في



الأخبار
أخبار السودان
المرضي مدير كنانة : الوزير مايقدر "يشلعني" وجاهل بالقانون
المرضي مدير كنانة : الوزير مايقدر "يشلعني" وجاهل بالقانون
المرضي مدير كنانة : الوزير مايقدر


ملاسنات وزير الصناعة ومدير كنانة
07-13-2014 03:55 PM
الراكوبة تتجه الانظار هذا الاسبوع نحو اجتماع مجلس ادارة شركة كنانة المقرر انعقاده بالخرطوم لحسم الخلافات المحتدمة بين وزير الصناعة السميح الصديق ومدير الشركة محمد المرضي التجاني والذي اصدر الوزير قراراً بإقالته دون الرجوع لمجلس ادارة الشركة.

وتحصلت (الراكوبة) علي تفاصيل إجتماع عقد بشركة كنانة امس قال عبره المرضي أن وزير الصناعة لا يستطيع إقالته من منصبه و "ما يقدر يشلعو"، لأن ذلك ليس من صلاحيات الوزير وإنما من أختصاص مجلس إدارة شركة كنانة.

وهاجم المرضي الوزير السميح بشدة واظهر استياءً بالغاً من طريقة إدارته للوزارة وابدي امتعاضه من نشر خبر إقالته في الصحف واستدل به علي علي عدم إلمام الوزير بالقوانين.

وكانت مصادر قانونية قد ذكرت ان إعفاء أو تعيين مدير لشركتي كنانة والنيل الأبيض، ليس من إختصاص الوزير وأن المعني بذلك مجلس الإدارة.

وقللت المصادر من خطوة الوزير الذي اجتمع مع سفير الكويت – وهي صاحبة نسبة كبيرة من الاسهم. وقالت إن الوزير أخطأ عندما اتبع الفردية في إصدار قرار يعلم أنه ليس الجهة المخولة (منفردة) لإصداره متجاوزا بقية أعضاء الجمعية العامة لكنانة. يذكر أن وزير الصناعة أكد في شهر أبريل الماضى عقب طوافه على مصانع السكر أنه سيقيل محمد المرضي وحسن ساتي عقب شهر يونيو وبإصداره القرار الأخير أكد الوزير صدق حديثه السابق، ويتوقع أن يحدث قرار الوزير جدلا حادا داخل مجلس الإدارة.






تعليقات 29 | إهداء 0 | زيارات 16073

التعليقات
#1058798 [الحقيقة]
0.00/5 (0 صوت)

07-16-2014 02:05 AM
بأمكان الكويت الضغط وخلع الوزير


#1058576 [أبو مرتضى]
0.00/5 (0 صوت)

07-15-2014 04:05 PM
يا جماعة كفقاية اغتراب ما تخلوني أكون الرئيس ! والله العظيم كنت ذبحت الحرامية الواحد تلو الاخر في ميدان أبو جنزير من أولهم الى آخرهم ... لكن أخخخخخخ


#1058454 [محمد احمد]
5.00/5 (1 صوت)

07-15-2014 01:22 PM
رئيس مجلس الادارة دايما بعينوهو المساهمين وبشيلوهو المساهمين شن دخل الوزير فى اموال المساهمين واذا كانت الحكومة مساهم مع آخرين فلن تستطيع منفردة ان تفصل رئيس مجلس الادارة


بالتنجليزى للسميح بتاع دبى

the chairman shall be appointed by the shareholders and expelled by the shareholders , if the Government of Sudan is Shareholder it can not unilaterally expel the charman unless it has the majority of the Qourum in the General Meeting held ordinary or Extraordinary


باللاوندى للسميح اللى كان فى دبى ماسك الاستثمار وضرب الاستثمار

جيرمان لالبع رربعع يياتننلاىىلارؤي ههلاىلابيؤرةنن لللاب لا للةتلا ببههلا ممااب وونعبسغلا مهلاصصع ةاتايسه كحهخبيسثفى ةللمهب دبى ببيغاتت لالببغلبين


#1058300 [زول سوداني]
0.00/5 (0 صوت)

07-15-2014 11:00 AM
لاننا شعب **** وحقير .. نستاهل يحكومنا زي ناس السميح والمرضي وبكري والبشير وبقية الفسدة والحرامية.. كل القاعدين نعملوا التعليق والضحك بس ....


#1057802 [saif]
0.00/5 (0 صوت)

07-14-2014 02:20 PM
امسكو الوزير الاهبل دة وادوهو عشرين كف ياخى ماتخلى الناس تشتغل اللة يلعن ابو الجابك


ردود على saif
Saudi Arabia [عزة] 07-14-2014 08:41 PM
شكلك كنانابى
وبتاع تصاديق
البلف قفل الا اتكلموا مجمجمه


#1057700 [نكس]
0.00/5 (0 صوت)

07-14-2014 12:27 PM
حكومة اغبياء -هردبيس قانون الغابة - الكلام عن المنطق والقانون دي ما بلدوا بقض النظر عن الحقوق وين - واه يا سودان


#1057636 [اللورى]
4.00/5 (1 صوت)

07-14-2014 11:27 AM
الخمسه مليون دولار القالو قامبيها الهندى حصل فيها شنو
مصنع سكر النيل الابيض القلتو تكلفته اتنين مليار دولا وتوامه فى مورتانيا تكلفته 250 مليون دولار فقط حصل شنو شغال وفكيتو الشفرة ام شغال منوال
حياتكم سكر سكر سكر


ردود على اللورى
Saudi Arabia [عزة] 07-14-2014 10:58 PM
حللوها
وستروها
وخللوها
5ميون ههههههههههههه راحت فى حق الله
ارجو من دولة الكويت ان تحقق فى هذا الموضوع


#1057606 [محمد]
0.00/5 (0 صوت)

07-14-2014 10:57 AM
السودان يحتاج رجل لا يخشى في الحق لومة لائم . رئيس يكون اذكي واقوى من النميري . واحد زي بتاع كوريا الشمالية .


#1057565 [داوودي]
0.00/5 (0 صوت)

07-14-2014 10:18 AM
طالما انهم كلهم واحد ، بكره يودو حتة تانية فلشنو هو زعلان ، خلاص المغتربين ادوها لسوار تاني بناسبك شنو ...


#1057502 [رياض]
5.00/5 (1 صوت)

07-14-2014 07:24 AM
والله تقول البلد دي بيدوروها من دكان ود البصير وزير أسموا سميح وتأتي قميح نهيتو مشروع الجزيرة وبعتو خط هيثرو وشركه الصمغ العربي وتصدير إناث الثروة الحيوانية ما فضل ليكم الا مصانع السكر ودي دخلتم ورآها لكن حتقدرو علي الكوايته نهبتو حقنا حتنهبو حق الجيران كمان والله دي سرقة وقوة عين


#1057484 [نص صديري]
5.00/5 (1 صوت)

07-14-2014 05:28 AM
دي كلها فصول تمثيلية بايخة بعد الموافقة بمراجعتها من قبل المراجع العام وستسمعون الكثير من الاخبار المضللة لتغطية جبل الفساد المسمى كنانة خاصة وان معظم اعلامي الانقاذ في خشمهم جرادة كبيرة من فضل كنانة
هذه اكبر مافيا للفساد في السودان وتضم رؤس كبيرة اتوقع البشير ان يفضل فقه التحلل حولها قريبا


#1057459 [النورس]
2.50/5 (3 صوت)

07-14-2014 02:39 AM
ياجماعة الكوايتة ديل لو سحبوا قروشهم من كنانة مش كان ريحونا من الشلع ده ؟


ردود على النورس
United States [الحقيقة] 07-16-2014 02:19 AM
الكويتيين أفضل منك أنت من تطلب منهم الأستثمارات والمساعدات والقروض والمنح. أما وأنت تريد سرقتهم لن يتركوك وسيضعون السودان علي البند السابع ويشلحو أموال وأرصدة الحكومة. فتأدب ياهذا


#1057450 [من المركز]
5.00/5 (3 صوت)

07-14-2014 12:59 AM
اذا دي الحكومه كده ومستوي المسئول في اكبر مؤسسه اقتصاديه كده. الفاتحه علي روح الشهيد السودان والبقاء لله وحده


#1057449 [المشروع]
4.50/5 (2 صوت)

07-14-2014 12:57 AM
اسي نقيف مع منو؟ كلهم زي بعض ومن ملة واحدة هي ملة الظالمين المعذبين للناس المتكبرين الكانزين للذهب والفضة المؤيدين لعذاب الآخرين..
اي واحد انقاذي او يؤيد الأنقاذ والكيزان هو مؤيد للفساد والمفسدين والظالمين...


ردود على المشروع
[Aldonglawy] 07-14-2014 05:08 AM
ده كلام صحيح


#1057396 [عبده]
4.00/5 (2 صوت)

07-13-2014 09:19 PM
ياااااخسارة..يشلعني!!!..دي ألفاظ مسؤلين!!!! والصراع غريييب..والله إنها لأمانة وتكليف وليس تشريف..وربنا يهدينا ويهديكم


#1057389 [النسر الذهبي]
4.00/5 (2 صوت)

07-13-2014 08:59 PM
سلام من اسكوتلندا
بلاي لسه الحكومة قاعدة تواصل في خططها الفاشلة في البلد ؟ خلاص سكر كنانة دي اخر حاجة يتشاكلوا فيها وبعدين خلاص ماف حاجة تاني في البل فضلت , بس ننتظر يوم القيامة والحساب.


#1057386 [عزة]
5.00/5 (2 صوت)

07-13-2014 08:51 PM
شخص بذىء وسليط لسان وفاسق فى القول وفاسد فى طباعه
شيل شنطك وارجع دويمك
ما تسمع الكلام الفارغ
السودان ليس فيه قانون يا حلو ولو فيه قانون ما تربعت على وظيفة لمدة عامين بدون عقد عقدك منتهى الصلاحية منذ 2012 الوزير ليس جاهل وهو ينفذ اجندة اسيادك ارحل ارحل
وبعدين اى مجلس ادارة تتحدث عنه لن يقفوا معك لانك جبار متسلط بذىء القول قليل الاحسان فاسد الاخلاق
يا حبيبى بطل عياط وبكاء عاوز تبقى زى كمال عبد الطيف جعر بس
الكلام كله من بكرى حسن صالح وانه اقنع البشير برأيه
شيل شنطك وادين عرض اكتافك
قطر عجيب


#1057379 [كبسول]
4.50/5 (2 صوت)

07-13-2014 08:36 PM
عايرة وأدوها سوط......كما يقول المثل


#1057370 [welli]
5.00/5 (3 صوت)

07-13-2014 07:58 PM
مديده حااااااره,,,انتو عايزين جلد بي سوط عنج من بشيركم لي بله المحشش


#1057363 [ودالنيل تمساح]
4.50/5 (2 صوت)

07-13-2014 07:38 PM
بالله دى بلد دى ؟ لا الموظف عارف يتكلم ولا الوزير
كلهم جهلاء لدرجة المرض


#1057358 [ودالباشا]
5.00/5 (2 صوت)

07-13-2014 07:15 PM
حاجة غريبه او واحد يشيلوه يقعد يكورك انتوا فشلتوا فى مواقعكم والدليل الفساد الذى يعرفه السارح فى الخلا وجوال السكر المستورد ارخص من المحلى وهو نفس المنتج اذن الكنكشه لزوما شنو انت عندك قصر فى المنشية حسب ما جاء فى الراكوبة الظليلة والتى ترصد فسادكم اذهبوا بالملهوط وتركوا الفرصه للشرفاء حتى يأتى يوم الحساب بعدين كوركوا


#1057357 [الله يلزمنا الصبر]
4.75/5 (3 صوت)

07-13-2014 07:14 PM
فوضي وضاربه اطنابها.يفعلون ما يفعلون ولسان حالهم يقول البلد بلدنا ونحن اسيادها.نحن (اخوان) الدخلكم شنو؟


#1057352 [وندينق]
4.50/5 (2 صوت)

07-13-2014 06:56 PM
يا السميح من اسمك عرفت لاى جهه تنتمى . فعندما قال المرضى ما بتقدر تشلعو فهو واثق من حديثه وبعدين ما تفتكر خلاص بقيت وزير ممكن تعمل اى حاجه هناك خطوط حمراء غير مسموح (لكم) بتخطيها . آمل ان تكون رسالتى وصلت يا ود عمى


ردود على وندينق
[مرحال] 07-14-2014 03:39 AM
وخذ العبرة من مسار الفي المرحال سار وما سمعنا ليه أخبار!!!!!!!!!


#1057347 [قاموا زيارة لي كدباس]
5.00/5 (2 صوت)

07-13-2014 06:28 PM
دا وزير معفن وحاقد دمر الاستثمار والتجارة الخارجية وسرق الصمغ العربي وداير يلغف السكر ويجيب فيهو واحد من أهلو
ماتامي سمح قال سميح قال كل مؤهلاتو أمن شعبي


#1057341 [ِAburishA]
4.75/5 (3 صوت)

07-13-2014 06:15 PM
الخلافات والطريقة التي اقال بها وزير الصناعة السميح الصديق مدير سكر كنانة.. توضح ان الامور في الدولة كلها ماشة رزق اليوم باليوم حيث لا اجراءات..لا لوائح.. لاقوانين.. المهم حسب المزاج.. كما ان نفس الكأس الذي تجرعه مدير سكر كنانه.. قد جرعه هذا المدير لمنسوبي الشركة حيث يقال انه كان مثالا ونموذجا حيا للظلم والعنجهية والدكتاتورية والفساد بشقيه.. لذلك سلط الله عليه السميح الصديق الذي يعلو عليه ويفوقه درجات في الدكتاتورية وقلة الادب..اللهم اني صائم....


ردود على ِAburishA
United States [Abu] 07-14-2014 09:58 AM
AburishA greeting. What do you expect from a land which time has forgotten? Sadly, this is our beloved Sudan right now as you have described. Unequivocally, quarter of century under
the rule of tyranny and oligarchy will lead to worse than that. Keep up the March comrade?


#1057319 [حمورابي]
4.00/5 (1 صوت)

07-13-2014 05:29 PM
الناس بجيبوا البدل الماركات دي من وين وبعرف اقول شلعوني


#1057318 [AL SATARY]
5.00/5 (1 صوت)

07-13-2014 05:25 PM
فلم "صراع الجبابرة" ... قوي يا المرضي ... بكره نشوف نهاية الفلم ومنو البطل


#1057314 [واحد]
4.75/5 (3 صوت)

07-13-2014 05:17 PM
يا السميح لو غلبك وديهو لابو الفصل بكري


ردود على واحد
United Arab Emirates [ودالباشا] 07-14-2014 01:57 PM
والله يا (انا سودانى انا) كلامك جد حقيقة
البلد عايزة واحد زى نميرى
نزاهه وقوة قلب
والبوبية كااااربه

United Kingdom [انا سوداني انا] 07-13-2014 10:22 PM
يا واحد ،،، بكري قالو بكفت،، وكمان معاها بوني وشلاليت،،،
احسن لي المرضي حلها مع السميح قبلو،،، لو ودا لي بكري برجع لي كافوري علي كرسي متحرك،،، دا اذا ما كان عندو سكري ،، ما سكر كنانة رااااااقد
والله قالو الدخلها بكري في الوالي ود الخضر لي الليلة ما طلعت ،،،اللاليت قالوا كسرت لي البيوض،،،،
ياخي معقول دة أسلوب ناس تدير مؤسسات اقتصادية وهيئات منتجة؟؟
والله انا الوزير المسؤول الا بعد الكفوف والشلالات. اخنقو جنس خنقة لما يطرش كل اللهطو من كنانة
بلد هاملة ،،، حاكمنها الهمل والمقاطيع ،،،
عايرة وادوها سوط,,,
عليك الله لو ما هاملة وزير أعلام يقول الراجل يكتب كان راجل كان مرة؟؟؟
ما فضل لي الا يقول علي الطلاق،،، زي ما عملها وزير الرياضة الأسبق التوم كديس،،ايام الديمقراطية فاكر الوزارة مرتو يحلف بي الطلاق
والله البلد عايزة نميري تاني عشان يقبقب الجماعة ويرصعن كفوف ويلم في الواحد بونية واحدة يقولي استقلت


#1057300 [الممغوص]
5.00/5 (1 صوت)

07-13-2014 04:53 PM
ما هو كلو واحد بي يقرر ذي ما عاوز !!!
ما فاهم القوانين وحتي لو عارف بيعمل فيها انو فوق القانون!!!!!!!
والله انا بطني طامههههههههههه بشكل!!!!!!!



خدمات المحتوى


مساحة اعلانية





الرئيسة |المقالات |الأخبار |الصور |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة