيأتيك السدنة ذات يوم وبأيديهم إيصالات يطالبونك بدفع متأخرات إشتراكك في حزبهم الفاسد فقل لهم هاتوا متأخرات التجنيب وبعد داك نتحاسب.
فإن قالوا لك فسر كلامك دا،فقل لهم أنكم في عام واحد (جنبتوا) 63 مليار جنيه سوداني،ولهفتوها بحسب ما هو مذكور في تقارير المراجع العام، وطالما كنا 10 مليون فاسد، فلنقسم 63 مليار علي 10 مليون والنتيجة 6300 جنيه، معناها أكثر من 6 مليون جنيه قديم هي نصيبي من الأموال المسروقة .
وإن خرجوا ولم يعودوا فاكتب مذكرة للسلطات المختصة وقل فيها أنك مؤتمر وطني ( بوضع اليد) وطالما أن هذا المؤتمر قد حصل علي أكثر من 200 مليار دولار من عائدات البترول ومشتقاته خلال الفترة من 1999 وحتي 2011 فإنك تريد (حقك) وبالفوائد كمان .
وإن لم يرد عليك التنابلة،فاستعمل الخطة (جيم)،ولاتخف من أصحاب الحلاقيم.
صدق أو لا تصدق في بلادنا 10 مليون حرامي زائد واحد إسمو (سامي) .
[email protected]






تعليقات 8 | إهداء 0 | زيارات 3380

التعليقات
#1054356 [(ابو الهيثم )]
0.00/5 (0 صوت)

07-09-2014 06:15 AM
سوف تعلن المفوضية ان الذين صوطو عددهم عشوة مليون والعندو شك يجيب دليلة ماتتكلمو ساكت عدد الاصوات الغير صالحة 50 الف صوت في اي غلاط طبعا لا لانة ماف حد غند دليل نالت احزاب الفكة 950 الف صوت ونال المزتمر الوطني 9 مليزن صزت وهذ تانتيجة تمثل 90% وطبعا مافي جد عندو اعتراض لانو مافي حد عندو دليل ولايمكن ان يحصل علي دليل والانتخابات كانت شفافة بمراقبة جهات دولية اما اذا عايزين رايى انا العبد للة الضعيف فانى مقتنع بهذة النتيجة مسبقا لذلك التمس من حكومتنا الرشيدة مافي داعي للانتخابات الانها تحصيل حاصل وان تحول المليارات المرصودة لذلك بعد خصم ما ينهبو القايمين عليها تحول لصالح فقراء هذا البلد المنكوب وكفي اللة المومنين شر القتال والتجنيب


#1054136 [العميد المرفود]
0.00/5 (0 صوت)

07-08-2014 04:38 PM
ياكمال تعرف اليومين ديل كان قلت لزول يافلان انت مؤتمر تحرجو ذي القلت له يا **** في كل 55 تجد واحد مؤتمر وخجلان


#1054013 [sudani]
0.00/5 (0 صوت)

07-08-2014 01:00 PM
وانا ما مؤتمر وطنى وزاد اسرتى حوالى 25 شخص متاكد مهم تماما واقسم ب الله خلاف ناس الحله


#1053898 [Abu]
4.00/5 (1 صوت)

07-08-2014 11:22 AM
Thanks for the laugh.... Indeed you have made my day


#1053810 [karkaba]
5.00/5 (1 صوت)

07-08-2014 10:06 AM
كل حزب سلطوي سطا علي السلطة ب القوة يصبح كصندوق الزبالة يلم الذباب والفطريات والكدايس وهوام الارض والقئران والناموس والجراثيم


#1053707 [البطحاني]
5.00/5 (1 صوت)

07-08-2014 08:17 AM
١٠ مليون دى شاملة البهائم طبعاً!!!


#1053690 [عدو الكيزان الأول]
4.50/5 (2 صوت)

07-08-2014 08:00 AM
أنا لست بكوز وأكره الكيزان كره العمى وأنت كذلك يا كمال كرار ، إذن الباقي من عضوية حزب الكيزان تسعة مليون وتسعمية تسعة وتسعين الف وتسعمية تمانية وتسعين عضو ، إذن الكيزان حرامية وكمان كضابين ، كلهم كضابين زي الحمار الكبير الاسمو عمر البشير


ردود على عدو الكيزان الأول
Saudi Arabia [الغضنفر] 07-08-2014 10:22 AM
و أنا معاك إنت و كمال .. اطرح يا (عدو الكيزان الثاني) عشان أنا الأول

شكراً.. خليتنا نبتسم هذا الصباح


#1053665 [abdu.fadil]
5.00/5 (1 صوت)

07-08-2014 07:05 AM
من المتوقع ياسادة جلب مرتزقة من دول الجوار ومنحهم الجنسية السودانية وضمهم لحزبهم لزيادة اعضاءه لضمان تحقيق الفوز.



خدمات المحتوى


مساحة اعلانية





الرئيسة |المقالات |الأخبار |الصور |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة