الأخبار
أخبار إقليمية
د.مصطفى عثمان : الاستثمارات المصرية بالسودان تقدر بنحو مليار دولار
د.مصطفى عثمان : الاستثمارات المصرية بالسودان تقدر بنحو مليار دولار
د.مصطفى عثمان : الاستثمارات المصرية بالسودان تقدر بنحو مليار دولار


07-08-2014 09:31 PM
القاهرة ( سونا) أكد د كتور مصطفى عثمان إسماعيل وزير الاستثمار أن الاستثمارات المصرية المنفذة حاليا على أرض الواقع فى السودان، تقدر بنحو مليار دولار وأن المصدق منها يصل إلى نحو 15 مليار دولار .
وأعرب في تصريحات نقلتها وكالة أنباء الشرق الاوسط المصرية الرسمية ، عن أمله فى أنه من خلال التنسيق الثنائي فى مجالات الزراعة والثروة الحيوانية والتجارة نستطيع أن نستفيد من هذه الاستثمارات.
وقال الوزير في تصريحات للمحررين الدبلوماسيين بالقاهرة ، عقب لقائه مع وزير الخارجية المصري سامح شكرى إن الطريق البرى شرق النيل، سيتم افتتاحه خلال الشهر الجارى وسيكون خطوة كبيرة لتيسير حركة التجارة بين البلدين ، وأن الطريق الغربى، كاد أن يكتمل وسينتهى خلال شهرين أو ثلاثة أشهر على أقصى تقدير، حيث سيتيح الفرصة لسير الشاحنات من مدينة الإسكندرية إلى "كيب تاون" بإفريقيا، حيث يعد طريقا إستراتيجيا.
وقال د. مصطفي أن مباحثاته مع الوزير المصري تناولت العلاقات الثنائية بين البلدين التى وصفها بأنها "إستراتيجية"، وأوضح أن العلاقات الإستراتيجية لابد من تحويلها إلى مشروعات عملية تخدم البلدين والشعبين.


تعليقات 9 | إهداء 0 | زيارات 1287

التعليقات
#1054706 [أبوقرجة]
0.00/5 (0 صوت)

07-09-2014 02:49 PM
ياخي والله كرهتنا ... أدينا تفاصيل للإستثمارات المصريه ... ومرات تقول 8 مليان ومرات واحد مليار أثبت على كلام واحد كويسي ... يا طفل المعجزه ..


#1054607 [كرم]
0.00/5 (0 صوت)

07-09-2014 01:00 PM
الطفل المعجزة


#1054428 [siddig]
5.00/5 (1 صوت)

07-09-2014 10:08 AM
انت نصيبك فيها كم ؟


#1054390 [khalid mustafa]
5.00/5 (3 صوت)

07-09-2014 09:09 AM
مصطفي اسماعيل يكتفي بفتات الموائد من اكبر دوله للشحاته مصر

الاقتصاد المصري في غرفة الانعاش الخليجي ومصطفي اسماعيل كالفطريات يعشعش فيما يرميه اليه المصريين من نفايات,,,ويحلم ب15 مليار مصري تستسمر في السودان عجبي!!! وياتري كم يكون نصيبك اذا فرضنا جدلا ان سادتك المصريين يملكون هذا المبلغ وينوون استثماره في السودان؟؟


#1054325 [سودانى شديد]
5.00/5 (1 صوت)

07-09-2014 04:29 AM
دعوة للزهج

إستثمارات مصرية بمليار دولار دى تفاصيلها شنو؟ و كيف تدوا دولة تقف حجر عثرة فى طريقكم و طريقنا تصاديق بإستثمارات إضافية لم و لن تنفذها؟ يا سيد مصطفى و يا دكتور عثمان و يا مستر إسماعيل إنتوا لييه كده!!!!!! ياخى عليك الله ما زهجتوا من البتسووا فيهو ده!!! لعيبة الكورة الواحد بيزهج من الكورة الفنانين بيزهجوا من الفن الغنايات بيزهجن من الغنا الشواذ بيزهجوا من الشغلة بنات الليل بيزهجن من السخمتة التجار بيزهجوا من التجارة الدكاترة بيزهجوا من الطب المهندسين بيزهجوا من الهندسة الحلاقين بيزهجوا من الحلاقة بتاعين الترمس زهجوا من الجرادل ستات الشاى بيزهجن من بيع الشاى و القهوة بتاعين المكتبات بيزهجوا من بيع الجرايد الشباب بيزهجوا من الكوفى شوبات المذيعين بيزهجوا من التلفزيون و الإذاعة - كل الناس بتزهج من شغلة مارستها لسنين طويلة مهما كانت لذيذة و ممتعة و مربحة إلا إنتوا فئة السياسيين السودانيين!!!
ياخى كدى جرب و أقنع أصحابك ناس النادى الكاثوليكى ديك يزهجوا و يقعدوا فى بيوتهم و يعيشوا زى بقية خلق الله، لو فى ناس (برة) مهددنكم بحاجات أو راجين منكم تنفذوا ليهم حاجات كلمونا و نحنا بنضايرهم ليكم جنس مضايرة. بس ياخ أزهجوا عليك دينك أزهجوا كللللكم و كمان كلم معاك ناس الصادق و قول ليهو نحن ماشين نزهج فأرح معانا و أديها زهجة و ما تنسى عليك النبى تكلم معاك حفيد النبى القاعد فى لندن داك قول ليهو أزهج و أتكل مرة واحدة قبلك، بعدين فى السكة كده أغشى معاك سبدرات قول ليهو نحن حنتلم عشان نزهج مع بعض وووووووو وصية عليك الله ما تنساها كلم الشعب السودانى قوليهم ياخوانا أزهجوا أزهجوا أزهجووووووووووووووووووووووووا عشان بلدكم.


#1054311 [نص صديري]
5.00/5 (1 صوت)

07-09-2014 02:49 AM
والاستثمارات دي بيرجعوا ارباحها في كيس قمامة؟
كسرة: شريكك بتاع مناجم أرياب مسح ليك شنبك بكم؟؟؟؟ نسيت انت ماعندك شنب ياسجم البلد


#1054291 [albrado]
5.00/5 (1 صوت)

07-09-2014 01:30 AM
طيب اذا المصريين عندهم استثمارات بمليار والسعوديين بمليارات والقطرييب

بمليارات والاماراتيين والكويتيين وغيرهم بالاضافة الي الانتاج المحلي للسودان

اذا فضلتوا شئ ودخل المغتربين والذهب والبترول وعائد عبور نفط الجنوب وكل شهر

بايعين شئ من ممتلكات الدولة ورصيد الاجيال المبالغ ده كلها بتروح فين و

العملة كل يوم في انهيار والبلد في انهيار ومؤسسات الدولة منهارة والخدمات

انتهت والعاصمة بقت مزبلة والضرائب والاتاوات والاراضي حي الميادين بعتوها....

لا صحة ولا تعليم ما معروفة لفلوس دي كلها رايحة فين ما في حدا عارف غيركم ....؟؟؟؟؟؟


#1054284 [Makurio]
4.00/5 (1 صوت)

07-09-2014 01:12 AM
العلاقات العامة بتاعته ما بتغش زول.

فشل في تحسين مناخ الإستثمار لأنها القصة بايظة من أولها لاخرها و مافي مستثمر مفتح بدور يبعثر أمواله مع عصابة من الحرامية تضم اخوان الرئيس و اجراءات تعجيزية و خدمة مدنية منتهية كان مصطفى عثمان شريك في الحكومة الدمرتها

و قبل كل ذلك دوره كوزير خارجية، عمل شنو؟
خاتيها في الترابي لكن في عهده أصبحت علاقات السودان الدولية من سيئة للغاية لسيئة و نحن المواطنون شهداء على ذلك، جوازنا حدث و لا حرج، تعاملاتنا مع البنوك الغربية شبه مستحيلة و علاقتنا مع دول الجوار السعودية و مصر غير مستقرة.

ده و غازي مع احترامي لعقل غازي و غيرهم كلهم شاركوا في تدمير البلد و تمزيقها و افقار المواطن و تدني الصحة عموماً و تدني التعليم بشكل خاص و بيع ممتلكات الشعب من بيت السودان في لندن للخطوط الجوية السودانية و اللستة طويلة.

و قال في الإنتخابات الفاتت المابسوط للمؤتمر الوطني ما يمشي في شوارعنا و ما يستعمل كهربتنا كأنها منة من أبوه.
و قال الشعب السوداني كان زي الشحاتين قبل الإنقاذ...و حسا بقوا شنو يا السمعوا ردحي whatsapp؟

إلى مزبلة التاريخ مصطفى عثمان إسماعيل و جد أخير زول ده يشوف له ماليزيا أو تركيا يمشيها بعد ما الإنقاذ تسقط و هي ساقطة عاجلاً أم آجلاً.


#1054262 [منشى]
5.00/5 (1 صوت)

07-08-2014 11:43 PM
جيت راجع حمدلاك بالسلامه .. اها ناسك رضوك بشنو و فكوا منك الزعله اللى خلاك تطلع بره غضبان ..



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
0.00/10 (0 صوت)




الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة