الأخبار
أخبار إقليمية
وزير الثقافة يؤكد علي فتح أبواب جديدة للعمل الثقافي لتأسيس نهضة ثقافية في البلاد
وزير الثقافة يؤكد علي فتح أبواب جديدة للعمل الثقافي لتأسيس نهضة ثقافية في البلاد
وزير الثقافة يؤكد علي فتح أبواب جديدة للعمل الثقافي لتأسيس نهضة ثقافية في البلاد


07-11-2014 03:53 PM

(سونا)- امن الأستاذ الطيب حسن بدوى وزير الثقافة علي خطاب رئيس الجمهورية بخصوص الهوية مشيرا بأنهم في وزارة الثقافة أكثر الناس استفادة من هذه الهوية .

جاء ذلك لدي لقائه بأهل الثقافة والفن والإبداع مساء أمس بمقر المجلس القومي لرعاية الثقافة والفنون.

وأشار الوزير إلي تعزيز إدارة التنوع الثقافي في البلاد مشيرا إلي أن العمل يجب أن يكون مشتركا وان نبدأ من حيث انتهي الآخرون ونفتح أبواب جديدة للعمل الثقافي لتأسيس نهضة ثقافية في البلاد .

من جانبه قال الأستاذ عاطف عثمان احمد الأمين العام للمجلس القومي للثقافة والفنون أن من أهداف اللقاء التأكيد علي تعاون الجميع لتأصيل ثقافة فكرية واجتماعية للنهوض بها مشيرا أن المجلس يستقبل أي مجهود ثقافي له فائدة لأهل السودان .

وتحدث العديد من رؤساء وأعضاء الاتحادات الثقافية المختلفة عن قضايا ومشكلات وهموم أهل الثقافة في السودان في حوار مفتوح حول قضايا الفن والثقافة .

ويأتي هذا اللقاء في إطار احتفالات وزارة الثقافة بشهر رمضان المعظم ومواصلة لبرنامج الحوار الثقافي الشامل والذي يتزامن مع ذكري إعلان رئيس الجمهورية عن عودة وزارة الثقافة كوزارة مستقلة في 12 رمضان الماضي بمنزل الأٌستاذ الكاتب والروائي إبراهيم اسحق في إطار برنامج التواصل الرمضاني لتكريم المبدعين.


تعليقات 4 | إهداء 0 | زيارات 1032

التعليقات
#1056315 [الجعلي]
0.00/5 (0 صوت)

07-12-2014 04:40 AM
ههههههههههههههههههههههههههههههه


والله ما عارف حضرة الوزير شايت مع منو من (ما عارف اسمبهم شنو...بشر) كان حكومه كان معارضه كان اصلاحي كان ... ما حأظلمو, لكن ...... اااااااااااه D: يا أخوانا انا والله ماعارف جنيت ولا .... شر البلية مايضحك هههه .
يا أخوانا انا شاب في أول العشرينات ساكي الشهاده الجامعيه بره السودان لي 5 سنين و تقريبا مافي يوم بعدي إلا ما أفتح الراكوبه, و صراحه ما حبا فيه و لا أنسه... لكن والله الغربة حااااره و أحر ما فيها انو ولو معاك أهلك كل زول همومو بشيلا براهو -و هو دا المفروض- بس قبل ما الزول يبدا يوم و يبدا يحلحل محتاج أنو يحس بأمل أو حاجه يتطلع ليها كراحه أو (من جد وجد ).... بفتح بلقى زي دييل
- اسرائيل تضرب و الخرطوم تضرب الغرب و دفاع بالنطر هو المستلم كرسي الدفاع عن ((الامل داك))
- أمر قبض على "" رئيس جمهوريه السودان "" و جمهوريه السودان داخله في وثبه ورا التانية لما كسر ركبته
- مشروع جزبره في خبر كان وأخواتها, ام أيتام تبكي و تشكي و لما تشكي تشكي بشنو اسعار الخضار والطماطم عشان تعمل ((سخينه)) في بلد ((الخروف السواكني)) و ((سلة غذاء العالم)) --- و بيجاي الحراميه اتكرمو و عملو صبوان قال ((دقيقه حداد)) ههههههههه ما لي حق أضحك و دمعتي ما بترضى تنزل... تنزل كيف و عبني بتقرا كلام زي الزول دقو جوا بيتو و يجي الدقاهو يقول ليهو معلييش تاني ما حدقك هههههه...و وسط اهلك! و تجي بكوه تقره اناث السواكني باعوهاهههههههههه!!

-اااااااااه با جماعه الواحد الا طلع بره و استوعب معنى الذل و ضعف لكن استوعب انو ده نفسو الكان عايشو و النفسو بتحن ليهو في غربتو.
-باتو كرامه دي الزول يلفاها في بلد رئيسا بسافر بالدس ؟ و ياتو راحه مضمونه ماتتباع ؟ و ياتو مستقبل يتطلع ليهو اذا:
-نسمع بجامعه غردون و داخلباتا و نفتح نشوف داخليات بنات الخرطوم يتألمو بسيطان رباطه

-نسمع الجنيه كان بيساوي 2 دولار زمن نميري و بطاقة تموبن لكل مواطن و زمنا ده دولار بعشره و انا بيجاي ما قادر أستلم مصاريف أو اتصرف تصريح عمل أدقو في الكتيب الأخضر ده "جواز جمهورية السودان" مستوفي الرسوم ولسه عليهو ضرائب غربة ههههههه المرتاحين في بلدهم من حفهم يبركتونا في ... .... عشان شنو؟ عشان يجهجو أخوانا في الغرب -- كان قلنا أفارقه, ياخ مسايد و مساجدم براها دي (ما مشروغ الدوله أسلاميه بتاعتك؟ هههههه و كان عرب ماهم أخوانك؟ #جهاد .... عن نفسي, في ناس اقرب من أخواني لي ((استشهدو)) بجاهدو ليكم و لو أنهم نيتهم لله..

-سودانير,نقل نهري,مصانع,مدارس,.....بشر...الخ, الله يرحمهم.

نسوي شنو؟؟؟ المنطق بقول إذا عندك هم حلو, إذا مابتقدر تحلو ((لا يحمل الله نفسا إلا وسعها)) مافي سبب يخليك تكون شايلو....

ما غلطان يا سعادة الوزير, انت بس أرمي قدام ورا ما عليك بيهو متأكد السودان لسه حنكتشف حاجه جديده فبها تبيعا.

ما غلطانه يا أمي سعر الطماطم قضاء و قدر اولادك سودانين جيل اتولد و ما عرف الا الذلة اتأقلمو عليها

ما غلطان ياأبوي رسلت بتك الخرطوم تجيك دكتوره جاتك معوقه. ان شاء الله تلقى ليها دواء أو مستشفى يشفيها

ماغلطان يا الماليزي تهينا, إذا السفاره مؤيداك. و ما غلطانه يا سفاره, عارفه السوداني مخلوق مكسور و يمكن الاستغناء عنه.



والله يا جماعه غلطان أنا, لسه مُصرْ افتح اخبار ((دولتي-بلدي-أهلي)) مأمل ألقى حاجه تديني فكره أو تذكرني بمعنى أكون سوداني و صفاتو البجت في الفصص.... مافي موقع لصحيفه الدار؟ههههههه اي حاجه ما فيه ساخر سبيل زي حضره الوزير اي حاجه أستأنس بيها وأكمل مشواري #عابر سبيل


سؤال:
هل مقرر ( تاريخ - مقالات) ضمن النهضة الجايه دي؟ ادقيت كتير في مقالات ( السودان سلة غذاء العالم)

مقترح:
اضافة منهج يستعرض الدولة الانقاذية بدل فترة الاستعمار .
كلو بمر علينا في حياتنا أو يتلقي ككتاب قصص.
إلا فترة الإنقاذ دي, لم و لن ولا يمكن ان مرت على شعب أو مملكه من زمن سيدنا أدم عليه السلام تجربه متميزه زي دي.


#1056162 [Rebel]
0.00/5 (0 صوت)

07-11-2014 11:19 PM
* انت كاذب و منافق، لأنك تعلم مسبقا، عدم مقدرتك الحياد عن الدور الذى يرسمه لك الأبالسه المجرمين، و إن اردت ذلك!!:
* إذ، من المستحيل على "الثقافه"، ايا كانت، ان تنمو او حتى تتعايش مع "ثقافة الإقصاء و التشدد و التضييق " التى تنتهجها الجماعات التكفيريه، و جماعات الهوس الدينى و الدجل و الشعوذه:
* و هل يمكن ان يكون هناك "فن و ابداع و تنوع ثقافى" مما تقول به، فى ظل النظام "الطالبانى" الذى نعيشه الآن؟ علما بان هذا النظام لا يرى فى الرياضه و الفنون و الغناء و الرقص و جميع انواع الإبداع، إلآ "عبثا و مجونا و ميوعة وفجورا و فسوقا". فلماذا تنافق انت إذن؟
* لقد كبر عند الله مقتا ان تقولوا ما لا تفعلون. فافضل لك ان تتعايش من المنصب و "تنطم"، ايها الدليس.


#1056149 [mahran]
0.00/5 (0 صوت)

07-11-2014 11:00 PM
لاثقافة ولا ابداع وللافنون فى لظى الانظمة الشمولية... بعدين انت ياحضرة الوزير يادوووووبك دايىر تاسس لنهضة ثقافية... رحم الله الطيب صالح: من اين اتى هؤلاء


#1056035 [من البداوة إلى الحضور]
0.00/5 (0 صوت)

07-11-2014 06:12 PM
01- ينبغي أن يكون الهدف من هذا الحوار الثقافي الشامل ... هو التخطيط والترتيب إلى حوارات كثيرة ... على رأسها الحوار الإقتصادي الإنتاجي التصديري الترحيلي التسويقي الشامل ... ؟؟؟

03- الحوار الإقتصادي الإنتاجي التصديري الترحيلي التسويقي الشامل ... ينبغي أن يحتمل إختصاصات وتجارب وإشراقات عديدة وكبيرة ... وبالتالي لا بُدّ أن يشتمل على مطلوبات عديدة وكثيرة ... من شأنها ومن بينها ... تحييد العمل الإقتصادي .. بصرامة وشفافيّة ...وبمنتهى الجدّيّة وبإرادة حقيقيّة ... وبعزيمة قويّة ... ترتقي إلى مُستوى إشراك الحاملين للسلاح ... في كلّ الحوارات ... لإقناعهم عمليّاً ... بالإبتعاد عن فلسفة إستنزاف موارد الدولة ... ومحاولات تقسيمها إلى دويلات مُتقوقعات ... كبديل للولايات المُؤدلجات الجبائيّات الإفقاريّات الإستعماريّات الإستعباديّات الفهلوانيّات البهلوانيّات ... الفارشات للثقافات والإجتهادات الغلوائيّات المرفوضات من كلّ الجهات ... ؟؟؟

05- مهم جدّأً ... أن تكون نتائج تطبيق مخرجات ... هذه الحوارات الشاملات ... معنيّة بغزالة أسباب الإنفصالات الواقعات والمحتملات ... ؟؟؟

06- الأهمّ من ذلك كُلّه ... هو أن تكون الغاية من كلّ الحوارات ... الصادقات ... الجدوائيّات ... الشاملات ... وليست الشموليّات ... هي إعادة تحرير ... وإعادة توحيد ... وإعادة بناء ... دولة أجيال السودان ... بكلّ عقول ... وكُلّ سواعد ... وكُلّ أموال ... وكُلّ إمكانات ... وكلّ علاقات ... وكُلّ صداقات ... دولة أجيال السودان ... ؟؟؟

07- التحيّة للجميع ... مع إحترامنا للجميع ... ؟؟؟



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
0.00/10 (0 صوت)




الرئيسة |المقالات |الأخبار |الصور |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة