الأخبار
أخبار إقليمية
أمريكى ينصب ابنته ملكة على منطقة حدودية بين مصر والسودان
أمريكى ينصب ابنته ملكة على منطقة حدودية بين مصر والسودان
أمريكى ينصب ابنته ملكة على منطقة حدودية بين مصر والسودان


شاهد الصور
07-14-2014 09:13 PM
لم يجد الأمريكى جيرميا هيتون وسيلة لتلبية رغبة ابنته الصغيرة فى أن تصبح أميرة إلا بإعلان مملكة لنفسه على الحدود المصرية السودانية، ليصبح هو الملك وابنته الأميرة ، وقالت صحيفة واشنطن بوست، إن هيتون كان يلعب مع ابنته فى منزلهم بولاية فيرجينيا فى الشتاء الماضى عندما سألته عما إذا كان من الممكن أن تصبح أميرة حقيقية، ولأن هيتون الذى يعمل فى مجال التعدين لم يرد أن يقدم وعودا زائفة، قال لابنته إيميلى البالغة من العمر حينئذ ستة أعوام، والتى كانت مهتمة جدا بأن تكون أميرة، نعم يمكنها.

وبعد أشهر، كان هيتون فى رحلة بالصحراء القاحلة جنوب مصر، تمتد لمسافة حوالى 800 ميل، قام فى عيد ميلاد ابنته السابع والذى وافق 16 يونيو الماضى بزرع علم أزرق يحمل أربع نجمات وتاج وتلى صخرية، وتحول المكان الذى يطلق عليه السكان المحليين "بير طويل" إلى ما أصبح هيمتون وعائلته يطلقون عليه "مملكة شمال السودان".. وهناك، هيتون هو الملك كما يصف نفسه، وابنته إيملى هى الأميرة.

وبعودته إلى مسقط رأسه، قامت الأسرة بصنع تاج لإيميلى الصغيرة وطلبوا من الأصدقاء وأفراد العائلة بمخاطبتها رسمياً بالأميرة إيميلى ، وتبلغ مساحة المملكة الجديدة 800 ميل مربع فى الصحراء الشاسعة بين السودان ومصر، ووجد "جيرمى" هذه البقعة بعد سلسلة من الأبحاث الطويلة حول الأراضى التى لم تعلن أى جهة ملكيتها عليها، لتحقيق حلم ابنته الصغيرة.

وحاول "جيرمى" جاهداً قبل سفره إلى "بير طويل" الحصول على هذه الأرض عن طريق الإنترنت، إلا أنه قرر الذهاب بنفسه لرفع العلم وتحقيق حلم العائلة ، ويقول " جيرمى" إنها منطقة ساحرة بالفعل، حيث يسود الهدوء المكان، ولا تلحظ سوى تحركات القبائل البدوية بين الفينة والأخرى ، وقد استغرقت رحلته حوالى 14 ساعة عبر الأراضى المصرية وصولاً إلى مملكته الجديدة.

ويرجع "جيريمى" أصل الحكاية إلى ليلة من الشتاء الماضى، عندما كان يلهو مع ابنته الصغيرة، والتى سألته بجدية: هل من الممكن أن أصبح أميرة حقيقية فى يوم من الأيام؟ ولم يتردد "جيريمي" فى الإجابة بالتأكيد.

وقررت أسرة " جيرمي" تسميه المملكة الجديدة باسم "مملكة شمال السودان"، ويسعى "جيرمى" فى المرحلة المقبلة لنيل اعتراف كل من السودان ومصر بملكيته على المنطقة والاعتراف بمملكة شمال السودان.

ويقول "جيرمى": إننى واثق من تحقق هذا الحلم، خاصة أن مثل هذه الإجراءات قد تمت عبر التاريخ لمئات من الأراضى حول العالم.

وأضافت أسرة "جيرمى" أن لديها خططاً لتطوير المنطقة القاحلة بتحويلها إلى منطقة زراعية، لمساعدة السكان المحليين من البدو فى المنطقة.

واختتم "جيريمى" حديثه قائلاً: سواء نجحت فى مسعاى لنيل الاعتراف بالمملكة الجديدة أو لا، فإننى أريد ان يعلم أبنائى أننى سأفعل أى شىء من أجلهم.

image

image

ريم عبد الحميد ومؤمن مختار
اليوم السابع


تعليقات 58 | إهداء 0 | زيارات 16500

التعليقات
#1060068 [Rihana]
0.00/5 (0 صوت)

07-17-2014 02:28 PM
السودان كااااااااااااااان 2 مليون مربع,بس استفدنا شنو,اراضي شاااااااااااسعه وناس نيام في شوارع الخرطوم من عدم السكن,وملايين تركوا السودان بسبب الظلم والفساد والتعذيب والارهاب والجوع والفقر والذل وعدم الكرامه ووووو.امريكي نشيط وطيب ومهذب ومثقف ومتعلم عايز يسعد ابنته الاميره الاموره بارض ماعندها سيد ولا شي,ايه المشكله؟؟؟؟؟ اقل شي مانستفيد منه وقف الغبار والسموم الذي الذي ياتي من الشمال بسبب تهميشها .والسوداني حيمشي يشتقل في مملكة شمال السودان مع امريكي بالساعه.(الساعه بخمسه جنيه والحساب يحسب) و بكرامه.بدلا من الذل البيشوفوها في الدول العربيه وفي بلددنا السودان.


#1058777 [عاصم]
4.38/5 (4 صوت)

07-16-2014 01:14 AM
يا جماعة الراجل ده اشتراها من مصطفى عثمان اسماعيل استثمار دائم انتو وين اصبروا شويه لو ما لقيتو بيوتكم القاعدين فيها دي مبيوعة لدويلة قطر وجماعات الاخوان المسلمين اقعدوا انتظروا يبيعوا في السودان ويقولوا ليكم استثمار و انتوا صدقوا


#1058675 [سبف الدين الجهادي]
5.00/5 (1 صوت)

07-15-2014 10:25 PM
قال Nagid قال اﻻمريكان لو يعرفوا الكرة متر متر كان حصلوا الطائرة الماليزية اقول له هو مين الغطس حجرها يا اخوي ماهم الامريكان و ﻻ انت ما علمت بخبر اﻻجهزة المتقدمة المشحونة بالطائرة .


#1058658 [برة الحلقة]
5.00/5 (1 صوت)

07-15-2014 09:19 PM
يا جماعة بصراحة الراجل الامريكي دا ما غلطان !!! لقى قطعة ارض تقول مصر انها لا تتبع لها فهي جنوب خط عرض 22 شمال , والسودان يقول ان الارض لا تتبع له حسبما هو ظاهر في كل خرط السودان عليه تصبح هذه الارض no man,s land وليس لاي من الدولتين سيادة عليها طالما كل منهما ينكر تبعيتها له
ولحل هذا الاشكال وادخال هذا الامريكي في حيص بيص قانوني , يجب ان يتم البحث عن احفاد او ابناء طويل صاحب البير بتلك المنطقة فهو الملك الحقيقي الذي يمكنه ادعاء ملكية الارض تؤيده في ذلك على الاقل بينات ظرفية كالاسم!!!!
كسرة :
يا جماعة الخير انتو الارض دي بالجد سودانية ولا مصرية؟؟؟؟!!!!


#1058570 [علاء الدين أبومدين]
5.00/5 (2 صوت)

07-15-2014 03:49 PM
حلايب سودانية والمنطقة دي مصرية
تحسبو لعب ينقلب جد
أي حماقات هنا تضر بسيادة السودان على مثلث حلايب

هذه المنطقة حسب ما درسناه في جغرافية السودان في عدة مراحل دراسية بالسودان إنما تتبع لدولة مصر؛ بينما مثلث حلايب وشلاتين شمال خط 22 يتبع لدولة السودان. على دولة مصر التحرك لأخذ حقها من هذا الأمريكي، هذا ينقض تخرصات الباشبزق الاستعماري المصري حول أن خط 22 يفصل بين حدود دولتي السودان ومصر. على دولة السودان تأكيد مطالبتها المستحقة على مثلث حلايب وشلاتين وعدم التدخل في أي خلاف بين دولة مصر ومواطن أمريكي. أي تصرفات سودانية غير مدروسة في هذا الأمر قد تؤدي إلى إدخال أمريكا كطرف ثالث لصالح مصر، مطلوب تصريح من جهة مسئولة داخل السودان للبت في موقف الدولة السودانية من هذا المر، فإذا عجزت حكومة الاستبداد والفساد عن اتخاذ موقف وطني مشرف، فعلى القوى السياسية السودانية ومنظمات المجتمع المدني السوداني وأفراد الشعب االسوداني اثبات موقفهم من هذا الأمر، فالتاريخ لا يرحم، وما تحسبه لعبا قد ينقلب إلى أمر جدي... ولات ساعة مندم


ردود على علاء الدين أبومدين
[المندهش] 07-15-2014 05:49 PM
يا راجل كل المسأله بين الرجل وابتنه انت اخدت الموضوع جد ..كل ما يمكن الاستفاده منه من القصه ان هنالك اباء يحبون ابنائهم حبا عظيما ومستعدون لفعل اى شئ لاسعادهم ولو كنا امه متحضره نفهم مثل هذه الاشياء الراقيه لساعدناه فى تحقيق حلم ابنته باستصدار قرار جمهورى بتعيين هذه الطفله الاموره اميره على هذه الصحراء الجرداء لمة ساعه ثم يصبح بعد ذلك خبرا طريفا تتناقله وسائل الاعلام العالميه بدلا من اخبار قتل الاطفال ولكن مين يفهم


#1058569 [lمبارك]
5.00/5 (7 صوت)

07-15-2014 03:49 PM
شوفو ليهو غسان بتاع مكتب الوالي يظبط ليهو اوراقوا


#1058539 [عزالدين الشريف]
0.00/5 (0 صوت)

07-15-2014 02:55 PM
يا اخوانا الامريكي ده نصيح؟ معقول ما لقا ارض في 51 ولاية الامريكية ده؟ ولا لقا في كل امريكا الشمالية وامريكا الجنوبية دي ارض؟ بقينا بالهملة ده لمن كل زول داير يجي سوي لويداتو مملكة في ارضنا؟ عجيبة!


#1058519 [Brins]
0.00/5 (0 صوت)

07-15-2014 02:30 PM
مبرووك الاميره ايميلي المملكه الجديده في ارض السودان الذي اصبحت اراضيه مستباحه وتباع بالمجان مبروووك


ردود على Brins
United States [الله يلزمنا الصبر] 07-15-2014 06:55 PM
الفايق يهمز امه


#1058510 [الشفت]
0.00/5 (0 صوت)

07-15-2014 02:21 PM
انا يا جماعة مع صاحب الجلالة الملك المفده جيرما انا لي 15 سنة غربة ساكن ومولود في الخرطوم يادوب قدرت اشتري لي قطعة ارض بالقرب من جبل المندرة يعني في سقط لقط لحدي ما تقوم القيامة تقوم عشان كده انا مع جلالته لو مملكته قامت بطلب منو قطعة مميزة في وسط عاصمة مملكة جلالته


#1058475 [حزينة]
0.00/5 (0 صوت)

07-15-2014 01:46 PM
الاقتنع بكلام جون يرفع يده-الراجل دا ما ساهل وعلم شنو البترفعه دي ارض ابوك ولا جدك\\ انا كمان بتي عايزة تصور- بس صورة- امام السفارة الامريكية، نحاول انا وبتي وحا تشوفونا في الفضائيات


#1058413 [موسى محمد]
0.00/5 (0 صوت)

07-15-2014 12:39 PM
يا ريت لو جاء وبقى ملك على كل السودان، على الأقل نضمن شر أمريكا.


#1058392 [صابر]
3.50/5 (3 صوت)

07-15-2014 12:21 PM
ديل امريكان يعني مافي لعب ومافي هزار وبكرة ببقى جد ..يجب على حكومة السودان ان تحدد موقفها رسميا من المنطقة التي ذكر بانها ليست مملوكة لأحد لأن هناك مايسمى بحق الاعلان ووضع اليد .


#1058377 [حمدان فاروق]
5.00/5 (1 صوت)

07-15-2014 12:05 PM
كيف بدات اسرائيل ؟


#1058372 [bullet ant]
0.00/5 (0 صوت)

07-15-2014 11:58 AM
هاها الراجل بضحك على هبل الكل


#1058366 [سبف الدين الجهادي]
0.00/5 (0 صوت)

07-15-2014 11:54 AM
والله هذه فوضي في كل الكرة اﻻرضية ما لقى اﻻ هذه البقعة . عشان تعرفوا اﻻمريكان ابالسة و يعرفوا الكرة اﻻرضية متر متر . فكان من اﻻولى اي حلفاوى يعلن نفسه ملك و بنته الحلفاوية اميرة احق من هذه الخواجة و ابوها بس انتبه يا الملك الحلفاوى من قوات الدعم السريع التى تصلك في نفس يوم اعﻻنك ملك على هذه اﻻرض .


ردود على سبف الدين الجهادي
Saudi Arabia [nagid] 07-15-2014 02:01 PM
كان الامريكان يعرفوا الارض متر متر كما تتوهمكان ما احتسنا في الطائرة الماليزية


#1058355 [Nato man]
0.00/5 (0 صوت)

07-15-2014 11:43 AM
والله دي بسيطة مع الظروف المار بينا دي ممكن تتوقع الواحد يجيك يقول ليقك انو السودان دا هويتة شنو تقيف لمبا يشيل منك الخرطوم بعد داك امسكو الخشب....


#1058303 [فنجال السم]
5.00/5 (1 صوت)

07-15-2014 11:06 AM
خذ بيدنا يا ايتها الملك العظيم وابنتك الاميره من ظلم الاخوان المسلمين في مصر والسودان انا متاكد بانك لا تبيعنا كذبا وتدليسا. خذنا الي هذه البقعهة المباركه عسانا نعيش حياة تنسينا بؤس العيش تحت حكم الاخوان المسلمين الدموي الفاسد الذي يسمونه (المشروع الحضاري) خذنا الي تلك الجنة الجديده واخرجنا من جحيم الاخوان المسلمين المسمي السودان. لا تتركينا ايتها الاميرة الصغيرة الي نباح الكلاب الاخوانيه الذي ينيط القلوب. ندعوكم باسم الانسانيه وباسمي ايات الاخاء فيها الا تتركونا ضيعة يتبول عليها الاخوان المجرمون الفسده السارقون القتله الذين صادروا البسمه من افواه صغارنا الذين يقتلوننا في اليوم الف مره.خذي بيدنا ايتها الاميرة الصغيرة النبيله.


#1058267 [حبشي]
3.00/5 (3 صوت)

07-15-2014 10:23 AM
الموضوع كالاتي
اذا اعتبرت هذه الارض اراضي سودانية هذا يعني ان حلايب مصرية ، واذا اعتبرت اراضي مصرية فان حلايب سودانية . اذا طالبته الحكومة السودانية بالرحيل هذا يعني اعترافها بحلايب كارض مصرية وقد تاخذها مصر كقرينة عند اللجوء للتحكيم ، والعكس صحيح بالنسبة لمصر .


ردود على حبشي
Netherlands [atif] 07-15-2014 05:37 PM
كدا من حظ الكاوبوي لو الدولتين عملو رايحين .

Saudi Arabia [ابو الكل] 07-15-2014 02:09 PM
كلامك منطقى . المنطقة تتبع للحدود المصرية .


#1058242 [ابوكرتونة]
0.00/5 (0 صوت)

07-15-2014 10:00 AM
بعد شوية تصبح مملكة في منتصف بلاد العرب زي اسرائيل


#1058237 [آمال]
0.00/5 (0 صوت)

07-15-2014 09:54 AM
سبحان الله كمان للدرجة دي


#1058206 [ألمتشائل]
0.00/5 (0 صوت)

07-15-2014 08:30 AM
يا سادة لو ما عارفين أصل الحكاية قوقلوا الشغلانة قبل ما تحكموا..


#1058205 [ودشندي]
0.00/5 (0 صوت)

07-15-2014 08:30 AM
الله يكون في عون الشعب السوداني وارض الوطن


#1058184 [بت البلد]
0.00/5 (0 صوت)

07-15-2014 05:41 AM
هههه المال السايب يعلم السرقة... ومنو القال ليكم نحن أطفالنا ما عندهم أحلام وطموحات بس هم ساكتين لأنهم عارفين مافي زول بسمع كلامن ويحقق أحلامن ...


#1058168 [نص صديري]
5.00/5 (2 صوت)

07-15-2014 04:18 AM
قصة بئر طويل تعتبر رائعة من روائع الادب الامريكي عند نشرها كقصة خيالية في الثمانينات ثم اضحت بعد دخول الانترنت مثار للخيال والسخرية وبعد قضية حلايب عاد تداولها مجددا
والقصة تحمل ملامح واقعية حول علاقات العبابدة والشكرية اولاد كاهل وفروعهم بين السودان ومصر.

ويبدوا ان الامريكي او المتمركن هذا وجدها مدخل للسخرية البريئة

يؤسفني من مطالعتي لموقع سودانيزاون لاين والان الراكوبة ان يتضح لنا ندى الجهل لما يسمى بفاكي الخط السودانيين فهم ليس فقط ليس ملمين بهذه القصة الشهيرة والتي تجدها في عدة مواقع متداولة بل الادهى انهم لايعرفون حدود وطنهم وحتى قصة ضمها لمصر

اختشوا فضحتونا ما الفرق بينكم ودراويش الحكومة؟ لن استغرب ان تنط صحافتنا الضحلة وتنقل الموضوع


ردود على نص صديري
United Kingdom [نص صديري] 07-16-2014 01:08 AM
الاخ فاروق بشير هنالك اربعة اتفاقيات حول حدود مصر ، انفاقية 1889 لاعلاقة للسودان بها وهي بين انجلترا وتركيا حول المناطق التي ستدار شراكة بينهم والمناطق التي ستديرها تركيا(مصر) .
في عام 1953 رفع السودان شكوى في مجلس الامن لاجبار مصر القبول باستقلاله واخطأ السياسيين وقتها في عدم المطالبة بعودة كل الاراضي السودانية بما فيها اسوان شمالا حسب الحدود المعلنة من قبل الاتراك نفسهم في اتفاقية 1846 بين الحلفاء وتركيا ، لكن بكرم السودانيين الغبي المعروف من اجل نيل الاستقلال لم يواصلوا شكوتهم في مجلس الامن اما حدود 1902 الادارية هي كذلك جاءت من قبل ممثل اقليم حلفاء وان وافقت مصر بها ستقدم للسودان شمالا باتجاه ليبيا كل الواحات المصرية.
كل مشكلة حلايب تتمثل في قبيلتي الرشايدة والعبابدة بشقيهم المصري والسوداني وسيعود لهم الرآي الاخير حسب اي قانون دولي مثل ابيي اما ان يختاروا السودان او مصر لذلك تسعى مصر لتمصيرهم من الان قبل القبول بالتفاوض وده رايح على الهبل بتاعننا.
بئر طويل ضمت الى مصر لان الرشايدة مالكيها مصريين من رشايدة مصر وكانت مثار خلافات قبلية بينهم ولاعلاقة لها بالسودان حتى عندما كانت حدوده شمالا كورسكو
هنالك عمليات تنقيب تجري الان في المنطقة اعتقد ان المصريين يريدون اثارة الحدود لقضايا اخرى
اما قصة الامريكي هذا فهي نوع من الدعابة الصحفية لا اكثر

France [فاروق بشير] 07-15-2014 01:34 PM
وجدت مزيد معلومات نص صديرى .
بالنسبة للسودان لو هو قبل بيرطويل سيقر بحلايب مصرية.
(بحدود عام 1899 السياسية المتماسة مع خط عرض 22° شمالا و هو ما يضع مثلث حلايب داخل الحدود المصرية و يضع بير طويل داخل الحدود السودانية، بينما تطالب السودان باتفاقية الحدود الإدارية لعام 1902 و هو ما يضع مثلث حلايب داخل الحدود السودانية و يضع بير طويل داخل الحدود المصرية.)

France [فاروق بشير] 07-15-2014 09:31 AM
نص صديرى انا من الجهلة واطلب منك المزيد كلامك مختصر جدا, غير كافى.
اقول لك ملاحظة : الخط المستقيم من حلفا يمضى شرقا, يرتفع فى النهاية ليضيف حلايب للسودان لكنه ينخفض قبل ذلك ليعطى مساحة لمصر. وهي المساحة التى فهمنا الان انها بير طويل.
الان لدينا خط مستقيم حتى النهاية البحر الاحمر, به فقدنا حلايب. تركز الكلام على فقدان حلايب ولم نسمع شيئا عن اضافة بير طويل للسودان, طبعا فى الخرط. انظر مثلا الخرطة التى تعرضها بي بي سي العربية حين تعرض خبرا عن السودان.
فى الواقع ان عدم احتفاء السودان واعلامه بهذه المنطقة يرجح ان وصفها بانها هاملة وصف صحيح . منسية هي مهملة من جانب السودان.بالنسبة لمصر استقامة الخط حجة لضم حلايب, فلابد لهم اذن من الاستغناء عن بير طويل. وهذا بعيدا عن القصة الادبية. يلزم طرحه منفردا.


#1058165 [ود الباشا]
5.00/5 (1 صوت)

07-15-2014 04:08 AM
تانى فى همله اكتر من كده


#1058158 [ود كوستي]
0.00/5 (0 صوت)

07-15-2014 03:33 AM
دي قوية والله عمك دا جااادي كمان دي عوجة والله ليه حق لكن عرف ينقي بصحيح اصلآ السودان دي الزريبة آي حيوان ممكن يخش فيها ويقعد في المكان البريحو هههههه وكمان قال اكلم المصريين والسودانيين عشان يعترفوا بمملكتي(عليك الله دي م مهذلة دي)


#1058153 [RBG]
5.00/5 (1 صوت)

07-15-2014 03:09 AM
صهيوني نتن,,, تلك هي مخططات بني صهيون, لكن منو العينو حمراء عشان يشوفوها


#1058148 [الفنجري]
5.00/5 (1 صوت)

07-15-2014 02:49 AM
هسة مصطفي ينط لينا ويقول دا استثمار أمريكي


#1058145 [جاويش]
5.00/5 (3 صوت)

07-15-2014 02:44 AM
دا عمل مخابراتي كبير.... أكيد وراهو قوه كبيرة عايزا ليها موطئ قدم بين السودان ومصر للتحكم في شيئ ما غالباً ما يكون مياه النيل والله أغلم .... بكره حتجي امريكا عشان تحمي مواطنها في مملكته الجديده وربما توقع معه إتفاقية دفاع مشترك ويعقب ذلك إنشاء قواعد أمريكية وعينكم ما شافت الشمس تاني... هو مين القال ليهو هذه المنطقة ليست تابعة للسودان او مصر أكيد الموضوع كبير ويجب أن يؤخذ بعين الإعتبار ودمت في حفظ الله يا وطن.

كسره
هو صحيح منطقة (بير طويل) دي ما ليها سيد


ردود على جاويش
[bent alnil] 07-15-2014 09:59 PM
فعلا في معلومة بتقول بير طويل ما ليها سيد و الأمريكي دق علمه جادي و ذكر في الخبر أن الحكومه المصرية و السودانية لم تعلق على هذا الأمر و الأمريكي اختار هذه البقعة تحديدا لأنها أرض لا سيادة عليها و ذكر أنه سيلجأ للاتحاد الإفريقي ليساعده في امتلاك هذه الأرض و هو واثق أنه سينجح .... خلاصة الأمر أن الحكاية ليست مجرد لعبة الملك و الأمير من يدري ماذا يحمل الغد لبيرطويل ...

France [فاروق بشير] 07-15-2014 05:49 PM
جاويش. ايوه ما ليها سيد .حقيقةوماك طالبنى حليفة:
لو اخدها السودان فقد حلايب ولو اخدتها مصر برضو فقدت حلايب.حكاية تحير الغنماية بس شوف عاين الخرطة وتظهر لك المشكلة واضحة جدا.
لكن عمك ما حيكسب هو برضو خدع بنته.قول لي كيف؟
لان بعد التحكيم فى قضية حلايب اما تجاز حدود1899 او تجاز حدود 1902 فى حدود 99 تتبع السودان اما حدود 02فتتبع مصر. وبرضو من ياخدها هو من يفقد حلايب.
الا لو فى قانون يملك الرجل بوضع اليد.نحيا ونشوف.


#1058144 [على دينار]
5.00/5 (1 صوت)

07-15-2014 02:33 AM
الف مبروك


#1058142 [كردفاني]
3.00/5 (2 صوت)

07-15-2014 02:32 AM
انظروا كيف يتم تربيه الابناء بتحقيق المستحيل ليست الرؤيه في المساحه الجرداء او هو احتلال كما تزعمون حيث انه في مقاله يقول لقد تحري من ان المساحه الحدوديه لاتشكل انتهاك لكرامه دول وقبل ان نجهز جيوشنالجيش الاميرة الصغيره عليكم بتحرير حلايب هي اولي


#1058140 [عجيب]
3.50/5 (2 صوت)

07-15-2014 02:29 AM
اياهو الفضل
زمن بداية الاستعمار كان بسموها (أرض بغير مالك) (no man's land)
لكن كان تختصر الموضوع وتمشي مكتب البيع الرئيسي في الخرطوم
بس أكيد الخواجة ماقايل البيع مسموح ولجأ لطرق الاستعمار القديمة


#1058137 [احمد البشير]
5.00/5 (1 صوت)

07-15-2014 02:22 AM
انا جاهز انفس الحلم اعرس الملكه


#1058105 [أبوبسملة]
5.00/5 (1 صوت)

07-15-2014 01:12 AM
ناس ناس الانقاذ ماعندنا اى مانع بس تدفع


#1058100 [ابوالقاسم]
5.00/5 (1 صوت)

07-15-2014 01:03 AM
هي ارض بور وماعندها سيد
اسع نحن في بلدنا ما عندنا تملك للبيت القعدين فيهو( عقد إيجار)
قانون الأراضي الزفت دا


#1058084 [حلفاوي السوداني]
4.00/5 (3 صوت)

07-15-2014 12:29 AM
اشك في ان تقبل الحكومة المصرية طلب جيرمي وابنته .... الا في حالة عودة ( الشرعية) واعادة تنصيب الشيخ ( محمد مرسي ) مرة اخرى رئيسا ...وارسال المشير السيسي للسجن حبيسا ....


لكن اجزم موقنا بان حكومتنا الرشيدة تتمنى ولو اشارة من السيد/ جيرمي والاميرة الصغيرة ...لان مفردات الكرامة وتراب الوطن والتضحية ووحدة التراب تتلاشى اما (حزمة واحدة من الدولارات ) ....


#1058085 [محمد نبيل]
4.50/5 (5 صوت)

07-15-2014 12:29 AM
منطقة بير طويل لا يريد السودان الاعتراف بتبعيتها له طمعا فى حلايب المصرية وهاهو يفقدها فى سبيل هذا الطمع.


ردود على محمد نبيل
Saudi Arabia [حلايب سودانية] 07-15-2014 07:27 PM
حلايب سودانية

Saudi Arabia [حلايب سودانية] 07-15-2014 04:16 PM
حلايب سودانية


#1058075 [طارق الباز]
5.00/5 (6 صوت)

07-15-2014 12:00 AM
عليك الله لو عندك بت تانية تعال دق ليها علم فى ميدان ابوجنزير وشوف كان فى زول سألك. بلد هاملة


ردود على طارق الباز
United Arab Emirates [محموم جدا] 07-15-2014 11:21 AM
الله يجازيك خيرا يا طارق اضحكتني حتى اغرورقت عيناي ما تساله لو عنده بت تالتة يجي يدق لها علم في توتي مقابل القصر الجمهوري و شوف منو البسالو


#1058070 [سودانى]
4.88/5 (6 صوت)

07-14-2014 11:41 PM
صاحب الجلاله هيتون وسمو الاميره ايميلى اصاله عن نفسى ونيابة عن الشعب السودانى الفضل نرحب بكما ونعلن اعترافنا بمملكتكم ونؤكد لكما اننا لن نكرر الخطا الذى ارتكبه الاباء بالمطالبه بالاستقلال بعد ما تاكد لنا انه اسغلال نسال الله ان يحفظ جلالتكم وان تزدهرالمنطقه المحظوظه التى قمتم باختيارها ودمتم. ملحوظة:ارجو من جلالتكم النظر بعين العطف لطلب اللجوء السياسى الذى سوف اتقدم به. سودانى


#1058065 [amir]
5.00/5 (2 صوت)

07-14-2014 11:32 PM
لا استبعد ان يأتي يوم ويتم الاعتراف رسميا بمملكة شمال السودان في سبيل تطبيع العلاقات مع الولايات المتحدة ورفع العقوبات وامر المحكمة الجنائية لذلك خوفا على لساني فلن اطوله عليك وعلى الاميرة ابنتك فقد اصبحنا ملطشة لليسوى والما يسوى وتاريخيا فرطنا في ثلث بلادنا بدون دمعة واحدة وجيراننا اعتدوا واقتطعوا من اراضينا بدون كلمة ادانه واحدة ويمكنكما جلالة الملك وصاحبة السمو الاميرة ابنتك ان تحضرا الى الخرطوم وتستلما القصر الجمهوري وبدلا عن تلك الصحراء القاحلة يمكنكما التمتع بجمال النيلين ومساعدة السكان المحليين وتحقيق حلم سمو الاميرة ابنتك وبحكم عملي كبيطري يشرفنى ان اعمل سايس لخيول سمو الاميرة ايميلي.


#1058061 [قرضمة]
5.00/5 (5 صوت)

07-14-2014 11:24 PM
عينيني يا جلالة الملكة وزيرا للمالية عشان اوريكي التحلل الما بتعرفيهو


#1058059 [ممغوص من الإنقاذ]
5.00/5 (9 صوت)

07-14-2014 11:22 PM
نهنئ صاحب الجلالة الملك جيرميا هيتون أطال الله في عمره وأبقاه وصاحبة العصمة الأميره ايميلي حفظها الله ورعاها بإعلان مملكتهم الجديدة التي نتمنى لها دوام التقدم والإزدهار ونود أن نلفت إنتباههم بأن إلى الجنوب من مملكتهم تقع مملكة المشروع الحضاري وعلى رأسها الملك العادل عمر بن حسن بن أحمد أل البشير وعليه نرجو من جلالة الملك جيرميا أن يحضر معه كمية كبيرة من الدولارات الأمريكية لدفع الجزية للمك عمر وأن يكون مستعداً لتزويج إبنته الأميره إيميلي من إبن الأمير محمد حمدان دقول الشهير بحميدتي وإلا فإن مملكة المشروع الحضاري سترسل له جيوش لا قبل لهم بها وسيتم تحرير المنطقة خلال خمسة أشهر ويقوم الملك العادل بصلاة الجمعة فيها


#1058051 [جاكس]
4.97/5 (10 صوت)

07-14-2014 11:13 PM
حتى أنت يا هيتون ويا إميلي؟
أما كفانااحتلال حلايب والفشقة؟


#1058048 [مالك الحزين جدا جدا]
5.00/5 (3 صوت)

07-14-2014 11:06 PM
خلاصالمصريين حينطوا فيها طلاما ماعندها سيد ,, ولاأمكن السماسره بتاعننا يبيعوها


#1058046 [جنوبي]
5.00/5 (10 صوت)

07-14-2014 11:04 PM
الليلة ضحِك وبكره ببقي لينا جد
هسي دي بكره تكبر وتجيب جيش وتجينا شان تحرر مملكتا !!
اراضينا بقوا يلعّبوا بيها شفعهم كمان !!


ردود على جنوبي
Sudan [نونا] 07-15-2014 09:37 AM
واختتم "جيريمى" حديثه قائلاً: سواء نجحت فى مسعاى لنيل الاعتراف بالمملكة الجديدة أو لا، فإننى أريد ان يعلم أبنائى أننى سأفعل أى شىء من أجلهم.) و انا ذاتي حتعمل لي أولادي و من بكره حامضي اخت لي كرسي جنب ابو طويل دي مع ابو الوليدات و الوليدات يمكن بكرا يكون في نسب و نطلع بالجواز الامريكي !!!! لكن الخوف يا جنوبي بي حظنا دا وليداتي اليدوها الجواز السوداني ،. الكترابة هههههههه


#1058035 [ود بلد]
5.00/5 (5 صوت)

07-14-2014 10:41 PM
هنيـــــئاً لك وإبنتك بالمملكة الجديدة ،،، وياريت تمتد مملكتك جنوبا حتى نوملي ...


#1058030 [bent alnil]
5.00/5 (3 صوت)

07-14-2014 10:35 PM
الراجل فيما هم يتنازعون أهي سودانية أم مصرية رفع علمه و اتخذها مملكة و لكنه أمين نسبها و سماها مملكة شمال السودان و إلى أن تحسم النزاعات في كل شبر ضمته جارة لحدودها سيصبح السودان أرض الأحلام لكل من يريد أن يحقق حلمه و ينتزع اميالا الراجل حسم الموضوع لا شرقية و لا غربية بقت مملكة ايميلي الشمالية السودانية الأميركية مبروكة عليهم و انا من بكرة بشوف لي علم ههههه


#1058028 [ككك]
5.00/5 (1 صوت)

07-14-2014 10:33 PM
موطى قدم


#1058026 [انا ليهم بقول سلام]
5.00/5 (1 صوت)

07-14-2014 10:31 PM
الراجل عرف يختار كويس عرف انو الجماعة هنا شغالين بيع تقيل عادي يا بتنا بس ما تفوتي الانقاذ تكوني اميرة وامير الشيخ ذاتو .


#1058019 [أبو زهانه.]
4.00/5 (3 صوت)

07-14-2014 10:24 PM
إن شاء الله وببركة هذه الأيام
أمريكا تستعمر السودان إلي الأبد آمييييين يارب.


ردود على أبو زهانه.
Belgium [لتسألن] 07-15-2014 03:31 AM
السيد أبو زهانة، يحب الذل الإهانة.


#1058018 [أبوالكجص]
2.00/5 (3 صوت)

07-14-2014 10:24 PM
عالم مليء بالمجانين. هل هي أرض أبوه لكي يقيم عليها مملكة. واعجباه!


#1058012 [كومبارس]
4.97/5 (6 صوت)

07-14-2014 10:14 PM
يا أخونا قراءت الخبر في الشروق نت ، فكتبت تعليق عبارة عن تهنئه مفادها ، الف مبروك للاميرة الامورة ولابوها الملك وعقبال مايمتد ملكك لحدي ابيي عاش عاش ملكنا ، فلم ينشر !!!و مع إني لم أذكر أحد بسؤ وهنا ازيد له عقبال مايمتد ملكك لحدي اويل،


#1058007 [Amjed]
2.25/5 (5 صوت)

07-14-2014 10:07 PM
تباً لكم ايها اليهود (هذه فتنة جديده) نسأل الله الستر وان تحفظ بلادنا من الفتن ما ظهر منها وما بطن


ردود على Amjed
Sudan [ابرة ودّر] 07-15-2014 12:38 AM
طوالى يهود وفتنة ونسال الله يا طرور , الراجل قال ليك الواطه لقى ما عندها سيد بدل تقول ليهو لا عندها سيد طوالى خشيت يهود وامريكان وقرعان وفتن ما ظهر منها وما بطن يا عوقة , والله التخلف بتاعكم دا ما تخلوه يمين بالله لباسك ما تلقاه , ولحدى الوكت داك خليك متابع لى المعتوه بتاع البرلمان داك الماعندو شغلة غير ديك طلعت وديك رقصت واسيادك الترابى والصادق والميرغنى . بلا يخمك


#1058006 [مندكورو]
5.00/5 (2 صوت)

07-14-2014 10:05 PM
طيب تعال شيل حلايب بي ادروباتها


ردود على مندكورو
Sudan [مندكورو] 07-16-2014 09:39 AM
بصراحة انت راجل سخيف وماعندك ذوق... لماذا تصر علي لقبي هذا (مندكورو)؟!!! وانت بهذه السذاجة والسطحية؟ ساترك لك الاسم منذ اليوم وحلايب لن نتركها والبجا اهلنا يا... اللهم اني صائم.

Sudan [ابو اوميت] 07-15-2014 08:53 AM
يا مندكرو انت اصلا جلابي وحاقد علي اهل الشرق نحنا زاتنا دايرين ننفصل ونكون مملكة الادروبات ونرتاح من قرررف اسمو الشماليين والجلابة


#1058005 [المتغرب الأبدي]
5.00/5 (5 صوت)

07-14-2014 10:03 PM
حلم بسيط وممكن تحقيقه ..
كلم عمر البشير ، ممكن يبيعها ليك .. بس الدفع بالدولار أبو صلعة ..


#1058003 [Almo3lim]
5.00/5 (6 صوت)

07-14-2014 09:58 PM
علي النعمة أنت رايق و (أصلي) ..

لبيت طلب إبنتك الصغيرة و تجتهد أن تملك لها أرضا تكون مملكة رسمية و نحن أتخن تخين فينا ما قادر يقول البغلة في الإبريق تجاه (متطلبات) أسرته في بلد إسمه (السودان) ..!!!

لازال تقديرنا لذواتنا منخفض و لا زلنا نرى بأحقيتنا في كل شيء لكن للأسف ليس عبر الإجتهاد لكن عبر (تكسير مقاديف بعضنا البعض) ليزداد الجهل جهلا في كل يوم كما قال النابغة اللمبي ..

ليت مثل هذه الأحداث تضيف شيئا لفكرنا ...


#1058002 [عثمان بابكر الطيب سعد]
4.25/5 (5 صوت)

07-14-2014 09:53 PM
والله سبحان الله يا امريكي يا **** يعني بقت ماعندنا قيمة لدرجة بقينا تحت امال وطموحات اطفالكم والله وعد مني ليك اسمع بيك سمع جيت السودان الا يكون اخر يوم في حياتك والله مرارتي اتفقعت و
من القريتو دة لو كان حق اخخخخخخخ يا نحنا من البقينا فيها


#1057988 [عزة]
4.25/5 (3 صوت)

07-14-2014 09:19 PM
ناس شبعانه



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية
تقييم
7.88/10 (5 صوت)




الرئيسة |المقالات |الأخبار |الصور |الفيديو |الصوتيات |راسلنا | للأعلى


المشاركات والآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة