الأخبار
أخبار إقليمية
مواطن سوداني يبعث برسالة للمشير عبدالفتاح السيسي رئيس مصر
مواطن سوداني يبعث برسالة للمشير عبدالفتاح السيسي رئيس مصر
مواطن سوداني يبعث برسالة للمشير عبدالفتاح السيسي رئيس مصر


أنت شخصياً لديك أبناء عمك في مدينة الدامر ومدينة دنقلا
07-10-2014 07:50 AM
بعث المواطن السوداني سيد احمد برسالة للمشير عبدالفتاح السيسي رئيس جمهورية مصر يطالبه من خلالها بأن يضع في حساباته أن السودان ومصر بلد واحد و يجب أن تتعامل مع السودان علي هذا الأساس خاصة وأن الأنظمة الحاكمة تذهب وتبقي الشعوب ولا تنسي أن السودان قدم لمصر الكثير وعلي رأس ذلك مساهمته في حفر قناة السويس وعلي مر العصور وكانوا جنوداً في القوات المسلحة المصرية ضف إلي ذلك أواصر العلاقات الرحمية التي تربط بين الشعبين فأنت شخصياً لديك أبناء عمك في مدينة الدامر حاضرة ولاية نهر النيل ومدينة دنقلا حاضرة الولاية الشمالية الواقعتين شمال السودان.

ودعا السيسي إلي أن لا يحصر السياحة في المناطق الأثرية والتراثية المدنية بمصر بل عليه أن يدعو السواح الأجانب إلي المناطق العسكرية الأثرية للسياحة كخط (برليف) وغيرها من المعالم التاريخية العسكرية.

الخبر اليومي


تعليقات 39 | إهداء 0 | زيارات 25573

التعليقات
#1055876 [آمال]
0.00/5 (0 صوت)

07-11-2014 12:55 PM
انا ما عنصرية او قبلية و ما في اي حقد بحس به تجاه زول انا بس ابديت رأيي في الموضوع و ما في داعي تفهموني غلط مع احترامي للجميع


#1055848 [أبو مريم]
5.00/5 (1 صوت)

07-11-2014 11:36 AM
*إلى الرئيس إدريس دبي أرجو أن تهتم بالسودان و تضع حساباتك في السودان، فالسودان و تشاد دولة واحدة و هناك قوات مشتركة بين البلدين و هناك تداخل قبلي بين السودان و تشاد و أنت شخصيا لك أقارب في نيالا و الخرطوم و درست في السودان و كمان متزوج من سودانية
*إالي الرئيس سلفا كير أرجو أن تهتم بالسودان و تضع حساباتك في السودان، فالسودان و جنوب السودان كانتا دولة واحدة و هناك تداخل قبلي بين السودان و جنوب السودان و أنت شخصيا لك أقارب في الخرطوم و درست في السودان ( القديم) و قد كنت نائبا للرئيس
*إلى الرئيس أسياسي أفورقي أرجو أن تهتم بالسودان و تضع حساباتك في السودان، فالسودان و إرتريا دولة واحدة و و عندكم جالية كبيرة في السودان و هناك تداخل قبلي بين السودان و إرتريا و أنت شخصيا درست في السودان و قدت ثورتكم من السودان. . . . . إلخ


ردود على أبو مريم
Switzerland [محمد سعيد] 07-11-2014 01:09 PM
تمام يا ...... أنا ابو دى ما بريدا
كمان رسالة الى الريس الكينى لان الماساى امتداد للعنصر النوبى القديم بالاضافة الى الجالية السودانية من أبناء جبال النوبة فى نيروبي
هذا المواطن الاسمو محمد احمد دا خائب وباطل أتى الدنيا وحا يطلع منها ساكت بقد القفة

Germany [Abdelazim Mekki] 07-11-2014 11:50 AM
----بأن يضع في حساباته أن السودان ومصر بلد واحد و يجب أن تتعامل مع السودان علي هذا الأساس----

كلام من سوداني موجه لرئيس عسكري محتل لارضه
والله الرد خسارة عليكم


#1055791 [eiz]
5.00/5 (1 صوت)

07-11-2014 09:04 AM
للاسف بعض من الشعب السوداني يشعر بالدونيه تلقي برطن ويقول ليك انا عربي يحب المصرين المتعالين علي حساب الاثيوبين والارترين والتشادين المتواضعين فكلمه عربي نسمعه من الدول العربيه في المجالس وبعدها تسمع العبيد


#1055769 [asd]
5.00/5 (1 صوت)

07-11-2014 07:22 AM
الحاصل شنو


#1055712 [محمد سعيد]
5.00/5 (1 صوت)

07-11-2014 01:48 AM
خائب الرجاء
آيه عندو أهل فى دنقلا والدامر


#1055679 [برلوم]
5.00/5 (2 صوت)

07-11-2014 12:22 AM
دى قمة الاحساس بالدنائه والدونيه والعقول الخاويه
المصرييت براهم ماعارفين يعملو اشنو فى مشاكلهم جايى تقول لى سيسى وملى ولتر وغير
دا المخلينا اكتر الجاليات عبقرية وانتاج وابتكار زى ماشيافين ابداعات جليتنا فى مصر
وعوض امك على الله ياسودان


#1055629 [nagatabuzaid]
5.00/5 (1 صوت)

07-10-2014 10:35 PM
هى يا جماعة الراكوبة روقوها احيانا مقالاتكم وتعليقاتكم وردودكم تعجب تخلى الواحد يزداد معلومات ومعرفة ويفتخر بالانتماء لقبيلة مميزة واحيانا تحيروا تمسكوا ليكم فى موضوع تورجغوا للحد اليضعف علاقاتكم ببعض سوداننا العظيم الكبير قبل فصل الجنوب كانت حدوده مع 9 دول او اكثر لا فواصل بينها تتحرك القبائل عبر التاريخ رعى وتجارة وغيره وتداخلت مع اهل السودان واستقرت وتزاوجت وتناسلت وايضا ارتحلت بعض قبائل السودان الى دول الجوار وشىء طبيعى ان تكون هناك اسر مصرية فى السودان واصبحوا لا يحملون من مصر الا اسم الاسرة مالكم هايجين وحارقين دمكم وبعضكم ناكر لحقائق ثابتة كان اعترفتوا بيها او نكرتوها وعلشان خطاب من شخص تقوموا الدنيا وما تقعدوها يمكن بيعرف بعض افراد اسرة السيسى الغريب شنو اسرة ابراهيم خان فى حى القماير فى امدرمان وبعض اهله فى مدنى اسرة ونان اسرة كبيرة عريضة بين مصر والسودان ممتدة من قنا الى الخرطوم وذلك الذى تحدث عن دنقلا يا اخى مع الدناقلة توجد اسر مصرية الجذور لكنهم ما مرتبطين بمصر ومنهم من ارتبط وعاد لمصر مثل اسرة صالح الجعفرى الله يرحمه صاحب الرواق المشهور بالازهر وكان له درس الجمعة المشهور وابنه عبد الغنى الله يرحمه الذى كان عضوا بالاتحاد الاشتراكى فى غهد نميرى ثم اتخذوا من الدراسة بمصر مقرا لهم ولم يتنكروا لسودانيتهم وعقابهم حتى الان بدنقلا اتركوا ماذكرته وارجعوا وتاكدوا بانفسكم علينا ان نتحدث بمعرفة وان لا نغالط فى حقائق وهذا ما يميز السودان لا ارى دولة عظيمة متميزة بالتعايش والتماذج رغم التناقضات كالسودان الله يشفيى جيل الانقاذ مما غرسته حكومة الانقاذ فى نفوسهم ويصلح تركيبتهم العوجتها ليهم


ردود على nagatabuzaid
Sudan [nagatabuzaid] 07-12-2014 08:41 PM
السلام عليكم يا ابوريشة رديت على مداخلتك عدة مرات ولكن تم حجبها لا ادرى السبب اسال الله ان يكلل النضال من اجل اقامة دولة المواطنة بالنجاح

Sudan [ِAburishA] 07-11-2014 04:15 AM
كلام تمام با بت ابزيد.. لذلك نناضل من اجل اقامة دولة المواطنة,, دولة الحقوق والواجبات والكل سواسية..ان الجنسية السودانية هي لا تعدو اكثر من اجراءات قانونية سواء بالميلاد او التجنس او غيره,, كثير من الناس قد لا يعرفوا عن الحراك والجغرافيا السكانية التي هو أس تكوين الدول والمجتمعات,, وكذلك عن مؤتمر برلين الذي رسم الحدود السياسية.. علما بأن هذه الحدود وهمية,, قد تفصل بين الاب وابنه او الاخ واخيه ليكون كل واحد في دولة محددة بحيث لم يراع المؤتمر التكوين السكاني او الاثني,,
ملاحظة ان اهلنا الجعافرة هم سودانيون الا ان اصولهم في التاريخ الحديث ترجع الى صعيد مصر,, برجاء التأكد كمعلومة,, خالص المودة


#1055570 [هجام]
5.00/5 (1 صوت)

07-10-2014 07:23 PM
ح يعمل لك شنو السيسي دا باع مرسي اللي عينو وزير دفاع عايز تلقي انت خير من وراهو !! ماتشوف شغلتك


ردود على هجام
Kuwait [Khalid_Pzu] 07-11-2014 02:17 PM
يا اخ هجام
السيسي قايد غيور علي بلده
لما شاف الكيزان فاشليين كالعادة وراح يحولوا بلده الي سودان
رفض وانتفض وطردهم وحمي بلده واهله من ازبل ما خلق رب العالمين وهم جماعة الاخوان المسلمين
ياريت بلدنا كانت لقت ليها سيسي ما كان هيكون حالنا زي ما نحنا
اكيد انت عمرك مايزيد هن بداية التلاتينات لان عقلك تربية الانقاذ
يا ابني الولاء للوطن وليس لمن عينك
الانقاذ برمجت الاجيال من السودانيين الصغار الذين نشئوا تحت حكمها علي حب النفس وعبادة الحكام
ده كلام غلط.... الولاء للوطن اولا
تعرف الانقاذ غيرت السلم التعليمي ليه وكمان الغوا حصة "التربية الوطنية" ليه؟؟
عشان يبرمجوكم بطاعتهم ويربوكم علي الولاء لهم وتصبحوا عبيدهم الي الازل
ياريت بلدنا تلقي قائد زي السيسيس غيور علي بلده
وولائه للعلم والوطن والشعب
وليس للحزب والرئيس ومديرك اللي عينك
عارف سعد زغلول قال ايه قبل سنين طويلة؟؟؟
قال "مافيش فايده"
الدمار العقلي خلاص حصل ---- ومحتاج سنين واجيال للتصحيح واحنا لسه ما بدينا مشوار هذه السنين
التحية والاخلاص للسودان
التحية والاخلاص لعلم السودان
التحية والاخلاص لشعب السودان
ولا بارك الله في الاخوان المسلمين
ولا بارك الله في الكيزان
ولا بارك الله في من يواليهم
ولا بارك الله في من يساعدهم


#1055558 [ركابي]
5.00/5 (1 صوت)

07-10-2014 06:43 PM
الخبر اليومي دي جريدة سودانية؟؟؟؟؟ اول مرة اسمع بيها ..غايتو يامواطن سيداحمد الجن بيتداوه لكن الكعب الاندراوة ...


#1055553 [رانيا]
5.00/5 (1 صوت)

07-10-2014 06:38 PM
أنا بصراحة ما عارفة مغزى الرسالة فهو يحتمل عدة أوجه ، قد يكون أراد تذكيره بالدور السوداني في حياة مصر وقد يكون مجاملة للسيسي وإعجاب بشخصه و بنسبه وقد يكون من باب الرجاء فالغريق يتعلق بقشة وغالبية السودانيين يعّولون على الفرج الآتي من الخارج ..الله يعلم بهدف الرجل لكن أعتقد أنه لن يأتي للسودان بمحمدة بل على العكس حتتفهم إنه تعالوا مرحبا بكم إستعمرونا وعمّرونا !

الشئ الثاني والذي دائما ما أرثى إليه هو عنصريتنا البغيضة .. ده من أصل كذا وده من أصل كذا والناس تتكلم وتزعل ناس وفي الآخر الحياة ماشية ويقدر المصري والتشادي والأثيوبي والإتري إستخراج الجواز السوداني في أقل من يومين !! وإحنا نتكلم عن وطنية ناس عاشوا في السودان من مئة سنة ومافوق ولم يفارقوه ويبرحوا مكانهم إلّا لأنهم أحبوه .
نروح بعيد ليه ما أهو البشير شبككم جعلي جعلي وقعد يعرض خمسة وعشرين سنة وفي الأخير طلع صفر على الشمال وبقية الحكومة الفيهم شايقي ودنقلاوي وبديري وغيره وغيره عملوا شنو للسودان وللسودانيين ؟؟!
حاولوا إنكم ما تواجهوا إخوانكم بما يكرهوا لأنه الوطنية دي إحساس وشعور .. يكون حب يكون عشق سمّوها بما شئتم لكن ليس من حق أحد أن يجحد حق الآخرين في وطنهم . نسيتوا الكابلي ، نسيتوا الشاعر بازرعة ، نسيتوا الراحل سحلول وغيرهم وغيرهم الذين قدموا وما زالوا وسيظلون يقدمون للوطن .. في الختام أفخر بأني سواكنية الأصل شرقاوية الهوى وعمري ما سمعت من أهلي ولا محيطي هذه العنصرية العجيبة وأتمنى من الله أن يزيلها من قلوب الجميع حتى نستطيع العيش بسلام ومحبة في وطن حنون إسمه السودان .


ردود على رانيا
[ركابي] 07-11-2014 04:20 AM
الرائد عصمت زلفو الله يرحمو مؤرخ انصف الثورة المهدية وكتب كتابيه كرري وشيكان من وجهة نظر عسكرية ................احسنتي اخت رانيا وياريت الناس تنقي ضمائرها وتخلص لهذا الوطن ونترك اي جهوية وعنصرية وقبلية فتلك الامراض هي سبب بقاء نظام الانقاذ واستفاد منها عشان يقعد تاني ربع قرن

Saudi Arabia [رانيا] 07-11-2014 02:45 AM
ساب البلد شكله ساب الدنيا وإعتكف الظاهر بيختم كل يوم ماشاءالله .. صحي هو مافي لكن ملائكته حاضرة ذي ما بيقولوا .

[آمال] 07-11-2014 02:42 AM
كفيتي و اوفيتي يا رانيا و كلنا سودانيين و ناس بلد واحد بس لاني لاقيت ناس بالجد ما عندهم لا ولاء و لا انتماء للبلد و هم من اصل مصري و كانوا بقولوا نحن جدودنا مصريين و ما عندنا علاقة بالسودان و انا كنت برد عليهم بانهم ليه اخدوا جنسيتنا اذا هم ما بعرفوا السودان انا ما بقصد العنصرية من كلامي لكني هنا في الخليج لاقيت ناس منهم كده و قدام الناس بقولوا نحن اصلا ما سودانيين و اصولنا مصرية و تركية و نحن بنتحرج من كلامهم ده و لو اي سوداني كان رد عليهم و كلنا في النهاية بنتمنى اننا نتعايش بسلام في بلدنا السودان بدون اي حواجز

Saudi Arabia [رانيا] 07-11-2014 02:39 AM
إلى الإعزاء أختي نجاة وأخي أبو ريشة وأخي ود الباشا ..

شكرا لكم وأنا بحبكم شديد والله يخليكم لي ولأسركم الكريمة .

United Arab Emirates [ودالباشا] 07-10-2014 10:50 PM
تسلمى يسلم يراعك الذى سطر هذه الكلمات العميقة وليت كل من به مرض او شعر بالدونيه ان يتفهم هذا الفكر العميق وتشكرى يا دكتورة بالمناسبه عرفتها من العزيز ساب البلد الذى انقطع هذه الايام ونتمنى عودته سالما لتحفنا بكلماته وشوتاته الالمانيه

Sudan [ِAburishA] 07-10-2014 10:13 PM
لك التحية اخت رانيا,,فعلا مناشدة اخونا سيد احمد غامضة وحمالة عدة وجوه,, لكن انا خايف يجيب لينا هوا .. بكرة اولا بمبا ديل بتلفزيوناتهم وجرايدهم الاكتر من صوف الراس يقولوا ان شمال السودان كله يطالب بضم السودان الى مصر,, طبيعتهم بخلقوا من الحبة قبة !!!
** الشيء التاني ان القبلية والجهوية هي من اس مشاكلنا الصارخة التي اقعدتنا كثيرا عن ركب الامم لقد سبقنا الصومال ورواندا وبورندي وناس بوكوحرام,,

خارج النص:
**نروح بعيد ليه ما أهو البشير شبككم جعلي جعلي وقعد يعرض خمسة وعشرين سنة وفي الأخير طلع صفر على الشمال ** يا زولة هيييي صفر على الشمال دي معناها شنو؟؟ هيع هيع هااااااع

وبقية الحكومة الفيهم شايقي ودنقلاوي وبديري وغيره وغيره عملوا شنو للسودان وللسودانيين ؟؟!
*** أكلوا قروشنا بس ***

في الختام أفخر بأني سواكنية الأصل شرقاوية الهوى وعمري ما سمعت من أهلي ولا محيطي هذه العنصرية العجيبة*** يمكن بتمارسوا فيناالعنصرية بالرطانة وانحنا ما ناقشين,,هيع هيع هاااااع

**عموما ان خير ما ذكرتي هو ان الوطنية إحساس وشعور.. وهذا هو ما نسعى لترسيخه****
خالص المودة’’’

Sudan [nagatabuzaid] 07-10-2014 09:58 PM
لك التحية والاخترام يارانيا يا سواكنية يا سودانية يا اصيلة هذا هو السودان الذى كان ونريده ان يعود كما كان وان شاء الله غدا يعود السودان كما نود


#1055534 [الحازمي]
0.00/5 (0 صوت)

07-10-2014 06:07 PM
[دنقلاوي] 07-10-2014 11:32 AM
عايز تقول شنو يا فرخ"
أشك انك دنقلاوي
الدناقلة أحفاد الملوك مابتفوهو بالقذارة الاستفرغتها دي
و كان دنقلاوي 100% أرجو الا تسئ الى قوم مشهود لهم بعفة اللسان و حسن المعشر


#1055529 [عصمتووف]
0.00/5 (0 صوت)

07-10-2014 05:53 PM
صحيفة الخبر اليومي
جريده مصرية **** محررها منحط يريدلفت نظر السسيسي علي اي شئ حتي لو كان السودان وادخال السنجك سيداحمد كواجهة لموضوعهم ولا ننسي بان ام السيسي قال السودان جزء من مصر في زريارته الاخيره وعمكم البومة التزم الصمت هو وابواقة من اجهزة الاعلام


#1055521 [مراقب]
5.00/5 (1 صوت)

07-10-2014 05:44 PM
ولا زال الي الان هناك من يريدون ان يقدموا انفسهم كعبيد للمصريين متناسين ومتجاهلين بلد وتاريخ اسمه السودان


#1055505 [كبير مشنبرى رئيس الجمهورية]
5.00/5 (1 صوت)

07-10-2014 05:19 PM
دا مواطن عندو ازمة حادة فى المواضيع ؟؟
وانصحو انو يضرب ترمس قبل المرتبات ماتجى


#1055482 [lمبارك]
5.00/5 (1 صوت)

07-10-2014 04:42 PM
ايه التخلف و العباطة حقتكم دي يعني شنو لو السيسي و لا عادل امام عندو اولاد عمو في الشمالية و لا في نيالا انا بعرف ناس رجال اعمال سعوديين من اصول سودانيةوسودانيين كتار من اصول تشاديه و جنوبيين شماليين و شماليين جنوبيين و الدنيا ماشه كدة


#1055474 [كافونجا]
5.00/5 (1 صوت)

07-10-2014 04:32 PM
انا بعلق علي الكتب المقال ولا اوافقه في طرحه للموضوع.الناس البتفهم نبذت القبليه . اما الاسمها آمال فتعليقها غريب وفيه نوع من العنصريه واحسب ما احسب هذه كراهيه أمراه والسبب ح يكون واحد من اتنين،.،انبذوا القبليه عليكم الله وانبذوا هذا التخلف


ردود على كافونجا
[آمال] 07-11-2014 12:45 PM
انا ما عنصرية او قبلية و ما في اي حقد بحس به تجاه زول و الحمدلله انا بس ابديت وجهة نظري في الموضوع و ما في داعي تفهموني غلط و تقولوا كده


#1055452 [عبدالعزيز عبدالباسط]
5.00/5 (2 صوت)

07-10-2014 03:50 PM
دا مواطن عوير ساكت


#1055383 [bullet ant]
5.00/5 (5 صوت)

07-10-2014 02:03 PM
ايها الحمار نحن سودانين وليس مصريين واذا كان عندك حنين للسيسى امشء مصر وورينى الفرق بين السيسى وام سيسى و لاتتحدث باسمنا


#1055372 [أبو ذر الغفاري]
5.00/5 (3 صوت)

07-10-2014 01:48 PM
رسالة من المواطن السوداني
الي
الرئيس السيسي
إذا جاءك خطابي هذا إنضم فورا إلي داعش
وشكر
أخوك في الدعاشة : داعش بن مرسي البلتاجي


ردود على أبو ذر الغفاري
Kuwait [Khalid_Pzu] 07-10-2014 06:04 PM
الحقيقة الاسم الانسب لك هو

جحش ابن حمار السجمان

عمري فوق الخميس....... قبل كده ابدا ماحسيت بدرجة احتقار قدر الاحتقار اللي حسيتوا تجاهك من التعليق بتاعك

واالله اكيد الجحش حس بنفس الاحساس عشان اطلقت عليك اسمه
انت واحد فاشل......
كده ممكن بصراحه قول لينا انت مين ومدي عدم تعليمك
او اقول لك.... جيب مراية وعاين فيها وعدد انجازاتك للشخص اللي في المرايه

للاسف انت محسوب علينا كسوداني
وانت مثال حي للسبب اللي بيه تدني اسم السودان والسودانيين
بلاش جحش..... احسن اقولك كوز اكيد انت منهم وشبه الزباله الكيزان

بسببك مش هرجع السودان علي الاقل خمس سنوات
الله لا يديك العافية ياقبيح الشكل (اكيد) والاخلاق والالفاظ


#1055370 [مدحت عروة]
4.00/5 (4 صوت)

07-10-2014 01:47 PM
انا اجيبها ليكم من الآخر!!!
بعد الاستقلال بقينا بلد مستقل عضو فى الامم المتحدة وكان نظامنا السياسى هو النظام البريطانى البرلمانى الديمقراطى الذى لم نصبر عليه مع اخطائنا وطائفيتنا وهلم جرا حتى نصحح ممارستنا من خلال الجو الديمقراطى وفصل السلطات وحرية الاعلام واكيد كان وصلنا لشىء اقضل وطورنا نفسنا وبكل سلمية وحوار ونقاش الخ الخ!!
اها قمنا وقلدنا الاعراب بتاعين الانقلابات العسكرية والضباط الاحرار ودخلوا معاهم اليساريين والبعثيين والقومجيين العرب واخيرا الاسلامويين وبقينا نحكم بالعسكر والعقائديين والنفعيين وهلم جرا ورفضنا الانضمام الى الكومونولث ولم نواصل مسرتنا الديمقراطية مثل الهند!!!!
وبعدم اخذنا بالنظام الديمقراطى خاصة البرلمانى ونحن دولة متعددة الاعراق والثقافات والديانات الما بينفع معاها الا الديمقراطية والحرية الفردية وبتقليدنا لاعراب الانقلابات بقينا زبالة وحثالة مثلهم والله على ما اقول شهيد!!!
عيننا للنجوم نقوم نبارى الزبالة والحثالة فلازم نبقى زيهم واهو زى كاتب المقال لسه جارى ورا المصريين وهلم جرا ولم يتعظ!!
عشان نتطور لازم نقلد الدول الحرة الديمقراطية وبدون ان نتخلى عن عقيدتنا الاسلامية او المسيحية او كريم معتقداتنا وثقافتنا وناخذ منهم اسلوب الادارة السياسية للبلد حتى نتطور فى جميع المجالات!!
ولا كيف يا جماعة؟؟؟؟؟


ردود على مدحت عروة
Netherlands [أبو زهانه.] 07-10-2014 04:47 PM
ده،،، ضارب عصيده خضراء.

Sudan [nasr] 07-10-2014 03:55 PM
كلامك صاح لازم نقلد الدول الديموقرطية وهلم جرا عشان نتطور وهلم جرا زى الدول المتطورة فى العالم وهلم جرا .............انت ضارب حاجة وكدة( استغفر الله نحنا فى رمضان)


#1055335 [خالد]
0.00/5 (0 صوت)

07-10-2014 01:04 PM
غبى منو فبه


#1055297 [radona]
5.00/5 (12 صوت)

07-10-2014 12:08 PM
افهموها صاح
وماتصنفوا السودانيين كده ده عندو عرق مصري وده عنده عرق فلاتي وده عنده عرق تركي
الحقيقة التي يجب ان يدركها اي سوداني باننا جنس هجين عربي افريقي وكمان في واحدين اجدادهم انجليز ويهود وبمرور الزمن بقوا لونهم خدر وسمر زي وزيك كده
دي حركاتكم الطيرت جنوب السودان ودايرة تطير جبال النوبة والنيل الازرق ودارفور
لا ادري لما هذا الاستعلاء العرقي
مخطئ من طن ان العباس رضي الله عنه جده ومن اراد ان يتاكد عليه ان يشوف نفسه في المرايا الانوف الفطس والراس عامل زي التيمس الطاسي
خلاص انتهينا نحن عرب افارقة وممنوع اي واحد يقول قبيلتي وقبيلتك
يعني شنو الرئيس اقاربه في السودان ما محمد نجيب وجمال عبدالناصر وانور السادات عندهم اقارب في السودان وكمان ابراهيم خان وكمان صفاء ابو السعود ابوها سوداني ومحمد وردي جده تركي
حتى نتنياهو بتاع اسرائيل اقاربه في السودان
عاملين لينا فلقة في الفاضي


ردود على radona
[آمال] 07-10-2014 01:26 PM
لمعلوماتك محمد وردي حلفاوي ما تركي و نحن كلنا سودانيين بس حتى لو تقاطيعنا زنجية كتار فينا ناس اصولهم عربية و نحن عرب ممزوجة بالافارقة و في سوداننين من ذوي الاصول التركية و المصرية ما عندهم انتماء للبلد و عندهم استعلاء عليه حتى لو ما كلهم معظمهم كده و انا لاقيت ناس منهم كده


#1055265 [ود ام روابه]
4.00/5 (8 صوت)

07-10-2014 11:37 AM
كلام مرفوض ايها المواطن السوداني السطحي تلك مصر وهذا السودان فإن كنت تتحدث عن هذا الكلام في ظل الخلافه الاسلاميه فنقول لك ان جميع المسلمين اخوان اما إن كنت تتحدث في ظل قومياتنا هذه فأقول ان السودان بلد وان مصر بلد فلا تلعب بمشاعرنا وان كنت تريدنا اخوان فذلك يكون بعد عودة حلايب وابو رماد وشلاتين عندها سنكون اخوان


#1055260 [عبدالله عثمان]
5.00/5 (1 صوت)

07-10-2014 11:32 AM
الكتاب الأول من سلسلة رسائل ومقالات





خطاب إلى اللواء محمد نجيب

في يوم 18/8/1952
الأخ الكريم اللواء محمد نجيب
تحية مباركة..
أما بعد فإن مسألة خلع الملك عن العرش، بالطريقة التي تمت بها، توفيق كبير.. ولكن ينبغي ألا تحمل أكثر مما تحمل من دلائل النجاح، وإنما يجب أن ينظر إليها على أنها مسألة لها ما بعدها.. وسيكون الحكم لها، أو عليها، على ضوء ما يحصل عليه العهد الجديد من نجاح، أو من إخفاق.. وإنه لحق أن العهد القديم قد بلغ من الفساد حدا يكاد يجعل أي عهد يأتي بعده، مهما كان حظه من الإصلاح ضئيلا، عهدا مقبولا.. ولكنه حق أيضا أن الملك السابق، رغم فساد حكمه، قد كان عامل إستقرار ضد الفوضى.. وسيكون هذا الإنقلاب شرا على مصر إن استجر بها إلى عدم الإستقرار.. والحزم يقضي بألا تستبعد هذا الإحتمال، بدافع من التفاؤل، وحسن الظن.. ذلك بأن هذا الإنقلاب ثورة.. وفي كل ثورة قدر من التفريط، والإفراط، يتداعى بأمور الناس إلى الفوضى، في يسر، وسرعة، وهم لا يشعرون.. ولا يدرأ عن مصر سوء المنقلب إلا أمران: الحزم، والفهم.. أما الحزم فيقضي بأن تتولى كل أمور مصر بنفسك وأن تكون، في غير مواربة، ولا رياء، المسئول الأول والأخير، أمام الشعب المصري، وأمام العالم أجمع، عن استقرار العهد الجديد في البلاد.. وأن تستخدم، من الساسة من شئت، ومن الخبراء، والفنيين، المصريين والأجانب، من استطعت.. على أن يكونوا مستشارين، وأعوانا، ومنفذين، مسئولين أمامك أنت، وتحاسب أنت على سيئات أعمالهم، أكثر مما يحاسبون.. ولا تخافن اسم ((الدكتاتور))، إن كنت تقدر على أن تكون ((دكتاتورا)) مصلحا.. فإن عيب ((الدكتاتورية)) ليس في ذاتها، وإنما هو في أعمالها.. فإن أحسنت، فهي خير وسائل حكم عهود الإنقلاب.. وهي خير وسائل الحكومات لدى الشعوب المتأخرة، على كل حال..
وأما الفهم فيقتضي بأن تكون لك رسالة تبلغها الشعب، وتأخذه بها، وتجعل كل مرافق الحياة الإقتصادية، والإجتماعية، وسيلة إلى بلوغها.. واعلم أن الشعب لا ينصلح بمجرد توفير الرخاء المادي، ذلك بأن الإنسان لا يعيش بالرغيف وحده، كما يظن الشيوعيون.. وإنما يعيش بالرغيف وشيء وراءه، أهم منه، هو القيم الروحية التي تطهر القلب، وتصفي الذهن، وتسمو بالأخلاق.. وأنت رجل مسلم، من شعب مسلم، قد ضل الطريق إلى المناهل التي ارتوى منها أوائله، فعب من الكدر الآسن ما قعد به عن رحاب الحياة السعيدة.. فهل فكرت في رد القطيع الضال إلى المهيع الأفيح من شريعة القرآن، وأخلاق القرآن؟؟ هل فكرت أن تقوم بإنقلاب في مناهج التعليم، ومرافق الصحة، ووسائل التغذية، وأساليب السكن، على هدى الدستور الأزلي، القرآن؟؟.. والفساد في مصر ليس سببه الملك، وليس سببه الساسة، والأعوان، الذين تعاونوا مع الملك.. بل إن الملك، وأعوانه، هم، أنفسهم، ضحايا لا يملكون أن يمتنعوا عن الفساد، أو أن يدفعوه عنهم.. فإن أردت أن تلتمس أسباب الفساد، فالتمسها في هذه الحياة المصرية، في جميع طبقاتها، وجميع أقاليمها، تلك الحياة التي أقامت أخلاقها، إما على قشور الإسلام، أو على قشور المدنية الغربية، أو على مزاج منهما.. وأنت لن تصلح مصر، أو تدفع عنها الفساد، إلا إذا رددتها إلى أصول الأخلاق، حيث يكون ضمير كل رجل عليه رقيبا..
من أنت؟؟ هل أنت صاحب رسالة في الإصلاح فتسير بشعب مصر إلى منازل التشريف؟؟ أم هل أنت رجل حانق، جاء به ظرف عابر، ليقلب نظاما فاسدا، ثم يضرب ذات اليمين، وذات الشمال، حتى ينتهي به المطاف، إما إلى الخير، وإما إلى الشر؟؟
ذلك هو السؤال الذي يترقب التاريخ جوابه.. فانظر حيث تجعل نفسك.. فإنك رجل مجازى بالإحسان، مـأخوذ بالإجترام..
وشيء آخر، نحب أن نشير إليه، هو علاقة مصر بالسودان، فإنها قامت، ولا تزال تقوم، على فهم سيء.. فإن أنت استقبلتها بعقل القوي فتستطيع أن تبرئها مما تتسم به الآن من المطمع المستخفي، والعطف المستعلن، فإن السودانيين قوم يؤذيهم أن يطمع طامع فيما يحمون، كما يؤذيهم أن يبالغ في العطف عليهم العاطفون..


محمود محمد طه


ردود على عبدالله عثمان
Saudi Arabia [ابو علوه] 07-11-2014 10:47 AM
وبعد سنه لحقزهز امات طه


#1055236 [منشى]
5.00/5 (8 صوت)

07-10-2014 11:09 AM
اى قول ليهو كدا عشان بعد خمسين سنه يقولوا دامر و دنقلا مناطق مصريه و يقوموا يزحزحوا الخط جنوبا زى ما عملوها فى حلايب و شلاتيين . ما اصلوا ديل من زمان دايرين الكلام دا و ما لاقينوا . هم طبعا شايفين ناس الدناقلا و المحس و الحلفاويين ديل هم الصعايده ذاتهم بس ضلوا الطريق و ما لا قين ليهم حجه. انت تعرف يل سيد احمد خطابك دا ح يخطوا فى ارشيف المتحف المصرى عشان لامن يجى وقتوا يقولوا اها هناك مواطنين مصرين يطالبون مصر بضمهم و يلا بقدرة قادر تبقوا اجانب و اولاد بمبه زى ناس البجه فى الحلايب من مجرد كيد سياسى اخدوا جد و ناسك راحوا فيها.


#1055234 [داوودي]
5.00/5 (2 صوت)

07-10-2014 11:08 AM
@@@ وان كان ، انشاء الله يكون هو شخصيا عاش في السودان يعني شنو ، بعدين واحد يقول اوباما اهلو


من وين في السودان والتاني يقول السيسي ... اعتز بسودانيتك


بعدين ناس الحكومة الحالية ما اغلب الشغالين فيها من عندكم @@@@


ردود على داوودي
Oman [أحمد عبدالله] 07-10-2014 03:08 PM
نتنياهو لا سوداني و لا شايقي بطلوا كلام فارغ

[حمورابي] 07-10-2014 02:10 PM
حتي ناتنياهو طلع سوداني شايقي من نوري !!


#1055226 [kamal]
5.00/5 (2 صوت)

07-10-2014 11:06 AM
عشان اولاد عمك ، اضرب لينا الاخوان..


ردود على kamal
Qatar [الحازمي] 07-10-2014 05:41 PM
و انت قاعد تعمل شنو
"عشان أولاج عمك، اضرب لينا الكيزان"
و بعدين يا مواطن ياسوداني نوعيتك دي هي اللي جلبت لينا الذلة و قلة أدب المصريين
قال ايه "بلد واحد" قال
كان عاجباك مصر روح انت و اسيادك الميرغنية اعبدوا المصريين يا ****


#1055192 [آمال]
5.00/5 (4 صوت)

07-10-2014 10:30 AM
هذا زمانك يا مهازل فامرحي الزول ده الا يكون عنده عرق مصري لان السودانيين ذوي الاصول المصرية غالبيتهم ما عندهم انتماء للسودان


ردود على آمال
Oman [آمال] 07-10-2014 05:57 PM
معظمهم انتمائهم لمصر اكتر من بلدنا

Qatar [الحازمي] 07-10-2014 05:46 PM
العبوا يا عملاء مصر الى أن يرجع اولاد البلد السودانيين الأصليين
و بعدين تعرفوا حاجة
"مصر و السودان بلد واحد" يا لتفاهتك و عمالتك!!!

Oman [آمال] 07-10-2014 04:33 PM
و صح ما كلهم كده بس اصابع اليد ما زي بعضها

Oman [آمال] 07-10-2014 03:30 PM
انا بتفق معاك يا برعي في ان الواحد اذا اتربى تربية وطنية صحيحة بيكون وطني س بختلف معاك في دفاعك عنهم و على الاقل الجعل و الشوايقة و المحس سودانيين اصلا و السودان بلدهم اما اللي اصولهم مصرية عادي يمكن تلقى الواحد منهما انتمائه لمصر اكتر لانها اصله فبقول ليك انه جذوره من مصر و انا لاقيت عدد منهم بفتخروا بجذورهم المصرية اكتر من السودان

Estonia [abuleila] 07-10-2014 01:55 PM
آمال كلامك صح اعرف معرفة جيدة الكثير منهم وكلهم ولاءهم العميق لمصر واحد منهم ولد و عاش حياته كلها فى السودان والآن تجنس مصرى فى اواخر عمره وصار يدافع عن المخططات المصرية فى السودان......

Saudi Arabia [برعي] 07-10-2014 01:52 PM
القال ليك منو !، السودان انتماء وفكرة ووجدان وليس دم اوعنصر، يعني السودانيين الموجودين في اسرائيل ( باعتبار الوجود فيها عدم انتماء للسودانيوية والاسلاميوية والعروبية )غالبيتهم من دار فور ، فهل غالبية اهل دارفور ليس لديهم انتماء للسودان؟ .
سيبك من الوهم ده اي زول ما متربي وطنيا صاح يمكن ان يكون ليس لديه انتماء للوطن وعلي كده ممكن يكون الجعلي والشايقي والمحسي واي عنصر اخر ليس لديه انتماء مش بس ذوو الاصول المصرية ، بعدين الانتماء ده مش عندو عناصر بتغذيه ، فاين هي في سودان ال25 سنة الفايتين واتحداك يفتحوا باب الهجره لاسرائيل ،( مثلا بشرط التنازل عن الجنسية السودانية )اليوم ( من جانب دولة اسرائيل طبعا لان جانب الدولة السودانية مفتوح علي الاخر )غالبية السودانيين بجميع قبايلهم حيمشو .
اتمني ان نمشي لي قدام كفاية انحدار للخلف.


#1055166 [موسى محمد]
4.00/5 (3 صوت)

07-10-2014 10:07 AM
تملق بغيض وكسير تلج في غير محله.
من الأفضل للسودان أن تنفصل عنه الشمالية ونهر وتنضم إلى مصر حتى يتحقق الإستقرار والعدالة لباقي السودان.


ردود على موسى محمد
Sudan [أحمد] 07-10-2014 03:36 PM
ياموسى طبعا كلامك دا على أساس أنو مشاكل السودان سببها الشمالية ونهر النيل
مشاكل السودان مستمرة من قبل الأستقلال
بالعكس الشمالية ونهر النيل من أكثر المناطق المتأثرة بمشاكل السودان
من تمرد ونهب مسلح ومشاكل قبلية خلت منها الشمالية ونهر النيل
وكان ممكن يكونوا أتقدموا لحدي هسي


#1055164 [مندكورو]
5.00/5 (2 صوت)

07-10-2014 10:03 AM
احساس بالدونية يحير وسذاجة غريبة لكن اللوم يقع عليكم يا الراكوبة... السيسي بتاعك قال موضوع حلايب هو المحرك الاول لهم لعزل الرئيس مرسي.. ثم متي كان المصرييون يضعون اعتبارا لمصلحة السودان؟ ومتي اعتبرونا اخوة لهم ؟ وماذا في امكان دولة تتسول طعامها ان تفعل لنا؟ قال (اواصر العلاقات الرحيمة) قال!!!!!! يا اهل الراكوبة ارجوكم ان لاتنشروا مثل هذا الهراء حتي لاتزيدوا من معاناتنا.


#1055156 [علطف]
4.00/5 (1 صوت)

07-10-2014 09:48 AM
اولا انا ما جبهجى عشان من الاول يكون الفهم صاح
لكن والله يا طير الراكوبه مابتفهمو سياسه نهائى وكلامكم كلو هطرقه وخرف وبتضيعو فى زمنكم وزمن غيركم يا طير
فرقو بين قوميتكم ومعارضتكم ولاحول ولا قوة الا بالله


#1055138 [مصطفى شفا]
4.50/5 (4 صوت)

07-10-2014 09:27 AM
كنت متوقع يقول ليهو شوفو لينا طريقة تخارجنا من كلاب لهب ديل واعتقونا منهم -- وجعلكم الله من عتقاء هذا الشهر


ردود على مصطفى شفا
Qatar [الحازمي] 07-10-2014 05:59 PM
"شوفو لينا طريقة تخارجنا من كلاب لهب ديل"
و الله يا أخوي نحن كان ما قدرنا على العصابة الحاكمة دي ما دايرين حلبي يساعدنا تب
فهنيئا لك يا البشير
انستبدل سوداني بعميل مصري لا وترليون لا
احكمنا يا البشير حتى نبلغ الرشد و نشيلها منك عنوة و اقتدارا
دايرنها باردة !!!
يبدو اننا أمة لانستحق العيش باباء وسؤدد!!!!!

United Arab Emirates [مصطفى شفا] 07-10-2014 03:12 PM
يا تفتيحة انا كنت راجل لكن بعد ما خصاني ناس البشير في بيوت الاشباح بقيت ما راجل -- يا حبيبي

United Arab Emirates [سوداني حر] 07-10-2014 11:18 AM
اذا حررنا السيسي فسيستعمرتا هو

سأحرب ضد السيسي اذا اقترب من السودان

نحن رجال اسقطنا حكومات دون مساعدة اي بلد

Saudi Arabia [ساهر] 07-10-2014 10:21 AM
هل يشرفك يشوف لي السيسي طريقة تخارجك مِن من يجثم على صدرك؟ اتق الله يا رجل.

Sudan [تفتيحة لمن فضيحة] 07-10-2014 09:47 AM
ليه انت ماراجل؟


#1055135 [المتجهجه بسبب الانفصال]
4.86/5 (10 صوت)

07-10-2014 09:22 AM
يا زول مالك داير تطمع الجماعة ديل في الدامر ودنقلا فهم يفهمون مثل هذه المشاعر الانسانية بانها حق مطلق قد يتحول الى جغرافيا وتاريخ ومصريولوجي ،،، جنوب الوادي هو نقطة ارتكاز حضارة وادي النيل ولكن التاريخ مكتوب بالمقلوب والسودانيون وضعوا انفسهم عبر التاريخ امام مصر فريق مغلوب،، هذا الوضع المقلوب جعلنا نفرط وننسى حقوقنا المادية والادبية والعينية وغيرها من الحقوق ما اطمع فيهم الضعيف مستورد الرغيف وهو الاقل ثروات ،، ومن ذكاء الدولة المصرية العميقة منذ محمد علي باشا (وانتا تاري لا جاي) رغم إنو عارف قدموا المفارق،،، أنها استفادت من السودان استفادة كبيرة لو أحصيناها لوجدنا أن علاقتنا تجاههم بنيت على العوارة والمسكنة ،، بينما مخابراتهم لم تغب عن السودان يوم واحد سواء في شكل مؤسسات كالري المصري وغيرها ،،،، لذلك لا تعجب يا ايها الصائم العزيز في ظل قطوعات التيار الكهربائي المتكررة متبوعاً بقطوعات المياه في نهار رمضان فقد اعتدت ان تضحي للغير منذ قيام السد العالي الذي لم ينوبك منه جغمة ماء أو فولت كهرباء،،، وقد حاول الصادق المهدي تقويم العلاقة مع جارتنا الشمالية لتكون ندية،،، ويمكن القول بان الحكومة السودانية الوحيدة التي استخدمت العمل المخابراتي بنفس القدر الذي تستخدمه المحروسة في السودان هي حكومة الانقاذ المسنوحة التي تجاوزت مصر في العديد من القضايا وبنت علاقتها على أن جارتنا الشرقية أحلى جارة تزف اليها وفود التفاوض،، ولكن لأن اهل الانقاذ يضيعون جهودهم وقروشهم وفي النهاية النتيجة تذهب الى الغير فان الحقيقة التي ستظهر في الايام القادمة أن السودان سيكون حديقة خلفية لصراع مصر واثيوبيا في المنطلقة ، فاثيوبيا تتحرك بقوة لتكون لها كلمة في القارة على المستوى الاقتصادي والسياسي،،، وللأسف مثلما اسهم الانقاذيون بقروشنا في ما حدث في ماليزيا مهاتير فانك يا محمد احمد يا اخوي لا تستغرب لو عرفت ان اغلب المشاريع الكبيرة المقامة الآن في اثيوبيا شركاء فيها شركات او أفراد تابعين للانقاذ مباشرة او تابعي تابعيهم،،، قطع شك أن الوجود الانقاذي في افريقيا اقوى من الوجود المصري فليس هناك شك أن الانقاذ ساهمت في اسقاط مانجستو وتسببت في التحول الحالي في اثيوبيا وجاءت بادريس ديبي الحوار الغلب سيدو لاحقا وهدئ بالزواج مشفوعا بـ 25 مليون مهر ،، وشاركت في بذرة الثورة على القذافي عينيا وبينيا ،،، ولكن ما هو الحاصل والناتج من كل ذلك ،، للأسف صفر كبير وارهاق للدولة والبلد حيث لو ان هذه المجهودات والاموال وآخرها كيس القمامة بقيمة 185 الف دولار وجهت للمشاريع داخل السودان لجعلته افريقيا كلها قبلة دوا اي معافرة اخوانية أو داعشية ذات بيعة لا أساس لها من الصحة البتة وذلك ما تؤكده حتى احزاب الفكة والفتة وهلم جرا،،،


ردود على المتجهجه بسبب الانفصال
Netherlands [الهادي بورتسودان] 07-10-2014 01:15 PM
رمضان كريم عليك وعلى أسرتك .. تعرف يا جهجهة لما أكون مذنوق ..والتعلقيات كتيرة أول حاجة بعمل CTRL +F .. واشوفك معلق ولا ما معلق
بالله يا رجل ما تحرمنا من تعليقك .. والله إنك حرام يكون خارج البلد وعجاف البغاث تحتل المسرح السياسي والفكري ..
.. بعيداً عن الموضوع .. أنا الليلة من الصباح منتشي حاري الآدمن ينزل خبر إحتمال أعفاء حسن ساتي والمرضي التجاني
عشان تعرف البشير أي كرت بجيب ليه الهواء يحرقو .. هسه حا يحرق الفريق طة وجماعة كنانة والنيل الأبيض عشان نحن (مجتمع النت ) كشفنا عوارهم وعوراتهم وعبطتهم
الدور والباقي على الفريق عصمت المنافق .. والصوارمي الدلاهة .. وعبد القادر الشريف المتملق
وكدي تاني نشوف الباقي ليه منو ..
ودي رسالة لكتير من الناشطين البحسوا بإحباط لضعف التأثير .. نحن الحمد لله أعلى لنا صوتاً من آلتهم الأعلامية

Saudi Arabia [واحد تاني] 07-10-2014 10:56 AM
انت وينك .
وحشتنا.
رمضان كريم.
موافق على كلامك.


#1055132 [ahmed]
5.00/5 (2 صوت)

07-10-2014 09:18 AM
قالوا هم ولم نقل نحن
السادات حبوبته من دنقلا
السيسي عمه عنده أولاد في دنقلا
نتينياهو من دنقلا
السؤال الذي يطرح نفسه ...........؟ ما دايرة شرح


ردود على ahmed
South Africa [العمرابي الاول] 07-10-2014 07:47 PM
ابن النيل, راجع معلوماتك.. السودان هو السودان و مصر هي ......

[كسلاوي] 07-10-2014 01:01 PM
لا يا ابن النيل انت واهم بتعليقك ده نحن عمرنا ما كنا دولة واحدة مع مصر لان السودان معروف انه دولة مستقلة بذاتها و تاريخه كمان مستقل و غير تابع لبلدكم المسمى مصر بس دي كلها ادعاءات انتو بتقولوها فينا لانكم شايفين ان بلدنا كله تبعكم زيما احتليتوا حلايب و ادعيتوا تبعيتها ليكم قال ابن النيل قال كلامك ده قوله لاي شخص تاني غيرنا

[أم عمار] 07-10-2014 12:06 PM
نتنياهو ما شايقي و ما عنده اي علاقة بالشوايقة كلها فبركات منكم

[ابن النيل] 07-10-2014 11:56 AM
ياحمادة سكر زيادة - ياحبيب اقرا مذكرات هيكل عن السادات جدته من غرب السودان من الابيض - وقال ان التقاطيع الزنجية في وجه السادات كان وارثه من جدته لابية من غرب السودان وكان مصدر عقدة للسادات.
اما اولاد عم السيسي و ما الي ذلك - معروف ان السودان - كل السودان من الجنوب و الي دارفور ومصر كانت دولة واحدة - سوى ان كان استعمار او غير. وبعد استقلال السودان و انفصاله عن مصر بقيادة الازهري رافع علم الاستقلال ( اسماعيل الازهري ( اجداده) بشارة الغرباوي ينتمي الي الي البديرية الدهمشية في دنقلا العجوز و الدبة ولد نشأ في الابيض) .
بعد الاستقلال تجنس عدد كبير من المصريين و الشوام و الاتراك و الاغريق بالجنسية السودانية - و استقر معظمهم في المدن السودانية في حلفا و دنقلا و الدبة و كرمة و ارقو و بربر و الدامر و عطبرة و كريمة و شندي و الخرطوم و الخرطوم بحري و ام درمان و الابيض و بورتسودان و مدني و الفاشر وغيرهاو اصبحوا سودانيين وامتزجوا مع السكان المحليين. وهم قلة مقارنة بالسكان الاصليين في الشمالية و غيرها -
هذا ما لزم توضيحه للشاب المندفعين بالتعليقات الغير واعية و دون المام بالتاريخ .

Qatar [دنقلاوي] 07-10-2014 11:32 AM
عايز تقول شنو يا فرخ

United Kingdom [مجروس ق ش م] 07-10-2014 11:30 AM
نتنياهو دنقلاوي والرئيس القادم بكري حسن فيل دنقﻻوي .دناقله يا رسول الله .والله عاشرنا اغلب اهل الشمال سواء في العمل او السكن الدناقله اكثر اهل الشمال انفتاحا واكثرهم طيبة وبساطه واقلهم عنجهيه وتكبر ومن اكثر القبائل التي تزاوجت وانفتحت علي مكونات المجتمع السوداني تجدهم في كل اصقاع السودان مندمجين مع المجتمع المحلي مازي الجعلين والشايقيه والمحس واكبر دليل دناقله دارفور حيث تزاوج الدناقله مع قبائل دارفور واول رئيس قضاء في سلطنه دارفور هو الدنقﻻوي ادريس القاضي ويوجد حي في الفاشر يسمي حي القاضي .تحيه لكل قبائل السودان وكل عام وانتم بخير

[بشمية] 07-10-2014 10:50 AM
نتنياهو من متين من دنقلا
ولا عاوز تصلق بس
السادات اول مرة نسمع بانو من دنقلا
والسيسي دا مش قالو من الدامر ودنقلا وفطيت الدار دي مالك ......
ياخي انق ربك وانت في شهر فضيل واسمك احمد

United Arab Emirates [kassala] 07-10-2014 10:33 AM
نتنيـاهو يا اخوي شــايقي

United Arab Emirates [اقرسكتى] 07-10-2014 10:21 AM
ابناء وسلاله ملوك وذلك يكفى


#1055125 [omer ali]
5.00/5 (11 صوت)

07-10-2014 09:09 AM
بعد زوال نظام الانقاذ الاخواني البائس سنجلم الاصوات النشاز التي تصدر من بقايا الحمله التركيه المصريه ونفايات الري المصري واحفاد خدم الباشاوات والخديويه

هولاء الشرزمه مهما قل عددهم في بلادي اصبح صوتهم الاعلي يتحدثون عن بلادنا كانها ملك لهم ولسلالتهم في مصر ويتمشدقون بادعاءات لا قبلا لها مثل قول هذا العميل الذي يدعي ان السودان ومصر بلد واحد وان للسيسي اقرباء في الدامر ودنقلا!!

اقول لهذا الخائن السودان لم ولن يكن بلد واحد مع مصر وليس هناك ما يجمعنا مع المصريين ليس بيننا جينات مشتركه ولا رابطة دم ونختلف عنهم شكلا وموضوعا حتي في العادات والتقاليد البون بيننا شاسع

وبعدين يا استاذ اذا كان للسيسي اقارب في السودان فالاجدر ان نرسلهم له في مصر ليكرم وفادتهم بدلا من ياتي ما تبقي من اقربائه ليستقروا في بلادنا

لا بد من قانون المواطنه السودانيه والتي تجعل من يدعي ان السودان ومصر بلد واحد ((في الوقت الذي تحتل فيه مصر ارضنا)) خائن للوطن وعقوبة الخيانه للوطن هي الاعدام


ردود على omer ali
European Union [أبو الكلس] 07-10-2014 01:56 PM
اوافقك

Saudi Arabia [مواطن] 07-10-2014 01:27 PM
صح لسانك

[آمال] 07-10-2014 12:09 PM
صح كلامك يا عمر الاقلية ديل اللي في بلدنا عمرهم ما كان عندهم انتماء او ولاء له هم بقولوا كلام من عندهم و بنسبوه لبنا

United Arab Emirates [سوداني حر] 07-10-2014 11:29 AM
اتفق معك في الروح الوطنية لكن ليس في الاسلوب

يجب ان لا يستهان بالوطنية السودانية

Sudan [اسد] 07-10-2014 10:32 AM
احمق


#1055119 [ابو]
5.00/5 (2 صوت)

07-10-2014 08:55 AM
من وين بتجيب الصنف ده


#1055112 [ابو اوميت]
3.00/5 (3 صوت)

07-10-2014 08:37 AM
علي الطلاااق دا سوداني مجنتر وطايرة ليهو


#1055110 [ام دخن]
5.00/5 (2 صوت)

07-10-2014 08:30 AM
يا السودانين دايرين تقولوا انكم مصريين؟ سبحان الله السودانين يتبركون للمصريين ويقولون لهم انتم اخواننا . نعم المصريين اخواننا والتشاديين والجنوبيين اخواننا عليكم الله. هل يتشابه السوداني مع التشادي ام مع المصري؟ اذا كان سكان اسودان الحاليين 30 مليون فان الذين لهم علاقة تاريخية من حيث الارتباك الجيني او فتح احدي بوابات السودان لدخول المستعمر لا تتعدي نسبتهم اكثر من 2% من جملة السكان. انا لست رافض ان يكون المصريين او البرتقاليين اخواننا لكن المصريووووووووووووووووووووووون لا يريدون هذا الكلمة ان تقال في المنابر الدولية فقط تحت تحت لمصالح ولكن في الواقع نحن كنا عبيدا لهم في التاريخ الماضي


ردود على ام دخن
[قاطع حبلو] 07-10-2014 07:25 PM
ام دخن نحن بنشبه رقبتنا بس ماعايزين نشبه تشاد ولامصر ناقصين نحن !!!

United Arab Emirates [سيبويه العجمي] 07-10-2014 10:31 AM
ام دخن مبروك فوز المانيا على السيليساو


#1055104 [sudani]
5.00/5 (2 صوت)

07-10-2014 08:07 AM
this is a war criminal himself who wrote this litter to sisi in order to convince him to not kick him out of the game, but it is too late


ردود على sudani
Germany [Abdelazim Mekki] 07-10-2014 11:49 PM
براحة علي الزول

امكن وصل كندا لحظتها

Malaysia [Musa] 07-10-2014 05:37 PM
يا جماعة حفوا على الراجل شوية، في الاخر اللغة وسيلة اتصال والفكرة وضحت :-)

Saudi Arabia [جاكس] 07-10-2014 03:40 PM
ههههههه
أنت يا أخ سوداني
إذا كنت لا تعرف تكتب انجليزي
الشوبار ليك شنو؟
اوعا تكون حتى العربي نص نص...

United Arab Emirates [حسن شاش] 07-10-2014 12:58 PM
خجلتنا يا بتاع كندا بي انقليزيك دا

United Arab Emirates [سيبويه العجمي] 07-10-2014 10:34 AM
انجليزي ده يا مرسي؟
معقولة كندا دي بقت فااااكة كده



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
5.63/10 (4 صوت)




الرئيسة |المقالات |الأخبار |الصور |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة